هاله قوته .. كنت ناوي احكي ليك عن حسين الصغير ولد ( البرتا ) وعن أشجان المسافة ما بين خزان الروصيرص ... وقنيص ابوقومي .. وعن حنين حلة كاملة نزحت بي شوقه ..بتبث أشواقه وحنينة .. بترسله في شكل ( تونات ) موسيقيه ( بالوازا) وده اضعف الايمان لاحظي .. ناس بتشتاق ( بالوازا ) وبتضرب علي القرع .. ( والبلو نبرو ) والكلام ده بعد صلاة المغرب طوالي .. والصباح عادي جدا يصحو مع الطير و الواحد يحلب بقرتو ويأدب شوقو بتاع امس بالليل .. ويحمد الله .. بس الفرق في حنينهم ...أنو بره عتبت البيت ..مافي جليد .. سبت عثمان .. في حنين خاص .. ولنك الحفظ ..لي حنينة .وأتمني انو يكون في شكل بخورتيمان أو(قنقليز بالشطة )
هلولة السمح قولة الحنين مفروض علينا الحنين جزء لا يتجزأ منا يتبعنا للمنافي الموغلة في الوحشة يذكرنا بأننا من هناك...هنــــــــــــــــــــــــــــــــــاك
لكل حنينه الذي يخصه عايني لسبت دة هسع...شوفي حنينه جاييه من ويين قارني بينه وحقك المحظوظ منو فيكم ولا كل الحنين زي بعضه؟؟
(عدل بواسطة haneena on 01-04-2004, 10:20 AM) (عدل بواسطة haneena on 01-04-2004, 10:25 AM) (عدل بواسطة haneena on 01-04-2004, 10:34 AM) (عدل بواسطة haneena on 01-04-2004, 10:57 AM) (عدل بواسطة haneena on 01-13-2004, 08:42 PM)
01-05-2004, 08:25 AM
tmbis tmbis
تاريخ التسجيل: 10-19-2002
مجموع المشاركات: 24862
حنينة ااي كل الحنين زي بعضو..مافي فرق يعني حنين سبت السامعاهو ده بيشبه لي حنين حسين الصغير الما قلتو ليكم واظنو بيشبه حنين محمد مرغني " وليل الغربه اضناني " لكنما اظنو عندو علاقة بي بابكر حنينوثانكيو للنك شايف الايام دي في نشاط
رحمابيأنت بقيت تخوف الواحد والا شنو ؟؟ الايامات دي في ناس مخرخره شديد وقالت ماشا السودان ..علشان كده حاجاتك دي خليها بعد الاجازة الايامات دي بتكتل ليك زول... ودي /زولة علشان خاطر الجندرية والله مشتاقين يابوالنسب .. شايفك ليك كم سنة مني .. انت نطيت والا شنو ؟؟؟ ورينا شان نتصلبط لينا في مكان تاني
01-04-2004, 11:41 AM
الجندرية الجندرية
تاريخ التسجيل: 10-02-2002
مجموع المشاركات: 9450
ياست الكل ياريت والله ..كان نخدمك بي عيونه ..بس عندي تلاتة اغنيات لي سبت المنقه ده ومجازفه من التلفزيون .. حليمه دي زاتي كايس ليها .. ح انزل ليك الاتنين التانيات وإ شاء الله اعزمك حفله بي سبت في السودان بس قولي خير ...
عاين انت زاتك يا رحمابي انا غرقان في الملفات .. والجردل السنوي زي ما قالت تماضر فتحت البتاع ده امس بالليل شديد لقيت القمر ده منور ماشاء الله ..داير تمارس معانا الارهاب البوردي يعني ؟؟ يعني تاني الواحد يجي داخل البورد ده بي تلج مكسر في كيس نايلون علشان يعملو ليهو مكمدات يعني والا شنو يعني ؟؟ الله يخليهم ليك .. بس كان نكرتنا بعدين بتعرف حاجه .. انت ما قايلني عكليت مش كده ؟؟
01-13-2004, 11:22 PM
haneena haneena
تاريخ التسجيل: 05-27-2003
مجموع المشاركات: 2002
ياهاله .. انا رفعتو تاني البتاع ده بمناسبة .. العيد الكبير وكده .. طبعا هو قريب لي البوست حق ( المكاواة ) بالنسبة للناس الما ماشين السودان قريب ده .. وحال عليهم الحول .. غايتو الله كريم عليناانحنا زاتنا تتخيلي ؟؟
ياخال انا مالاقيتك في البوست ده مش كده ؟؟ بقصد يعني فيروز ...انا طبعا بقيت انسي الحاجات .. والخرف حصل الله يكفينا شر عدم السفر والعيد في السودان والحاجات التانية
01-17-2004, 05:46 PM
شتات شتات
تاريخ التسجيل: 05-03-2003
مجموع المشاركات: 1166
شتاااات الله يسامحك يالزيز .. تنساني انا؟؟ داير امشي ليك بي هناك .. تجيني بي هنا ؟؟
لكن يابوصلاح ..شكرا لي جيتك بي هنا وشكرا لي يوم الخميس العنيف . واجتماع الرياض اللاقاني بيك انته ومعتصم ..لكن انت قايل البرد بتاع اليوم داك ما زي البرد الكتل اخونا ابوذر مش كده ؟؟؟ ياخ انا لحدي الآن لما اتكلم الدخان بيطلع مني تقول فرن .. بجيك تاني ..كويس ؟؟
01-17-2004, 09:26 PM
شتات شتات
تاريخ التسجيل: 05-03-2003
مجموع المشاركات: 1166
تمبس والله الحنان كملته وفى حروف جميلة صورته والشوق جروف يداعب الدعاش شتلاته فى حروف رقيقة صورته رغم انو فى السودان لكن وصفك ده ما بديع عبرك احى هالة قوته تخياتى
01-18-2004, 11:54 AM
معتصم دفع الله معتصم دفع الله
تاريخ التسجيل: 12-18-2003
مجموع المشاركات: 12684
بلاهي . انت معانا في برنامج الجرسه ده ؟ اصلو الواحد يتذكر الحاجات .. زي برنامج عزيزي المشاهد .. وبعد داك يقعد يتمني .. ويحلم وتداعي .. والحنين لما يذيد بيكون حاجه صعبه .. امسك في مكان انت في ده قوي .. وهاله قوته ان شاء الله تقرا تحياتك دي .. وتجي علينا جاي .. ما شايفه في البورد .
شتاااااااات ...
اها كيف مع البردايس بتاع الليلة ده .. والضباب الما عارفو جاء من وين ده ؟؟ انا غايتو متلفلف زي القندول .. جني وجن البرد ..
معتصم دفع الله .. يديك العافية ياحريف .. والصورة منورة الحوش .. يا عظمة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
tmbis
haneena
AlRa7mabi
الجندرية
HOPEFUL
شتات
بلدى يا حبوب
معتصم دفع الله
فيس بوك
تويتر
انستقرام
يوتيوب
بنتيريست