|
|
 .. ذكريات كــورال الحــزب الشيوعي السوداني ..
|
يــاســـــلام
ذكــرى لأيـام جميلة ..
مجموعــة كورال الحزب الشيوعي السوداني ضمت وقتهــا خيرة اساتذة الموسيقى وطلبة معهد الموسيقى وعلى راسهم الراحــل .. مصطفى سيد أحمد ، والاستاذة امال النــور .. الاستاذة كمالا بابكر النــور إبنة الشهيد ( بابكر النــور )..
وعلى الاوركسترا الاســاتذة زملا البــورد ( أزهري عبد القادر + عمر منصور  + بكري أحمد المصطفى ( سمندلاوي ) )
اتمنى سرد ذكريات هذا العمل الجميل المتكامل الخالد .. في وجداننا
في وجــدان الزمــلاء
|
|
 
|
|
|
|
|
|
|
 Re: .. ذكريات كــورال الحــزب الشيوعي السوداني .. (Re: عبدالله شمس الدين مصطفى)
|
زمن جميل يا عزيزي عبد الله ..
ذكرياته الجميلة ستظل محفـورة بالوجدان .. هل تعــود للسودان ايامه تلك ؟؟
لاحظ مجموعة العمل ..
من رحــل ، من تشــرد ..
تعرف:
احتفظ بالنسخة الاصلية لشريط الكاسيت لهذه الأعمال ..
لكن
ما كنت اتصور ان احصل عى هذه النسخة من التسجيل وفيه كل هذه الشخصيات الجميلة التي كنت وبالرغم من عدم معرفتي بالكثير وقتها اتابع باهتمام كل مراحــل البروفات وكنت في بالي اخمن أن هؤلاء الشباب يقومون بعمل عظيم جدا..
| |
|
|
|
|
|
|
|
|
 Re: .. ذكريات كــورال الحــزب الشيوعي السوداني .. (Re: tmbis)
|
واحلالى..
أنا واحلالى
أريتو حالك يابا حالى
أموت شهيد جرحى بيلالى
وأخلق اسما لعيالي
واحلالى
الشفيع يا فاطمة في الحى
في المصانع
وفي البلد حى
ما حصادو الأخضر النى
راضى عنو الشعب والدى
ومات شهيد، أنا
واحلالى
أحمد..أحمد تكبر تشيل الجواد
والسيف الطويل
اسم أبوك في النجمة والنيل
خط أبوك بالدم النبيل
كل صفحة وصفحة إكليل
ومات شهيد
أنا واحلالى
يا بنات الخالة والعم
يا بنات حلتنا من جم
الشفيع الخالى من ذم
أدو شبال جرن النم
هز فوق الدنيا بالدم
ومات شهيد
أنا واحلالى
يالورش.. يالسكة الحديد
يا مصانع نارا بتقيد
يالعرق..يالزيت..يالحديد
يالرجال في المينا البعيد
شدو حبل اليوم السعيد
شايفو قرب
واحلالى
عارف يا تمبس لمن كنت صغيرة واحلالي كانت غنيتي المفضلة لو ماشغلوها لي ما بتبسط
لكل القامات السامقة
لكل من عبقوا النضال غناءا
أنتم باقين فينا
دوما وابدا
مودتي
| |
|
|
|
|
|
|
|
|
|
Re: .. ذكريات كــورال الحــزب الشيوعي السوداني .. (Re: معاوية كرفس)
|
كـــرفس يا صاحب
تعرف الارضية مشتركة لحد بعيد تفاصيل نفس الزمن الجميل
بس كنت محظوظ اكتر منك والمعطيات كانت متوفرة ، بدون خسائر كتيرة
يعني ( سطاشــر جنيهك ) دي يا كرفس حسع ( تموصة وتشرب مويته ) ده كان ما طلعوك ( بره الزمن ) زي حالتنا دي ..
شفت ليك زول ببطل الدافوري المسخن في وكت زي داك ؟؟
كنا بنقطع الدافوري مجرد ما نشوف الشباب ديل زحمو دار الحزب بلجنة الموردة غــرب والدار كان منزل الزميل الاستاذ عبد الرحمن ضيف الله .. وكان مفتوح لنشاطات الحزب المتعددة ثقافية إجتماعية رياضية إلى آخــره ..
الروفات كانت بمثابة فترة توعوية بعدها انضم العديد من شباب الحي للحزب ، وبعد فترة كانت معظم العضوية من شباب الحي تختفي في ظروف غامضة .. اصبح بعض المفتحين يجهزون ( شنطهم ) غيارات تتلائم مع وضع الزنازين في ذلك الوقت بدايات حكومة الانقاذ ..
لنفس الاسباب التأمينية الذكرتها .. فقدت مجموعة ثمينة من الكتب ومجموعة ضخمة من اشعار الاستاذ هاشم صديق .. واذكر ديوان ( حورف ومقاصل ) والله يجازي اللي كان السبب ..
واحتفظت بشريط الكاسيت النسخة الاصلية للعمل واصبحت هي باقي من ذكرى تلك الايام ..
..
لكن يا كرفس ح ابقى ليك في رقبتك .. بالنسبة لي شريط الفيديو
يعني اعمل حساب لي حق ( الزمــالة )  واحجز لي نسخه تصلني الرياض بي اي شكل كان
إن شاء الله تفكها عكس الهــواء .. بس المهم تصلني .. تصلني
بعتبر كلامك ده وعـــد
ووعد الزميل .. دين عليه
عاين حسع انا مش رجعتك لي زمن الطراده والجنيه والخمسين قرش والريال
بلاي ده زمن ساهــل ؟
| |
|
|
|
|
|
|
|
|
 Re: .. ذكريات كــورال الحــزب الشيوعي السوداني .. (Re: tmbis)
|
يا زول ده لقيته وين
إنت عارف البيت كله صاحي
لانه أنا و زوجتي كنا في العمل ده و ملاذ هسي 18 كانت بتتكون في بطن أمها
كلنا في حالة صعبة و أول مرة نشاهد العمل ده و مصطفي و ابوليلى و العمرين .....سهير الخالة و سهير بنت الأخت كمالا خالده نعمات خضر زينت عبدالمجيد عبدالله ود السجانة سبت عثمان سيد حمد إسماعيل صلاح خليل الهادي جمعة جابر محمد بخيت كمية من الناس الجميلة أبيع عمري عشان ألاقيهم تاني
يا سلام......
| |
|
|
|
|
|
|
|
|
|
Re: .. ذكريات كــورال الحــزب الشيوعي السوداني .. (Re: Azhari Nurelhuda)
|
أبو الزهــور ..
يظهــر أنو ناس الموقع ديل مستقصدنك ..
امس بعدما حفرت ولقيت العمل ده .. اتذكرت المجموعة كلها ، وعالق في بالي دائما صوت الاكورديون والفــلوت ..
بعدين مــلاذ بالطريقة دي ح تبقيني ( جـــدو )  لانو كنت بشيله وهي ( صغمبوته ) خالص سلم لي عليها وعلى امهــا .. وراجع الماسينجر الداخلي ..
| Quote: و مصطفي و ابوليلى و العمرين .....سهير الخالة و سهير بنت الأخت كمالا خالده نعمات خضر زينت عبدالمجيد عبدالله ود السجانة سبت عثمان سيد حمد إسماعيل صلاح خليل الهادي جمعة جابر محمد بخيت كمية من الناس الجميلة أبيع عمري عشان ألاقيهم تاني |
.. دي حاجة صعبة جدا يااستاذ وذكرى متعبة .. ربنا يجمع البعيدين وترجع الايام الجميلة ..
| |
|
|
|
|
|
|
|
|
|
Re: .. ذكريات كــورال الحــزب الشيوعي السوداني .. (Re: Azhari Nurelhuda)
|
Quote: طبعا يا علاء التحية و الإجلال لهذا الرجل العظيم أبوليلى
الموسيقار العظيم عبدالرحمن عبدالله
الرجل الذي أشرف و أخرج هذا الأبداع له الرحمة و المغفرة |
الف رحمة ونور للاستاذ عبد الرحمن عبد الله ( ابو ليلي ) .. من هذا البوست فقط عرفت انه توفى ومن خلال كلماتك .. مرت علي شخصية الراحل في الكثير من الصور الفوتغرافية القديمة مع عمر منصور .. وعرفت من لحظتها انه من المقربين للجميع ..
عليه رحمة الله والمفغرة ..
| |
|
|
|
|
|
|
|
|
|
Re: .. ذكريات كــورال الحــزب الشيوعي السوداني .. (Re: مصدق مصطفى حسين)
|
مصـــدق :
سلامات يا وجيــه ..
نفس تلك الفترة يا مصدق . انتعشت فينا اهتمامات عديدة جدا ، الموسيقى ، الرسم ، الاطلاع بكل اشكاله .. قرأنا وقتها كتب لا اعتقد انها تتوافق مع المرحلة العمرية ، سمعنا من الشعر وشاهدنا من اللوحــات اقل ان اقول عنها انها لا يمكن ان يجود بها الزمن الحالي ..
يحزنني الرجوع القهقري من تلك المرحلة حتى الآن وبسرعة جنونية..
ويفرحني .. انك ما زلت مواصلا لدرب الابداع بدأته من فترة مبكرة .. من زمن جميل ..
| |
|
|
|
|
|
|
|
|
|
Re: .. ذكريات كــورال الحــزب الشيوعي السوداني .. (Re: Elmosley)
|
سلامات استاذ يوسف الموصلي :
معك نترحم على روح الاستاذ ابوليلى
هو حقا استاذ اجيال .. عرفت البعض عنه عن طريق الأخ عمــر
من يشرف على مثل هذا العمل الضخم بما فيه من الفنيات الكورالية من توزيع الاصوات وخطوط الكونتربونت .. إلخ ، اكيد هو شخص له الكثير من الخبرة والتمرس في هذا المجال .
هو من ضمن الذين افتقدتهم الساحة في مثل هذه الاعمال التي اختفت تماما .. حتى وإن وجدت فهي مشوهة المــلامح ..
Quote: ياشيوعي  |
انا بقترح يا استاذ الشيوعي يكتب لينــا باللون الأحمـــر والما بعرف يلون يكتب ملاحظة انو الكتــابة دي اقروهــا باللون الأحمـــر ..
طبعا المسالة تنظيمية ليس إلا وبنراعي فيها حق الزمالة
| |
|
|
|
|
|
|
|
|
|
Re: .. ذكريات كــورال الحــزب الشيوعي السوداني .. (Re: tmbis)
|
تعرف يا تمبس ان الراحل العظيم عبد الرحمن آخذته السياسة من الفن وهما
لا ينفصلان ابدا فالفن هو الذي يعكس مايدور في الحياه والحياه تسيطر عليها السياسة للآسف
لكنه عظيم مثل الذين رحلوا ولايعرف الشعب السوداني عن عبقريتهم الكثير مثله في ذلك
مثل
(عربي الصلحي)
في عبقرية مرت الايام
آو
عبد الله عربي في
(هبت الخرطوم في جنح الدجي)
| |
|
|
|
|
|
|
|
|
|
Re: .. ذكريات كــورال الحــزب الشيوعي السوداني .. (Re: معاوية كرفس)
|
العزيز كرفــس
لك التحية وجهدك مقدر في المتابعة ورفع البوست لمزيدا من الاشياء الجميلة ..
بالصدفة اتصل بي بعض اصدقاء الراحــل مصطفى سيد أحمد هنا بالرياض .. وهم من المتابعين لسودانيز اونلاين الاصدقاء ( عبد الحليم حامد + عمر أحمد عمر ) واخبروني عن امتلاكهم لهذه النسخة من الفيديو ..
عليه
الله حلاك من مسالة المرسال دي .. والحاجة التانية ح اعمل بكل جهد على اني اواصل تنزيل بعض الاعمــال هنا .. من هذه الاعمال الخالدة ..
شكرا يا كرفس تاني مرة
| |
|
|
|
|
|
|
|
|
|
Re: .. ذكريات كــورال الحــزب الشيوعي السوداني .. (Re: tmbis)
|
مليون سلام يا شعبنا ... ويا محمد أحمد همتك صوتك أمانة في ذمتك أمانة في ذمتك ما تخلي سادن قمتك ... سميت المدن النايمة ... تغلغلت هذه الأعمال في دواخلنا، فكونت وعي جيل ثوري مصادم لا يساوم ويتوق دوماً لفجر الحرية والانعتاق ولا يرضى الخنوع والضعف والهوان ... التحية للشرفاء الذين أبدوعوا في هذا العمل الجميل وعاش نضال الشعب السوداني.
| |
|
|
|
|
|
|
|
|
|
Re: .. ذكريات كــورال الحــزب الشيوعي السوداني .. (Re: نادر)
|
تحياتي يا Tariq Villamosh واشكرك للمتابعة ..
| Quote: مليون سلام يا شعبنا ... ويا محمد أحمد همتك صوتك أمانة في ذمتك أمانة في ذمتك ما تخلي سادن قمتك ... سميت المدن النايمة ... تغلغلت هذه الأعمال في دواخلنا، فكونت وعي جيل ثوري مصادم لا يساوم ويتوق دوماً لفجر الحرية والانعتاق ولا يرضى الخنوع والضعف والهوان ... التحية للشرفاء الذين أبدوعوا في هذا العمل الجميل وعاش نضال الشعب السوداني. |
.. كل هذه الاعمال الثورية او معظمها حكت عن كفاح جيل .. فيها ما كتب من داخل الزنزانة في اسواء الظروف تعبيرا عن الصمود ، وعن عشم اكيد بفجر آتي ..
انتقلت هذه الاعمال وتوارثت من جيل لجيــل ـ حملت بداخلها مفاهيم ثورية صاغت حياة البعض واعادت صياغة البعض فظلت خالده .. وقيمة حية تتوارث من جيل .. إلى جيل.
| |
|
|
|
|
|
|
|
|
|
Re: .. ذكريات كــورال الحــزب الشيوعي السوداني .. (Re: tmbis)
|
الأخ علاء الدين
حسب النظام و الأصول....
نرجوا أن يتكرم السيد المحترم الأستاذ حمد إسماعيل و هو زميل في هذا البودر و لديه سحارة خطيرة بها كل الذكريات الجميلة بإفتتاح هذا السرد.
العين ما بتعلوا علي الحاجب...
رجاءا يا محترم.... إعلان ضربة البداية
و منتظرين.....
| |
|
|
|
|
|
|
|
|
|
Re: .. ذكريات كــورال الحــزب الشيوعي السوداني .. (Re: خضر حسين خليل)
|
قــاسم أمين
الطارق مين
أنا قاسم أمين
أهلا أهلا أهلا
بالراي
شيخ السراي
اتفضل جاي
أعمل لك شاي
اللحظة معاك بتساوي سنين
أديتني حماس وحواس ويقين
كلمت الناس
كم واحد قال
أديتو حماس وحواس ويقين
لأنك يابا
نقابة وغابة
وحس ربابه
وغنا أطفال
ودياليكتيك
تقرا كتاب الزمن الجايي
وتكشف سراً في الأعماق
تنحت تنحت
في الآفاق
أنفاق
انفاق
تشوف المدن
اللسه مكانه
تراب وخلا
تشوف أهلا
وهم لسه
حنين
في عيون عشاق
درع الوطن الواقي وباقي
وحلم الناس المغلوبين
اديني حواس وحماس ويقين
| |
|
|
|
|
|
|
|
|
|
Re: .. ذكريات كــورال الحــزب الشيوعي السوداني .. (Re: Mohamed Abdelgaleel)
|
فني التشريح اللغــوي .. والبصري
استاذنــا الكابتن محمد عبد الجليــل..
كلام استاذنــا مربي الاجيال .. محجوب شريف كلام خطيــر جدا
وتكمن خطورتو في انو طالع من قلب الحدث ومن القلب للقلــب ..
وتزداد خطــورتو لما يلقى الناس الصاح البتدي الكلام الجميل ده حقو بالتمام والكمال في اللحن وفي التوزيع وفي الاداء
الشباب ديل وصلو الفكرة دي كاملة .. لذلك كان الكلام معبر سواء كان عن قاسم امين ، والا عن كل الشهداء الضحو بي دمهم ..
| |
|
|
|
|
|
|
|
|
|
Re: .. ذكريات كــورال الحــزب الشيوعي السوداني .. (Re: طلال عفيفي)
|
Quote: تمبس والمشاركون
داك كان زمان الكلمة المسئولة والتي غيرت وشكلت وعي امة.
وتقول لي برضو ( سنتر الخرطوم)
هذا زمانك يا مهازل فامرحي |
يا امير كل مرحلـة تعبر عن نفسها فزمن الانهزام دائما مصحوب بالانهزام .. وإن كانت هناك بوادر تصحيحية تلوح في الافق .. بالرغم من السلحفائية..
تشكر يا امير .. .. Quote: شكراً يا تمبس على التسجيلات دي وعلى كل الحاجات الحلوة
البتتحفنا بيها .. |
...
يا طــــل
شكرا ليك انت يا حلــو .. كل الاشياء الجميلة الفوق دي خاطبت الوجدان في زمن جميل ... عملوها ناس جميلين ناس عاديين زيي وزيك واحد .. التاريخ بيحفظ ليهم حقهم . زي ما نحن رجعنا ليهم هنا حسع دي من بعد واحد وعشرين سنة غياب .. فيهم من رحــل وترك خلفه كل المعاني الجميلة ومنهم من واصل ويواصل .. بنفس الروح القديمة ..
وما زلنا في انتظار كل الايام الجميلة
| |
|
|
|
|
|
|
|
|
|
Re: .. ذكريات كــورال الحــزب الشيوعي السوداني .. (Re: عدلان أحمد عبدالعزيز)
|
Quote: تمبس وضيوفه الأعزاء..
عندي ليكم هـدية حلوة، ترقبوها..
ماشي أعمل ليها "اسكان" وراجع لكم!
عدلان. |
.. العزيز عدلان أحمد عبدالعزيز.. بالمناسبة الشغل العملتو ده اضاف للعمل نكهة خاصة جدا ..
والله لفترة طويلة كنت ما قادر استوعب كلمات الاناشيد بشكل واضح ..
اشكرك شديد يا عدلان .. وفعلا ده كنز من الكنوز المفقوده
على ما اعتقد انو القصاصات دي من نفس ديوان حــروف على ما اعتقد ..
شكرا ياعــدلان .. شكرا جزيلا
| |
|
|
|
|
|
|
|
|
|
Re: .. ذكريات كــورال الحــزب الشيوعي السوداني .. (Re: ادريس خليفة علم الهدي)
|
Quote: تمبس ............ سلام
ارشح هذا البوست ليكون الاميز لفترة طويلة ......... شكرا يافنان ياابن فنان واخو فنان |
.. يا حــاج بهــاء ..
والله البوست ادخلني في زمــن جميل .. واعاد لي بعض المفقود من اشخاص ما زالوا يمرون بالذاكرة الصغيرة وقتهــا .. ما تلاشت ملامحهم ولا حتى اصواتهم بالرغم من طول المدة ..
من ناحية اخرى والاميز من كدا ..
عاين جبت ليك عمــر منصور .. ده حقــو تدفع لي عليهو بدل اي حاجة تجي في بالك .. دفعة الثانوي في ايام جميلة زي الزمن داك ..
والله يابهــاء ذكريات زي دي .. إلا تحضره في فلم هندي وتقعد تبكي مع ام البطل
سعيد يا بروف بالمرور الجميل ..
| |
|
|
|
|
|
|
|
|
|
Re: .. ذكريات كــورال الحــزب الشيوعي السوداني .. (Re: معتصم دفع الله)
|
| Quote: شكرا علي هذا الجمال يا رفيق |
.. تشكــر يا درش يا زميـــل
..
Quote: غايتو يا تمبس شيل شيلتك كان ما جاك عبدالرازق وخت ليك العلامة المسجلة
ياخي دا كلام جميل وزمن أجمل ..
زكرتنا حاجات لا تنسى .. يديك العافية يا صاحب .. |
.. تشكر يا ابو الدفاع .. للزمن الجميل ، معزة في القلب .. وذكرى ايام جميلة ..
امــا صاحب .. عدو الماسونية ..
نتمنى ان يتحفنــا ببعض من زهراته 
و 
وما تنسى حاجة حاجتين كدا من الهولوكوســت
| |
|
|
|
|
|
|
|
|
|
Re: .. ذكريات كــورال الحــزب الشيوعي السوداني .. (Re: tmbis)
|
يا تامبا ده ركوب العجلة و لا عامل ساتر بالكورال
يا زول سيرة الشيوعية دى بتجيب ليك الهواء السخن
ذكرتنى بنات عمى سهير و سهير ... من اعمدة الكورال ... زمن
ابوظ ليك بوستك الظريف ده؟
يعنى خلاص الغنا ما بخلينا نجوطا ...
هاك واحد:
Quote: ومتى يكون الشيوعي سعيدا ؟؟؟
لامن يشبع من ولغ بحور الدم النازفة..
ويمارس ضلالياتو..
وينكر وجود الخالق..
ويعزف على وتر الحياة مادة..
ويبغبغ بحكاية الدين أفيون الشعوب..
ليصبح نصيراً للقوم الفاسقين..
جمبلغ جوة الجكـ..
يلغي عقلو..
ويبقى خنجر مسموم في خاصرة أمتو.. |
إن شاء الله عرفت حاجة..
اجيب ليكم الباقيين؟
تدفع كم يا تمبس يا عميل الشيوعية اليهودية الامبريالية
وبالمرة شوف لينا عشرة مقاطع للحياة
| |
|
|
|
|
|
|
|
|
|
Re: .. ذكريات كــورال الحــزب الشيوعي السوداني .. (Re: esam gabralla)
|
Quote: اجيب ليكم الباقيين؟
|
.
مالك علينا يا عصام ؟؟
ياخى خلينا نبكى شوية ، وبدمعٍ سخين
ليس ذلك الزمان الذى مضى فقط ، بل
الناس التى مضت ، لا أدرى لماذا إمتلأت
بالحزن الكثيف ، وفجأة برغم فرحى الأول
بذكريات ذلك الزمن الفلانى .
والله إمتلأت ببكاءٍ مُمضٍ على أنجم وفراشات
طارت منا ، ولم يتح لنا بكاءها كما يجب ،
يا حليلهم ... يا حليلهم .... يا حليلهم .
والله ما كنت قايل إننا مظلومين قدر ده .
| |
|
|
|
|
|
|
|
|
|
Re: .. ذكريات كــورال الحــزب الشيوعي السوداني .. (Re: عبدالله شمس الدين مصطفى)
|
| Quote: العزيز تمبس وقفه وتعظيم سلام لك كل الود يا غالي |
.. حســام يا صاحب .. وين الحي بيك ؟؟ يعني بقيتو ما بتطلعوا إلا بي حاجات الزملة مشتاقين ياصاحب ..
..
Quote: ليس ذلك الزمان الذى مضى فقط ، بل
الناس التى مضت ، لا أدرى لماذا إمتلأت
بالحزن الكثيف ، وفجأة برغم فرحى الأول
بذكريات ذلك الزمن الفلانى .
والله إمتلأت ببكاءٍ مُمضٍ على أنجم وفراشات
طارت منا ، ولم يتح لنا بكاءها كما يجب ،
يا حليلهم ... يا حليلهم .... يا حليلهم .
والله ما كنت قايل إننا مظلومين قدر ده . |
. عبد الله ،، والله كلنــا مظاليم . ومليانين مغصة تشق عديل كــدا .. ياخي لو الزمن ده بيمشي كويس والله ما كنا محتاجين لي اننا نكون حسع هنا ده بي مغصتنا دي .. بي كل حنينا وشوقنـا لي اشياء كانت في متناول يدنــا بي الامكانات البسيطة المتاحة . لي ناس كان بينك وبينهم حبــل الوريد في مسافة القــرب .. اصبحت مجــرد ذكراهم .. وجع يلون كل اللحظــات بالآلم والحنين .. واللوعــة ..
يمكن دي ضريبة الايام الجميلة العشناها في لحظــات بسيطة ياهندي قاعدين ندفع فيها..
لكن ما زلنــا نعشم في لحظات إن ما كانت أجمل .. يمكن ان نعيش بها ما تبقى ... من عمــر
| |
|
|
|
|
|
|
|
|
|
Re: .. ذكريات كــورال الحــزب الشيوعي السوداني .. (Re: esam gabralla)
|
الشيــوعي عصام جبر الله ..
تعرف لما تجي داخل اي بوست حقي .. وعشان عارفك زي ود المــوية ما بتتمسك تاني بلحقك واديك في راسك الكبير ده قبال ما تمشي لانو ما بتجي بسهولة ..
| Quote: يا تامبا ده ركوب العجلة و لا عامل ساتر بالكورال .. يا زول سيرة الشيوعية دى بتجيب ليك الهواء السخن |
..
شوف يا عصام والله البورد ده بي الحركات الفيهو دي .. تعمل اي حاجة عايز تعمله .. البتلايق فيك تتلايق فيهو ..
حسع قبل يومين مش كنــت ( كــوز ) عايز من هنــا لحدي ( الراتب ) بتاع شهــر خمسة ده اركب مكنة زميــل .. داير معاي ما عندك مشكلة تعال ..
المهم
البوست ده مافيش زول ح يجي يجوطــو .. غرك إنت وكان جطــو .. بنختها ليك قدام ..
..
بلاي قطعت لينا حبــل ردودنــا .. يا شيوعي
امشي نــوم ياخ ..
خلينا نراجع الذكريات دي .. ونعرف نردرد للناس الفوق دي
| |
|
|
|
|
|
|
|
|
|
Re: .. ذكريات كــورال الحــزب الشيوعي السوداني .. (Re: tmbis)
|
ماندلا
اولاد وبنات الحلة
يلا نغني يلا
عن كل نضال هن كل مدينة
عن كل سجين عن كل سجينة
زائد ايمان وجسارة
شامخ في كل القارة
حتما يوم تطلع ليك شمس الحرية
وتظل نبراس قوة للانسانية
للسلم حياتي ,,, للسلم حقيقة
للوطن النابض في كل دقيقة
سلما ,, خبزا ,, حبا ,, شعرا وموسيقى
يا سواعد شابة في كل مكان
في ارض الغابة وارض الوديان
ابدكم في ايدي نبدأ البنيان
ابدكم في ايدي نبني السودان
لا تفرقة بين انسان وانسان
لاظلم وجور باسم الاديان
سلما ,, خبزا ,, حبا ,, شعرا وموسيقى
تأليف والحان طارق الامين ( الواحد ده )
غناء كورال شباب حيمورة
| |
|
|
|
|
|
|
|
|
|
Re: .. ذكريات كــورال الحــزب الشيوعي السوداني .. (Re: Elmoiz Abunura)
|
وقاسم أمين يا تمبس
سميت المدن النايمة
المدن التصحى فى حين
تترجى خطى العمال
اصوات الفلاحين
النفس الطالع نازل
فى صدور المسحوقين
أسميت السفن التمخر؟؟
فى نص البحر الطين؟؟
الناس ام عرقا يجهر
السرها يوما حيبين
الناس التنضح سكر
تتجرع مر وطين ؟؟؟
التبنى قصور للقيصر
والتسكن حوش الطين
يا موج البحرالاحمر
سميتكم قاسم امين..
كتلوك الناس القصر
الناس المأفونين
الناس البالة مغطى
والساسة المبيوعين
كتلوك خدم الراسمال
يا زول يا عاتى يا زين
الفرحو الامريكان
والربحو تجار الدين
كتلوك وكان قاصدين
فى ذاتك ناس تانين
الناس ام عرقا يجهر
السرها يوم حيبين
يا عادى كما العمال
والريح الحينا بحين
يا صاحى كما الآمال
فى عيون المحرومين
ماشين فى السكة نمد
من سيرتك للجايين
شايفنك ماشى تسد
وردية يا قاسم امين
مودتي
| |
|
|
|
|
|
|
|
|
|
Re: .. ذكريات كــورال الحــزب الشيوعي السوداني .. (Re: Elmoiz Abunura)
|
طارق ود الامين
الصحافة مربع تلاتة وعشرين
لمزيد من المعلومات ... اتصل يا تمبس
.... لن بفلت المجرمون .....
.... نحن في السودان ,,,,,,
,,,, صه يا كنار .......
.... يا والده يا مريم ......
وأشياء أخرى ,,,,
مودتي با طارق
تحياتي وحبي يا علاء تمبس
(عدل بواسطة علاء الدين حيموره on 05-22-2007, 10:32 PM)
| |
|
|
|
|
|
|
|
|
|
Re: .. ذكريات كــورال الحــزب الشيوعي السوداني .. (Re: Omer Elsheikh)
|
الاخ / عمر
الف تحية
انا ياهو حيموره زاتو ,, وايام فعلا كانت جميلة وستظل محفورة في الذاكرة,,
اتمنى ان تكون الاجيال التي تلتنا حافظت على القيم الحميلة ...
لك ودي يا عمر ..
ايميلي على البروفايل ,, ارجو التواصل ,,,,
| |
|
|
|
|
|
|
|
|
|
Re: .. ذكريات كــورال الحــزب الشيوعي السوداني .. (Re: Omer Elsheikh)
|
طــارق الأمين ، علاء حيمـورة ـ وعمر منصور
مستمع معكم بذكرياتكم الجميلة عن تلك الفترة الجميلة ..
بالمناسبة يا علاء حيمــورة .. ده عمر منصور أخوي البكــر .. تتذكر يوم زيارة عـادل الصديق للرياض وكنت بحــاول اوصف ليك عمــر وفترة المعهــد .. والداخلية الجمب البيت ..
أهــو كدا الصورة اكتملت ليك ..
رايك شنـو في الربط الغريب البي الصدفة ده.. الدنيا دي مش ضيقة ؟
| |
|
|
|
|
|
|
|
|
|
Re: .. ذكريات كــورال الحــزب الشيوعي السوداني .. (Re: بهاء بكري)
|
حــاج بهــاء ..
وينك تاني ما مريت بي هنـا .. ؟؟
الف رحمة ومغفرة للراحــل مصطفى سيد أحمد .. وبالمناسبة اتصلي علي أحد الأخوة من المتابعين للبورد ويمتلك كمية من أعمال مصطفى بالدوحة . فيديو وصوت ..
اظنك متذكر الفترة ديك .. بحاول لو لقيت فيها اعمال نضيفة اضيفة للبوست ده وتكون بمثابة ذكرى للراحل المقيم فينا أبو ســامر ,,
| |
|
|
|
|
|
|
|
|
|
Re: .. ذكريات كــورال الحــزب الشيوعي السوداني .. (Re: Omer Elsheikh)
|
العزيز ( بوعميــر )
انا بشكــر التقنية للحظات الجميلة دي .. وادين لي ( بل قتس وبكري ابوبكر ) بالكثير أن جمعتني مساحة اتحسس فيها ما يمكن ان توصله أو ان يأتيني منك من احاديث انقطعت ..
اكتب لك وفي البــال رسالة صغيرة من عمــار منصور قبل فتــرة .. زاحمتني في ساعات متأخــرة من الليل ..
كتب في حســرة :
( يأتيني الآن صوت كمــان عمر منصور من الغرفة البعيدة وثم ضحكة عذبة ).., عرفت لحظتها أنها الأشـــواق بلغت إقصى حد لهــا ..
الجميع يشتاق أن تعود الأيام . بكل ما فيها من لحظات صعبة ـ حزينة ـ سعيدة ..
..
ثم
ذكريات هذا العمــل ما زالت تمر امامي في شاشة عريضة .. وأنــا أتأبط ( الكمــان ) عنك اتقدمك لمحل البروفات ... أو نادي الفنانين .. تمــر بخاطري ذكريات السمندل .. حنان النيل .. عثمان مبارك .. كمنجولجي .. أحمد باص .. سعد الطيب .. عبد المنعم الخــالدي .. حفلة وردي في الملازمين ..
ما زلت اتذكر ( قفشــات ) اصدقـاء طفولتي محمد أمين .. ومحمد عبد القادر .. وانا أحمل الكمان :
( ممكــن تسمعنــا حاجة صغيرة يا استــاذ )
هذه الذكريات الصغيرة بقدر ما هي متعبة . إلا أنهــا جميلة ..
سعيد انك تطــل من هنا بعد هذه المسافة الطويلة جدا بمقياس الغربة ..
رايك شنــو لو قلت ليك عازمك فطــور في البيت الليلة الجمعة دي .. في السودان طبعا
فسيـــخ كيف معــاك ... يا حبيبي ويا صديقي اللطيف ..؟
| |
|
|
|
|
|
|
|
|
|
Re: .. ذكريات كــورال الحــزب الشيوعي السوداني .. (Re: tmbis)
|
عزومتك مقبوله يازول يازين
بس الجمعه دى خليها كم شهر وكم جمعه كده أقل من سنه (اللمرق من ناس Omer Elsheikh ديل).
نتلاقى فى الرياض حقتكم يا جنب حقتنا (المطار)(فانا زولا دايرله قواده),وماحريف فى البتاعات الطايره دى ومابعرف حاجات ناس القذافى بعرف(جنينة الحيوانات وخور أبوعنجه)حتى المواصلات بعرف التاكسى الأصفر الزمان وأبورجيله لابعرف أمجاد ولا أمتها الجديده.
ولمن نصل سيد عمار وناس بيتنا الحنان أكيد ح ألاقى عمر منصور الزمان.
عزيزى قد يبدو فى كثير من الأحيان ان الذكريات هى ذادنا الباقى لنجتر وقد قدم أبناء وبنات شعبى الكثير ولازالوا. ولكم أفتقد مصطفى وعبدالرحمن.
| |
|
|
|
|
|
|
|
|
|
Re: .. ذكريات كــورال الحــزب الشيوعي السوداني .. (Re: bent-elassied)
|
عصــام .. أنت دائما تحرضنــا على الاشياء الجميلة يا صاحب.
..
العزيزة مــي :
البوست شعلة جميل بوجودكم .. مع الذكريات الجميلة لتلك الفترة الجميلة من عمر الشعب السوداني .. حقبة زمنية مرت كالطيف .. لم ندرك حلاوتها إلا بعد ان اصبحت طي النسيان ومن ضمن ذكرياتنا التي نتحســرهــا..
ما قدمته المجموعة من اناشيد كتب معظم كلماتها شاعر الشعب .. الثوري ابونا محجوب شريف ودوزن الحانهـا اساتذة في علم الموسيقى وترجمهــا شباب واعي برسالته .. هي منظومة جمالية متكاملة لايمكن أن تتكرر بسهولة هذه الأيام..
| |
|
|
|
|
|
|
|
|
|
Re: .. ذكريات كــورال الحــزب الشيوعي السوداني .. (Re: شادية الطيب)
|
العزيزة شــادية الطيب ..
مليون ســــلام..
البوست جميل بكل الشباب الفيهـو بروحهم العالية النبيلة وأنت منهم ..
هذا البوست بمثابة ذكرى خالده .. لايام جميلة ـ نتنسم فيها عبير الراحل مصطفى سيد أحمد ..
عليه الرحمة والمغفرة .. بقدر ما اعطانا مساحة من الجمال اصبحت شاغرة برحيله..
| |
|
|
|
|
|
|
|
|
|
Re: .. ذكريات كــورال الحــزب الشيوعي السوداني .. (Re: بهاء بكري)
|
الفتك
أعز الناس من 87 (وعيك) أخر مره الدوحه الوكره
طبعا علاء الدين ادانى التلفون حاولت أتصل بيك الظاهر الوقت كان غلط
اقول ليك حاجه انا يونس ما شفته خليك من الشيخ لكن تسمية الخواجات
(ايانى قشر منصور) ح أتكلم مع سيد بكرى بخصوص عمر منصور
تحياتى للجميع خصوصا الأخ صديق
بالمناسبه سمعت اخبار عن الأخ طارق بابكر في السودان
إلى لقاء أخر
| |
|
|
|
|
|
|
|
|
|
Re: .. ذكريات كــورال الحــزب الشيوعي السوداني .. (Re: Omer Elsheikh)
|
Quote: الفتك
أعز الناس من 87 (وعيك) أخر مره الدوحه الوكره
طبعا علاء الدين ادانى التلفون حاولت أتصل بيك الظاهر الوقت كان غلط
اقول ليك حاجه انا يونس ما شفته خليك من الشيخ لكن تسمية الخواجات
(ايانى قشر منصور) ح أتكلم مع سيد بكرى بخصوص عمر منصور
تحياتى للجميع خصوصا الأخ صديق
بالمناسبه سمعت اخبار عن الأخ طارق بابكر في السودان
إلى لقاء أخر |
ياعمر منصور ده كلام ؟............. يازول انت ماتتكلم ساكت في زول قال ليك الكلام ده حصل متين .......... صديق فضل بكر ببنية اظنها عروس الان ........... اماحبيبنا طارق لم اسمع عنه قريبا ولكنه رجع من امريكا واظنه في الموردة ............ بالمناسبة الحله فيها نادر عوض ابشر وهو الان قاضي استئناف قدر الضربة ونادر الريح (ابوالجيش) مساعد وكيل بالمالية ...... اما البقية شتات ياصاحبي.......... معانا في الدوحة هنا امين ابراهيم اسماعيل ولد الحكم ........... طبعا تمبس قال اتونسو وانا ماصدقت
| |
|
|
|
|
|
|
|
|
|
Re: .. ذكريات كــورال الحــزب الشيوعي السوداني .. (Re: بهاء بكري)
|
| Quote: طبعا تمبس قال اتونسو وانا ماصدقت |
... يا حاج بهــاء ..
والله انا مستمتع خالص بالحاجات البتعملو فيها انت وعمر وأزهري .. على الاقل الواحد يقرا نفسياتكم سنة 2007م ..
واصلوا بلاي في الحاجات الجميلة دي .. والذكريات دي ..
طبعا لقيت ليك عند صديق المووج تسجيل خطير جدا .. لي سماية اخلاص بتو .. لاحظ سماية اخلاص دي عاملة كيف .. التسجيل حفلة كانت بي سامي المغـــرب فيها شلة مزيكاتية انتحارية جدا من ضمنها عمر فتح الله وعمر منصور وباقي المجموعة .. التسجيل ده ممكن ابيعو لي عمر منصور . لو بيدفع كويس
طبعا بيدفع كويس دي معناته بالدولار الأمريكي وكدا ..
حق السماسرة محفوظ طبعا
| |
|
|
|
|
|
|
|
|
|
Re: .. ذكريات كــورال الحــزب الشيوعي السوداني .. (Re: tmbis)
|
العزيز والرائع تمبس
شكرا جزيلا واعدت لينا ذكريات عزيزة ..اعتز بها كثيرا..الزمن الجميل والرفاق الاروع..
فقط أود ان أضيف ان هذا العمل كان نتاج سنتين من العمل الدؤوب..ظروف صعبة حيث كنا نقوم بعمل البروفات فى اماكن مختلفة..مواعيد صعبة (بداية البروفة الساعة الثالثة بعد الظهر..بالاضافة إلى يوم الجمعة من العاشرة صباحا..إمكانيات محدودة(كل ماكان متوفر هو الرغبة الجامحة لانتاج ابداع تغنى بةجماهير شعبنا ...ويمجد ذكرى تضحيات اناس قدموا التضحيات لتكون عبرة للاجيال القادمة..).
من الزملاء الذين لم ترد اسمائهم واسهموا اسهاما فاعلا سواء اثناء ورشة العمل أو فى الحفل:
من الاركسترا
1.الزميل عضو البورد حمد إسماعيل(يا حمد متذكرين الشره بتاعة الاستاد ما حدابالاستاذ صلاح خليل ان يقوم بتغطية نقص الباص جيتار
2.الزميل عضو البورد ياسر بسطاوى.
3الاستاذ عباس عمر (ايضا قام بتلحين وا حلالى القبلى شال ....)
4.الاستاذ علاء الدين إبراهيم (قام ايضا بتلحين النصف الاخير من انشودة قاسم أمين.)
كما قام بالغناء ايضا.
من الكورال :-
1.خيرى
2.الباشا
3.سهير مصطفى
4.سهير سيداحمد
5.تيسير مصطفى (زوجة الراحل المقيم الخاتم عدلان)
6.شخصى الضعيف (محمد مكى).
من كان لهم ايضا اسهام في بعض مراحل العمل :-
1.الاستاذ شاكر عبد الرحيم.
2.الاستاذ الصادق شيخ الدين.
شكرا مرة أخرى ياتمبس
محمد مكى
| |
|
|
|
|
|
|
|
|
 Re: .. ذكريات كــورال الحــزب الشيوعي السوداني .. (Re: محمد مكى محمد)
|
العزيز جدا محمد مكي محمد ..
مسلون سلام يااستاذ ..
وجميل انك تكون متواجد معانا هنــا في البوست ده .. وإنت من ضمن المجموعة المميزة التي نفذت هذا العمل الملحمة الضخم .. وهذا هو الزمن حفظ لكم كل ما قمتم به وكان نتاج تعب وايام بالرغمن من انها جميلة إلا الحسابات المعقدة الأخرى من امكانيات متواضعة ـ والكثير من الصعوبات الحياتية الأخرى ..
اشكرك لهذه التفاصيل الدقيقة .. واتمنى ان تواصل مع باقي الرفاق .. في مدنــا بهذا الحديث الجميل عن الذكريات الجميلة لهذا العمل ..
وصلتني العديد من الرسائل والاتصالات تتعلق بهذا البوست .. اعاد للبعض ذكريات جميلة .. وهم متابعين كل صغيرة وكبيرة تكتب هنا عن هذا العمل وعن ذكرياته
اتمنى ان تواصل ولا تبخل علينـا
ولك الف شكر يا مكي ..
| |
|
|
|
|
|
|
|
|
|
Re: .. ذكريات كــورال الحــزب الشيوعي السوداني .. (Re: tmbis)
|
شكرا ليك ياتمبس
دهشة الزكرى ارقتنى اليوم وجال فى زهنى شسريط الزكريات وعاد الامس كانة اليوم عبدالرحمن عبداللة بجدية صارمة ومصطفى بقلق المبدع وحماس الشباب الواعد . وسؤال ملح اين علاء الدين ابراهيم وياسر بسطاوى وعباس عمر وكل الناس. تحتاج مراحل الكورال المختلفة لشهادة كل الناس .اكرر شكرى وتقديرى.
| |
|
|
|
|
|
|
|
|
|
Re: .. ذكريات كــورال الحــزب الشيوعي السوداني .. (Re: حسن النور محمد)
|
Quote: شكرا ليك ياتمبس
دهشة الزكرى ارقتنى اليوم وجال فى زهنى شسريط الزكريات وعاد الامس كانة اليوم عبدالرحمن عبداللة بجدية صارمة ومصطفى بقلق المبدع وحماس الشباب الواعد . وسؤال ملح اين علاء الدين ابراهيم وياسر بسطاوى وعباس عمر وكل الناس. تحتاج مراحل الكورال المختلفة لشهادة كل الناس .اكرر شكرى وتقديرى. |
.. مرحب يا حسن النــور ..
وأنت شاهد عصر وتفتح مدخل آخــر يطل منه جمال هذا العمــل . اتمنى مرور جميع الذين عاصروا هذه المرحلة لنوثق لها مرحلة مهمة في تاريخ الاعمال الخالده التي مرت على السودان ..
مرحب بيك يا استاذ حسن وبكل من ذكرتهم
| |
|
|
|
|
|
|
|
|
|
Re: .. ذكريات كــورال الحــزب الشيوعي السوداني .. (Re: tmbis)
|
يعني الجماعة العندهم الاصل بتاع الشريط دا ثقلاء ثقالللللللللللللللة
طيب ياخي ما تورونا انتو وييين عشان لس ننسخو منكم و لهو هوووو احتكااااااااااار ابداع و السلام
غايتو انا كان الشريط دا ما نسختو الترابة في خشمكم بشيل حالكم عبر الاساااااافير عديل كدا
خصوصا انو كان عندي و شالو مني زميل و من ديييييك و عيييييييك
مودتي تمبس
| |
|
|
|
|
|
|
|
|
|
Re: .. ذكريات كــورال الحــزب الشيوعي السوداني .. (Re: tmbis)
|
يعني الجماعة العندهم الاصل بتاع الشريط دا ثقلاء ثقالللللللللللللللة
طيب ياخي ما تورونا انتو وييين عشان لس ننسخو منكم و لهو هوووو احتكااااااااااار ابداع و السلام
غايتو انا كان الشريط دا ما نسختو الترابة في خشمكم بشيل حالكم عبر الاساااااافير عديل كدا
خصوصا انو كان عندي و شالو مني زميل و من ديييييك و عيييييييك
مودتي تمبس
| |
|
|
|
|
|
|
|
|
|
Re: .. ذكريات كــورال الحــزب الشيوعي السوداني .. (Re: Amjed)
|
| Quote: غايتو انا كان الشريط دا ما نسختو الترابة في خشمكم بشيل حالكم عبر الاساااااافير عديل كدا |
.. امجــد:
الظاهر لي الترابة ح تكون في خشمك انت
يازول الناس دي اي واحد عندو نسخة .. مكنكش فيها شديد جدا ..
إنت القال ليك ( فــك ) منــو؟
مش قالو ليك كان فكيت ما تنــدم ..؟
غايتو كان اتصلحو معانا .. نسختك اعتبره وصلت ليك ..
| |
|
|
|
|
|
|
|
|
|
Re: .. ذكريات كــورال الحــزب الشيوعي السوداني .. (Re: NASERELDIN SALAH)
|
Quote: الاعزاء جميعا بدون فرز
فات على ان اذكر الزملاء
احمد المامون الامين من المجموعة الغنائية وجعفر حرقل من مجموعة الاوركسترا
لكم التحية ودمتم |
.. شكرا يامحمد مكي .. وانت تواصل ف يتحديث البيانات المتعلقة بهذا العمل ..ومازلنا نعشم في الكثير ..
..
.
أخونا نصر الدين صلاح
شكرا للمرور .. ودعم البوست
| |
|
|
|
|
|
|
|
|
|
Re: .. ذكريات كــورال الحــزب الشيوعي السوداني .. (Re: tmbis)
|
بوست تمام يا تمبس
به أرغمتني على المشاركة
فتلك أيام عزيزة لن تنمحي من الذاكرة
تحيةل:
- زينب عبدالمجيد
- نعمات خضر سعيد
- سهير محجوب سيد أحمد
- تيسير مصطفى
وإنحناءة لذكرى :
- عبدالرحمن عبدالله
- مصطفى سيد أحمد
كانت هناك ثلاث كراتين معبأة بشريط { كاسيت } الكورال راهنتني رشيدة
على توزيعها جميعها في حفل الإستاد
وكسبت الرهان
مازال الكاسيت يرافقني أينما ذهبت وأحتفظ بنسخة منه في البيت وفي السيارة
والآن بفضلك يا تمبس أحتفظ بنسخة في المكتب ، فكتر خيرك يا جميل
وحا نتابع
| |
|
|
|
|
|
|
|
|
|
Re: .. ذكريات كــورال الحــزب الشيوعي السوداني .. (Re: أبو ساندرا)
|
طبعا من الملاحظات الجميلة:
طيلة أيام الإستعداد لتنفيذ هذا العمل و التي إستمرت لفترة طويلة منذ شريط الإنتخابات و حتى إحتفالات العيد الأربعين1988
كان أبوليلى و بصفة مستمرة يعزف على آلة العود حتى صرنا نمازحه بإن أطلقنا عليه إسم فريد الأطرش تارة و (عواد الحزب على وزن عواد الست أم كلثوم) تارة أخرى‘ حتى يقلع عن ذلك و نسترده إلى آلة الكمان و التي كنا في شوق شديد لسماع عزفه....لأنها كانت تتأدب له...و أوحشنا كثير عزفه الجميل بسبب طول و تعدد فترات إعتقاله المتكررة عليه الرحمة...
المهم أنه و في حفل الإستاد و لظرف طارئ قرر هو أن يعزف الكمان لوحده دون ما إملاء من أي أحد منا... و طبعا كان عزف ....مافي داعي للتعليق فقط إستمعوا له أعلاه.
فعلق الصديق عمر فتح الله:
لا حولا.........دي كمنجة كومر 59 بس....سامع أبوليلى ده كان بلبلب كيف؟
ده تعليق دار بين إثنين من أعزف عازفي الكمان السودانيين....العمرين...منصور\ فتح الله...
و كانت أيام...
في القلب ذكراها...
ياليتنا عدنا
و لا شنو يا كتوص؟؟؟
| |
|
|
|
|
|
|
| |
tmbis
عبدالله شمس الدين مصطفى
نهال الطيب
معاوية كرفس
Azhari Nurelhuda
Elmosley
خضر حسين خليل
Mohamed Abdelgaleel
امير مصطفى احمد
طلال عفيفي
hanadi yousif
بهاء بكري
ادريس خليفة علم الهدي
معتصم دفع الله
حسام يوسف
علاء الدين حيموره
Elmoiz Abunura
Omer Elsheikh
عصام عبد الحفيظ
bent-elassied
محمد مكى محمد
حسن النور محمد
Amjed
أبو ساندرا
فيس بوك
تويتر
انستقرام
يوتيوب
بنتيريست