|
دعواتكم لزميلنا المفكر د.الباقر العفيف بالشفاء العاجل
|
|
 Re: .. عقــد الجــلاد بالسنغالي ..فيديو كليب (Re: معتصم الطاهر)
|
معتصم .. ومعتصم ...
معتصم الطاهر ... قراية الكبر بتحفظ كويس ..علي الاقل ما فيها دق ..
ذكرتنا الجندرية ربنا يطراها بالخير ...
جميل جدا انو كولاج عقد الجلاد عجبتك .. وان شاء الله دائما حياتك نغم وفرحة ..
ود دفع الله
وفي رواية اخرى فردت جناحي التانية لما الناس تطير لي عالمه ..
شكرا للكود المجيه بي عناية .. ده شغل الخبرة
| |
 
|
|
|
|
|
|
|
 Re: .. عقــد الجــلاد بالسنغالي ..فيديو كليب (Re: مريم بنت الحسين)
|
مريم ..
مشتاقين والله ... وينك انت
عارفه البوست ده عاجباني فيهو الشافعة الصغيرة الرقاصه دي .. من دون البقية ..
كنت بسمع في الاغنية دي بي مزاج وفي نفس الوكت فاتح القناة دي وجابو الرقصة دي بقيت اعاين في التلفزيون وبسمع في عقد الجلاد .. لقيتم ببقو لي بعض ..وفي علاقة اها قمت شلت زي ما بيقولو طاقية ده في راس الفيديو كليب ده .. والمحاولة شكلها كويسه طالماانها جابتك وبالمرة طرتني روضة الحاج
وطالما انك قلتي مبالغه معناته مبالغه
| |
|
|
|
|
|
|
|
|
|
Re: .. عقــد الجــلاد بالسنغالي ..فيديو كليب (Re: عرابي النميري)
|
عرابي النميري
سلامات ..
ومليون تحيــة..
| Quote: رووووووووووووووووووووووووووووووعة |
والاروع انها عقد الجلاد المجموعة الصابرة والمحاولات الجيدة في تقديمنا بي شكل افضل بكل الخبرات .. وبكل الامكانيات الصوتية والاكاديمية
التحية للعقد الفريد في جيد الفن السوداني
والتحية ليك يا عرابي
| |
|
|
|
|
|
|
|
|
|
Re: .. عقــد الجــلاد بالسنغالي ..فيديو كليب (Re: Elmosley)
|
استاذ الموصلي ؟؟
الله يسلمك يامدرسة ..
موضوع الفيديو كليب يا استاذ يوسف موضوع طويل وانتو العناصر المعرفية طبعا ما عايز اقول المسؤولين من المشروع ده .. لكن في انتظار الحاجات البتجي منكم . بي شكلها المؤسس وابعاده المعرفية
طبعا انا يادوبك دمجت ملفين في بعض وسحبت الصوت وعملت الصورة صولو .. يعني العملية بدائية خالص بس من ناحية فكرة شكلها كويس ..
بالمناسبة يااستاذ موعودين بالجية في الرياض طبعا ..
عرج علينا
وانا والله طالبك شوق الهوى يا استاذ .. لي ذكرى قديمة جواي خاصة جدا واظنك بتتذكره ..
| |
|
|
|
|
|
|
|
|
 Re: .. عقــد الجــلاد بالسنغالي ..فيديو كليب (Re: وحيد)
|
على بالطلاق يا تمبس ده احلى عمل ملتيميديا اشوفو فى الزمن العكر ده..!!!
ويتخيل لى انا عندى ظار...لانه الرقص الجماعى المهرمن ده بجيب خستى طوالى..
تعرف؟؟ وخاصة لما يكون "اثنى" ...يعنى الفلكلور ده هو بصمة الانسان الاصلية البتكشف تاريخو وعلاقاتو الداخلية المعقدة بالجمال والحياة...
ولما تمتزج الثقافات..كمان ده يبقى كلام تانى...
الملتميديا....!!! يا صديقتى الجديدة..
انا بقيت اقول اذا كان المسرح ابو الفنون فالملتيميديا ...امه الحنون..
والله شكرا على هذا المزج الجميل...وما تخلى موصلى يقول ليك "محاولة" ولا كلمات بتدل
على انه عمل ما مكتمل...دة شغل ابداعى عذييييييل كده..ولو عندى خزنة الليلة دى اصرف ليك حقو...
حلو والله يا تمبس ...جميل الشغل ده.
| |
|
|
|
|
|
|
|
|
|
Re: .. عقــد الجــلاد بالسنغالي ..فيديو كليب (Re: Tumadir)
|
هههههههههههه
تماضر ..؟؟
تحلفي طلاق وعملتي لي بلوك تاني مش كده ؟؟؟ ههههههههههههههه
والله تصدقي كان ما جيتيني في الفيديو كليب ده تحديدا وقلتي كلامك ده كان مشكلتك معاي كبيرة خلاص مع اني حكاية الجية دي وعدم الجية ما قاعد اتوتر منها كتير ..
لكن زي ما قلت ليك العمل ده تحديدا وحات الله وانا شغال فيه كنت في ذاكرتي وكالعادة قلت اذا جهز اقوم اجدعو ليك ( مبدئيا ) طبعا عجبني الشغل بتاع الحركة الفيهو دي واسلوب الرقص الجماعي وانا طبعا برضو قاعد يطلع عيني .. ومع شغل عقد الجلاد طبعا الفكرة بتصل زي ما هي .. واكتر تعبيرا..( رايك شنو في اكتر تعبيرا دي ) بتذكرني مثل صيني قديم
يعني تاني مع بلوكاتكم العجيبة انت والجندرية دي يعني الواحد كان عمل ليهو فيديو كليب وعايز يجربو بالدس كده يجيك امريكا .. والا يشتري ليهو ملايات وكراسي جابر ههههههههههههههههههههههه
تعرفي ياتماضر بخصوص صاحبتك الملتميديا دي اكتشفت انو اجمل حاجه تكون قاعد تتعامل معاها في جهاز الكمبيوتر لانها بتفتح ليك مجالات اوسع للتفكير والابتكار تتخيلي المقطع الصغير ده جزو من ملف كامل فيهو شغل كتير جدا اتطريت اني الغي منو حاجات كتيرة نسبة لي عامل تحميل الملف في الموقع ...
Quote: والله شكرا على هذا المزج الجميل...وما تخلى موصلى يقول ليك "محاولة" ولا كلمات بتدل
على انه عمل ما مكتمل...دة شغل ابداعى عذييييييل كده..ولو عندى خزنة الليلة دى اصرف ليك حقو...
حلو والله يا تمبس ...جميل الشغل ده. |
عارفه علشان الكلام الفوق ده انا كنت بفتش عليك شان اجرب المساله دي .. واستاذ يوسف ما قصر طبعا كنت عايز اتفلسف شوية من ناحية تحليل وتكنيك موسيقي لكن قلت انا مالي ومال الهوا
دائما يا تماضر تقييم العمل من الناس المتخصصه مهما كان فيهو من نقد بيوصل لي نتائج كويسه والتجارب المتكررة بي فشلة بتادي لي طريق النجاح بسهولة ...
ح امطر ملتميديا... وح اكلمه عنك .. رايك شنو ؟؟
| |
|
|
|
|
|
|
|
|
|
Re: .. عقــد الجــلاد بالسنغالي ..فيديو كليب (Re: وحيد)
|
وحيـــد ..
افريقيا دي مليانه بي حاجات كتيرة جدا .. ومتميزة بي ثقافات وحضارات وسياسيين ليهم بصمات واضحه في تواريخ حياة الشعوب ... جومو كنياتا .. هيلا سلاسي .. نلسون ما نديلا ............
الفن الافريقي قاعده ثابته اتبنت عليهو الكتير من موسيقي الشعوب ..
كرة القدم العالمية الآن في طريقها للافرقة
فقط ينقصنا الاهتمام بموروثاتنا والرجوع للجزور بي طريقة عقلانية وبحث متأني ..
اكيد يظل بيناتنا التواصل
ومزيدا من الابداع من اجل عيون افريقيا ..
| |
|
|
|
|
|
|
|
|
|
Re: .. عقــد الجــلاد بالسنغالي ..فيديو كليب (Re: Zongiya)
|
زنجيـــة
في قناة تلفزونية اسمها telesud وبتتبث من السنغال علي ما اعتقد علي قمر Hotbird وهي مفتوحة ما مشفرة فيها الكتير عن السنغال وفي زمن بث معين خاص بالموسيقي الافريقية . حاجه ممتعة جدا حاولي جربيها
http://www.bayanit.com/uploadvideo/protected/tmbsco.wmv
ده الرابط بتاع الملف اذا ما شغال معاك كويس في البوست ممكن تعملي ليهو عملية Copy وتنسخيهو في متصفح جديد بيشتغل معاك بشكل اسرع يا اما تضغطي علي كود الحفظ في رد معتصم دفع الله باللون الاحمر وتحفظي العمل في الجهاز وبيفتح معاك بشكل اسرع لانو حجم الملف صغير اقل من دقيقتين ..
| |
|
|
|
|
|
|
|
|
|
Re: .. عقــد الجــلاد بالسنغالي ..فيديو كليب (Re: tmbis)
|
أنا دخلت عشان أستمتع لليوم التاني بالكليب وأرسل اللنك بتاع البوست دا لصديقيَّ أنجلو (سوداني) وألم (اريتري) وهم مجانين جالوا، ألاقي محاضرة فلسفية عن الرقص، ومجاناً كمان:
Quote: الرقص الجماعى المهرمن ده بجيب خستى طوالى..
تعرف؟؟ وخاصة لما يكون "اثنى" ...يعنى الفلكلور ده هو بصمة الانسان الاصلية البتكشف تاريخو وعلاقاتو الداخلية المعقدة بالجمال والحياة...
ولما تمتزج الثقافات..كمان ده يبقى كلام تانى... |
تسلمي يا فنانة
وتسلم يا تمبس
| |
|
|
|
|
|
|
|
|
|
Re: .. عقــد الجــلاد بالسنغالي ..فيديو كليب (Re: julia shawqi hamza)
|
الأخت العزيزة جوليا شوقي ..
فعلا..
من حقنا المفخرة بمليون ميل مربع مساحة من الحب والقيم الانسانية وثقافات متنوعة وحضارات سادت من عصور بعيدة وشعب بجينات وراثية ناضجة التكوين محرضة علي الابداع بكل انواعه ..
عقد الجلاد اسمــا وفكرة تدعونا للتمسك بهذه الارض الام الرحيمة وتمدنا لحنا بالكثير من قيمنا السمحه.
| |
|
|
|
|
|
|
|
|
|
Re: .. عقــد الجــلاد بالسنغالي ..فيديو كليب (Re: tmbis)
|
الفنان تمبس
شكراً إنك حرضت تماضر عشان تدينا محاضرة زي دي
وشكراً كتير على الهدية
وأنا أهدي الكليب للأخت إيمان أحمد
أينما كانت
إيمان كان عندها بوست جميل إسمه (عن الرقص... وموسيقانا الداخلية)
فتشت عليه كتير عشان أخت اللنك بتاع البوست دا هناك ما لقيتو
يا ريت لو لميت فيه ترمي اللنك هناك
تسلم كتير
| |
|
|
|
|
|
|
|
|
|
Re: .. عقــد الجــلاد بالسنغالي ..فيديو كليب (Re: محمد السر)
|
العزيز محمد الســر ..
Quote: شكراً إنك حرضت تماضر عشان تدينا محاضرة زي دي
وشكراً كتير على الهدية
وأنا أهدي الكليب للأخت إيمان أحمد
أينما كانت |
وعميق محبتي للفنانه تماضر .. وايمان احمد الانسانه .. وكل الاخوات اللواتي قدمنا لنــا الكثير من ابتعدن ومن هن بيننا الآن نستفيد من محصلاتهن المعرفية والاكاديمية والحياتيه..
نسيت انبهك
للاستماع للملفات اضغط ملف واحد فقط للتشغيل واوقف الآخر ..
Quote: أهتم كثيرا بالرقص كفن إنساني، يحكي قصة الجسد-والروح في الغالب. وتثير اهتمامي الأشكال المختلفة للرقص كالرقص المسرحي والشعبي والرقص المرتبط بمذهب روحي معين- كالذكر عند الصوفية الإسلامية، وفن اليوجا عند البوذيين (والذي أعتبره ضربا من ضروب الرقص، حين يتسامي المؤدي لذلك الفن –والذي يوصف بالرياضة أحيانا- وينسجم مع روحه ليصل إلي درجات عالية من الإتساق).
هناك اتفاق شبه جماعي علي أن يصاحب الرقص نوعا ما من الإيقاع، لكن لدي فلسفة تقول بأن الراقص/ة تبدأ مع ذلك الإيقاع ثم تنتظم رقصته/ا علي إيقاع موسيقاه/ا الداخلية.
ايمان أحمد
|
عن الرقص ...... وموسيقانا الداخلية
بوست عميق ويستحق الانتباه
| |
|
|
|
|
|
|
|
|
|
Re: .. عقــد الجــلاد بالسنغالي ..فيديو كليب (Re: tmbis)
|
تمبس (علاء)
أنا جيت فايت بهنا...
عابر طريق... فايت..
وقلت:
الإبداع تمبس..
فهل المبدع هو المتلقي ... ولا المبدع نفسو هو المبدع...
وفي الحالتين... أمزج.. علاقة الشعوب بالفن...
وإنت.. وعقد الجلاد.. والسنغال..
مبدعين .. يا مبدع..
| |
|
|
|
|
|
|
|
|
 Re: .. عقــد الجــلاد بالسنغالي ..فيديو كليب (Re: A.Razek Althalib)
|
عبد الرازق
اولا حمد الله علي سلامة حضورك والعودة الميمونه ..
وين الحي بيك .. حتى في المقر الدائم ما ظاهر
Quote: فهل المبدع هو المتلقي ... ولا المبدع نفسو هو المبدع...
وفي الحالتين... أمزج.. علاقة الشعوب بالفن... |
المبدع والفنان والمتلقي معادله لا تحتمل فصل اي من العناصر إلا وكان الخلل ..
وطالما مريت علي الشغل ده واتعايشت معاهو إذا انت عنصر فعال ومشـــع
حاجات بترومين ما وصلتني لسه يامشـــع
| |
|
|
|
|
|
|
| |
tmbis
معتصم الطاهر
معتصم دفع الله
مريم بنت الحسين
Elmosley
Tumadir
rani
Wad Ballal
Mohamed Elbashir
)
julia shawqi hamza
A.Razek Althalib
فيس بوك
تويتر
انستقرام
يوتيوب
بنتيريست