|
دعواتكم لزميلنا المفكر د.الباقر العفيف بالشفاء العاجل
|
|
 Re: إيمان توفيق .. جديد (Re: Rakoba)
|
ياراكوبة
..
والله عايزين نفتح فيك بلاغ انا وتنقو..
..
انا بعتبر انك لسه ما جيت ..
كل سنة وأنت طيب ياراكوبة .. وحاول شد حيلك معانا وجيب من جوه ..
خليني نغير الصفحة الأولي دي شويتين ..
في انتظارك .. وشكرا للصورة .. طبعا من امس برازي في تنقو علشان الصور دي ..
| |
 
|
|
|
|
|
|
|
 Re: إيمان توفيق .. جديد (Re: tmbis)
|
تمبس
ابو النسب
أبداع في أبداع
مخبأ ليه عننا الحاجات الحلوة دي
نزل لينا دايماً من الروائع عشان تفك عننا بعض ممغصات البورد
ويا ريت لو كان بالصورة والصوت
عشان يجي اخونا اساسي
ويجكس
دكين
يمتنع
| |
|
|
|
|
|
|
|
|
|
Re: إيمان توفيق .. جديد (Re: حمزاوي)
|
تامبا
كيفك
أحاول كتابة بوست عن الدويم بكل تفاصيلها، الجغرافية، الإجتماعية، الفنية، الرياضية، السياسية.
سبب التفكير في هذا البوست أنني كنت أستمع لمبارك الشيخ في رائعة أحمد دشين، وهي أغنية يا ظبي الريم كن حليم.. والتي غنتها أيضاً إيمان توفيق ولكن بلونية مختلفة..
كنت أود التنسيق معك لتجهيز المادة الصوتية للبوست..
وببوستك هذا أكون قد ضمنت بعض المادة الجيدة لبوستي القادم..
شعبطة: شفت الجهوية دي كيف.
| |
|
|
|
|
|
|
|
|
 Re: إيمان توفيق .. جديد (Re: إسماعيل وراق)
|
العزيز وراق يا ابو اسيل
مع شعبطة الجهوية جابت ليها طائفيه كمان
طبعا متفقين يا وراق على صوت ايمان .. وتحمسك للفكرة من بدري وفي بالي المعلومات الكتيرة جدا عن ايمان توفيق ونشأتها الفنية من الاسرة ..
وفي انتظارك بي اسلوبك الجميل لتسليط الضوء اكتر على ايمان الفنان من كل الزوايا
وإلى حين عودتك انا جاهز ..
وطبعا الاغنية الذكرتها في الالبوم القديم وبجهزه ليك عند الطلب ..
| |
|
|
|
|
|
|
|
|
|
Re: إيمان توفيق .. جديد (Re: حمزاوي)
|
يا ابو النسب
مسكاقمي
..
ياريت لو كان بالصورة والصوت ..
بجتهد ليك في الصورة دي .. عندي حلقة قديمة بحاول اشوفه
بس عجبني الشريط البي العود ده ويستاهل انو يتسمع
..
اساسي يمتنع يا ابو النسب .. زول بتاع خرمجة 
| |
|
|
|
|
|
|
|
|
|
Re: إيمان توفيق .. جديد (Re: tmbis)
|
يعني يا تمبس لو خليتك في ناس عامر الجوهري وإيمان توفيق وقعدت صاقرت ناس النيل الأزرق ديل ما كان أخير لينا من كل يوم شايل عكازك وداخل بوست!!
بالمناسبة المزيكا والتوزيع في (جسمي المنحول) كانت في السلك (Pentium4) لمن مبدعنا بادي خلاها في حنانو.
تسلم
| |
|
|
|
|
|
|
|
|
|
Re: إيمان توفيق .. جديد (Re: tmbis)
|
الأخ تمبس،
تحية سمحة و متسامحة بقدر سماح ما جلبت
و الله لطَفت عليَ مزاجي بالصوت الشجي و اللحن المشغول.
متأكدين رحم السودان ماعقر من الفن و الابداع.
و اسمح لي أن احيي الاخ راكوبة و نتمنى أن نراه في بوستاته العابقة بالفن و الموسيقى ايضا.
و كتر خير يا اخوي.
| |
|
|
|
|
|
|
|
|
|
Re: إيمان توفيق .. جديد (Re: ثروت سوار الدهب)
|
الأخ العزيز ثروت سوار الدهب
سلامات وكل عام وأنت بخير
ومرحب بعودتك
..
من ما يسرني ياثروت ان احرك مكان النغم جواك .. واللطف ليك مزاجك .. بجميل الالحان ..
طالما انو متاحة لينا مساحة هنا لتبادل منافع واهتمامات زي دي .. نستقلها بالطريقة الممكن نستفيد منها ويستفيد الغير .. ونعكس كل المحاولات البتدفع بمسيرة الاغنية في السودان من خلال المحاولات المختلفة ..
احي معاك صديقي راكوبة .. والصديق تنقو وكل اصحاب الاهتمامات المشتركة في توصيل الفكرة ..
الف شكر وارجو لك المزيد من الاستمتاع .. مع ايمان توفيق
| |
|
|
|
|
|
|
|
|
|
Re: إيمان توفيق .. جديد (Re: abas)
|
يا عبس ..
كيفن امورك ..؟؟ والمعاك
..
يعني في حاجات جوه لسه ما مكسرة ؟؟ دي اخبار سعيدة جدا ياعباس
بالمناسبة
في محاولات كتيرة جدا جديرة بالاستماع
الله يدينا المن الكافي والمزاج الكويس ليها
شكرا ياعبس
وليك حق الاستمتاع على قدر ما تقدر
| |
|
|
|
|
|
|
|
|
|
Re: إيمان توفيق .. جديد (Re: tmbis)
|
الغالي تمبس
تحية بلا حدود
وأنت تعودي بي موطن العشق حيث التضاريس والمكان هي حصة الإلفة ومعاني الحنين وقلعة الإبداع يكفيني فخراً أن يزورها النيل أمياً فلا يغادرها إلاّ لسناً فصيحاً..
شكراً على هذا الإبداع المتواصل إيمان توفيق.
| |
|
|
|
|
|
|
|
|
|
Re: إيمان توفيق .. جديد (Re: أبووجيدة)
|
الغالي تمبس
تحية بلا حدود...
وأنت تعود بي إلى حصة الإلفة ومعاني الحنين وقلعة الإبداع يكفيني فخراً أن يزورها النيل أمياً فلا يغادرها إلى لسناً فصيحاً ... هكذا هي الدويم تنجب الأفذاذ ليعطروا الساحة إبداعاً وفناً ... شكراً لهذا الإبداع المتواصل إيمان توفيق.
| |
|
|
|
|
|
|
|
|
|
Re: إيمان توفيق .. جديد (Re: أبووجيدة)
|
الشهيد يوسف ابو وجيدة
والله بركة البقيت تظهر أون لاين .. الله يكتر من اللظات السعيدة دي
والواحد كان بقى شاعر زيكم كان قال كلام كتير خلاص في المناسبة السعيدة دي
تعرف يايوسف حقو الواحد يرد ليك مرتين شان يحيرك
..
إذن هاجت اشجانك من جديد يايوسف وشميت ريحة التراب والدويم في صوت ايمان توفيق الخرافي .. علب الاشواق ياصديقي وكبسله واسجنه في الورق .. وغير الاحساس العالي يايوسف وحيات الخوة مافي شي هادي حيلك كدا ومكملك من لحم الدنيا ..
ليك كميات خرافية من الحب ياصديقي العطوف
| |
|
|
|
|
|
|
|
|
|
Re: إيمان توفيق .. جديد (Re: 3mk-Tango)
|
ااي ياعمك ..
والحاجة الغريبة في نوعية كدا .. تسمع في الغناء ده .. وبي اللفة يطلعوك كافر وكوز
ناس ما عندها ذمة خالص ..
غايتو بنشتغله ياعمك مزازيك للناس البتحترم المزازيك وبتقدر المسالة دي والما فيهو نزعه جماليه جواهو بيحس بيها الاشياء الجميلة طبعا نحن ما مكلفين بي انو نخلقه ليهو من مافي ..
والله ياعمك معليش مفتر كان اكون ف يخطرات الزول ده .. لكن اتمشورت مشاوير كتيرة خلاص سرقت زمني كلو
نومة الخميس الكوته الاسبوعية اتقطعت في راسنا..
عاين
صاحبك ده امسكو معاكم بي هناك من السكة حديد ولي قدام
خلوهو يغير نفسيات ..
بس كترو ليهو من حساء القرديس بالبهارت الصينية.. طبعا من غير ما توروهو كنتاكي بي وين لانو ما من مصلحتكم ..
| |
|
|
|
|
|
|
|
|
|
Re: إيمان توفيق .. جديد (Re: عبد الله عقيد)
|
العزيز عبد الله عقيد ..
سلامات ومليون مرحب
واشهد لك بحسن الاستماع
والحس العالي جدا في التذوق للالحان والكلمات الجميلة
قاعد اعالج في الشريطين التحفة الشلتهم منك وفي انتظار أن اوصلهم لاسماع الجميع
..
ادهشتني فعلا ايمان توفيق في الغناء للراحل الشفيع والراحل العاقب محمد حسن بالوصرة المعبرة دي ..
لانو من النادر جدا تعاطي اللونية دي بين الشباب بالذات الايامات دي ..
شكرا ياعقيد وسعيد بمرورك
| |
|
|
|
|
|
|
|
|
|
Re: إيمان توفيق .. جديد (Re: عاصم محمد شريف)
|
قعدات الخريف التحت التبلديّات حليلا ** حليلك انت تشدو والسحب ظالاّت
التحية ليك يا تمبس ولود القرشي والشفيع .
يا تمبس اتمنى انو تكون عندك اغنية الشفيع (قابلني يا هاجر ) بصوت الكابلي .
| |
|
|
|
|
|
|
|
|
|
Re: إيمان توفيق .. جديد (Re: Marouf Sanad)
|
قابلنى ياتمبا
فى شارع العليا
انا مشتاق
ليك يامبدع...
اشتقت لشوفتك
وانت لابد وفى
غياب معتصم
مضرع...
باعانيك الحلوة اطربتنى
وبمناقرتك لناس عجبتنى
جمدت عقلى حيرتنى
ما تحن شوية
تزورنى مرة
جنب الحديقة فى غبيرا...
انا عارف وين بلاقيك
وانت شارد منى
بعزمك فى مطعم الريم
ومعاك عمر الفاروق
تذكرنى ياتمبا
وانسى اساسى
دا ولد زهجان
بقلب الكراسى بدون ذنب..
وليد عمل نايم
مع عروستو
ونحن بكرة بنحصلو
ياعمى تنقو حنى على
كمان
كنت عاوز اتصل عليك
فى العيد
لكن جوالى القديم
سرقوه ناس البطجاء..
رجاء مسكلنى مرة
تمبس انت انسان ظريف
بس البت دى فى الاغنية الاولى عندها مشكلة مع ال القمرية
فى كلمة الشوادى...وبعدين عندها فلسفة فى نطق الكلمات
اعطتها حلاوة فوق لى صوتها الشنو كدا ما عارف
وكل هذا النسق فى اسمها البشبه لعيبة الكرة
عموما شاهدتها على الفضائية لكن ما اعرتها اهتمام
لكن ياتمبا مش مجاملة ليك. اصلا ما محتاج لمجاملة منى
البت دى انت ذتها رونق باعادة ما ابدعت
وعد متى ياتمبس...سوف اتوسط لك فى التلفزيون.. قسم المنتاج
فى حكومتنا الجديدة...طبعا كل الناس حكمت الا اهل العوض
ولا شنو رايك
خالص حبى لك
| |
|
|
|
|
|
|
|
|
|
Re: إيمان توفيق .. جديد (Re: abuguta)
|
ابو قوتة ..
ازيك يا ما ناوي تظهر..
وشكراً للقصائد الاخوانية..المنجورة وفق حيثيات مناخ نجد اليومين ديل ..
بلاي الهمبريب بتاع اليومين دي وصلك والا لسه ؟؟
.
.
قلت لي عندها مشكلة مع ال القمرية والله يا ابوقوته كان مسكت الفنانين ديل كلهم نااادر تلقى البينطق مخارج الحروف صاح لكن في النهاية الفكرة بتوصل اصلو نحن قاعدين نشتغل حاجاتنا كلها بالنية ساكت ..
وايمان توفيق بالجد تستحق الوقفه والاستماع ليها اكتر من مرة ،، اول البوم صدر ليها قبل سنين نزلت منو أغنية وكنت منتظر ومتابع كل مرة الجديد منها ..
الكاسيت ده تحديدا جاني هدية من الصديق زميل البورد ( بدري ) وامتعني شديد ..
وطبعا ايمان توفيق من ابداعات الدورة المدرسية للمدارس الثانوية وظهرت بشكل قوي جدا وقتها بتمنى ليها المواصلة بشكل جيد بس تبطل الكسل ..
.
.
طبعا في انتظار الواسطة وان شاء الله كمان يا ابوقوته تشوف لينا معاها حواشة حواشتين لانو التلفزيون براهو ما بياكل الواحد عيش ولا حاجة ..
شكرا يا هندسة ونتمنى نشوفك .. غايتو معتصم قرب يجي راجع
| |
|
|
|
|
|
|
|
|
|
Re: إيمان توفيق .. جديد (Re: Marouf Sanad)
|
العزيز جدا معروف
سلامات واتمنى انك بخير ..
والله انا برضو كنت بتمنى يكون عندي التسجيل ده بصوت الكابلي ..
مسجلة معاي حلقة الشفيع بصوت الكابلي تقريبا زي اربعة اعمال وللاسف الشديد قابلني ياهاجر ما من ضمن المجموعة
..
بتذكر في الحالم سبانا والذكريات بالاضافة لي عملين تاني
فإذا ما عندك مانع بنزل ليك اي من الاعمال دي .. وكمان بجتهد ليك إذا كان اساسا في شغل لي هاجر بي صوت الكابلي ..
اتفقنا ؟
| |
|
|
|
|
|
|
|
|
|
Re: إيمان توفيق .. جديد (Re: عاصم محمد شريف)
|
العزيز عاصم محمد شريف
سلامات
والف مرحب بيك ..
من ما يسرني يا عاصم اجيب ليك حاجة رايحه منك من ستة سنوات ..
من لحظة قريت كلامك وانا في حالة بحث ما منعني منها إلا ظرف شوية صعب في اليومين الفاتو ديل ..
دورت عن كل ما يتعلق بي وليد زاكي الدين المعاي .. ما وجدت الاغنية حاولتها بي صوت ابوداؤد برضو ما نجحت معاي ..
لكن ده ما يعني انو المحاولات ما جارية .. وعلى كل حال اوعدك أنو تكون هنا في نفس البوست ده .. حتى لو اضطر الأمر اني اغنيها ليك بي نفسي ده طبعا بعدما تديني ضمانات كافية ..
وبكتب ليك إقرار بإني مسؤول عن إي اضرار جانبية.. شاملة التعويض
| |
|
|
|
|
|
|
|
|
|
Re: إيمان توفيق .. جديد (Re: tmbis)
|
ودي طلقة في وجه القبح
رفعة للصفحة الاولي عشان زهجان منها ..
تعرف يا تامبا معاهد نفسي ما اقول لي زول في المنبر دا انت صاح ولا انت غلط
البزهجني بديهو اغنية بس وامشي ..
خليني استعين بي سلاحك دا ..
| |
|
|
|
|
|
|
|
|
|
Re: إيمان توفيق .. جديد (Re: 3mk-Tango)
|
يا عمك
...
استعين بي اي سلاح .. وكان عايز اي دعم لوجستيكي بنمدك اصلو ما عندنا مشكلة
لكن ما عايز احبطك واقول ليك
اتحداك كان تصمد ..
لكن الاستماته كويسه .. ما ياهو نحن حسع قاعدين نستميت ..
ويوم غالبين ويوم مغلوبين ..
| |
|
|
|
|
|
|
| |
tmbis
Rakoba
فيصل نوبي
إسماعيل وراق
ثروت سوار الدهب
abas
عبد الله عقيد
Mohamed Adam
saadeldin abdelrahman
قرشـــو
Marouf Sanad
abuguta
nashaat elemam
فيس بوك
تويتر
انستقرام
يوتيوب
بنتيريست