دعواتكم لزميلنا المفكر د.الباقر العفيف بالشفاء العاجل
|
|
 رسائل .. اعتذار .. ووداعا سوادنيز أونلاين (2)
|
بسم الله الرحمن الرحيم
منذ انضماني للمنبر عام 2009 , وقد كنت قبله متابعه جيده , لم أكن اتصور ان اختلاف العضويه يمكن ان يصل الى هذا الحضيض من التعامل ,
عرفت دوما ان هناك اختلافا في الرأي , وحده في النقاش , التي غالبا ما كانت تنتهي بالمسامحه والتراضي بعد تدخل الاجاويد ,
ولكن أن يمتد الحال الى أن يقوم أحدهم ب (شق النسوان القاعدات باحترامهم ) ليعتدي على عضو آخر على مرأى ومسمع من الجميع ,
, فهذا (فن )جديد لا يتقبله انسان متحضر ..
ومن هنا نقول ليكم العفو والعافيه .. ودا طرفنا من هذا المكان ... يكفينا من عرفناهم وتواصلنا معاهم , والحسنه الوحيده انو طلعنا بي اخوان واخوات يسدون عين الشمس ,
وقفوا بجانبنا في الصغيره قبل الكبيره .. مرحله شتم العضويه والاساءه الى الأسر بل والتعدي والتهجم عليهم هي نقطه تحول هذا المكان من منبر حوار الى مكان بربري محكوم بقانون الانسان البدائي ..
العفو والعافيه والسوشال ميديا بقت متوفره , وأهم ميزاتها ان لك مطلق الحريه في أن تختار (الوسط) المناسب ل (برستيجك) وفهمك ومكانتك الاجتماعيه ..
|
|
 
|
|
|
|
|
|
|
 Re: رسائل .. اعتذار .. ووداعا سوادنيز أونلاين (2) (Re: داليا الكباشى)
|
رساله أولـــى : الى بكري ابو بكر مالك الموقع :
كنت من القله الذين نالوشرف الحصول على الباسوورد منك شخصيا ,
واستبشرت خيرا لاني كنت مؤمنه ان المنبر يساهم في تنميه الوعي الاجتماعي والثقافي والسياسي لنا ك سودانيين ,
لكن المؤسف يا بكري اننا اتشتمنا والحق بنا عظيم الأذى , وتطاول علينا صغار القوم (مقاما وعقولا) على مرأى ومسمع منك ,, ولم تحرك ساكنا !!
ودق الكثيرون جرس الانذار للوضع المتردي هنا , ولكنك لم تبال الا بتغذيه الموقع بالاعلانات والصور المتحركه , وفرد مساحه لمزيد من (الأكشن)
ولو على حساب العضويه وأسرهم ...
حسنتك الوحيده أنو بسبب موقعك دا اتعرفت على أكثر الناس معزه الى قلبي .. وهم كثر .. ومنهم (عزيز دنياي) .. وهذا يكفيني ....
كلمه أخيره : انتبه يا بكري !!
| |
|
|
|
|
|
|
|
|
|
Re: رسائل .. اعتذار .. ووداعا سوادنيز أونلاين (2) (Re: داليا الكباشى)
|
الرساله الثانيه : عادل ابو حسين وساميه .. وحسين ومحمد وأمنيه وأحمد (أولادي) ...
أشكر الله ان جمعني بكم في هذه الدنيا , وادعوه تعالى ان يجمعني بكم في جنان الخلد انشالله ..
كنتم وستظلون خير جيران واهل لي .. وتكفيني محبه صغاركم لي .. بل وتكفيني كلمه من (حسين) الله يحفظو لي ذات يوم (نحن اولادك يا خالتو )
ما وقع ل الاخ الاكبر (ابو حسين) يمسنا جميعا .. وما عهدت منكم الا كل الكرم والاصاله .. كفايه بيتكم المفتوح للضيفان وناركم الما بتنطفي ...
ويكفي ان عرفت ساميه أختا عزيزه لم تلدها أمي .. ربنا يديم المحبه والاخوه انشالله ..
| |
|
|
|
|
|
|
|
|
|
Re: رسائل .. اعتذار .. ووداعا سوادنيز أونلاين (2) (Re: داليا الكباشى)
|
الرساله الرابعه : الــى المعتدي على العضو (أبو حسين) ..
السوط دا عندنا نحن بنخوف بيهو الشفع !
أما الرجال عندنا فـ بيتلاقوا بالسيوف !
ونحن بنات الرجال ديل بنعرف انو العايز يبارز راجل بيقول ليهو اطلع لي الخلا ! راجل لي راجل !
موش يجي شاقي النسوان والشفع عشان الرجال يحجزوه !
دا كلام بنات الرجال الجد جد .. ودا أدب الباديه هدا ليهو .. الانت عملتو دا أدب (سبيس تون ) !
| |
|
|
|
|
|
|
|
|
|
Re: رسائل .. اعتذار .. ووداعا سوادنيز أونلاين (2) (Re: داليا الكباشى)
|
الرسالة الأخيرة:
كل ما أطلبه منكم، أعضاء وقراء أفاضل، حينما يأتيكم خبر نعيي وانتقالي إلى الدار الآخرة، أن تدعو لي بالمغفرة، وأن تتجاوزوا عن في حال أخطأت عليكم في يوم من الأيام (منقول)
شكرا لكم جميعا .. شكرا لمشاركتي افراحي واتراحي .. شكرا لمشاعركم النبيله .. محبتكم ستظل في قلبـــي ..
| |
|
|
|
|
|
|
|
|
 Re: رسائل .. اعتذار .. ووداعا سوادنيز أونلاين (2) (Re: محمد الكامل عبد الحليم)
|
يسلم فمك يا داليا يا كباشي .. المتلك من بنات الرجال والرجال نفسهم قليل.
كما قلتِ السوط عندنا للجمال .. لكن الرجال بدّاوسوا بالسكاكين والسيوف والآن الكلاش.. والغدر ليس من شيم الرجال... وعندنا جملة محفوظة لكل من يريد أن يبارز أحداً، فيقول له: يا فُلان أكرُب جلدك أنا جيتك .. وبعدها تقع العكّة. لكن قدام ووسط النساء والأطفال يطرشنا ويعمي جيراننا ما سمعنا بيهو ولا شفناه.
لك التحية وربنا يعدل طريقك ..
تحياتي
كبـّاشي الصـّـافي
.
| |
|
|
|
|
|
|
|
|
|
Re: رسائل .. اعتذار .. ووداعا سوادنيز أونلاين (2) (Re: مجدي عبدالله أبوحريبة)
|
إزيك يا دلوش
من امبارح بتجي في بالي .. اسه بشرب في الشاي لقيت بوستيك ده في وشي هههه
اول شي رسلي لي رقمك في الخاص ..بحاول ارسل ليك في الخاص الرسايل ما بتمشي
كلامك صاح مية في المية .. المنبر رغم كل الإيجابيات البقدما و المنها انه عرفنا بناس معدنم زي الدهب - إلا انه للأسف مرات ببقى حلبة مصراعة لكن ما مصارعة بالعضلات بل مصارعة بالشتم و النبذ و القدح في الأعراض
و كذلك الفيس بوك ..للأسف نحنا السودانيين ما بنحترم وسائل التكنولوجيا الممكن تخدمنا و تطورنا
ما انتي براكي ..في ناس كتار كانوا فاكهة المنبر ده .. وينم اسه ؟ .. كلهم اعتزلوا الكتابة هنا
لذلك بناشد السيد بكري انه ..يطبق قوانين و لوائح المنبر بكل صرامة .. طبعاً الكلام ده اتقال زي مليون مرة
و احب اقول ليك يا دلوش انك و تمبس و ابو حسين و سامية و آخريات و آخرين من اعز الناس الانا التقيتم هنا ..مودتي و تقديري ليكم
| |
|
|
|
|
|
|
| |
داليا الكباشى
مجدي عبدالله أبوحريبة
محمد الكامل عبد الحليم
cantona_1
ismeil abbas
سناء عبد السيد
د.محمد بابكر
فيس بوك
تويتر
انستقرام
يوتيوب
بنتيريست