|
|
 مش نورمال مش نورمال الهلال للفينال
|
هذا هو هتاف التوانسة المفضل
ولكن استعاره الهلال بعد ان تاهل للنهائي ز
وقد شهدنا في جلسة ( موغلة في السرية ) كما يقول صديقي عبد الكريم
شريط المباراة بعد ان تمت سرقته بواسطة شيطون ابن قسطنطين الصغير والذي يرفض
عرضه علي اعضاء الليوجيرغا .
انتهت المباراة بالتعادل هدف لكل فريق
احرز قودوين هدف الهلال الاول في ربع الساعة الاولي للمبارة وادرك النجم الساحلي
التعادل في الزمن الضائع
مبروك هلال الملاليين مبروك عشاق الموج الازرق
شاهدوا المباراة بعدين وتاكدوا من كلامي
بس اي هلالابي اجيب ( بياضو ) بعد الكورة لخالكم خليل
|
|
 
|
|
|
|
|
|
|
|
Re: مش نورمال مش نورمال الهلال للفينال (Re: tmbis)
|
Quote: لكن كمــان لو كلامك دا طلع كلام صيام ساكت ..
والله يا خليل إلا تمشي تكتب في الشعب المصرية .. نحن حقنا ما قاعدين نخليهو .. |
تمبس غايتو الا اكون الشريط الشفتو دها مدبلج
لكن اشرطة المباريات السابقة كانت صحيحة
| |
|
|
|
|
|
|
|
|
|
Re: مش نورمال مش نورمال الهلال للفينال (Re: مبيوع)
|
Quote: والله تسعة وتسعين من النتائج العملتها طلعت صحيحة وسافرد بوست خاص لها
|
وانت قايل ترباس مشي شرب بين الشوطين: ما شرب في دقيقة واحدة وهي تمثل 1% من زمن المباراة
وهي نفس النسبة الما ضربت معاك صاح:
يا زول التوانسة ديل ولاد حنوت الله يسترنا معاهم ساكت: ناس عبدالكريم النفخي والله النفخة
ديل ما بتصاقعوا
| |
|
|
|
|
|
|
|
|
|
Re: مش نورمال مش نورمال الهلال للفينال (Re: nazar hussien)
|
Quote: يا زول التوانسة ديل ولاد حنوت الله يسترنا معاهم ساكت: ناس عبدالكريم النفخي والله النفخة
ديل ما بتصاقعوا |
يا نزار حسين
نعلم تماما النجم الساحلي خطير
وصل دوري الاربعة اربعة مرات في الاربعة سنوات الماضية
بطل الكونفدرالية خسر النهائي مرتان امام الاهلي وانيمبا
لم يدخل مرماه هدف في هذه البطولة خلال خمسة مباريات
وقبل ما اشوف الشريط توقعت هزيمة الهلال بثلاثة اهداف علي الاقل
والشريط هو عودة المعز وريتشارد واجتماع هيثم مع اللاعبين
وتصريخ عمر بخيت بان هذه المباراة دونها الموت
| |
|
|
|
|
|
|
|
|
|
Re: مش نورمال مش نورمال الهلال للفينال (Re: khaleel)
|
هلا يا خلا
ومرحب ياتمبس
وسلام يا هلالاب يا مش نورمال..
ونمارس الدعم والاسناد اللوجستي لتكهنات الليوجرغا الخطيرة
ونبشر بان (قوبي) قد ابرق من داخل قطية موغل في التعمق للكمبو وافاد
بان الماتش _درون_
وان الهلال نورمال نورمال مكانو الفينال
...................................................
والليلة ياخلي اقترح احتلال اسفيري لهذا المنبر لحين ذهاب ابوالهل الي الفاينال
ومضايرة كل مرجفي المدن الاسفيرية
| |
|
|
|
|
|
|
|
|
|
Re: مش نورمال مش نورمال الهلال للفينال (Re: نادر محمد الراضي)
|
Quote: لكن جاني كابوس بالليل إنكم درنتوا مع النجم ...
والله يكضب الشييييييييينة .... |
شوف الخرخرة بدت!!! يعني عشان خليل جرسك بلقاء السوبر خلاص قلبتو كابوس؟
حررررم ما بنخليكم، و لو دايرين أفتحو لدولفين عشان تتفادو فضيحة السوبر...
قال محمولة جواً قال...
كأس السوبر دا حنجيبا براًً بقطر أبو حمد
رمية تماس:
يا أبو خليل، حصل شوفت ليك نجمة طلعت بالنهار (بغلط)؟
عشان مباراة السوبر ح يتلعب الساعة تلاتة عصراً، و بطولة أندية العالم ببدا الساعة إتنين و للا واحدة كدا ما عارف!
هـــــــــــــاء هــــــــــــــاءء هــــــــــــــاء ء ئ.
ربي، أنصر الهلال على أي نجمة تجي في سكتو للبطولات...آمين
| |
|
|
|
|
|
|
|
|
 Re: مش نورمال مش نورمال الهلال للفينال (Re: عبدالكريم الامين احمد)
|
| Quote: ونبشر بان (قوبي) قد ابرق من داخل قطية موغل في التعمق للكمبو وافاد |
والله يا كيكي نحن اشارتنا اتعطلت من كورة المجد بتاعت الخرطوم ..
رمضان دا ولع بطاريات جماعتنا ..
بنحرق تش بعد العيد ..
والقطية بتبقبق كان ربك سهل ..
وبعد العيد كلنا داخلين معاكم الكمبو كان الله سهل .. (والكاس) علي انــا القدامك دا ..
..
| Quote: ومضايرة كل مرجفي المدن الاسفيرية |
جماعتك ديل يا كيكي .. ارخيهم لي .. بجيهم ليك .. اطلع منها إنت ..
يا وليد دواش ..
يازول حضر كنجالاتك .. جماعة خليل ديل ما حصل عملوها فينا ..
قاليك ديل عندهم طشت بتفرجو فيهو على الكورة قبال ما تتلعب
| |
|
|
|
|
|
|
|
|
|
Re: مش نورمال مش نورمال الهلال للفينال (Re: tmbis)
|
| Quote: جماعتك ديل يا كيكي .. ارخيهم لي .. بجيهم ليك .. اطلع منها إنت .. |
هلا يا تمبس
والليلة والله القصة نارها نار منقد
والغريبة برضو السادة المرجفين داقين نوبة وعاملين توم وشمار اسفيري
وطبعا يا تمبا انت عارف احنا حقنا برضو ما بنخليهو ولكن انا طالع منها بس
بالله احفظ اللستة بتاعة الطابور الخامس كويس..واولهم اخونا الوريف ده..
مقدما .. اللهم لا شماتة يا هلالاب
وفي انتظار كاساتك وكاسات الهلال كمان عشان نخمج السوق
| |
|
|
|
|
|
|
|
|
 Re: مش نورمال مش نورمال الهلال للفينال (Re: عبدالكريم الامين احمد)
|
| Quote: بالله احفظ اللستة بتاعة الطابور الخامس كويس..واولهم اخونا الوريف ده.. |
يا كيكي ..
طبعا لقيتك مزروع ليك مع باميه عديل كدا ..
ياخي السيد / الصحفي المتخصص هلال دا .. من يوم ما جا البلد دي داخل وقالو ليهو في حاجة اسما سودانيز وفي حاجة اسمها هلال .. شايفو قاعد يفتي .. ويفت
وشايفك فاتح معاهو كل البلوفه والفونج ..
ياخي زي النوع دا . ارخيهو .. خليهو يمتع نفسو لكن ختها ليهو في زقاق ضيق ..
زي النوعية دي بتجي في اللفــه ..
بعدين براهو بقد السلك ..
إنت بقيت ما بتعرف الحاجات واللا شنـو يا كيكي ..
عايز يعني تشمت اصحابي فيني .. يقولو لي دا صاحبك بقى يجليها ثابته ..
ارخيهو عليك الله .. وختها ليهو لي بعد المويات .. زي دا بيعطشك ساكت حسع دي
| |
|
|
|
|
|
|
| |
khaleel
nazar hussien
tmbis
ترهاقا
مبيوع
شهاب الفاتح عثمان
waleed dawash
عبدالكريم الامين احمد
نادر محمد الراضي
Dhieu Chabiet
فيس بوك
تويتر
انستقرام
يوتيوب
بنتيريست