دعواتكم لزميلنا المفكر د.الباقر العفيف بالشفاء العاجل
|
|
 الدمع الدفاق في رثاء الاشلاق
|
صديق وزميل دراسة ، جمعتني به فترة دراستنا الثانوية بوادي سيدنا في قلب امدرمان النابض حيث طرقاتها وميادينها المطمئنة ازقتها وحواريها ساحاتها الفسيحة سينما امدرمان الوطنية ، شارع الدكاترة جورج مشرقي المحطة الوسطي ، سوق الجلود ، الأصلي للعماري الجيد ، بيت الخليفة ... محطات في ذاكرة ايامنا الشقية ادمنا التسكع فيها كلما ابتعدنا عنها جغرافيا ازداد اقترابنا روحيا ..
جمعتني هذه الشبكة بصديقي من جديد بعد فترة غياب سنوات حدثني بمرارة عن مغادرة الأسرة للحي العريق اشلاق سجن أمدرمان بعد أن امتدت له معاول الهدم لتغيير معلم بارز من معالم امدرمان من أجل ماذا لا أدري ؟؟؟
أرفق لي صديقي مرثية للواء ابوقرون يبكي فيها الاشلاق ..
لواء أبوقرون عبدالله أبوقرون
رغم ان الطريق ليس هو الاقرب او الاقصر بين العباسية حيث اهلي لجدي الشيخ محمد البدوي وبين اهلي لابي من ودنوباوي الا انني كنت دائما اسلكه منذ اقتنيت عربة ، ذلك الطريق هو الذي يمر على مقامات رفيعه.. منطقة المدارس التي تشعرني بالزهو فاتطلع الى اول مدرسة ثانوية سودانية للبنات.. ثم اشاهد شمالها ضريح الامام المهدي والقبه البتضوي الليل فيغمرني حب جارف للوطن وللامام المجاهد.. ثم بيت الامير شيخ الدين (سجن ام درمان) ذلك البناء المتين بيت قائد الحرس الجمهوري المهدوي (الملازمين) ثم بعده اشلاق البوليس او حي الاشلاق فاحس بالامن والطمأنينة ثم اتابع سيري الى منزل الزعيم الازهري الذي امت اليه بصلة الرحم الوشيجة رغم انني انصاري (على السكين) ثم مسجد الامام عبدالرحمن سيد بقعة ام درمان ثم اهلي في شارع الخور.. لم اترك سلوك هذا الطريق ابدا طوال وجودي بالبقعة.. وذات يوم ومنذ ايام قلائل شاهدت وياهول ما شاهدت معاول كريهة تضرب ذلك الحي العريق بقسوة، ما هذا يا للهول. كما يقول الممثل المسرحي العظيم يوسف بك وهبي.. ايهدم حي هو من اعرق واعظم احياء ام درمان؟ حي انجب افذاذ رجال الامن.. الصول ميرغني والشاويش عثمان واب شنبا روب ورنجو.. وعبداللطيف وحنفي وعطا المنان؟ ولدوا به وتزوجوا فيه وانجبوا ابناءهم واحفادهم، حي في قلب ام در تشعر فيه بالامن والطمأنينة هو الحي المحروس بقبة الامام ومنزل قائد الحرس الجمهوري المهدوي وبرجال الامن الذين يقطنون والذين كانوا يهرعون للنجدة راجلين او سواري طالما يسمعون كلمة يابوليس!! اشهد انه كان انظف حي بام درمان واكثرها اناقة ونظاما صانه ساكنوه وغرسوا فيه النخيل والليمون..
واضعف الايمان اغراس الجهنمية والدوم، ابناء هذا الحي توارثوا النخوة والشهامة والنجدة من ابائهم ناس صول ميرغني كما توارثوا منازل حيهم العريق.. لا اعرف كيف ترك ابناء الحي منازلهم هل (بالاوامر) ام بالتعويض المجزى؟ ولكن العوض على الله فان مسقط الرأس ومرتع الصبا صعب التعويض وهنا نسأل هل سنبني مكانه عمارات شاهقة ومجمعات سكنية تحجب الشمس والهواء ليسكنها اناس لا يعرفون شهامة ولا نجدة ولا تكافل كاهلها السابقين؟ ام ستبني مجمعات تجارية فخمة لا يمكن لاهل ام درمان ارتيادها والتسوق منها؟ .في تصوري ان من امر بهدم الحي وبالسطو على ميادين ام درمان الفيح هو انسان لا يعرف سر جمال هذه البقعة المباركة التي يقول شاعرها:
حبيبي جميل جمال ما بحسو غير شاعر
يشوف الزهو في وسط السلم ناضر
ويحس ارج الورود وسط الدخان عاطر
ويلمح لوحه الجيوكنده في وسط الدجي الغامر
حبيبي جميل جمال فتان
جمال تظهر سماتو الحلوه ميزات جوهر الانسان
جمال زي بقعة ام درمان...
جمال في شكلو انساني...
وجمال في طابعو سوداني
جمال ما فيهو دور تالت ولا تاني
ومعلوم ان الحبيب هنا هو مدينة ام درمان وليس معني ذلك اننا لا نحب العمار ولكننا هنا نستبطن قول صاحب البقعة الامام المهدي (ع) الذي قال (عمار البقعة يكون بين اهل الركاب واهل الكتاب) واشهد ان سكان حي الاشلاق كانوا اهل كتاب وركاب.. مرابض مرابطين في ليل ام درمان بسواريهم ثم ان لكل مدينة نكهتها وجمالها المميز تخطيطا وسلوك سكان. واحسب ان من امر بالهدم لا يدرك تلك المعاني وانما يحسبها بسعر المتر سواء كان ذلك المتر منزل مرابط او ضريح مجاهد او ساحة عرض للجهاد . فام درمان جمالها في بساطة عمارتها واحيائها الفسيحة الصحية واشجارها التي اجتهد غارسوها في ان تنمو في تربة ا م درمان الجدب والخصبة اهلا وسكانا وهي لا يمكن ان تكون كالخرطوم كما ان بورتسودان لايمكن ان تكون كالابيض وواو لا يمكن ان تكون كحلفا وتبقي لكل منهن نكهتها وطعمها الحلو المغاير لحلاوة الاخريات.
ايها القارئ الكريم خاصة اذا كنت من ابناءام درمان.. مر على الحي المهدوم المهضوم لتبكي معي حي الاشلاق العريق وقدم العزاء لاهل ام درمان عامة ولاهل الاشلاق خاصة ولنا رجاء وهو ان يحاول المهندس عدم اقتلاع تلك النخلات واشجار الليمون التي وقفت شامخة تتحدي معاول الهدم . واحسب ان الامر سهل على مهندس قدير ، ورجاء اخر هو ان يظل اسم حي الاشلاق باقيا اذ لا نريد اسما مستوردا لا من الخليج ولا من ايه جهة اخري. ويبقي شريعة وعرفا ووفاء حق الشفعة لاهل الاشلاق سكنا وتمليكا وايجارا والرجاء كذلك ان تبتعد معاول الهدم عن منطقة المدارس وبقية الميادين والمعالم التي لها اجلال خاص عند أهل المدينة... الطوابي... ميدان الاهلية وتلك مناطق سعر المتر فيها لا يحدد بدولار او يورو او مارك الماني.. اهل الاشلاق الاعزاء اينما كنتم في الحارة الستين او السبعين لكم حسن العزاء ففقدكم جلل والعزاء الاخير للسيد الفريق الركن عمرحسن احمد البشير ونائبه على عثمان محمد طه لانهما الاثنان ابناء اشلاق ويعلمان دون غيرهما بالمعاني السامية التي يمثلها اشلاق ام درمان.
|
|
 
|
|
|
|
|
|
|
|
Re: الدمع الدفاق في رثاء الاشلاق (Re: tmbis)
|
يا أخي إشلاق شنو ؟ نحن عايزين تحديث للمدينة عشان ترتفع إلى مصافي المدن ، وغنت عايز تخليها إشلاق وبيوت طين ،، قال عمارتها تتميز بالبساطة ،، بساطة بتاعة قلبك ،، منو القال ليك الناس عايزة بساطة ،، هاتوا التعقيد كلو وخلونا نتطور ونمشي لي قدام ،،
أمشي شوف الديرة في الرياض كيف اتغيرت وكيف أصبحت المنطقة تشبه المدن الأوروبية ،،
| |
|
|
|
|
|
|
|
|
 Re: الدمع الدفاق في رثاء الاشلاق (Re: ودقاسم)
|
تمبـــــس ...
مالك يا أخـــي ما كنا كويسين ... مالك علينا .. ما الفينا مكفينا
ام در والاحاديث ذو الشجــون، موردة عباسية ودأرو ودنوباوي حي العمدة حي السيد المكي
فتيح وغيروا وغيروا يا تمبس ،،، انا بجي تاني عشان اشاركك ،، الدمع الدفاق ... وشايل جراح
ودقاســـــم ،،،،| Quote: بساطة بتاعة قلبك ،، منو القال ليك الناس عايزة بساطة |
 
بالغت فيها دي عديل كدا ،،، الاصالة في البساطة انت كدي خلي الديرة امشي على الحلة الجديدة في الرياض مش بتاعت السودان دا غير ناس منفوحة وقالوا في حاجة اسمها الفصيلية الله لا يوريك ...
اديك الـــــف عافـــية،،،
| |
|
|
|
|
|
|
|
|
|
Re: الدمع الدفاق في رثاء الاشلاق (Re: waleedi399)
|
تمبس ..
في مراتعـك وحواشـيك القديمـة .. وما يطـوف بك من لطـائف ..
أحييك ..
بقدسـية الذكـرى التي تمـلأ طـرفك ومواعـين الخـيال ..
بأديـم الوفـاء للأمـاكن التي غبَّرت قدمـيك يافعــاً في يوم مـا ..
..
لك نهـران وملتقـى .. ونيل من صفـاء الأحـبة ..
ولـنا هـديلك وانتظـارك في سـواحل العصـافير ..
ودي ونلتقـي ..
| |
|
|
|
|
|
|
|
|
 Re: الدمع الدفاق في رثاء الاشلاق (Re: waleedi399)
|
وووولي ..
كويس انك هنا شاهد علي كلام خالك ده
وبعدين لما اكسر ليهو قزاز العمارة الافتراضية بتاعتو في حي الاشلاق المغلوب علي امرو يكون عندي حق ..
تعرف يا وليد في اماكن معينة في امدرمان دي مابتحتاج ولا بتقبل اي اضافات لانو اي محاولة لي التغيير بتدي نتائج عكسية وطوالي بتخلق خلل في النسيج الاجتماعي ليها المسالة ما تحيز لكن قراءة واقعية ..
| |
|
|
|
|
|
|
|
|
 Re: الدمع الدفاق في رثاء الاشلاق (Re: ودقاسم)
|
| Quote: بساطة بتاعة قلبك ،، منو القال ليك الناس عايزة بساطة ،، هاتوا التعقيد كلو وخلونا نتطور ونمشي لي قدام ،، |
يعني الليلة يومي انا ياخال مش كده ؟؟؟
خلاص فضيت لي ؟؟
اصلو انتو يارأسمالية نظرتكم بعيدة المدى .. يعني قدرتو تمام تطورو اكاديمياتكم ورؤاكم الاقتصادية دي وتحولوها لي ارض الواقع .. شي مزارع ،، وعمارات وشنو كده ما عارف حسع تلقاك عندك نية في عمارة عمارتين في الشارع داك ودكان ( صاعود ) ناصية بيفتح في السجن .. هم ما كان يكسرو السجن ده وان شاء الله يتقسموهو بيناتهم.
تعرف ياخال يا اقطاعي ..
مرة مشيت اجازة وكان لي سنتين من البلد وصلت الساعات الاولي من الصباح لافي لي ساعتين بالتاكسي بيتنا راح لي .. بي قدرة قادر وصلت البيت بقيت تاني لما اطلع الا اشيل معاي خريطه شان اجي راجع .. والحاجه الغريبة كل الناس السكنت وتطاولت في العمران للاسف حسيت فيها نوع من عدم الانصهار مع الناس كده زي التقول ما سودانيين .. حسع الحكاية بتاعت التكسير دي رجعتني للقصة دي .. إذا كان التكسير ده لي خطة اسكانية تتباع للقنادله الزيكم ديل معناته خلاص رحنا فيها يعني تاني الواحد ينزل اجازة هناك يمشي شان يتغدي معاك تعاين لينا بالعين السحرية وتوزعنا ده كان ما فكيت لينا الكلب ..
غايتو اول مرة اقتنع بي حكمة من حكم دكين لما قال ليك انت الفقراء الزينا ديل ما بتشتغل بيهم
بعدين الديرة دي ياخال الناس الطلعوهم منها دفعو ليهم قروش زي الرز وهم ما خسرانين حاجه وشفوت خالص يكبو القريشات في جيبهم والواحد فيهم ممكن يسكن في اي ملف..
لكن عليك الله شفت ليك يوم في السودان في زول طلعوهو من مكانو وقالو ليهو هاك دي مشي بيها حالك ؟؟ بالعكس بيطلعوك ويكسروا ليك وتدفع حق التكسير من جيبك وإذا ما عندك بيكسروا راسك ..
| |
|
|
|
|
|
|
|
|
|
Re: الدمع الدفاق في رثاء الاشلاق (Re: tmbis)
|
| Quote: تعرف يا وليد في اماكن معينة في امدرمان دي مابتحتاج ولا بتقبل اي اضافات لانو اي محاولة لي التغيير بتدي نتائج عكسية وطوالي بتخلق خلل في النسيج الاجتماعي ليها المسالة ما تحيز لكن قراءة واقعية .. |
هذا مجرد تعالي من أهل المدينة تجاه الريفيين الذين ينزحون كل يوم بفعل الإفقار المتعمد، والذي مارسته عليهم المدينة عبر تاريخها ..
قال رأسمالية قال ،،
معتصم
الطورية والناكوسي والحواشة كلها تمثل حالة إنتاج
والبكاء على أطلال الأشلاق يمثل حالة استهلاك ،،
| |
|
|
|
|
|
|
| |
tmbis
ابو جهينة
معتصم دفع الله
ودقاسم
waleedi399
شتات
Tumadir
khider
فيس بوك
تويتر
انستقرام
يوتيوب
بنتيريست