|
دعواتكم لزميلنا المفكر د.الباقر العفيف بالشفاء العاجل
|
|
 Re: (( وردي بالعود )) رمضانيّات ( وردة صبيّة ) (Re: لؤى)
|
وردة صَبِيَّة
سِلِمْتَ .. سِلِمْتَ
خايف كُنت ما يسلم قلب مفصود
حِلِمْتَ .. حِلِمْتَ
قبلِك كُنت لا بحلم ولا موجود
معاك بحلم
كأنّي على فرس طائر
بغنّي على وتر مشدود
وأطير عبر السّماء الـممدود
سـماء الوطن اللي مالي حدود
حـمامة جناها لا خايف
ولا مفقود
*****
وأشُر الغيمة خيمة على النّجم
وأرتاح
وأصادف أجمل الغابات
وأصادق غُصنِك الفوّاح
وأشرّد من زوايا القلب جنبِك
آخر الأشباح
وتفتح كلمة من عينيكِ لي
مجرى الغُنا الـمسدود
*****
وأخُت إسـمِك
على باب الزّمان إكليل
وردة صبيّة
تلمع فوق صديري النّيل
وبإسـمك أغنّي وأغنّي
أغنّي لعالم بسيط وجـميل
وأحبّك .. وأحبّك
أحبّك لا قدر مكتوب
ولا دمعاً سقى المنديل
وأنادي عليك
ملاذاً من شتاء الأيّام
وبرداً في الحياة وسلام
وفي شدّة هجير وزحام
جزيرة حِنَيْنَة بين نهرين حُنَان
ألقاك عليك أتلم
وهودج في صحاري الـهم
وعالي نـخيل عليك يتلم
وأنادي عليك
في كلّ السلالـم ليك
وفي السكّة اللي ما بتعود
معاك أنا معاك
معاك لآخر الـمشوار
نغنّي على وتر مشدود
.
| |
 
|
|
|
|
|
|
|
 Re: (( وردي بالعود )) رمضانيّات ( وردة صبيّة ) (Re: nazar hussien)
|
Quote:
الصديق الجميل لؤي...
ياخ سلمت انت دا...لكل هذه الروائع...
ورمضانك كريم...وتحياتنا للمدام...
تعرف انا شغال اسمع...واسمع..واعيد...
وخايف من اوقف السمع بي نوع تعليقي
دا....وكسلان افتح طاقة تانية من سودانيز اونلاين...
|
نزار العزيز
سلامات
ورمضان كريم
كيفك وكيف العيال والدّكتورة ؟
عارفك فنّان
تابع عوديّات رمضان دا
تحاياي
| |
|
|
|
|
|
|
|
|
 Re: (( وردي بالعود )) رمضانيّات ( وردة صبيّة ) (Re: فيصل محمد خليل)
|
Quote:
لؤي
ياخي كم مرة قتا ليك جيب لينا
يا زينب كنتي وين .ياخي ما تعمل فيها غمران
مودتي
|
يا فيصل
صباح الخير
إنت قايل أيّ شيء بيتنشر كدا ساااااااي ؟ 
عارف ؟
في تسجيلات مسجّلها أنا بيدّي من طفولتي وصباي
كنت بكون قاعد في البيت في الكلاكلة
وهو بيشيل العود يغنّي ويلحّن
وأنا بسجّل
سِمع هو الحاجات دي قبل فترة منّي
وما صدّق إنّها إتغنّت أصلاً
فصبراً
حاتسمع حاجات نادرة وغير مسموعة بالمرّة
مودّتي
| |
|
|
|
|
|
|
| |
لؤى
عمران حسن صالح
احمد محمد بشير
khaleel
هاشم أحمد خلف الله
Al-Shaygi
فيصل محمد خليل
nazar hussien
أسامه الكرور
باسط المكي
فيس بوك
تويتر
انستقرام
يوتيوب
بنتيريست