|
|
|
 Re: * محمود عبد العزيز يغني ليحي فضل الله ... باشراف الموصلي ** (Re: tmbis)
|
شكرا ليك يا علاء يا ذائقة جميلة
وانت تفتحنا على هذه الأغنية الجميلة
واظن فيصل محمد صالح سيرتاح قليلا لو سمع هذه الأغنية بعد مقالته الحارقة والموجه وهو ينبه الى ان محمود عبدالعزيز فنان ذا طاقة صوتية عالية وجميلة لكنه يهدرها بعيدا عن بناء تجربته الخاصة والواعية بنصوص جيدة وهنا نبه فيصل الى ان محمود يحتاج لأصدقاء يساهمون في تقله الى مرحلة أهم من الذي يفعله الآن والان اظن ان المرحلة التي يطمح اليها فيصل قد بدات مع الموصلي وهاشم ويحيى فضل الله . كن هكذا دائما يا تمبس وارجوك على هامش هذا التعليق ان تكلمني اليوم ضروري بالمنزل 2918985 احتاجك لامر آخر.
| |
 
|
|
|
|
|
|
|
|
Re: * محمود عبد العزيز يغني ليحي فضل الله ... باشراف الموصلي ** (Re: tmbis)
|
عزيزي تمبس شكرا لابرازك درر هي من انتاج الذين درسوا من خريجي المعهد قلبا وقالبا
وبهاء الدين عازف الجيتار الرائع هذا هو اول لحن له خريج معهد الموسيقي كما ان الشاعر الجميل يحي كذلك والازركسترا كلها من الخريجين
واذكر ان هذا الشريط كان ورشه موسيقيه بالقاهره وكان محمود قمة الالتزام الفني بالتوقيت للبروفات والتسجيل وهو موهوب حتي النخاع ويحتاج الي شخصيات فنيه جاده حوله
لتتواصل مسيرته الغنائية الرائعه
بالله لو عندك خلي بالك حاول نزلها لانها ليها قصه حانزلها لما تنزلها وبعدين ماخشيت سمعت الجاز بتاع فاطمه ولا سمعتو وماعجبتك وبرضو لو ما عجبتك قول بس انت راجل فنان ورايك مهم
لك ودي
| |
|
|
|
|
|
|
|
|
|
Re: * محمود عبد العزيز يغني ليحي فضل الله ... باشراف الموصلي ** (Re: Elmosley)
|
الاصدقاء
تمبس
الجندرية
تماضر
نصار الحاج
الموصلي
هذه الاغنية فيها يا موصلي وتماضر فيها نفحة و مذاق معهد العمارات و فأجاني بهاءهاشم بتلحينها و هناك خطأ مفصلي فيها وهو كلمة ـ بيلهي ـ و الصحيح ـ بيلهب ـ يعني ـ الوتر البيلهب حس نغيمات الغلابة
ويا تماضر محمود عبد العزيز صوت يملك اتساع درامي وقد انتبه صديقنا قاسم ابو زيدلذلك وقدم معه مسرحية غنائية استعراضية هي ـ تاجوج في الخرطوم ـ بالمسرح القومي في العام 94 من القرن المنصرم و كان محمود يلعب دور المحلق و الاشعار لقاسم ابوزيد والالحان لعثمان النو و تصميم الاستعراض لسماني لوال و كتب المسرحية مجدي النور و اعادت هذه المسرحية الجمهور الي المسرح القومي لاكثرمن اربعين عرض و قد توقفت العروض باعتقال محمود عبد العزيز المشهور و بالمناسبة محمود درس بقسم الدراما بقصر الشباب ولازلت اهاتي ان تنتج اغاني هذه المسرحية في البوم لانها نقلة حقيقية في تجربة محمود واظن ان المسرحية كانت في 96وليس 94
مع حميم مودتي و تقديري
| |
|
|
|
|
|
|
|
|
 Re: * محمود عبد العزيز يغني ليحي فضل الله ... باشراف الموصلي ** (Re: Elmosley)
|
استاذ يوسف
تحياتي العميقه
اولا ااسف لعدم مواكبتي للبورد في الايام الفاتت نسبة للظروف العملية وقمت بحفظ البوست واستمعت لي فاطمة ..
وأعجبني اسلوبها .. الغنائي بس كان بيختلف الامر إذا كان في تجاوز في مسالة اللغة .. ومحاولة الغناء وتقديم الاعمال السودانية كتجربة رشا شيخ الدين .. وطبعا هنا مسؤوليتك بتتعمق .. في كتابة الاعمال والتوزيع والاشراف .. وتقديمه في تجربة سودانية بحته .. تضاف لي التجارب العديدة او المحاولات الاتطرحت في الساحه داخليا أم خارجيا ..
اما العمل موضوع البوست ده .. طبعا اكتشفت أنو معا الشريط ده من بدري .. ولفت نظري أنو معظم المتعاونين في الشريط ده .. من الاساتذة اللي هم خارج الوطن الآن .. في فترة بدأو فيها الانطلاقة بصورة قوية نحو العالمية .. وبفتكر لو انو محمود من الفترة نفسها اتوجهت ليهو كل العناية دي .. كان الآن بيختلف أو بيكون محمود آخر بالاضافة للامكانيات الصخمة ليهو..
طبعا مجموعة ما عادية من الاوركسترا .. محمدية ميرغني الزين ، باص ، ميكائيل ، مجدي العاقب ، نادر ، بهاء الدين هاشم ، ماهر تاج السر ..
وح انزل ليك خلي بالك بتاعت يس امبدي .. في اقرب فرصة القاها .ز وهي جاهزة الآن
شكرا يا استاذ وتصوم وتفطر علي ألف خير
| |
|
|
|
|
|
|
|
|
|
Re: * محمود عبد العزيز يغني ليحي فضل الله ... باشراف الموصلي ** (Re: tmbis)
|
والله الجماعة الكبار الفوق ديل ، يحيي ويوسف وتماضر بعزهم واحترم مواهبهم وقدراتهم وإمكانياتهم العالية جدآ ، وكنت من غاويهم ايام معهد العمارات ، وممكن أسمع كلامهم في أي حاجة ، حتى لو قالوا لي أرمي نفسك في النيل طوالي جمبلغ علمآ أنا ما بعرف العوم وبحتل زي حجر ، بس إلا في الولد ده بخالفهم وببطل سماع الغنا زاتو ، وأحسن لو عندهم جهد ، وعندهم ، أن يجودوا به لمن يستحق أ إنتو ما سمعتو ب عاطف أنيس وعلاء سنهوري ، وانا زمان شهد لي مصطفى سيداحمد باني احسن واحد بيسمع وبيفهم في الغنا ، سيبوني من حكاية الولد ده وشوفو ليكم شغله ، إنتو امبارح ما شفتوهو في النيل الأزرق؟ شوف مش سمع! اللهم لا إعتراض في حكمك
| |
|
|
|
|
|
|
|
|
|
Re: * محمود عبد العزيز يغني ليحي فضل الله ... باشراف الموصلي ** (Re: tmbis)
|
يا الجندرية ، الناس الفوق ديل لو كانو ناس عاديين كنا قلنا حب الناس مذاهب معاك ، لكن ديل فنانين ومتخصصين وبنعتبرهم ضمير الفن والوعي في بلادنا ، لمن يخذلونا ويروجو لينا مرمي السوق ده تاني مرجعيتنا حا تكون منو؟! أسواء تشويه تعرضت له الأغنية السودانيه كان من الولد ده والمصيبة كمان إستنسخ ليهو أخرين بذات النمط والمط الشائه ، أنا غايتو الليلة شكلي كده حا أفطر ،وده كلو من تمبس وطبقتها لينا هاله
| |
|
|
|
|
|
|
|
|
|
Re: * محمود عبد العزيز يغني ليحي فضل الله ... باشراف الموصلي ** (Re: أبو ساندرا)
|
العزيز ابوساندرا
تحياتي
اولا انا احترم رايك وبشده
ولكنني اود ان ابدي لك رايي بصراحه شديده
هل نحن نتحدث عن محمود عبد العزيز كمغني
ان كان الامر كذلك فانني اعتقد جازما ان محمودا كمغني
قد احدث ثوره غنائيه في مجال الاداء وانا اكتشفت هذا الامر قبل ان يشتهر محمود وايام تلمسه الطريق
حتي لايكون ذلك مرتبطا بشهرته او الجمهور الحالي اما الاشياء الاخري التي ادت بان يكون هنالك رايا معارضا فهذا موضوع اخر
وفي مسار موسيقانا هنالك المغني المؤدي والمغني الملحن لذا فمقارنتة محمود مع كل من
عاطف انيس وعلاء سنهوري ظالمه لان هؤلاء فنانين من القئه ذوي الرؤيه الفنية للعمل وقد يتطلب قبولهما زمنا طويلا مثلما حدث لكل العمالقة
الكاشف عثمان حسين ابوعركي محمد الامين مصطفي سيد احمد الخ وهذه النوعية حينما تصل الي الجماهيرية فانها تكون ثابتة في كتاب الفن السوداني
تحياتي
العزيز تمبس انا مافهمت ردك بخصوص فاطمه ؟
ممكن تشرح بالتفصيل؟
| |
|
|
|
|
|
|
|
|
|
Re: * محمود عبد العزيز يغني ليحي فضل الله ... باشراف الموصلي ** (Re: فتحي البحيري)
|
الاخ ابوساندرا
عارم التحايا والود والتقدير
ألمني ان اضعك في موقف خذلان كما قلت وسرني حرصك علي مهام الاغنية فلا تقلق يا صديقي فانا لا اتفق كثيرا مع نشاط محمود عبد العزيز الحالي واحزن جدا لانه يهدر امكاناته الغنائية فيما لا يضيف و الاضافة لا يمكن ان تتاتي دون ان يملك المغني بعد ثقافي عميق كي يصبح صاحب مشروع و هذا هو حال محمود عبد العزيز وكذلك هو حال المغني ذوالصوت المميز عثمان مصطفي الذي تحول الي مداح تماشيا مع فكرة الفنان الرسالي في هذيان ما يسمي بالمشروع الحضاري ، اؤكد انه بدون ذهنية ثقافية يصبح صوت محمود عبد العزيز مجرد بندق في بحر ساكت واتمني ان اكون قد اخرجتك من حالة الخذلان تلك
| |
|
|
|
|
|
|
|
|
|
Re: * محمود عبد العزيز يغني ليحي فضل الله ... باشراف الموصلي ** (Re: tmbis)
|
محمود عبدالعزيز بلغة اهلنا الطيبين عندو زمبارة كاربه،ولكن هل ده كفايه؟المحزن انو ماقادر يستفيد من وضعو كفنان متميز ودخل فى بحر تانى موجو لابيودى لابيجيب
واوافق يحيى على رأيو فى محمود عبدالعزيز فبدون تصور ثقافى وافق واسع وقدره على التطور فهو حيكون بندق فى بحر ساكت على قول اخونا يحيى،مثله مثل كثير من الظواهر الفنية التى ملأت الساحة وخبت
| |
|
|
|
|
|
|
|
|
|
Re: * محمود عبد العزيز يغني ليحي فضل الله ... باشراف الموصلي ** (Re: bushra suleiman)
|
استاذ بشري ..متعك الله بالعافية
وجهة نظرك متطابقة مع الكتيرين ..بخصوص محمود ..
سؤال ؟؟ هل ممكن في حالة طلب محمود لي نص من نصوصك الجميلة ممكن .. تتيح ليهو فرصة أنو يتشرف بيعمل منك ؟؟ وساعتها هل يمكن ان يكون في مقام الهادي ؟؟
والا الحاصل شنو يا استاذ ؟؟
عموما جميل جدا انك موجود معانا .. وجميل جدا أنو البوست خلق مساحه من وجهات النظر المختلفة .. ومن عدة زوايا مؤثرة في تكوين العمل الفني .. ولسه بنطمع في الكتير من المداخلات .. بخصوص محمود الظاهرة ومحمود الفنان ..
| |
|
|
|
|
|
|
|
|
 Re: * محمود عبد العزيز يغني ليحي فضل الله ... باشراف الموصلي ** (Re: tmbis)
|
تمبس
والاخوان
الراجل دا شوف عينى ادق اكتر من جرس المدرسة واريتو فى حاجة فيها فائدة يااما مسك العداد وطرشق الحفلة ياجا متاخر قبل نهاية الحفلة بى دقائق وكلها حجات بتاعت زول مامسئول,,, المهم الزول والله صوتو سمح الا مبارى ليه شلة انس كدا ربنا يعينو ,,,كان غنا غنا الفنانين التانين والله مابقصر فيها لكن لم يغنى غناهو ناس مدهشة ومفرحة والجديدة حقت بخت الرادوه جيرانو ديك ماعارف اسمها شنو والله انسو بس ,,,ناس الموصلى ويحيى خلو بالكم منو ومن الزيو عشان مايروح شمار فى مرقة
وجه الشبه بين محمود ولعيبة المريخ انهم الاتنين بيدقو من جمهورهم
ودالديم
| |
|
|
|
|
|
|
|
|
|
Re: * محمود عبد العزيز يغني ليحي فضل الله ... باشراف الموصلي ** (Re: wadaldeem)
|
ود الديم
سلامات ورمضان كريم
والله يا ود الديم كان علي حكاية الدق دي الشعب السوداني ده كلو الدق ما فايتو .. وبالذات الفنانين مش دق .. موووت عديل كده ..
وطبعا زي ما اتفق الناس الفي البوست ده أنو مسألة السلوكيات دي خاصة الشخص .. انا شخصيا يا ود الديم ..بسمع للزول ده من ناحية معينة .. الصوت الاداء .. وبعتبرو أنو قلته ..أو هو المميز علي جيلو ..والدليل علي كده وجودو في الساحة من فترة طويلة واتعامل مع عدد كبير من الملحنيين .. وتغني بي صورة جيدة بعدد من الاغاني لمعظم الفنانيين .. ولاقت استحسان الجميع...
| |
|
|
|
|
|
|
|
|
|
Re: * محمود عبد العزيز يغني ليحي فضل الله ... باشراف الموصلي ** (Re: tmbis)
|
1- تماضر
كوييييث ، وإنشاءالله إنتي ما يطولك وجع ، إلا وجع الطلق ،وأعترف ان موقفي له علاقة بالشوف ،لكن أيضآ حتى السمع عندي فيهو رأي وأرجو متابعة ردي على الموصلي ويحيي
2- الموصلي
الموضوع الأخر ليس هو الحاسم ،انا إستمتع جدآ ب زيدان مثلآ ولم يمنعني رأي في السلوك وإهدار طاقاته وصوته في الليل وتوابعه أن أغتني له جميع أعماله وما زالت داوي ناري وإلتياعي تداوي أوجاعي وتطفي نيراني ، وكذلك عثمان مصطفى ممكن جدآ القاهو وما أسلم عليهو ،لكن { طال علينا فراقكم والله مشتاقين} رافقتني سنين طوال ومازالت وكذلك تلك الأغنية الصومالية و{ إفتكرت الشوق يجيبوا والحنين } يعني قادر على التمييز وفي كل الأحوال أميل للغناء التمام صرف النظر عن الفنان وسلوكه ،هذا تقييم أخر
برغم إحترامي لي رأيك وإعترافي بقدراتك العالية ، لآ إتفق معك في رأيك في الولد ده ، صوته قوي نعم لكنه خالي من التطريب لا يطربني البتة ، كما أن طريقته في الأداء نمطية أنتم المختصين سميتوها { إستايل} والمصيبة هذه النمطية/الإستايل تفشت بين المغنواتية الشباب
3- يحيي
بدءآ ، شكرآ جزيلآ على إهتمامك بمعنوياتنا من الخزلان وقد أرضيتني تمامآ ، وانا موافق على طرحك فيما يتعلق بالفنان الموقف، القضية ، ألإلتزام سلوكيآ ووطنيآ ،وأي منهم يكفي وفي مسيرة الغناء السوداني عمالقة بفنهم ومواقفهم ، وأخرين لم نعرف لهم مواقف وطنية ولكن حافظوا على سلوك مشرف ومناقبية إخلاقية عالية ، وبعضهم لا هذا ولا ذاك لكن قدموا أعمال راءعة وممتازة مثل المثلين أعلاه شفعت لهم إمكانياتهم الفنية الغالية فتسللوا لأذني برغم إستهجاني لمواقفهم من ناحية وسلوكياتهم من ناحية أخرى ، اما الولد ده فلم يقنعني كمغني وأرجو مطالعة ردي على الموصلي أعلاه
| |
|
|
|
|
|
|
|
|
|
Re: * محمود عبد العزيز يغني ليحي فضل الله ... باشراف الموصلي ** (Re: Elmosley)
|
استاذ يوسف ..
رايك اضافة حقيقية في حق محمود من الناحية الفنية .. والكاسيت النزلت منو العمل ده من اجمل ما تغني محمود .. وتجربة حقيقي مفيدة كانت لي محمود وكنت بتمني أنو يستمر فيها بي صورة جاده .. لكن الخلل الفرض نفسو من واقع الحياة .. السفر والهجرة كان سبب رئيسي من أنو محمود يحظي بي رعاية مكثفة .. من عمالقة زيكم ..والاوركسترا المصاحبة .. وزده طبعا ماتقليل من .. حجم المجموعات الموجوده حاليا بالساحة علي قدر ما هو تحسر علي فقدان كوادر .. متمرسة .. اكاديميا ومن فترة طويلة .. واتعاملت حسب معطيات محمود والأمكانيات المعاهو وقدرة توظفه في الاتجاة السليم ..
سعيد بي وجودك يا استاذ من كل النواحي .. وسعيد ايضا بتحاورك المفيد جدا ..مع العزيز ابوساندرا .. مع اني افتقد لي علاء سنهوري بشدة ..
| |
|
|
|
|
|
|
|
|
 Re: * محمود عبد العزيز يغني ليحي فضل الله ... باشراف الموصلي ** (Re: tmbis)
|
الاخ علاء
يلا روعة الكلمات وتكامل العناصر الاساسية في تكوين الاغنية كلمة ولحن واداء يحي فضل الله يجسد لك الاشياء دائماً واقع امامك كأنك تعيشها اللحظة ومحمود عبد العزيز يكمل روعة تلك الكلمات بالصوت والاداء الرائع بحق وحقيقة واخرج هذه اللوحة في شكلها الاخير الاستاذ/ بهاء الدين هاشم باشراف الاستاذ/ يوسف الموصلي وهو غني عن التعريف وخصوصاً في مثل هذه الاغاني والكلمات البسيطة والمعبرة وفي الخاطر أغنية " بكتب ليك رسالة طويلة يا امي" ولنا عودات ولكم التحية
وليد احمد "الوالي"
| |
|
|
|
|
|
|
|
|
|
Re: * محمود عبد العزيز يغني ليحي فضل الله ... باشراف الموصلي ** (Re: tmbis)
|
خلي بالك من اشعار يس امير
والحان الصديق عمر صلاح امبدي
وعمر هذا التقيته في السعوديه في مدينة خميس مشيط حيث كنت اقيم حفلا بتلك المدينه
المهم انه عرض علي اعماله لابداء الرائي وقد اعجبت باسلوبه وعندما اتي محمود الي القاهره اعطيته الشريط ليسمع ويختار منه واحده وقد اختار خلي بالك
والتي طلبن من ماهر تاج السر توزيعها وقد ابدع في ذلك
خصوصا عندما استخدم الخليه اللحنيه الرئيسيه لسيمفونية القدر لبتهوفن
كلازمه موسيقيه وهذا ذكاء وفكره رائعه حسدته عليها
| |
|
|
|
|
|
|
| |
tmbis
الجندرية
nassar elhaj
Tumadir
Elmosley
Yahya Fadlalla
أبو ساندرا
فتحي البحيري
bushra suleiman
waleedi399
فيس بوك
تويتر
انستقرام
يوتيوب
بنتيريست