دعواتكم لزميلنا المفكر د.الباقر العفيف بالشفاء العاجل
|
|
 . . زعــلان من.... عافية حســن .
|
عافيـة حســن..
الصوت الملائكي المنطلق بعنــف . كنت قبل فترة كتبت محذرا من مقبة الاستهــلاك
الاستهلاك المتكــرر .. لو كنت عارف كان قلت ليها اعملي حسابك من تلفــزيون السودان ..
..
قبل يومين كانت هناك حلقة مع عافية حسن ومطرب آخر اسمو شكر الله ..
الحلقة كانت عبارة عن تهريج غريب جدا .. اصابني بالدوار ..
تخليت عن كم ارتباط .. وخدعت للتهديد المرسل لي من السودان من كم جهة بانو الحلقة دي لازم تحضره وتسجله ..
والله انا لو عارف كدا .. ما كان قعدته انتظرته ..
بعدين بي صراحــة .. المذيعة القدمت الحلقة دي .. مبالغــة
وستين الف مبالغــة .. غايتو انا لو كنت جيت ماري بي جمب التلفزيون ساكت .. كان خشيت الاستديو عملت فوضى شديدة جدا
المهم في الامــر دائما مؤشر اي حلقة اكون قاعد احضــر فيها بيكون معتصم دفع الله وبلعب ليهو نفس الدور وبالعكس ..
اليوم داك معتصم حضر ليهو حاجتين .. واكتشفت انو نــام .. وانا الشلت اقفه غصبا عني .. علشان عافية ..
طيب احتمال اكون غلطان انا وسمعي كان مشوه .. وحب الناس مزاهب ..
لكتن الحاجة الزعلتني ،، انو عافية كررت معظم الاغاني الظهرت بيها في نجوم الغد بإستثناء عملين فقط واحد للاستاذ عزمي أحمد خليل والآخــر لي منو ما متأكد ..
الحاجة التانية .. صوت عافية حسيت بيهو زي الكان مرهــق او غير جاهزة للتسجيل ..
لكن قلت احتمل تكون خايفه .. استبعدت الفكرة لانو دي ما اول تجربة لي عافية في التفزيون او في مواجهة الكاميرا ..
المهم
الحاصل شنــو يا عافية ؟
الحاصل شنو يا الناس السمعتو عافية في الحلقة دي وسمعتوها في نجوم الغد
|
|
 
|
|
|
|
|
|
|
 Re: . . زعــلان من.... عافية حســن . (Re: tmbis)
|
تمبوستي كيفنك اريت حالك زين
انت عارف انا كنت قبل شوية بحضر في الحلقة دي
ياخي شي عجيب ذهلت حقيقة
عندي صاحبي في السودان عازف كمان
وقريب جدا من عافية وكانت اشتركت معاهو
في عمل لسامي الحاج كان من تاليفو
قمت اتصلت بيهو على طول وسالتو من الحاصل ده
انت عارف في اللحظة دي فتح التلفزيون
وهو برضو علق على الحتة دي وكانت حاجة مختلفة تماما
وكمان قال لي انو نصحها بخصوص العدسات كم مرة
وكمان قال لي انا حاتصل عليها الان وطلب مني الاتصال
عليها لتوصيل وجهة نظري البت لسه عودها طري في مجال الغنا
وبالطريقة دي ياتمبس البت دي حاتلف في دائرة مغلقة
مع انو صوتها جميل ياريت تجد من يدلها على الطريق الصحيح
هي محتاجة لرعاية فنية وتوجيه لتستطيع التقدم ومواصلة مشوارهاالفني
تحياتي - ودالعشا
سلامي للود اللذيذ الاسمو معتصم
| |
|
|
|
|
|
|
|
|
 Re: . . زعــلان من.... عافية حســن . (Re: حافظ العشا)
|
العزيز حــافظ ..
سلامات يا صاحب ..
تعرف يا حافظ الفنان من ما يدخل دائرة الاضواء .. بيكون السالب والموجب محسوب عليهــو .. وبيكون عرضة للكثير من النقد الهادف والمدمر في آن واحد ..
كتير جدا اتناول النقد الفنان في شخصه .. ملبسه ، تصرفاته ، حتى طريقة إدارة حواراته داخــل دائرة الضوء ..
ظهـور عافية بصورة قوية كلونية متفردة او قائمة بذاتها خلق منها مادة خام او في الخطوط الاولى للنقد وللاطراء وللمدح وللذم ..
صديقك عازف الكمان ربما يكون شوفو ايضا من ناحية فنية او لقربه من عافية دخلو في مكانالحيرة الانتابتنا كلنــا ونحن ناس عاديين غير ملمين بالنقد الموسيقي المؤسس هي فقط مجرد انطباعات متلقي عادي ..
اتمنى انو عافية تنتبه للاشياء الصغيرة جدا البتعني اشياء كبيرة لدى المستقبل لفنها .. وزي ما قلت لسه عوده طري في المجال الفني . ياريت تلقى البوجه من ناحية سليمة .. يكتب لها في المكان المخصص لطبقات صوتها .. ويقدمها قيمة فنيه متكاملة ويحافظ لها على شكلها العام بدون اي شروخ او اي هفوات بسيطة .. كحد ادنى ..
شكرا ياحافظ ، وابوالدفاع بيسلم عليك ..
| |
|
|
|
|
|
|
|
|
|
Re: . . زعــلان من.... عافية حســن . (Re: Raja)
|
Quote: الملاحظة القوية و(الشديدة) كانت في العدسات الملونة اللبستها عافية.. وفي تغيير المكياج ..
يعني الحكاية (New look).. إنتو لازم تحرجونا يعني |
يا ابو الرووور
بلاي طلعت عدسات لاصقــة New look ؟؟
والله انا طلعت بليد خلاص 
تتخيلي نفس التعليق بتاعك ده .. علقت لي واحده قريبتنا اتصلت علي بعد نهاية الحلقة .. قالت لي لكن العدسات مبالغة ..
ابيت ادخل معاها في تفاصيل .. لانو عارفه لا بيعجبه ( العجب ) ولا ( قووودوين )
بلاي عافية دي تعمل اي حاجة في الـ New look لكن كمان تغني لينا صاح وما تجهجه لينا قناعاتنا فيها
| |
|
|
|
|
|
|
|
|
|
Re: . . زعــلان من.... عافية حســن . (Re: tmbis)
|
تمبس اذا كانا هذين التسجليين من السهرة
فلا آعتقد آن صوتها مرهق
ولكنها كانت تحتاج الي ان يرفع المقام نصف تون علي الاقل
لازلت احس برنينها الحنين
ولكن ارجو من الفنان احمد المك آن يتلافي مسالة القرار هذه اما بتعديل تلك المناطق
آو برفع المقام ان كان ذلك ليس له تاثير علي (الجواب) في صوتها
نشكرك علي جعلنا في الصورة دوما
| |
|
|
|
|
|
|
|
|
|
Re: . . زعــلان من.... عافية حســن . (Re: Elmosley)
|
سلامات يااستاذ يوسف ..
Quote: فلا آعتقد آن صوتها مرهق
ولكنها كانت تحتاج الي ان يرفع المقام نصف تون علي الاقل
لازلت احس برنينها الحنين |
.. طبعا الكلام الممنهج العلمي بيختلف من كــلام المتلقي العادي . لكن لاحظت ان هناك شغل مكساج في الصوت او محاولات المؤثر خارجي ... ربما هو الاضــر بالصوت .. وادانا انطباع عكس صوت عافية الطبيعي السمعناهو في نجوم الغد وفي التسجيلات المختلفة .. في أغنية يا حنين كانت عافية هي عافية بنفس الحنين في صوتها ما لاحظت فرق واضح .. عكس الاغاني الباقية .. اختفت فيها حيوية الصوت وظهــر بشكل ضعيف وده يمكن الخلاك تشير لمسالة رفع المقام من ناحية نوتة موسيقية .. ملاحظتك التقنية هي ما وصلت للمستمع العادي وحلله باستماعة الفطري حسب علاقتو بي عافية في نجوم الغــد .. | Quote: ولكن ارجو من الفنان احمد المك آن يتلافي مسالة القرار هذه اما بتعديل تلك المناطق آو برفع المقام ان كان ذلك ليس له تاثير علي (الجواب) في صوتها |
.. طبعا بعدما وصل بينا الاستياء انا ومعتصم ونحن بنحضر في الحلقــة .. نظرنــا كتير في المنطقة دي وبالبلدي خالص وكان الاتفاق على نفس الفهم ده
مازلت اعشم في مد يد العـون الموسيقي لعافية بشكل مؤسس .. لانو من اهم اسباب نجاح العمل الفني .. معرفة امكانية الفنان الصوتية وضبط النوتة الخاصة بيهو من ناحية صوت وسلم ودرجة موسيقية تتوافق مع صوتــو في القرار وفي الجــواب . أو الحــاد والغليظ ..
شكرا يا استاذ للمتابعة ... ودائما كل عمل موسيقي اقوم بإدراجه هنا اعول على الموسيقيين ان يركزو عليه للفائده العامة للفنان .. ولينـا نحن ..
| |
|
|
|
|
|
|
|
|
|
Re: . . زعــلان من.... عافية حســن . (Re: tmbis)
|
فعلا عافية حسن بدت في تلك السهرة بصوت تعبان او مرهق
يعني ما نفس قوة الصوت الظهرت بيهو في برنامج النيل الازرق ( ما متذكرة العنوان بتع البرنامج)
وبصراحة اكتر كانت متكلفة شوية مع اضافة جرعة دلع في الكلام ، ده غير انه اصلا الكلام ما واضح
غير انه ديكور الاستديو كان مظلم ، والصورة بعيدة ، وحركة عافية اثناء الغنا كانت عجيبة شوية وبلا داعي!!1 يعني بتتحرك في اتجاه والكاميرا في اتجاه تاني
غايتو جهجهوا عيونا نحنا المشاهدين
اما المذيعة فجابوها بس لفقع المرارة
ما عارفة العلاقة شنو بين الرقة واكل الحروف ؟؟؟
اما الفنان شكر الله الجابوه
لغاية حسه ما فهمت لزوم تغيير البدلة كل شوية شنو ؟؟؟
| |
|
|
|
|
|
|
|
|
|
Re: . . زعــلان من.... عافية حســن . (Re: maia)
|
الاخ/ تمبس
تحياتى
انا كنت ايضا مترقب الحلقه وجاهز لى تسجيله , اصبت بى نفس الاحباط
اولا مقدمة البرنامج كانت العب الاكبر على السهرة ودى مشكلة الكادر الغير مؤهل
دائما فى تلفزيون السودان رغم محاولاته المتكرره لاظهار خفة الدم .
افتكر المشكله دائما فى تلفزيون السودان الصوت ودى مشكله حقيقيه
وهى السبب الاساسى فى ظهور السهرة بى هذا الشكل الغير لائق مقارنة بى التلفزيونات الاخرى.
قارن تسجيلات عافيه فى يوتيوب مع هذه السهرة وحا تشوف الفرق فى الصوت.
واتفق معك عافيه كانت مضطربه .
احمــد خضــر
| |
|
|
|
|
|
|
|
|
|
Re: . . زعــلان من.... عافية حســن . (Re: Raja)
|
اعتقد انه المذيعة دي من بنات المغربي الصغار وذكر لي اخي انها بنت الراحلة ليلي المغربي .
اعتقد انه المذيعة دي لو ما لموها حتشوه كل تاريخ ال المغربي في التلفزيون والاذاعة والجرايد الحائطية نفسها .. ما اعتقد انه كونها بت مبدعة بيدي ناس التلفزيون الحق انه يبهدلوا البرامج بالطريقة دي .. ياخي المذيعة دي قبل شوية قعدت تتغالط مع شكر الله لمن قربت تقول ليهو احلف انك ما بتقلد طه سليمان ؟ طه زاتو منو عشان يقلدوهو ؟؟ وقال في شنو في سنتر الخرطوم
عافية اتهيأت احضر ليها الحلقة ممني النفس بسماع المزيد من الابداع .. بس الحق لله اصبت بخيبة امل عظيمة ... الاغاني زي ما قال المايسترو كلها معادة او سبق ان ظهرت بها .. المشكلة اكتشفت انها طلعت شريط والان في اعداد الشريط التاني ..ويادوب هي فازت في نجوم الغد قبل كم شهر .. دا قمة الاستهلاك الفنان لنفسه وعدم التريث واختيار النصوص والالحان البتناسب صوته
خاصة في الاغنية البترددها حنان النيل عافية كانت خارج التغطية صوتها ما مناسب ابدا مع الاغنية ولا قدرت عليها وادتني احساس ما حلو
| |
|
|
|
|
|
|
|
|
|
Re: . . زعــلان من.... عافية حســن . (Re: اساسي)
|
اســـاسي..
يا مديــر اخوك دا شيلك القفــة ..لقاك مغترب في السعودية ساكت
ما اعتقد انو الراحلــة ليلى المغربي لها بنت في العمــر ده .. طبعا لها من الأبنــاء تلاتة ، لو قلت ليك الاسماء بتاعتم ما بتقدر تقراهم .. لو لغتك الفرنسية كويسة ما عندك مشكلة بنجازف ونديك الاسماء
الحاجة التانية .. اسرة المغربي وآل المغربي اسرة ضليعة في الاعلام ، وفي العمل قصاد الكاميرا ـ ولا اعتقد انهم سينتجون مثل هذا الكادر .. ويدفعون به من دون توجيه او نقد فوري لتحسين الاداء فأسرة المغربي علامة مميزة في تاريخ التلفزيون السوداني والاعلام ..
طبعا بقول ليك الكلام ده يا اساسي عن معرفة لصيقة باسرة المغربي نسبة لان جمعنا حي واحد حي المورده العريق ..
كل ما كتبت يا وجيــه كلام مية المية وفي الصميم .. Quote: دا قمة الاستهلاك الفنان لنفسه وعدم التريث واختيار النصوص والالحان البتناسب صوته
خاصة في الاغنية البترددها حنان النيل عافية كانت خارج التغطية صوتها ما مناسب ابدا مع الاغنية ولا قدرت عليها وادتني احساس ما حلو |
.. بتمنى انو عافية تنتبه للمعجبين العاديين لانهم عنصر مهم جدا في استمراريته ..
هاك شوف المقدمة بتاعت البرنامج .. كانت بتخرمج في شنــو .. وبتخفف في دمها بصورة بايخه كيف ..
| |
|
|
|
|
|
|
|
|
|
Re: . . زعــلان من.... عافية حســن . (Re: shammashi)
|
| Quote: غايتو المذيعة القدمت الحلقة حقو تشوف ليها سيرك وتشتغل أراجــــــــــــــــــــوز. |
براحـة يا شمس .. الزولة دي نحن عايزين نستعمله معروضــات
والله دي دليل ادانة واضح بيثبت حقيقة غياب الكادر المؤهل
بلاي حسع السودان ده كلوووووووووو بي الخرطميــة ميل دي ما فيهو إلا الزولة الاتخصصت فينا دي ؟؟
معقولة يا ناس ؟ 
| |
|
|
|
|
|
|
|
|
|
Re: . . زعــلان من.... عافية حســن . (Re: ahmed khidir)
|
العزيز أحمد خضــر
تحياتي الشديده يا بوحميد .. Quote: انا كنت ايضا مترقب الحلقه وجاهز لى تسجيله , اصبت بى نفس الاحباط
اولا مقدمة البرنامج كانت العب الاكبر على السهرة ودى مشكلة الكادر الغير مؤهل
دائما فى تلفزيون السودان رغم محاولاته المتكرره لاظهار خفة الدم .
افتكر المشكله دائما فى تلفزيون السودان الصوت ودى مشكله حقيقيه
وهى السبب الاساسى فى ظهور السهرة بى هذا الشكل الغير لائق مقارنة بى التلفزيونات الاخرى.
قارن تسجيلات عافيه فى يوتيوب مع هذه السهرة وحا تشوف الفرق فى الصوت.
واتفق معك عافيه كانت مضطربه . |
.. كلامك كلــو في الصميم .. وبيأكد كل كلمة قلتها وكل احساس شعرت بيهو وانا بتابع الحلقة ..
طبعا في مشكلة يا احمد بتاعت انك كيف تحافظ علي الشكل الجميل او القالب الجميل الظهـرت بيهو دي حاجة معروفة وبتنطبق نظرية الثبات في القمة اصعب من الوصول إليها ..
الثبات في القمة هنا ده يا احمد خــدر او المحافظة على الشكل القديم بتاع عافية في نجوم الغد .. كان صعب هنا.. عوامل كتيرة كان يمكن تجاوزه .. علشان ما تضر بي عافية وهي لسه في بداية المشوار .. وتركزت عليها الاضواء .. وغالبا هي الآن في محل نظره فاحصة من الجميع .. من يسعى ان يدفعها في خطوات النجاح .. ومن يتربصون لهدم كل شئ جميل ..
عافية مطالبة بتقييم التجربة دي .. طالما اتفقنا نحن كم نفــر هنا في البوست ده .. يعتبر نقطة في الاتجاه السالب .. على اسواء الفروض من ناس عاديين غير نقاد .. يعجبهم فقط الاداء الجميل .. الكلمة اللحــن الاداء .. الحضــور .. النكهة الخاصة جدا
| |
|
|
|
|
|
|
|
|
|
Re: . . زعــلان من.... عافية حســن . (Re: maia)
|
Quote: اما المذيعة فجابوها بس لفقع المرارة
ما عارفة العلاقة شنو بين الرقة واكل الحروف ؟؟؟ |
.. Quote: اما الفنان شكر الله الجابوه
لغاية حسه ما فهمت لزوم تغيير البدلة كل شوية شنو ؟؟؟ |
.. يا مايــا
والله كنت قايل نفسي براي المرارتي مفقوعــه ..
بلاي انت برضو في الصورة ؟
طبعا اول حاجة علقنا عليها مسالة الديكـور والاضاءة .. والحركة بتاعت عافية ..
طريقة الضؤ المعكوس على عافية مباشرة والتركيز على اماكن كان ممكن يتجاوزه المصور او بتنبيه من المخـرج ... لون لبس عافية داكــن . الديكــور الاضاءة داكنة ..
في النهاية المسالة ما مجرد صوت .. وأداء فقط .. المؤثرات دي مهمة جــدا وحضــور الفنان امام الكاميرا غاية في الأهمية ..
اما المقدمة بتاعت البرنامج دي .. غايتو اخدت فينا الحق والزايد .. وياااارب تشوف البوستده يا يكلموهــا بيهو علشان تبطل زي الحركات العملته دي ..
اطلاقا .. لايمكن تصنع الحضــور ، ولا تصنع البديهة ، ولا اصطناع خفة الــدم..
| Quote: وبصراحة اكتر كانت متكلفة شوية مع اضافة جرعة دلع في الكلام ، ده غير انه اصلا الكلام ما واضح |
.. عليك نور يا مــايا..
عافية طالما ظهــرت وكانت محل حفاوة من الجميع .. يحق عليها الانتباه إلى كل ما من شأنو انو يؤثر علي مكانته عند الناس الاعجبت بيهــا ..
دائما بقول الشعب السوداني ., شعب لميح ، سميــع ، ولاذع ..
تنتبه عافية للحاجات الصغيرة دي .. هي لسه ما ابتدت.
| |
|
|
|
|
|
|
|
|
|
Re: . . زعــلان من.... عافية حســن . (Re: tmbis)
|
Quote: مسالة الديكـور والاضاءة .. والحركة بتاعت عافية ..
طريقة الضؤ المعكوس على عافية مباشرة والتركيز على اماكن كان ممكن يتجاوزه المصور او بتنبيه من المخـرج ... لون لبس عافية داكــن . الديكــور الاضاءة داكنة ..
|
بس ياها دي يا تمبس
الدكانة = تدكن = من داكن
كانت في حالة تدكن صعبة شديد
في الاداء ، الاضاءة ، الحركة ، لبس عافية
وزي ما قلت في تفاصيل صغيرة مهمة لازم يهتموا بيها عشان تكتمل الصورة وتطلع جميلة
لكن الاهم وكان ملفت حقيقي هو صوت عافية !!!!
لم يكن بنفس القوة والعافية التي كان عليها في برامج النيل الازرق
هبوط في قوة الصوت
سؤال جانبي ليس القصد منه التقليل من قدرات عافية او من كنا على نفس درجة صوتها واقوى
انه ليه في معظم الاحيان وليس جميعها ،الاصوات الجميلة عندنا ما بتصمد كتير وتبقا على نفس الدرجة من القوة حتى وهي في بداياتها؟؟؟
| |
|
|
|
|
|
|
|
|
|
تمبس زعلان من عافية (Re: tmbis)
|
تامبا يا اصلي ..
كيفك ياولدنا ..
تصدق إنت زول ( ختري ) عديييييل ..
أمبارح شفت بوست للاخ أحمد عبدالله اسمو (عافية حسن وشكر الله ديل فنانين ) فدخلت وكتبت المداخلة أدناه :
Quote: الأخ عبدالله ..
سلام
Quote: شابة اسمها عافيه حسن...وشاب اسمه شكر الله عزالدين.. يـمتلكان ملكة تطريبية عالية]
يبدو لي من كلامك أعلاه أنك لم تسمع لهم من قبل ..
لكن عافية حسن تحدث عنها الكثيرون هنا في هذا الموقع ، وما زال احد البوستات (حي يرزق) وحايم بي هنا ..
انا استمعت لعافية كثيراً ، وسمعتها بالامس ايضاً ..
ولكن ( لمست وأحسست فرقاً) بين أداءها في برنامج نجوم الغد ، وأداءها بالامس !!!!!
الله يكضب الشينة..
أما الشاب الآخر ، فلا أرى فيه ما يميز |
وبيني وبينك الواحد بقى لمن يكون عايز يقول ليهو رأي ، يتلفت يمين وشمال ويشيل (درقة) ..
يجوك هسي ناس فلان وعلان ، وبقطعوها ليك في راسك !!!
| |
|
|
|
|
|
|
|
|
|
Re: تمبس زعلان من عافية (Re: Salah Abdulla)
|
| Quote: تمبس زعلان من عافية |
شكلك عايز معانا مشاكل ....
حسي إنت كل يوم مودك واحد ؟؟؟؟؟؟؟؟
تمبس يا صديق ...
طالما الإحساس القوي ده موجود في عافية ما عندها مشكلة ...
بس خايفين عليها من حكاية العدسات الملونة دي ...
تقوم تشوف الدنيا بلون جديد يغير حاجاته البنحبها دي ..
| |
|
|
|
|
|
|
|
|
 Re: تمبس زعلان من عافية (Re: عمران حسن صالح)
|
عمــران ..
Quote: شكلك عايز معانا مشاكل ....
حسي إنت كل يوم مودك واحد ؟؟؟؟؟؟؟؟ |
.. والله كان كررت حركتك القبيل بتاعت البيع بتاعك ده .. تشوف ليك ارهــاب لمن تعرف حاجة ... Quote: طالما الإحساس القوي ده موجود في عافية ما عندها مشكلة ...
بس خايفين عليها من حكاية العدسات الملونة دي ...
تقوم تشوف الدنيا بلون جديد يغير حاجاته البنحبها دي .. |
. غايتو يا عمران الاحساس سمح والله مافي اتنين بتغالطـو فيهــو ،
انـا عندي فكــرة اركب عدســات لاصقة .. رايك شنــو بلاي في الحتة دي ..؟
| |
|
|
|
|
|
|
|
|
|
Re: تمبس زعلان من عافية (Re: Salah Abdulla)
|
صــلاح مخـاوينــا
كيفك يا أصلــي .. ..| Quote: أمبارح شفت بوست للاخ أحمد عبدالله اسمو (عافية حسن وشكر الله ديل فنانين ) فدخلت وكتبت المداخلة أدناه : |
والله البوست ده لحدي الآن ما وقع لي في عيني حاول كدي اديني الرابط بتاعــو .. النشوف الحاصل شنــو
طبعا بعد نهاية الحلقة .. غلبني النوم عديل كدا .. والمسالة مسخنة معاي شديد كانت قلت كدي الصباح ده الاجي .. ونشوف باقي الناس دي عملت شنــو مع الحلقة دي .. وانطباعاته هل نفس انطباعاتي دي .. والا انا براي الأشتــر واضنيني بقت كعبة ..
يازول لقيت ليك الناس دي كلها متحسسة ، حتى ناس السودان النبهوني للحلقة دي كانو متحسسين من الشئ الحصــل .. | Quote: وبيني وبينك الواحد بقى لمن يكون عايز يقول ليهو رأي ، يتلفت يمين وشمال ويشيل (درقة) .. يجوك هسي ناس فلان وعلان ، وبقطعوها ليك في راسك !!! |
.. قلت لي بقيت تهــرش .. والله يا اصلي السمع ده اصلو ما فيهو مجاملة بعدين عافية دي خاتنها لي قدام علشان كدا اي حركة منها ما مظبوطــة طوالي بنشتته هنا ده ..
عمــدة شايفو داقي جـرس بي هناك ..
عايز يهز لينــا قناعاتنا .. بلاي تعال وقعه ليهـو الزول ده ما يخمنــا ساكت كدا ده ..
| |
|
|
|
|
|
|
|
|
|
Re: . . زعــلان من.... عافية حســن . (Re: tmbis)
|
تمبس
فى حاجة صغيرة اختلفت فى عافية حسن
وأظن حقو نقولها لصالحها
1- أنها ظهرت بمظهر محترف ( New look)
وقبل كدا طالبنا بمظهر جميل للفنان .. أظنها ظهرت بمظهر جميل
ومهذب وأنيق ..
2- أن هناك بعض الاحترافية وتدريب فى صوتها
يعنى تخلّت عن الصوت الفطير لصالح بعض التدريب
فلننتظر حتى ينضج .. و يكتمل هذا التدريب ..
يعنى غلطتها أنها استعجلت
..
أما شكر الله
فهذا من غضب الله علينا ..
| |
|
|
|
|
|
|
|
|
|
Re: . . زعــلان من.... عافية حســن . (Re: معتصم الطاهر)
|
تمبس ازيك ،،
والله المزيعة فقعت مرارتنا عديييييييييل كدا ،،
غير انه عاملة انها بتتخفف زيادة عن اللزوم ،،،
عافيه حسن برضو كنت امنى النفس بسماع اعمال جديدة لكن جاتنا بى عملين
الواحد بحمد الله ،، وكمان ياحنين دي بس خليها ساي ،،
الشئ الملاحظ من الجميع انه عافيه ما كانت هى عافيه بتاعة نجوم الغد ،،
استديوها تلفزيون السودان دي وتقنية الصوت اتخيل لى اثرو كتير على الاداء ،،،
ولكن تفضل عافيه هى الصوت القادم بقوة ،،
شكر الله ياخوانا كدي ادهو فرصه الزول دا ما تكسرو مجاديفه ،،
والولد لسه صغير ،،
| |
|
|
|
|
|
|
|
|
|
Re: . . زعــلان من.... عافية حســن . (Re: ودالعباسية)
|
العزيز ودالعبــاسية ( جــون )
كيفك ؟؟
تعرف كلما اللقى لي زول في المجموعة هنا .. اتفقع من المقدمة بتاعت البرنامج ، يا من شكــر الله بيني وبينك كدا .. برتاح لانو طبعا مستحيل اتمقلب انا براي اليوم داك ..
غايتو ح تفضل الحلقة دي مؤشر بتاع متابعة لي قدام ـ بتهمنا عافية طبعا في المقام الأول ، وزي ما قلت انت مع امكانيات التلفزيون الشكلها جايط دي ـ مع المذيعين ومقدمين البرنامج ( الفقاعين ) ديل .. احسن بعد كدا تقبل عروض النيل الأزرق ـ سلمى سيد ـ مثلا واكيد اللقاء ح يكون جميل جدا ..
يا كمان تديها صنة شويــة وتتمرن .. وتجتهد وبلاش استهلاك ـ وبعد فترة نشوفه في هــارموني ( قناتنا ) مع الاستاذ المهندس الخطير جدا معتصم الجعيلي .. وانا اراهن انها ممكن تنطلق منها لي اي مكان تاني في الدنيا..
وما زلت بتفق معاك انو فعلا عافية الصوت القادم بقوة .. بس العترات الصغيرة الزي دي .. معنويا ما بتنفع .. Quote: شكر الله ياخوانا كدي ادهو فرصه الزول دا ما تكسرو مجاديفه ،،
والولد لسه صغير ،، |
..أما شكر الله ،، فللحقيقة والتاريخ أول مرة اسمعو .. غايتو أنت ياجون ما تكسر مجاديفو . لكن انا ده طرفي
| |
|
|
|
|
|
|
|
|
|
Re: . . زعــلان من.... عافية حســن . (Re: معتصم الطاهر)
|
Quote: أما شكر الله
فهذا من غضب الله علينا .. |
.. يا باشمهندس .. والله مقدر ظروفك .. وبتضامن معاك ، مع انو انا ذاتي بفتش للبتضامن معاي .. انا ذاتي رضيان بي حكم الله ده ..
1- المظهــر العام يا باشمهندس من ناحية اناقة كان معقول وإن كان الديكـور المستعمل مع الاضاءة مع اللون افسدو المسالة دي شديد جدا .. تركيز الكاميرا على الوجــه بصورة مباشرة اظهــر بعض الاعيــاء .. ربما هنا شوية خلل في المكياج .. وطبعا دي حاجات من المفترض انها تراجع في الاستديو من قبل خبير تجميل يهتم بالتسريحة والمكياج واللبس .. ده لو فرضنــا انو الامور ماشة بي شكل طبيعي زي كل التلفزيونات الفي الدنيــا..
2- نعم معاك في انــو منتظرين الصوت ينضج وده السبب الاساسي كان في الاهتمام بي مسالة الصوت دي .. والسبب الاساسي في انـو ما كنت عايزه تستهلك للدرجة دي .. وهي في بداية الطريق .. يعني بي صورة اوضح كنت متمني انهــا تكون في معسكر شبه مقفول لحدي ما تصل لي درجــة عالية من التجويد .. وتتمكن من التوافق الصوتي مع الالات المصاحبــة .. بس بختلف معاك انو الاغاني اتكررت زي ما قلت .. بعض الاعمال كان اجادته بي صورة احسن من الآن .. وما ظاهــر فيها اي تحسن للصوت ده لو ما لقينا انو واقف في حتتو ..
| |
|
|
|
|
|
|
|
|
|
Re: . . زعــلان من.... عافية حســن . (Re: سارة حمزة)
|
تمبس ازيك ..
الله لا جاب يوم زعلك...
المشكلة فى تلفزيون السودان ذاتووووو....قاعد يسااهم فى بشتنة الناس......
Quote: سؤال جانبي ليس القصد منه التقليل من قدرات عافية او من كنا على نفس درجة صوتها واقوى
انه ليه في معظم الاحيان وليس جميعها ،الاصوات الجميلة عندنا ما بتصمد كتير وتبقا على نفس الدرجة من القوة حتى وهي في بداياتها؟؟؟ |
دا لاننا بعيدين عن صناعة النجوم...
ودى مهارة وتخصص قائم بزاتو...
| |
|
|
|
|
|
|
|
|
|
Re: . . زعــلان من.... عافية حســن . (Re: Semsema)
|
Semsema
ازيــك ..؟
الله لاجــاب البزعلنــا بس زعلنا على عافية زعل .. خفيف كدا .. .. | Quote: المشكلة فى تلفزيون السودان ذاتووووو....قاعد يسااهم فى بشتنة الناس...... |
.. والله بتذكر في حلقة كان فيها ( ثنائي النغم ) الحلقة دي معلقة معاي من فترة طويلة جدا .. الشئ الحصل فيها ما بتنسي وده بيوري أنو كيف مافي ناس بتتابع المكياج .. طريقة اللبس .. التسريح .. ودي طبعا من اهم الاشياء المتلازمة لي مسالة الظهــور قدام المشاهدين لانو العرض في حد زاتو بيتطلب اشياء كثيرة .. في كل التلفزيونات ومحطات البث .. بنلقى المتخصصين في قسم منفصل .. يعني لما تتوجه الكاميرا على ( الكــادر ) .. بتكون على مستوى عالي من الجاهزية ..
| |
|
|
|
|
|
|
|
|
|
Re: . . زعــلان من.... عافية حســن . (Re: محمد الطيب حسن)
|
Quote: الاخ تمبس والله فيك العافيه لي كم يوم بفتش في واحد يكون سجل الحلقه
ياخي انا بالشمارات ساي اتمغصت من المزيعه خليكم انتو الحضرتوها
ودي |
.. محمد الطيب حسن
كيف أخبارك ؟؟
غايتو يا محمد الحمد لله وصلتك الحلقة في شكل شمـار .. نحن كنا في قلب الحدث .. وقلب المغصة .. لكن برضو كنا ثابتين
| |
|
|
|
|
|
|
|
|
|
Re: . . زعــلان من.... عافية حســن . (Re: tmbis)
|
جاري ورا عداداتو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يا تمبس
دا شنو بلاي
وعععععععععععععععععععععععععععععععععععععععععع
مذيعة مرض
وشكر الله ما بعرف يتكلم زايد انو كضاب ايه اللي الشعراء عشان ينشروا الغنية بدوها لي كم فنان؟؟؟
اما عافية حسن
بالرغم من صوتها
والنيو لوك
ليكن ما بتعرف تتكلم برضو
اللقاء
كلو مرض في مرض
----
نفسي في فنان سوداني يكون لبق اما الكاميرا غير نادر خضر
| |
|
|
|
|
|
|
|
|
|
Re: . . زعــلان من.... عافية حســن . (Re: Ahmed Mohammed Osman)
|
Quote: جاري ورا عداداتو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يا تمبس دا شنو بلاي |
والله دي يا بوحميد بالغت فيها .. لمن حيرتني .. Quote: وشكر الله ما بعرف يتكلم زايد انو كضاب ايه اللي الشعراء عشان ينشروا الغنية بدوها لي كم فنان؟؟؟
|
.. وده كمان لو ادوهو فرصة شوية كان طلع نفسو محمد الأمين وأنو الشعراء جاريين وراهو جري .. معقولة يا شكر الله لكن ؟؟؟ Quote: اما عافية حسن
بالرغم من صوتها
والنيو لوك
ليكن ما بتعرف تتكلم برضو
اللقاء
كلو مرض في مرض |
.. دي اكبر كارثة طبعا . ذكرتني لعيبة الكورة .. الواحد تلقاهو لعيييب جدا وحريف والجمهور كلو يكورك ليهو ... من ما يجيبو ليهو المكرفون يشبكه لينا كلها الله يديكم العافية .. والباقي يتمو ليك .. آآآآآ .. ووو .. آآآآآآ
..
لكن يا احمد في فنانين كتار بيتكلموا كويس .. والله ما بيتعدو .. لكن نادر خضر فعلا حضورو قدام المايك حاجة جميلة
طبعا عكس الحركات المرات مرات قاعد يعمله في الغناء بتاعو ..
| |
|
|
|
|
|
|
|
|
|
Re: . . زعــلان من.... عافية حســن . (Re: سارة حمزة)
|
وجهة نظر اخرى
كأنها ليلى المغربي
حسن موسى أحمد
صنعاء/اليمن
[email protected]
قدم التلفزيون السوداني , يوم الثلاثاء الماضي 22 مايو سهرة بعنوان موسيقى وألحان , كانت المذيعة جديد وشابة , فذكّرتني بالمذيعة ليلى المغربي , لقد رحلت عنا الإذاعية المذيعة النجمة القديرة والمتألقة ليلى محمود صالح المغربي , وخلدت بعدها عطاءً وارثاً برامجيا ثرًا, بصوتها الجميل المتفرد المتميز الدافئ ـ الذي لم تنجب الإذاعة السودانية مثله حتى ألان , مع احترامي لكل الأصوات الإذاعية النسوية الموجودة في الساحة الإذاعية , أمثال المذيعة المبدعة محاسن سيف الدين , سعاد أبو عاقلة , ليلى عوض , إسراء زين العابدين , رجاء حسن حامد , إكرام الصادق , نجاة كبيدة , وهناك الكثير , لقد رحلت ليلى المغربي في 29مارس 1999 , هي وشقيقتها الصغرى هيام المغربي وكان صوتيهما صورة طبق الأصل , كما يتشابه مع صوت شقيقتهما الراحلة الإذاعية الكبرى سهام المغربي , وأيضا هناك التشابه في الصوت مع شقيقتهما الممثلة سنية المغربي لقلد رحلت الشقيقتان ليلى وهيام في حادث مروري عندما كانتا تؤديان مناسك الحج , ألا رحم الله الفقيدتين رحمة واسعة , واسكنهما فسيح الجنات وآلهم آلهم ومستمعيهم الصبر وحسن العزاء .
لقد بدأت الراحلة المقيمة مشوارها الإذاعي في برامج الأطفال وهي طفلة صغيرة , حتى عانق صوتها الرائع الجميل الدافئ المميز ميكرفون ألاذعة كمذيعة ناجحة متألقة مبدعة ونجمة يشار إليها بالبنان في مجال الإذاعة والتلفزيون , وعشق صوتها المنساب نعومة كالحرير كل المستمعين , فيا صوتها لما سرى عبر الأثير .... يا معطرة مثل الحرير نعومة ونداوة ..... فكانت مذيعة وممثلة وشاعرة , وفي المجالات الثلاثة قدمت إبداعا متميزا بثقافتها وعلمها , لقد امتلأت المكتبة الصوتية الإذاعية بالعديد من البرامج , البرامج التي أدخلتها إلى نفوس المستمعين وبأسلوبها الراقي والجميل كانت صديقة كل المستمعين , ومن برامجها المميزة , مثل نفحات الصباح وأصداء, واللذان ُقدما لسنوات طوال عبر الإذاعة , وهناك العديد من برامج المنوعات في الإذاعة والتلفزيون , فقد كانت بحق إذاعية ومذيعة , بحضورها أما الميكرفون , وسرعة بديهتها الإذاعية حتى ولجت عالم النجومية وُقدمت لها العديد من العروض لبعض الإذاعات العالمية , وسرى صوتها من بعض الإذاعات العالية مثل مونت كارلو وبعض الإذاعات العربية , لكنها آثرت أن لا تفارق أثير إذاعة أم درمان ومستمعيها داخل الوطن , كانت هذه النجمة الإذاعية ليلى المغربي ابنة عم الشاعر مبارك المغربي .
أما المذيعة الجديد الشابة مقدمة السهرة , كانت متألقة بحيويتها وحضورها التلفزيوني ولباقتها وإراقتها , فقدمت السهرة و أدارت الحوار بوعي متفرد ومتميز , فأضافت إلى السهرة بصمة من بصمات الراحلة ليلى المغربي وإبداعا من إبداعاتها , فكان ضيفيها , الفنان الشاب شكر الله عز الدين , والفنانة الشابة عافية حسن , فقد أبدع الفنانان الشابان إبداعا منقطع النظير . برغم أنهما رددا بعض من أغنيات الفنانين الكبار أمثال عبد العزيز داوؤد والبلابل وأماني مراد , فقد أجادا أغاني الغير , وتغنيا بانتاجهما الخاص حيث اثبتا مكانتهما وسط الساحة الفنية وبين معجبيهم من فئة الشباب , أما المذيعة الجديدة (عزة المغربي) فهو اسمها كما ُذكر في السهرة , فهي صورة مصغرة للراحلة ليلي المغربي , في الصورة والشكل و الأداء و الحضور المتميز وإدارة الحوار بجدارة وُجرأة , أكاد اجزم أنها ليلى المغربي لولا اختلاف الصوت , فهل يا ترى هي ابنة الراحلة ليلى المغربي ؟ أم من أسرة المغربي ؟؟ فهل من إجابة لهذا السؤال .
| |
|
|
|
|
|
|
|
|
|
Re: . . زعــلان من.... عافية حســن . (Re: SILVER MOON)
|
شكرا ياسلفر مون للمقال الذي يمثل راي آخــر وزاوية شوف مختلفة ولكل طبعا وجهة نظره ومؤشرات استقباله البيحكم بيها على اي عمل .. ومقال الاستاذ حسن موسى مشبع بكل ما هو جميل للراحلة ليلى المغربي وشقيقتها .. هيام ونترحم عليهم ونسال الله ان يدخلهم الجنان بقدرما قدموا رسالة اعلامية صادقة باحترافية ومهنية عالية .. واصبحت مقاعدهن خالية بالرغم من وجود العديد من الوجوه ومن الكوادر المختلفة ..
اقوم ببعض المحاولات للتأكد والرد على استفسار الاستاذ حسن موسى فيما يتعلق بالمقدمة عزة المغربي ..
واتمنى ان امدك بالاجابة عنه في اسعرع وقت ..
شكرا يا سلفر .
تحياتي ..
| |
|
|
|
|
|
|
|
|
|
Re: . . زعــلان من.... عافية حســن . (Re: tmbis)
|
الموصلى كتب:
Quote: تمبس اذا كانا هذين التسجليين من السهرة
فلا آعتقد آن صوتها مرهق
ولكنها كانت تحتاج الي ان يرفع المقام نصف تون علي الاقل
لازلت احس برنينها الحنين
ولكن ارجو من الفنان احمد المك آن يتلافي مسالة القرار هذه اما بتعديل تلك المناطق
آو برفع المقام ان كان ذلك ليس له تاثير علي (الجواب) في صوتها
نشكرك علي جعلنا في الصورة دوما |
بالااضافة لعدم التفاعل الحسى بين الموسيقى والمود النفسى للفنانة فىهذا اليوم...
وربما يرجع لزمان او مكان اتسجيل او ظروف حول الفنان ادت الى تناقص التفاعل فى هذه السهرة
| |
|
|
|
|
|
|
|
|
|
Re: . . زعــلان من.... عافية حســن . (Re: haider osman)
|
| Quote: وكمان قال لي انو نصحها بخصوص العدسات كم مرة |
تمبس عن اذنك زح لي من ود العشا دا بعيد
يا ود العشا بطل افتراء وكضب متين عافية حسن لبست عدسات لاصقة؟
تصدق ايام نجوم الغد واحد صاحبي قال نفس كلامك دا والله مرقنو مني كرعيهو.
شوف يا ود العشا الكلام دا ربنا بحاسبك عليهو يوم القيامة ولا بد ان مثل هذه الفرية كفيلة بان تهوي بك في النار سيعين خريفا.
ونحنا بنحاسبك عليهو في الدنيا دي.
دليلك شنو؟ عالم حاسده
يا تمبس عافية عاجبانا المشكلة بس كانت في الاروكسترا والمذيعة الحمقاء البتنفعل بدون سبب وماخده الموضوع بالجد خالص.
والمشكلة في شكر الله الما خلالو كركار ولا ودك ما كباهو فوق شعيراتو ديل.
عافية والله انا عافي منك دنيا واخرة عفويا يكبرك وينجحك .
وما تسمعي كلام ود العشا وتنبس ديل ناس حاقدين.
| |
|
|
|
|
|
|
|
|
|
Re: . . زعــلان من.... عافية حســن . (Re: معاذ حسن)
|
عن اذنك يا تمبس اديني معاذ حسن ده بي جاي ..
سلامات يا معاذ ..
يا اخي انت بعيد من السودان وقاعد بره وما عارف الحصل وراك شنو .. والله العدسات اللاصقة راشة في البلد رش تقيل .. تمشي اي حفلة من اصغر واحدة للحبوبات ذاااتم مركبنها .. والله قبل كم يوم كده مشيت حفلة في الهلتون لاقتني صاحبة الحفلة ذاااتا وبعرفا لي اكثر من 10 سنة والله خمسة دقائق ما فرزتها .. ما العدسات بس عاملة في روحها حاجات تانية .. لذلك يا معاذ لا استبعد ان تكون عافية مركبا ليها جوز .. وبعدين مالو لو ركبت مش حاجة كويسة ..وبعدين الموضوع كلو تمبس زعلان من عافية يا رضوه يا رضوه ..
يا تمبس هسه واحد يفتح لينا بوست يسميهو ( العدسات اللاصقة في السودان )
| |
|
|
|
|
|
|
|
|
|
Re: . . زعــلان من.... عافية حســن . (Re: Nesta)
|
يا نيســتا ..
طالما انك عايز تقعد ( العدسات ) لي معاذ فإذنك معاك ..
بعدين والله مسالة العدسات دي انا ما متوتر منها شديد كدا .. انا شخصيا رسلت ( عيون ) كتار من هنــا .. شئ اخضــر ـ وشئ بني وإلخ..
يعني يا معاذ ماعندك مشكلة .. تعال ماريني في العليا هنــا اظبط ليك اتنين جوز عدسات ( قطع الجنينة ) .. والله ( البعاين ) ليك ما يلحقك تاني
بلاي يا نيستــا .. ممكن تدينا فكرة عن العدسات دي . لانو نحن ناس نضارات نظــر وحمك شاقي الليــن
| |
|
|
|
|
|
|
|
|
|
Re: . . زعــلان من.... عافية حســن . (Re: معاذ حسن)
|
| Quote: تمبس عن اذنك زح لي من ود العشا دا بعيد |
معــاذ:
أخبارك
انا والله مقدر انفعالك ..
Quote: يا تمبس عافية عاجبانا المشكلة بس كانت في الاروكسترا والمذيعة الحمقاء البتنفعل بدون سبب وماخده الموضوع بالجد خالص.
والمشكلة في شكر الله الما خلالو كركار ولا ودك ما كباهو فوق شعيراتو ديل.
عافية والله انا عافي منك دنيا واخرة عفويا يكبرك وينجحك .
وما تسمعي كلام ود العشا وتنبس ديل ناس حاقدين. |
.. والله يا معاذ انا أول حاجة زعلت ليك انت بالليل داك .. لاني عارفك من شعراء الحماسة .. وأي حاجة بتأثر فيك ..
غايتو نحن زعلنــا بس . وزعلنا دائما على خفيف ..
كان استمرت المسالة بالطريقة دي ..،
ح نطعــن في ضلــو ..
ح نقاضيك .. واحتمال نطالب بي بدل احباط .. مقدمة برنامج . وح نتجاوز عن الباقي
فهمتني ..
| |
|
|
|
|
|
|
|
|
|
Re: . . زعــلان من.... عافية حســن . (Re: haider osman)
|
العزيز حيدر عثمان:
كلام الاستاذ يوسف الموصلي جميل جدا .. يضاف ليهو كلام الاخوة هنــا ..
واضيف مداخلتك وملاحظتك .. فعلا المود العام كان شكلو شوية مختلف .. وطبعا دي من الاشياء البتكون واضحة جدا في الفنان وللاسف ممكن ان تنتقل بسرعة للمتلقي وللمتابع ..
اتمنى ان تنتبه عافية المرات القادمة .. للمود والاحساس في تجويد العمــل ..
| |
|
|
|
|
|
|
|
|
 Re: . . زعــلان من.... عافية حســن . (Re: tmbis)
|
Quote: الصوت الملائكي المنطلق بعنــف . كنت قبل فترة كتبت محذرا من مقبة الاستهــلاك
الاستهلاك المتكــرر .. لو كنت عارف كان قلت ليها اعملي حسابك من تلفــزيون السودان .. |
دا الشي الكنا خايفين منو يا صاحب ..
عافية بلا شوق صوت جميل وكذلك حضورها الجيد بس الإستهلاك ح يضر بيها وكذلك الإستعجال في العمل بالأمس تناقشنا كثيراً في موضوع الحلقة وحتى المزيعة اللميعة كملت الناقصة وفقعت مرارتنا أما استديو التلفزيون كأنك داخل مقابر عمر الجزلي يا قول ودالباوقة مافي أي تناسق في الديكور ولا الإضاءة ولا حتى لبس الفنانين ..
هناك ملاحظة ذكرها الأستاذ الموصلي وأمس تناقشنا فيها أيضاً عن طبقات صوت عافية وألحان أحمد الملك لذلك عافية ظهرت في الأغنية الجديدة كأنها مؤدية فقط بلا إحساس نتمنى أن تنتبه للمسألة دي في مقبل حياتها وخصوصاً سيظهر ليها شريط جديد وأخشى عليها من حكم الجمهور ..
نتمنى من الفنانة عافية عدم الإستعجال وإختيار أعمالها بعناية وأكيد ح تتربع على قلوب الكثيرين من المعجبين ..
| |
|
|
|
|
|
|
|
|
|
Re: . . زعــلان من.... عافية حســن . (Re: معتصم دفع الله)
|
| Quote: الإستهلاك ح يضر بيها وكذلك الإستعجال في العمل بالأمس تناقشنا كثيراً في موضوع الحلقة وحتى المزيعة اللميعة كملت الناقصة وفقعت مرارتنا |
.. ياابوالدفاع:
طبعاانت عرفتها وعملت فيتنام بدري .. وخليتني انا والمقدمة والديكور وكانت الفورة الف 
نحن اتعودنا على الاستماع تحت ظروف محددة .. ظهور عافية قوية في نجوم الغد البرنامج المتابعنو كلنا بي اهتمام عالي .. هو الادانا الانطباع المميز لي عافية .. وبي كدا كانت مسالة الرصد . وكان تخوفنا اكتر من مسالة الاستهلاك المضر .. الظهور اليومي بشكل متكرر . اختفاء عنصر النكهة المميزة في العمــل .. كل هذه المحازير خلتنا نعاين للعمل بشكل مختلف ، وبعين فاحصة ، ربما من يشاهد أول مرة عمل لعافية يعجب بالصوت .. لكن نحن من مبدا حرصنا أو متابعتنا خلتنا ما نقبل بالطريقة الاتعرض بيها العمل ..
ايضا انطباعنا المسبق وما لاقيناه من التلفزيون في قناته العامة لم يتيح لنا الخيارات الكافية للمتابعة بحياديه .. مقدمة البرنامج اثبتت لنا ذلك .. من خلال الحوار الضعيف جدا واصطناع التلقائية ..
اتمنى ان يحاول التلفزيون دائما ان يحترم عقول الساده المتابعين .. وأن لايسرب ملل يسيطر على نفسياتهم وفي نفس الوقت .. لا يكون معول هدم للمواهب الصغيرة التي تفتحت براعمها .. وبدأت ترش في عبيرهــا..
| |
|
|
|
|
|
|
|
|
|
Re: . . زعــلان من.... عافية حســن . (Re: tmbis)
|
الأخ الفنان تمبس
التحية ليك وانت تعطر تعطر منبرنا بكل ما هو رائع وجميل
أنا كمان بضيف إضافة وهى ان عافية أنتجت فى الأيام الماضية شريط كاسيت وصراحة أداؤها فى الشريط أيضاً لم يكن نفس الأداء الذى إستمعنا إليه وشاهدناه فى حلقات نجوم الغد وفى سهرات النيل الأزرق وصراحة أنا ما عارف السبب شنو لكن ............ تعرف البت دى شكلها ما عرفت الراحة أبداً وبالتالى قد يكون الإرهاق هو السبب وبالمناسبة أخبرنى صديق عزيز أخته كانت إحدى نجمات نجوم الغد وهى البت الأمورة شروق حسن عبدالمتعال أخبرنى بأن مجموعة من نجوم الغد من ضمنهم عافية فى جولة ولائية تشمل بورتسودان ومدنى وغيرها لتسجيل حلقات إحتفالية من نجوم الغد وبالتالى الحكاية فيها سفر كمان .............
كمان أنا عندى ملحوظة تتعلق بإستعجالها على إنتاج الأغانى الخاصة فبعد أن فاجأتنا بباكورة إنتاجها يا حنين للرائع الحلنقى كان لابد لها أن تتريث قليلاً حتى يكون العمل القادم أفضل من سابقه ياخى وردى عندو قصيدة أداها ليهو هاشم صديق ليها 3 سنين ما لاقى ليها لحن مناسب فما عارف الناس دى مستعجلة على شنو ؟
بعدين تعرف يا تمبس زى ما قالت رجاء والله أغنية يا حنين دى لو غنتا عافية وهى نايمة برضو بتكون سمحة
تخريمة :
الرجاء المرور على البوست الذى بعنوان :
أما آن الأوان للعودة أيتها الطيور المهاجرة – حلاة بلدى
وذلك لتقديم المساعدة الفنية
| |
|
|
|
|
|
|
|
|
|
Re: . . زعــلان من.... عافية حســن . (Re: ابن الرشيد)
|
| Quote: طبعا لو قعدت تغني فيها مية سنــة لي قــدام ح تكون ( حنينة ) جــدا |
أمي بتسلم عليكم , و قالت ليكم ما عندكم شوية " جرسلين " ؟؟؟
تامبا يا حكومة ..
الحلقة كلها كانت مضروبة و بيض , من المخرج لغاية بتاع الإضاءة ..
المذيعة سمحة و بس , و أي زولة سمحة فهي عويرة ( باستثناء الزميلات البوردابيات السمحات )
القميص أب كم أصفر مدلدل ده هو سبب شتارة الصوت لأنه غت على شوية الحاجات الكويسة في حنجرتها .
بعدين حركة اليد في الأضان بتاعة عبدالباسط عبدالصمد دي جديدة يا عباس , و ما ظابطا .
نيو لوك ده شنو كمان ؟ .. عيون كديس دي و الظلطة المظلوطة بيها يعني ؟
يا حكومة ياخ عافية دي أديتوها كوز ساكت بس .
أسرار مالها بللاي ؟؟ .
هسع ح تدونا شوية جرسلين وللا كيف يا أصلي ؟؟
| |
|
|
|
|
|
|
|
|
|
Re: . . زعــلان من.... عافية حســن . (Re: Emad Abdulla)
|
Quote: أمي بتسلم عليكم , و قالت ليكم ما عندكم شوية " جرسلين " ؟؟؟
|
.. يا اصلي والله ما عندكم جرسلين لكن بنتصرف ليكم من الجيران ..
بعدين اتهبشنا في الحتة البتوجعنــا .. الحاجات كانت ماشة ( تيكة ) وكويسة تاني الخرمجة شنــو .. من آخر نقطة مفترض لي فوق طوالي .. يعني مش ترجع تااني لي الصفر ..
رايك شنـو ياأصلي في السمحات الشترات .. يعني تشوف الواحده خطيرة جدا والسماحة كاتلاها تجتهد وتقوم وتحنك وتكب الجرسلين .. تقوم تقنعه عشان ترقصو مع بعض .. يلالا بعداك الفورة الف وتبقى في البخارجك .. رايك شنـو بلاي يا المصلط .. اكيد اتمقلبته ليك مقلب زي ده؟؟ اصلو ما بقعوا فيها إلا الاصليين ..
والله يا اصلي اسرار دي حاجة كدا براهــا .. وحسع انا ذاتي خاتي يدي في قلبي .. وما عايز ادق جرس حلقات رمضان .. لانو كان فيها حاجات كدا ضرستني عديل .. وخليها بيناتنا لحدي ما نتلاقى .. من ضمنها المسالة بتاعت اللبس .. وأنا معاك في الشكل العام للفنان الهندمة والقشرات اهم شئ يعني لما تظهر للبشرية دي وتقيف شايل ليك مايك لابد من انك تكون في كامل الهندام وما بالضرورة تكون خاشي ليك حاجة ما لبسوها الناس .. في اناقة كدا بتجي من الحاجات البسيطة جدا بتدي نقلات جمالية عالية ..
بعدين يا اصلي بلاي ما تحاول تهزهز لينا قناعاتنا في عافية دي ... انا لاعب بيهم الاتنين هي واسرار بعدين في واحد تاني كدا كان شال الكاس زمان في نجوم الغد اسمو محمد موسى تقريبا ده زول خطير جدا .. وأنا متكيف منــو شديد لانو بفتش ليهو ما بالساهل بلقاهو .. بيكون غاطس فجأة القاهــو طلع بي حاجات كتيرة جدا حقتـو .. مجودة ونوعيت صوتو من النوع ابوكديس .. الصوت البهاجمك ويلفحك في حنانك زاتو .. اها محمد ده زول اصلي جدا وعرف اللعبة جنو وجن التلفزيون وجن الاستهلاك ده .. بعدين انيق جدا بيذكرني دائما بي الاستاذ محمد الأمين .. عليك الله حصل شفت محمد الامين ده لابس ليهو قميص وبنطلون حايم بيهم .. خلينا ياخ
عايز جرسلين اهبشنا تاني في حاجاتنا دي
| |
|
|
|
|
|
|
|
|
|
Re: . . زعــلان من.... عافية حســن . (Re: ابن الرشيد)
|
العزيز إبن الرشيد ..
سلامات والف شكر لكلماتك في حقي ..
كلامك في الصميم فيما يتعلق بالاستهلاك ..
طبعا لحدي الآن ما سمعت الكاسيت الخاص بي عافية .. وسمعت عنو كتير جدا . وللاسف الشديد الكثير انتقد العمل الفني من ناحية التسجيل وهندسة الصوت ، وده كلام طبعا امن عليه الاساتذة هنا اللي عندهم علم في مجال الصوتيات والموسيقى عن دراسة ، مسالة الارهاق المتلازم لنجوم الغد فعلا هي صحيحة برضو وصلتني اخبار انو المجموعة في جولة بداخل الولايات .. كنت افضل ان كامل المجموعة تخضع لي مرحلة تدريبية قاسية جدا .. يتم من خلالها معالجة الكثير من القصور في الاداء لتقويتهم موسيقيا عن طريق اكسابهم بعض التكنيك الخاص بالموسيقى من ناحية الاداء والتوافق مع الموسيقى .. الحاجة التانية مسالة الاستعجال في اصدار الاعمال دي من اكبر المشاكل الواضحة الآن في السودان .. نسبة لتعدد شركات الانتاج التي تهتم اولا بالناحية التجارية والاسم الظاهر على الساحة .. ولايهمه في ذلك جودة العمل ، ولا احساس المتلقي .. وللاسف الشديد بعض المطربين اسهموا ايضا في مثل هذه الاسقاطات .. فاصبحت محسوبة عليهم بشكل واضح .. وعندك تجربة الفنان محمود عبد العزيز خير دليل استهلك ... استهلك حتى فقد الكثير من ضمن ما فقد .. صوته الطروب .. فلك أن تنظر إلى الكم الهائل من الاعمال التي اصدرها في فترات متقاربة .. ولك ان تحتـار في الفرق بين الجيد دفيهم والحشــو ساكت..
غايتو لحدي الآن يا بن الرشيد .. متمسكين بي يا حنين دي لحين اشعار آخــر ..
ـــــــــــــــــــــ
بالنسبة للتخريمة تم إجراء اللازم ..
الف شكر
| |
|
|
|
|
|
|
|
|
|
Re: . . زعــلان من.... عافية حســن . (Re: tmbis)
|
ألأخ/تمبس
سلامات ووين يا راجل ليك مده ما باين؟
لكن زعلك حلو الخلاك تطلع المكنونات دى....وياريت الناس لو زعلا زيك...
أنا وألأولاد حضرنا عافية والمدام قالت المذيعة تشبه ليلى المغربى..وفعلآ طلعت من العائلة تقريبآ عزة المغربى...ولا تغليق خولها.
أما عن عافية حسن فعلآ عايزة الناس البوجوها لآن هذه المرحلة حرجة فى مسيرتها الفنية.وما فى شك إن صوتها رائع وجميل..أما شكر الله فلم يضيف أى إضافة فى هذه الحلقة بل تحسب عليه...
ومزيدآ من النقد البناء لمثل هولاء.
إسماعيل محمد أحمد عباس........................أم درمان
| |
|
|
|
|
|
|
|
|
|
Re: . . زعــلان من.... عافية حســن . (Re: ismeil abbas)
|
عزيزى "تمبوس" و المتداخلين
أنا غايتو الحلقة دى فاتتنى كيف ما عارفة؟؟ أظنى كنت بوف فى "ديسبيريت هاوس وايفز" ،، مع إنى والله لا "ديسبريت" و لا شي!!
غايتو أنا عافية دى بريدها ، و كل يوم كان ما سمعت يا حنين دى بتحصل لى حاجة "بعد الشر على"،، و ما ح أقدر أفتى فى الحلقة، بس أهو ح أشوف اللقطات النزلتها لينا يا صديق.
أما بخصوص المذيعة
Quote: وبتخفف في دمها بصورة بايخه كيف ..
|
إتخيل لى هى طوااااااالى بتكون فاتحة قناة "هارمونى" و بتحاول "تقلد" ديلك البهناك ، آخر غنج ،،، بالله نحن ديل نسوان أسى ؟؟ يخخخخسييييييييي علينا "نحن الما قاعدين نتدلع ديل قصدي"
مع السلامة و تمنياتى لعافية بمستقبل زاهر زى صوتها السمح دة
| |
|
|
|
|
|
|
|
|
|
Re: . . زعــلان من.... عافية حســن . (Re: نوسة)
|
العزيزة نوســة..
بركة الحلقة دي فاتتك .. كان ساهرتي ساكت وشلتي الليل حســرة ..
بلاي بتحبي عافية شديد .. ؟ حسع يا نوسة كان قلنا الكلام ده يدخلونــا في حتات ضيقة جدا .. ونبقى في البخارجنا.. إنتو عندكم حق الفيتو .. وصندوق النقد الدولي وأي حاجة ... نحن بس نزعل ونسف التراب ..
امــا بخصوص المذيعة:
فناس ( هـــارموني ) .. خطيــرات
| |
|
|
|
|
|
|
|
|
|
Re: . . زعــلان من.... عافية حســن . (Re: ismeil abbas)
|
حبيبنا اسماعيل عباس ..
ليك وحشــة..
والله يا اسماعيل زي ما قلت للشباب زعلنا بيجي في الحتات دي .. ما عندنا حاجات كتيرة بنطمع اننا نمشي فيها بشكل كويس غير الغناء ده .. والمزيكــا .. لما تظهر حاجة فريده زي عافية دي مفترض نعضي عليها بالنواجز وزي ما قلته نوجه التوجيه السليم من الناس المتخصصة ـ وما نجازف بي اي تجربة ممكن تخصم من رصيده في نفوس الناس المتابعنها .. انا معاك في انو التجربة بمقياس العمر الفني بسيطة جدا لكن الاعلام ما بيرحم .. وفي ناس متربصة لي تكسير اي موهبة .. واصلو ما تستبعد انو الحلقة دي بالذات في ناس ممكن يعملوا منها هيلمانه .. في حين انهم ممكن يكونوا ساكتين ساكت عن اي نجاح وتقدم .. مستوى النقد في السودان والاعلام متدني خالص .. ولسه ما عندنا الناس البتدعم التوجهات السليمة .. ورعاية من يستحق الرعاية ..
بالنسبة لي عزة المغربي والله يااسماعيل لحدي الآن في حيرة انــا وح اجتهد زي ما قلت علشان اعرف الكثير عنها .. رائك ورأي المدام عن انحداره من اسرة المغربي ده كلام كويس نسبة لمواكبتك ووجودك من نفس المنطقة ..
تبقى حاجة مهمة جدا مسالة النقد الهادف البيقدم .. ما النقد البيحطم .. وطبعا علي شرط يكون من جهات مختصة خالص وملمة بالامكانيات البتيح ليها النقد .. فنحن هنا نفتح مجرد خطوط عريضة للانتباه ..
شكرا الله .. ما حصل اشتمعت ليه غير في الحلقة دي خامتو الصوتية حسب استماعي جميلة .. لكن هناك الكثير البخليني ما اقدر اتعامل معاهو كفنان بيوصل لي حاجات الشخص الفنان ..
شكرا ياسمعة وتحياتي ليك وللاسرة ..
| |
|
|
|
|
|
|
|
|
|
Re: . . زعــلان من.... عافية حســن . (Re: tmbis)
|
يا تمبا..
أنا غايتو بايد كلام أساسي في قرابة البت دي لناس المغربي بالرغم من شهادتك المتأكدين منها لأنها حق في حق آل المغربي الإعلاميين..
وممكن تكون بنت الأستاذة الراحلة ليلى المغربي. الشبه في، أنا بعرف وضًاح ولدها وهو براااحة ممكن يبقى مذيع. في العمر يعني.
تخريمة: غايتو يا اساسي وانا بقرأ في النقد بتاعك آمنتا عديل..
ما تسيبك من شغلانية الليبرالي والإتحادي وتفتح كشك ..
| |
|
|
|
|
|
|
|
|
|
Re: . . زعــلان من.... عافية حســن . (Re: Raja)
|
'طبعا يا رجا المايسترو تمبس دا عارف اي حاجة عن الفن السوداني وتاريخ الاغنية والموسيقي السودانية كان زي كتاب المطالعة لي تمبس دا في الابتدائي
عشان كدا ما بنقدر نقول حاجة في الفن والادب ومعرفة الاشخاص لانه تمبس بالجوار ونحن لا نفقه في هذا الضرب شيئا
بعدين يا تمبس لمن مشيت احاسب الراجل حق الشيشة لقيتك عملت ظريف وحاسبتو فأضطريت اجيب شاني علشانك وعلشاني .
طبعا بالنسبة للكشك انا من زمان عندي رغبة افتح كشك بارد علي يدك تحقق احلامي
| |
|
|
|
|
|
|
|
|
|
Re: . . زعــلان من.... عافية حســن . (Re: اساسي)
|
رجـــاء ..
مش قلت ليك عارف ( القلاصة ) انــا .. والكشك ده ح يتفتح لي في راسي .. وانا بكتب في المداخلة الفوقانية .. بتاع الكشك قام فتحــو .. ( ورشة ) الرملة بي جردل المويــة نظــام ترطيبة وكدا .. Quote: 'طبعا يا رجا المايسترو تمبس دا عارف اي حاجة عن الفن السوداني وتاريخ الاغنية والموسيقي السودانية كان زي كتاب المطالعة لي تمبس دا في الابتدائي
عشان كدا ما بنقدر نقول حاجة في الفن والادب ومعرفة الاشخاص لانه تمبس بالجوار ونحن لا نفقه في هذا الضرب شيئا |
.. حسع دي بلاي يا رجــاء اخلاق زول يفتحــو ليهو كشك ..
والله ده طبلية وفيهــا ( شختك بختك ) خســارة فيهــو .... | Quote: بعدين يا تمبس لمن مشيت احاسب الراجل حق الشيشة لقيتك عملت ظريف وحاسبتو فأضطريت اجيب شاني علشانك وعلشاني . |
.. ..
اسمع درجــةالحرارة في جــدة كم حســع ؟؟
المرة الجاية ادفع انت حق الشيشة .. وانا بجيب ليك الشاني .. وكدا نكون حبايب
| |
|
|
|
|
|
|
|
|
|
Re: . . زعــلان من.... عافية حســن . (Re: Raja)
|
رجــاء ..
معليش ح افط الناس الفوق ديل .. وأرجع ليك .. وبشير لي مداخلة اخونــا اسماعيل عباس .. وهو برضــو من شبــاب الحــلة وقال ..Quote: أنا وألأولاد حضرنا عافية والمدام قالت المذيعة تشبه ليلى المغربى .. وفعلآ طلعت من العائلة تقريبآ عزة المغربى...ولا تغليق خولها.
|
.. وبي كلامك | Quote: وممكن تكون بنت الأستاذة الراحلة ليلى المغربي. الشبه في، أنا بعرف وضًــاح ولدها وهو براااحة ممكن يبقى مذيع. في العمر يعني. |
.. طبعا انا بعرف وضاح وباقي اخوانو وكل الأسرة ... لكن ما متذكر انو عزة هي اخت وضــاح .. على كل احتمال يكون سليم انها بنت الراحلــة ليلى المغربي وهي طبعا انتقلت من فترة طويلة قبل رحيلها الابدي للسكن خارج المــورده في حي الزهــور على ما اعتقد ، ونسبة لي تواجده خارج السودان في القسم العربي لإذاعة الـ BBC .. اصبحنــا نشوفه فترات متقطعــة ، حتى خبر رحيله والحادث الآليم سمعت بيهو هنــا في السعودية من بعض الاقارب .. وكان آخــر مرة قابلتها ربما عشرة سنوات قبل الحادث ..
غايتو في حيرة انــا يا رجــاء .. لانو زي ما قلت ليك معروف عن الاسرة الحضــور القوي ـ والحوار الاقوى سواء ان كان في الربط .. او الحوارات التلفزيونية المختلفة ..
غايتو يارجــاء قلت اللحــق اساسي ده وارد .. قبلما يفتح الكشك بتاعـو ده في راسي ويكرهني البورد ده
| |
|
|
|
|
|
|
|
|
|
Re: . . زعــلان من.... عافية حســن . (Re: tmbis)
|
شفتا يا تمبا..
غايتو أنا لما قريت كلام أساسي مشيت قهًيت في التلفزيون.. لقيت الشبه ما طبيعي..
وتانيا مرة مرة بتحاول تعمل زي أمها (الما عندها شبيه)..
غايتو رحيلها المفاجئ ما أدانا أي فرقة نستوعب الحاصل..
يا أساسي أنا عايزة أفتح مطعم ..
خلي الكشك بتاعك جنبو.. الناس تاكل هنا وتجي تشرب البارد ويسمعو ليهم كلمتين حلوين من عندك ..
نعتذر للقارئ الكريم عن التخريمات دي..
يا تمبو لو عايز 20 دولار رسوم تخريمة مستعدين أنا واخوي الكاشف (أساسي ) بعد ما بقينا من ناس البس بس ..
نسيت أقول إنه عافية حسن ما حصلت.. صوت وصورة (تلفزيون 32 بوصة )..
بس يا ريت تعاين شوية في دولاب ملابسها وتعمل إنقلاب..
ودي
| |
|
|
|
|
|
|
|
|
|
Re: . . زعــلان من.... عافية حســن . (Re: Raja)
|
| Quote: نعتذر للقارئ الكريم عن التخريمات دي.. |
. تخريماتك في الصميم يا رجــاء وانا بي دوري بعتذر لمتداخلين علشان ارد ليك ( باص .. وخانة ) بي لغة الكــورة ده من ناحية ومن ناحية تانية بتاع الكشك ده كان اديتو فرصة .. وســرح إلا اعمل لي بورد واكتب فيهو براي
| Quote: يا تمبو لو عايز 20 دولار رسوم تخريمة مستعدين أنا واخوي الكاشف (أساسي ) بعد ما بقينا من ناس البس بس .. |
.. يازولة عشرين دولار منك مكسب .. بس على شرط .. منك انت براك ..
الزول ده ما عايز منـو مليم أحمــر .. Quote: نسيت أقول إنه عافية حسن ما حصلت.. صوت وصورة (تلفزيون 32 بوصة )..
بس يا ريت تعاين شوية في دولاب ملابسها وتعمل إنقلاب.. |
.. طبعا ولا كلمة تاني بقدر اقولــه .. والنجومية بتحتاج لي خمسة دواليب .. وكميات من العدسات اللاصقــة نظام النيو لوك وكدا
| |
|
|
|
|
|
|
|
|
|
Re: . . زعــلان من.... عافية حســن . (Re: tmbis)
|
غايتو يا عافية ما عافي عنك كان زعلتي لينا تمبس ده ..
هسه الزول ده خلى كل المشاوير والبرامج بتاعته وقاعد متحكر راجيك تطربيه تجي تزعليه ؟!!!
ما عافي عنك لحدي ما تعيدي توهجك من جديد علشان تشيلي الزعل ده من تمبس الزول ده ما شبه كده .
مـودتـــي ، ، ، ،
| |
|
|
|
|
|
|
|
|
|
Re: . . زعــلان من.... عافية حســن . (Re: tmbis)
|
اما المذيعة فجابوها بس لفقع المرارة
ما عارفة العلاقة شنو بين الرقة واكل الحروف ؟؟؟
مرارة بس ؟؟؟؟؟؟؟؟؟؟
دى مرارة وضغط وسكرى
والاعادة كملت على الباقى لحدى الشرايين
عدسات شنو؟؟
مكياج شنو؟؟
شوف الصوت بقى كيف ؟؟؟؟
اوعى اشوف لى بوست تانى اسمه عافية
لأنه العافية بقت مافى .
الله يدينا العافية ..
لك الود
ام وضاح
| |
|
|
|
|
|
|
|
|
 Re: . . زعــلان من.... عافية حســن . (Re: essam&amal)
|
تامبا ياراقي
والله أنا حضرت الإعادة بتاعت الحلقة قبيل وكنت نعسانة اها ما عجبتني عافية قلت يا بت إنت النوم كابس عليك بس
لكن الطريت لي النومة في رأسي المذيعة اللدنها(اللجنها) غايتو جنس حالة
زي ما قال عماد سمحة و.......
عافية نرجو أني تكون عثرة لإصلاح المشية
والنبي فوقك أختي تلفزيون السودان ده
أصلو مؤسسة العشكبة العالمية
مودتي
| |
|
|
|
|
|
|
|
|
|
Re: . . زعــلان من.... عافية حســن . (Re: نهال الطيب)
|
كيفك يا نهــــال: .. Quote: عافية نرجو أني تكون عثرة لإصلاح المشية
والنبي فوقك أختي تلفزيون السودان ده
أصلو مؤسسة العشكبة العالمية |
.. تعرفي انا خايف الحلقة دي .. يقوما يمرضونــا بيها ويستمر مسلسل الاستهلال .. لانو هم اصلو الحاجة البتعذب النــاس .. فالحين فيها..
امـا عافية .. فياريت تلاحظ للعترة دي .. وتتحسس الطريق كويس قبل كل مشية..
وكذا الحــال مقدمة الحلقــة من حقهــا تقرا الاسئلة كويس وتتعامل مع اي ضيف للبرنامج بالطريقة البتحافظ ليهو على شكلو العام .. من غير ما تظهر ليهو اي نوع من الإحراج ..وتراعي لي المشاهد الكان مأمل في السهرة دي أنو يطلع بالكتير ..
شكرا يانهــال
| |
|
|
|
|
|
|
|
|
|
Re: . . زعــلان من.... عافية حســن . (Re: essam&amal)
|
| Quote: غايتو يارجــاء قلت اللحــق اساسي ده وارد .. قبلما يفتح الكشك بتاعـو ده في راسي ويكرهني البورد ده |
جيت لي كلامي يا المنقطها ..!!
عارف عندي احساس كبير بأني مفروض اتفسح فيك من هنا لحدي كاجو كاجي ...كونه الواحد فينا متابعنه بضع اوغاد هنا زي دكين ونوبي وزيك ما بيمنع انه الواحد جاي بخلفية ثقافية تقد عين الواطـة .يا حبيب ما تشبكني من اولاد االموردة واولاد الريفيرا ..ما تنسي يا حبيب انه بيتنا فاتح علي الهابي لاند زمن الدنيا بي خيرها ..التحية لبري ابو حشيش
| |
|
|
|
|
|
|
|
|
|
Re: . . زعــلان من.... عافية حســن . (Re: اساسي)
|
| Quote: جيت لي كلامي يا المنقطها ..!! |
.. والله تتخيل يا اساسي مرات بعمل مقارنات كتيرة بحس فعلا اني منقطة .. اقول ليك حاجة .. منقطه عديل كدا وبطلع فيها ماشه .. ولو كره المرجفون بعدين الفرق واضح لما تمسك ليك موضوع وإنت عارف الكثير فيهو .. من ما تدخل ليك مكان وإنت ما ناقش فيهو حاجة ..
فهمتني ؟؟ ده الفرق .. | Quote: بيمنع انه الواحد جاي بخلفية ثقافية تقد عين الواطـة .يا حبيب ما تشبكني من اولاد االموردة واولاد الريفيرا |
.. شكلك كدا عندك حـول ثقافي .. حسع الجاب سيرة الريفيرا .. والمورده هنا منو ..
كل ما في الأمر فروقات زمنية وقيم معرفية .. وإنت طبعا زول بتعرف حاجات كتيرة .. علشان كدا اتعامل مع الأمر ده بي حيادية .. ووسع مواعينك
المسالة تخصصات واحترافية ليس إلا ..
| |
|
|
|
|
|
|
|
|
|
Re: . . زعــلان من.... عافية حســن . (Re: essam&amal)
|
Quote: اوعى اشوف لى بوست تانى اسمه عافية
لأنه العافية بقت مافى .
الله يدينا العافية .. |
.. يا أم وضـاح .. كدي ختي الكـورة واطــــه .. وأنا متضامن معاك للطيش ..
بس كدي عافية دي نديها فرصة معانا .. وتسمع كلامنــا الهنا ده وما تقرب تاني للحاجة الاسمها التلفزيون ده .. لا النيل الازرق لا النيل البنفسجي .. لا اي حاجة تانية .. تجود عمله بي مزاج بي بره .. تتمرن صاح .. تبطل المسالة بتاعت الجري بتاع الكاسيتات البتطلع كل اسبوع خمسة البومات ..
عافية تخت الرحمن في قلبه وتتعامل مع المسالة بالعادية الطبيعية وما تتشنج للشهرة .. وللظهــور ..
لا
تروق شوية والعترة دي .. حتما بتصلح مشيته ..
تشكري ياام وضــاح ..
| |
|
|
|
|
|
|
|
|
|
Re: . . زعــلان من.... عافية حســن . (Re: tmbis)
|
واضيف كمان
عافية قدمت الحلقة وهي بتدي احساس انها مستعجلة
عاوزة تنتهي سريع او نعسانة
يعني اهو شغل عدي من وشك وخلاص
ودي مشكلة في حد ذاتها
انه الفنان ما يركز انه يقدم نفسه وعمله بشكل جيد حتى لو كان عبر تلفزيون تعيس زي تلفزيونا
لانه بالاساس هي بتعبر عن نفسها وهذا شيء يحسب عليها ان لم تخلص فيه وليس على التلفزيون فقط
يمكن تلفزيونا شين ، بايخ وممل
فكل زول بيجي بيتعامل معاهو من المنطلق ده
وهذا زائد هذا بيعملوا في الاخر شغل مخرمج وتلفزيون كئيب يقود الى الاخرة بجدارة
لكن التلفزيون ده ما جهاز وبس ، على الاقل لو كل واحد في حدود ما سيقدمه اجتهد ، ممكن الصورة تطلع حلوة
على الاقل رافة بنا نحنا المشاهدين
غايتو يوم في زول حيموت بسبب حادثة برنامج كئيب!!!
| |
|
|
|
|
|
|
|
|
|
Re: . . زعــلان من.... عافية حســن . (Re: maia)
|
الحبيب تمبس،
من حق عافية علينا أن نقف من وراء ابداعها فهي بستان عافية في كف وردة عذراء..
حدثني الملحن البارع أحمد المك قبل أيام من السهرة وطلب مني متابعة الحلقة
وأحمد المك من لحن لعافية يا حنين وأغنية عزمي..
استوقفني حقيقة مكياجها الجميل ولبستها الأنيقة وعدساتها المتناسقة مع أناقتها
وقبل ذلك بالتأكيد صوتها العذب
..
بعد الحلقة تحدثت مع أحمد المك وقلت له أن هناك عيباً في صوت وصورة تلفزيون السودان بسبب البث الأنالوك في حين ان الكاميرات وكل التقنيات الأخرى ديجيتال ومن ضمنها الصوت
وقد ذكر لي أحمد بأن البروفات لم تكتمل كذلك
ثم تحدثت لاحقاً مع عافية ونقلت لها وجهة نظري أعلاه وهي تستمع للآخرين بصورة ممتازة، لكن مقدمة السهرة لم تستطع أن تستخلص من عافية وجهاً جديداً أو تقدم حواراً قيماً ومختلفاً
عافية حقيقة تحتاج للدعم من كل المهتمين فهي عافية الفرح
وقريباً ستغني أغنية من كلماتي لحنها الموسيقار الجميل د. الماحي سليمان لحناً قمة في الروعة
وأهدي للجميع هنا كلماتها:
طلّعني منك يا شجن
واحميني من وجعي العنيد
وامسح دموع هطلت زمن
واسجني في الفرح البعيد
لو يبقى حضن الشوق وطن
كل المسافات تبقى عيد
***
بيك انفتح باب الهوى
وزغرد حنين عشقي القديم
مديت يمينك بالنوى
وشديت وتر صبري الهميم
غيم الدجى الصاحي انزوى
وأعلنت دربك حب مقيم
***
نامت دموع حزني المسالم
واستكان نبض الجراح
في سكتك هلت عوالم
عابرة بيك كل البطاح
غابت مدن تاهت معالم
وانت جيت في لحظة صاح
لعافية التحية الحارة ولك المودة يا تمبس
ولكل ضيوفك الكرام خالص الإعزاز والتقدير
| |
|
|
|
|
|
|
|
|
|
Re: . . زعــلان من.... عافية حســن . (Re: ترهاقا)
|
Quote: الصوت الملائكي المنطلق بعنــف . كنت قبل فترة كتبت محذرا من مقبة الاستهــلاك
الاستهلاك المتكــرر .. لو كنت عارف كان قلت ليها اعملي حسابك من تلفــزيون السودان .. |
يا باشا المشكلة ما في عافية يا تمبسنا
المشكلة في مهندس الصوت بتاع تلفزيون السودان ده يا اخي لاحظته الكلام ده في سهرات متعدده وخاصة السهرة بتاعت محمود عبد العزيز لو ركزت يا تمبس بتلقي انو في اهتزاز في الصوت بالرغم انو التسجيل في الاستديو مش في صالة
وتكرر ايضا مع سهرة شكرالله وعافية اخراج صوتي تعباااااااااااااان والله ناس تلفزيون السودان مفروض ياخدو ليهم كورس في قناة النيل
اما عن الاستهلاك فعلا مفروض تغير في الاغاني الظهرت بيها لك تحيتي ومحبتي وجارك معتصم
| |
|
|
|
|
|
|
|
|
|
Re: . . زعــلان من.... عافية حســن . (Re: omarmahdi)
|
Quote: تــــــمبوسة سلام
للتــحيــــــة والمـــــــرور |
.. ساطــور ،، كيفك ؟؟ ووين الحي بيك ..؟ Quote: المشكلة في مهندس الصوت بتاع تلفزيون السودان ده يا اخي لاحظته الكلام ده في سهرات متعدده وخاصة السهرة بتاعت محمود عبد العزيز لو ركزت يا تمبس بتلقي انو في اهتزاز في الصوت بالرغم انو التسجيل في الاستديو مش في صالة
وتكرر ايضا مع سهرة شكرالله وعافية اخراج صوتي تعباااااااااااااان والله ناس تلفزيون السودان مفروض ياخدو ليهم كورس في قناة النيل |
.. والله يا عمر مهدي كلامك صاح مية المية ، انا المسالة دي بحس بيها كل مرة وأقول يمكن المسالة دي ليها علاقة بالموية الدخلت في اضاني من فيان 88 وما طلعت لكن تاني ارجع ,اقول طيب مالو النيل الأزرق دي ما قاعد اسمعه كويس ..
طبعا انت عارف المسالة بتاعت الصوت دي اهم عامل في المسالة دي كلها .. وبتحتاج لي شخص احترافي خالص واضانو خطيرة .. لانو اي مؤثر خارجي ممكن يعمل عمايل .. بعدين المسالة دي كلها محكومة بي عامل التجربة والخبرة الطويلة ..
فهل ياترى تلفزيون السودان ده مافيهو الكادر البيقدر يطلع العمل ده بشكل سليم والا المشكلة في المعدات ذات نفسها .. طيب ما ياهوندي النيل الأزرق دي جات حسع دي .. وكل شئ فيها لو ما كان مظبوط فهو شبه مظبوط .. من ديكور لي إضاءة لي صوت لي صورة .. الحاصل شنو بالضبط ؟ | Quote: عن الاستهلاك فعلا مفروض تغير في الاغاني الظهرت بيها لك تحيتي ومحبتي وجارك معتصم |
.. يغايتو يا باشمهندس الزولة دي لو كررت نفس الحركة دي تاني .. فمعناها تكون قاصدانا .. غايتو نحن منتظرين ونشوف الجاي شكلو كيف.
ليك التحايا مني ومن معتصم ..
| |
|
|
|
|
|
|
|
|
|
Re: . . زعــلان من.... عافية حســن . (Re: yasir Abdelgadir)
|
يا دكتــور ياسر ..
كيفك ؟؟
اقف بجانبك .. مع النص الجميل لدكتــور معز .. وفي انتظار ان يدخل فرن الجودة ليأتينا بالشكل الكامل له .. وعندها سنستمتع بصوت عافية الملائكي وهي تترجم هذا الكلام الجميل ..
.........
كنا في انتظار ان نلتقيك في دعوة الاخ اسماعيل وراق .. نسبة للزمن الممحوق .. وعلى كل بيناتنا تنسيق .. للقيا..
تشكر يا دكتــور ...
| |
|
|
|
|
|
|
|
|
|
Re: . . زعــلان من.... عافية حســن . (Re: Dr. Moiz Bakhiet)
|
Quote: استوقفني حقيقة مكياجها الجميل ولبستها الأنيقة وعدساتها المتناسقة مع أناقتها
وقبل ذلك بالتأكيد صوتها العذب |
سلامات يا دكتــور معز .. وإن كنت اختلف معك فيما ذكرت بنظرة عادية لشكل المكياج فهو لم يكن بالنحــو المطلوب إضافة للبس الذي لعب الديكور والإضاءة الخلفية الدور الكبير في تشويهه واظهارة بشكل غير مرتب ..
الاستاذ أحمد المك قام بتلحين رائعة الاستاذ الحلنقي ياحنين ورائعة الاستاذ عزمي بشكل جميل راعى فيه امكانيات عافية حسن العالية .. فجأء العمل بالشكل الجميل المتكامل ..
النص المرفق من طرفك .. جميل ايضا ،، وفي انتظار ان يرى النــور ليضاف إلى رصيد عافية من اعمال جميلة تقدمها بلونيتها المعروفة ..
سأكون في الانتظار والمتابعة .. لكل الأعمال المقدمة من عافية
تحياتي يا بروف .. مع الشكر
| |
|
|
|
|
|
|
|
|
|
Re: . . زعــلان من.... عافية حســن . (Re: maia)
|
| Quote: لانه بالاساس هي بتعبر عن نفسها وهذا شيء يحسب عليها ان لم تخلص فيه وليس على التلفزيون فقط |
.. ده الكلام المظبوط يا مايــا .. تجويد العمــل بشكلو المتكامل لما يصل للمتلقي ما يكون فيهو اي خلل واضح يحسب على المؤدي ... هو اصلو التلفزيون لحدي الآن ما الجهة الممكن تعكس العمل الجيد .. بل بالعكس وكما جرت العادة التشويه لكل القيم الجمالية ..
ما زلت بقول العترة بتصلح المشية .. والمسالة محتاجة شوية غسيل
| |
|
|
|
|
|
|
|
|
|
Re: . . زعــلان من.... عافية حســن . (Re: Alsa7afa_30)
|
انا حسيت بيها واثقة من نفسها زائدا عن اللزوم لدرجة الغرور .. فكانت تؤدي وكلها ثقة في صحة ادائها .. اما عندما غنت في نجوم الغد فكانت تبذل جهدا اكبر في ادائها مما جعله اكثر تميزا .. لذا فهنالك فرق واضح وكبير بين الادائين .. ناهيك عن براءة صورتها في ذلك الوقت مقارنة بحركات استحدثتها في شخصيتها نفت عن شخصيتها تلك البراءة السابقة.
| |
|
|
|
|
|
|
|
|
|
Re: . . زعــلان من.... عافية حســن . (Re: tmbis)
|
الأخ تمبس وأخوة المتداخلين ....
كدي براحة شوية ... وروقوا المنقة.
يا تمبس كلنا شهدنا لعافية في حلقة نجوم الغد .. وكل الأعمال السمعناها عبر النيل الأزرق.
ما عندي تعقيب على كلام الستاذ موصلي .. بس مفروض ما ننسى إنها تجربة طازة .. وبنظلمها لو طلبنا منها الكمال .. طبعاً السعي نحو الأحسن مطلوب .. والكلام زي ما بيتوجه ليها بيتوجه للموسيقيين الحولها. وأنا بالمناسبة زيكم شفت الحلقة وأحبطت لأني شفت قبل كده حلقة النيل الأزرق.
أما المذيعة دي حكايتها حكاية .... وكانت بتذكرني بمحمد علي كلاي لما يبدأ ينطط قدام خصمه. والفنان أب شعيرات على قول معاذ حسن ............ لا تعليق
خلاصة القول ..... عافية هي دليل عافية للفن الجميل والمفترى عليه. تحتاج التشجيع والأخذ بيدها.
و ....... الزعل مرفوع يا تمبس.
| |
|
|
|
|
|
|
|
|
|
Re: . . زعــلان من.... عافية حســن . (Re: محمد أبوالعزائم أبوالريش)
|
سلامات
د/ معز كيفنك؟؟
دة الكلام الصااااااااح
Quote: طلّعني منك يا شجن
واحميني من وجعي العنيد
وامسح دموع هطلت زمن
واسجني في الفرح البعيد
لو يبقى حضن الشوق وطن
كل المسافات تبقى عيد
***
بيك انفتح باب الهوى
وزغرد حنين عشقي القديم
مديت يمينك بالنوى
وشديت وتر صبري الهميم
غيم الدجى الصاحي انزوى
وأعلنت دربك حب مقيم
***
نامت دموع حزني المسالم
واستكان نبض الجراح
في سكتك هلت عوالم
عابرة بيك كل البطاح
غابت مدن تاهت معالم
وانت جيت في لحظة صاح
|
أستاذ الماحى أكيد ح "ينجط" ليها لحن تمام
لكما ودى و إحترامى
| |
|
|
|
|
|
|
|
|
|
Re: . . زعــلان من.... عافية حســن . (Re: tmbis)
|
تمبس
...
عارف المشكلة زى ما قالوا الجماعة ديل يا تكون فى الإستديو ومعالجة الصوت يا صوت عافية أصلاً فى فترة ضمور ,,!! المصيبة إنو نحن "إضنينا دى" كل ما نمتلكه من خبرة
اقصد إضنى براى طبعاً قبل يومين وقفت فى إستديو ولاحظت كمية ناس بتتفرج فى شريط
"أجمعوا على سماحة الصوت والكلمات سالت دى منو :- رد صاحب المحل بإنها "عافية حسن"!!
ثم أردف :- الناس بدأت تشترى شريطها بعد الحلقة المتلفزة
!!!! مع إنى سمعتا الشريط وما عجبنى شديد !!
...
فى حاجة غريبة فى الغناء او الموسيقى بعض مرات بتحس إنو "مفروض تسمع فنان معين أسى دى
لو شغلتا الشريط فجاة بتحس إنو ما عجبك "
إحتمال إنك تكون داير تسمع حاجة جديدة !! لى عافية
ـــــــــــــ
جننتك مش
أنا زعلان منك إنت ده,,,وبينا التلاقى
| |
|
|
|
|
|
|
|
|
|
Re: . . زعــلان من.... عافية حســن . (Re: غادة عبدالعزيز خالد)
|
Quote: صوت يغسل أحزان الروح .. عافيه حسن .. الله يديك الف.. عافيه
لليل مدينة جبل اولياء سحراً (غميس)اً هميساً عميقاً دفينا دفيئاً وعجيبا ولقمرها نوراً وضاءً بهياً بهيجاً آسراً وأسيراً – إن أحس بأنك من ناسو - ومؤثرا ومنيراً .. ولصباحها أسحاره وأطياره وأزهاره وأنواره وهي غير أسحار وأطيار وأزهار وأنوار الدنيا كلها .. لترابها نكهة ورائحة النفوس الطيبة كما أغاني المحبة والجمال والعشق والفروسية والخيال وأغاني المراكبية التي يتردد صداها على ضفاف النيل .. مغروسة أفئدة بنيها وبناتها فيها في ترابها وفي فضائها كما النخل جذوراً عميقة وطَلعاً باسقاً .. هذا الجبل وذاك (أسفله) النيل .. لم يتطاول أين منهما على الآخر .. أعطى الجبل للنيل روعته وجماله .. واعطى النيل للجبل شموخه وهيبته وجلاله طلته البهية .. تعانقا في حنوٍ وصنوٍ ودفءٍ .. إن رأيت الجبل من النيل أدهشك .. إنبهرت .. وقلت سبحان الله .. وإن رأيت النيل من الجبل أجهشك .. إنفجرت .. وقلت سبحان الله
عافيه حسن .. هذا الطائر الغريد .. هذه )الجبلاوية( القادمة للساحة الفنية بسرعة الضوء .. وبثبات الجبل الذي أتت منه ..
أخذت من مدينة جبل أولياء حنو ثراها ..
ونضارة بهاها
.. وشموخ جباها وفساحة مداها ..
ورحابة فضاها ..
كلها عناصر امتزجت روعةً جُواها ..
فما عساها فاعلة ً ..
غير أن تشدو جمالاً دفيقاً أنيقاً رقيقاً ..
ما عساها؟
استمدت من أرض الجبل مزيجها الرائع من الطيبة والثقة والثبات والكبرياء ومن نيلها هدوئه وعذوبته ونداوته وطوله الذي ينعكس جمالاً في طول نفسها .. أشهد وأشهدوا وتشهدوا .. وأفسحوا لها مكاناً يا أهل الفن يتسق مع موهبتها بعد إن إجتازت محطتها الأولى في برنامج نجوم الغد بتوجيهات من أساتذة أجلاء .. الشكُر والتحية لهم .. وأنجزت ألبومها الأول .. إن أفسحتم لها – وأخذتم بيدها إلى ذُرى الإبداع ودروب المجد والخلود في هذا المجال - خير وبركة وهو المأمول منكم والشكر لكم .. وإن لم تفسحوا لها فإنها (فاجه) لنفسها مكاناً رحيباً وفسيحاً بينكم – بـ( ضُراع) حبالها الصوتية الواثقة- وذاهبة بصوتها وفنها إلى أبعد مدى من الرقي والإبداع والتطريب .. من سيُوقف سهماً مبرياً ومشحوناً بالإبداع بعد انطلاقه من وتره.. دوحة الفن الخالدة .. أخالها تزهو فخراً واعتزازا بعافية.. وقطعاً هي إضافة لها .. وتعاون أهل الفن مع عافيه تشريف لها تستحقه.. احذروا – أيها المشاهدون والمستمعون - سهماً مشحوناً بالإبداع أنطلق من كنانته. لا تتعجبوا – ساعتها- إن وجدتم أنفسكم تجهشون بالبكاء- ولاتدرون سعادةً- لوعةً أم كلاهما .. وإن كلاً لديه ما يُبكيه .. ولكن ما أنضر واطهر وابلغ البكاء في حضرة الإبداع .. إنه بكاء المهابة .. لحظة التطريب .. فالبكاء عند الأحزان مفهوم ومعروف وطبيعي .. ولكن البكاء عند التطريب .. فرحا وحزنا (غميس)..
عافيه حسن ..صوت يغسل أحزان الروح ..
الله يديك ألف.. عافيه .
كنت شامخة شموخ الجبل ووفية وذكية ولماحة – على الفضائية السودانية – وأنت تقولين أنك تحبين جبل أولياء .. وكيف انك لا تنسين أستاذك بابكر (نجوم الغد) بالتحية وأنت (تطايبين) الشاعر الرقيق عزمي أحمد خليل وأسرته ..
فقد عهدنا بعض مرتادي الفن لابسين ثياباً غير ثيابهم – ثياب التيه والخيلاء والزهو والطؤسسه - من تقليد الطاؤوس - تحت الأضواء والنجومية
وقبلها كنت شامخة في ردودك وصادقة مع نفسك وأنت تقولين إن تجربتك حديثة مع شركات الإنتاج وأنك تستعينين بذوي الخبرة من معارفك في هذا المجال
وأخيرا كنت شامخة في صوتك وأنت تبدعين وتجيدين وتجودين الغناء وتختمين بـ .. وين يا نجوم يا ضاويه سمانا .. أعتقد أنها رائعة الأستاذ مدني النخلي .. ألحان وأداء الأستاذ على السقيد .. غنتها المبدعة هادية طلسم بالعود في أمريكا.. كان أداؤك فيها غاية الروعة والجمال
عافيه حسن .. هذا الصوت الذي يغسل أحزان الروح.. ربنا أديك ألف .. عافيه
لكِ التحية والتقدير والإعزاز
حيدر الشيخ
[email protected]
|
نقلا عن موقع جبل اولياء على الرابط التالي:ـ
http://pub49.bravenet.com/forum/4177712668
تاما العزيز
فكرت في الكتابة عن عافية بنت منطقتي العزيزة، والتي تربطني بها اكثر من صلة، فلم اجد افضل مما خطه قلم الاخ حيدر الشيخ، ابن المنطقة، في موقع جبل اولياء. تحدث الرجل عن روعة صوت عافية واداء عافية.. والنشوة العظيمة التي يحس بها الفرد منا وهو يتابع أداء هذه (البنية) القادمة بقوة الى دنيا الغناء والطرب.
عافية..الله يعطيها الف عافية، ويظلها غمام العافية اينماحلت وسكنت..
وشكرا لك يا علاء هذه اللوحات الجمالية التي ما فتئت تتحفنا بها..
عطر الله دنياك..واسبغ عليك اثواب عافيته..
اما المذيعة وباقي الديكور والحاجات الـتانية الـ(فقعت مرارتنا)بجيها راجعة تاااااني..
حليمة
| |
|
|
|
|
|
|
|
|
|
Re: . . زعــلان من.... عافية حســن . (Re: حليمة محمد عبد الرحمن)
|
قرروا ينتهوا معاها يا تمبس...
طلّعت شريط جديد...ورسلوه لي من السودان...وسمعتو...ورميتو...سوء في الاختيار...وسرعة في التنفيذ
وسوء في اختيار طبقات الصوت البتناسب عافية...غنت وكأنها تغني في( شعقيبة...) القروش بتخرب
الاصوات يا تمبس...والناس الطماعين بخربو المواهب...
لو بتقدروا تتصلو بي عافية...قولوا ليها تأني شوية...ما تحرقي صوتك بالغناء المستهلك...
| |
|
|
|
|
|
|
|
|
|
Re: . . زعــلان من.... عافية حســن . (Re: nazar hussien)
|
معليش أول شيء عاوز أشوت ضفاري وأخرج شويتين عن النص
الكلام واقف لي في حلقي زي التمساح لمن قبض ليهو واحد من اهل العوض
الراجل خاف لكن التمساح طمأنو شوية وقال ليهو ماتخاف
والله أنا بلعت لي زول نقتو كتيرة وهسي واقف لي في حلقي
بس أنا قبضتك لأني عاوز منك تجيب لي قفة ليمون !!!
في سهرة قدمها طارق جويلي ومعاه واحد تاني نسيت الاسم كانت عن مراسي الشوق 00 والله مثلما يكرم العالم مبدعيه فأرجو أن يتم تكريم هذه الحلقة باعتبارها أسوأ حلقة شاهدتها في البرنامج !!
أكيد حاينط واحد من المذيعين يقول ناس تمبس في شنو وناس أم ضبيبينة في شنو ؟؟؟
**********
نرجع للموضوع 00 معانا عزابي ساخر جداً ولكن لحسن الحظ ينام مبكراً وكنت لوحدي أحضر في الحلقة 00 رفعت صوت التلفزيون حتى النهاية وكذلك الديجتال وقفلت كل الأبواب وبرضو ماكنت سامع كويس 00 ختيت مخدة على الأرض وقربت من التلفزيون 00 يقوم العزابي دا يصحى عشان يشرب موية عين طافية وعين مفتحة طوالي أول كلمة قالها : يا ابوحراز مالك بتعاين في التلفزيون كده زي البالع ليك سيخة !!! زح منو شوية ياخي !!! قلت ليهو عليك الله اشرب مويتك وأنخمد دي عافية حسن !!!
**********
عندنا مشكلة في الديكور ومشكلة حتى في الألوان وعندنا عمى الوان حقيقي والمشكلة لو حاولت تلبس طقم وألوان متناسقة تلقى كل السودانيين يضحكوا عليك 00 هسي أمس القريبة دي كنت عاوز ارسل ستاير لي ناس البيت أها قلت ليهم اللون شنو ؟؟ قالوا لازم يكون زي لون الحيطة 00 اها الحيطة دي لونها شنو ؟؟ قالوا : { لباني } !!!! يعني لبان وللا شنو ؟؟ والمشكلة جهجهونا وقالوا الحيطة من فوق أبيض وتحت لباني !!! مش لبني !!! شوف أهل العوض بقينا لباني وبمبي 00 الله يسترنا بس 00
لكن برضو في تطور في ديكور التلفزيون ولكن ينقصهم الذوق والحس الفني وبالطبع ليس كل مهنس ديكور يصلح لعمل ديكور أو خلفية تلفزيونية 0 الا أن الديكور زمان كان مجرد طبالي خشب تجد الأوركسترا تجلس عليها 0
**********
أعجبتني أغنية { تلقى الدنيا فرحة } صراحة الأداء فيها جميل جداً
**********
بالنسبة للمذيعة جميلة جدا وألوانها متناسقة وينقصها الحضور القوي والكاريزما امام الكاميرا 00 لكن ياجماعة انتو لو جابوا ليكم واحدة شينة ووشها مكرفس وتقديمها جميل برضو مابتعجبكم 00 ولو جات واحدة مادة بوزها برضو مشكلة 00 المذيعة حاولت تغير الاستايل البتظهر بيهو بعض المذيعات لكن يبدو لي أنها لم تتوفق
أنا أول ما استمعت ليها قلت ياجماعة الزولة دي عضاها كلب وللا شنو ؟؟؟
**********
ياجماعة لو قلت ليكم والله ماعندي أي فكرة عن العدسات اللاصقة دي 00 هل هي منظر جمالي أم تغطي عيوب العيون 00 وأتمنى الأخيرة دي تكون هي الصاح لأنو عندي صديقي كان معانا هنا بالسعودية وعائش مشكلة حقيقية وأرجو أن تكون العدسات اللاصقة دي حل لمشكلته وهل هي غالية الثمن 00 المهم الزول دا خطبوا ليهو في السودان 00 مشى لقى الخطيبة عندها عين { طافية } أظنها فيها حوّل } وكان عاوز ينط 00 المهم كلمني من هناك وقلت ليهو أركز ياراجل وأمشي مستشفى المغربي أظنو في المنشية وهناك بيعملوا ليها سمكرة كاملة 00 افتونا في العدسات دي عشان نحل المشكلة دي والزول دا يمشي زول عرست ساكت وأنا متبرع اشتري العدسات لو سعرها 500 ريال فاقل !! لكن والله لو اكتر خليهو ينط 00 أنا مالي
قال عدسات لاصقة قال !!! 0507063205
| |
|
|
|
|
|
|
|
|
|
Re: . . زعــلان من.... عافية حســن . (Re: tmbis)
|
العزيز تمبس،
شكرا و انت تمدنا بكل اسباب الجمال،
المذيعة لم تكن موفقة فى اسئلتها للـ ضيفين،
فكلاهما مبتدئ و ليس بـ ذى باع فى الفن، اسئلة دقيقة
و اسئلة شخصية و محرجة جعلت البرنامج اقرب الى البرامج الصفراء
ارجو ان توجه المذيعة طاقتها فى الاتجاه الصحيح، فـ برماج المنوعات لا تناسبها
و هذا مجرد رآى
| |
|
|
|
|
|
|
|
|
|
Re: . . زعــلان من.... عافية حســن . (Re: tmbis)
|
تمبس والموصلي:
سلامات ..
أول شي انا متفق مع الأستاذ الموصلي تمااااااااااماً في تعليق صغيروني كده لكن بالجد ريحني في حناني..
الموسيقار الموصلي قال الصوت ما كان كعب لكن كان مرهق ..
وفعلاً يا تمبس صوت عافية ما كان كعب بل بالعكس هو نفس الصوت المتعودين عليهو ..
عافية دي بالجد عندها طبقة صوت كده بتجي في نهاية المقطع أو الكوبلي بالجد حاجة مبالغة وعندها طلعات كده صوتها بيكون فيهو حاجة عجييييبة بس لو هي قدرت توزن النغمى البتقدر تطلعا دي بيكون ما عندها عوجة لأنو مرات بيجيها شرود في الصوت بتقوم النغمة دي بتفلت منها وهي بتحاول تفتش ليها وتجيبها سريع عشان كده بتحس بيها زي الخرمحت وده ياهو شغل الإرهاق الصوتي وشغل التمارين زي ما قال الموصلي..
تاني في حاجة مهمة شديد وهو هندسة الصوت والإستديو وهنا بالجد بتحس بي الفرق بين تسجيل النيل الازرق الرقمي وتسجيل تلفيزون السودان العغريب وعجيب..
الحلقة لا اتوقع إنو فيها مكساج وكانت مباشرة من المايك للمتلقي الله إلا في تسجيل شكر الله واحدة مباشرة والتانية دوبلاج ..
بالنسة لي عافية على ما اظن ما كلها مكساج لأنو في اغاني جابو فيها إسماعيل عازف الكمان بيشيل مع عافية وبيعزف في تطابق تام ..
المزيعة دي ارخونا منها عندها إندهاشة كده بتديني إحساس بي الزول الخانقو عضم ملاح بامية ..
| |
|
|
|
|
|
|
|
|
|
Re: . . زعــلان من.... عافية حســن . (Re: tmbis)
|
أيها السادة .. معليش ربما أكون غير مواكب ومتابع للحالة الفنية في السودان بشكل عام .. ربما كان ذلك منبعه اليأس الذي وطنه بؤس الغناء في الدواخل وسكاكين الكمنجات شين شين شين طالعة نازلة في لحن واحد مكرور لذات الأصوات السخيلية ذات الثقافة والخلفية الهواء ...
صدمتني عافية حسن .. أول مرة أسمعها ، حضور ما طبيعي وصوت فنان واختيار راقي للكلمات والألحان .. ذكرني صوتها الندي عودة الخريف الندي بالدعاش بعد غييييياب طويل ... الناس ديل ما كتلونا وفطسونا عديل كدة ياعافية ..
أحسست بها غريبة .. وما متوائمة مع المذيعة الهبيلة ( كيف وصلت لمايكروفون التلفزيون ) ربنا لي حاجات زي ما بقول عادل امام ... والفنان الآخر .. الذي تحدث إلى المذيعة المفعوصة عن مواكبة الفن لمشاكل المجتمع ثم بدأ يلعلع " أذاني وجرا دمعي بلاني " .. والله أذيتنا نحن .. الله يهديك ويجازي مدرسك النصحك بالغني .. ومبروك عليهو خيليهو يقعد اسمعك براهو ..
كنت وقتها أهاتف زوجتي في السودان .. قلتا ليها أخيراً في فنانة شابة حقيقية طلعت في تلفزيون السودان .. قلت ليها شوفي التلفزيون في حلقة جميلة " المذيعة العويرة والفنانة الجميلة والفنان الممسح بزيت السمسم " .......
أتمنى أن تمضي عافية بكل العافية في الطريق الصحيح وربنا يكفيها شرا الألحان المكرورة والكلمات المقرورة ... آمين
| |
|
|
|
|
|
|
|
|
|
Re: . . زعــلان من.... عافية حســن . (Re: tmbis)
|
Quote: الشي الزعلك من عافية
ده ما هين يا تمبس
|
ياغادة دي حسادة من تمبس ساكت ..... عافيه ياها عافية....... وود اختي تمبس ده ظلم البت ساكت ..... انا شخصيا حضرت الحلقة دي مرتين واستمتعت بها ..... وكمان عجبتني العدسات ..... طبعا تمبس ده موردابي ماسمع بالنيو لوك وكده ....... صحيح البت كانت مرهقة حبتين والوش فاير لكن شوية راحه كده كلو برجع لاصلو ...... بعدين انتي عارفه ناسنا في السودان لما يشبكو ليهم في حاجه .... اها البت دي من ظهرت في نجوم الغد مااظنها سكتت تاني ..... المهم ماعليك من كلام تمبس ده..... انا عارفو بكاي ساكت .......... بالمناسبة الحلقة الجايه متين ؟
| |
|
|
|
|
|
|
|
|
|
Re: . . زعــلان من.... عافية حســن . (Re: بهاء بكري)
|
إزيك يا تمبس..
مشكور لتعريفنا بعافية وكل جديد في الفن والإعلام السوداني..
(لا أخفي عليك.. ما بين شتارة المذيعين السودانيين..
وعوارة وسطحية المذيعين في القنوات العربية..
فكّرت ابيع تلفزيوني..)
مشكلة المبدع السوداني .. عدم وجود إدارة جيدة توجّه مسيرته الفنية..
وهذا حديث ذو شجون..
في الخارج، أي موهبة حقيقية يتخاطفها الagents
وهؤلاء لديهم خبرة.. في تسويق الأوجه الجديدة.. وتنميتها..
ويأتي دور التعاقد مع شركات التسجيل.. وغيره من الخطوات المنهجية..
كده يتطلّع المبدع لحياة مهنية ناجحة وطويلة..
ويضمن مدير الأعمال وشركة التسجيل.. عائد مادي ومعنوي مستقر.. ومستمر..
للأسف ناسنا بيلّفوا بصورة عشوائية..
(ضمن أسباب وعوامل أخرى..)
| |
|
|
|
|
|
|
|
|
|
Re: . . زعــلان من.... عافية حســن . (Re: نجوان)
|
تمبوسة
شايفك زعلان زعل شديد ، وعافية دى صراحة لسع ما إتبلورت فى راسى لانى ما سمعتها كتير
أما عن المذيعة فيبدو لى إنها جديدة لكن بس ادوها صنة، يعنى حسع لو كانت وقفت جامدة
وبدون حركة برضو الناس كانو حينتقدوها لكنها صراحة اسئلتها المباشرة عجبتنى ودى حاجة مفقودة
فى المذيعين ، المسألة حسب رأئى وهى مشكلة ما عارفنها حتتحل متين ، مشكلة الاخراج والصوت
وبصراحة كدة وبملا خشمى واقول ليك السودان ما فيه مهندس صوت ولا بتاع ديكور عليه القيمة
أما عن الاخراج فحدث ولا حرج ، يعنى شوف الإخراج وهندسة الصوت ضيعوا الناس دييل كيف
حتى أصبح من الصعب تقييم إمكانياتهم ، يبقى لازم نوجه سهامنا لهندسة الصوت ومخرجين الغفلة
اللى جو بعد غياب الكوادر المؤهلة من المخرجين ولك ودى
| |
|
|
|
|
|
|
| |
tmbis
Raja
Elmosley
ahmed khidir
اساسي
عمران حسن صالح
معتصم الطاهر
ودالعباسية
محمد الطيب حسن
Ahmed Mohammed Osman
SILVER MOON
معاذ حسن
معتصم دفع الله
ابن الرشيد
Emad Abdulla
ismeil abbas
نوسة
essam&amal
نهال الطيب
Dr. Moiz Bakhiet
ترهاقا
Alsa7afa_30
محمد أبوالعزائم أبوالريش
الملك
غادة عبدالعزيز خالد
حليمة محمد عبد الرحمن
ابوحراز
مريم بنت الحسين
محمد الامين احمد
عمر الفاروق
فرحات عباس
saadeldin abdelrahman
بهاء بكري
نجوان
فيس بوك
تويتر
انستقرام
يوتيوب
بنتيريست