يوم الجمعة الفاتت دي: كنا قاعدين في استراحة كلاسيك، اتغدينا بي ربطة المعلم .. ضربنا البطيخ .. وحبسنا بي شاي ساده .. إنبرى صديق المووج في خطبة عصماء .. وتحدث كالعادة عن الهلال وإنجازات الهلال وفرمالة الصفر الدولي والكاسات المحمولة جوا .. ياخي انا زول ما بحب ( الكواريك ).. صديق المووج كان شايل ليهو ( قشة ) بينضف بيها لامؤاخذه في سنونو .. واظنها ( القشة ) التي قصمت ظهــر البعير .. طلع القشة وهتف بدعــاء .. خلته ابوذر الغفاري .. والله غايتو صديق المووووج ده كان زولا ( صالح ) .. والله الهلال ده كان يتكسر . حتة حتة .. ووووب يا حبيبي وكان مته ذنبي عليك .. المهم: قلت ليهو يا صديق والله الكلام ده عيب عليك .. ياخي ما تجيب لينا ( سيراميك ) هتف صديق المووج مرة أخرى وزاد من لهجة الدعــاء .. بعد أن استدعي .. الأمل عطبرة .. وجزيرة الفيل .. ودار الرياضة .. والرياضة المحلية .. وبعد أن تغزل في الأهلي المصري وعماد متعب .. والحضري .. ده كلو وأنا بعاين ليهو .. وقلت ليهو يا مووج الكلام ده بدينك وبدخلك في حتات ضيقة يوم الأحد بالليل .. فما كان منه إلا وأن هتف بمقولته الشهيرة التي هي موضوع البوست .. إنتو كان غلبتو الأهلي القاهري ( والله .. والله .. والله ) أنا اللبس لي ( رحط ).. طبعا الحمد لله الكلام ده كان في زي تلاتة اربعة انفار ومن ضمنهم مريخاااب الشباب ديل بورداب .. والمسالة دي للتوثيق عشان عايزين نشوف الرحط بتاع صديق المووج ده .. رحط ( تايلندي ) والا ( وارد الفاشر ) ..
ملحوظة: غايتو يا موووج .. كان ما جبت الرحط وجيتنا في الإستراحة .. يا في المنتدى .. تكون بالغته .. وفي الحالة دي .. بنشكل ليك لجنة .. لمتابعة أمر ( الرحـط ) .. على أن تضم ( رهــط ) من البورداب. بعدين كان ما جبت الرحط ده .. بيكون مافي فرق بينك وبين دخول القوات الأممية.. عشان ما تحلفو لينا ساكت .. وبعدين تجو تنطــو..
08-20-2007, 06:39 AM
نجوان نجوان
تاريخ التسجيل: 04-01-2006
مجموع المشاركات: 2641
يا نجـوان.. ودائما بتغطي بهدوء على الكيبورد .. موضوع الرحـط ده ما جندري بحت .. يعني ممكن نستعملو في الحالتين. اتفق معاك على اعتذار صديق المووج الصريح .. جدا للهلالاب .. وللبورداب الكانو حاضرين بالإضافة إلى: محاضرة ليها علاقة باللرحط .. وما شابه ذلك .. ودا طبعا علشان ما يعمل لينا نزاع جندري .. وتبقى عليهو ( تلاتة ) جرايم .. زي تلاتة امبارح - تجني على الهلال العظيم .. - خلق منطقة نزاع جندرية.. - وقيادة حملة ( أدعية ) كاذبة. رايك شنـو ..؟
08-20-2007, 06:52 AM
omar altom omar altom
تاريخ التسجيل: 07-15-2007
مجموع المشاركات: 921
تمبس وردنا للتو أنو الخال حمزاواي حالف مافي زول غيرو يلبس الرحط لي صديق الموج .. وكمان يوم الخميس في سماية بنية أحمد حنين ... أصلوا السماية بي هاجر جبرة
08-20-2007, 07:22 AM
على محمد على بشير على محمد على بشير
تاريخ التسجيل: 08-07-2005
مجموع المشاركات: 8648
يا علي .. الله يبارك فيك .. امس كان كررت الحركة بتاعتك ديك بالليل كان لقيت الجماعة كلهم وكان فتحنا ليك خط ساخن مع عمر الفاروق من استاد الهلال بأمدرمان .. لكن نقول شنــو .. حظك كدا عامل زي حظ الأهلى في استاد الهلال .. بالنسبة لي عمكم همزاوي .. ح نشتري ليهو ( صفــارة )
08-20-2007, 07:28 AM
حمزاوي حمزاوي
تاريخ التسجيل: 10-10-2002
مجموع المشاركات: 11622
Quote: تمبس وردنا للتو أنو الخال حمزاواي حالف مافي زول غيرو يلبس الرحط لي صديق الموج .. وكمان يوم الخميس في سماية بنية أحمد حنين ... أصلوا السماية بي هاجر جبرة
عادل اخوي أموووووووووووت أنا في جبرة يا تمبس اخوي مش متعودين على الفوز تعرف ليه شوف عدد البوستات المفتوحة يا اخي كل هلالابي فاتح ليه بوست صحيح الماشاف .................. تعرف احسن حاجة في الخال الساقط صديق الموج شنو أن مريخابي لو ما كان مريخابي كنت بدلتو بي عدة
08-21-2007, 06:32 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: مش متعودين على الفوز تعرف ليه شوف عدد البوستات المفتوحة يا اخي كل هلالابي فاتح ليه بوست
يا ابو النسب إنت كنت كويس ياخ .. مالك الحصل عليك شنو ..؟ بعدين ياخ السودان ده من النهار ما نام يل صبيحة اليوم التاني .. في مليون بوست اتفتحو في الشارع وفي الهواء الطلق .. زغاريد .. رقيص رقبه ـ دق وبطان .. جبخانه حية .. مالك إنت وفرانكلي والشة إياها زعلانين .. خلونا كمان نعبر عن فرحتنا .. لما تعملوا كدا مافي زول بيقول حاجة ياخي فرانكلي ده مع كل هجمة بيفتح ليهو بوست .. والله التقول عندو اسهم ( ارامكو ) في البورد ده .. خلونا نفرح .. ونفرحكم معانا.. غايتو ياابو النسب بالطريقة دي الشافني جبتهم ( رحطين ) ما كضب ..
يا ابو النسب .. انا امس علقت ملصقات ومطبوعات في مطعم ريم .. مطلوب القبض عليه حيا وبفرفر .. وبين قوسين ( صديق الموووج ) والجائزه يسيل لها اللعاب ..
جيب لي صديق المووج ده الاستراحة يوم الأربعاء .. وأطلع منها..
08-20-2007, 08:04 AM
tmbis tmbis
تاريخ التسجيل: 10-19-2002
مجموع المشاركات: 24862
عادل جبــارة كويس إنك جيت هنا .. شان تكون شاهد بس صديق الموج ده يوم الجمعة .. صرف عربي كتير جدا .. ودعاء بكمية بتاعت ادعية واقوال ماثورة وآيات قرآنية .. أنا قلت الزول ده من الإستراحة دي يمشي افغانستان عديل كدا.
كويس هاجر جبرة دي متوافقة مع الحيثيات .. لكن حمزاوي مافي ليهو طريقة تلبيس .. ممكن نديهو شرف .. قياس الرحط ده .. إنت نسيت إنو برضو لووون والا شنو؟؟
08-20-2007, 07:53 AM
tmbis tmbis
تاريخ التسجيل: 10-19-2002
مجموع المشاركات: 24862
ياعمر التوم .. موضوع البتاع ده طلع من يدي والله .. أنا كنت عايز اساهم مع صديق الموج ده على الاقل بمشورات فنية .. يعني مثلا .. اللبسو ليهو .. اخد ليهو المقاسات .. احدد الجودة .. علشان يا عمر مافي واحد يقوم يجيب ليهو اي حاجة مضروبة بعدين تقوم تعمل ليهو ( حساسية )
Quote: 3 صفر شارع القنابل المتفرع من العرضة شمال امام سوق الاحد.
الغريبة ده زي عنوان كرنقــو
08-20-2007, 07:59 AM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8629
يا مطــــر: ياخي أم صفيحة دي شنــو ..؟ ما تجيب لينا مسميات منتهية الصلاحية .. جيب لينا من خمسة وتمنين ولي جاي .. ههههههه بعدين صاحبك ده يا مطــر .. غايتو ظابط ليهو الأمور حسب طول لسانو ده .. الجخانين بتاعت البطحاء والرصيص خابرنها كويس .. ليك علي اظبط ليك ليهو ( طقم ) عمرو ما ينساهو .. كلما يشدو ما ينقطع بعدين في مفاجأة مع التلبيس لانو ح يكون معمول بي نظام مراوح ( بالجمبات ) وكان ما خلى بالو احتمال يطير بيهو ..
يا مووج .. ابقى مارق .. ورسل لينا المقاسات في الايميل.
08-20-2007, 08:06 AM
ثابت محمد ثابت محمد
تاريخ التسجيل: 10-17-2005
مجموع المشاركات: 2006
يوثقو ليك السمح يا يابا لكن قول لي .. إنت غالب لما توثق ..؟ البنوثق ديل انحنا .. نوثق ليكم الحي وووب بتاعتكم دي .. بلاي التقول الهلال ده غلب المريخ.. وثق في البوست بتاعك داك .. والله ريحتو طقت جنس طقه ..
ضارب المطرة والخريف الطاعم ده يا سيادتك ..؟ ايامك عنب والله .. يازول دي اتش إل .. ودمغة جريح ، وبدل سكن . كلووو ما عندك مشكلة .. بس المهم البضاعة تكون مظبوطه والمقاسات تمام .. يعني يا ابنوسي ما تجيب لينا زي النوعية البتكون ضيقه بالجمبات ديك .. ومحزقه .. صديق المووج ده لسانو طويل وبيشيل حسنا مبروك التلاتات .. وعقبال الكاسات .. من اي نوع
Quote: ملحوظة: تمبس غير مقيد بقبول اقل او اعلي عطاء
يا غلامابي .. بعدين في حاجة تانية .. الخامة بتاعت الجلد .. لازم تكون وارد الجنينه .. وياحبذا لو معاها كمان مركوب نمر ( قطع ) الجنينة .. علشان يكون عامل ماتشن مع ( السيور ) بالجمبات وكان ما لقو الحضري .. يشيلو المقاسات بتاعت ( عماد متعب ) لانو طولو كدا مناسب جدا مع صديق الموووج .. بس بيكون فيهو شوية ( ضيق ) كدا من ( النص )
08-20-2007, 09:17 AM
essam&amal essam&amal
تاريخ التسجيل: 11-15-2003
مجموع المشاركات: 2579
جيب ليهو بدلة خليهو يرقص عشرة بلدى مع الحضرى وليك على لى زمن من الغنا لكن اغنية امبارح والرقيص فى شارع العرضة اجيكم واغنيها ليكم وده مطلعه ا الهلال جا يا حضرى الهلال جا
دقسنا دقسنا وعصام ده رقصنا
ما بنتكلم مابنتكلم الكلام ده لى هيثم
نحن هلينا واتجلينا يا حضرى ارقص لينا
والبقية تاتى تحياتى تمبس سلامى للوالد ام وضاح
08-20-2007, 11:10 AM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
يا تمبس إزيك وكويس إنو ( الإجازة) الأخذناها بالغصب دي نهايته هذا الفوز ... أما عن صديق الموووووووووووووج (الأزرق) فأنا هنا لا أطالب بإعتذاره ولا أقبله أريده أن يلبس الرحط كما حلف على ذلك خاصةً وأن الموووووج في مباراة الأهلي الأولى داقي ليه صيوان في مطعم (الأكل الما خمج ) بغبيرة ولامي ليه خرتمية صهيوني وحينما رآني داخلاً وقف على قدميه رافعاً يديه بالفاتحة ورافعاً إصبعيه ( الوسطين) إمعاناً في إزلالي ... والله يا ود الموج يحلك الحلا بلة ...
08-21-2007, 09:22 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: أريده أن يلبس الرحط كما حلف على ذلك خاصةً وأن الموووووج في مباراة الأهلي الأولى داقي ليه صيوان في مطعم (الأكل الما خمج ) بغبيرة ولامي ليه خرتمية صهيوني
والله ياعمران .. مني ومنك .. حسع من دربي ده اكلم اسامة المصمم .. أخليهو يعمل كمية بتاعت برشورات وملصقات على برنامج ( الاستلليتر ) .. تكتب فيها حملة ( رحط ) صديق المووج .. تمشي تلصق الحاجات دي عند اسكراب هناك .. ( وتلغم ) ليهو المكان .. يازول قالو ليك صديق حسع بيفتشوا فيهو بالفتاشة ما لاقينو ..
Quote: وحينما رآني داخلاً وقف على قدميه رافعاً يديه بالفاتحة ورافعاً إصبعيه ( الوسطين ) إمعاناً في إزلالي ...
.. أها شفت يا عمران عشان الحركة بتاعت الاصبعين ديل .. حقو إنت بالذات تتبرع ليهو بي ( رحــط ) ( هاي كواليتي ) علي شرط يكون ( مشجـــر )
08-21-2007, 09:09 AM
tmbis tmbis
تاريخ التسجيل: 10-19-2002
مجموع المشاركات: 24862
الهلال جا يا حضرى الهلال جا دقسنا دقسنا وعصام ده رقصنا ما بنتكلم مابنتكلم الكلام ده لى هيثم نحن هلينا واتجلينا يا حضرى ارقص لينا
. يا أم وضاح .. اعتمدنا اللحن ده خلاص .. لانو ( كمبتبول ) مع الرحط بعدين الايقاع بتاعو .. حركي شوية ..
يا مووج .. عايز اللحن عامل كيف ..؟ ع.. السيكا والا النهاوند ..؟
بعدين أعمل حساب إنك ح ترقص ( رقصة الحضري ).. دي طبعا بدل رقصة القــرد قالو ..
بلاي ( كررب ) لينا اللياقة ما تجي تعمله لينا كلها ( توقع ) وتأخير زمن .. لحدي الآن النوعية بتاعت ( الرحوطات ) العندنا ماهله جدا .. ما تشيل هم يامووج .. والله اجيهك جيهه ..
08-21-2007, 01:54 PM
مزاحم الضوي مزاحم الضوي
تاريخ التسجيل: 04-09-2006
مجموع المشاركات: 561
لوووول يا مقاتــل .. نظام ( النقطة ) السلاخية دي ما بينفع معانا يا مقاتل .. إنت لاعب للتعادل والا شنــو ..؟ ما تدق لينا ( الوتد ) قبال ( الرحط ).. بعدين المسالة دي فيها توثيق .. خمسة جنيهك دي تجيبه لينا ( صرة ) وخيط يوم الأربعاء .. وتجي تنقط .. بي ضراعك .. والفــورة الف
تامبا ســــــــــــــــــــلام ،،،،،،،،،،،،، البارح حضرت الماتش مع مجموعة صهاينة كان من بينهم صديق الموج و مصطفى الشايقى و صلاح خضر (جهز ثلاثة صناديق بارد لتوزيعها بعد خسارة الهلال) كبوش و وليد خليل ولكن كالعادة مع بداية المباراة كان عدد الاهلة ثلاث مرات قدر الصهاينة . موقف صديق الموج قبل المباراة كان عامل ليه سوق و هرج ومرج و مقطع الناس الحركة . بعد بداية المباراة بدأ يتحدث عن الدرون كويس مع الهلال ، و قبل النهاية بعشرة دقائق خرج من القاعة بعد ما هتف فيه الهلالاب مرقو..مرقو... مرقو..... مرقو ....مرقو .....ولم يظهر بعدها طيلة الليلة كالعادة فى مطعم ريم الذى ضم أكثر من 100 هلالابى هتفوا و إنبسطوا مع المشروبات و الحلاوة التى التى لا تعرف من صاحبها من كثرتها .
ولك ودى ،،،،،،،،،،،،،
08-21-2007, 10:07 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: موقف صديق الموج قبل المباراة كان عامل ليه سوق و هرج ومرج و مقطع الناس الحركة . بعد بداية المباراة بدأ يتحدث عن الدرون كويس مع الهلال ، و قبل النهاية بعشرة دقائق خرج من القاعة بعد ما هتف فيه الهلالاب مرقو..مرقو... مرقو..... مرقو ....مرقو .....ولم يظهر بعدها طيلة الليلة
يا باشنمهندس طبعا صديق المووج مصنف هلالابي زعــلان ( بلص ) حسب الفقرة ( 2 ) . صفحة ( 25 ) من مختصر .. ( الزعــلان كلمو ) .. وجاء في المختصر .. إنو كلما ( صهيوني ) راهــن على هزيمة الهلال .. بي ( رحـط ) يجب أن تجهز ليهو ( رحطين ) ويقطعهم بي عرق العافية .. طبعا يا باشمهندس .. صديق المووج كان اولاد بمبا ديل ضربونا والله إلا كان .. نمشي ( تبوك ) ونقدم طلب نقليه هناك .. وبالمثل .. صديق المووج الآن محاصر من كل الجهات .. الله اعلم غايتو يجي مطعم ريم قريبات دي .. على كل أنا مجهز ليهو .. كمية بتاعت جواسيس .. أول ما يصل قلت ليهم اعملو لي ( مس كووول ) بس.. غايتو يا باشمهندس بنصحك لو عندك أي معلومة تتعلق بي صديق المووج أو مكان أختفائيه .. سارع بإبلاغنا فورا .. يوم الأربعاء بكره .. والزول ده محتاج ( بروفه ) .. ومقاسات، وحاجات تانية.. ونحن عايزين ننستر معاهو والله .. العوج ما بندورو ..
08-20-2007, 01:18 PM
د.محمد حسن د.محمد حسن
تاريخ التسجيل: 09-05-2006
مجموع المشاركات: 15194
Quote: مشيت افتش ليك رحط ما لقيت في واحد جاب لي الصورة دي و معاها التعليق ده
يانوبي .. الصورة دي حسع ما شايفه لانو السيرفر الله يكرمك .. بكسح ليك اي حاجة .. بلاي ده سيرفر والا قودويين اصلو ..؟ أما فيما يتعلق بالرحط .. فلازم تتصرف لينا باي شكل .. إنتو صديق المووج ده ما بتعزوهو والا شنــو ..؟؟
ملحوظة: صديقنا الطيب عبد الرحمن من أربجي .. معانا في الرياض هنا وهو متابع للبورد .. حملني السلام ليك .. وقال لي وصل اعجابو بي مداخلاتك .. أنا ما عارفو عاجبو شنو فيك .. بالرغم من إني قلت ليهو الزول ده زيو وزي اساسي واحد ذمة بي جنيه ما عندو ..
08-21-2007, 11:46 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: نحن من ضمن الرهط والا المرحوط لهم ود عمي ابقى جعلى
. يا دكتور .. افو . أفووو .. عايزين تلومونا مع الضيوف .. ياخي انتو سياد الجلد والراس، ضيوفكم الجايين لي صديق المووج ديل عايزينهم يشيلوا حالنا ..؟ انا لحدي الآن حشدت حشدت مبالغ فيهو .. لحدي الآن اتوزع عدد خمسمية ملصق في اماكن التجمعات السودانية .. وهناك عدد في الطبع .. ده يوم حوبتكم يا دكتــور .. واقول ليك حاجة .. علي بالطلاق كان ما اخدت ليك صورة تذكارية مع الموووج .. بكامل الاكسسوارات .. انا ما تمبس .. يازول إنت قايل نفسك ساهل علينا والا شنــو ..؟ بس اتحرفنو . وشوفو لي صديق ده وين .. شان بعدين ما يجي يشبكني يا تمبس البتاع ده ( ضيق من فوووق ) .. وأعمل لي ليهو ( كفه انقليزية ) .. أنا عارف صديق زول جنوو ( مماحكة )
08-20-2007, 05:08 PM
ismeil abbas ismeil abbas
تاريخ التسجيل: 02-17-2007
مجموع المشاركات: 10789
Quote: الرحط ما شغلتي بيهو .. لكن مع الرحط لو رقصناهو بـ ( الموزة حلاتا ) .. يكون في السلك ..
كيفك يا ( جنابو ) ( يا سيادتك ) .. عندنا زول صاحبنا زمان في الحلة يا عماد.. بيموت ليك في حاجة اسمها بوليص دي .. بعدين انا طنت بريحو ليك شديد .. لما اشوفو ليك في نص زحمة كدا .. بقوم بكورك ليهو: يا جنــابو .. يا كمندان، طبعا ما تفتكر المسالة دي كنت بمشيها ليهو ساكت وحات خوتك كنت .. ( بقرحو ) ليك ( قريح السنين ) بعدين ( الموزة حلاتــا ) دي شنو .. وجبتها لي من وين .. يا عمده ..؟ لكن اقول ليك حاجة ..؟ اكيد فردتك صديق المووج بكون حافظة . كدي غايتو نشوف النوته بتاعته بتقول شنــو .. وبنديها لي بتاع الأورغن .. قاعدين ياعماد تجيبو لينا حاجات غريبه خلاص ..
إنت صلاح وين الايامات دي ..؟
08-21-2007, 12:38 PM
tmbis tmbis
تاريخ التسجيل: 10-19-2002
مجموع المشاركات: 24862
Quote: الف مبروك أولا....ثانيآ الله يمرق صديق الموج من الورطة دى..صديق لسانو طويل ...وبرضو ذو فراسة لكن المرة دى الله يمرقو ساكت..
..يا سمعة .. ياخي انا ساهــل طالبت بس بي ( رحــط ملطي سستمز ) لكن ناس الحلة القدام قالو ليك مشتكين صديق في لاهــاي عديل كدا .. ويحليلو قالو من اليوم الكوركو ليك فيهو الجماعة في يوم كوورة الأهلي .. مرقوو مرقوو .. مرقوو .. لحدي الآن ما رجع .. وده كلو ما بحلو مني .. وبراك طبعا امس وقفت على الترتيبات والتجهيزات .. وكمية الدعوات الاتوزعت .. حسع غايتو مفكرين نرسل لي صديق المووج ده . ( موطرين وتلاتة نجدات ) نعمل ليهو موكب عظيم جدا .. وتشريفه .. وغالبا تجيب ليهو ( مزيكـا حسب الله ) المهم باختصار كدا يا سمعة الاحتفال ده حيليق بلسان صديق المووج الطويل ده ..
Quote: أى واحد يدخل فى العطاء من أهم الشروط أن يكون هلالابى وأعلن هلاليته فى البوست ده من قبل عشان ما يكون فى تزوير. عايزين نعرف الوقفة متين .والدعوة عامة.
بالنسبة للعطاء يا اسماعيل زي ما عارف لجنتنا العشرينية واعيه جدا ومفتحين .. بيفهموها وهي طايره .. من الناحية دي انا متطمن خالص .. وكلهم مفتحين عينهم ومستعدين لي صديق المووج .. الدعوة طبعا عامة .. الناس دي كلها جايه تجامل صديق المووج ..
08-20-2007, 05:28 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
الرهان مع سيد الأتيام قاسي وصعيب وما بتحملّو كويس أنو ماحلف بي الطلاق وألا كان بقينا في حصبيص الرحط هين ممكن ان يبر بقسمه والناس تسترها لا من شاف لا من دري التحية وسلام تعظيم لكل هلالابي عظيم بعد رمال الصحراء الكبرى والتحية الكبرى لأبطال الهلال الأشاوس
لك التحية والتقدير يا تمبس انت سكر وزدت حلاوة انك هلالابي ازرق
خالد
08-20-2007, 08:10 PM
Kamal Karrar Kamal Karrar
تاريخ التسجيل: 11-16-2006
مجموع المشاركات: 3734
بالله دا انت ياصديق ياموج الجماعة شابنك ليلة امس وين الرحط وانا جائى اشيل لى عشاء من مطعم ريم
تمبس الزول زولنا زمان لما غلبنا الزمالك قال
الهلال كروتو اتحسنت ام الزمالك وقع بعدها لبد شاف الترجى ولبد شاف اسيك ولبد شاف مباراتنا التانية مع اسيك دبت فيه روح المداعبة صديق الموج من عشاق الاهلى وهو معتقد ان الاهلى لا يهزم ايه رايك ياموج ايييييييييييييييه ندخلك سينما لوج ايييييييييييييييييه لا رحط ..لا روج ايييييييييييييييه وتاكل لحمة صاج اييييييييييييه ونتباطن بالكرباج اييييييييييييه
تمبا دولفين مرشح يشيل الكنفدرالية المشكلة مش لانه مهزوم 6 من المريخ العظيم المشكلة الكبرى انه فريق درجة تانية
عيب ياموج
08-21-2007, 06:45 AM
awad okasha awad okasha
تاريخ التسجيل: 07-15-2007
مجموع المشاركات: 3876
يا علاء الدين ، عندنا سوق هنا فى جده فى منطقه إسمها الكرنتينه ، هى عباره عن إفريقيا المصغره ، المهم أنا متبرع للمساعده وحأحاول أجيب ليك سعر ممتاز للرحاطه الإفريقيه من هنا ، بس أدينا المواصفات ونحن حنرسل ليك العروض .
08-21-2007, 08:12 AM
محمد عمر الفكي محمد عمر الفكي
تاريخ التسجيل: 10-15-2006
مجموع المشاركات: 7313
Quote: فما كان منه إلا وأن هتف بمقولته الشهيرة التي هي موضوع البوست .. إنتو كان غلبتو الأهلي القاهري ( والله .. والله .. والله ) أنا اللبس لي ( رحط )..
بموت بالضحك يوم فى المنبر ده ..
مبروك للهلال يا تمبس
08-21-2007, 08:22 AM
shammashi shammashi
تاريخ التسجيل: 03-10-2002
مجموع المشاركات: 2278
بما أن صديق الموج حركة شعبية. وبما أن أحسن الرحاطة بتصنع في جنوبنا الحبيب فسأقوم بالاتصال بالأخت ربيكا زوجة الراحل قرنق عشان تدقش سوق جوبا وتشوف لينا بي مزاج رحط قبل كدا مافي زول لبس زيو. وترسلو ليكم في السعودية بتيارة خاصة.
بس رسل لي المقاسات وحددوا هل عايزو بي ودع وللا بدون ودع والسيور يكون لونا كيف؟ مسترضي وللا ليموني؟؟ بعدين في رحاطة جديدة بيجي معاها Always
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
tmbis
نجوان
omar altom
على محمد على بشير
أبوذر بابكر
ثابت محمد
essam&amal
عمران حسن صالح
مزاحم الضوي
ahmed haneen
د.محمد حسن
فيصل نوبي
ismeil abbas
Emad Abdulla
طبعا ما تفتكر المسالة دي كنت بمشيها ليهو ساكت وحات خوتك كنت .. ( 
طارق جبريل
خالد علي محجوب المنسي
Kamal Karrar
abuguta
awad okasha
بشير حسـن بشـير
محمد عمر الفكي
هند محمد
معتز القريش
م. سيد احمد قدورة
فيس بوك
تويتر
انستقرام
يوتيوب
بنتيريست