|
Re: يا زين عصايركم يا السودان ... ( بمناسبة قرب حلول عيد الأضحى ) (Re: ابو جهينة)
|
ابو جهينة العزيز
كعادتك قعطك النثرية ناطقة الحرف وتلامس حياتنا اليومية
فقد أضاف خلسة و في غياب زوجته الهميمة ، أضاف ثلاث معالق ( خميرة بيرة )... مما جعل المشروب ( يصيبه الجنون ) و يثور و يفور في غضون يومين حتى تململ غطاء البرميل و تأبط شرا.. و أصدر هسيساً كهسيس الثعبان في كومة قش.
ذكرتني بجيرانا في الحصاحيصا عندهم أولاد (شواطين)
امهم تعمل الشربوت ويجوا بالليل يدوهو خميرة
يصبح العيد على الشربوت وهم مستوي جداً
وتعال شوف أولاد الجيران واحدين بيمشوا عليهو عديييييييييييل
وواحدين بيخافوا منو (زي السعودي القال منكر )
يا سلام ياخ ذكرتنا الشربوت والضحية
بس باقي ليك السنة دي عندنا خرفان مع الحمى النزفية دي
| |
|
|
|
|
|
|
Re: يا زين عصايركم يا السودان ... ( بمناسبة قرب حلول عيد الأضحى ) (Re: انعام عبد الحفيظ)
|
الأخت العزيزة إنعام
سلام مربع
Quote: امهم تعمل الشربوت ويجوا بالليل يدوهو خميرة |
و الأم و الأبو يشربوا و يقولوا شراب الفقرا ..
تعرفي يا إنعام .. الشربوت دة مرات زي الزواج العرفي .. ظاهره حلال و باكنه حرام .. لأنو الشربوت بيبقى غتيت في الحر بتاعنا .. و الأيام دي طلعتْ موضة شربوت القنقليز و شربوت العرديب و شربوت ( من باقي الحلو مر ) ...
كل سنة و إنت طيبة
تخريمة : نرسل ليكم خرفان من هنا ؟
| |
|
|
|
|
|
|
Re: يا زين عصايركم يا السودان ... ( بمناسبة قرب حلول عيد الأضحى ) (Re: ابو جهينة)
|
ناس الحار بهناك ـــــ ....
ناس البارد ب جااااى
تعرف البارد دا شنو يا ابو جهينه
دا ياسيدى الشربوت والعسليه والحسـّوْه وما شابه ذلك ..
محمود ود براهيم يوجه ضيوف حفله سنة 1955
أما الحار دا ياااخوى يشرحو ليك واحد من المذكورين أعلاه
بجد دراما واعيه أفقدتنى السيطره على النعنشــه أقصد السيره الضحك
لك العافيه ويازِينا... يا زينا مناحى ... فى دور كاس شربوت
| |
|
|
|
|
|
|
Re: يا زين عصايركم يا السودان ... ( بمناسبة قرب حلول عيد الأضحى ) (Re: سلمى الشيخ سلامة)
|
كلامك شربوت ياخى .. لكن حرمتو عديل كده ؟ ياخي كثيره وقليله دي بدخل لينا الروب كمان .. عارف في زمنا كان بدأ تطبيق حد الخمر .. في عيد الأضحى واحد غليس بلغ علي جاره .. البوليس كشي الراجل .. الراجل دفع أمام المحكمه بأنه دا شربوت وما خمره .. المحكمه حكمت عليه.. إستأنف الحكم ومحكمة المديرية لغته .. نا قشنا قاضي المديرية بناء علي قاعدة ما يسكر كثيره فقليله حرام .. قال لينا إنتو لسع من زمن الحكم بالإفتراضات !! ياجماعة العلم تطور .. واصبح في حكم المعلوم بالضرورة أن السكر مبني علي نسبة مادة الكحول .. يعني لو ختينه نسبة من الكحول في موية الله دي بنقلب لشيئ مسكر يعني عرقي .. عشان كده يبقي حكمنا نبنيه علي نسبة الكحول الموجوده في كل ماده فإن تحققت النسبه المسكرة تصبح المادة او السائل في حكم الخمر حتي لو كان روب .
..
شايف اليومين ديل بوستات الطشمي عندك ..
| |
|
|
|
|
|
|
Re: يا زين عصايركم يا السودان ... ( بمناسبة قرب حلول عيد الأضحى ) (Re: ابو جهينة)
|
Quote: ثم تلتْه بالثالث .. و الرابع .. حتى ثقل منها اللسان و صارت ( صاحية كالنعسان ) .. إبتسمتْ .. ثم ضحكتْ ضحكة رخيمة ..حتى دمعتْ عيناها .. ثم وقفتْ تتمايل .. و خرجت مترنحة و هي تقول ( يا زين عصايركم يا السودان ) .. |
Quote: يقولون أن الزوجة السعودية كانت تغني طوال الليل و هي تضحك بين الفينة و الأخرى ثم تقول :
آآآآآآآآآآآآآآآآآآآآآآآآآآآآآآآي .. |
الكلام دا لو ما إنت الكاتبو كنت قلت ديل ناس (ألف ليلة وليلة) والليلة هوي يا ليلة نفس الأسلوب ونفس الأجواء
كل سنة وإنت طيب يا أبوجهينة كمونية هنية وشربوت مظبوط ,,
| |
|
|
|
|
|
|
Re: يا زين عصايركم يا السودان ... ( بمناسبة قرب حلول عيد الأضحى ) (Re: ابو جهينة)
|
جميل أنت ياجلال ،، بس البوست بتاعك بقى فيهو معروضات،،
إدريس ،، شيل العبار دا من جنب صورة البريء دا،، = تعرف ياريس الشربوت دا يدخل من ضمن الأشياء التي لا يسأل عن حلالها وحرامها السودانيون لأنهم لن يمتنعوا عن شربها مهما حصل،،
زي واحد قريبنا قرب يتحول لأنصار سنة لغاية الشيخ قال ليهو تاني سلام على الحريم مافي!!
قلت شنو؟؟؟ والله كلو شيء بخليهو ليكم إلا مقالدة الحريم دي ،، == السلام والمصافحة والمقالدة يوم العيد ياريس أخطر من الشربوت ،، غايتو عالمنا مخالف في كل شيء وهذا ما يجعله (عالم مجنون)،،
كل عام وأنت بخير ولو فعلا ماشيء الحج حول لينا التمر بتاع ود الباوقة دا،،
| |
|
|
|
|
|
|
Re: يا زين عصايركم يا السودان ... ( بمناسبة قرب حلول عيد الأضحى ) (Re: عبد اللطيف بكري أحمد)
|
عزيزي عبد اللطيف بكري
سلام كبير
Quote: بس البوست بتاعك بقى فيهو معروضات،، |
Quote: إدريس ،، شيل العبار دا من جنب صورة البريء دا،، = |
كمان خاتيهو جنبو شديد ..
Quote: تعرف ياريس الشربوت دا يدخل من ضمن الأشياء التي لا يسأل عن حلالها وحرامها السودانيون لأنهم لن يمتنعوا عن شربها مهما حصل،، |
غايتو السودان دة فيهو جنس حاجات ...تمحن
Quote: زي واحد قريبنا قرب يتحول لأنصار سنة لغاية الشيخ قال ليهو تاني سلام على الحريم مافي!!
قلت شنو؟؟؟ والله كلو شيء بخليهو ليكم إلا مقالدة الحريم دي ،، == السلام والمصافحة والمقالدة يوم العيد ياريس أخطر من الشربوت ،، غايتو عالمنا مخالف في كل شيء وهذا ما يجعله (عالم مجنون)،، |
عندنا واحد مشى بيت البكا و رفع الفاتحة مع الرجال في الصيوان .. ثم إنطلق و إلى بيت البكا ليعزي النسوان فوجد في الباب واحدة سمحة سماحة ما عادية .. فقام أخدها بالحضن و هات يا بكا و جعير .. فقامت واحدة قالت ليهو : دي ما ست البكا .. ست البكا ياها ديك .. فقام قال ليها و هو لا يزال مكلب في الولية السمحة : هو دي ذاتا ال ماتوا ليها شوية ؟
Quote: كل عام وأنت بخير ولو فعلا ماشيء الحج حول لينا التمر بتاع ود الباوقة دا،، |
ود الباوقة ذاتو شربوتو مبلول من أول ذو القعدة ..
كل عام و أنت بخير
| |
|
|
|
|
|
|
Re: يا زين عصايركم يا السودان ... ( بمناسبة قرب حلول عيد الأضحى ) (Re: مصدق مصطفى حسين)
|
سلامات يا ريس ..
والله كمان السعودية فيها بلح مبالغة .. خصوصا النوع اللونو اسود داك ( قوي ) ..
غايتو انا مستعد ارسل الوصفة للعزابة ..
وانشاء الله قصة النزفية دي تستمر لغاية العيد لانو الايام دي مستمتعين باللحوم ايما استمتاع بعد الجماعة هرشوا .. وفي ناس كده كانوا بيخمشوا اطايب اللحم ..واذا القصة استمرت الخرفان مافي زووول بيمشي عليها وطبعا انا ( انتحاري ) وكل يوم في العيد بخروف .. والزارعنا غير الله اليجي يقلعنا ..
| |
|
|
|
|
|
|
|