|
دعواتكم لزميلنا المفكر د.الباقر العفيف بالشفاء العاجل
|
|
 Re: زيكو .. وهوزي .. بالعديل والزين .. بيت مال وعيال ... (Re: tmbis)
|
عاد لكن يا تمبس بالغته وشذيت..
ياخ انا جاية الليلة أكتب الخبر.. نظام I'm the maid of honor وكده... لكن بتعرف مشغوليات الرئاسة وكده....
ألف ألف مبروك هوزي والفاتح.. وربنا يتمم بألف خير يا رب...
يا هوزي.. الجاتك في maid of honor سامحتك  ...
نشوفكم يوم الخميس..
بنت الحسين
| |
 
|
|
|
|
|
|
|
 Re: زيكو .. وهوزي .. بالعديل والزين .. بيت مال وعيال ... (Re: ناجى الزبير الملك)
|
ابوجهينة..
تبريكاتك واصلة . وعقبال الامورة ياسمينة واخوانه ..
مريم..
ازيك ..
 .. القال ليك اتاخري منو .. الاعلان ده يامريم انا متابعو من ايام التجكيس الاولي لاني وزير العريس وكده . واذاما مصدقاني عينك ح تشوف ...
نوف العزيزة ..
الحفلة ي انا ده القدامك ده .. ويوم الخميس قريب .. شكلك ما ح تصدقي كده .. صاح ؟؟
عمر الماحي .
الله يبارك فيك .. وعقبالك ان شاء الله ..
جاد ..شكرا ياابوالجود لكلماتك الحلوة .. وان شاء الله عقبال الاولاد .. لن حكاية نفرح بيك دي ..في الموضوع ده بالذات خليها شوية كده .. نشوف زيكو ده .. لانو صدقني ياجاد بالحاله الفيها ابوالزيك دي .. اخير القراية جنس كبكبه
محمد هارون حميدان .
الف شكر علي تبريكاتك وموصولة للعروسين ..
شقيقي ود رميلة الحكيم ..
والله الشوق برضو بي هنا حاصل .. الله يديك العافية .. وانتو ناس البيت طبعا .. كان ربنا سهل بنتلاقي هناك والشوف بيحصل .. الله يخليك ..يااصيل
ناجي الزبير ..
دستة الحبه دي .. طيب مني انا نص دسته كمان .. وربنا يتمم علي الف خير ..
| |
|
|
|
|
|
|
|
|
|
Re: زيكو .. وهوزي .. بالعديل والزين .. بيت مال وعيال ... (Re: ود عقاب)
|
ألف مبروووووك الصديقين الفاتح (زيكو) والعزيزة هوازن
ويا بت الحسين حتماً سألتقيك ونجلس مع بعض، فما ذلت أتمطق حلاوة اللقيا، وإن لم يتيح لنا صوت المغني ومغادرتك أن نحكي، حتما سألتقيك يوم التلاتا "حنة العروس عندنا"
مرة تانية وتالتة وألف.... ألف مبروووك
وللأخت ميرفت
ها هي كوستي تنشر فرحا عابرا للقارات "العريس من عندكم"، وتتلقفه الدوحة
| |
|
|
|
|
|
|
|
|
 Re: زيكو .. وهوزي .. بالعديل والزين .. بيت مال وعيال ... (Re: حمزاوي)
|
بت الجزيرة ..
سلامات يادكتورة .. ومشتاقين .وتحياتك واصلة ..وبلاهي كتري لي من الدعوات الزي دي لانها مريحه
ياخال ..
اها ده يوم لزيز فات عليك .. غايتو انا ح اخلص ليك حقك .. وحق ابوساندرا
ود الشيخ ..
غايتو كان النية في مافي مشكلة .. وزيكو وهوزي بيستاهلو كل الحبايب ..
ضمرة ..مشتاقين شديد .. مالك مختفي ؟؟
وبعدين وصيتي ليك .. الصيفية دي .. ما تطلع بي قد القفه ..فاهمني
ابنوسه
خلو بالكم من العريس ده انا ح استلمو منكم يوم الخميس .. بكل الاكسسوارات
استاذ يوسف الموصلي ..
الله يديك العافية يازعيم وعقبال الاولاد .. وربنا يفرحك بيهم ..
يامووووووووووووووووج
بي وجودك ياعظمه .. يازول يالزيز جدا ..
نزار ..
الله يبارك فيك .. ودعواتك لي ان شاء الله مستجابه
انت طبعا قريب يانزار خطوتين بس .. انا بجي بالسماء كان ربك سهل .. اصلو الا يوم واحد بس
انت ابقي مارق .. وكان ربك سهل بتلقاني قدامك ..
تيتا ..
الله يبارك فيك .. وعقبال الآ ..
حمزاوي ..
الزول الجميل المشاكس ..
خليك جاهز غايتو انا بسويها في اي لحظه ..بس نشوف اخوي قرنفل بعد شهر كده ونشوف التقارير
| |
|
|
|
|
|
|
|
|
|
Re: زيكو .. وهوزي .. بالعديل والزين .. بيت مال وعيال ... (Re: مريم بنت الحسين)
|
ألف مبروك للعروس و العريس .......
والله الخبر السعيد ده سمعنا به هنا ف الأردن قبل أسبوع، من العزيزة مريم، متحمسة شديد للحفلة.
العقبة لها إن شاء الله .
الله يتمم علي خير .... وعقبال البنين و البنات .....
تتبارك عليك و يومها يبقي سعيد
تبكر بالوليد والفائدة تملا اليد
الليل ليل العديل و الزين
العديلة ليك عديلة الدائم
أخد بت الرجال العزهم باين
ابشروا !!!
| |
|
|
|
|
|
|
|
|
|
Re: زيكو .. وهوزي .. بالعديل والزين .. بيت مال وعيال ... (Re: abdalla BABIKER)
|
بلدي ياحبو
سلامات كتيرات ..والف مبروك لينا كلنا وعقبال بورداب الداخل
مع كل تحياتي لشخصك
رجاء
ليك وحشه كبيرة جدا .. لحدي ما اجيك بي هناك ..
وشكلي كده يوم الخميس بي هناك .. هجيج شديد .. بخلص ليك حقك .. وبعمل بروفه لي انا عسي ولعل
عموووو قرجه الجميل ..
وينك انته .. ويسمع منك ربنا
عمر رجب ..
الله يبارك فيك .. وعقبال الجمسع يارب
تيكو ..
ابقو طاليعن ..ومعاك باقي الشباب .. وربنا يسهل ونتلاقي.
هوبفل ..الله يبارك فيك .. وعقبالك ان شاء الله .
مريم ..
انا من العايزين ديل زاتهم ..
وشكلها كده هاجر كباشي دي عجبتك شديد .. ودخلتك في موود الحفلة ..اها اعملي بروفاتك علي كده ..وبنشوف يوم الخميس الطرب شكلو كيفن ..
بنت المكي رحاب .
شكرا لكلماتك الجميلة .. وعقبالك برضو ..
انور احمد الله يبارك فيك .. وربنا يتمم ليك علي خير وعقبال ا نفرح بيك كمان
Zola
اهل العريس والعروسه ..ياربي ح نتلاقي هناك يوم الخميس ..... احتمال
ندي علي ..
الله يبارك فيك .. وعقبالك ... وانا برضو عقبالي ..
عبدالله بابكر
الله يبارك فيك ..والف شكر لحدي ما يجي زيكو وهوزي
| |
|
|
|
|
|
|
|
|
|
Re: زيكو .. وهوزي .. بالعديل والزين .. بيت مال وعيال ... (Re: zumrawi)
|
هــــــــــــــــــــــــــــوزيكـــــــــو
بيت مال وعيال ,,,, تغلبها بالمال وتغلبك بالعيــــال وتزيدوا اولاد الشمال
امانة ياالناس الحاضرين كان ماهججتوا بي نيتي في اول غنية
ولما يقوم واحد اشتر يقول الفاصل دا للعريس والعروس النبي كان ماقام واحد دافسهم وخلاهم يتشتروا
والقطااااااااااعة عاد كان تخليهم ياخدوا راحتهم
بختك يا توحة لقيتني بعيد
ود عقـــــاب راجي شنوا
الترابة دي..........
شكلك ناوي تمشط البيضا مع السوداء
| |
|
|
|
|
|
|
|
|
|
Re: زيكو .. وهوزي .. بالعديل والزين .. بيت مال وعيال ... (Re: Rawia)
|
بالعديل والزين
والفرح والسعد
والهناء والسرور
وزغروده من القلب
توحه التفاحه الحبيب زيكو وجميلته زهرة السوسن هوازن
نسأل الله لكم السعد والهناء وبيت مال وعيال وحب فى عمر مديد سعيد
كم تمنيت أن أكون معكم فى ليلة فرحكم أسعد روحى برؤياكم ومشاركتكم الفرح وأغنى من أعماق قلبى
نور زهور وعطور استلموا المجال
وياجمال دنيانا توحه وهوزى معانا
وكل ما تجود به الوجدان فى تلكم اللحظة كان سيكون صادقا كما وحبى لكم
أنتظركم على شرفات القلب شوقا
وسأكون اكثر اخوتنا فى البورد حظا بوجودكم معنا بهولندا
ويابورداب باريس ولندن العرسان سوف يكونون معكم ضمن جولتهم العسليه
وللاستفسار ارجو الاتصال على هواتفى فى البروفايل
مع محبتى وتقديرى
عبدالعزيز خطاب
| |
|
|
|
|
|
|
|
|
|
Re: زيكو .. وهوزي .. بالعديل والزين .. بيت مال وعيال ... (Re: Rawia)
|
ايهاب الطيب
ربنا يكتر الاخبار الجميلة .. وعقبال الجميع
مع تحياتي ..
راكوبا ..
تحياتي الشديده .. وابقي طالع ومعاك الشباب .. طبعا التوثيق عليك مع سمبتيكو
ياسر ..ودعواتي برضو معاك للعروسين ..وطبعا العرس في الدوحة ياابوالشباب .. كيف معاك ؟؟
شمهروش ..
يعني شكلك فرتاق الحفلات والا شنو ؟؟
غايتو ما تشيل هم شكلي كده ح انفذ ليك كل طلباتك وبتوصلي ليك بي ابوالزيك ..
ود الخطيب ..
الف شكر يااصيل وربنا يتمم علي خير ..
مريم ؟؟اسمعي اقول ليك فكرة ..
كان جيتي حقو تمسكي وردية الردود دي مني ..زيكو شكلو ما جاي خالص .. لانو انا عارفو عامل كيف الايامات دي المهم اعملي الحالة واحده . واخلصي لي هوزي حقها في البوست ده .. وردي علي الشباب انا الايامات دي ح اكون مافيش
اتفقنا .. والا كيف ؟؟
بنت الاحفاد ..
حمد الله علي السلامة 
وان شاء الله يارب عقبال ما نفرح بيك ...
SAdo7
بارك الله فيك وفي كلماتك الطيبة .. وعقبالك برضو
بامسيكا
اول حاجه وين انته ؟؟ يعني ناوي ما تظهر؟؟ والحمد لله زيكو وهوزي جابوك لينا
ان شاء الله امورك ماشه كويسه ؟؟
راوية..
الله يبارك فيك شديد .. وعقبال اي حاجه حلوة .. وبعدين مش بيناتنا حاجه مؤجلة .. والا عامله نائمة يعني ؟؟
راجيك غايتو..
محمد عبد الرحمن
اسمع نصيحتي كان الجماعة ديل فتحو ليك .. تعال ضهب طولي . امنقه حاجه انك تجي ضهب .. انا القدامك ده جاي ضهب انت قايل شنو ؟؟ ولا متحسس كمان
استاذ عزيز
سلامات ..
قلت لي يعني العرسان معسلين معام بي هناك ؟؟
غايتو ربنا يتمم علي خير .. وتتهنو بي وجودهم معاكم .. ح اتصل بي زيكو اشوف خط السير كيف .. وياريت المده تكون طويلة ..
| |
|
|
|
|
|
|
|
|
|
Re: زيكو .. وهوزي .. بالعديل والزين .. بيت مال وعيال ... (Re: tmbis)
|
الأعزاء {هوزيكو }
مليار مبروك وإنشاء الله بيت سعادة وعيال ومال وثقافة
تمبس
شكرآ على المبادرات ، لكن الجماعة ديل إختفوا وين؟ العروس عارفين سببها ، طيب العريس مالو ! كمان حبسوه هو الآخر؟
ودقاسم
يا فردة ليك علي طالما التفويض شامل{ { انت أصبحت زي السيدين بس بالمعكوس هم عايزين يفوضوهم طوالي وانت تتبرع بالتفويض ، يا كريم أطمئن الشبالات بشيلها ليك بس كيف الكرت يصل!؟}
| |
|
|
|
|
|
|
|
|
|
Re: زيكو .. وهوزي .. بالعديل والزين .. بيت مال وعيال ... (Re: الجندرية)
|
ود العباسية ..
ودحلتنا..
مليون سلام ..
غايتو الاحتمالات ماشه كويسه اني اكتل معاكم الحفلة دي .. والدوحة مليانه بي شباب المورده .. كمية من الاخوان فيهم بوردابي واحد .. ياريت نتلاقي كلنا .. وشكل اللمه اكيد حيكون اشبه بي كتير ..
ابوحسين الغالي
سلامات .. ربنا يتمم علي خير للحلوين هوزي وزيكو .. عندك بوست بيخصني .. ح افضي ليك ليهو بي مزاج شديد واجادعك بي الحاجات العندي ..
نوف ..
انت ما ح تجي والا شنو ؟؟؟
ديامي
الله يبارك فيك ياعظمه .. بحاول اخلص ليك حق الديامه معاي ما تشيل هم ..
مـــــــــارد ..سلامات وليك فترة مختفي .. حمد الله علي السلامة .. وتحياتك توصل للعرسان ان شاء الله ..
كمال عباس ..
حلت البركة .. وحمد الله علي السلامة برضو مكانك محفوظ دائما ..
الحليلة ..ليك وحشة ياغالي .. الكلام البيناتنا ما انتهي .. امورك ماشه كيف ؟؟ ايميلي في البروفايل بتوقع منك اي خبر ..
عمر ابراهيم ..ح تفهم حاجات كتيرة .. بس عليك بالتلفونات .. والرسائل القصيرة .. وانا اعملو لي حساب معاكم
بدري الحلو ..امشي لي معاك السودان .. انا اصلو طولته .. لكن النية في ..
اها الزول الجميل ده اتصل علي امس .. بخصوص البتاعات بتاعتي  وحسع في السكة ..
بديك الخبر بي هناك
ابوساندرا ..كل التحيات ..
اقوليك بي صراحة والله .. العريس ماسكاهو حمس ما قبل العرس .. كبكبة شديدة وهاك ياتلفونات ..اها ليهو يومين انقطع مني ما عارف الحاصل عليهو شنو .. والخميس قريب .. ويارب اتوفق اني اقدر الاقيكم ..
اماني .
بركة الجيتي والله .. وربنا يتمم علي خير للحلوين
ودعوتك ما فيها كلام .. بس البقنع لي الكديسه شنو ؟؟
كديستي انا ده في عضمي ..
| |
|
|
|
|
|
|
|
|
|
Re: زيكو .. وهوزي .. بالعديل والزين .. بيت مال وعيال ... (Re: tmbis)
|
الفنان الجميل تمبس
لك الحب والتحية ياحلو
شكلك اكتسحت ود الجيلى وكل الرفاق واستفردته بوزارة العريس يابختك
أكيد حاتقوم بالمطلوب واكثر لانك مبدع
العريس الظاهر عليه بتهوزز من الرجفه وهيبة الموقف
تعرف لا حس لا خبر وأنا منتظر منه معرفة بعض التفاصيل
عليك الله قول ليه اترك الاحلام ياجميل واصحى
لك الحب والتحية وانت تدعونا لهذا الفرح التاريخى
وليت كان الظرف يسمح لكنا اول الحاضرين بالدوحة الوارفة بفاتحها وهوازنها
ربنا يتمم على خير وسعد
أخوكم عبدالعزيز خطاب
| |
|
|
|
|
|
|
|
|
|
Re: زيكو .. وهوزي .. بالعديل والزين .. بيت مال وعيال ... (Re: tmbis)
|
محمد عبد الرحمن...
الله وكيلك انا زي تمبس أخوي ده، ماشه ضهب ساي.. والبفتح خشمه معاي.. ببكي طوالي..
رحاب مكي...
في انتظار أيامك يا جميلة، وكان دايره ليك وزيرة أسألي منّي هوزي.. اتعس وزيرة في الكره الأرضية...... 
تمبس...
خلاص.. نعملها ورديات.. أنا بالنهار .. وإنت بالليل.. لكن ياخ انا بالنهار بكون في الشغل.. وبالليل بكون نائمة..
عزيز...
انا غايته قالوا لي أرد على الناس البباركوا... إحنا بنحضر ليكم.. وغايته من حسي.. انتظروا بوست خاص عن فعاليات المهرجان الاحتفالي الضخم...
شرووم..
الله يبارك فيك... ياخ إنت صحي النطيط ده قصته شنو.. انا حضرته لي عرس هنا.. الناس كلها تنطط.. انا طبعا (أهل العوض) في مجال الأعراس... يعني بحتاج دليل سياحي عشان أفهم الفعاليات كلها..
والله انا الأغنية دي يا تمبس بس أسمعها دموعي تجري.. أمي تضحك فيني.. تقول لي إنت يا بتي أم العروس!
بنت الحسين
| |
|
|
|
|
|
|
|
|
 Re: زيكو .. وهوزي .. بالعديل والزين .. بيت مال وعيال ... (Re: مريم بنت الحسين)
|
استاذ عزيز
سلامات تاني
صاحبك ده صحاني الليلة صحيت الصباح من النوم علي تلفونو .. وكالعادة الكبكبه حاصله .. اها متحرك بكره ان شاء الله عل الدوحة .. وانا متابع معاهو التفاصيل ..
طبعا مع اللخمه ديك نسيت اقول ليهو اي حاجه لكن منتظر منو تلفون في اي لحظه وبوصل ليهو وصيتك .. وابقو جاهزين انتو لانو شايف زمنو محدود خلاص ..
الف شكر ياعزيز .. وان شاء الله كل شي يمشي زي ما مخططين ليهو
شروووووم طبعا مريم استلمت الورديه وقامت بالواجب .. وبرضو الف شكر ليك
تخريمه صغيرةانت مش قبل كده قلت عايز مع نانسي عجرم ؟؟ اها وصلت معاها وين ؟؟ عليك الله عندها كليب اسمو ( آه ونص ) شفتو ؟؟ غايتو كان ما جيهت امورك انا بحنكه منك
الرقيقه رقيه وراق ..الف مرحب بي وجودك .. وكل حرف من حروفك الندية بيزرع بهجه وامل في كل ركن من البورد ..
داومي علي وجودك الجميل فينا وليك كل الفرح ..
مريم ؟؟؟والله شكلي كده ح ارفدك
| |
|
|
|
|
|
|
|
|
|
Re: زيكو .. وهوزي .. بالعديل والزين .. بيت مال وعيال ... (Re: tmbis)
|
الأخ العزيز تمبس ،،، كيف يا رايق ،،
أشكرك والاخت مريم شكرا لاتحد حدود ولاتمنعو قيود ،،،،،،،،،،،،،،،،،،،،،،،،،،
التخريمة /// بالله انت لسة متذكر حرمنا المصون نانسي عجرم ،،، تعرف يا تمبس الكليب الأخير انا بحضرو في اليوم اقل شي عشرة مرات ومابشبع منها. لكن بالله عليك ابعد منها تمش تسوي ليها اغانيك دي وتنزل ليها صور وماعارف كيف تخرتا مننا ابعد يا زول علي الطلاق انا سكيني برررررررررة
لك التحايا مرة اخري والتهاني مرة ثانية لهوزي وزيكو
| |
|
|
|
|
|
|
|
|
|
Re: زيكو .. وهوزي .. بالعديل والزين .. بيت مال وعيال ... (Re: motaz)
|
سلامات
حمزة سليمان
ليك مده ما باين ..
شرووووم..
والهل متذكرك وكلما احضر ليها كليب .. اخت ليك يدي في قلبك ..
غايتو انا خليته ليك .. هي ذاته قصيرونه وقاعده تمشي بي سرعه ما بتنفع معاي
ندي امين
ملوين مراحب . وتحياتك تصل لهوزي وزيكو..
معتز..
منور .. وبرضو تبريكاتك واصله للاعزاء هوزي وزيكو ..
| |
|
|
|
|
|
|
|
|
|
Re: زيكو .. وهوزي .. بالعديل والزين .. بيت مال وعيال ... (Re: ebrahim_ali)
|
ابراهيم علي
سلامات يازول ..
والله ذكرتني ايهاب .. وكنت متوقعو اول زول هنا اخبارو مقطوعه نهائي تلفونو ما عندي ايميلات مافيشه.. امس شايفو اون لاين بعد غيبه طويلة..
لكن احتمال كبير تلاقيهو الليلة مع زيكو.. ده اذا ما كان سافر مكان..
المهم ياابراهيم خليهو يتصل اذا في طريقة لانو بالجد اخبارو مقطوعه.. كان مفترض اكون معاكم بالدوحه اليوم بس الاوراق ما اتوفقته فيها والجايات اكتر من الرايحات..
| |
|
|
|
|
|
|
| |
tmbis
ابو جهينة
مريم بنت الحسين
WaD OmI
omer almahi
JAD
محمد هارون حميدان
ودرملية
bint algazeira
ودقاسم
أبنوسة
Elmosley
صديق الموج
nazar hussien
بلدى يا حبوب
Raja
garjah
omar_ragab
HOPEFUL
zola123
nada ali
Ehab Eltayeb
Rakoba
شمهروش
Adrob wad Elkhatib
bint_alahfad
SAdo7
bamseka
Rawia
محمد عبدالرحمن
عزيز
ودالعباسية
ABUHUSSEIN
kamalabas
elhilayla
بدرالدين شنا
ود شندي
أبو ساندرا
الجندرية
شرووم
تراث
بكرى ابوبكر
cola
abdelrahim abayazid
AnwarKing
elsharief
bayan
HAMZA SULIMAN
motaz
ebrahim_ali
Frankly
waleedi399
alfatih
فيس بوك
تويتر
انستقرام
يوتيوب
بنتيريست