|
|
|
 Re: ** دكتور ..ابكررررررررررررررررررررررر (Re: THE RAIN)
|
صديقي المطر
صباحك نديان ... ومفرهد ..
...
الواحد يامطر لما..يوظف الصدق الفيهو في حب الناس .. شكل الحياة بيكون اجمل ..
وبيكون هو مميز ..
انت قايل حب الناس ده ليه يامطر .. ما انعكاسات بياض قلب الواحد . في تفاصيلو .. ابتسامه مرسومة .. بشاشة
وسكينة .. وكلمة طيبة ..
البوست ده يامطر تتخيل .. جاب لي الزول الجميل رحمابي ..
سمعني صوتو..
رغم ظروفو الصعبه .. الا انو بيفتش برضو معانا لي دكتور ابكر
وبينده عليهو باعلي صوت ..
| |
 
|
|
|
|
|
|
|
 Re: ** دكتور ..ابكررررررررررررررررررررررر (Re: almohndis)
|
تمبس .... ياااااه ..... خلّيت جناح الوجع ينفرد ... يا لطولة غيابك يا صديقي ابكر عن هذا المكان !!!!؟
اذكر احلامك بعد تعبٍ و نيف و تسكّعك المملؤ بالمعرفة في قلوب الاصدقاء الذين تشتتوا .
اذكر نهارات الحوارات تلك حين كنت تشق الطريق للقهوة بعد طول قعاد مع اصابعك المتورمه بفعل الضربات المتلاحقه علي ازرار الكي بورد.
اذكر الدلنج ذات خريف وقت كان معي( خالد جاغوار ) عليه الصبر علي رحيله ، و اذا بنا نفاجأ بك تجلس القرفصاء علي اسنّة الاحجار الصغيرة للارض المتدلنجة بك وبساكنيها ، ضحكنا فرحناً ، وضحكت حنيناً ، ثم كلّنا اصابتنا ضاد الضحك عندما عرفنا ان كل هذا الجلوس كان للاستماع و الاستمتاع لاغنية رائعه يؤديها مغنّي غامض و نبّهتك لبعض تناقضات الاجتماعي و السياسي في البلد .
كم حندكت ( الفرشايه ) بك يا صديقي ، و كم في منزل الرائع التشكيلي النحّات ( بليا ) اغمضنا عين العادي وتسكّعنا في ازقّة المختلف/الموحش/المحرّم/الجميل/المدهش و شربنا كاسات القصائد وسكرنا بالحوارات الدسمة باضاءاتها للاودية المتنوعة من اقاليم الفكر و المعرفة .
وينك يا ابكر
سافر (بليا)
اختفي(ايهاب)
مات (خالد)
مات (نزار جلاب)
وانت ذاتك كلما شوارع المسانجرات والايميلات لا اجدك.
وانا ذاتي علي قاب فترين او احزن لفقدي المتكرر للاصدقاء وبطرق لئيمة لا تناسب كل الحب الذي كان ، كل الاحلام التي ما زالت تركض في البال .
و هنا كم كنت اشبع بيدك تكتب .
يا ريت لو طلّيت و خلعتنا بك معنا مرّةً احلي هنا .
و
سلام حتي مطلع الامر
| |
|
|
|
|
|
|
|
|
|
Re: ** دكتور ..ابكررررررررررررررررررررررر (Re: tmbis)
|
رررررررررررررررررررررررررررررررررررر
الحبيب علاء تمبس
تحياتي واشواقي
أسمع عليك الله شيل (الراءات) ديل زيد بيهن راءات د. أبكررررررررررررررررر لأنه هذا الأديب الدكتور يستاهل أكتر من كدا
عجبتني الطريقة الكتبت بيها البوست
ربنا يديك العافية
| |
|
|
|
|
|
|
|
|
|
Re: ** دكتور ..ابكررررررررررررررررررررررر (Re: tmbis)
|
سلامات
تمبس
من يومك راقي وجميل
...
البينا نحن شوق وحنين
والبينا نحن كلو هين اريتو هو يبقي طيب
ووالله العظيم اكثر مااشتاقه هو حرف لهذا الرهيف الحريف الخريف
د.ابكر ادم اسماعيل
نشتهيه مذ الدرس الاول والي ان نصل الي اخر الدروس
شفيف للغاية
والله له مني كثيف الدعاء في ان يكون بخير وصحة جيدة وان يكون قلمه كما عهدناه دوما بلسم لجراحات عتيقة
واتمني ان تكون كل احواله في تمام وكمال
وله مني المحبة الصادقة ولكل الغائبين قسرا او طواعية
وعشان خاتر البلد والريد المتلتل كتف الحنين جواي
بقولو تعال يابرق قبلي واختف عمي الدنيا ورطب جوف ارض مغبونة حرقة وشوق
د.ابكر
بالله تعال لينا وبتلقانا دائرة شوق ومركز ريد كبير في رجاك
....
تمبس
كل يوم يمر هنا في البورد اكتشف فيك اشياء جديدة مجملها بهي وسمح
واتمني ان اعيش كثيرا حتي تظل اكتشافاتي في توارد وثراء
لك الود المقيم اقامة حرة بلا كفيل
| |
|
|
|
|
|
|
|
|
|
Re: ** دكتور ..ابكررررررررررررررررررررررر (Re: ودرملية)
|
ودرملية
مليون سلام ..
اخجلتني عباراتك الجميلة في حقي ..وعاجز عن الشكر واتمني دايما اكون في محل كل ما هو جميل ويلاقي احترام واستحسان الكل ..
وأرجو ان تلاقي كلماتك الجميلة المقصود .. وتصل إلي استاذناالجيلي د. ابكر .. اينما حل .. وتسهم في اعادته .. بيننا لاننا في انتظار الكثير من قامة مثل استاذنا ابكر ..
اكرر شكري ودرملية
د. ابكر
هل عدت ياخال ؟؟؟
| |
|
|
|
|
|
|
|
|
|
Re: ** دكتور ..ابكررررررررررررررررررررررر (Re: tmbis)
|
د.أبكر أيها الرجل الجميل
كم نفتقدك
شكرا تمبس لهذا النداء الحار
ونتمنى معك ومع كل محبي هذا الرجل الشفيف أن يعود ليزين البورد بيراعه الآثر ولغته الرصينة وفهمه العميق للأشياء
نتمنى أن لا تطول غيبتك عنا يا د. أبكر آدم إسماعيل
| |
|
|
|
|
|
|
|
|
|
Re: ** دكتور ..ابكررررررررررررررررررررررر (Re: tmbis)
|
الإخوة الكرام :
الرجاء التكرم بإعطاء عنوان أي موقع للدكتور أبكر و كتاباته و رجاء خــــــــــــــاص من لديه إطروحة الدكتور أبكر ( جدلية المركز و الهامش و إشكالات الهوية السودانية ) أن يرسلها لي عبر البريد الإلكتروني أو عبر هذا البوست و لكم جزيل الشكر .
my email is [email protected]
| |
|
|
|
|
|
|
|
|
|
Re: ** دكتور ..ابكررررررررررررررررررررررر (Re: tmbis)
|
تمبس الحبوب
شوفت بس فسيخ دي فرملت عندها واتذكرت غدوة مع واحد صاحبي الله يطراه بالخير كانت صحن فسيخ ماكن وواحد تاني قدره شطة بالليمون وضاربين معاهم سبعة طارات رغيف أبو قرشين حق زمااااااااااان داك الرغيفة الواحدة تغديلها راجلين...
بالله بس فسيخ الوالدة ده كان جاك تديني منه حتى لو قدر حشوة سندوتش صامولي !!!
الله يديك العافية ,,,
عمك العجوووووووووووز
| |
|
|
|
|
|
|
| |
tmbis
THE RAIN
almohndis
عاصم الحزين
بدرالدين شنا
waleedi399
ايهاب
الجندرية
Abdel Aati
ودرملية
عاطف عبدالله
ahmed abdul daim
Al-Shaygi
فيس بوك
تويتر
انستقرام
يوتيوب
بنتيريست