|
|
|
 Re: ** حــاج محمد ود الشيخ ** (Re: خالد الحاج)
|
ياخال ود الشيخ اتصلت عليهو قبل دقايق وهو في المطار متوجه علي الرياض
يا ود الشيخ حجه مقبوله
الله يخليك يا تمبس ، اها البورد اخبارو شنو ؟؟  شفت الحاله المتاخرة دي ياخال ؟؟
انا حجيت زمااااااااان ياخال .. قبل تمنية سنة .. انت داير ؟؟
والا لسه شوية عليك ؟؟
| |
 
|
|
|
|
|
|
|
 Re: ** حــاج محمد ود الشيخ ** (Re: tmbis)
|
والله يا ود أختي مفكرين..
وربنا يسهل وبيني وبينك جاية مع خالك (حاج أبا)
أما صاحبك الحاج ود الشيخ والله بالغ قلت لي (الله يبارك فيك يا تمبس البورد كيف) والله بالغ عديل كده (هالة سأبة يا هاج)..
| |
|
|
|
|
|
|
|
|
|
Re: ** حــاج محمد ود الشيخ ** (Re: haneena)
|
اماني وحنينة .. كل سنة وانتو بخير .. وان شاء الله يارب تحجو..
النوبة دي طبعاياست الحبايب لزوم ليلية لي عمي الحاج ده
بن .. ياعريس
عقبال الحجه بعد العرسه وكده .. شد حيلك
| |
|
|
|
|
|
|
|
|
|
Re: ** حــاج محمد ود الشيخ ** (Re: hala guta)
|
الاخ الجميل تمبس
كل ثانيه وانت بالف صحه وعافيه
ويحقق الله كل امنياتك
لك الشكر الجزيل يازوق
دوما انيق فى كل اشياءك
ونسأل الله ان يوعدك العام القادم بحج مبرور باذنه الواحد الاحد
| |
|
|
|
|
|
|
|
|
|
Re: ** حــاج محمد ود الشيخ ** (Re: mohamed elshiekh)
|
الحبان
خالد الحاج
كل سنه وانت والاسرة الجميله بالف خير
وربنا يتقبل منا ومنكم صالح الاعمال
دعوات صادقات بان يمن الله عليك بحجة مبرورة.
وصحى الحاج ابا قوية
والله الهاله سأبه ياخالد مامرضنا بالبورد
ولك مودتى .
حنينه
كل سنه وانتى طيبه
وربنا يديك العافيه
اصدق الدعوات لله عز وجل لك ياحنينه يابت ام حنينه
بان يحقق كل امنياتك الغاليات الطيبات
ودمتى اكثر محنه
ولكى مودتى وشكرى
الجندريه
عيد مبارك عليك
وكل سنه وانتى والاسره الكريمه اكثر صحه وسعادة
وامنيات صادقات بان يتحقق كل ما فى الخاطر والبال
وانشاء الله تضوقى انتى وتشوقى انتى قادر ياكريم
بن بن الجميل
يديك العافيه ويتمم لك بخير
والسنه الجايه بن بن الصغير على كتفك يارب
لك جزيل الشكر وصافى المحبه يازوق
معتصم دفع الله
كل عام وانت بالف صحه وعافيه
ويدك الفى مرادك قادر ياكريم
وربنا يتقبل منا ومنكم صالح الاعمال
هاله قوته
كل لحظه وانتى كما تشتهى
ويديك الفى مرادك كله ياهاله
ويتقبل منكم و منا صالح الاعمال
آملا ان تتحقق بشراك لانها حتما ستكون جميله
| |
|
|
|
|
|
|
|
|
|
Re: ** حــاج محمد ود الشيخ ** (Re: tmbis)
|
يا ود الشيخ يا أخوي الحج مش قبل العرس ،، ده حا يكون زي حج أخوك تمبس ،، يا أخي شاورونا واسمعوا شورتنا ،، حج شنو البتحجو ،، وبعدين كيف حا ترقص رقصة القرد ، وكيف حا تغني لمصطفى ،، إنت قايل المسألة لعبة وللا شنو ؟
قال حج قال ،،
وإنت لسة محتاج تبصبص وتتلفت عشان تلقى ليك حاجة تتلم عليها ، والبصبصة دي الدين عندو فيها راي ،، وبعدين بعد ما تلقى الحاجة داير ليك فترة اختبار ، وفترة الاختبار دي الدين جنّو جنها ، وفي فترة الحفلات وشهر العسل حا تخلي الصلاة ، ودي الدين كلامو فيها كبير قوي ،
وبعدين الحجة الأولى دي حجة الفريضة ، يعني لو باظت تكون بوظت الفريضة ،،
والله ماعارف أقول ليك شنو ،
ما عارف أفرح ليك وللا أزعل ليك ،
غايتو ربنا يتقبل .
خالك
محمد قاسم
كلام البريدوك أخير ليك من كلام البتريدهم
| |
|
|
|
|
|
|
|
|
|
Re: ** حــاج محمد ود الشيخ ** (Re: ودقاسم)
|
الخال العزيز ود قاسم
كل عام انت والاسرة بالف خير وعافيه
وربنا يحقق كل الامنيات
الخال الجميل لك ان تعرف اولا انها الثانيه وليست الاولى رغم القردنه والمغنى الجميل
نتعامل مع الدين من منطلق فقه وفلسفة ان ما الاعمال بالنيات
نتوجه باعمالنا لله سبحانه وتعالى , وقلوبنا مفعمه بالايمان ونعلم
انه عزيز حكيم رحيم غفور
وما تنسى الحديث الشريف :روحوا القلوب ساعة بعد ساعه فأنها اذا كلت ملت .
بعدين حجنا ده ما كان مخصوص للتقرب منه سبحانه وتعالى , عشان مواضيع البصبصه والكج الملازمنا دائما, مشينا قعدنا ليه فى اعلى جبل الرحمه واكثرنا من الدعاء ربى لا تذرنى فردا وانت خير الوارثين
وما تتخيل بعدها حسيت ذى العندى مليون قلب ياخال فيوض فيوض ربانيه
تنزلت علينا وانفتح القلب على مصرعيه تدفق شلالات من الحب والعاطفه
بس كدى النلقه ال....... احتمال تموت من الحب او اقلو تجيها حاله نفسيه, شفت الكلام دة كيف جهوز تام .
يااخى ما اجمل من ان يعود الشخص كما ولدته امه وأاكد لك انو المسأله ليست على مستوى الذنوب وبس اكيد لما ترجع من حضرة ذى دى وترجع ممتلئ بهذه الفيوض الربانيه نظرتك للدنيا تختلف تماما .
بعدين مافى مشكله ديننا ما سمح ماتنسى الجمعه للجمعه كفارة لم بينهما مالم تغشى الكبائر والعمره للعمره ايضا ياخال فى سماحه وجمال اكتر من كده والحمدلله هى برضو بصبصه خفيفه وغنيه غنيتين نتعامل معاهم بفهم من فرج كربه عن مؤمن,يعنى الحمدلله لاتصل الى مستوى الكبائر ولاشنو.
عموما نسأل الله القبول منا ومنكم
بعدين لازم تفرح لى ذى ما قلته ليك والله كل حركاتنا وسكناتنا نبتغى فيها وجهه الكريم ونحن صافين النيه له جل وعلا شأته,يعنى ميله اوقرده قردتين فى افراح احباب برضها تعبير عن حب فى الله ولله
فقط ادعو لنا بالقبول
باقى الكلام خليه لغاية ما اجيك فى البيت نشوفوا سوا ونحن نتناول صحن الكمونيه الذيذ من يد ام طلال كيتن فى شيرى.
لك مودتى وحبى
| |
|
|
|
|
|
|
|
|
|
Re: ** حــاج محمد ود الشيخ ** (Re: Tabaldina)
|
الاخ العزيز الذيذ تبلديهم وتبلديكم وتبلدينا وتبلدى العالم كلو
يااخى كل ثانيه وانت احلى واقوى من القبلها.
وانشاء الله بكره مش السنه الجايه بكره طوالى تلقى ليك مليون دولار واقعه.
ويتبارك كل الذى تتمناه وربنا يتقبل منكم و منا يا كريم
بعدين الحاج ده ماتجو تباركو ليه فى البيت , ولو ماعندكم حق الخروف ما فى اى مشكله تعال وممكن تجيب معاك جردل من كنتاكى
بدل الخروف ونحن ماعيزين نتقل عليكم برضو .
تسلم ياحبيبى
وليك اريج الموده
| |
|
|
|
|
|
|
|
|
|
Re: ** حــاج محمد ود الشيخ ** (Re: ابو جهينة)
|
الاخ ود الشيخ
كل عام و انت بخير و الحجة مقبولة انشاء الله ،، اخوك برضو كان حاج و معي اسرتي و الحمد لله ربنا نجانا من عكة الموت بالجمرات بدقائق . طبع كنت وسط المعمة في تلك اللحظة وبقيت في الطريقة البطلعن ، يعني لا قدرة اوصل ولا قدرة ارجع ، غايتو ربك رب الخير لطف و اخيرا بعد مجابدة قدرت ارجع للخلف ،،
عموما نسأل الله ان يتقبل و عقبال الزواج
| |
|
|
|
|
|
|
|
|
|
Re: ** حــاج محمد ود الشيخ ** (Re: الصادق خليفة)
|
الاخ العزيز الصادق
كل عام وانت والاسره بالف خير وعافيه
والف حمدلله على السلامه وربنا يعظم الاجر
والحجه مبروكه انشاءالله
وبالمناسبه انا برضو لحظة الحادثه كنت هناك بس انا كنت رميت وطلعته يعنى فرق بتاع دقائق الحمد لله قدر ولطف نسأل الله القبول لكم ولنا
ولك صافى الموده
| |
|
|
|
|
|
|
|
|
|
Re: ** حــاج محمد ود الشيخ ** (Re: ابو جهينة)
|
الاخ العزيز جلال ابوجهينه
كل عام انت والاسره كما تودون
ربنا يمتعك بالصحه والعافيه ياراجل يازوق
ويتفبل منكم ومنا صالح الاعمال قادر ياكريم
وعقبال مانبارك ليك عرس البنيات يارب
لك عصير الموده
| |
|
|
|
|
|
|
|
|
|
Re: ** حــاج محمد ود الشيخ ** (Re: Raja)
|
العزيزة رجاء ..
كل سنة وانت طيبة وربنا يحقق امانيك كلها ..
والسنة الجاية الحجه مع بورداب الرياض طبعا ح نعمل ليك ميزانية مفتوحه خالص بس بتتطلب زيارة عاجلة للرياض اول حاجه علشان تاكدي العضوية
ومنها تحضري حولية ود الشيخ رايك شنو ؟؟؟
| |
|
|
|
|
|
|
|
|
|
Re: ** حــاج محمد ود الشيخ ** (Re: ود شندي)
|
مبروك ليك انت ياحاج وربنا يتقبل منك ومنا صالح الاعمال
فات على ان اذكر انو الاخ عماد ودشندى الجميل كان حاجا معى هذا العام , وبصدق سعدت جدا بصحبته فهو بحق رجل رائع .
الف مبروك تانى ياعماد وانشاء الله تكون رجعته بالسلامه
ولك خالص الموده
| |
|
|
|
|
|
|
|
|
|
Re: ** حــاج محمد ود الشيخ ** (Re: Raja)
|
اختى الحبيبه رجـــاء
يتبارك ليك كل الذى تشتهى
وتقبل منكم ومنا صالح الاعمال قادر ياكريم
عمرك مابتقصرى اصيله وبتعرفى الواجب , ومصدق كل كلامك
الدعوات الصادقات يارجاء يابنت ام رجاء بان تحقق كل امالك واحلامك
وبالمناسبه مابنتوصى دعينا ليك وربنا يتقبل باذنه تعالى
وجاهزين لى كلام تمبس عشان تحضرى الحوليه وتأكدى العضويه وتجى السنه الجايه مع الحجه الجماعيه ولا شنو؟
و لك حلو عصير الموده
| |
|
|
|
|
|
|
|
|
 Re: ** حــاج محمد ود الشيخ ** (Re: Raja)
|
الاخت العزيزة رجاء مساءك سعيد
تأكدى انو مافى شئ حايفوتك والحوليه تقعد للحول
فى انتظارك . المداحين وقاعدين ما عندك اى مشكله فى اى وقت
تجى نشد الحوليه طوالى. لكن بصراحه الفته مابتنتظر الجماعه المداحين ديل اعصابهم بايظه جدا ,ولانو كيتن فى شيرى حانصبن ليك شويه من الكمونيه,اما السلطات حا نخليها ليك تظبطيها براك ولا شنو؟
ومعليش الجماعه المداحين ديل من الصباح عينهم فى الصاج يعنى عضم من اللحمه ما حاتلقيه. طبعا المداحين ماذى الفنانين لو ما ضربوا اول ما بدقوا ليك شتم مش نوبه, معليش غايتو لكن نوعدك بكمونيه معتبرة (موتى ياشيرى)
جهزى نفسك بس واول طيارة جرى على الرياض نحن والساده المداحين فى الانتظار .
ولكى احلى المديح
| |
|
|
|
|
|
|
|
|
|
حاج (Re: tmbis)
|
العزيز حاج محمد
لك التحيات
الف حمد الله على السلامة
وجح مبرور
وذنب مغفور
يارب
| |
|
|
|
|
|
|
|
|
|
Re: حاج (Re: خالد العبيد)
|
الاخ الجميل خالد
كل عام انت والاسره بالف خير وعافيه
تشكر ياراقى
وربنا يتقبل منكم زمنا باذنه تعالى
وانشاء الله يديك كل الفى مرادك ياخالد
انوه
لايزال مكان شاغر بيننا هنا فى الرياض
فهل من عوده تانى ياترى
لك ارقه الموده
| |
|
|
|
|
|
|
|
|
|
Re: ** حــاج محمد ود الشيخ ** (Re: ملكة سبأ)
|
الملكه المبجله بلقيس
لك التحيات والاحترمات
وكل ساعه وانتى ترفلين صحه وعافيه بين رعاياك الميامين باذنه تعالى
ودامت ايامك بهجه وسعاده
دعوات صادقات بان تتعدل عليك محل ماتقبلى يابلقس يابت ام بلقيس
وربنا يوعدك العام القادم باذنه بحجة ملوك مبروره ومقبوله يارب
لك صافى عطر الموده
| |
|
|
|
|
|
|
|
|
|
Re: ** حــاج محمد ود الشيخ ** (Re: شتات)
|
عمدة ود شندي
كل سنة وانت طيب .. والعيد ده كنا متوقعنك وقشينا ليك الدرب .. وان شاء الله ربنا يقبل دعوتك الحلوة دي .. ياااارب
اسعد ابراهيم .. دمت يا عزيزي للتواصل وان شاء الله نهنئك في حجتك .. وفي الحاجات الحلوة ..
LOoOOooOooOoOoOoOoOoOLZ يا هوووبا والله حجيت زماااان
عارف عندنا حبوبتنا اتوفت في الحج قبل فترة .. وعندنا حبوبتنا شقيه جدا اها ولده بيحنس فيها قال ليها السنة دي تروحي معاي الحج لازم احججك .. عنقدت قالت ليهو دار تمشي تكتلني وتلحقني اختي
شتاات الجميل ..
عقبال الحج .. انت ومعتصم طبعا ما براك
| |
|
|
|
|
|
|
|
|
|
Re: ** حــاج محمد ود الشيخ ** (Re: tmbis)
|
الاخوان الاحباب
اسعد
ايهاب
شتات
كل عام وانتم بالف خير وعافيه
وربنا يديكم الفى مرادكم جميعا يارب
عقبال مانبارك ليكم الحج العام القادم باذنه تعالى
وربنا يتقبل منكم ومنا صالح الاعمال
ولكم صافى عطر الموده
| |
|
|
|
|
|
|
|
|
|
Re: ** حــاج محمد ود الشيخ ** (Re: ali othman)
|
الاخ على عثمان
يدك العافيه وكل سنه انت والاسره الكريمه كما تودون
وربنا يحقق الامنيات جميعها
وعقبال مانبارك لىي حجتك ونجاح محمد وهند يارب
بالمناسبه شكلنا ذى الحاننتظر هند
ولك والاسره احلى عصير الموده
| |
|
|
|
|
|
|
|
|
|
Re: ** حــاج محمد ود الشيخ ** (Re: ali othman)
|
الاخ على عثمان
يدك العافيه وكل سنه انت والاسره الكريمه كما تودون
وربنا يحقق الامنيات جميعها
وعقبال مانبارك لىي حجتك ونجاح محمد وهند يارب
بالمناسبه شكلنا ذى الحاننتظر هند
ولك والاسره احلى عصير الموده
| |
|
|
|
|
|
|
| |
tmbis
haneena
الجندرية
bunbun
معتصم دفع الله
mohamed elshiekh
ودقاسم
nassar elhaj
ghariba
إسماعيل وراق
ابو جهينة
الصادق خليفة
Raja
ود شندي
خالد العبيد
ملكة سبأ
ASAAD IBRAHIM
ايهاب
شتات
Rawia
فيس بوك
تويتر
انستقرام
يوتيوب
بنتيريست