|
دعواتكم لزميلنا المفكر د.الباقر العفيف بالشفاء العاجل
|
|
 Re: ** استاذ الموصلي دخلنا في ورطه ** (Re: tmbis)
|
يا تمبس يا اخوي
ناس الموصلي ديل كاوروا اي زول سمح
بلبلتين والسقيد وماهر تاج السر والموصلي
ونهلة عبد المنعم ودكتور حسن الجزولي
والقائمة طوييييييييييييييييييييييييييلة
نحن لينا الله والشرايط الكاسيت بس.
نهلة عبد المنعم دي بالذات كان ممكن تكون علامة لوحدها في الغناء لكن انريكا دي بتخلينا يا اخوي.
فتشلك لوتري من ضو عشان تطرق جيتارك مع الناس السمحين ديل. تعرف انا بتخيل لي يومهم كلو غنا.
| |
 
|
|
|
|
|
|
|
|
Re: ** استاذ الموصلي دخلنا في ورطه ** (Re: الجندرية)
|
تتصور يا تمبس ابن عمي رسل لي سي دي
قال لي دي حفلة في امريكا
اول غنية سمعتها فيه كانت البابور جاز خلي اليشتغل الشغل بي الجاز
وقلت في سري مادام البابور جاز وصل امريكا نحن المقعدنا هنا شنو؟؟؟؟ فتشلك بابور هوا وامشي طوالي قشة ما بتعتر ليك
| |
|
|
|
|
|
|
|
|
|
Re: ** استاذ الموصلي دخلنا في ورطه ** (Re: nazar hussien)
|
والله يا تمبس انا ذاتي بفتش عليها ولكن عندي تسجيلات كتيره ليها وحلوه كمان
وكنت ناوي اساعدها كتير بس ما لاقيها يخيل لي رحلت لي كالفورتيا
وها انذا انادي عليهاعالي يانهله الكل في انتظارك
وياتمبس عندي ليك مفاجأه جديده مغنيه جاز امريكيه ولكنها سودانيه من الاب المانية الام
وما حاقول ليك الاسم بس انتظرني يومين تلاته
| |
|
|
|
|
|
|
|
|
|
Re: ** استاذ الموصلي دخلنا في ورطه ** (Re: tmbis)
|
الحميم تمبس
أشكرك على كلامك الأنيق
أحرجتني
يا حميم
كأنك تقرأ أفكاري
حقيقةً أنا طيلة خمسة أشهر وأنا أستمع لشريط شوق الهوى بلا أي ملل
وأعتقد أنني سأستجيب لدعوتك خصوصاً أن أغنية الكلام القالو عنّك مميّزة وتفتح الشهية
وإن كان كل الشريط مستفز
يا حميم
نلتقي قريباً في محاولة سأجتهد أن أكون عند حسن ظنك من خلالها
وأشكرك على المتابعه والإهتمام وأحيي ذائقتك الحسّاسة
أبداً
علاء
| |
|
|
|
|
|
|
|
|
|
Re: ** استاذ الموصلي دخلنا في ورطه ** (Re: tmbis)
|
تمبس بس داير اذكر معاك الموصلي انو فات علي المواعيد تلاتة يوم ولسة منتظرين , ولا توقيت الأستاذ سوداني ؟
الزول بقى يباري بوستاتك يا تمبس زي أكشاك الحاجة الباردة في موقف بحري والدلالة بتاعة السوق الشعبي امدرمان , لو عرف الموصلي وناس حصاد فضل المحلات دي كان فتحوا مركز توزيع لي حصاد هناك
أبنوسي
| |
|
|
|
|
|
|
|
|
 Re: ** استاذ الموصلي دخلنا في ورطه ** (Re: tabaldy)
|
تمام يا استاذ يوسف
انا وتبلدي .. وشكلنا ح نزنقك شديد باقي ليك يوم ونص والنص ده مني انا اصلو بالي طويل
تبلدي
تعرف انا ذاتو بقيت اباري بوستاتي والله لانو في حاجات ما بحس بي متعته الا هنا معاكم يعني زي ما تقول الواحد مشغل ليهو شريط خطير كده وخاتي الجهاز في راس الحيطة والشباب متلمين في العتبة بتاعت الشارع بره .. شفت الموضوع ده كيف ؟؟ وبعدين حقك راح طبعا لقيت شريط سكت الرباب .. يعني حقو الواحد يقلعك ذاتو مش يدفع ليك .. اها داير اغنية شنو منو ؟؟؟
| |
|
|
|
|
|
|
|
|
 Re: ** استاذ الموصلي دخلنا في ورطه ** (Re: tmbis)
|
Dear Timbis
Iwas trying since yesterday to reply to you all , but it ,didn't work, I even wrote many times in Arabic but , but when I tried to send it the computer won't do that, but I'll try again, anyways thanks to you all.
Nahla
| |
|
|
|
|
|
|
|
|
|
Re: ** استاذ الموصلي دخلنا في ورطه ** (Re: tmbis)
|
الأخ تمبس
في البدء لك مني ولكل من كتب سائلا عني كل التحايا والحب واطمئن الجميع بأنني بألف خير ولكني مشغولة بالدراسه حيث أنني وكما خمن الأستاذ الموصلي قد أنتقلت الي لوس أنجيليس كالفورنيا وأدرس الآن ب Santa Monica College Majoring In Music بدوام كامل وأيضا وفر لي المركز السوداني للمعلومات متمثلا في شخص الدكتور متوكل محمودـله الشكر أجزله ـSeed Scholarship at UCLA extension Majoring in Recoeding Engineering وأعمل أيضا بذات الجامعة وما زلت قائمة علي عهدي مع نفسي بأن أكون يوما ما شخصا يشار أليه بالبنان ليس من أجلي فقط بل أيضا من أجل والدتي الحبيبة، تلك الشجرة الوارفة الظلال،العميقة الجذور ،جزيلة العطاء والتي لم تضن علي يوما بالمحبة والثقة وكذلك أخي الحبيب فهما شعلتان مضيئتان في حياتي ويستحقان أن أهديهما نجاحي أن شاء الله.
أما عن توقعاتكم باعمال فنية مستقبلية فحقيقة ورغما عن أنشغالي الا أنني أحاول جاهدة وبالتعاون مع بعض أصدقائي الموسيقيين بالسودان وهنا أن نخرج أعمالا تجمع ما بين الأصالةوالحداثة وتعكس رؤانا كأجيال جديدة وقطعا مجددة وأتمني عندها أن ترضي توقعاتكم وطموحاتنا.
الأخ نزار
أحب أن أطمئنك بأنني أتيت الي هذا البلد وهدفين أثنين فقط هما نصب عيني... العلم والتطور، وما كانت المادة يوما هدفي أما عن قولك بأننا معشر الفنانين قد نقضي ايامنا بالغناء والفرح فأني أقول لك ياليتنا كنا كذلك، فنحن ياأخي ـ وكما تعلم ـأناس عاديون نحس ونتألم ولكنا كنا علي قدر من الحظ بأن حبانا الله بملكات تتيح لنا أن نترجم معاناتنا الي ألحان وأغنيات نسعد بأستقبالكم لها بكل هذا الترقب الجميل.
الأستاذ الموصلي
أقلقتني صيغة الماضي ـ كنت ناوي أساعدها ـ أتطلع دوما أن يتصل حبل الود والتعاون بيننا.
الأخ علاء والأخت الجندرية
لكما الود والأحترام....
ولكم جميعا حبي وتقديري
نهله عبد المنعم أحمد
| |
|
|
|
|
|
|
|
|
|
Re: ** استاذ الموصلي دخلنا في ورطه ** (Re: Nahla)
|
العزيزه نهله فرحتيني بالاخبار الجديده انك تسيرين في الطريق الصحيح جاده كما عرفتك في هذه المده القصيره والشكر لي د متوكل فهو انسان جميل والغريبه هسع هو ساغي لي في منحه لدراسة الموسيقي التصويريه بنفس الجامعه عسي ان نلتقي هناك المهم شدي حيلك وفي اي لحظه
الاعزاء تمبس وتبلدي وعلاء والجميع
اتصلت بالامس فاطمه واكدت بانها وضعت الاسيديهات بالبريد يعني معليش ادوني اسبوع تاني واهو البركه في نهله معانا كمان هاديه ارسلت اعنيه جديده من الحان السقيد وكلمات مدني النخلي عن الام وهي رائعه جدا كنت قد سمعتها بواشنجطن اها كفايه اسرار بقي
نحياتي
| |
|
|
|
|
|
|
|
|
|
Re: ** استاذ الموصلي دخلنا في ورطه ** (Re: Elmosley)
|
Dear Ustaz Elmosley
Thanks for supporting me, and by the way I know Fatima, Imet her when she came to Sudan in 2001, and she sang with me one night when Iused to perform there, toger we perform the song- Killing Me Softly, please say hi to her for me,
Nahla
| |
|
|
|
|
|
|
|
|
|
Re: ** استاذ الموصلي دخلنا في ورطه ** (Re: Nahla)
|
ان شاء الله يانهله وهي حتتصل المساء وانا باعمل ليها في اغنيه حتغنيها في قسم التاليف
في سمنار التاليف الموسيقي بجامعة ايوا
وكمان حتعمل حفله صغيره للكوميونتي للتعريف بها
وعقبال ما نشوفك هنا كمان
| |
|
|
|
|
|
|
|
|
|
Re: ** استاذ الموصلي دخلنا في ورطه ** (Re: Nahla)
|
سلامات استاذة نهلة .. وحمد الله ألف علي سلامة الظهور .. بالرغم من الزحمة المعروفة .. وعن نفسي بتمني ليك كل التوفيق .. في مشوارك .الفني .. استنادا علي الامكانيات العالية .. وأخيرا ..صقل التجربة من الناحية الاكاديمية بمواصلة الدراسة الموسيقية ..
العمل المصاحب للبوست من سهرة قديمة عرضت في برنامج اسمار بالتلفزيون السوداني .. وفي مقطع لي فيروز راجعين يا هوي وبتظهر فيه مقدرتك الصوتية العالية .. وامكانيتك الضخمة .. كنت بمني نفسي بعمل .. تسجيلي من أعمالك المشتركة مع د. الفاتح حسين . والفرنسي . مستر اولفية قبل سنين .. وكنت انا من المحظوظين وفي أخر ساعات تواجدي بالسودان .. انو استمتع بعمل مشترك في هيلتون الخرطوم .. وقبليها بي سنوات وللصدفة الغريبة برضو أخر ساعات لي في السودان .. كنت ضمن الحضور في دبلومات كلية الفنون الجميلة بالمسرح الخارجي في المتحف القومي .. مع فرقة سودانيز ساوند .. استاذ ممدوح وغاندي وخالد جنكيز والمجموعة ..حقيقي كنت بتمني أنو يكون معاي أي نسخة من العمل ده ..
اتمني انك تحجزي مكانتك عالميا ..وتحققي كل طموحاتك الاكاديمية .. بالتحصيل العلمي .. واستقلال التجربة .. وبوجود الاستاذ الموصلي .. اتمني انك تستفيدي الكتير .. ونطلع نحنا المستفيدين من شكل العمل ..خاصة وأنو الكتير من الجماعات والفرق ..أو الافراد ضاعو مع زحمة الغربة .. وفضلنا نعي فقط علي فتات ذكرياتهم ..
وبتمني أنو برضو بين كل لحظة والتانية تطلي علينا بالمنبر .. وشايف الاخ علاء سنهوري ايضا من المهتمين شديد بتجربتك .. الفنية . ومن المتابعين للابداع .. ومنتظرين الكتير منك .
تقديري العميق
| |
|
|
|
|
|
|
|
|
|
Re: ** استاذ الموصلي دخلنا في ورطه ** (Re: tmbis)
|
أخي العزيز تمبس
لك كل التحايا والود،
مبادرتك الطيبة أثلجت صدري...،وأعدك بأن أحيطكم علما بكل المستجدات فيما يخص أية مشاريع فنية قادمة أنشاءالله، وبالطبع آراؤكم دوما تدفعنا للأمام..
أما فيما يخص أعمالنا المشتركةـ د.الفاتح حسين وشخصي ـ
فقد قام الأستاذ الموصلي بأنزال أغنية ـ أتلاقينا مرة للأستاذ الفنان العاقب محمد الحسن ـ في Post سابق...
ولكن أعدكم بالجديد قريبا وقريبا جدا...
ولك الود مرة أخري...
نهلة عبدالمنعم
| |
|
|
|
|
|
|
|
|
|
Re: ** استاذ الموصلي دخلنا في ورطه ** (Re: tmbis)
|
الحميمه نهلة
ذات مساء ما بالبلاد أذكر بداية صيف عام 1995
دعاني صديق لي بالمعهد حينها كنت خارج أسوار المعهد ولم أنتمي لطلابه بعد
كان تكريم لموسيقار مصري ساهم في تأسيس المعهد
الحفل بقاعة الصداقة عقدالجلاد كانت مجرة الجمال في تلك اليلة
وكنتِ نجمها المتألق
يا حميمه
كانت أوّل مرّة أستمع لصوتك
بعدها إستمر إندهاشي بشلال الفرح المدلوق النازل من حنجرتك
آخر مرة في تخريج الحميم شريف شرحبيل
يا حميمه
واجب أن يُكتب عن صوت مثل صوتك
واجب وطني ومسؤولية
تُرى أين أنت الآن؟
أين يمارس صوتك فرحه؟
يا حميمه
لك الحضور والمطر وأكتوبر وأغنية أجمل قادمة
أبداً
علاء
| |
|
|
|
|
|
|
|
|
|
Re: ** استاذ الموصلي دخلنا في ورطه ** (Re: Nahla)
|
يا سلام عليكم يا فنانين مبدعين
استمتعت جدا بالسماع
بهذه المداخلات الهادئة والبديعة
التي تشبهكم تماما
بوست نقي وصافي / مافي توترات / ما في اختناقات /
كل شئ يسير بنفس صافي ومموسق
لكم محبتي جميعا
| |
|
|
|
|
|
|
|
|
|
Re: ** استاذ الموصلي دخلنا في ورطه ** (Re: Sakotaweya)
|
نهلة ، موصلي . نصار الحاج ، Sakotaweya قرنفل
رمضان كريم وتصوموا وتفطرو علي خير
Sakotaweya المشكلة البتواجهك دي أرجو انها ما تكون بي سبب برنامج تاني عامل مشكلة مع برنامج الصوت الرئيسي لكن علي كل حال راجعي الباشمهندس خالد ابا عندو بوست خاص بالمشاكل دي .. وأن شاء الله بيحل المشكلة
أبـــا هنا
|
| |
|
|
|
|
|
|
|
|
|
Re: ** استاذ الموصلي دخلنا في ورطه ** (Re: tmbis)
|
الأعزاء ... شكرا ليكم على الرد السريع و للأسف ما لقيت أي حل للمشكله دى  ....
الأستاذ الموصلي .. ههههه .. أنا ما من ناس سكوته .. لكن سكوتاويه من سكوت المحس , يعني رطانيه  عشان كده مسميه روحي سكوتاويه ميه الميه
بعرف خاله عزيزه اسمها عشه سكوده ( أو سكوته) هل هي من تقصد ؟؟
فييي انتظار الرد
وتـــسلموا
| |
|
|
|
|
|
|
|
|
|
Re: ** استاذ الموصلي دخلنا في ورطه ** (Re: Sakotaweya)
|
وعلي فكره ال سكوته رطانه ودناقله يعني برضو طلعو قرايب
وسكوته هو واحد من اول ضباط المرور بالسودان ولديه الكثير من الابناء والبنات
وكنا نسكن قشلاق البوليس الغربي حيث جامعة القاهرة الفرع الان
تشرفنا بمعرفتك والعبد لله برضو رطاني
يعني اهل برضو
| |
|
|
|
|
|
|
| |
tmbis
الجندرية
nazar hussien
Elmosley
Ala Asanhory
nassar elhaj
Sakotaweya
فيس بوك
تويتر
انستقرام
يوتيوب
بنتيريست