|
|
|
 Re: ** صديقي دافئ *** كلما اوغلت في النفس الحسرات اتذكرتك كان ما جيت انا ما (Re: قرشـــو)
|
الحبيب العمدة قرشو
انا ما عارف الحاصل شنو
لكن الزول ده انا فاقدو من فترة طويلة حتي في الماسينجر ما ظاهر وما كنا بنتفارق لحظه
الوحدة اصعب حاجه ممكن نواجهه بعدما اتعودنا علي الجميع
اناما لاقيتو قبل كده لماني معاهو البورد ده وعرفتو زول ود ناس
وأخو أخوان بتألم لي الم الكل
ما داير اقول ماخد في خاترو لن برضو اصعب شي أنو نكون بعيدين من هنا
غربه
وكمان وحده
وعذاب
وألم
طيب شنو تاني
شنو تاني يا دافي
| |
 
|
|
|
|
|
|
|
 Re: ** صديقي دافئ *** كلما اوغلت في النفس الحسرات اتذكرتك كان ما جيت انا ما (Re: شدو)
|
تمبس
هبت رياح الماضى..أمس
صحيت من النوم حالي ما على بعضه
حسيت بقرب انتكاسة متعلقة بادمان البورد
قلت الله يكضب الشينة.. وان شاء الله حيكضبها
المهم تصفحت وتصفحت وتصفحت وتصفحت في البورد
قمت دخلت الارشيف ...جارية ورا ايمو لاني شفت اسمه
طاخ على راسي ..اصابني ليك شاكوش الاندهاش
قال شنو قال دافي وقفوه من البورد لأنه استعمل كلمات غير لائقة
المهم لقيت ليه الكواريك والزحمة والجوطة وموية الغسيل المدفقة اتزلقت لي كم زلقة كدة لما في النهاية مسكني ليك بكري وقال لي قولي بسم الله الموضوع انتهى والمشكلة كانت في النظر وخلاص ركبنا نضارة..حتى حمدت الله وقلت ليهم موية الغسيل دي تاني دفقوها بعيد ولا خلو اخوكم الفي امريكا داك يرسل ليك دولارات اشتروا ليكم لوري رملة عشان تردموا الموية البقت خيران خيران دي
المهم النصيحة انا راسي لسه لافي
وينو الوليد المنضمة دافي ده طار وين
جيبوهو لي النسألوا هو مالو روحو محرقاهو
كان للعرس بنعرس ليه بس هو يصبر شوية لما البت تتم السبعتاشر سنة
كلها خمسة سنوات هسه تمر زي الهبوب
| |
|
|
|
|
|
|
|
|
 Re: ** صديقي دافئ *** كلما اوغلت في النفس الحسرات اتذكرتك كان ما جيت انا ما (Re: rummana)
|
سلام مربع
فعلا ياجماعة وين دافئ الدافئ
؟؟
ليه نحن كده ..؟ من يغيب عننا شوية ننساه
؟؟
حقيقي حقيقي نحن سيئيين خالص جدا
كمان
يادافئ . معليش ياود امي .. لسنا ملائكة لنزين لك تقصيرنا في حقك
لكن نحن بشر
عشان كده سامحنا لو قصرنا معااااك
برضو السماح من الناس السمحين
احلى سمااااااح
تعال يلااااا البورد وناس البورد كلهم
مادين ليك ايديهم
خليك سوداني وقول لينا
سمااااااااح
| |
|
|
|
|
|
|
|
|
|
Re: ** صديقي دافئ *** كلما اوغلت في النفس الحسرات اتذكرتك كان ما جيت انا ما (Re: tmbis)
|
تمبس
مصر تخت صورتي دي؟؟؟
انا عارفة دافي وين
الزول ده حرد ليكم البورد بعد ما طردتوه
عندو كرامة
لم ينزل بوست رسمي بتاع اعتذارات،، اشمعنى؟؟؟
شان هو شين؟؟؟
بصراحة يا دافي لو بتقرا في كلامي القطعتوا من راسي ده ،، يعني لو ما زلت تقرانا وما طويت صفحة البورد ،،اعلم اننا نشتاق جنك
واذكر مرة لما رمانة قررت تترك البورد،، اذكر انك وقفت احتجاجا،، وزعلت وطلبت منها الاستمرار
ده يا انت،، يا الزهايمر ووجع الركب قايم علي
بالله اظهر عز الناس دي
فلا يرد دعوة كريم إلا لئيم
| |
|
|
|
|
|
|
|
|
|
Re: ** صديقي دافئ *** كلما اوغلت في النفس الحسرات اتذكرتك كان ما جيت انا ما (Re: tmbis)
|
بت قضيم قالت:
Quote: لم ينزل بوست رسمي بتاع اعتذارات،، اشمعنى؟؟؟
شان هو شين؟؟؟ |
ودي حنينه
Quote: بت قضيم--أحييك و اتضامن معاك
يا بكري-- نزل بوست إعتذار
دة من حق دافئ---ولا شنو؟
|
وده كلام جمال
Quote: يا ادارة السجم نزلو بوست اعتزار للزول دا
بنفس حجم بوست فصل العضو دافئ
يستاهل برضو
|
والإدارة عامله ميته
والله يا منقه كان ما الايام دي حيلي مهدود كان جبته ليك طلطاشر محامي
دكين ده كان جبتو بيعمل ليها طبظه
انته عارفوا لخباط كيف
المهم خليني اشوف الحنك ده نهايتو شنو ؟؟؟؟
وانته شايفني كاتل حيلي كده قايلني مابوصله الامم المتحده مش كده ؟؟؟
عينك بتشوف
| |
|
|
|
|
|
|
| |
tmbis
قرشـــو
Ahlalawad
rummana
shiry
بت قضيم
الجندرية
Tumadir
haneena
اسامة الخاتم
فيس بوك
تويتر
انستقرام
يوتيوب
بنتيريست