|
بورداب الرياض ولقاء العيد ... ليلة الإبداع
|
لقاء العيد لبورداب الرياض كان لقاءاً جميلاً متجدداً لهذه النخبة المتآلفة والتي جمع بينها هذا الفضاء الأسفيري فتلاقوا بأسرهم ورقصوا بأطفالهم ....
يا لها من ليلة تخللها الطرب الجميل من الفنان نصر الدين محمد محمود والذي يغني بإبداع للفنان القامة عثمان حسين، وضم اللقاء جمع من الفنانين والعازفين، ومن النجوم زميل البورد لؤي شمت ذلك الشاب الوسيم السوداني في جبة سويدي والذي أتى من المنطقة الشرقية (الخبر) خصيصاً لهذا اللقاء مصطحباً صخبه الموسيقي ليشجي الحضور بموسيقى عذبة.
اللقاء كبير ووصفه يطول ولكن زي مزيع الكورة أخلي المكرفون لزملائي في الميدان ناس تمبس ومعتصم وحميدة بالصور والريس أبوجهينة بالعذف على الحروف وبقية العقد الفريد من البورداب وما ننسى أخي وزميلي وجاري البعيو المابعيو.
في أنتظاركم يا شباب الصور والفديو وما تنسوا صورتي مع الأمورة.
الشايقي
|
|
|
|
|
|
|
|
Re: بورداب الرياض ولقاء العيد ... ليلة الإبداع (Re: Al-Shaygi)
|
كل سنة وانت طيب يالشايقي..
كانت حفلة جميلة جدا..والناس اتلاقت بعد غيبة..
تمبس دا لاقيناهو قبل شوية لافي بيفتش في محل فول وتميس..
لو ما شبع تماما..ما بيجي يفاوضك..
نشكر كل الاخوان الساهموا في تنظيم الليلة الجميلة دي
وخصوصا العملت الكمونية
| |
|
|
|
|
|
|
Re: بورداب الرياض ولقاء العيد ... ليلة الإبداع (Re: رشا سالم)
|
Quote: تمبس دا لاقيناهو قبل شوية لافي بيفتش في محل فول وتميس.. لو ما شبع تماما..ما بيجي يفاوضك.. |
... .. أنا الايامات دي عامل استنساخ تمبس ابو فول دا .. النسخة المضروبة من تمبس
Quote: وخصوصا العملت الكمونية |
.. .. والله دقستي يا رشــا .. كمونية زي دي كان تعملي منها ( بــــاكب ) أنا كان عارفه بتجرسك كدا .. كان قلت ليك تعالي اتعشي مع ( المصوراتيه ) ... ناس نحــن ديل .. لانو عشاء الفنانين بيكون فيهو ( اسبيشل كونسدريشن ) زي الكمونية دي ما بياكلوها ساكت كدا .. دي مفترض يكون معاها ( كتلوج ) والتوصيات المهمة إنو ما تغسل يدك بعد الأكل .. غايتو يا ( جنرال سامية ) .. كمونية من يدك .. معناته الفورة الف طوالي ..
اسمعي يا رشــا... ( الشبط ) الأبيض المتوسط وين ..؟ حركات ( التصبين ) بتاعت الدكاترة دي انا عارفه كويس
| |
|
|
|
|
|
|
Re: بورداب الرياض ولقاء العيد ... ليلة الإبداع (Re: معتصم دفع الله)
|
الاخ/باشمهندس حسن الشايقي ( العيد مباخت عليك-- (حصريا للشايقي ) الاعزاء بوردب الرياض كل عام وأنتــم بخير وأكثر قوة ووحدة 0 فاتني شرف حضور هذه المعايدة لعدم تواجدي بالرياض 0 العزيز معتصم دفع الله حمدا لله علي سلامة الوصول وسلامة أخيك بكري دمتم في حفظ الله 0
| |
|
|
|
|
|
|
Re: بورداب الرياض ولقاء العيد ... ليلة الإبداع (Re: Al-Shaygi)
|
Quote: الاخ الشايقي مسكاقمي فاوضني بلا زعل فعلاً كانت ليلة ممتعة ورائعة كل شئ كان تمام التمام |
حمزاوي مسكامي أهم شي الغنا بالرضانة والرقص الجماعي. رقصت بلإخلاص!!
Quote: كل سنة وانت طيب يالشايقي..
كانت حفلة جميلة جدا..والناس اتلاقت بعد غيبة..
تمبس دا لاقيناهو قبل شوية لافي بيفتش في محل فول وتميس..
لو ما شبع تماما..ما بيجي يفاوضك..
نشكر كل الاخوان الساهموا في تنظيم الليلة الجميلة دي
وخصوصا العملت الكمونية
|
يا الله يا رشا سالم صبقتيني على الكمونية دي أول حاجة سألت منها في العشاء والكمونية طلعت جعلية!!! الله يديها العافية صاحبة الجهد الغير عادي والكمونية الرهيبة التي كانت ملفتة للجميع.
Quote: سلامات الشايقي أنا من رمضان بوستاتك بتجوعني غايتو الصورة بتاعة القراصة دي شئ كده عجيب
دايما مجتمعين على خير يارب
|
وكل سنة وأنت طيبة تماضر ده الملاح الأخدر سوى كده ،،، طيب كان شفتي الكمونية المذكورة أعلاه كان تسوي شنو؟؟؟ غايتو ما أظني أكلت كمونية أحلى ولا أطعم من دي إلا كمونية أمي الله يديها العافية. والله حقو نسميها ليلة الكمونية بدل لقاء العيد!!!!
Quote: بورداب الرياض
كل سنة وكلكم طيبين وتتحقق الأماني يا رب
ويالشايقي انشاء الله السنة الجاية
تلقى كل الناس تفاوض من غير زعل
|
وأنت بخير أنعام عبدالحفيظ
والله زي اللقاءآت دي قاعد تنفض الغبار عن المعادن الثمينة وإنشاء الله سودانا كله معادن نفيثة وفي اللحظة دي في موجز أنباء الجزيرة لقاء البشير وسلفاكير، وقاعدين سمن على عسل ونحنا هنا حارقين رزنا.
Quote: سلام يا شايقي .. الليلة كانت حلوة بيكم وبالحضور الجميل .. هكذا دوماً بورداب الرياض حين يلتقون .. إن شاء الله دائماً مجتمين على الخير .. مزيد من التواصل .. مزيد من التكاتف .. كل عام وأنتم الخير كلو ..
|
الحبيب معتصم بالفعل الليلة كانت أكثر من رائعة فقط النقص الذي حدث في قوائم المايكات حرمنا من نصر الدين بالعود ودي دايرة ليها ليلة خاصة. شكراً على الصور الجميلة وفي إنتظار المزيد ما تنسى صورة صاحبتي تومة الدكتور بس الوديعة وليست المتوحشه الله يحفظن ويخليهن.
Quote: الاخ/باشمهندس حسن الشايقي ( العيد مباخت عليك-- (حصريا للشايقي ) الاعزاء بوردب الرياض كل عام وأنتــم بخير وأكثر قوة ووحدة 0 فاتني شرف حضور هذه المعايدة لعدم تواجدي بالرياض 0 العزيز معتصم دفع الله حمدا لله علي سلامة الوصول وسلامة أخيك بكري دمتم في حفظ الله 0
|
محمد الحسن والله فقدناك وتسائلنا أنا والبعيو أين أنت ؟؟؟ فاتتك ليلة ما بتنفات.
الشايقي
| |
|
|
|
|
|
|
Re: بورداب الرياض ولقاء العيد ... ليلة الإبداع (Re: Al-Shaygi)
|
Quote: الشايقي العزيز وجودك اضفى على الحفل رونقا صوت نصر الدين اعادنا لسنوات الزمن البهي مرزوق كعادته كان شاملا ود العيلفون اطربنا لنا عودة
|
الريس أبوجهينة وين يا راجل منتظرنك من زمان شكراً على الأطراء نصر الدين لم يقدم كل ما لديه للمشكلة الفنية التي حدثت ولكن عشان ترجع للزمن البهي دي دايرة ليها جلسة أستماع بالعود بس وبالكثير إيقاع وأكورديون العازف الفذ عمر عباس الذي حالت ظروف سرقة سيارته بينه والمشاركة التي أسعد لها.
لسه راجين مقطوعة الحروف لتعزف لنا لحن اللقاء.
الشايقي
| |
|
|
|
|
|
|
Re: بورداب الرياض ولقاء العيد ... ليلة الإبداع (Re: Al-Shaygi)
|
الزميل الفنان نصر الدين محمد وبجانبه والدته التي حضرت اللقاء معه وعند بدء الحفل وأحضارها من الجانب الذي خصص للنساء لمكانهن بالحفل أبت إلا أن تقف بجانب أبنها وتردد معه أغنيات عثمان حسين ولم تجلس رغم تقدمها في السن إلا بعد إنتهاء الفاصل. بحق كانت نجم الحفل الغير متوج. الله يديها العافية ويطول عمرها.
الشايقي
| |
|
|
|
|
|
|
Re: بورداب الرياض ولقاء العيد ... ليلة الإبداع (Re: Al-Shaygi)
|
نــاويك سفر
حاسيك شجن ... وشح دروب الإغـــتراب .. لافح حنينك شــال حـياه متغطي من بــرد الصعاب شقيش مشيت بتيـــممك .. نــاويك سفر من غير إياب خايف علي من شوقي ليك من جني بيك لابسك درع مـــن كُـتر ألام العـــذاب ... عازمك محنه وشــوق وريــد وعلى ضحكتك عازم الصحـاب في ضُــل مساحات اليباب ... تخضــير مسامات المطـــــر ... أو إكتساب الدفء من هذا النهر وعلى ضحكتك دقت طــبول ... أشواق غـــــــناي .... رقصت غـــمامات الســـماء .... وزغرد هــــــــــــواك .... فيني لي أخــــــر وتـــــــــــر ... وحاسيك أنــــــــا .... كلما غابت شمس ... تشرق شموس أفراحي بيك .. تــوقد مداخـــــل الإلـــــفة ... لي الزمـــــن الصعــــب .... وتهــاتي بيك .... في كُل محطات السفـــر .. غطيني من بـرد الصعاب .. مدينيى من وهجـــك دفيِ وشـــــايلك أنـــا مليان حـــنان وحاسيك شجـــــن .
| |
|
|
|
|
|
|
Re: بورداب الرياض ولقاء العيد ... ليلة الإبداع (Re: ترهاقا)
|
دلفنت الى مكتب الاستاذ ولياب ووجدته ساكنا لا احدالمكتب فقلت اسجل انطباعاتي عن حفل البورداب ليلة البارحة.
والله الشوايقة ديل جيجننونا جن:
يعني اسع الجاب السقد في الحفل دا شنو ( فالسقد معناه العقرب) يا شايقي.
ثم ثانيا ناس البورداب ديل كل مرة يدونا دعوة للحضور ولكن لا يسجلوننا في الحضور سواء بالفيديو او الصور اللي كل دقيقتين كرب كرب تسمع صوت الكاميرا وما بصورونا بس بصوروا ناس الخرتوم ومدني بس والناس المعروفين لديهم فقط... والا كيف يا تمبس؟؟؟
اخوكم zomrawi alweli
| |
|
|
|
|
|
|
Re: بورداب الرياض ولقاء العيد ... ليلة الإبداع (Re: Al-Shaygi)
|
الإبداع ينبع من جمالكم
يا الشايقى
كان الجمع الحفل عامراً بهياً كما نشتهى دائماً
وكعادة هؤلاء النفر ( السمحين ) رحلو بنا هناك لننسى عوامل شتى وحلقنا بعيداً بعيداً عن الأرض وعن خيار الغربة المنفى فكانوا زينة العيد وطعم الوطن وما زالوا كذلك وهم فى جمالهم يرفلون
أجمعين .. لكم الموده وعيد ســعيد
| |
|
|
|
|
|
|
Re: بورداب الرياض ولقاء العيد ... ليلة الإبداع (Re: Al-Shaygi)
|
Quote: لقاء العيد يعني التهاني كل عام و أنتم بخير و في زمن الجوالات : إما رسالة أو مكالمة مقنضبة و لكن ليلتنا بالأمس كانت ( غير ) فقد إحتضنا ( السويدي / لؤي ) بأورغنه ذي الذاكرة ( الغير ) و قالدنا ( البعيو ) الذي يطلق على نفسه هذا اللقب ( كفا للعين ) فهو بحجم تهراقا و ( بحجم أشواقنا للغائبين ) السنجك : الشايقي : له حضور بنكهة بخور التيمان و الصندل يتفرس فيك كمن يستحثك على الكلام أو كمن يقول لك : ماذا تقول ؟ تمبس كان أدروبيا في لباسه ... محترفاً مع كاميرته .. متسامحا مع توافد الضيوف. حميدة ( الحميضة ) .. كان كعادته .. يتوالف مع الدال و الضاد حتى مع لقائي به مع القنصل معتصم كان كمن بقول بأن الضيوف على حدقات العيون إدريس : دائماً خلف الكواليس : أخو إخوان : يأتي مبكرا و يذهب آخرا طارق نقد : موسيقى بلا ضجيج .. رغم أنه ضابط الساوند سيستم مصطفى شحرفان : شايقي ... يعمل بلا ضجيج .. ( سودانيزأونلاين ) حتى النخاع .. و لا يؤمن بنخاع سودانيزأونلاين... منفرد و متفرد خالد سعيد الأرباب .. .. شهادتي فيه مجروحة .. و لكنه أرباب بمعنى الكلمة داش و أبو وجيدة : إستفزا اللغة .. و حفرا أخدودا في قاموس التبداوية الضيوف كانوا رحيق الحفل إفتقدنا الجنرال محمد عبدالجليل ووووووو لا زلت سكرانا بالطرب
لي عودة |
underline]Quote: والريس أبوجهينة بالعذف على الحروف |
ما قلت ليكم!!!!!! الشايقي
| |
|
|
|
|
|
|
Re: بورداب الرياض ولقاء العيد ... ليلة الإبداع (Re: Al-Shaygi)
|
Quote: والله شهيتونا ايامنا الحلوة معاكم وكل سنة وإنتو طيبين وملمومين
|
ترهاقا عظيم النوبه كل سنة وأنت والأسرة الكريمة بألف خير وعافية. والله السهرة يا الحبيب مش فاتتك أنت وبس ولكن نحن الذين فقدناك في هذه الليلة الجميلة. فقدنا النغم الجميل والأداء المحترف. تصور كان ممكن تلاقي منو وممكن يحدث التلاحم في الأداءالممتاز للأغاني الخالدة؟ نصر الدين محمود و عمر عباس عازف الأكورديون بالتأكيد بتتذكر الإسم والشخص فقد عمل لمدة طويلة كعازف أكورديون مع وردي يعني بتكونوا أشتغلتوا سوا.
طبعاً صاحبك الريس أبو جهينة متألك كالعادة.
يا ريت يكون عندك عودة للخليج ونقدر نشوفك ونبل الشوق.
لك كل الود الشايقي
| |
|
|
|
|
|
|
Re: بورداب الرياض ولقاء العيد ... ليلة الإبداع (Re: Al-Shaygi)
|
حبيبنا الشايقى كل عام وانت بخير وجميع بورداب العالم بخير
الليلة كانت جميلة والحضور اجمل
شكر خاص للاخوة المشرفين على اعداد الليلة
وشكر لكل بورداب الرياض وشكر للحضور ضيوف البورداب
واليك انت وقد ظهرت بعد غيبة وكان لظهورك فرحة تضاف الى فرحة العيد
أحمد العمار
| |
|
|
|
|
|
|
Re: بورداب الرياض ولقاء العيد ... ليلة الإبداع (Re: Al-Shaygi)
|
Quote: حبيبنا الشايقى
كل عام وانت بخير وجميع بورداب العالم بخير
الليلة كانت جميلة والحضور اجمل
شكر خاص للاخوة المشرفين على اعداد الليلة
وشكر لكل بورداب الرياض وشكر للحضور ضيوف البورداب
واليك انت وقد ظهرت بعد غيبة وكان لظهورك فرحة تضاف الى فرحة العيد
أحمد العمار |
أحمد العمار
جمال اللقاء كان من جمال الحضور
بس زي ما قلت ليك الفنان واحد كده زميلنا..!!!! الشايقي
| |
|
|
|
|
|
|
Re: بورداب الرياض ولقاء العيد ... ليلة الإبداع (Re: Al-Shaygi)
|
الأخ العزيز الشايقى شكراً على فتح البوست الجميل وكل سنه وأنت طيب وإنشاء الله السنة الجايه من بورداب الخرطوم وأنا معاك وبالفعل كان لقاء جميل ورائع بروعة القائمين عليه الريس أبو جهينة الهاش الباش دائماً وأحب أقول ليه عيدك مبارك ونحمد الله على سلامة ابنتكم وربنا يديم عليكم نعمة الصحة والعافية..... كما لايفوتنى أن اهنئ آخى معتصم دفع الله بالعيد ونجاح عملية شقيقه والله يجعل أيامكم كلها أعياد أيضا أتقدم بالشكر الجزيل على كل من ساهم في إخراج اليوم بتلك الروعة وأخص بالشكر الإخوة الكرام يوسف السمانى ... والشرقاوى فل سوت علاء الدين (تمبس)..... والمصوراتى الوجيه الأخ محمد حميده ....... والأرباب خالد سعيد...... والشباب الظريفين الذين لم يبخلوا علينا بما تيسر لهم من إمكانيات لجعلنا نقضى ليلة لطيفه اخوانى إدريس علم الهدى وطارق نقد وشكر خاص لكل من ساهم بجهده من وراء الكواليس وأقول ليهم كلهم كتر خيركم وفى موازين حسناتكم إنشاء الله أخونا وزميلنا الفنان نصر الدين محمود أقول ليك شكراً وبرضو كنت رائع كما عودتنا دائماً بالرغم من التقصير الحصل ونأمل أن تكون تلك الليله ضربة البداية لتشريفنا بإنضمامكم لمجموعة البورداب كما واشكر الفنان ياسر العيلفون والفنان مرزوق والفرقة الموسيقية المصاحبة لهم .....
ايضاً سعدت بالتعرف على الأخ لؤى (بالعربي) من بورداب الشرقية رجل ظريف وفنان.... والتقيت لأول مره بالأخ هاشم أحمد خلف الله الذي كان احد نجوم الليلة بجانب الشايقى وأحمد حنين وود الباوقه وعادل جبارة والكاردينال محمد الشيخ ومصطفى شحرفان ووليد شريف ولو كان في كأس للإبداع لأعطيته للخال حمزاوى لمشاركته المميزة فى شباب الله هو والفرقة المصاحبة.......
نجوم لم تستطع فى تلك الليله:
صديق الموج خالد المحرب محمد الحسن عبد المطلب محمد عبد الجليل إسماعيل وراق دكين عمر الفاروق احمد الشايقى آدم الهلباوى الصادق خليفة
تهنئة بالعيد وتحيه كبيره للخريجين:
الخال ود قاسم ترهاقا تبلدينا سيد احمد قدوره خالد عويس
أنور عبد الرحمن الشيخ
| |
|
|
|
|
|
|
Re: بورداب الرياض ولقاء العيد ... ليلة الإبداع (Re: humida)
|
الأستاذ طارق الحوري .. وليد399 .. أنور البعيو .. المصور حميدة ( يا حميدة المشاهير دائماً بجيبوهم في الآخر ياخ ).. مصدق أبوخالد وأحمد العمار .. أحمد حنين وأمورته الصغيرة وعلاء حيمورة .. حسام عبدالقادر شقيق حميدة .. عبدالقادر على عبدالرحيم وصلاح شتات .. إنشراح زوجة أحمد حنين وسارة زوجة يوسف السماني .. إيمان زوجة الأرباب خالد سعيد وإنشراح زوجة أحمد حنين وسارة زوجة يوسف السماني ..
| |
|
|
|
|
|
|
Re: بورداب الرياض ولقاء العيد ... ليلة الإبداع (Re: humida)
|
بورداب الرياض الحلوين الجميليين .. كل عام وأنتم جميعاً بخير وعافية .. وكرامة مقبولة ياريس أبوجهينة .. وياشفيف معتصم .. كانت ليلة جميلة .. إفتقدنا فيها أحبة لنا على رأسهم الأرباب خالد المحرب وأسرته الكريمة .. تحياتي للجميع ، الأرباب
______ يامــو نزل صورة حميدة .. شايفه بقى يصرج .. وطوالي راح حاقر بي بتاع البنقز .. حبيبنا عوض المبدع المتميز له التحية والتقدير .
| |
|
|
|
|
|
|
Re: بورداب الرياض ولقاء العيد ... ليلة الإبداع (Re: Al-Shaygi)
|
مجموعة الشباب والأطفال الذين أضفوا جواً جميلاً على الحفل .. حسام وحسن أبناء الأخت خالدة البدوي .. محمد ودالباوقة .. وليد شريف مع إبنتيه سجى وضحى .. يوسف السماني مع إبنته ريناد .. رامي يوسف السماني .. علا ودالباوقة .. الأمورة منية أحمد حنين ..
| |
|
|
|
|
|
|
Re: بورداب الرياض ولقاء العيد ... ليلة الإبداع (Re: معتصم دفع الله)
|
ود فاروق .. مشتاقين ياراجل .. وين العيد الجاب الناس ماجابك ..
Quote: يا خالد سعيد :
هيييييييييييييييييييييييييييييييع .. العكداااااااااااااااااااااااااابي.. |
ضحكتني .. والله ..تصدق مجدي لحدى أسع خلال الـ 6 سنوات سنين إغترابه مخسرنا ترله بتاعت حليب السعودية وقريب 500 خروف ..و برضوا مافي فايدة .. آخر إجازة ليه في السودان .. في موقف شندي كان معاهو أخوي مقيم بالسودان .. الجماعة كلهم فاتحين لي مجدي .. ويتفاوضوا مع أخوي التاني شابكنوا ليك يامغترب يامغترب
| |
|
|
|
|
|
|
Re: بورداب الرياض ولقاء العيد ... ليلة الإبداع (Re: Al-Shaygi)
|
النبيل الشايقي
كانت ليلة مميزة بكل ما تحوي
توقيتها والعيد بأريحيته ووهج التسامح فيه
والذي جاء بعد غياب طويل وفترة من التحرك الدووب
لانجازات انسانية ممزوجة بكثير من التوتر والهميمية
وحاجات كثيرة كدة كان الجميع في حاجة للُقيا وبهذا الجمال
كنت قايلة نفي براي لقيت الكثير مثلي !!!
حقيقة كانت ليلة بروعة روح البورداب الجميلين دائماً
وببيض دواخلهم التي تشع في تعاملهم واريحيتهم ..
خاصة وأنه لينا زمن من يد سامية الطاعمة عشان تأمني
د/ رشا وطله ود الباوقة..
كان جو رائع بكل المقاييس ..
الشكر لكل الروائع واتاحة ارتشاف ما كنا في ظما له
من لحن وشعر ،،
كل عام والجميع بخير ومتلمين وسالمين
كل عام وانتم الحب ،،،
| |
|
|
|
|
|
|
Re: بورداب الرياض ولقاء العيد ... ليلة الإبداع (Re: خالدة البدوي)
|
Quote: النبيل الشايقي
كانت ليلة مميزة بكل ما تحوي
توقيتها والعيد بأريحيته ووهج التسامح فيه
والذي جاء بعد غياب طويل وفترة من التحرك الدووب
لانجازات انسانية ممزوجة بكثير من التوتر والهميمية
وحاجات كثيرة كدة كان الجميع في حاجة للُقيا وبهذا الجمال
كنت قايلة نفي براي لقيت الكثير مثلي !!!
حقيقة كانت ليلة بروعة روح البورداب الجميلين دائماً
وببيض دواخلهم التي تشع في تعاملهم واريحيتهم ..
خاصة وأنه لينا زمن من يد سامية الطاعمة عشان تأمني
د/ رشا وطله ود الباوقة..
كان جو رائع بكل المقاييس ..
الشكر لكل الروائع واتاحة ارتشاف ما كنا في ظما له
من لحن وشعر ،،
كل عام والجميع بخير ومتلمين وسالمين
كل عام وانتم الحب ،،، |
شكراً أستاذة خالدة البدوي حقيقة كانت ليلة مميزة وجميلة
وأصلي ما كنت مواظب على اللقاءات ونسبة للإنشغال كنت قليل الحضور. لكن بعد كمونية نا الباوقة،،، حالياً بدرس موضوع الرحيل لي حلتم (من حٍِله بكسر الحاء "حي" وليس حُله بفتح الحاء "قدر") بعدين ما يجيني ودالباوقة يطرطش لي الموضوع يقول لي ما عندنا حلل قدرك تشيلك!!!! الشايقي
| |
|
|
|
|
|
|
Re: بورداب الرياض ولقاء العيد ... ليلة الإبداع (Re: ود الباوقة)
|
Quote: خالدة البدوي ..
الشايقي ..
الكمونية ماركة اصلية باوقاوية .. احذروا التقليد |
ود الباوقة الاصيل
طبعا دي طبيعية ما دايرة ذيادة
تسلم الايدين العملوها ..
وكرامة مقبولة ودالباوقة ومعتصم دفع الله وابوجهينة
وجميع البورداب وحفل يحمل في طياته كثير من الاحاسيس
الجميلة النقية نقاوة ما بالدواخل ،،
أطيب اللحظات وأجملها لكم ،،،
دوما لامين سالمين يارب ،،
وكل الهنيهات المفعمة بالجمال لكم ،،
وكل الاماني الصادقة الشايقي.. لك ،،،
| |
|
|
|
|
|
|
Re: بورداب الرياض ولقاء العيد ... ليلة الإبداع (Re: خالدة البدوي)
|
شكرا أخي الشايقي علي البوست الجميل.. وجميل نشوف العيد عندكم ولمتكم الحلوه.. واطفال زي الورد ربنا يحفظهم.. واتشرفنا برؤية وجوه كثيره بجانب التي نعرفها من قبل.. واول مره اشوف صورتك وصورة حمزاوي والبعض الآخر..
والحاجه أم الفنان العطا جميله شديد وهي بتوزع الفرح عليكم.. عيد صحيح..
كل سنه وانتو طيبين..
| |
|
|
|
|
|
|
Re: بورداب الرياض ولقاء العيد ... ليلة الإبداع (Re: Muna Khugali)
|
الشايقي الظريف ،
عيد سعيد وكل عام وإنت بخير ، ليلة الابداع والروعة فاتتنا ، وعزاؤنا فيما سطره يراعك وبقية الأحباب المتداخلين ، وتلك الصور المعبرة عن الفرح والتآخي والتآلف وهذا هو ديدن بورداب الرياض دوماً . كم كنت أتمنى والأسرة أن نكون حضوراً لكن الظروف أجبرتنا لكي نكون في المنطقة الشرقية في ذات تلك الليلة المشرقة البهية والتي فاتتنا . والجايات أكتر من الرايحات .
مودتي ،
( ليمو )
| |
|
|
|
|
|
|
|