|
دعواتكم لزميلنا المفكر د.الباقر العفيف بالشفاء العاجل
|
|
 Re: ( ست الريد ) ...( بقت نساية ) (Re: tmbis)
|
ما براك يا تمبس
كل الناس دى "ست الريد" بتاعها "بقت نساية"
تبكوا بس
الاغنية حلوة ..مع انها قديمة ..لكن لبست هدوم جديدة ..بصوت المغنى ..والاوركسترا..
نعزيكم فى مصابكم العاطفى ونتمنى لكم سعادة فى المستقبل..
"هو المستقبل ده بجى متين عشان يرتاح من الامانى المردومة ليهو دى ويريحنا؟"
| |
 
|
|
|
|
|
|
|
 Re: ( ست الريد ) ...( بقت نساية ) (Re: Tumadir)
|
| Quote: نعزيكم فى مصابكم العاطفى ونتمنى لكم سعادة فى المستقبل.. |
( جعفرا ) ياتماضر
المستقبل دا إلا الواحد يبرك ليهو فكي
..
بعدين عارفك ( عصاره ) جدا ..
( بتعصري ) الفراش دا لمن يجيب ( زيت )
امسكي ( الكشف ) لي أخوك ..
معتصم ـ كان مسك الكشف
بياكلني ـ وبضيع مستقبلي
| |
|
|
|
|
|
|
|
|
|
Re: ( ست الريد ) ...( بقت نساية ) (Re: tmbis)
|
| Quote: لكـــــــن ... الله في ] |
عجيب أمر الحب يا تمبس .. في زمان الزلزلة ..
كتب صديقي تجاني .. عندما غدرت به خطيبته .. كتب لمجلة روز اليوسف
وللمرأة المسؤولة عنها في ذلك الوقت أظن كان إسمها نادية .. (أعرف
أنك لن تنشري هذا الموضوع فأنتي مثلها .. أمرأة .. وقد صرت لا أؤمن بالنساء
فالنساء قطط" وكان هذا عنوان المجلة في ذلك العدد لمن يتذكره من
العشاق اللتمقلبو (صرت لا أؤمن بالنساء فالنساء قطط)
لازم أكلم إدريس .. شاعر قومي الأغر .. لنظم قصيدة تعبر عن حال هذا البوست..
وجد .. الغنوة حلوة شديد زي ست الريد .. لكين الله في.
| |
|
|
|
|
|
|
|
|
 Re: ( ست الريد ) ...( بقت نساية ) (Re: Mohamed Abdelgaleel)
|
العزيز .. استاذ محمد عبد الجليل..
سلامات .. يا القاعد تحلل الحاجات بهدوء شديد جدا
..
فعلا عجيب
والتجاني فاتح خطوط النار في كل الاتجاهات مالو ؟؟
إن شاء الله المسالة دي تكون وقتية ـ علشان ما تمسخ ليهو الدنيا ساكت
لانها ما بتبقى بدون ـ (الغدر) دا، ،
عدم الاتفاق وارد ـ والغدر وارد
وفي منطقة وسطى بين الاتنين .. شكل الدنيا بي المنطقة دي بيكون اطعم
وياريت ادريس يسمع منك وأنا في انتظار تسجيل الموقف دا ويتحفنا بيهو في اقرب فرصة ـ علشان كمان نعمل مقارناتنا ما بين الطعم القديم
وطعم الايامات دي ..
شكرا يا استاذ
| |
|
|
|
|
|
|
|
|
|
Re: ( ست الريد ) ...( بقت نساية ) (Re: خدر)
|
تامبـــــا ...
أنا جاهز بالفلوت للمقطوعات الحزينة .. ولحدي ماتنزلوا الكروكي بتاع بيت الفراش ..
بهديك رائعة الصديق المبدع فنان عطبرة خوجلي هاشم .. الجرست عطبره كلها ..
ياهوى وحياتك قلبي جريح ..
ضليت في دربي وساقني الريح ..
وداني الليل لي عيون نعسانه سقوني عذاب المر تباريح ..
وحيد سهران ومعاي النجمه ..
أديتك شوقي وضي العين ..
الفرح السافر بدري زمان ..
شال الذكري وخله القلب الباكي حزين ..
شلته جراحي ورحته بعيد ..
خاطري وحاتك كان حيران ..
ماعرفته طريقك وين بيودي ..
لا الخطوه تلاقي في دربي أمان ..
مابترجع لي .. أنا عارفك تاني ..
لابتقدر إنته تعيد الكان ..
...
أخوك خالد سعيد الأرباب
خارج النص ( الجـــــاتك في مالك سامحتــــــــــك ) .
| |
|
|
|
|
|
|
|
|
 Re: ( ست الريد ) ...( بقت نساية ) (Re: عشة بت فاطنة)
|
عشــة بت امنا فاطنة
منورة ياغالية بي جيتك ـ بالرغم من اللحن الندم دا
ما لقينا منها حاجة
وما ح نشيل منها حاجة بت الذين ( الدنيا )
أما ست الريد دي ـ بقى أخير منها الواحد يقعد يصاغر الدنيا
فلتشتت يــاخ وربنا يعدله عليها يوت ما تقبل
والله في يا عشة
| |
|
|
|
|
|
|
|
|
|
Re: ( ست الريد ) ...( بقت نساية ) (Re: Khalid Saeed)
|
الأربــاب خالد .. ودعمي
..
سمح الكلام دا ـ وخوجلي هاشم سمعتو بدري واتمنيت اني اللقي ليهو اي حاجة بتتسمع
أنت والفلــوت معزومين معاي ياارباب وفي اقرب فرصة
..
تعرف:
الفــلوت ، والساكس
والكمان ، والشيلــو
من اعظم آلات الممكن يعتمد عليهــا الواحد في ترجمة الحــزن والشجن
آلات بتبكي برضو زيها زينــاـ واحساسه عالي جدا ..
..
جيب معاك الفــلوت ياارباب .. وفلوت علينا بكره في اي وكت
نحن لسه فارشين
| |
|
|
|
|
|
|
|
|
|
Re: ( ست الريد ) ...( بقت نساية ) (Re: tmbis)
|
تمبس ..
ست الريد بقت نساية ؟
من هسه وبقت تنسى ؟
بصراحة حالتك صعبة (عندك علبة مناديل عند معتصم خليهو يجيبا ليك)
بالنسبة للغنية موضوع البكا :
* حلوة جداً والزول صوتو حنين
* فيها شغل كمان مبالغة
* ما عندك واحدة اسمها (سيد الريد)...(بقى نساي)
| |
|
|
|
|
|
|
|
|
 Re: ( ست الريد ) ...( بقت نساية ) (Re: MUNA OBIED)
|
يا منى عبيد
حمد الله على السلامة
والبركة في الغنوة الجابتك .. وفراش دا بتاع معتصم
لكن الكشف ماسكو انا
..
الاغنية .. اروع من الروعــة ، الاوركسترا بالرغم من انها صغيرة لكن كبيرة
وابوبكر رحمة الله الفنان جدا ـ وصل الفكرة كلهاوما خلى لينا حاجة
| |
|
|
|
|
|
|
|
|
|
Re: ( ست الريد ) ...( بقت نساية ) (Re: تيسير عووضة)
|
يا تيسير
حالتي صعبة شنو ؟ وانت شفتي حــاجة ؟؟.. كدي شوفي ليك ورطة لمــا ( البرد ) يجي
..
ومناديلك الجايباهــا دي معتصم ( انتهى ) منها قبلما تصلني
دبري ليك طريقة بتاعت ( ملايات ) ، ( ستائر )
يا
تــوب ( ربط )
..
أمــا فيما يتعلق بالغنية موضوع الجرسة:
* صوتو حنين ـ إجابة صحيحة
* الكمان لله يا تيسير وللقلـوب الراحت في حق الله
* قويــــة .. إن شاء الله تلقي
| |
|
|
|
|
|
|
|
|
|
Re: ( ست الريد ) ...( بقت نساية ) (Re: tmbis)
|
سيد الفراش ..
معكم حتى رفع الفراش أو عودة النساية ..
قف ..
بالجعرى .. والنخيج ..
وحاجات تانية ..
مرسل لكم لورى مناديل .. لزوم الدموع ..
قف ..
وفدنا فى الطريق بقيادة البكاى الأعظم ( بروف معز )
ولا عزاء للبكايات ..
رابطة البكايين بالبورد ..
| |
|
|
|
|
|
|
|
|
|
Re: ( ست الريد ) ...( بقت نساية ) (Re: معتصم الطاهر)
|
يا باشمهندس ود الطاهر
وقفتكم معنــا ..
بردت قلبنا شويتين .. وصبرتنا
وقفتكم معنــا .. بالجعري المؤسس دا .. خففت من حد الوجع الاشيلنو سنين
قف....
مناديلكم دي مابتعمل اي حاجة بالشئ الشايفو دا
قف
( الجماعة ) كان ما جو عصرو الفراش وختو في الكشف
خوة فرتق
قــــف..
عليك الله آخر مرة سمعت ليك جرسة زي دي متين
احي ياقلبي ياخ
| |
|
|
|
|
|
|
|
|
|
Re: ( ست الريد ) ...( بقت نساية ) (Re: tmbis)
|
| Quote: ياهـــلا بيك.. (وش بضحك شديد) |
آه يا......
| Quote: عملت لي شنو في موضوع استراليا ؟ (وش مبتسم) |
أُسترالية شنوفى الحر ده يا قريبك؟
قريبك ده شكلو فى الطريق يكون وصل ساساكو
ما قلت لى مالكم انت ومووو؟
عشان الروقة وكده
| |
|
|
|
|
|
|
|
|
|
Re: ( ست الريد ) ...( بقت نساية ) (Re: Badri)
|
سبتم ..
واااااااااااااااااااااا .. وااااااااااااااااا
درلاب سيبانا ابلي شوبا كاسوندا .. تلم إمبيشي ترونال دوالااااااا ..
كوانتيسا انقلتي دوكل بيرناس تواوا باني سوتا
كونتو بكونتو قواشا
أسان تآمنوا ... بس
........
الكلام أعلاه هو ترجمة لما قاله معتصم الطاهر يا صاحبي ..
استغفر
استغفر يا تمبوس
| |
|
|
|
|
|
|
|
|
|
Re: ( ست الريد ) ...( بقت نساية ) (Re: Emad Abdulla)
|
تمبس يا تمبس ياحـرف ال (N)
اراك مشـتتا لحناناتنا العاطفـية تشـتيتا
يا ابن شـلهتة المتكـسـر الدؤلـي
ماذا دهاك يارجـل
(اثبت كما ثبت النجمتي في جبال كـرري)
الا وان ارعــوي عن ستات الريد وستات الشاي وستات الودع
وكل الستات والسبعات والبقن نسّـايات .
الزولة القاعدة هنااااااك دي اسمها منو؟
| |
|
|
|
|
|
|
|
|
|
Re: ( ست الريد ) ...( بقت نساية ) (Re: الخير محمد عوض)
|
يــا أبوالخيرات ..
رجعت بقرأ في المداخلات .. لقيت اني فطيتك
الضحك شرطني
..
دكاترة علم النفس قالو:
ما تكتم الحاجات في جواك ـ لانو بتضرك
يعني الشلهته ـ والدردقة من الظواهر الصحية خالص ..
.
.
بعدين ستات شاي وين
ياخي هنــا آخر محظة مافي تقول لي ستات ؟؟
..
شوفنا بي هناك ـ علشان نوريك دي منو
| |
|
|
|
|
|
|
|
|
 Re: ( ست الريد ) ...( بقت نساية ) (Re: Badri)
|
بـــدري..
ما دوامة والله ..ولا بتدي حريف ..
شهــادة خلو طرف .. بعد خمسة سنوات خدمة
بلاي لا نوط خدمة طويلة ممتازة ، ولا وسام شجاعة وصمود
عليك الله مش كان احسن الواحد ( يبني ) في الخمسة دي ؟؟
اهــا أنت
قلبك كيف وفراشكم متين
انا هين
| |
|
|
|
|
|
|
|
|
|
Re: ( ست الريد ) ...( بقت نساية ) (Re: tmbis)
|
وليد طه
مشتاقين يا راجل والأسبوع الجايي بجي أسلم على معتصم والغدا معاك ( مافي طريقة زوغة )
Quote: يا بدري تعزيتك دى ما مقبولة لازم تجى الفراش
ياخى كُلها 400 كيلو |
عارف يا وليد أنا لو فتحتا باب ذي دا معناتا الـ 400 كيلو دي حأقطعها كل اسبوع عشان الود حميدة ... الود دا أي بنية يباريها أسبوع واحد والبنية تعمل ناسية ... لكن بيني وبينك حميدة يفقد الذاكرة عديل مش ينسي.
| |
|
|
|
|
|
|
|
|
|
Re: ( ست الريد ) ...( بقت نساية ) (Re: Badri)
|
Badri إزيك
| Quote: والأسبوع الجايي بجي أسلم على معتصم والغدا معاك ( مافي طريقة زوغة ) |
رايك شنو تجى تسلم على والغدا مع معتصم؟ ;(
بدرى لو أجلت الغدا ده عشرة يوم بخليها ليك سماية عديل كده
ولو مصر قبل كده تعال اصلو كرتونة (الأندومى) باقى فيها 4 اكياس
حمــيدة ده منو؟
| |
|
|
|
|
|
|
|
|
 Re: ( ست الريد ) ...( بقت نساية ) (Re: tmbis)
|
تمبس ومعتصم ؟!
احي انا منكم ... شلتو حسنا في البلد دي ..
هسي انا اقول شنو لجموع المعزيين ديل؟!
ياجماعة (مسبلنو) 
ولا أقول شنو لبكري الكرفستو ليه البورد دا بالدرديق 
ولا أقول ليكم زحو لي كدي النساعدكم
| |
|
|
|
|
|
|
|
|
|
Re: ( ست الريد ) ...( بقت نساية ) (Re: ملكة سبأ)
|
| Quote: ولا أقول ليكم زحو لي كدي النساعدكم |
يابلقيس ..
زاحين ليك لينا تلاتة ايام ..
عايزه تموتي بيهو لمتين ؟؟
الرجاله تطير
ودي فرصة ما بتتعوض ..
نعمل ليك نظام ( استنطاق ) يعني ؟؟
تعالي موتي مع اخوانك ديل ـ وحقك محفوظ ،، والمناديل بالكراتين
| |
|
|
|
|
|
|
|
|
|
Re: ( ست الريد ) ...( بقت نساية ) (Re: tmbis)
|
تمبس
ابدا ما ليها حق
ياخي انتا بتتنسي!
---
تماضر دي يا اخوانا ارشيف اغاني حايم...
طبعا انا قلت يا سلاااام و اتكيت ...
نظام غنية جديدة و اداء آااسر و كلام
بالشكل ده..(مع انو فعلا الغنية تحسها ما من
زمنا ده.. من زمن اجمل).. اها قامت حيرتنا في محاولة
التفاؤل دي و قالت قديمة!...حقو الواحد يتلحك
و يقول ليك : اها حقة منو
| |
|
|
|
|
|
|
|
|
|
Re: ( ست الريد ) ...( بقت نساية ) (Re: saadeldin abdelrahman)
|
يا ابو السعـود..
بلاي عليك الله قول ليها .. دي تصرف صاح منهـــا
..
بعدين لقيتك ( قادي ) تاريخ
عبد الوهـاب الصادق دا بتنسي بالسهولة دي ؟
تعرف انا متذكر ليهو حفلة عرس بت جيرانـا ـ وانا في الابتدائي
من شدة ما متذكرة : كان لابس بدلة اشتراكية لونـه ( بني )
والوكت داك طبعا الحفلات ( بالمكرفونـات ) ( والسجوك ) كان بالمتر
..
بلاي تاني كان حاسي أنك كيشة ـ ما تورط نفسك وتورطنا معاك
ما شايف البوست دا فيهو (سماسرة) رسل لينا بي تحت ـ وبنشيل منك (تمنين في المية) بس 
| |
|
|
|
|
|
|
|
|
|
Re: ( ست الريد ) ...( بقت نساية ) (Re: حمزاوي)
|
مسكاقمي يا ابو النسب
.
تعرف غير ( سوا) ما في حاجة غطست حجر .. الحاجات
اها يا ابو النسب بقت ميته وخراب (ريال)
..
.
مشتاقين يا ابو النسب والله
وكان جيت بي الحلة القديمة ما بتلقاني
| |
|
|
|
|
|
|
|
|
|
Re: ( ست الريد ) ...( بقت نساية ) (Re: tmbis)
|
يا سعد الدين ركز معانا عليك الله
الزول البغني دا اسمو أبوبكر رحمة الله كدي قشقش عيونك دي من الدموع حتعرف الأغنية حقت منو
تيسير يا استغلالية ( بكى وخراب ديار؟؟؟ )
تمبس معليش أخوك كاسر عمود طوارئ بجاي ... حأنطط في البوست كتير لكن ما تشتغل بي انتا عارف الحالة.
| |
|
|
|
|
|
|
|
|
|
Re: ( ست الريد ) ...( بقت نساية ) (Re: تيسير عووضة)
|
شركة شحتفه وتناهيد..اخوان المحدوده
خبراء ترميم عاطفى وكل أنواع (الكسير)
زمالة الجمعية الهندية (للبكايين)
والجمعية السودانية (الجاتك فى حبيبتك سامحتك)
خدمات تأبين مجانية..مع الشاى والعصائر
فقط أتصلوا ب676767 شارع (الدايم الله والحى الله)
تلغرافياً..ياأنتو يعنى شنو
| |
|
|
|
|
|
|
|
|
|
Re: ( ست الريد ) ...( بقت نساية ) (Re: حاتم الياس)
|
| Quote: تلغرافياً..ياأنتو يعنى شنو |
ياحاتم الياس
..
ما عندكم ( قلوب ) مستعملة ؟
يا بدل فاقد ؟
وإذا عندكم.. خدمات التوصيل كيف ؟ وبتشيلو مني كم ؟
.
.
ممكن الواحد ـ يبدل ( البدل فاقد ) بتاعو دا بي ( عدة ) مثلا ؟؟
نديكم دا وتقوموا تدونــا ..
( جك ، سرويس ، كمشة ، ياحلة قديمة )
.
.
يــــــــا ...اي حاجة
| |
|
|
|
|
|
|
|
|
|
Re: ( ست الريد ) ...( بقت نساية ) (Re: إدريس محمد إبراهيم)
|
Quote: وشوقها يتاورك نص النيل * يقصد أمه الحبيبه
|
هذا تحريف واضح يا إدريس .. عرفتو كيف
بقصد أمو .. وهي نص النيل والله نص الليل ؟ .. أكيد نص الليل .. عارف ليه .. لأنو النيل
ماعندو نص !!!
لكن .. ما علينا .. الرؤيا أعمق من السمع .. ولازم تلاقي صديقي محمد أحمد سعيد الذي رآك من خلال ما تكتب في البورد فأصبح يسأل عنك .. فهو باحث عن جمال المعانى .. ولما تكون جنبو بشوف العيون .. والعيون شبابيك القلب .. والله شنو يا تمبس؟
عمياء أنتي ألا تري قلبي تجمع في عيوني ..
أمتعتونا يا زوار هذا البوست الجميلين .. يا من جئتم تعزون تمبس في زولتو البقت نسايه .. ونساية هذه يا إدريس وانت اللغوي صاحب الزمام .. الشديدة النسيان والله أعلم .
| |
|
|
|
|
|
|
|
|
|
Re: ( ست الريد ) ...( بقت نساية ) (Re: Mohamed Abdelgaleel)
|
يا استاذي محمد عبد الجليل ..
| Quote: عمياء أنتي ألا تري قلبي تجمع في عيوني .. |
الرؤيــا ( عصرا ) .. اعمـــق ..
لاحظ التجريدية في الصـــوت .. لاحظ عمق الصوت خلف دهاليز الصورة ..
المسالة طويلة جدا يا استاذ .. أطول مما تتصور .
لكن دائما أعتمد عليك في تفكيك .. ( الشوف ) ذات نفسو
امتعنا ياخ
للفقد اثر فينا..
| |
|
|
|
|
|
|
|
|
|
Re: ( ست الريد ) ...( بقت نساية ) (Re: إدريس محمد إبراهيم)
|
استاذنـا المرهف ..
وحاضر الكلمة الجميلة ـ
إدريس محمد إبراهيم ..
.
.
ما بين عباراتك المصوغة باحكام ـ وحديث استاذنا محمد عبد الجليل تضيع أوجاعنا في زحمة الانتبـاه ..
عندكم تتحسس الكلمة عن مخرج لهــا ..
يمكن معايشة الموقف ، لكن ليس بمقدرة الكـــل صياغته في مفردات سهلة الهضـــم انيقة المخارج ..
.
التحية لود الشيخ ..
وللواثق
وللرشيد .. وإلى كل من ينزف وجعه مفـرده ، ونغم جميل ..
وسنظل نحن في هذا الانتباهـ
ونعزي انفسنــا في فقدنــا بما يأتينا ـ منكـــم
كل الحب يا...استاذنا ليك
ولمن تحب
ولمن تترجمه عبر حروفك .. ونراه بالعين المجردة ..
.
.
سرادقنـا للعزاء مازالت منصوبة في أقصى نواحي القلب
في انتظاركم ..
| |
|
|
|
|
|
|
|
|
|
Re: ( ست الريد ) ...( بقت نساية ) (Re: tmbis)
|
| Quote: أوكي خلاص حأوريك وأمري لله .. |
يا بدري شوف تيسير دي عملت فيها نساية كمان
الواحد دابو رجع البيت و قدر ما قشقشت عيوني دي ما شفت غير ابوبكر
اها بعد كلامك ده قشقشنا الشاشة و عملنا Zoom ظهر لينا اسم الاستاذ
عبدالوهاب الصادق ده ( اول مرة اسمع بيهو للأسف)
و يا تيسير حلاوة المولد زاتا طارت !
عشان تحافظي على الذاكرة و كده
| |
|
|
|
|
|
|
|
|
|
Re: ( ست الريد ) ...( بقت نساية ) (Re: معتصم دفع الله)
|
يا معتصم ..يا شريك
قلت لخـالد الارباب .. الكمان آلــة شجن وبتترجم الحزن على النحو الصاح
وهي من اسباب هذا الوجع الهنا دا ..
واسماعيل عبد الجبار .. قدير جــدا في موهبته ـ ومتمكن اكاديما
واحساسو عالى جدا ..
لذلك كان لابد وأن يصطحبك في هذه السياحة إلى اعماق بعيدة ، وتجدن يفي انتظارك في نفس المكان الذي سبقتك إليه وأنا اتابع اسماعيل عبد الجبار بدقة شديدة منذ بداياته الاولى
التحية ليهو وللكمان ـ وصاحب الصوت الجميل والحضور المميز بكري ..
لمزيد من السياحة اصغي ارهف السمع ايضا .. لساكس فون ياســــر وما تنسي الانامل الضاغطه على الكيبورد بحنية ..
جميعهم .. متمكنين وعلى قدر عالى من الاحساس الموسيقي المميز
| |
|
|
|
|
|
|
|
|
|
Re: ( ست الريد ) ...( بقت نساية ) (Re: نادية عثمان)
|
من كم سنه
يا ستنا
من كم سنه
عايش براي
زي الغريب
وايامي بس فيها الضنى
من كم سنه
قلبي الحزين
زي اليتيم
لا شاف حنان لا ضاق هنا
من كم سنه
ما قلتي لي
اخبارك ايه
مالك مشيت من حينا
والله يا حليلك يا تمبس.. القصه بالسنين.. وممكون وصابر؟؟ ياخي والله ضكران عديل كده..
وهسه شنو الجدا عليك؟ خلي بالك لواعجك دي اثارتها جية معتصم السودان.. وعلى ما اعتقد.. جاب ليك سيرتها.. والله اعلم..
لكن يازول ولا يهمك.. كلنا في الهم شرق.. ومنسيين..
| |
|
|
|
|
|
|
|
|
|
Re: ( ست الريد ) ...( بقت نساية ) (Re: nashaat elemam)
|
ولا يهمك يا تمبس
انا عارف الدنيا دقداقها كثير ... وستجد من تستحقك
اعجبتني الأغنية جدا، الفنان صوتة رائع والأروع اداء الكمان الذي اضاف للأغنية بعدا جماليا تناغم تماما مع الكلمات الجميلة.
عرفت مؤخرا انك اخ صديق الصبا ورفيق المهنة وزميل الدراسة عمر منصور ... ذهبت لكندا مرتين خلال السنتين السابقتين ولم اتمكن من مقابلتة رغم انني تمكنت من مقابلة عمر فتح الله ... تحياتي لعمر ورجائي ان تذودني برقم هاتفة عبر الماسنجر.
الصاوي
| |
|
|
|
|
|
|
|
|
 Re: ( ست الريد ) ...( بقت نساية ) (Re: إدريس محمد إبراهيم)
|
استاذنــا ادريس ..
مرحب بالعودة تاني
..
وبالكلام السمح .. لما يكون محض شاكوش مقنن
Quote: يا أنت .. أزمعت الرحيل ...
والزاد حفنة كبرياء .... |
لكن أنتو يا الشعراء .. بتفرقو مننا نحن الناس العاديين ديل .. أنكم بتخلو حقكم بالساهل كدا .. بعدما تترجمو الآمكم .. وتعملو ليها اعادة صياغة وتدخلوها ( فرن ) اللغة ..
اها نحن العاديين ديل .. بنموت بالاحاسيس دي .. يا اما نلقى لينا زولا ( شاعر ) بينا ويستنطق لينا الآلم دا ..
يا اما يبقى علينا السهر .. ونوم الديك في الحبل
وفي مقولة أخرى
( عدان ) النجوم..
لذلك الشعراء .. يقدمون ما يشابه ( مشارط ) امهر جراحي القلب .. وما ظهر حديثا في علم الطب الحديث والشعبي ..
.
.
نقبل أي اعانات يا استاذ .. واعصر لينا في الكشف
| |
|
|
|
|
|
|
|
|
|
Re: ( ست الريد ) ...( بقت نساية ) (Re: elsawi)
|
الصاوي العزيز
والله فرصة سعيدة خالص خالص .. بالرغم من المصيبة دي
وإن شاء الله ما نجيك في فاقد عاطفي زي دا..
طبعا بتفق معاك في ( الكمان ) وهو العامل الاساسي في القصة دي كلها .. وزي ما عارف بتجربتك انو الكمان بقدر يطلع ليك ابعد احساس في الحزن .. لما تروض الالة تمام .. وهنا اسماعيل عبد الجبار اضاف لي الاغنية بعد يضاف لي الصوت الشجن الجسدو الفنان ابوبكر + كلمات الاغنية المعبرة عن الحالة ..
ياريت تتواصل مع عمر وتتقابلو في اقرب فرصة ..
وشكرا للذكريات الجميلة والايام الحلوة الحكيت لي عنها ..
وربنا يجمعنا كلنا ونرجع من جديد
| |
|
|
|
|
|
|
|
|
|
Re: ( ست الريد ) ...( بقت نساية ) (Re: nashaat elemam)
|
يا نشات .. يا لذيذ..
بصراحة كدا ..
أخوك من ناحية ضكران ممكن تعتمد عليهو .. لكن الكلام دخل اللحم الحي ..
والحاجات دي بالذات ما فيها ضكران ..
يا اما تفكهــا أون لاين .. يا تموت بيها براك
وفي الحالتين انا ضايع ..
تفكها اون لاين ـ فيها تلقى ليك تضامن وتلقى ليك كم واحد برضو مورطين معاك وتهون عليك مصيبتك ..
تموت بيها براك ـ دي فيها قولان كتير .. انسداد في الصمام دي اسواء الفروض ..
وفي الحالة دي بتتعب معاك بتاعين ( جراحة القلب ) والاوعية الدقيقة
وهاك يا قسطرة قلب وهاك تخدير وهاك يا عناية مركزة .. يعني تتعب نفسك وتتعب معاك ناس بن سيناء وانشطاين زاتو ..
عشان كدا .. تفكها عكس البورد .. وتعمل مجنون..
لكن لو داير الجد
كلو من معتصم
| |
|
|
|
|
|
|
|
|
|
Re: ( ست الريد ) ...( بقت نساية ) (Re: الطيب بشير)
|
يا ابو البشير
ويا شيخي الطيب ..
| Quote: أنا و الله متضامن معاك..الشغل دة أنا بعرفو..تكون فتران وما نعسان..جيعان و ما جاييك نوم..زهجان و ما مستحمل الونسـة..آآي ..بالحـيل بعرفو..أسكت شيل الصبر بس.. |
في الحالة دي يا الطيب التضامن زاتو ما بنفع
تضامن (حاف) كدا يعني ؟؟
وبعدين تمشو وتفكوا الواحد براهو .. نظام يعني اكل نارك
..
كل العلامات الفوق دي صحيحة مية المية .. بتاعت زول ( تب ) مجرب + اليومين دي جابت ليها ( شحتفت روح ) .. وعدم اكل
تعرف
الاعراض دي كان الواحد كان في البلد .. كان زماااان ( كتفوهو )
وبالمناسبة
مسكناتك ووصفاتك دي كلهــا جربناها .. وزادت الطين ( بله ).. يعني دا تضامنك كده يا الطيب ؟؟
.
.
على ما اعتقد الاغنية ملك لي الاستاذ عبد الوهاب الصادق .. لانو غير الشاب الفنان دا ما سمعت واحد تاني غناها
| |
|
|
|
|
|
|
|
|
|
Re: ( ست الريد ) ...( بقت نساية ) (Re: abas)
|
يا عبس ..
ياهو نفس الضرس بتاع العقل .. المرة الفاتت .. قلنا يقلعوهو
ناس الطب
قالو يحشوهو .. حشيناهو .. قام تاني يتاورنــا .. من أول وجديد
الله يجازي الكان السبب يا عبس
| |
|
|
|
|
|
|
|
|
|
Re: ( ست الريد ) ...( بقت نساية ) (Re: tmbis)
|
| |
|
|
|
|
|
|
|
|
|
Re: ( ست الريد ) ...( بقت نساية ) (Re: ملكة سبأ)
|
خدر : مشتاقين .. لكن ما شديد خالص
تيسير عووضة حريفة ولما تجيب موضوع الكنجالات دي بتذكرني عمارة الضرايب الطابق التاني..
ما تقوم تتخلع لي .. خليك زول عادي ( ..... )
عمر ..
الاستاذ عبد الوهاب الصادق من اصوات الزمن الجميل .. والغناء المعبر الناس البتحس الكلمة قبلما تغنيها لاحظ بساطة الكلمة .. والصور التعبيرية .. شكل الاوركسترا البسيط وتوصيل المضمون
شكرا للملف التاني ... بعدين المندلين دا عندي حساسية معاهو ـ مع أنو في حتات تانية كان ما جبتو معاك وشافوهو بي عينهم كدا -إذا بقيت وردي ما بخلوك تغني .
شكرا يا عبس .. لرفع البوست .. عايزين جركانة بتاعت زيت 
بلقيس ..
.. نحن الفراش بنرفعو بنرفعو .. احسن تخلي حركاتك دي ، وجيبي من الآخر (..... )
| |
|
|
|
|
|
|
|
|
|
Re: ( ست الريد ) ...( بقت نساية ) (Re: tmbis)
|
Quote: بدري ، وتيسير ، وسعــد الدين..
..
بدل ارضية + حق الكشف + بدل مواصلات |
انتو اي حاجة Sharing  كرهتونا ياخ!
..نبكي معاكم برضو بي Sharing
شيل من بدري ده قريب منك قالوا 400 كيلو بس هههه
اما تيسير دي انا بقيت طالبا لأنو حا أقول ليها الغنية دي
طلعت تبع استاذ من الجزيرة (اعتقد).. اسمو عبدالوهاب الصادق..
اها ادفعي لي و لي تمبس ده وقت ما ربنا يسهل.
بالمناسبة يا تمبس..تيسير دي ما سرحت شديد..فعلا في شبه بين صوت ابوبكر
ده و صوت عماد احمد الطيب.. و بما انو تماضر قالت الغنية قديمة قامت تيسير
الوالدنها بي سنونا دي ههه عملت حسبة سريعة..
صوت يشبه عماد + اغنية قديمة = اغنية ابو عماد (احمد الطيب) و جات عايزه
تخلص مننا..شفتا البت دي صعبة كيف يا تامبا.
| |
|
|
|
|
|
|
|
|
|
Re: ( ست الريد ) ...( بقت نساية ) (Re: abuguta)
|
ابو قوته ياهندسة
سلامات ..وتحياتي للاستاذ عبد الوهاب الصادق
وبالقامئة النزلتها دي فعلا رجعتني لي زمن جميل جدا
زمن الاذاعة السودانية كانت مهتمة بالناس .. والفن والفنان كان بيلقى مكانتو
الاجتماعية والادبية قبال العداد بتاع الحفلة..
امس كنت بتكلم مع لؤي شمت لقينا نفسنا بنعمل في حصر للاغاني الخالدة
يعني مثلا في فنانين الواحد اكتفي بي اغنية واحدة لكن اصبحت لي اليوم بتتردد زي الكانها جديدة
ذكرنا العزيزة الما بتسال عن ظروفنا
وحبيت عشانك كسلا
وست الريد
وغيرة للكتير من الفنانين الاتغنو باغنيات من زمن سابق
لكن بتتجدد كل يوم ..
ربنا يكتب الشفاء للاستاذ عبد الوهاب ..
والتحية لي ابوقوتة ولي اهلها الطيبين
وليك يا هندسة
| |
|
|
|
|
|
|
|
|
|
Re: ( ست الريد ) ...( بقت نساية ) (Re: saadeldin abdelrahman)
|
سعد الدين ..
الزول دا صوتو قريب شديد من صوت الفنان أحمد الطيب
وحيث أنني ما سمعت بعبد الوهاب الصادق قبل كدا قلت بس خلاص
ياهو أحمد الطيب (أعذرونا عامل السن وكدا)
هسي أنا عندي نص الجايزة دايرين تاكلوني فيها ؟
تمبس ..
أربعين المرحوم متين ؟
(عشان من هسه أجهز للصفقة الجاية)
| |
|
|
|
|
|
|
|
|
 Re: ( ست الريد ) ...( بقت نساية ) (Re: saadeldin abdelrahman)
|
يا ابوالسعود
المسالة كلها مبنية على نظرية الكاش بقلل النقاش
علشان كدا مسالة الشيرنج دي واردة .. والكشف بتلقاهو جمب الصينية
وبعدين بدري ده ياابو السعود .. من النوعية البتضعفك معنويا
ممكن يدفع لكن بالمقابل .. بيمرضك شهرين لي قدام ومن النوع الكل خمسة دقايق ممكن يتصل عليك ويقول ليك البركة فيكم تاني فقري جدا
..
غايتو كان جينا اشتغلناها حسابات معقدة ومتواليات هندسية
أنت وتيسير مفترض تدفعو بس وما تقولوا حاجة خالص
عبد الوهاب الصادق ما تعرفو يا ابو السعود ؟؟
وتيسير قالت احمد الطيب .. قدرما فتشت لي احمد الطيب دا ما لقيتو
من هنا ولي قدام تيسير + سعد اي خطأ فني = تدفعو في الكشف تلاتة مرات
| |
|
|
|
|
|
|
|
|
|
Re: ( ست الريد ) ...( بقت نساية ) (Re: الواثق تاج السر عبدالله)
|
تيسير عووضة..
الفقد واحد ودا حال الدنيا ومشتاقين
..
عامل السن دي مكنة قديمة..
قلنا اي اخطأ فنية تاني بتترتب عليها شروط جزائية وقلنا المرة الفاتت الدفع في الكشف مرتين
لكن أنت وبما أنك سمسارة خطيرة وأكيد مريشة ح نطبق عليك نظام ( العشر )
يعني كل مية الف ناخد منك ضريبة مية وخمسين الف عليها..
أربعين المرحومة .. شهر تمنية الجاي ..
( ادينا عربون )..
..
انعام عبد الحفيظ ..
كيفك ؟
ونعم بالله ..
الله احسن منها .... يديك الف عافية
..
الواثق أبو الصحب ..
كيفك يا رايق
والشوق مطر ..
الاداء اكثر من رائع .. وابوبكر جسد معاني الاغنية باحسن ما يكون ..
اتمنى ليهو كل التوفيق
فهو مشروع غنائي ناجح .. إذا استمر بنفس القوة .. وانتهج السبل العلمية لتطوير نفسو
| |
|
|
|
|
|
|
|
|
|
Re: ( ست الريد ) ...( بقت نساية ) (Re: قرشـــو)
|
أسـة انا جـيت معاي سكـر وبن وشـاي قلت أقضـي العصـرية دي معاكـم...
لكـن يظـهـر نتو رفعتـوا الفراش!
واشـقاوتك يا تمبس بعـد ما اللمـة تفرتق وتقعـد براك...أحـسن ماترفع الفراش!
مـني
| |
|
|
|
|
|
|
| |
tmbis
معتصم دفع الله
Tumadir
abd elmniem musa
Mohamed Abdelgaleel
لؤى
خدر
Khalid Saeed
عشة بت فاطنة
تيسير عووضة
Muna Khugali
معتصم الطاهر
Soumeta
Badri
walid taha
Emad Abdulla
الخير محمد عوض
ملكة سبأ
bashir adam abdalla
Ahmed Mohammed Osman
saadeldin abdelrahman
حاتم الياس
إدريس محمد إبراهيم
munswor almophtah
الطيب بشير
nashaat elemam
elsawi
abas
عمر الفاروق
abuguta
انعام عبد الحفيظ
الواثق تاج السر عبدالله
قرشـــو
Ibrahim Malik
فيس بوك
تويتر
انستقرام
يوتيوب
بنتيريست