|
|
|
 Re: هلالنا صعب كاساتو دهب والمريخ فصيح أكل الفسيخ (Re: soma)
|
سومـــا والله كان عارف الغلب بزعل حماده حبيب الشعب كان حنست ناس الهلال يتغلبو ليهم..
كيفكم بالله وكيف ودالسني أقصد إبن بطوطة وكولمبس وماجلان... أسمعي أوعا يكون مؤيد بقا يحبو أكتر مني قولي ليهو أنا بجيب ليك طيارة ميراج.
يامحمد سوما أكيد عندها فسيخ مجمد في التلاجه إتعشا بيهو وما تنسي تجيب الزير معاك السرير..
تسلمو يا أحبابنا ومشتاق ليكم كلكم
| |
 
|
|
|
|
|
|
|
|
Re: هلالنا صعب كاساتو دهب والمريخ فصيح أكل الفسيخ (Re: توما)
|
ماجد الحنين .. الشوق نيلين ..
طبعا انت عارف مصطفى السنى كيف كاواى لوووووووول .. مع انه ما شغال بالكوره كتير ..
لكن عجبو غلب صاحبك حماده.. طبعا عاقبونا وحرمونا من السهره بتاعة التلفزيون لووووووووووووووووووووووووووووول .. والله كان يوم امس افتقدناك كتير .. بعدين فسيخ شنو ؟ هو اتعشى زاتو .لما ياكل فسيخ ولا عنكوليب ؟ لووووووووووول ..
اما مؤيد ده مكانك ما بخت فيها زول تب..
والله يا ماجد لو مصطفى شاكلوا بقول ليه بكلم ليك عمو ماجد .. عشان كد ارقد قفا .
اما ابن بطوطه .. حفلاته شغاله تمام الحمد لله .. وشكلوا كده حا يركلس فى الخليج لغاية ما بردكم العجيب داك يودع .. طبعا جاء فى نهاية رمضان .. وعنده جوله فى الخليج .. بالاضافه لى وجوده هنا .. حا يزور باذن اله الامارات وقطر والبحرين ..
نتمنى ليه النجاح الزول الحنين ده .. ربى يوفقه .. دعواتك يا قريبنا .. وما تنسا توصى الوالد الحنين ..
تخريمه ... توما الشوق محكر فى الدواخل يمه .. اريتك طيبه
عجبتك راكوبة ماجد الوقعت دى ؟ لووول
| |
|
|
|
|
|
|
|
|
|
Re: هلالنا صعب كاساتو دهب والمريخ فصيح أكل الفسيخ (Re: توما)
|
ياتوما العزيزة
عجبتك الركوبة المريخية الوقعت دي مش كده ماتفرحي كتير أسي بجو المريخاب يقولو ليك دي ماراكوبة دي ريدكاسل وفايبرقلاس وخستكات بتاعت صهاينة مستجدين
تعرفي يا توما الهلالاب زمان بقولو إنو إستاد المريخ ده في الأساس كان حوش بقر وفي مقولة أخري حفرة دخان لكن دخان تراب عشان مستوى الأرض جوا الإستاد واطي شديد ولما الجماهير تزدحم خارج الإستاد الكترابة والعجاج يملا السما ومابتشوفي الجنبك
والله ياتوما بسأل من بدر السمح معاك والزول ده وحشنا ونتمني إنو يكون مية مية
علي فكرة حجزت ليك باقة فسيخ من المريخابية رجاء راجعي بريدك في الأيام الجاية ديي, طبعا ده لو ماقامت بيهو براها
تسلمي ياتوما وماتمشي بعيد
| |
|
|
|
|
|
|
|
|
|
Re: هلالنا صعب كاساتو دهب والمريخ فصيح أكل الفسيخ (Re: Raja)
|
يارجاء والله أنا بموت في الفسيخ
وعشان كده إتمنيناهو لي ناس المريخ عشان زعلانين مننا عشان نحن قاسين زعلناهم مرتين في اسبوع واحد
بالمناسبة جوعتينا ولو كتبت وصفتك دي تاني بتكوني قاصدة ترجعينا السودان او ماحايكون في حل غير ترسلي لينا فسيخ مزبط من كايرو
سلام نمي المطبخ ناكل لينا حاجه بعد التجويعة الزول مامتخيلا تجي من المنبر
شكرا لمرورك بطعم الفسيخ
| |
|
|
|
|
|
|
|
|
|
Re: هلالنا صعب كاساتو دهب والمريخ فصيح أكل الفسيخ (Re: عبدالماجد فرح يوسف)
|
توماااااااا الحنينه .. سلامك وصل ..
بت الجزيره يا حبيبه طولت منها زيك ..لكن ليك على اقوم اكوس ليك دربها الليله .. انا زاتى اشتقت ليها يعلم الله البنيه الفنجريه دى ..
اما شنا السمح بالحيل ..قاااااااااااعد يمه وضارب الخلا داك .. يكورك بى مزاااج لى غناه الجواه . ببلغو سلامك وسؤالك يا حنينه
التحايا ليك من تانى ..
***
رجاء انا زاتى جعت زيكم للفسيخ .. لكن انتو يا رجاء قاعدين فى بلد الفسيخ . البخليكم تشتاقوا ليه شنو ؟ ولا شنو يا ماجد ؟
تسلموا يا احبه والشوق تهانى ..
| |
|
|
|
|
|
|
|
|
 Re: هلالنا صعب كاساتو دهب والمريخ فصيح أكل الفسيخ (Re: soma)
|
الأعزاء سوما وماجد..
ســـلام..
طبعا هنا الفسيخ أشكال وألوان.. والغريبة ان المصريين بياكلوهو نيئ  .. وهي تجربة خضتها مرة واحدة في حياتي وقررت عدم تكرارها  ..
لكن وبما اننا سودانيين بنعرف كيف يؤكل الفسيخ.. وبنعمل منو شربات كمان  ..
حأرجع ليكم بوصفات عن الفسيخ..
آآآآخ.. ريقي جرا  ..
وده كلو بسبب مريخنا الحبيب.. ربنا يرفعو كمان وكمان..
توما والحبايب الفوق.. ســــــــــــــلام..
| |
|
|
|
|
|
|
|
|
|
Re: هلالنا صعب كاساتو دهب والمريخ فصيح أكل الفسيخ (Re: abas)
|
ياعباس سلام
إنت شكلك كده مريخابي وبتاع فسيخ وكمبلا كمان
نحن الهلالب ناس ستايل وجاتوهات وكافيارات (مع إنو الكافيار ده بيض الفسيخ) وسامبا وسيمفونيات
وموج أزرق
زي السما
لما خضابو يشيل في زرقة الموج
البيرقص في بحر
كحل حواجبو زي هلال
ودمت ياعباس
| |
|
|
|
|
|
|
|
|
|
Re: هلالنا صعب كاساتو دهب والمريخ فصيح أكل الفسيخ (Re: Raja)
|
يعني يا عبدالماجد بقتو تشمتو فينا، يحليل المريخ تتذكر لمن عمار خالد فى مبارة شهيرة شطب الريشة وكمال عباس وحسن الطيب وابراهيم سنار لو ما خانتنى الذاكرة، ومعليش البوست فيهو جكس، لكن أعتقد بتذكر لمن عمار خالد حاور ابراهيم سنار وشرط نكسو، وكان الهتاف المحبب لجماهير المريخ، " مالكون ومالوا ولو عمار شرط سروالو" عموما بوسط دمو خفيف بزكرنا با المساطب الشعبية ويا ريت نحكى ونتزكر القفشات الجميلة التى كان يتداولها رواد هذه المساطب.
الاخت رجاء العباسي شايفك مهتمة بأمر كرة القدم تعرفى فى امريكا بسموها "السوكر" و غالبية الذين يمارسون هذه الرياضة من النساء
وعندهم فريق اقوى من منتخبنا القومي.
سيف الدين جبريل
| |
|
|
|
|
|
|
|
|
|
Re: هلالنا صعب كاساتو دهب والمريخ فصيح أكل الفسيخ (Re: Saifeldin Gibreel)
|
الحبيب سيف
والله ضحكتني والله وكمان معاها قهقهة
علي فكرة أنا متذكر الحادثة دي وخليها كده بالجنبه
أسمع أنا هلالابي بالميلاد وأول مره أدخل كورة هلال مريخ كان عمري سبعة سنين والله اليوم داك المريخ عمل فينا عمائل, أكيد بتتذكرها غلبتونا 3 واحد زي السم. الكلام ده في منتصف السبعينات كده والمريخ بلعب ليهو سانتو وكمال عبدالوهاب وبشارة ومازدا والقون أعتقد الهادي سليم ياخي كمال عبدالوهاب ده أنا بتذكروا كان بعمل عمايل عجيبة رونالدنهو مايعملها ياخ ده بجرك في فنجان المهم , طبعا دخلنا الكوره من الساعة حداشر بصحبة والدي وكان سكرتير إتحاد كرة وعمي الهلالابي علي السكين لدرجة العقيدة وأخي الأكبر الذي كان يبكي ويرفس إذا ماهزم الهلال بضم الهاء, المهم قبل ماتبدا الكورة أستاد الخرطوم ده والله كان جميل وأخضضضضـار وبناكل فيهو آيسكريم لولي والناس قيافة ونضيفة وكمان والله النساء كان بيجو مع اقاربهم للكورة.. تعرف طبعا أنا كنت طفل صغيرون , قبل ماتبدا الكورة بي ساعة كده جاتني حما شديدة وعاينت في السماء وقلت لي عمي عمو الهلال السحب مغطياهو وأتذكر دياب إدريس سكرتير الهلال آنذاك وعمي قعدو يضحكو وماعارفيني أنا حسيت بالأقوان التلاتة قبل المباراة ماتبدا..
الهلال كان بلعب ليهو قاسم والضو والضب وقلة والريشة وحافظ عبيد والعملاق زغبير,,,
ناس المريخ كعادتهم جو داخلين فايرين في الملعب زي المجانين والهلالاب طبعا ناس رايقين وحلوين وهندسة وحتي تسخينتم برازيلية زي موسيقي موزارت وبيتهوفن...
أها أقول ليك حاجة أنا لسه هلالبي وبشدة لكن هنا طبعا بمشي أحضر كورة بالجد ودائما بتحسر لحال كورتنا الواقعة دي وبقول للناس التعصب للكورة في السودان ضراها أكتر من ساعدها وإنت شفت الإعلام الرياضي منتهي كيف وخاوي المضمون وعديم الهدف والمنهجية وبقا فيهو حقد والناس نسوا إنو في النهاية مريخ ولا هلال ولا مورده دي كلها فرق سودانية ومستواها منتهي عديل كده لوقارناها بالدول المجاورة زي مصر مثلا, عشان كده خليك معانا بالبوست عشان نغيظ بعد ياصهيوني ياحموري يابتاع الدافوري ولكن ليس أكثر من ذلك ونكون كرسنا لي تفاعل لطيف مع أحداث الكورة في بلدنا...
لك التحية مرتين في أسبوع ياشيكوزي إنت
| |
|
|
|
|
|
|
|
|
|
Re: هلالنا صعب كاساتو دهب والمريخ فصيح أكل الفسيخ (Re: Raja)
|
يارجاء أرحمينا نحن زاتو ريقنا جرا
لكن زي ماقالت سوما إنتو في كايرو مشتاقين للفسيخ يعني نحن نكون كيف؟
وبعدين مطلوب إرسال ثلاثة عبوءات بلاستيكية فسيخية فخمة واحدة لي توما واحدة لي سوما واحدة للعبد لله أما البصل والليمون والدكوه فأمرها هين بنقدر عليها
ولو عايزه تزوقي من الباقات دي أكتبي لينا الوصفات هنا
تسلمي رجاء
| |
|
|
|
|
|
|
|
|
|
Re: هلالنا صعب كاساتو دهب والمريخ فصيح أكل الفسيخ (Re: soma)
|
سومـأالميمونة
ياسوما والله مؤيد ياحليلو وحشني شديد جد جد وياريت أكلمو وأتونس معهو قريب في الماسنجر شهور طويلة ماسمعنا منو ولامنكم لكن الحمد لله إنكم تمام التمام وكمان حظكم صفصف (ده إسم دلعو في الجامعة زمان) معاكم والله مشتاق ليهو كتير
وياسوما إنت حمادة وصفصف عندكم مفاجأة مني قريب بس جهزوا شعوركم عشان أنا ماعندي شعور
وكمان أسعدنا كتير إنو بدر بخير وبدوبي في خلاهو
سوما وصفصف وحمادة ماتمشو من هنا وخلو مؤيد يكتب لي حاجة وقولو ليهو عمو ماجد بحبك شديـــــــــــــــــــــد
تسلموا يا أهلي
| |
|
|
|
|
|
|
|
|
|
Re: هلالنا صعب كاساتو دهب والمريخ فصيح أكل الفسيخ (Re: عبدالماجد فرح يوسف)
|
| Quote: سوما وصفصف وحمادة ماتمشو من هنا وخلو مؤيد يكتب لي حاجة وقولو ليهو عمو ماجد بحبك شديـــــــــــــــــــــد |
عبدالماجد انتو حناكيش ولا شنو، تعرف يا عبدالماجد زمان كنا بنسمي الجكس بأسماء لعيبة الكورة، وحسب جمال البنت يعني البقولو ليها مصطفى النقر دى بتكون حاجة شرط والبقولو ليها كندورة الضحك شرطا.
سيف
| |
|
|
|
|
|
|
|
|
|
Re: هلالنا صعب كاساتو دهب والمريخ فصيح أكل الفسيخ (Re: Saifeldin Gibreel)
|
ههههههههههههههه
يا سيف الدين.. انا بصراحة جيت رسمي في اول البوست ده.. وقلتا ليهو عبدالماجد.. لكن لقيت روحي شترا.. طوالي تاني تعليق لي كان يا ماجد..
تعرف انو اختي عندها صاحبتها ايام الجامعة في الخرطوم كان اسمها مصطفى النقر.. وبجد هي شرط تحفة.. أول مرة أعرف بكندورة دي  ..
يا ماجد.. ما حأنساك.. لكن ما عرفتا بعد الونسة دي كلها انتا وين.. في السلطنة..؟
| |
|
|
|
|
|
|
|
|
|
Re: هلالنا صعب كاساتو دهب والمريخ فصيح أكل الفسيخ (Re: Raja)
|
تعرفي يارجاء سوما دي بت خالتي وتوما بت خالي وصفصف دا أبن أخي الأكبر ومؤيد ده ولد سوما أختي وأبوه محمد ود عمتي يعني المسألة ماحنكشة بس حنية لكن المريخاب ناس ضفاري ومابعرفو اللمسات البرازيلية؟؟
لكن ضحكك الفوق ده حق زول مغلوب مرتين في إسبوع واحد
| |
|
|
|
|
|
|
|
|
|
Re: هلالنا صعب كاساتو دهب والمريخ فصيح أكل الفسيخ (Re: Raja)
|
يا عبدالماجد ربنا يحفظ ليك اولادك، لكن المحيرني انت هلالبي كيف مفترض تكون مريخابي لانك شكلك كدة ما بتشبه الهلالاب.
رجاء
اقول ليك شمار تانى، كنا برضو بنسمي الجكس برتب الجيش والبوليس، لمن نكون فى حفلة ويكون مستوى الجمال عالي بنقول هيئة القيادة اليوم مجتمعة والبتصل رتبة عميد دى او لواء دى ما حاجة ساهلة، والبتصل رتبة شاويش فى نقطة الجريف دى موضوع بكون مستحمي، لكن فريق دى حقو تسألي الفنان راغب علامة.
سيف
| |
|
|
|
|
|
|
|
|
|
Re: هلالنا صعب كاساتو دهب والمريخ فصيح أكل الفسيخ (Re: Saifeldin Gibreel)
|
لوووووووووووول يا ماجد قلتا لي ضحك شنو..؟ والله انا أصلو ما حسيت بي حاجة.. ولسة مريخابية على السكين..
وحاجة حلوة اعرف انو سوما وتوما قرايبك.. وسلامي لصفصف.. ما جاوبت على سؤالي..
سيف الدين.. انحنا بقى في سنة من السنين اتشرقنا بي توم كروز.. واي زول يلاقينا نقول.. يشبة توم كروز يعني سمح.. والما بيشبه توم كروز ده الله معاهو..
اها معانا بنات خالتي برضو في التسمية دي.. مرة كانوا في تركيا طبعا هناك مستوى توم كروز عالي.. لقو ابوهم زاتو بيقول ليهم: هسع يا بنات الأولاد ديل ما اسمح من توم كروز بتاعكم ..
وطبعا الصاروح "كروز" لا يعلى عليه  ..
| |
|
|
|
|
|
|
|
|
|
Re: هلالنا صعب كاساتو دهب والمريخ فصيح أكل الفسيخ (Re: Raja)
|
| Quote: ولسة مريخابية على السكين |
والهي يا رجاء لازم نديك تحية وتعظيم لأنك مريخابية........... عشان كدة انت راقية؟ تعرفي يا رجاء فى السودان الان طلعت مصطلحات جديدة للجكس، بسموهم الرقشاتز
يا فرح انا ماشايت ضفاري وعلى فكرة انا كنت لعاب وبلعب فى ليق الخرطوم يعني ما تستهون بي، نحنا ناس المريخ ناس الكاسات المحمولو جوآ وبحرآ.
تخريمة زى ما بتقولي يا رجاء بقينا زي الحناكيش ناس دكتور معز وسارة فضل ما شغالين بالحاصل فى الشارع والساحة السياسية مليانا غبار بأعتقال المناضل ابو خالد
| |
|
|
|
|
|
|
|
|
|
Re: هلالنا صعب كاساتو دهب والمريخ فصيح أكل الفسيخ (Re: Saifeldin Gibreel)
|
Saifeldin Gibreel
| Quote: تخريمة زى ما بتقولي يا رجاء بقينا زي الحناكيش ناس دكتور معز وسارة فضل ما شغالين بالحاصل فى الشارع والساحة السياسية مليانا غبار |
حبيبنا سيف الدين،
يعني لو ما كنت مريخابي زيك كان قلت علي شنو؟!
مبروووووووووك يا ماجد
بعدين الكورة الغلبناكم فيها تلاتة واحد وكان عمرك سبعة سنين كانت في استاد الهلال وكمال عبد الوهاب والفاضل سانتو عمل فيكم البدع وقونكم الوحيد كان أوانطة لأنو علي قاقرين لز الهادي على العراضة الشمال وهو ماسك الكورة بس اتكل على العراضة ساي الحكم قال قون..
بعدين يا سيف يا خوي نحن متابعين بس مدكنيييييين وساكتين
في انتظار القوى الجديدة وراجين الحناكيش ناس نحن وسارة على قولك يحكمو البلد عشان تتصلح
فترنا من ناس الكتاحة والعجاج.. ضيعوا البلد وودوها في ستين داهية
خليكم زي امريكا لو المرشح للرئاسة ما حنكوش ممنوع يترشح ويكون مليونير كمان
بس نحن مليونيرات بالقناعة وحب الآخرين.. 
تخريمة رجائية لسوما:
مشتاقين والله
| |
|
|
|
|
|
|
|
|
|
Re: هلالنا صعب كاساتو دهب والمريخ فصيح أكل الفسيخ (Re: توما)
|
توما ياغاليه
آخر الزمن سيف الرباطي ده بقول علينا حناكيش لوول
ياتوما أنا عارفك هلالابيه علي السكين بالله الهلال ده في أحسن منو في الدنيا دي فريق كورة
تعرفي نحن (الهلالاب) كنا بنشوف طارق أحمد آدم كوزير دفاع السودان أما حاج النقر ده لما يجي سايق الكريسيدا ناس المريخ الكوامر ديل مايعرفو يعاينو لي منو النقر ولا مسث النقر ولا الكريسيدا تلقي الخشوم فاتحة والعيون مابتكنتك
المهم ياتوما أبقي عشرة
يا دكتور معز بالله عليك أقرأ إبداع توما في بوست راجعين متين
| |
|
|
|
|
|
|
|
|
|
Re: هلالنا صعب كاساتو دهب والمريخ فصيح أكل الفسيخ (Re: توما)
|
Quote: بعدين يا سيف يا خوي نحن متابعين بس مدكنيييييين وساكتين
في انتظار القوى الجديدة وراجين الحناكيش ناس نحن وسارة على قولك يحكمو البلد عشان تتصلح
فترنا من ناس الكتاحة والعجاج.. ضيعوا البلد وودوها في ستين داهية |
يا دكتور معز اعمل حسابك ما يجونا ناس بشاشا باالعكاكيز، وبعدين بيني وبينك يا دكتور لو حكمتونا انت وسارة فضل دى اتخيل كنت ح تودو عبدالعزيز خالد للسجن، كنتو قرصتو فى اضانوا وفقط
| |
|
|
|
|
|
|
|
|
|
Re: هلالنا صعب كاساتو دهب والمريخ فصيح أكل الفسيخ (Re: عبدالماجد فرح يوسف)
|
الأخ سيف الدين جبريل
لو علي الشارع السياسي ..
مالي ومال الغبار والكتاحة
ولو علي الكورة أنا بلعب كورة أحسن من(.....)
أخوانى كلهم أولاد وبكسر كمان رأيك شنو وفي آخر كورة
كان حنغلبكم لو ما ضيّعنا البلنتى.. علي العموم لعب الكورة أحلي من فرجتها
ولو أنا كنت حاكمة كنت حأنفي عبد العزيز خالد لجزر الهاواي
علي الأقل يشم هوي وبسمح ليهو يدخل السودان في الأعياد والعطلات الرسمية
قصرت معاهو
ولكم مني تحيّة كبيييرة
| |
|
|
|
|
|
|
|
|
|
Re: هلالنا صعب كاساتو دهب والمريخ فصيح أكل الفسيخ (Re: sara fadul)
|
تعرف ياعبدالماجد دكتور معز ح يجيب الجكس وسارة فضل ح تجيب ناس .............
يا سارة ناس احمد حنين شالو حس الراجل لمن ختوه فى اقامة جبرية فى منزل فى الجريف غرب فما بالك انتى دايرة توديهو
لجزر الهاواي
Quote: ولو أنا كنت حاكمة كنت حأنفي عبد العزيز خالد لجزر الهاواي
علي الأقل يشم هوي وبسمح ليهو يدخل السودان في الأعياد والعطلات الرسمية
قصرت معاهو |
يا رجاء تخريمة سارة دى رتبة شنو، قايتو ان بقول انها عبدة الشيخ فى زمانو لانو ما بعرف لعيبت اليوم
| |
|
|
|
|
|
|
|
|
|
Re: هلالنا صعب كاساتو دهب والمريخ فصيح أكل الفسيخ (Re: Saifeldin Gibreel)
|
| Quote: تعرف ياعبدالماجد دكتور معز ح يجيب الجكس وسارة فضل ح تجيب ناس ............. |
تعرف ياسيف دكتور معز ده سرو باتع
وماعارف هل إلتقي بنزار قباني قبل موتو ولا لا, لكن نزار كان بفتكر إنو أكتر زول في الدنيا بعرف إحساس النساء وبعرف يقراهم ويخليهم يقروهو لكن جد معز أخطر منو في الحتة دي ويعرف تلك الكلمات الــ ليست كالكلمات ... معز يحب مملكة الحسان ويعشق واحدة فقط...
سيف:
نرجع للكورة تتذكر سليمان عبدالقادر لما قاقرين يجيهو فلالي بقرش الكورة من نص الميدان وكلما يمسك الكورة مشجعين الهلال بكوركو ليهو قرش قرش قرش ويقوم مقرشا لي الطيب سند... ياخي مدافع مقرشاتي بشكل
أما حاج النقر والطاهر هواري (تعرف الطاهر هواري بقرا سودانيسأونلاين) فقصتهم قصه, النقر جا أنا مابرجا, كان لما يبدل ليك كده ويرقص هواري الراحل بقوم يشوتو ليك شلوت ونكسب بنالتي ملح ساكت, أما حموري يلا نلعب الدافوري مره كده في السبعينات السودان لاعب مع موزمبيق وكان في ضربات جزاء حموري شات البنالتي في الكورنر كأول لاعب في العالم يعمل كده وفضحنا فضيحة...
غايتو يامريخات دايما شارطين عينا
| |
|
|
|
|
|
|
|
|
|
Re: هلالنا صعب كاساتو دهب والمريخ فصيح أكل الفسيخ (Re: عبدالماجد فرح يوسف)
|
الاخ العزيز ماجد
لك تحياتي وليك مدة مابنت (مع الاعتذار للاغنية)
تعرف يا ماجد انا زمان كنت مشجع متعصب للهلال والآن اصبحت متعاطف فقط لانه والله العظيم الكورة عندنا اصبحت تيوه وتذكرنا بي الدافوري الذي كلنا نمارسه تحت عمود الكهرباء في الحلة الجديدة.
ورغم ذلك مااروع انتصار الهلال واصله متعودين عليه من زمن علي العريس غلب الرئيس، والاحلي انه تكرر في اسبوع مرتين وحصاده كاسين.
رأيك شنو يا ماجد تعمل بوست تسميه(( الحلول الجدية في حل مشكلة الكرة السودانية)) وتطرحه للنقاش
تحياتي
محمد احمد
| |
|
|
|
|
|
|
|
|
|
Re: هلالنا صعب كاساتو دهب والمريخ فصيح أكل الفسيخ (Re: عبدالماجد فرح يوسف)
|
يااخ ماجد ياود دامرنا
كيف حالك
والله هيجت علي شجون الكورة في الدامر وزكريات سنين مرت (كانها ومضة للبرق مختصره) وتعرف انا كنت بشجع الرابطة لما الثورة تكون مالاعبة مباراة وتعرف انه الرابطة معني بها رابطة الختمية عندما أنشئت وبوست الدامر امهلني شوية لاني مشغول في كتابات خاصة.
كنت اتمني التعرف عليك من بدري كان قابلتك في لندن لاني كنت شهر اغسطس هناك والجايات اكثر من الرايحات.
نعود لموضوع البوست تعرف انه الكان حاصل في هلال مريخ ده عباره عن دراويش في حلقة ذكر والدراويش علي الاقل شغالين عباده. هرج ومرج وكورة في السماء والادهي والامر لما سمعت التعليق عن المباراة في عالم الرياضة استغربت وقلت اني الظاهر شفت مباراة ثانية من كثر ما طبلوا لهذه المباراة وقالوا كانت قمة!!!!!!!!! عجبي!!!!!
| |
|
|
|
|
|
|
| |
عبدالماجد فرح يوسف
توما
Raja
Saifeldin Gibreel
abas
Dr. Moiz Bakhiet
sara fadul
saifkeli
فيس بوك
تويتر
انستقرام
يوتيوب
بنتيريست