دعواتكم لزميلنا المفكر د.الباقر العفيف بالشفاء العاجل
|
|
 رجــــاء العباسي ...
|
غيــــابك
هــل يعني
حضـــورك
في اماكن تجيد الاحتفاظ بك ؟؟
اشك في ذلك ..
مكانـــك شاغر هنـــا
|
|
 
|
|
|
|
|
|
|
 Re: رجــــاء العباسي ... (Re: ابو جهينة)
|
رجاء الغالية
نفتقدك حتى النخاع
وتفتقدك المطارات والحقول والأرصفة
وكل عوالمنا هنا وهناك
وانت التي عرفناك مهرجاناً للصبر والتسامح
والسمو فوق الجراح
وأنت قافلة الشموح
ونبع التحدي
وانت امرأة من كل أركان المدى تأتين
زاهية وعابقة ونقية كأحلام الندى
بالزهر والعبير
فهلا أتيتِ
إذا أتاك حديث عشقي
مثقلاً بالوجد
مشتعلاً
بنار الكبرياء..؟؟
وتسلم يا تمبس يا رائع
في انتظارك يا رجاء
أن تعودي
فتمنحي هذا المنبر نكهته العذبة والأنيقة
مثلك
معز
| |
|
|
|
|
|
|
|
|
 Re: رجــــاء العباسي ... (Re: Dr. Moiz Bakhiet)
|
Quote: نفتقدك حتى النخاع
وتفتقدك المطارات والحقول والأرصفة
وكل عوالمنا هنا وهناك
وانت التي عرفناك مهرجاناً للصبر والتسامح
والسمو فوق الجراح
وأنت قافلة الشموح
ونبع التحدي |
د. معز..
مليون شكر لحضورك .. وكلماتك الانيقة دائما..
رجاء..
تاملي واحكمي وفي انتظارك ..
| |
|
|
|
|
|
|
|
|
 Re: رجــــاء العباسي ... (Re: ابو جهينة)
|
ابوجهينة..
بس يااستاذ ابوجهينة الاسبوع ده ما داخل فيهو الخميس ولا الجمعة الباقي مافي مشكلة ..
بعدين البرد كتل ابوذر ..خليك مني انا الهين ده ..
مخندق في البيت اليومين دي ( ومتكهف ) عندي مشروع شغال فيهو وانت في لجنة فحص الجودة ورجاء حسع بنعمل ليها في النداء ده علشان المشروع ده ما يتعطل لينا اكتر من كده 
| |
|
|
|
|
|
|
|
|
|
Re: رجــــاء العباسي ... (Re: tmbis)
|
استاذتنا الحبيبة رجاء العباسي
مكانـــك شاغر هنـــا
اذا قال تمبس فصدقوه فخير القول ما قاله تمبس
عودي يا استاذة
عشان خاطرنا ترجع
. . .
يا بورداب الرياض
لقد اسمعت لو ناديت حيا
مشتاقين يا ناس الرياض
أصحى يا بريش
| |
|
|
|
|
|
|
|
|
|
Re: رجــــاء العباسي ... (Re: tmbis)
|
رجاء ، يا كل الرجاء ، وكل العشم ،،،
لا أعلم كيف سمحت لك نفسك أن تتركي هذا المكان الجميل ليسرح فيه القبح ، وكيف سمحت لك نفسك بأن تهجري الذين بادلوك الحب وحلاوة المعشر ،، كيف سمحت لك نفسك أن تهجري همومك والدفاع عن قضاياك التي أصبحت جزءا منك ؟؟؟
أعلم أنك تنطلقين من منابر أخرى عديدة ، وأعلم أن صوتك لن يخفت ، فلم نعتادك صامتة ، ولم نعتادك ساكتة عن قول الحق ،، لكن لمنبرنا رسالة ، وعلمي أنك مقتنعة بها ،،، وقد ارتضينا أن نبقى صفا واحدا ، لقناعتنا أن الوحدة هي الكفيلة بقهر الظلام ،، وبتحقيق الوئام ، وبنصرة الحق ،،،
وطننا يأتلف ، ويجتمع شمله ، فليس هذا وقتا للتفرق ، وليس هذا وقتا للصمت ، أو الابتعاد ،،
نعلم أن سهام الجهل والكيد البغيض قد أصابتك ، وأنها قد تم توجيهها إليك من جوانب عديدة ،، لكنّ الذين يعرفون معدنك ، ويقدّرون استنارتك ظلوا دوما أوفياء لك ، وظلوا مدافعين عنك ومساندين لمواقفك ،،، ونثق أن قلمك وحده كاف لإسكات كل الحاقدين ..
رجاء ، أنت إنسان يحمل قضية ، ويمتلك الوسيلة ، ويجد السند ، فلماذا تتخلين عن قضيتك وعن واحدة من وسائلك ، ولماذا الاستهانة بالسند والعضد ...
عودي اليوم ،، اليوم ،، اليوم ...
| |
|
|
|
|
|
|
|
|
 Re: رجــــاء العباسي ... (Re: ودقاسم)
|
عهدتك دائما ياخال ركيزة لنا في كل امورنا انا وباقي الوليدات وعهدنا ايضا في كلماتك الحقيقة والاصرار علي التمسك بها..وعهدناك هاشا باشا في وجهنا تمسح عنا كل الآم االغربة وجراح البعد وجدنا فيك وطننا المفقود وحلتنا العامرة وديوان الضيفان والتبروقه وبرش الصلاة مع اني اشك انك ما قاعد تصلي زاتووو..
رجاء اخت مننا ومكانها هي فقط الجديرة بأن تملي فراغه بكلمتها الجميلة...
فلتعد رجاء
او
فلتعد..رجــاء
| |
|
|
|
|
|
|
|
|
|
Re: رجــــاء العباسي ... (Re: tmbis)
|
العزيزة رجاء
من بعد الأشواق والتحايا
رأفة با لأصدقاء الذين أضناهم البعد وشفهم الوجد
جودي فعودي
أهديك أغنية الأخ تمبس
ياالطال بعادك سنة وزيادة ـ قول لي كيف ألقي السعادة
الشكر موصول للأخ تمبس علي هذه البادرة الطيبة
وجمعنا الله قريبآ بك يا رجاء
مع أمنياتي الطيبة
أخوك راشد الحاج
| |
|
|
|
|
|
|
|
|
|
Re: رجــــاء العباسي ... (Re: tmbis)
|
وهل جزاء الاحسان الا الاحسان ..
الاخت رجاء كانت هي من رشحني وثني علي ان انضم لهذا المنبر العامر ..
مكانك شاغر ونتمني العودة انشاء الله في اقرب وقت ..
الاخ تمبس لك الشكر علي اتاحة الفرصة لرد الجميل ..
فااااااااااا ..بس
| |
|
|
|
|
|
|
|
|
|
Re: رجــــاء العباسي ... (Re: tmbis)
|
د. معز
Quote: نفتقدك حتى النخاع
وتفتقدك المطارات والحقول والأرصفة
وكل عوالمنا هنا وهناك
وانت التي عرفناك مهرجاناً للصبر والتسامح
والسمو فوق الجراح
وأنت قافلة الشموح
ونبع التحدي
وانت امرأة من كل أركان المدى تأتين
زاهية وعابقة ونقية كأحلام الندى
بالزهر والعبير
فهلا أتيتِ
إذا أتاك حديث عشقي
مثقلاً بالوجد
مشتعلاً
بنار الكبرياء..؟؟ |
اسي يا رجاء عليك الله بعد دا فى كلام تاني
والله مش لو تعبانة او زعلانة بعد كلام د. معز تجي وتجي
دا كلام برد الروح
يا د. معز انت والله زول رائع
انت انسان اكبر من طاقة البورد حقيقة
ربنا يخليك لينا
تحياتي
| Quote: مكانـــك شاغر هنـــا |
تمبس
كلامك صح تب
تخريمة على قول رجاء
الحمدلله الشفناك
خليك فى ماسك فى البوست
لمن رجاء ترجع
تحياتي
| |
|
|
|
|
|
|
|
|
|
Re: رجــــاء العباسي ... (Re: alsngaq)
|
العزيزة رجاء
لك تواجد مفرح عندنا في سودانيات لكن هذا لا يعني تركك لهذا الصرح
فالتواجد هنا ليس للمتعة ولا قتل الوقت!! هذه رسالتك أمسكي عليك
بها ولا تلتفتي لنعيق البوم ومارسي هواية التطنيش ضد كل ماهو
فارغ المعني والمحتوي فهي تؤلم أكثر صدقيني (تجربة ملدوغ)
وعودي لآن عدم عودتك إنتصار للجهل والجهلاء.
شكرآ تمبس يا أصيل.
| |
|
|
|
|
|
|
|
|
|
Re: رجــــاء العباسي ... (Re: خالد الحاج)
|
| Quote: نعلم أن سهام الجهل والكيد البغيض قد أصابتك |
Quote: ولا تلتفتي لنعيق البوم ومارسي هواية التطنيش ضد كل ماهو
فارغ المعني والمحتوي فهي تؤلم أكثر صدقيني (تجربة ملدوغ)
وعودي لآن عدم عودتك إنتصار للجهل والجهلاء. |
كالعادة مناحات ومطاعنات
فالترجع عصفورتكم كارميلا.. ولكن ليس بمثل هذه المناحات المجحفة والتلفيقات
الاخ تمبس
ناسف لتدخلنا افساد الفراش و ادرى جيدا انك لم تقصد ان يتحول بوستك هذا لراجم للغير..
البورد يسع الجميع.. لو تعاملوا بشرف ووجه واحد.
ودى لك
| |
|
|
|
|
|
|
|
|
 Re: رجــــاء العباسي ... (Re: bayan)
|
دكتورة نجاة..
سلامات..
Quote: الاخ تمبس
ناسف لتدخلنا افساد الفراش و ادرى جيدا انك لم تقصد ان يتحول بوستك هذا لراجم للغير.. |
بالرغم من إن هذا البورد مساحة حرة للجميع وليس حكرا علي احد ويحق للجميع أن يكتب وقتما شاء له أن يكتب ومكان ما شاء له ان يكتب..
ملاحظة ما حصل دخلت في بوست خاص بيك بيناقش هذه المشكلة.. لك حرية ان تطرحي اي طرح يجي علي بالك وتكتبي كما تحبي وفي اي مكان زي ما اتفقنا..
بس
طالما ان المسالة اقترنت بي اسمي فارجو شاكرا ان نلتزم بحدود معينة من ادب توجيه الحديث لبعضنا لمليون سبب اهمها فارق السن بيناتنا..واكون شاكر جدا اذا قمتي بملاحقة من تظنين انهم يطاعنوك خارج مساحة هذا البوست لانو الغرض منو واضح وصريح .. والاشكر من كده يادكتورة إذا كمان غيرتي طريقة المخاطبة الوجهتيها لي في ردك وبتلقي تحتها خط وذلك للمحافظة علي احترام الجميع الاتفاعلو معاي في المساحة دي لانو زي ما شايفه ده ممكن انا اعتبرو من ادب المطاعنات برضو لانو يستحيل يكون ( فراش ) بيغني فيهو عامر الجوهري ..
لك محبتي واحترامي ما ان تمسكنا باحترام بعضنا البعض ..
| |
|
|
|
|
|
|
|
|
|
Re: رجــــاء العباسي ... (Re: tmbis)
|
| Quote: بحدود معينة من ادب توجيه |
اسمع لا تحترم فارق السن لانه ليس كبيرا كما تظن..وانا سادخل اى بوست توجه لى فيه
اساءات... لن اكرر خطأ السكوت ابدا.. يمكنك ان تتدعوا صديقتكم ان نحضر دون توجيه اساءات
او مطاعنات كان حريا بك ان تطلب من اصحابك ان يلتزموا بالادب والاحترام فى مناداة صديقتك.. ولكن هذا متوقع جدا..
وعليه اى لحظة فى بوستك يوجه كلام به اساءة لى سادخل لارد عليه.. على الاقل استخدم اسمى المعروف.. ولا اتستر خلق اسماء بعاتية...
متى تعدلون؟؟
| |
|
|
|
|
|
|
|
|
|
Re: رجــــاء العباسي ... (Re: bayan)
|
Quote:
اسمع لا تحترم فارق السن لانه ليس كبيرا كما تظن..وانا سادخل اى بوست توجه لى فيه
اساءات... لن اكرر خطأ السكوت ابدا.. يمكنك ان تتدعوا صديقتكم ان نحضر دون توجيه اساءات
او مطاعنات كان حريا بك ان تطلب من اصحابك ان يلتزموا بالادب والاحترام فى مناداة صديقتك.. ولكن هذا متوقع جدا..
وعليه اى لحظة فى بوستك يوجه كلام به اساءة لى سادخل لارد عليه.. على الاقل استخدم اسمى المعروف.. ولا اتستر خلق اسماء بعاتية...
متى تعدلون؟؟ |
| Quote: اسمع لا تحترم فارق السن لانه ليس كبيرا كما تظن |
لا يا دكتورة كما اظن وح احترمو اذا انت ما بتحترميهو انا بتحتم علي احترمو حتى اذا كنت انا الاكبر منك ناهيك من انو يكون فرق السن بيناتنا.. والظاهر لي مسالة السن بتاعتي دي ما سبب اساسي انك تعنقدي لي فيها هنا لانك عارفه كده يا دكتورة وعارفه انو المساحة بتاعت فرق السن بيناتنا كبيرة ..
وبالرغم من كده ما مشكلة ح ابقي انا الاكبر منك ومالو في زول فينا ما بكبر ..كل ثانية بتضيع مننا بتقربنا علي الشبر بي سرعة البرق .. يعني ما ح نعيش ديناصورات والا رايك شنو ؟؟
بعدين للمره التالته الاسلوب ده ما لذيذ .. معاي انا والاهم من كده انا بطلت اني انبذ لي زول في النت من فترة والسنة الجديدة دي زادت لي قناعاتي بي الحكاية دي اكتر ..
اذا كان اتجاوزتي مسالة فرق السن دي .. فارجو انك تراعي لي المسالة بتاعت فرق التوقيت في الاسلوب ..
وبعدين انامالي .. البورد ده ما حقي ممكن تكتبي في اي مكان وتنبزي زي ما عايزه ولا يهمك
نبزي .. لكن ما تحاولي ترهبيني او تتكلمي معاي بي صيغة الاساتذة للطلب الما قاعدين يحفظو الدروس دي .. ساعته بتعامل معاك جد جد اني اكبر وانا الاستاذ وانت الطالبه .. لكن برضو بي كل احترام وكلو في محلو يا دكتورة
محبتي
بالمناسبة
الحاجه الما كنت واضع ليها اعتبارات المسالة بتاعت ( عوجان رقبت البوست ) واهو زي ما شايفه يا دكتورة بدل ما بنفتش علي رجاء العباسي الواحد طلع كبير وعمو .. وماشي لي طور الدق يعني خايف بعد شوية اتدق اون لاين هنا ده
| |
|
|
|
|
|
|
|
|
|
Re: رجــــاء العباسي ... (Re: خالد الحاج)
|
الخــال خالد الحاج..
مليون سلام
فعلا رجاء العباسي اينما كانت تركت بصماتها الواضحه علي كل عمل..
اتمني حضورها من جديد.. قلم،تواصل، ومحبة،وتكريث لمفاهيم كثيرة..
اشكر مرورك ياخال
بالمناسبة في انتظار ردك ..علي الايميل المستعجل..
| |
|
|
|
|
|
|
|
|
|
Re: رجــــاء العباسي ... (Re: alsngaq)
|
السنجك
خليني اديب كلامك ده واكررو لي د. معز
Quote: اسي يا رجاء عليك الله بعد دا فى كلام تاني
والله مش لو تعبانة او زعلانة بعد كلام د. معز تجي وتجي
دا كلام برد الروح
يا د. معز انت والله زول رائع
انت انسان اكبر من طاقة البورد حقيقة
ربنا يخليك لينا |
كل الناس الحلوين ديل ياسنجك بيخلقو لينا مساحة من الفرح الطاشي مننابنلاقيها في كلماتهم وعباراتهم .. وبنحس بي وجودهم الحقيقي حولينا.. نحس بي فقدهم دائما في مساحات الفراغ البيخلقوها بي عدم وجودهم ..
البوست ده ياسنجك ح نعضي عليهو قوي ونكنكش فيهو لحدي ما تعود الغالية رجاء
همتك معانا..
طبعا انا الخميس والجمعه بكون عامل ( زغبير ) من النت ما استطعت
| |
|
|
|
|
|
|
|
|
|
Re: رجــــاء العباسي ... (Re: tmbis)
|
الأخت رجاء
نحن جميعاً ننتظر قدومك لهذا المنبر أعتدنا أن نقرأ ما تكتبين وأعتادك المنبر الحر كلنا أفتقدناك وأتمنى أن يكون غيابك الذي أحسه الجميع خيراً
عادل عبدالرحمن
| |
|
|
|
|
|
|
|
|
|
Re: رجــــاء العباسي ... (Re: adil rahman)
|
علاء منصور
وانت في لجنة فحص الجودة ورجاء حسع بنعمل ليها في النداء ده علشان المشروع ده ما يتعطل لينا اكتر من كده
مادام فيها فحص و مشروع
يا رجاء ( أهليييييييييييييييييييييييييييييييييييييييييييييييين )
حسه بتجيك .. أصلو الكلمة دي عندها غالية شديد و ما بتقدر تقاوم ..
واحدة تانية عشان الشارع حق رجاء في القاهرة زحمة شديد : أهليييييييييييييييين )
| |
|
|
|
|
|
|
|
|
|
Re: رجــــاء العباسي ... (Re: ابو جهينة)
|
| Quote: أهليييييييييييييييييييييييييييييييييييييييييييييييين |
اهلين دي طبعا كلمة السر ياابوداؤد ..
كدي من هنا لحدي الخميس فضي لي نفسك .. إذا ما الاهلين دي جابته بباقي الليل ده
المشروع ضخم جدا طبعاعلشان كده الاعلام لازم يكون اضخم
| |
|
|
|
|
|
|
|
|
|
Re: رجــــاء العباسي ... (Re: Ishraga Mustafa)
|
| Quote: لا اعتقد ان هذه اللغة تشبهك دون الخوض فى اى تفاصيل، |
الاخت اشراقة كان حريا بك ان توجهى هذه النصائح لمن كال الشتائم اولا
الى متي سوف لن تخوضى فى التفاصيل وتقدمى نصائح للطرف المظلوم..
فبدون الخوض فى تفاصيل لا يمكن ان تحكمى على ما يحدث بموضوعية...
لم يدن ولا شخص ما كتبه خالد الحاج او ود قاسم
ثم تمت ادانتى من صاحب البوست ثم ادانة العمدة منك
الا ترين عدم العدل فى هذا؟
ودى لك
| |
|
|
|
|
|
|
|
|
|
Re: رجــــاء العباسي ... (Re: bayan)
|
خالد الحاج يا دكتورة بيان لم يذكر إسمك هنا لا بخير ولا بشر
وحتي حينما رددتي شاتمة لي رددت عليكي بما يشبهني كالعادة
ولم أسيئ إليك ولكن كالعادة تحشرين إسمي يقودك الوهم المسيطر
عليكي بأني أتقصدك !! أنا والشهادة لله مشغول بما هو أهم
فأريحيني وأريحي نفسك هداك الله.
| |
|
|
|
|
|
|
|
|
|
Re: رجــــاء العباسي ... (Re: Ishraga Mustafa)
|
| Quote: تمبس شكرا تانى وجهز لى بوست للعودة عشان ممكن امشى.... ووين |
والله يااشراقة شكلك كده ح تجهزي لي انت البوست
معليش كنت بتمني انو البوست يمشي بالطريقة الدايرنها بدون ما ندخل في صراع توجيهي وعنفي لفظي لكن هو الحال ..
اتمني ان ننتبه للجوانب الطيبة فيناونحاول نحافظ عليها بقدر الامكان وتنميته مش نفتش للجوانب السئية الفينا..
شكرا يا استاذة اشراقة واتمني معك عودة رجاء العباسي
| |
|
|
|
|
|
|
|
|
 Re: رجــــاء العباسي ... (Re: محمد حسن العمدة)
|
Quote: الاخ تمبس هذا المنبر منبر عاما وحرا وليس ملكية خاصة لتحدد ما ينبغي علينا عمله وقوله
فاما تقل خيرا او لتسكت وارشح لك هذه الاخيرة |
ياتو اخيرة دي يااستاذ البترشحه لي ؟؟
يعني مثلا اسكت ؟؟
والله انا فتحت البوست ده علشان اتكلم فيهو ما علشان اتعب راسي واصابعيني وتجي تقول لي بكل فرسنه اسكت ..
واله مسالة بسكت دي ما بعمله ..
وبعدين دقيقه واحده بس شان اعرف حاجه ؟؟
شايف ردك ورد الدكتورة فيهو نوع كده من الارهاب الموجه .. يعني مثلا ما فاهم حاجه بالضبط شنو المطلوب مني ؟؟
تعرف اكبر غلطه حصلت لي معاك قبل كده اني وجهت ليك كلام في بوست سابق لاني كنت متعشم فيك خير وفي شخص اشخاص انا علي معرفة بيهم كنت بحترمك .. ولازلت علي مواقفي ..
وأرجو برضو انك برضو ما تكسر لي رقبة البوست لانو انت الشايفك عامل مناحتك دي لانو كلامك ده بتقول فيهو من السنة الفاتت ومفترض انو خلاص انتهي بعدما وصلتو لي الحقيقة العايزنها وبتفتشو عليها
البوست ده انا عاملو علشان امارس فيهو نوع من النرجسية الخاصة بي مالو ؟؟ تعال اكتب ونبز وانا بتنرجس .. لكن حاول بقدر الامكان ما تنبز الناس الاكبر منك نبزني انا علي الاقل في سنك يا اكبر منك بي عشرة حداشر سنة انا بقبله منك والله علي الرحب والسعة..
بس في مقولة مشهورة بتقول إذا توقفت لغة العقل تكلم الجسد
ياريت تكون مرت بيك بس
وطبعا زي ما عارف العقل ده ربنا الميزنا بيهو عن ساير المخلوقات التانية
| |
|
|
|
|
|
|
|
|
 Re: رجــــاء العباسي ... (Re: tmbis)
|
عودي يا رجاء
عودي حتي يضئ المنبر مرة اخري
فقد انتشر الظلام وعم القبح
عودي حتي يضئ ابداعك ليالينا مرة اخري
ترفعي وتسامي فوق الجراح كما عهدناك دائما
لا تعطي الشامتين فرصة الفرحة بأنهم انتصروا
بتطفيشك من هذا المنبر ،،
رجاء يا رجاء نحن والجميع في انتظارك
شكرا يا تمبو ،، وينك
| |
|
|
|
|
|
|
|
|
|
Re: رجــــاء العباسي ... (Re: ahmed haneen)
|
يا تامبا
الزولة دي لسه ما جات ؟..
ياخي زيد في الفرمانات بتاعتك دي ..
وأديها اتنين من عندي ..
يلاااااااااا يا رجاء ..
الناس دي كلها منتظرنك ..
بالله عليك ما تخزليهم ..
| |
|
|
|
|
|
|
|
|
|
Re: رجــــاء العباسي ... (Re: معتصم دفع الله)
|
الجميل مووو.. ضراعنا اليمين
اناقلت ليك العشاء الدسم بيهلوس بي وبيخليني اتكلم بره راسي ما صدقتني
شكررن للفول البي اثر رجعي بتاع الاسبوع الفات ..
فرماناتي وفرماناتك دي الظاهر لي رجاء مطنشاها..
والواريك قرشت الحس وقومت علينا الازمة ..
اها غايتو اتصرف انت والباقي عليك
النشوف بتقدر ؟؟
| |
|
|
|
|
|
|
|
|
|
Re: رجــــاء العباسي ... (Re: Amjed)
|
الاخ/ تامبا على علسانك ياابوالدفاع
لك التحية ونحن والرشاشات من خلفك وابقي مارق
ومرحب بيك يارجاء الوعد
كرماوي
اصلي لمن ادور اجيك بجيك لا بتعجزني المسافة لا الظروف تمسك بايدي
| |
|
|
|
|
|
|
|
|
|
Re: رجــــاء العباسي ... (Re: كرماوي)
|
Quote: رجاء العزيزة
وكل الغايبات /ات
بالجد فكرن / وا فيها تاني
دا الحل ؟
منتظراكن / م |
صدقت صديقتى الجندرية
تمبس حقو الواحد يخليكم عشان تعملوا ليهو بوست حلو زى بتاع رجاء
تسلم
| |
|
|
|
|
|
|
|
|
|
Re: رجــــاء العباسي ... (Re: Ishraga Mustafa)
|
والله يا اشراقة اماني الله يديها العافية
دائما شيالة هموم
وكلامه البيطلع منها كلو بيدخل القلب توش
| Quote: تمبس حقو الواحد يخليكم عشان تعملوا ليهو بوست حلو زى بتاع رجاء |
والله يا اشراقة كان عندنا برنامج من فترة طويلة انا وتنقو ومعتصم واتفقنا عليهو بشكل مؤسس خالص اسمو علي وعلي احبابي
ما تتخيلي كان شكلو كيف حيكون
بس بنتعم انو الحال ينعدل
ونقدر نعمل اي حاهج كويسه
| |
|
|
|
|
|
|
|
|
|
Re: رجــــاء العباسي ... (Re: كرماوي)
|
كــرماوي ..
احسن زول لاقيتو مرة واحده وزاغ مني قبلما اعرف الحاصل شنو ؟؟
وكويس انك طلعت رشاشة برضو
ابو الدفاع ده يا كرماوي مركز الكون بتاعنا هنا.. بتلقانا متكومين هناك
ومعك لعودة رجاء
| |
|
|
|
|
|
|
|
|
|
Re: رجــــاء العباسي ... (Re: tmbis)
|
تمبس
الزميلة رجاء العباسى هى ادرى واعلم بالعواصف المنبريةالتى كثيرا ما ارادت ان تعصف بهاوكانت قوية وستظل كماعهدناه فالمنبر الحر بيتهاالتى تنسج فيه الحروف . ارددددددددددددددددددددددددددددددددددددددددددد معك
| Quote: مكانـــك شاغر هنـــا |
ونحن فىالانتظار
تحياتى
| |
|
|
|
|
|
|
|
|
|
Re: رجــــاء العباسي ... (Re: خالد الحاج)
|
حقا هذا زمن المهازل
ارهاب؟
والله لكن ربنا يفتح العقول و يشرح الصدور لمعرفة الحق واتباعه..
الحمدلله ان الحقيقة اوضح من الشمس.. لمن يريد رؤيتها..
العمدة
اللهم آمين...الحق وااااااااضح ولكن شياطين خرساء ما أرى
وانا اعيد واكرر.. لا يهمنى اذا عادت كارميلا ام لا..فهذا المنبر يسع الجميع اذا ما اتعاملوا باحترام وبدون خبث واساليب وضيعة(مثل استخدام اسماء وهمية و نسج القصص والافتراءات)
فأنا لم اضح الناس فى خيار يا انا
يا كارميلا.. بيان ستبقى فى هذا المنبر الى ان تموت..
كل الذى نريده ان تلتزم الناس بالموضوعية كما
فعل كل الناس فى هذا البوست ما عدا قلة.. عليكم بمناداتها لتعود دون التعريض بنا
نحن اطراف الازمة التى قررت هى بعدها ان تترك هذا المكان...والا فى اى نداء به مطاعنات سادخل لادافع عن نفسى..وافسد عليكم المولد...
والتحذلق واعطاء النفس اكثر من حقها لن يرعبنى او يرهبنى ..
| |
|
|
|
|
|
|
|
|
|
Re: رجــــاء العباسي ... (Re: bayan)
|
يا أخ تمبس
في المداخلة الأولي من بيان إعتذرت بوضوح عند تدخلها في البوست ... لكن لا تستطيع أن تنفي أن الأخ ود قاسم لم يستخدم مداخلته لمناشدة رجاء بل في المطاعنة بكلمات من عينة ( أن تتركي هذا المكان الجميل ليسرح فيه القبح __، لقناعتنا أن الوحدة هي الكفيلة بقهر الظلام __نعلم أن سهام الجهل والكيد البغيض قد أصابتك ، وأنها قد تم توجيهها إليك من جوانب عديدة ،،، ونثق أن قلمك وحده كاف لإسكات كل الحاقدين .. )
وكل حد يعلم ما هي الحيثيات التي غادرت علي إثرها رجاء البورد إلي حين .. ومن هم أطراف الخلاف ودفوعاتهم ...فأن يشبهوا بالقبح ومن ود قاسم الذي يفترض فيه كعم لنا إطفاء النيران عندما تشتعل مش يضيف بأنهم الظلام والحاقدين والجهل والكيد البغيض...ويضيف إليه الأخ خالد الحاج ( نعيق البوم) ماذا تتوقع من بيان أو العمدة إذا وضعت في محلهم وانت تقرأ كل هذه الإساءات الجارحة..لا سيما وأنك لم تطالب أؤلئك بضبط مفردات المناشدة وقصرها علي دعوة رجاء للرجوع فقط ..أحزنني عدم عدك وتوجيه الكلام الحاد لبيان والتي لم تتداخل هي أو العمدة إلا بعد أن وضح أن هنالك من يشتمهم...أعدلوا يا هؤلاء فانتم في بلد الرسول
ولله العظيم يا نجاة خلاص إمكن آخر خيط بصبرني للبقاء والمساهعة الودية والمفيدة في البورد علي وشك الإنقطاع ..لآنوا الشعور بإنك مصدر للهجوم المتواصل وغير الأمين شعور مؤلم ، أحياناً ياخدك للشعور بفرض العزلة عليك!!!! آآآآه..غايتو ربك يهون
| |
|
|
|
|
|
|
|
|
|
Re: رجــــاء العباسي ... (Re: Amani Alsunni)
|
يا أخت يا دكتورة اماني السني ..
وعليكم السلام ورحمة الله.
Quote:
كالعادة مناحات ومطاعنات
فالترجع عصفورتكم كارميلا.. ولكن ليس بمثل هذه المناحات المجحفة والتلفيقات
الاخ تمبس
ناسف لتدخلنا افساد الفراش و ادرى جيدا انك لم تقصد ان يتحول بوستك هذا لراجم للغير..
البورد يسع الجميع.. لو تعاملوا بشرف ووجه واحد.
ودى لك |
| Quote: في المداخلة الأولي من بيان إعتذرت بوضوح عند تدخلها في البوست |
الاخ تمبس
ناسف لتدخلنا افساد الفراش و ادرى جيدا انك لم تقصد ان يتحول بوستك هذا لراجم للغير..
هل برايك هذا الاعتذار؟؟ انا فاتح لي صيوان بكاهنا يادكتورة؟؟ مش كان من الاجدر احترام باقي المتداخلين في البوست بصرف النظر عني انا ؟؟
| Quote: لكن لا تستطيع أن تنفي أن الأخ ود قاسم لم يستخدم مداخلته لمناشدة رجاء بل في المطاعنة بكلمات من عينة |
ما دخلي انا بما يكتب ودقاسم؟؟
لم افتح هذا البوست لتصفية حسابات وثار قديم مبيت بينك وبين ودقاسم او بين صديقتك الدكتورة وبين ما تراهم ... لم اشر إلي اي حد في ما توجه به من حديث كانت مداخلتي للدكتورة علي هذا النحو عندما ذكرت اسمي
Quote: طالما ان المسالة اقترنت بي اسمي فارجو شاكرا ان نلتزم بحدود معينة من ادب توجيه الحديث لبعضنا لمليون سبب اهمها فارق السن بيناتنا..واكون شاكر جدا اذا قمتي بملاحقة من تظنين انهم يطاعنوك خارج مساحة هذا البوست لانو الغرض منو واضح وصريح .. والاشكر من كده يادكتورة إذا كمان غيرتي طريقة المخاطبة الوجهتيها لي في ردك وبتلقي تحتها خط وذلك للمحافظة علي احترام الجميع الاتفاعلو معاي في المساحة دي لانو زي ما شايفه ده ممكن انا اعتبرو من ادب المطاعنات برضو لانو يستحيل يكون ( فراش ) بيغني فيهو عامر الجوهري ..
لك محبتي واحترامي ما ان تمسكنا باحترام بعضنا البعض .. |
لقناعتي ان هذا الجزء خاص بي ..
والظاهر لي لحدي هنا ما اتكلمت بي اي طريقة ممكن تخلق فيها نوع من الحساسية علي الاقل بالنسبة لي والعالق في النفوس ده ما بيخصني والحيثيات التانية دي ما لي فيها علاقة اذا كنت وجهت اي نوع من التجريح او المطاعنه لي حد انا اكون غلطان..
Quote:
Quote: بحدود معينة من ادب توجيه
اسمع لا تحترم فارق السن لانه ليس كبيرا كما تظن..وانا سادخل اى بوست توجه لى فيه
اساءات... لن اكرر خطأ السكوت ابدا.. يمكنك ان تتدعوا صديقتكم ان نحضر دون توجيه اساءات
او مطاعنات كان حريا بك ان تطلب من اصحابك ان يلتزموا بالادب والاحترام فى مناداة صديقتك.. ولكن هذا متوقع جدا..
وعليه اى لحظة فى بوستك يوجه كلام به اساءة لى سادخل لارد عليه.. على الاقل استخدم اسمى المعروف.. ولا اتستر خلق اسماء بعاتية...
متى تعدلون؟؟
|
هذا الرد التاني ..
انظري | Quote: بحدود معينة من ادب توجيه |
هذا ما اكتفت به من اقتباس ليتماشي مع ما ستكتبه ..واظهر انا بمظهر المتهكم المتعاون علي السب والتجريح ..
مع احترامي ليك .. كل الكلام الباقي الجافي حديثك ما عندي معاهو اي موضوع وما بيخصني ..
اذا كنتي بتبحثي عن العدل ابحثي بالطريقة المناسبة ليك وبتمني ليك تقيفي في منطقة حياديه تقدري تعرفي فيها الغلط من الصح وابحثي عن قيم العدل والمساواة كما يجب لك واتمني ان تعملي معاك حساب انو انا دخلي شنو في الكلام ده هل انا ملزم بما يكتبه ودقاسم ويوجهه لك؟؟ ام لغيرك ؟؟
هل عندما انوي كتابة اي شي يتعلق برجاء العباسي يتلزم علي أن اتاكد من اصطحابي ( لفسح ) يؤكد عدم دخول ودقاسم أو اي احد من اطراف النزاع الداير وهل يتوجب علي عرض محتويات اي بوست للجنة فحص الجودة والتدقيق لخلوة من الحروف ( راء - جيم - الف ) او اي حرف شبيه، وادخاله في مظروف واختم عليه بالشمع الاحمر واكتب عليه تم فحصه ؟؟ وإلا فالويل لي .. ( والمعط ) والنفي من المله لعدم العدل والميزان في بوستي ؟؟
هل كل من يكتب عن رجاء العباسي يكون ( اما منحاز لها ، او متعاون معها ) أو يجب ان يتم اقصاؤه باسرع فرصة ..
اذا فلتعد رجاء ..
هل يادكتورة اعتبر مداخلتك دي مناشدة لي رجاء بالعوده ام هي مناصرة لصديقة لك علما بأن استهلالية البوست كانت واضحة والغرض من البوست كان اوضح من الشمس والان تحشرو بي في متاهات خلافاتكم ومطلوب مني ان ابحث عن خطاياكم وخلافاتكم ..
اشهد اني
تمبس وفتحت هذا البوست مناشدة للزميلة رجاء العباسي بعودتها.. ولا لشي غير ذلك ..
واشهد ان لاإله إلا الله وان محمدا رسول الله..
| |
|
|
|
|
|
|
|
|
|
Re: رجــــاء العباسي ... (Re: tmbis)
|
| Quote: اذا كنتي بتبحثي عن العدل ابحثي بالطريقة المناسبة ليك وبتمني ليك تقيفي في منطقة حياديه تقدري تعرفي فيها الغلط من الصح وابحثي عن قيم العدل والمساواة كما يجب لك واتمني ان تعملي معاك حساب انو انا دخلي شنو في الكلام ده هل انا ملزم بما يكتبه ودقاسم ويوجهه لك؟؟ ام لغيرك ؟؟ |
عجبى!
| |
|
|
|
|
|
|
|
|
|
Re: رجــــاء العباسي ... (Re: bayan)
|
Quote: حقا هذا زمن المهازل
ارهاب؟
والله لكن ربنا يفتح العقول و يشرح الصدور لمعرفة الحق واتباعه.. |
ايوة ارهاب يادكتورة
هو الارهاب ده إلا الواحد يجي داخل البوست ده شايل ليهو منتوف يابمبان ؟؟
ما ياهو العبارات واضحة وكتيرة جدا .. واللغة كفيلة جدا انها توصل المعني المطلوب
Quote: اسمع لا تحترم فارق السن لانه ليس كبيرا كما تظن..وانا سادخل اى بوست توجه لى فيه
اساءات... لن اكرر خطأ السكوت ابدا.. يمكنك ان تتدعوا صديقتكم ان نحضر دون توجيه اساءات
او مطاعنات كان حريا بك ان تطلب من اصحابك ان يلتزموا بالادب والاحترام فى مناداة صديقتك.. ولكن هذا متوقع جدا.. |
هذا الامر المبتدي بي ( اســـمع ) كفيل انو يكون اكبر ارهاب
( مشكلتك انك فاكره انو قالو ليك هاك دي كوتت الالسنه شيلي ووزعي منها لكن الخلق الالسنه واداك لسان ادي غيرك مليون لسان .. انا عندي لسان واحد بضوق بيهو وبذكر بهو الله وبصلي بيهو علي الرسول وفي نفس الوكت بعرف انبذ بيهو لكن للاسف .. هنا غير..
لمحه مع نفسك
ارجعي لكل ارشيف في المنبر الحر وشوفي كمية الملاسنات في اي بوست هل ياتري .. البورد ده كلو ضدك ؟؟ وانت الوحيده المغلوب علي امرها..
مشكلتك كبيرة .. كبيرة جدا جدا .. بتلفي وتدوري في حلقة مفرغة اذا انفلتي عنها لحظة قل اوكسجين كونك تكوني مسالمة ومتسامحة .. افرحي بالبوست ده شايفك بديتي بي حركتك بتاعت نشر الرابط بتاعو وطالعه بيهو مداعي .. وافرحي مرة تانية لانو قاعده تمارسي هوايتك فيهو بي مطلق الحرية وتكرري في الكلام وتعيدي .. طيب كرري وعيدي وتاني كرري وعيدي لكن بي كل صراحة ح اقول ليك حاجه واحده واتعلمتها منك للاسف يا دكتورة
بالبونت العريض ومنك نستفيد وياريت ربنا يفتح العقول اكتر ونقدر نستوعب ونتعلم اكتر واكتر
مع السلامة فرصتك انتهت بالنسبة لي وخليكي مرابطه في البوست ده عسي ولعل تقدري تطلعي النضارات السوداء الشايفه بيها الدنيا دي
وانا ما عندي وكت اضيعو معاك في انصرافيات خيالك.. ولسه عشمي كبير في البورد ده انو في ناس كويسه قاعده الواحد ممكن يستفيد منها ويطلع بي حاجه تفيدو ليهو وللزمن
وربنا يجعل حركاتك دي كلها برضو في ميزان حسناتك
I GNORED
| |
|
|
|
|
|
|
|
|
|
Re: رجــــاء العباسي ... (Re: بلدى يا حبوب)
|
العزيز بلدي ياحبوب.
سلامات وكل سنة وانت طيب ..| Quote: الزميلة رجاء العباسى هى ادرى واعلم بالعواصف المنبريةالتى كثيرا ما ارادت ان تعصف بهاوكانت قوية وستظل كماعهدناه فالمنبر الحر بيتهاالتى تنسج فيه الحروف |
هي كذلك يا ابو الدفاع
اتمني ان تسمع رجاء صوتك وتعود..
| |
|
|
|
|
|
|
|
|
|
Re: رجــــاء العباسي ... (Re: tmbis)
|
Quote: نفتقدك حتى النخاع
وتفتقدك المطارات والحقول والأرصفة
وكل عوالمنا هنا وهناك
وانت التي عرفناك مهرجاناً للصبر والتسامح
والسمو فوق الجراح
وأنت قافلة الشموح
ونبع التحدي |
كلام واحات سيدي !!!!!
كل سنة ياتمبس والناس الطيبين بخير
| |
|
|
|
|
|
|
|
|
|
Re: رجــــاء العباسي ... (Re: yasiko)
|
Quote: يا أخ تمبس
في المداخلة الأولي من بيان إعتذرت بوضوح عند تدخلها في البوست ... لكن لا تستطيع أن تنفي أن الأخ ود قاسم لم يستخدم مداخلته لمناشدة رجاء بل في المطاعنة بكلمات من عينة ( أن تتركي هذا المكان الجميل ليسرح فيه القبح __، لقناعتنا أن الوحدة هي الكفيلة بقهر الظلام __نعلم أن سهام الجهل والكيد البغيض قد أصابتك ، وأنها قد تم توجيهها إليك من جوانب عديدة ،،، ونثق أن قلمك وحده كاف لإسكات كل الحاقدين .. )
وكل حد يعلم ما هي الحيثيات التي غادرت علي إثرها رجاء البورد إلي حين .. ومن هم أطراف الخلاف ودفوعاتهم ...فأن يشبهوا بالقبح ومن ود قاسم الذي يفترض فيه كعم لنا إطفاء النيران عندما تشتعل مش يضيف بأنهم الظلام والحاقدين والجهل والكيد البغيض...ويضيف إليه الأخ خالد الحاج ( نعيق البوم) ماذا تتوقع من بيان أو العمدة إذا وضعت في محلهم وانت تقرأ كل هذه الإساءات الجارحة..لا سيما وأنك لم تطالب أؤلئك بضبط مفردات المناشدة وقصرها علي دعوة رجاء للرجوع فقط ..أحزنني عدم عدك وتوجيه الكلام الحاد لبيان والتي لم تتداخل هي أو العمدة إلا بعد أن وضح أن هنالك من يشتمهم...أعدلوا يا هؤلاء فانتم في بلد الرسول
ولله العظيم يا نجاة خلاص إمكن آخر خيط بصبرني للبقاء والمساهعة الودية والمفيدة في البورد علي وشك الإنقطاع ..لآنوا الشعور بإنك مصدر للهجوم المتواصل وغير الأمين شعور مؤلم ، أحياناً ياخدك للشعور بفرض العزلة عليك!!!! آآآآه..غايتو ربك يهون |
الحبيبة امانى
غامت حروف الكيبورد فى ناظرى وانا اقرأ احقاقك لحق مضيع ..كل الذى اريده ان يرى الناس قضيتى العادلة هذه.. فانا لم اخرج باسم آخر لاشتم شخص ولم افترى و اشتم احد
ولم اتآمر على احد ..ولكن انا هدف لارهاب منظم واغتيال للشخصية لموقف اتخذته لم يعجب هذه الجماعة فتحولت الى ضحية تآمر على هؤلاء بما يفعلونه علنا ووسرا وصمت الزملاء والزميلات فى المنبر.. ماعدا قلة ارتات ان تلزم جانب الحق فكان مصيرهم الارهاب والتخويف
مثل العمدة الذى دون سابق معرفة رأى الحق وتبعه وهاهو يدفع الثمن.. هكذا
يمارسون الارهاب ويتهمون الغير باستخدامه ما يتعرض له العمدة درسا لاى شخص يحق حق سيكون مصيرك مثله.. هذه المافيا تحتاج لاناس مثلك يحقون الحق..
واتمنى الا تذهبى من هذا المنبر و انا آليت على نفسى ان ابقى هنا رغما عن انف كل من لا يريدنى.... وسأدافع عن نفسى لآخر رمق فى حياتى.. وحدى او مع من يرى حقى المضيع.. كثير من الاصدقاء آثروا السلامة و ابعدوا انفسهم عنى وأنا متفهمة رغبتهم هذه ومقدرة موقفهم لان حقا مع اشخاص مثل هؤلاء يجب ان تكون حذرا... ولكن دائما هناك من يسخره الله
ليقول الحق ويصبر على الملاحقات والشتم والتهديدات..
الحمدلله والشكر لله ان الحقيقة واضحة كالشمس..
والعزلة دائما مجيدة لانها تكشف لك امكانياتك ..
وفى ميزان حسناتك
وشكرا لك
| |
|
|
|
|
|
|
|
|
|
Re: رجــــاء العباسي ... (Re: tmbis)
|
رجاء
ياشمس المنبر ، وبدر سماواتنا ،،،
عودي إلينا سريعا
تنتابنا خرمة ،
وقريفة ،
لا تفكّها إلا عودتك ،
أنت لي كقهوة أمي ،
لا تعدلها قهوة
وليبق بالمنبر كل أعضائه وعضواته
، وليعد كل غائب أو غائبة ،
وليكتب كل منكم ما يشاء ،،
لكنّي أحبّ رجاء ،
أفضلها ، وأنتظرها ،،،
فيها حاجة دي ؟
| |
|
|
|
|
|
|
|
|
|
Re: رجــــاء العباسي ... (Re: tmbis)
|
Quote: لكنّي أحبّ رجاء ،
أفضلها ، وأنتظرها ،،،
فيها حاجة دي ؟ |
مافيها حاجة يا خال
وانا معاك
لكنك برضو غلطان لييييييه تحب رجاء لوحدها
المنبر دا مافيهو ناس كتار،، والغيرة قاتلة
| |
|
|
|
|
|
|
|
|
|
رجاء العباسي (Re: tmbis)
|
يا استاذه يا كبيره ياريت تجبري خاطرنا وخاطر ناس المنبر وترجعي لاننا حقيقه محتاجين لاسهاماتك في البورد انت رقم صعب جدا يتجاوزوه الناس الكلام دا والله طالع من جوه وما فيهو ذرة مجامله وبرغم اننا اتلاقينا في القاهره للحظات الا انك تركتي في داخلي اثر عظيم .........عودي رجاءءءءءءءء.........
| |
|
|
|
|
|
|
|
|
|
Re: رجــــاء العباسي ... (Re: tmbis)
|
سلام من الله عليكم اخوتى ,
أضم صوتى والنداء لعودة الأخت رجاء .
وأضم صوتى وأطالب بعودة الوقار للمنبر !
وأضم صوتى وأتمنى من الأخوة الذين يطلبون عودة كل بعيد عن البورد بتهيئة الأجواء للعودة الحميدة , والمقام الطيب !
اذ لا يمكن ان تدعون الغائبين واياديكم تقبض على معول الفرقة والبارود !
وأرفع صوتى عاليا مستنكرة أن يتحول أخوة لى ورجال أولاد بلد الى اسلوب المطاعنات !
وأضم صوتى وأقول لكم ان كانت دعوتكم للأخت رجاء صادقة , أرجو أن تنتووا على الأقل اعتبار أن د. بيان أخت كذلك , وأن يتوقف اللمز المشير اليها !
وأضم صوتى لكم وأتمنى أن يجد المظلوم فى هذا المنبر من ينصره , ومن يتطاول على الناس من يهديه , ومن يبادر بالشر المقنع بمن يوقفه عن الشر .
ولكن بأسلوب حضارى , فيه مراعاة حقوق الآخر !
وليس اسلوب انصر أخاك ظالما ومظلوما !!!
تعارف بالأخ تمبس :
انت عمرك كم ؟
وشكرى لكم ان أصبتم القصد .
والعيبى ان جانبتموه .
ست البنات .
| |
|
|
|
|
|
|
|
|
|
Re: رجــــاء العباسي ... (Re: ست البنات)
|
Quote:
وأضم صوتى وأتمنى من الأخوة الذين يطلبون عودة كل بعيد عن البورد بتهيئة الأجواء للعودة الحميدة , والمقام الطيب !
اذ لا يمكن ان تدعون الغائبين واياديكم تقبض على معول الفرقة والبارود !
وأرفع صوتى عاليا مستنكرة أن يتحول أخوة لى ورجال أولاد بلد الى اسلوب المطاعنات ! |
السيدة أو الآنسة ست روحها
تعرفي أبيخ حاجة إنو الزول يدخل في موضوع وما يكون عارف أصلو
وكمان يعمل فيها واعظ. إنتي يا سيدتي راكبة غلط وأحسن تنزلي
هذه ليست معركتك. لا أعرف الإسائة للنساء وهذا من حسن حظك.
ولو لا تقديري لتمبس وحرصي علي روح البوست
كنت سأرد بما يليق تمامآ.
| |
|
|
|
|
|
|
|
|
|
Re: رجــــاء العباسي ... (Re: ست البنات)
|
الأخت ست البنات ..
سلامات وشكرا لمرورك ..
| Quote: وأضم صوتى وأتمنى من الأخوة الذين يطلبون عودة كل بعيد عن البورد بتهيئة الأجواء للعودة الحميدة , والمقام الطيب !اذ لا يمكن ان تدعون الغائبين واياديكم تقبض على معول الفرقة والبارود |
ست البنات .. اتمني ان توجهي كلامك بشكل مباشر لمن تحبي ان توجهي له.. هذا في حال نويتي الاستمرار في هذا البوست ..
| Quote: وأرفع صوتى عاليا مستنكرة أن يتحول أخوة لى ورجال أولاد بلد الى اسلوب المطاعنات |
واتمني أن تكوني علي الاقل محضر خير أذا حبيتي تقربي من وجهات النظر وعلي أن تكون في بوست آخر غير هنا مع احترامي لحريتك المخولة لك في البورد .. وزي ما شايفه كلامك ده في حال ما يتوجه لي شخص معين برضو ممكن يعتبر اسلوب مطاعنات وبرضو ممكن اعتبرو انو موجه لي لاني انا الابتدرت هذا البوست ..
مرحب بتعارفك ياست البنات وسعيد بوجودك ..
بس مسالة العمر دي بقت تجيب لي الهوا ممكن تشوفي الصورة وتحكمي الصورة ليها شهر تقريبا يعني انت وتقديرك .. ومعاك مفتوح البند التقديري لحدددددددددي اربعين انا راضي ما عندي اي مشكلة والله يدينا طولة العمر والعمل الصالح وعفة اللسان واحترام النفس
شكرا تاني
| |
|
|
|
|
|
|
|
|
|
Re: رجــــاء العباسي ... (Re: حبيب شامى)
|
| Quote: لا أعرف الإسائة للنساء |
مازال الرجل يكذب ويتحرى الكذب حتى كتب عند الله كذابا...
من اقوال الرجل الذى لا يشتم النساء ولا يطاعن ولا يعرض
Quote: الأخ أسعد أبراهيم..
لا تتعب نفسك كثيرآ أنا أعرف من هم (الدكتورة والتمرجي)
وكيف أرد عليهم ..لك شكري.
عصام جبر الله..
أشكرك كتير. |
Quote: تعرف يا ..
أنصحك بالإبتعاد عن هذا الموضوع ..
فأنا أحمل لك الكثير من التقدير..
أملك من وثائق ومستندات ما يجعلك "تطرش"
وأسكت عنها لأسبابي الخاصة..
المرة الماضية قطع علي الطريق بعض الأحبة
فكرهت أن أخذلهم فتوقفت..
هذه المرة أقسم بالله العظيم إن تتبعتموني هكذا
فلن أتوقف وسأنشر الكثير من الغسيل "الوسخ جدآ"
فأبعدوا عن طريقي أفضل لي ولكم. |
طبعا الى الان ما شوفنا وثائق ولا مستندات ولا اعتذار
Quote: برضك مصر يا ...؟؟
يا زول ما أخير ليك تبعد من الحكاية دي
بعدين بتجوا تكوركوا وتقولوا دي ما رجولة
وما بيشبه أخلاق السودانين والفلم الهندي الدخلناهو قبل كده
ويا نصري ما تبقي لايوق كل في وكتو المناسب "كدي شاور |
Quote: الأخ العزيز عادل..
كويس يا عادل إنك إنتبهت لتدين هذا التصرف أخيرآ وهو شئ أحمده لك.
ثانية (التعريض) و(المطاعنة) تعلمناها هنا في هذا المنتدي فقد عودنا الضرب
من الخلف وهو عمومآ لم يعد عيبآ. أنتم تقولون تريدون أدلة لكم هذا فقط نتفق
علي الأسس في البداية.بنيت إتهاماتي ضد (الدكتورة والتمرجي) ليس عن فراغ
وسأنشر كل ما لدي فقط أعطوني نصف يوم فما عندي كثير يحتاج رفع وتجهيزليرفع دفعة واحدة
هذه المرة وفي ثلاثة منتديات تداركآ لخطأ وقعت فيه المرة السابقة هذه أولآ .ثانيآ لا أريد أن يأتيني لاحقآ
|
Quote: التعريض) و(المطاعنة) تعلمناها هنا في هذا المنتدي فقد عودنا الضرب
من الخلف وهو عمومآ لم يعد عيبآ |
كل الخمخمة والوعيد والتهديد وتبيخ السم طلع على مافى..الى الان لم نرى هذه الوثائق
والمستندات والخ الخ...
يا ست البنات راجعى البوست دا عشان تعرفى الحصل شنو..
وشكرا ليك على احقاق الحق... واتمنى ما يكون مصيرك مصير العمدة...
اصلو فى البورد دا الناس بتسكت خوفا من المافيا دى..
وهناك المزيد...فى ارشيف النصف الثانى من 2004
لمن يحتاج للتنوير اكثر عن براءة الناس ديل..
<a href="http://www.sudaneseonline.com/cgi-bin/sdb/2bb.cgi?seq=search&str=&usr=%CE%C7%E1%CF+%C7%E1%CD%C7%CC&board=95" target="_blank">http://www.sudaneseonline.com/cgi-bin/sdb/2bb.cgi?seq=s...E1%CD%C7%CC&board=95
عندما تكون العقـــــــول كالأحـــــــــــــــــــــذية؟؟؟؟؟
| |
|
|
|
|
|
|
|
|
|
Re: رجــــاء العباسي ... (Re: tmbis)
|
تمبس سلام..
................
معا لعودة رجاء نفتقدك يا رجاء
................
وهذا من حقي ان اطالبها بالبقاء بيننا لكن الشئ الذي ليس من حقي أن اشعل الكلمات و الهب العبارات و ابعثر الأحرف هنا و هناك ضد اخرين دون أدني رؤية لسبب الذي من أجله كان البوست ..
| |
|
|
|
|
|
|
| |
tmbis
أحمد الشايقي
ابو جهينة
Dr. Moiz Bakhiet
ودقاسم
abas
Rashid Elhag
alsngaq
bayan
adil rahman
Ishraga Mustafa
lana mahdi
ahmed haneen
معتصم دفع الله
الجندرية
Amjed
بلدى يا حبوب
yasiko
Shinteer
ست البنات
مبيوع
سجيمان
فيس بوك
تويتر
انستقرام
يوتيوب
بنتيريست