دعواتكم لزميلنا المفكر د.الباقر العفيف بالشفاء العاجل
|
|
 اللــون .. الصورة .. الخطوط .. الاقتباس
|
معظم الإجراءات تتم عن طريق .. Copy & Paste ..
..
لتغيير لون الخط .. نقوم بالنقر على الرابط الخاص بالخطوط على الناحية اليمني
نقوم بعملية نسخ ( Copy ) للون المحدد أو المراد استعماله ، نقوم بعملية ( Paste ) داخل الصفحة المراد الكتابة بها..
يمكن تغيير لون الخط المراد استعماله فقط بتغيير رمزه بمسمى اللون .. مثلا:
Red
Green
blue
وكل أسماء الألوان المتعارف عليها .. ويمكن اختيار الأسماء من خانة:Coloured Text
بصورة أسرع:
نقوم بحصر النص أو الجملة المراد تحويلها ( بين الأقواس )
مثلا اردنا تحويل نص إلى اللون الأحمر :
- نظلل الكود الخاص باللون الأحمر .. من اللوحة المرفقة على الناحية اليمني
- ننسخ الكود ( copy ) وندرجه في مكان الرد بالصفحة ونقوم بعملية ( paste ) ثم نقوم مرة أخرى بعملية تظليل للكتابة المحصورة بين الأقواس Red Text يمكننا الكتابة مباشرة أو يكون النص معد جاهز على صفحة خارجية.. فقط نقوم بعلمية نسخ ( copy ) للنص .. نختار الخيار Preview لمعاينة العمل والتأكد من صحته قبل الإرسال ..
- إذا أردنا للنص أن يكون أكثر قوة ما علينا إلا تظليل النص من جديد بين الأقواس ونختار الخيار Bold من اعلي مكان في صفحة الرد.
- ويمكن ايضا الضغط على ايقونة Italic ويعطيك شكل الميلان للنص.
- ومن ايقونة Underline لوضع خط تحت الجملة المطلوبة ..
...
الاقتباس ( quote ):
نظلل المساحة المطلوبة للاقتباس نضغط على الايقونة الخاصة في صف الرموز Quote تفتح معنا نافذة غالبا يكون فيها ترميز غير واضح للقراءة .. نمسح كل ما في النافذة المفتوحة ثم ننســـخ بدلا عنها الجملة المراد اقتباسها .. ثم نضغط OK..
...
ملاحظــــة:
هذه الإجراءات لابد وان يسبقها تظليل للمساحة المطلوبة كما نفعل مع الكتابة في صفحة الـ word العادية..
...
إذا يمكن ان نجعل النص مختلف الالـــوان ، واكثر قوة ، ومائل ، وتحته خط فقط بالتظليل واختيار الامر المطلوب.
|
|
 
|
|
|
|
|
|
|
 Re: اللــون .. الصورة .. الخطوط .. الاقتباس (Re: Rasha Hatim)
|
رشـــا
كيفك يا فــردة..؟
| Quote: الغتاااااتة!!!!!!!! |
 ..
غتاته على خفيف بس .. لزوم زحمة شوية كـــدا ..
عارفه طيلة الفترة الفاتت كنت بفتش في النت على ( سوفت وير ) نفس البشتغل بيهو علشان يكون ساهل في التحميل للاجهــزة من ناحية الحجم والمساحة في الهارديسك لانو معظم الناس ما بتتوفر معاهم البرامج دي أو حتى إذا اتوفرت بتكون غاليه شوية .. والبرامج المساعدة في ( الوندوز ) العادي فقيرة وما بتدي خيارات مناسبة ..
اديها صنة علشان اللقي برنامج خفيف .. أو مريــح .. ونجي نفرتقو سوا
| |
|
|
|
|
|
|
|
|
 Re: اللــون .. الصورة .. الخطوط .. الاقتباس (Re: tmbis)
|
.....
شاقي روحك لييييه
....
ياسلااااام عليك ياتمبس ياخ..
وياسلام على الهادي الجبل الجميييل
ياسلاااااام على الخلفية
ياسلام على أي حاجة ياخ
....
....
طيّب مُمكن بالمناسبة دي أهدي؛
داير أهدي الليكشر دي للشابة نجلاء التوم؛
شايفها هنا رد: تراجم : كافكا موظف التأمينات - ترجمة نجلاء التوم بتستجدى في الناس:
Quote: يا جماعة الخير
ممكن زول يدلني على الطريقة التى اقتبس بها ، لقد جربت الايقونة الخاصة بالاقتباس ويبدو أن هناك خطوة صغيرة فات علي القيام بها !!!
المعذبة ن ع أ |
شكراً ياشاب
.....
| |
|
|
|
|
|
|
|
|
 Re: اللــون .. الصورة .. الخطوط .. الاقتباس (Re: الفاتح وديدي)
|
الفــاتح وديدي ..
تعرف:
انا مشغل الحــاجة دي على خمسة سماعات .. والباص في السماء
وكل مرة بقــول يا سلالالالالالالالام..
واعيده تاني من جديد الاغنية .. لما قريت يا سلالام بتاعتك دي .. ضحكته والله قلت معناته الفاتح دهـ ح يكون اتجهجه زيي ..
..
يــاخي نــجلاء التوم دي اهدي ليــها لي معاك اي حاجة جميلة تلقاها في الدنيا دي .. وتقع في عينك
زولة موزونــة .. موزونــة..
ياريت الشرح دهـ يوصله بالسلامة..
بعدين عايز اعمل ليك شوية بتاعت خلل في السمع لي شاقي روحك ليه دي وما بلومك وما تلومني
العمل بي صوت .. البديع جــدا ( عــامر الجوهري )
طبعا نفس المدرسة الجبلية
| |
|
|
|
|
|
|
|
|
|
Re: اللــون .. الصورة .. الخطوط .. الاقتباس (Re: الفاتح وديدي)
|
وديـــدي..
عادي يازول .. ما تتوتر من المسالة دي
..
يلالا المداخلة ساهلة جدا .. تضغط رد ..
بتلقى تحت تلاتة ايقونــات
- ملفك
- عدل
- رد
ايقونة ( عدل ) دي تموت معاها .. لما تضغطه بتفتح ليك المداخله بتاعتك الكتبتها وبعداك ممكن تمسح منها اي حاجة وممكن تضيف ليها اي حاجة عايز تضيفه وترسله عادي جدا .. بعداك بتظهر ليك رسالة تحت انو تم التعديل بواسطة الفاتح وديدي وبيديك الزمن العدلت فيهو والتاريخ
| |
|
|
|
|
|
|
|
|
|
Re: اللــون .. الصورة .. الخطوط .. الاقتباس (Re: Adil Osman)
|
عــادل يا دولي ..
شكرا يا عريس
دي ضربة معلــم
يعني انا اكتب من قبيل بالالوان ومالي الصفحة .. واعمل استعراض واشوف الناقص شنو والزايد شنو
تجي ( تكرفسه ) بحرفنه في كلمتين بس ؟
والله إلا افرتقــه ليك:
- Red Text
- Bold
- Italic
- Underline
بعدين عندي كاميرا والله خــاتيها ليك من البوست بتاعك بتاع المرة الفاتت بس أخوك نساي
| |
|
|
|
|
|
|
|
|
|
Re: اللــون .. الصورة .. الخطوط .. الاقتباس (Re: tmbis)
|
يا أصلي ..
شغلك نضيف .. و بتاع عبيد كبار ..
لكن البلد ضيقة ..
في حاجات أنا كنت دقوس فيها .. لعبتها لي صاح .
يا ود إنت ود ناس منو ؟؟
( غايتو الحيكومة دي شديدي شدي ) !!
المهم ..
ذكرتني واحد صاحبنا الله يرحمه ( الأيام دي الله يرحمه كترت في الخشم .. قول واحد ) ..
المهم .. صاحبنا ده الله يرحمو ( كده اتنين ) .. عندو خالتو ما تسمع شي ولا تشوف شي و يعجبها , إلا تقول براها منها وليها : غايتو الحيكومي دي شديدي شدي !!! نظام متكيفه من الشغل العجبها ده .
مرة شافت ليها عتود أسود على أبيض كده .. سمح و ملظلظ و بج ( دي يكتبوها كيف دي ؟؟ ما عندك ليها كود يا أصلي ؟؟ ) .. يا الناس النضاف الورا هوووي .. بج يعني لحمو طري .
أنا كنت بقول شنو ؟؟ .. أيوووه .. قامت قالت لي بت بتها الماشه جنبها : النبي عايني سماحة الدغور ده .. غايتو الحيكومي دي شديدي شدي !! ..
قطع العتود الخور , لفحو ليك تاكسي بارلينا ..
( هههه .. دي زي شعار برنامج الرياضه زمان : شايت طويل لحسن العبد .. حسن جاري وراه قصار .. لعبها ورا لصديق منزول .. صديق عندو الكورة .. بيبص للاعبين الموجودين .. طلع من الإتنين .. كويس صديق .. كويس صديق .. ح يشوت في القون .... شاااااااااااااااااااااااااااات )
- ( موسيقى ) -
تمبس أنا مدبرس للطيش .. و فكيتها فيك ..
الله معاك
| |
|
|
|
|
|
|
|
|
 Re: اللــون .. الصورة .. الخطوط .. الاقتباس (Re: Emad Abdulla)
|
يا أصلي ...؟؟
لالالا دقيقه ياعمدة دي كم سنة كــدا لي وراء
عندي زول صاحبي خريج جامعة السودان قسم كهرباء .. اسمو ( محمد عبد الله ) لاحظ ( عبد الله دي ) صاحبتو في يوم واحد بس .. بعدين لاحظ انو ساكن في ( الديم ) بعدين لاحظ لي الحاجات دي ماشه كيف؟؟
محمد عبد الله دهـ احسن زول كان بيقول يا اصلي شبكه فيني وبعدين انا قمت ( بعتها ) لي عمار أخوي الصغير بتذكر بعتها ليهو بي بنطلون جينز واتنازلت ليهو عن كامل الحقوق وعمار ( شبكــه للحاجة ) وبقينا كلنا اصليين في البيت
عمـــاد.. مورط معاي بالمناسبة .. أنت أخوي والا شنو يا اصلي بعدين عندي عماد منصور دهـ أخوي الاصلي وحسع كنت بتكلم معاهو في التلفون ..
طيب ..
لخبطت لي الحاجات كدا.. محمد عبد الله اللذيذ جدا وقاعد يشبهك شديد دي واحد بعدين المسالة بتاعت عماد دي .. ومسالة اصلي وعماد منصور ..
عماد بالجد كدا اتصلح معانا.. أنا ممكن ( أرخي ) ليك بتاعت محمد عبد الله دي لانو المحمد عبد اللات كتار في السودان دي بمشيها.. لكن بركز ليك في عماد التانية .. والله ياعماد كان طلعت أخوي تكون بالغته
بعدين كنت قايلني ما بعرف حاجات كتيرة مش
دقيقية .. دقيقة والله اتذكرت ليك حاجة تانية .. عمار الاصغر مني .. خريج تلوين كلية الفنون الجميلة .. قريبات دي .. عشان ما يجي يتشبك فيني صلاح عبد الله يقول انا كبير ودفعتو
عماد الحاجات دي ملخبطة والله شديد .. بالجد كــدا
بعدين بتزرزرو فيني كم يوم أنت وأخوك ( الكبير ) صلاح وبتقولو لي أنت ود ناس منو.. أنت ود ناس منو.. صاح؟؟
في حاجة ( اسفيرية ) هنــا ما مفهومة.. مش بقولو العالم اصبح قرية صغيرة
يازول أنت أخوي والا شنو
خــارج نفسك بسرعة والله ..
بعدين يا اصلي ما تدبرس يـــاخ .. والله انا كنت مدبرس من شهر أربعة الفـــــــات داك لمن شبعته وقمت قلت الحمد لله دبرسة ..وقلت دبرسة زي دي تاني إلا الكريم واصلو ما ح تفك..
لكن ياهو بدت تفك شوية شوية ..
عندك دبرسة تعال بيها هنــا .. والله اطيرهـ ليك من راسك
| |
|
|
|
|
|
|
|
|
|
Re: اللــون .. الصورة .. الخطوط .. الاقتباس (Re: tmbis)
|
تنبس عامل فيها حريف؟
أها بقوك عريس،،
خُم و صُر،،
و شغل الفريشمانين البتسوي فيهو ده ما مقسم معاي،،
لكن ،،
وجعتني دبرسة عماد عبدالله دي،،
و ريحتني فكتو فيك،، حبة بس،،
يا عماد كيفن تدبرس؟
كدي بس عاين لي الوشوش صبيحة الحروف دي،،
ما بتخفف الهم و الحزن؟
| |
|
|
|
|
|
|
|
|
|
Re: اللــون .. الصورة .. الخطوط .. الاقتباس (Re: اساسي)
|
Quote: و كان لينا نحن،،
تاني البفرتق روحنا و يخلي اشواقها
تمرق شوق شوق منو؟ |
| Quote: انا غايتو مطلع روحي وقادي جيبي |
يا سوميــــتا
اساسي دهـ ما تشتغلي بيهو شديد .. انا بقعد افرتق كدا لحدي ما اخلي المنبر دهـ والفورة الف طبعا .. المرة الفاتت ( اشترى ) ليهو مكتبة من بكري أبوبكر ومتسلف قروشة مني .. قداني بيها انا قربت اهاجر من السعودية امشي استرالياعشان بعيدة وكدا قام بكري بعد يومين بس الله يديهو العافية عمل لي مكتبة ملح ..
قام عرس قبل فترة ودافع ليهو في الكشف .. كمية بتاعت دولارات .. لاحظي ( دولارات ) حسع جاي فاكيها فيني وخاتي ليهو وش بيرمش ..
يا اساسي ..
.. أخوك قلبو واقف اليومين دي وعايز يتأهل .. مافي طريقة سلفية وكدا
بس ما تفكها فيني وتقول لي زي كل مرة .. انا داخل في ( صندوق ) وصرفتي بعد تسعه شهور
والله تقعد تلم فيها كدا تموت وتخليها .. ويورثوهــا ( الشفوت ) الزينا ديل
| |
|
|
|
|
|
|
|
|
|
Re: اللــون .. الصورة .. الخطوط .. الاقتباس (Re: Soumeta)
|
Quote: تنبس عامل فيها حريف؟
أها بقوك عريس،،
خُم و صُر،، |
..
سمسم..
حال السرور .. القراية نخليها خلاص طالما عادل قال نعرس
..
عماد طبعا قايلني ما بعرف حاجات كتيرة .. وقال عايز يفكها فيني
عليك الله شوفي الفكة دي قدر كيف حسع ..
..
بعدين جبتي اغنية تاور والا عامله زغبيرة لسه؟؟
جهزي حالك إذا بتريدي
| |
|
|
|
|
|
|
|
|
|
Re: اللــون .. الصورة .. الخطوط .. الاقتباس (Re: tmbis)
|
..
.
timbs
ما حتتخيل انا بحاول اتعلم تغيير الالون من امتى ؟؟
و مع ذلك اعاني من اتباع الخطوات على اي حال ححاول و اجتهد
و كنت كمان عايزه اسالك ادخال الاغاني و الصور كيف ؟؟
ازبطي تغيير الالون اول قول لي ؟ّ!
تحياتي
| |
|
|
|
|
|
|
|
|
|
Re: اللــون .. الصورة .. الخطوط .. الاقتباس (Re: Omayma Alfargony)
|
والله لكين علم تقيل
اولاً السلام عليكم يا جماعة
وقبل المشاكل ما تحصل انا جاية هنا بناء على فتنة قبلية مع وديدي
لكن لمن جيت لقيت كل الحبايب يعني متلمين قت خلاص
اعمل برأي غنية فرفور الجدية البتقول " ماااااا مشكلة " وداليا وطلال عفيفي شهود على وجود هكذا اتجاه في الغناء السوداني أعزه الله
انما
يا تمبس شكراً كتير
وعماد وعادل انا عندي معاكم حكي وقص ورص والايام دول
ويا وديدي الفيكم اتعرفت وبقا علينا بس قصة الكاشف والفلاتية ؛ واذا انتا متخلف تكنولوجيا في داعي تقول الكاشف اخوك وتفضحنا على الهوا ؟
الحائرة ن ع ا
| |
|
|
|
|
|
|
|
|
|
Re: اللــون .. الصورة .. الخطوط .. الاقتباس (Re: نجلاء التوم)
|
اهليــن يا نجــــلاء التوم ..
وعليكم السلام .. إن شاء الله وديدي جاب ليك الحاجات القلنا ليهو وصلة ليك وما عمل بيها نايم
كان جيتي مارة بي جاي .. انا بثبت ليك عماد .. بس حاولي اعملي لينا أي أو أي حركـــة من الحاجات دي .. علشان ناوي احدده معاك ومع الكاشف وبنقبل أي قصيدة منعشة جديدة..
شكرا يانجلاء ويــا وديدي ويا كلكــم ..
| |
|
|
|
|
|
|
|
|
|
Re: اللــون .. الصورة .. الخطوط .. الاقتباس (Re: ibrahim barssi)
|
| Quote: بالطريقة دى ياتمبس |
الواثـــق يا لذيذ دا شغل نضيف جــدا .. حاول غير اللون لي الأزرق .. والا ده الشعار ..؟
صفــاء فقيري ..
سلامات
أي سؤال ما عندك أي مشكلــة.. جاهز..
بــــرسي..
كدا تمام يا زول واعمل اي حاجة عايز تعمله هنــا .. ممكن تجيب ( فيــل ) ما عندك مشكلة أخد راحتك على الآخر ..
| |
|
|
|
|
|
|
|
|
|
Re: اللــون .. الصورة .. الخطوط .. الاقتباس (Re: Safa Fagiri)
|
| Quote: كيف بتعمل الخلفية الغنائية وتخليها شغالة وباستمرار. |
Quote: how do I conceal a song
behind a post?? |
صفــاء فقيري .. وبنفســج
ح ارد ليكم مع بعض لانو سؤالكم مشترك .. لكن كان عملت كدا مع بدرالدين شنــا( بيعمل لي مشكلة ) ..
المسالة بتتعلق بالكود المستعمل وبندرج فيهو الرابط بتاع الأغنية ..
يعني يا صفاء علشان انزل الاغنية في الخلفية في خيار بختارو في الكود اخلي شكل الكود بعدما يترجم .. يترجمو مخفي .. وإذا كنتي بتستعملي الأكواد تلاحظي لي الحاجة دي وبتكون مكتوبة كدا:
وإذا حبينا نظهر الشكل بنقول كدا:
HIDDEN=FALSE
معليش طبعا إذا ما اتعاملتي معاها بتكون غريبة بالنسبة ليك .. لكن اقبليها كدا لحدي ما ارجع واشرحه عمليا لما نشرح طريقة الاكواد والملفات الموسيقية وإذا عندك اي سؤال تاني مرحب بيك طوالي ..
..
نفس الطريقة يا بنفسج بالنسبة للخلفية وطريقة الاستمرار لاحظ معاي بالنسبة للاستمرار:
LOOP=TRUE
..
مثلا نلاحظ دهـ الكود بتاع الأغنية الشغالة دي ( شاقي روحك ليه ) عامل كدا:
الخط الأحمر تحت الاشياء الرئيسية يعني ترجمته عاملة كدا:
- مخفي
- يشتغل باستمرار
- يشتغل عند فتح البوست مباشرة
..
معليش لو كانت المسالة دي ما واضحة مع شرح الاكواد ح تتضح اكتر ..
| |
|
|
|
|
|
|
|
|
|
Re: اللــون .. الصورة .. الخطوط .. الاقتباس (Re: بدرالدين شنا)
|
فوم كده ، عامل فيها قيافة وبتعاين برة الصورة
يأخوي اشرح براحة براحة وسهل الموضوع
ديل ولافيهم واحد فهم حاجة بس بجاملوك ســــاكت
قلت لي كيف الون بالمناسبة انا بحب اللون الازرق الملوكي
قلت لي كيف اعمل لون ؟؟
ايوة من الاول براحة
انت قايل نفسك شنو،، بتعرف اكتر مننا؟؟ومنو القاليك تشرح لينا؟؟ ليه نحن بولده ؟؟
بولده جاية من حلة بولد وأهل ،بولده ..انت من وين ؟؟وتمبس ،ده اسمك ولا لقب ؟؟بالله!
أنت يا تمبس مطلق ؟؟ليه لابس بدلة العرس ؟؟اها مطلق رجليك ههههههههههههههههها
شفت الهنا الانا فيه ..دبرسة وفكيتها فيك ..ايه رايك ؟؟
قال شنو اللون والصورة والخطوط والاقتباس
انت ياتمبس ماك طيب قلت لي كيف اعمل اللون الازرق؟؟؟؟
| |
|
|
|
|
|
|
|
|
 Re: اللــون .. الصورة .. الخطوط .. الاقتباس (Re: محمد سنى دفع الله)
|
بلاي يا محمد السني ( فوووم ) فكنــا كدا والا كــدا
انا لاقيتك في السوق العربي زمـــان بتذكر سنة كم كدا ما عارف ووقفت سلمت عليك واتونسنا وقرربت اعزمك حاجة باردهـ من بتاعين الاكشاك البفتحو على كدا ديلك ـ وكنت قايلك بتعرف تلون من الوكت داك .. وحسع لابس ليك قميص مخطط ( كاروهات ) لي فوق بي لون ( بصلي ) وما بتعرف تكتب باللون ( العنابي ) ..
بعدين بدرالدين دهـ مش كان معاكم .. حسع اهوندا بيعرف يعمل اي حاجه هنــا مش صاحبك ؟؟
والله يا محمد السني انا كان ( فومته) فكيته فيك بلون ليك المحلات دي كلهــا بس ح اديك صنة لحدي يوم الخميس الجاي .. كان ما لونته براك تكون بالغته عديل كــدا ..
اي سؤال
| |
|
|
|
|
|
|
|
|
|
Re: اللــون .. الصورة .. الخطوط .. الاقتباس (Re: بدرالدين شنا)
|
بدرالدين حــلاوة..
والله بالجد لما اشوفك اون لاين بكون منتظر اي جلكسة منك ..
تعرف عندي صاحبي .. مدمن سوداينز وساكيك سك شديد وريتو البوست دهـ :
ميم الزكمة
بتاع .. بعاوية البعاك دهـ بنو؟ .. والله ما تتخيل حسع ( بحتربك قدر كيف .. وكل برة بسألني بنك
غايتو يا بدري عايز اعمل ليك رابطة معجبين في الرياض
| Quote: الله يحفظك يا تمبس ياااااااااخ |
ودي عندي بي الدنيا كلهـــا.. ويحفظك أنت كمان ياحلو جــدا
| |
|
|
|
|
|
|
|
|
|
Re: اللــون .. الصورة .. الخطوط .. الاقتباس (Re: ibrahim barssi)
|
سلام يا أصلي ..
يا بتاع بلاد بره ..
غايتو البتسوي فيهو , ده يا دخلك الجنه .. يا الجناين .
وإنت كان نصيح .. سميني كوكو ..
المهم .. عندي سؤال يا
تمبس ياخ لمن ( أحمل ) صورة .. تقوم تجي و تحتها شريط أسود و بايخ و فيهو ( و كمان بالإنقليزي ) سودانيزأونلاين .. ياخي ده بايخ بياخة ..
ما نحنا عارفين الصورة في سودانيزأونلاين , و الملكية الفكرية و المصنفات الماعارف شنو .. و مكنات العلم ديك .
لكن ياخ الشريط ده بيبوظ الصورة .. ( عامل زي الشخوت الفي رقبة الحبشية ) .
الدبارة كيف يا أصلي ؟؟ ده شعراً ما عندنا ليهو رقبة .. ( زمان أي زول رقبتو قصيرة يسموهو عيساوي .. النوع الإضنيهو لحام مع الكتف داك , ليه عيساوي ؟؟ ما عارف ) ..
المهم ..
المزهجني يا تامبا ناس إبراهيم الجريفاوي و ناس طلال ديل ..
يمرقو ليك الصورة نضييييييفه و متمره , زي جضيمات ( أورورا ) البت الإيطالية الكانت بتسوق العجلة بقدام بيتنا سنة ......... ( نسوان الحلة الحاقدات كانو بيسموها كرورة ) .
كيف تطلع الصورة عندهم سمحة كده و أنا بتاعتي تطلع ( السر ود العولاق ) ؟؟؟
بكري ده بيفرز ولا كيف ؟؟ ..
طيب نحنا يا بكري ناس قريعتي راحت ديل أهو ربك أدانا الزول التفتيحة ده .. و ما دايرين منك حاجه زاتو .
( ما تكبر اللفة و تأكلنا الهوا يا أصلي .. عاملين الطيب سند عليك و كده )
المصيبه لمن تنزل لوحة .. المفروض إنه أي مساحة جنبها أو حولها أو جواها تكون مربوطة بفهم بيعرفو الرسام .. علاقات و علاقات و علاقات ..
يقوم ينط ليك شريط السجم ده يخليها ليك ( سلوى عشكوب ) .
و كل النحت فيهو راسك يطلع تُسسسسسسسسسسسس .
تمبس .. كب لينا مخارجه دقه سريعه كده من رقبة الحبشية دي .
ناقصين نحنا !!!
قت لي ناس أمي مشو وين ؟؟؟؟؟
مستنيك يا
| |
|
|
|
|
|
|
|
|
|
Re: اللــون .. الصورة .. الخطوط .. الاقتباس (Re: Emad Abdulla)
|
كيف يا اصلي ؟؟
عارف طبعا يوم الخميس أخوك بكون مخندق قدر كيف .. يعني سردبة الأسبوع كلها بتكون يوم الخميس ..
بعدين الجنزير الرابط بيهو بكري الصور دهـ انا برضو عامل لي ( زلزال ) واي مكان بلقى فيهو ( جبص ) زي دهـ طوالي بتخارج وما بتعامل معاهو .. حقو بكري يراجع المسالة دي شوية لانو في مواقع كتيرة ممكن الناس ترفع فيها وبدون ما يحصل الشي الحاصل دهـ ..
بالنسبة لي ( عيساوي ) المسالة محلولة ح اردمك بي موقع ممكن ترفع فيهو عادي .. وجنزيرك في جيبك .. قرمبوز وطلال ديل اولاد عز علشان كدا حاجاتهم بتجي نضيفه ومصنفرهـ والظاهر لي بيعملوا حاجاتهم ( بالليل خالص ) علشان كدا بتجي موزونــه .. نقشته اللعب كيف ؟؟
في حنك تاني ح اخارجك بيهـــو .. لاني لابد ليك لي قدام .. تعرف في خيار خطير جدا ممكن يظبط ليك اللوحة ويجيبه ليك المقاسات زي الترتيب .. متذكر زمان .. ( البنايين ) مش عندهم حاجة كدا فيها ( دبارهـ) وخشبتين كدا ( وكرضمة ) حديد بقوموا يمسكو الخيط ويفكو ليك الكرضمه .. والله الحيطة تطلع ( فيثاغورس ) بس ..
اهــا .. ممكن تستعمل كود التوسيط .. وده اخطر من ( كرضمة ) الجماعة ديلك وبجيب ليك الحاجات زي ما هي .. يعني لما تنزل الصورة وتختار ليها خيار توسيط بتكون خطيرة جدا ومرتاحة خالص في الصفحة .. ح اجدع ليك الموقع الما فيهو جنزير وتوعدني انك تستعمل التوسيط ونشوف بعداك البيحصل شنو .. خيار التوسيط طبعا بتلقاهو مع باقي الاكواد بتاعت التلوين وبما انك زول مفتح ولوااان ح تعرف كيف تستعملو يعني محل التوسيط بدل ما تكتب فيها النص .. تقوم تظلله .. وتعمل نايم وتضغط خيار الصورة وتنزل فيها الرابط بتاع الصورة وتقول ليهو كلو تمام وبعداك الصورة بتجيك زي الترتيب جرب وانا راجيك ..
| |
|
|
|
|
|
|
|
|
|
Re: اللــون .. الصورة .. الخطوط .. الاقتباس (Re: Haytham Abdulaziz)
|
يا هيثـــــم ..
مليون مراحب .. يازول واسطتك والله زي العجــــب وما عندك اي مشكلة في اي حاجة ما عليك إلا تجهز الصورة .. ف يشرح مبسط للصورة فوق وح يتبعو شرح تكميلي ح يعملو معتصم دفع الله عن حجم الصورة وكيف تصغره وتكبرهـ .. خطوة بخطوة طبعا .. وبعداك تنزل الصورة دي في اي مكان يعجبك
اتفقنا ؟؟
| |
|
|
|
|
|
|
|
|
|
Re: اللــون .. الصورة .. الخطوط .. الاقتباس (Re: tmbis)
|
الأستاذ تمبس عساك بخير و بالمناسبة مبروك صورتك الجديدة....
انشاءالله اكون نجحتة و تكون الصورة كدة مظبوطة... بس داير اعرف كيف يتم تحميل خلفيات اغاني مرفقة مع الموضوع و كمان كيف اضع صورتي على البروفايل. (آسف للإزعاج)
مع فائق الإحترام و التقدير،،
أخوك/ هيثم القوز
| |
|
|
|
|
|
|
|
|
|
Re: اللــون .. الصورة .. الخطوط .. الاقتباس (Re: tmbis)
|
علاء تمبس أن يقوم بـ.......
راندم سلام
| Quote: والله بالجد لما اشوفك اون لاين بكون منتظر اي جلكسة منك .. |
إنت عارف أنا مرات كتيرة أقعد أونلاين ساعة كاملة وما أطلِّع اي حاجة يكون عندي إمساك يا ربي؟؟؟
شفت أنا حا الوِّن ليك (ن) السني وأخلي باقيهو اسود وابيض عشان اعقدو ليك
السني
والله حيرتونا (ن) السني و(ن) النسوة
تحياتي لكل أهل الرياض في غصونو ماح
| |
|
|
|
|
|
|
|
|
|
Re: اللــون .. الصورة .. الخطوط .. الاقتباس (Re: بدرالدين شنا)
|
هوووووووووووووووووووووووووووووووووي
ياتمبس
اسحن ليك !!!
فاكي لي بدرالدين الحلو كان راجل ما تواجهني عديل
بدرالدين شن عرفوا بي التلوين والخطوط
تلقاه عندو خبير أجنبي
ياتمبس الموقع ده بعد كم يوم تلقاه كلو الوان
وتبوظ لينا وتخلي اللون عادي سارح معانا
وشوف الولد العجيب ود ناس برسي مالك والهلال
ياخي داير تقوم علينا المريخاب مالك ؟؟؟؟
قلت كيف بنلون ابدأ لينا من الاول ..ايه رايك؟؟؟
| |
|
|
|
|
|
|
|
|
 Re: اللــون .. الصورة .. الخطوط .. الاقتباس (Re: محمد سنى دفع الله)
|
وحلاء بدرالدين ايضا ان يواصل حضورهـ بشكل مكثف حيث اتضح لنا أن البوست بيكون اكتر حــلاوة ( واكتير مهضوم ) .. بعدين عجبتني في ( طقطقة ) نون النسوة لي محمد السني .. طبعا كان قايلك قاعد ساكت ... أقول ليك حاجة .. انت جهجهو لي وانا بعمل مطنش ..
..
محمد السني ..
تاني جيبت .. مش كــدا ؟؟
انا فاكي ليك محترف خطير جـــدا وتحت تحت كدا حي يجري بيك الموسم دهـ كلو .. زي كلاتشي غايتو انت وشيطنتك .. قدرته تحنكو وتقنعو وتتحرفن عليهو بقدر يوريك الحاجات كلها .. وكان ( اتطنقع ) عليك اها تعال راجع لي انا المسكين دهـ .. بجدع لكي بخرة تمشي ليك امورك ..
..
تمـــاضر
" لو" شيخ .. بنتظرنا شوية بنقدر نعمل شرح تاني للملفات بتاعت الأغاني هنــا من نفس البوست القديم .. كان ما عندكم مانع طبعا .. كلميهو معاك بلاي وشوفي رايو شنو؟؟
| |
|
|
|
|
|
|
|
|
|
Re: اللــون .. الصورة .. الخطوط .. الاقتباس (Re: عمران حسن صالح)
|
تيسيـــــر ..
يوم السبت ما بعيد الله يقدرك وتعملي نايمه بالعدادات ..
بعدين قاعده تزهجني ( كروساتك ) الحمراء دي من ما الله خلقني ونزلتي ليك صورة تجيني ( كروس ) أحمر أدخل للموقع اللافحه منو الصورة يقول لي كان ليك والله الموقع دهـ اصلو ما يفتح ليك الليلــــــة ..
بعدين بدرالدين قال ليك اتيسري معانا ..
..
الواثـــق..
كتر في ( اللــــــــــــــــــــــون ) دهـ الحبه ما بتجيك
الشعـــا ر في السلك
اعتمدني ..
..
عمــــران ...
طيب ما تلون لي الحبال دي علشان تريحني ..
| |
|
|
|
|
|
|
|
|
|
Re: اللــون .. الصورة .. الخطوط .. الاقتباس (Re: تيسير عووضة)
|
| Quote: الكروسات الحمراء دي لأنو إجابتك غلط |
يــــا تيسير
التصحيح بتاعك ده ماسكو معتصم دفع الله ؟
بعدين انا ركبت عجلة معتز بتاعت المرة الفاتت علشان اجي راجع للرد بتاعك ده
وللمعلومية:
صورك القاطعاها من راسك دي .. كان انا بقيت الفــاتح النقر ما ح تفتح لي في السعودية
قالو لي ابينا عديل كـــــــــدا
اتحداك تعالي هنا وجربيها بنفسك 
| |
|
|
|
|
|
|
|
|
|
Re: اللــون .. الصورة .. الخطوط .. الاقتباس (Re: بدرالدين شنا)
|
يا بدر ..
مبدع شنو ياخ ؟؟؟
أنا زول هسه مجلفط جلفطة عدوك .. ( شركة أدوية خليجية اسمها جلفار ) ( جه .. الفار .. ده كلام ؟ ).
و فكيتها في تمبس لأني زهجت من زرارة المثقف ديك الخانقه الرقبه . تمبس هو الوحيد الممكن تشوت ليهو أي حاجه و برضو يلعب بنفس الحرفنه : ثقافة .. قراية .. صعلقة .. تلاشه .. دبرسه .. علم .. غنا .. فهم .. أي شي .
( والبتاعة ) بس كلوجتني .. كلامك الشين ده بقاني أب كرنك , و خلاني أتكيف إنو بدر الدين الزول المبدع الفنان الجميل ده بيفتكر إنو أنا عملت ( مساحة ) .. وكمان مع تمبس ؟؟ .. السويته رقدت و انكوعت يا بدر .
( المساحة بكلام المدرسين اسمها بشاورة .. حاضر ؟؟ )
واحد صاحبنا كان اسمو في الإبتدائي بشارة .. بشارة النضيف عوض .. جنوبي معانا كان إسمو مكليلي , كان بيقول ليهو : بشاورة نضيف .. صاحبنا مشى الثانوي قام سم نفسو بشارة عوض الله النضيف .. كيتاً في مكليلي .
ياخ أنا تعبان يا بدر ..
ما تقعد تتلولو إنت كمان .
| |
|
|
|
|
|
|
|
|
|
Re: اللــون .. الصورة .. الخطوط .. الاقتباس (Re: Emad Abdulla)
|
عماد جلفار
سلامي وإحترامي
| Quote: أنا زول هسه مجلفط جلفطة عدوك .. ( شركة أدوية خليجية اسمها جلفار ) ( جه .. الفار .. ده كلام ؟ ). |
عليه فأنت مجلفر وليس مجلفط
أنا سمعت تحت تحت إنو صلاح عبدالله يطلع أخوك
ممكن اطلب يد أخوك صلاح صحبة على سنة الله ورسوله
تقديري لي عيال عبدالله وربنا يحفظم جميعاً
| |
|
|
|
|
|
|
|
|
|
Re: اللــون .. الصورة .. الخطوط .. الاقتباس (Re: بدرالدين شنا)
|
الحاجات اديناها الطير .. ود عم الحمام الزاجل .. راجع ( العدة ) واديني خبرك
بعدين ما نحن اتفقنا أنو ما عايزين ( كلوجــه ) .. يعني حسع كان لازم تكلوجني مع بدرالدين دهـ انا حسع البخارجني منو شنو ؟؟
..
بــــدري
يا بدرالدين .. دهـ طبعا شغل زي الـــــورد .. شوف لي محمد السني كمان معاك خليهو يأمن..
بعديــن انا من حسع بكلمك أنا تاني ما بشتغل معاك وردية ليل ..
امبارح مساهر بينا الليل كلو .. وحسع مشيت نمتـــه .. وانا ازازي بي هناك
..
عليك الله بتاعت ( السفة مش خطيرة )
| |
|
|
|
|
|
|
|
|
|
Re: اللــون .. الصورة .. الخطوط .. الاقتباس (Re: tmbis)
|
عزيزنا و استاذنا_>>
شُـغُـل نضيف ..
وطاب لنا الجلوس على تخت التعليم ،
وما أكرمـه ، من استاذ ، مع تحايانا للشريك " ود دفع الله " ..
___
هيَ الضربة الأولى .. وفي ظنِّي أنّها لا تخلو من جوباك ! لكن ليك علي ،يا تمبسكو
أن نشدد أزرنا ونضبّط الجايات ، بمعونتكم التى لن نستغنَ عنها ..
تخريمــة ../
وأزيدك بيها عياناً بياناً ،،الريالبلير شغـّال زي العجب سيدو
ودمتم كراماً وارفين ..
| |
|
|
|
|
|
|
|
|
|
Re: اللــون .. الصورة .. الخطوط .. الاقتباس (Re: Zongiya)
|
حبيبــنا
محمـــدأبوجــــودة ..
تيرابنــا في واطاتك ما بقوم عــــدار ( دي طبعــا شان ما تقول امدرماني ) وتشبك فيني أهل العوض اياهــــم ( عمنول ) الله مرقني بي كرامة البليلة ..
التكنيك عالي جدا والفنيات حدهــاالسماء ..
اهــا التخريمة الفوق لي تخريمتك ..جبت ليك الصورة خــام .. اتحرفن وقصقص واوزن وعايزين نشوف البروفايل كيفنو ..
الريل بلير بعد كده الحبه ما بتجيهو .. لانو الشغل كان بتاع اسطوات
..
زنجيــــــة ..
دهـ شغل خطير جـــدا ..
استلمي مكانك في عمادة الطلاب مع بدرالدين بس باقي تتحرفني و تسمعينا أغنية
| |
|
|
|
|
|
|
|
|
|
Re: اللــون .. الصورة .. الخطوط .. الاقتباس (Re: tmbis)
|
| Quote: اللــون .. الصورة .. الخطوط .. الاقتباس |
بمناسبة اللون دي عندنا واحد ساخر جداً شغال نقاش قالوا ليهو عايزنك تلون القبة دي
قال ليهم
الجزء المربع التحت دا بلونو ليكم لكن الفوق دا إلاَّ تأجروا ليهو ضب
ههههههههههههههههه
يا وجيه إنت لسة نائم؟؟؟
| |
|
|
|
|
|
|
|
|
|
Re: اللــون .. الصورة .. الخطوط .. الاقتباس (Re: القلب النابض)
|
ياقلــــــب ..
عماد .. وبدرالدين .. بالإضافة لي محمد السني انا مقاول منهم البوست دهـ .. وبدفع ليهم بدل انعاش روحي .. وبدل دبرسة .. وأحيانا ...بدل ( خلخلـــة )
كدي حاولي اللون الأزرق ... وواحده واحده .. بتظبط معاك المسالة بسيطة جدا .. ياخي محمد السني الكيشة عرف يلون لامن انت؟؟
| |
|
|
|
|
|
|
|
|
|
Re: اللــون .. الصورة .. الخطوط .. الاقتباس (Re: tmbis)
|
Quote: اهــا التخريمة الفوق لي تخريمتك ..جبت ليك الصورة خــام .. اتحرفن وقصقص واوزن وعايزين نشوف البروفايل كيفنو ..
الريل بلير بعد كده الحبه ما بتجيهو .. لانو الشغل كان بتاع اسطوات |
والله يا علاءالدين ، ده امتحان " في التنك!" ، وبيحتاجلو لي قومة وقعدة وTime .. وما
اظن ينفع لي فيهو " علوق الشـّدّة ! " المرقتا بيهو في جُمعتي اللآت الليلة دي ..
ولكن ، جايييك و ح اتحرفن .. بس ما تجي بعدها تقول لي : جيب راس " زياد " !
***
كلامك بتاع " عمنوّل " والتواريب ، يؤكـّد انّك امدرماني في إهاب " أهل عوض " ، فاهنأ
بهذا التنوّع الخلاّق ..
مع التحية للاستاذ وللطلبة والطالبات ..
| |
|
|
|
|
|
|
|
|
|
Re: اللــون .. الصورة .. الخطوط .. الاقتباس (Re: محمد أبوجودة)
|
تمبس ..
يا حقنا ..
ده تطبيق عملي للدروس الخطيرة .. تصدق نحن كنا قادين في ( الطراوة ) بالله حاجة عينك ليها وما تعرف تعمل بيها شنو ؟؟
أها رأيك شنو في ( اللون ) تلميذك ما فقري بالله ؟؟
وبعدين لأنه اليبوست ده فيه زحمة شديدة ( الله يكتر الزباين ) وكلهم جايين للدروس الملح دي ، عشان كده ( نقتك ) إنت وعماد الفوق ديك بعرف أرد ليكم عليها ، بس ما هنا ، بي غادي ..
بدرالدين الحلو... طيب لو شلت يدي أنا آكل ليك بي شنو ؟؟
الله يخليك يا راجل يا أصلي.. وصاحبك السني بي هنا مدورين ليك فيهو صاح ..
ياخ ما تجينا هنا وسيبك من ( مصغط ) دي ..
تحياتي
صلاح عبدالله
| |
|
|
|
|
|
|
|
|
|
Re: اللــون .. الصورة .. الخطوط .. الاقتباس (Re: Salah Abdulla)
|
صلاح بن عبدالله (شفت بن دي ياها البتجيب الريالات والدراهم)
| Quote: بدرالدين الحلو... طيب لو شلت يدي أنا آكل ليك بي شنو ؟؟ |
خلاص أديني يدك بتاعة الحاجات التانية
| Quote: ياخ ما تجينا هنا وسيبك من ( مصغط ) دي .. |
وهنا دي وين؟؟؟ وأنا لاقيكم ... غايتو لو في الإمارات النية في (عيد رمضان) زيارة خفيييييييييييفة
| |
|
|
|
|
|
|
|
|
|
Re: اللــون .. الصورة .. الخطوط .. الاقتباس (Re: Salah Abdulla)
|
صلاح عبد الله
يا ولدنا
فاقدنك
ياخي البورد ده حاجاتو ساهلة جدا .. بس عايزه ليها شوووية تركيز .. وبعدين من الميزات الفيهو أنو بختلف من بقية البوردات التانية على اساس انو بديك خيارات كتيرة وممكن تصممم أي حاجة حسب نظريتك ومزاجك يعني بي اختصار كدا . النقاش ممكن يلقى راحتو .. الملوناتي بقدر يلقى راحتو .. المصوراتي ممكن يتجدع .. وبتظهر الحرفنة مع طول الممارسة ومعرفة الدروب بس .. الشرح الفوق دهـ عبارة عن تمسيك دروب بس ومتى ما الواحد عرف الدرب بعد كدا بتتوقف المسالة على احساسو وابتكارو ..
حسع عاين عماد وبدرالدين ديل بقو فقريين جدا ومعاك في سرج واحد .ههه .. وانا خايفهم بعد يومين يعملوا ليهم بورد براهم ..
والله ياصلاح الواحد ادمن الشباب ديل عديل .. وعاملين طراوة في البوست دهـ ..
تعرف
كان عندنا استاذ في الثانوي بتاع ادب انقليزي جابو لينا جديد .. وربط لينا وش في أول حصة طلعنا برهـ الفصل كلنا وفتش الادراج كلها .. طلع من الأدراج كمية بتاعت اكياس وعلب .. ( للمزاج ) وكدا .. جاب ليك ( صولات ) المدرسة كلها واكلنا علقة عمرنا ما ننساها بدون فرز .. اها بقى لما يجي داخل الحصة بنقوم نتداغل عليهو ( ولما يقبل على السبورة علشان يكتب حاجة ( بنحك ) ليهو رجلينا في البلاط .. يوم جا داخل وقبل على السبورة وقال لينا العندو كيس ممكن ياخد راحتو ويديني معاهو
تعرف قبل على السبورة .. ( اترجم ) بي كمية اكياس ما عادية .. ومن الوكت داك بقى يجي داخل الفصل .. ولما يحس بينا دبرسنا مع الملل بتاع الحصة يكسرهـ لينا بي نكته نكتتين ويواصل .. بالطريقة دي .. حفظنا ليك الكتب من الغلاف لي الغلاف ..
عملت ليك شنو في موضوع السردبه بتاع المره الفاتت ... مش كدا ؟؟؟
| |
|
|
|
|
|
|
|
|
|
Re: اللــون .. الصورة .. الخطوط .. الاقتباس (Re: محمد أبوجودة)
|
يا أبوجــودة
شنو ياخ نحن ح ( نزووغ ) من أول اختبار ؟؟
..
بعدين شكلك حسيت بالفتنة بتاعتي .. عايز اورطك طبعا مع الود ( زيــــاد) غايتو إلا تطلب مساعدة عاجلة من المصدر الرئيسي .. ( تولوس ) يا تضحي ليك بي نومة ضهرية كاربة
..
Quote: كلامك بتاع " عمنوّل " والتواريب ، يؤكـّد انّك امدرماني في إهاب " أهل عوض " ، فاهنأ
بهذا التنوّع الخلاّق .. |
أول امس فاتك حوار جميل جدا في النقطة دي .. وكان مسخن سخانة شديدة .. وبدون شك النصرة دائما لي الامدرمانيين ( بتصرف من صديق الموج طبعا )
| |
|
|
|
|
|
|
| |
tmbis
Rasha Hatim
الفاتح وديدي
Adil Osman
معتصم دفع الله
Emad Abdulla
Soumeta
اساسي
Omayma Alfargony
الواثق تاج السر عبدالله
ibrahim barssi
Safa Fagiri
عبدالرحمن عزّاز
بدرالدين شنا
محمد سنى دفع الله
ملكة سبأ
بنفسج
غادة عبدالعزيز خالد
Haytham Abdulaziz
Tumadir
تيسير عووضة
عمران حسن صالح
محمد أبوجودة
القلب النابض
احمد العربي
فيس بوك
تويتر
انستقرام
يوتيوب
بنتيريست