|
|
 جات متأخرة ،، معليش ........ سحر يوسف تشرف البورد
|
العتب على النظر... ما بنشوف بقينا يا سحر
ليك ا وإحنا ولا هنا.....
سحر يوسف ،، شابة نشيطة جدا
تقف على قمة العمل وتشرف على كثير منه بمركز القاهرة لدراسات حقوق الإنسان بالقاهرة
تتابع قضايا الداخل ،، أكثر من كثير منا
تشرع دوما لإيجاد فرص للشباب السودانى للتدريب والنهوض بمقدراتهم
شغلت موقعها بالمركز وتخدم من خلاله كثير من القضايا
تكتب وعضو بكثير من المواقع والمنابر الإلكترونية
تتابع سودانيزاون لاين بتعمق وإمعان
درست القانون وتعمل على إجتياز درجات عليا فيه
يسعدنى وجودها بيينا
ومعليش... جات متأخرة، لكنك ست بيت
خشى لى جوه
|
|
 
|
|
|
|
|
|
|
 Re: جات متأخرة ،، معليش ........ سحر يوسف تشرف البورد (Re: عمرو كمال ابراهيم)
|
هلا بيكم
عمرو كمال مشكوور كتيير علي الترحيب الجميل ودا ما غريب عليك لانك زول الكرم و الجود ... وفعلا ذكرتني بي اهلنا الغبش البستقبلوا الضيف بالمحنة و الطيبة المرسومة في وشيشهم و بيرددوا حبابكم عشرة و انا بقول ليكم حبابكم مليون ..
بشكركم جميعا لاستقبالكم الدافئ لي و حبيت اول شئ اقول ليكم كل سنة و انتوا طيبين و الله يحقق الاماني ..ناس السودان.. أها.. السنة دي في اضحية مع الحمي القلاعية غايتو ليكم الله
حبيت اشكركم كلكم
عزيزتي مني .. تسلمي يارائعة و عليك الله ماتقولي كلمة استاذة دي لانها بتقطع قلبي ..
هاشم احمد
عاصم ابوبكر
حسين يوسف
حسين محي الدين
انا بشوف انوا سودانيز اون لاين موقع بيعكس الوعي السوداني و المجتمع السوداني بكل شرائحه .. يعجبني الحوار مهما ان بلغت ذروته ...علي الدوام اجد الفائدة ..اتمني ان اكون نقطه في هذا البحر
اعتذر جدا علي تاخري ..و نواصـــــــــــــــل
| |
|
|
|
|
|
|
|
|
|
Re: جات متأخرة ،، معليش ........ سحر يوسف تشرف البورد (Re: عمرو كمال ابراهيم)
|
سلام يالناس الجميلة
كل عام و انتوا بخير
اعزائي
نهلة عمر
عواطف ادريس
سوركتي
شكرا جزيلا علي التحايا الرقيقة و ترحيبكم الجميل ...
وفعلا البيت منور باصحابو
تسلمو كتير
طبعا لسع انا زولة جديدة ، فبتجول ما بين البوستات و بستكشف الحديقة الغناء المليئة بكل ماهو غريب و عجيب و عادي ...
سعيدة بوجودي معكم
لكم محبتي
| |
|
|
|
|
|
|
|
|
|
Re: جات متأخرة ،، معليش ........ سحر يوسف تشرف البورد (Re: عمرو كمال ابراهيم)
|
محمد عبد الغني
ماممكن سلام
ايوة سحر ذاتها ..  اه حتعمل شنو حسة
ما احكي ليك يامحمد راسي ما مقطوع عديل كدة بعد ماجيت .. لو كنت بقدر كنت رجعت سودان العزة مرة تانية ...الي الان لم اتاقلم علي القاهرة و برد القاهرة
مازلت احن لشاي الصباح مع اللقيمات و الشقشة الصباحية
مازلت ارفع راسي فتصطدم عيناي بسقف غرفتي فاحزن ... اتذكر قمري ايوة قمرتي ونجمتي و ين دة هنا
و الله يامحمد شوفتك ساكت زادت شجوني
تسلم علي الترحاب
| |
|
|
|
|
|
|
|
|
|
Re: جات متأخرة ،، معليش ........ سحر يوسف تشرف البورد (Re: عمرو كمال ابراهيم)
|
سلام كل ســــــــنـة و انتوا طيبين ...
awad okasha شكرا عليAnimation الجميلة .
Quote: والف مرحب بالناشطة الأستاذة سحر يوسف
إضافة جميلة للمنبر |
مدثر محمد ادم تسلم كتير علي الاستقبال و الترحاب الجميل و أتمني فعلا أكون إضافة للمنبر الكريم
أستاذي محمد سني دفع الله
قصصي معاك ما تنتهي ... الف مرحب بيك يا أستاذ .. و .استقبالك و استقبال جميع الأحباب لي في المنبر أسعدني جدا
شهاب الفاتح عثمان تسلم يا أستاذي علي التحايا الرقيقة
عمرو كمال
| Quote: بس ما تعملوها لينا رطانة |
عندك اعتراض ... قول انت خايف انك تبقي اطرش في الزفة عشان كدة داير تصادر حقوق الاخرين يا حقوقي
تسلمو كتير علي الاستقبال و الترحاب الجميل
في بالي هذه الابيات ...( انا من نوع الناس من الصباح ترن في اذني اغنية دندنة او حتي بيت شعر الكارثة انها ما بتمشي تبقي بترن و كانها يتاكد وجودها ) ..هذه ابيات للحردلو و هي
لهذا الوطنْ
معمدة’’ جبهتي بالحَزَنْ ،
ومنذورة’’ كلُّ لحظةِ شِعرٍ ..
وميلادِ أُّغنيةٍ .. أو شجنْ ،
لهذا الوطنْ
معمده’’. كلُّ رعشةِ حبٍ .. ،
وكلَّ ابتساماتِ هذا الزمنْ ،
ومنذورة’’ .. كلُّ أيامِ عمري ..
فما كان منها ...
وما لَمْ يكنْ ،
لهذا الوطن.
| |
|
|
|
|
|
|
|
|
|
Re: جات متأخرة ،، معليش ........ سحر يوسف تشرف البورد (Re: عمرو كمال ابراهيم)
|
الف مراحب بالاخت سحر ونتمني لها اقامة سعيدة بينناوان تكون اضافة قيمة للبورد.
سمعنا عنا كل خير وجميل من زميلك السابق في المركز وصديقي محمد كوستي, يطراهو بالخير. بس للاسف ما اتلاقينا
نورتي البورد ياستنا.والف مرحب بيك تاني.
الاخ عمرو لمن اتلاقينا كان معانا محمد كوستي(هل تذكرني)
القاهرة ايام وليالي
| |
|
|
|
|
|
|
| |
عمرو كمال ابراهيم
Muna Khugali
هاشم أحمد خلف الله
عاصم ابوبكر حامد
حسين يوسف احمد
حسين محي الدين
Sahar Yousif
نهلة عمر
عواطف ادريس اسماعيل
sourketti
شهاب الفاتح عثمان
awad okasha
محمد سنى دفع الله
عبدالمجيد صالح
فيس بوك
تويتر
انستقرام
يوتيوب
بنتيريست