|
|
 يا ناس الرياض ..... (جاكم ضيف عزيز: الشاعر حاتم حسن الدابي بيننا) فألف محرب به
|
وصل للرياض مساء أمس الثلاثاء أخونا الشاعر المرهف حاتم حسن الدابي في زيارة قصيرة.
وهو أيضاً نجل الراحل الشاعر الكبير صاحب المدرسة الفريدة في الشعر الشايقي حسن الدابي رحمه الله.
سيقام حفل غنائي طمبورر بي رقيصه وشبابيله على شرف الشاعر، وستشدوا فيه كوكبة من فناني الطمبور بقيادة الفنان الجميل طارق العوض (الموعد سيحدد لاحقاً).
سيأتينا مامان بالتفاصيل لاحقاً أصلي بيني وبينكم لفحت الخبر وقبل ما أعرف التفاصيل جيتكم جاري أفك فيكم الشمار الحار ده.
ألف مرحب بيك حاتم
الشايقي
|
|
 
|
|
|
|
|
|
|
|
Re: يا ناس الرياض ..... (جاكم ضيف عزيز: الشاعر حاتم حسن الدابي بيننا) فألف محرب به (Re: Al-Shaygi)
|
Quote: ود الدابي مالك ساكت
ما شفت الشايقي السواهو
قال انك هنا
مشتاقين نشوفك
ونقابلك بالاحضان
فاوضني بلا زعل
حدد المكان والزمان
حتلقانا قبالك هناك |
عمنا حمزاوي
راجينك وما تفوتك الشبابيل
Quote:
مرحب بالأستاذ حاتم
Quote: وستشدوا فيه كوكبة من فناني الطمبور بقيادة الفنان الجميل طارق العوض
حتكون ليلة من ذات الليالي
|
الريس أبوجهينة
الحضور مهم عل الشباب يعود ذات ليلة!!
قريبنا عبدالقادر
جهز طوفك وأول ما يجيك صوت الطبور شايله الهوا من وسط نخيل القرير أرمي الطوف وعدي بس أنتبه للتماسيح.
Quote:
Quote: فألف محرب به
وكمان عامل لينا فيها شايقى جلابي .......
|
الطاهر ساتي
أصله غلط في البخاري..!!!
الترحيب ده أنت خليه علينا ما بنقصر فيه تب.
Quote:
( مرام ما جات )
للمبدع حسن الدابي
غناء جعفر السقيد
|
الريس أبو جهينة (تاني)
شكراً على العودة الجميلة بمرام ما جات
(الما جه كتيييييييييير يا جلال يا أخوي...
الشايقي
| |
|
|
|
|
|
|
|
|
|
Re: يا ناس الرياض ..... (جاكم ضيف عزيز: الشاعر حاتم حسن الدابي بيننا) فألف محرب به (Re: jini)
|
العزيز الصديق
حاتم الانسان الغارق في الابداع فهو ابن الشامخ الاديب
حسن الدابى الذى أعطى الوطن والآدب الكثير والكثير
التحية لكل المبدعين
يحي ابنعوف ود الدابى
ود الدابى مدرسة الأدب والقول
ساكت ياأخى مالك مابتعرف القول
أحوال البلد ماظن تسرلهازول
ساكت ياأخى مالك مابتعرف القول
ود الدابى مالك زي أسير مأسور
كيف البرتكان والمنقة والمشتول
وأخبار الدلاليك والطنابير التدق للحول
وأخبار البنيات التعوم فى الداره
زي عود سيسبان مفتول
ساكت ياأخى مالك مابتعرف القول
حميد قالوا هاجا زي كتير يازول
أحوال الأهل ما اظن تسرلها زول
من جاها الغراب خلى العديل مفتول
مالك يا كنار ساكت وقاطع القول
أحوال الأهل ما أظن تسرلها زول
ود الدابى مدرسة الأدب والقول
ساكت ياأخى مالك مابتعرف القول
| |
|
|
|
|
|
|
|
|
|
Re: يا ناس الرياض ..... (جاكم ضيف عزيز: الشاعر حاتم حسن الدابي بيننا) فألف محرب به (Re: يحي ابن عوف)
|
من اشعار حاتم حسن الدابى
بدر مدر يا رواسي
نحن بعاد لحقنا القيفة
انت مدبج ونحن نقاسى
فى برد امشير والموج والزيفة
مركبك الماليها مطارق
تمشي تقيف تسرح بى كيفه
مرة مغارب ومرة مشارق
وانت تخاف الريح وحفيفه
ساوها زينة وفوقها بيارق
وانت مدبج توب وقطيفة
فيها المات والضاربه الفالق
والسلمين فى حالة مخيفة
كل الناس ترزح في كفة
وانت وناسك فوق الدفة
الدايشين والراسهم لفة
والشاخصين فى المدى للضفة
صوف افضالك فوقهم جوة
فوق الموية وريقهم جفة
من العطش النص اتوفى
وباقى النص الفضل جيفة
....
ضاقوا المر والحال استعصى
الشغال واللاحق الحصة
الواصال للرحم اتقصة
والهداي مو لاقى الفرصة
الرساي سافر ما وصى
خلى محمد واحمد وحفصة
الاطفال العرفو القصة
سدت جوة حلوقهم غصة
من الجوع الدم اتمصة
واصبح كل الحلم رغيفة
.....
كل الراكب شاف احلامه
دون احساس ماتت قدامه
فن كتابه وكسر اقلامه
لا الوالدين لا جار ما لامه
ناس الحلة القعدوا وقاموا
اصر والح يمشى كلامه
هزموهو اخوانه البى الجوع نامو
وكم خريج ما لاقى وظيفة
.......
يا الفكيتها وقلت لها سيرى
وعارف انه الدنيا دميرى
لا فى ضفاف لا شفنا جزيرى
لا فى الحيرى ولا في الطيرى
كسرت جناحها وقلت لها طيرى
اتملكت الكانت ميرى
يا السودت الناصع وجيرى
ايد الحق صابونى وليفة
......
قبلك كم متعلم وقاري
عكس الريح فكولو الصارى
مشدوهين متعشى وحارى
ريسها شلته والبحارى
كم سنوات علام البارى
واقفى وهم شايفنها جارى
بقينا هلاك والقيف متضارى
لا حجار لا دوحة وريفة
.....
حسك عينك ما تتمادى
وتنسى الراكب عنده ارادة
الاهوال الشافها وخاضها
كان فى مدرسة والا عيادة
شفنا الايد الكان اجوادة
يا مبتورة يا شحادة
وياما رقاب كانت سدادة
علمت الله من التعريفة
......
يا ريسنا قدر نديرك
فك الدفة وادها غيرك
احفظ نفسك ترضى ضميرك
وقف اوع تواصل سيرك
كان طاوعتنى شن بيضيرك
عرض اكتافك وفك البيرك
لا هنى شكرا وكتر خيرك
وكل انسان في الارض خليفة
| |
|
|
|
|
|
|
| |
Al-Shaygi
إسماعيل وراق
ابو جهينة
الطاهر ساتي
Elbagir Osman
معتصم دفع الله
nassar elhaj
علاء الدين حيموره
maman
jini
يحي ابن عوف
علاء الدين صلاح محمد
د.محمد حسن
فيس بوك
تويتر
انستقرام
يوتيوب
بنتيريست