|
|
 هل توجد لمّة (بورداب) ما رائعة ؟؟؟
|
منذ إنضمامي لعضوية سودانيز أون لاين ولحدّي الليلة إتلمّ بورداب العالم في بلدان مختلفة أكتر من جغلومية لمّة ..
كل اللمات دي وبعد نهايتها بنشوف عنوان واحد ومداخلات وااااااحدة !!
العنوان :
كانت جلسة رائعة (توجد صور)..
والمداخلات تكون على شاكلة :
- وين الصور يا هناي..
- شيلوا الصبر الصور في التحميض ..
- صورة لي واحد يدّعي إنو سرحان وتمت مفاجأته بالتصوير في حين إنو هو متجهز ليها..
- صورة لي شافع أو شافعة لي بوردابي..
- صور لي (مضّهبين) مجاملة نسميهم أحد الضيوف..
- ألحقوني يا ناس نسيت الأسامي..
- مصوّر الحفلة يقوم يصور نفسو بعد ما يزح كاميرا بعيد ويدوس الكاميرا ..
حضرت جلسات كثيرة لي بورداب مختلفين معظم الجلسات دي ما كانت رائعة وبعضها كان رائع ..
الجلسات السودانية جلسات متشابهة تماماً لا تحتاج لبهارات وحبة توم وشمار لتجميلها كلنا بنكون عارفين نوع الحوار اللي تم فيها ونوع البرامج البيتم طرحها ..
* بيننا البوردابي الشاعر فلان ..نسمع قصيدة ..
* طبعاً يا جماعة الليلة عندنا ليكم مفاجأة فالبوردابي علّان بالإضافة لي إنو كاتب سياسي فهو يتمتع بصوت جميل جداً نسمع أغنية منو ..ويوقم هو يقول ليهم والله صوتي ما سمح ويقوم البورداب يقولوا ليهو يا زول غنّي ويقوم يقول ليهم خلاص يا جماعة انا حا أغني لكن انا ما جاهز وصوتي حا يطلع كعب وتووشك يبدا " الذكريااااااااااات صادقة ونبيلة ويا الفي الجنووووووووب حيّ الشماااااااااال" ويواصل زولنا الكان خجلان في الغنا لحدي نهاية الحفلة ويحنسوهو حنيس عشان يقيف من الغنا..
في بعض الأحيان بوردابي بيكون ما دفع الشيرنق لكن جا القعدة ولمن بكرة يكتب إنو الجلسة كانت مش ولا بد تووشك جماعتك يجو يشيلو حالو :
" هو إنت زااااااااااتك ما دفعت لينا أي شي وكمان جاي تتفاصح ؟"
بعض الناس لو جا قال رأيو بي صراحة حول الجلسة وإنها لم ترضي الطموحات يزعلو منو ناس الجلسة وتاني ما بيعزموهو ..
في معظم الجلسات لازم تظهر صور فيها بوردابي وبوردابية (يا حليلنا نحن ناس الرياض بوردابياتنا بيكونوا في الجريف شرق ونحن في الجريف غرب)..
|
|
 
|
|
|
|
|
|
|
|
Re: هل توجد لمّة (بورداب) ما رائعة ؟؟؟ (Re: عمر الفاروق)
|
Quote: منذ إنضمامي لعضوية سودانيز أون لاين ولحدّي الليلة إتلمّ بورداب العالم في بلدان مختلفة أكتر من جغلومية لمّة ..
كل اللمات دي وبعد نهايتها بنشوف عنوان واحد ومداخلات وااااااحدة !!
العنوان :
كانت جلسة رائعة (توجد صور)..
والمداخلات تكون على شاكلة :
- وين الصور يا هناي..
- شيلوا الصبر الصور في التحميض ..
- صورة لي واحد يدّعي إنو سرحان وتمت مفاجأته بالتصوير في حين إنو هو متجهز ليها..
- صورة لي شافع أو شافعة لي بوردابي..
- صور لي (مضّهبين) مجاملة نسميهم أحد الضيوف..
- ألحقوني يا ناس نسيت الأسامي..- مصوّر الحفلة يقوم يصور نفسو بعد ما يزح كاميرا بعيد ويدوس الكاميرا ..حضرت جلسات كثيرة لي بورداب مختلفين معظم الجلسات دي ما كانت رائعة وبعضها كان رائع ..
الجلسات السودانية جلسات متشابهة تماماً لا تحتاج لبهارات وحبة توم وشمار لتجميلها كلنا بنكون عارفين نوع الحوار اللي تم فيها ونوع البرامج البيتم طرحها .. |
بوست بتاع زول واقعي جدا وصريح جدا جدا
لكن مع واقعيته وصراحته
زهجان شوية
| |
|
|
|
|
|
|
|
|
|
Re: هل توجد لمّة (بورداب) ما رائعة ؟؟؟ (Re: Shayma)
|
تعرف يا عمر البوست ظريف جدا وضحكني علي غير العادة
سنة الفين وواحد والبورد دا في عضمه ليهو شهور قررنا نحن في جدة انه نتلاقي كاول بورداب علي وجه البسيطة يحتفلون بلمة بورداب فكان لقاء بورداب جدة وما جاورها لحدي الطائف حيث جاء ابو حراز وغيرهم من سكان ضواحي جدة
وكان هذا اول لقاء بورداب لسودانيز اون لاين والذي لم يتكرر حتي الان حيث اننا في جدة ناس مفتحين فعرفنا ان بقية اللقاءات ستكون ما رائعة بروعة اللقاء الاول .. لذا ما نزال في بورداب جدة علي وعدة بتكرار لمة بورداب جدة ان شاء الله لمرة ثانية بعد سبعة سنوات
| |
|
|
|
|
|
|
|
|
|
Re: هل توجد لمّة (بورداب) ما رائعة ؟؟؟ (Re: عمر الفاروق)
|
عمر اخوي رمضان كريم
| Quote: هل توجد لمّة (بورداب) ما رائعة ؟؟؟ |
لمن ما يحصل فيها الكلام القلتو فوق دا كله يا عمر
| Quote: في معظم الجلسات لازم تظهر صور فيها بوردابي وبوردابية (يا حليلنا نحن ناس الرياض بوردابياتنا بيكونوا في الجريف شرق ونحن في الجريف غرب).. |
عشان كده قلنا الواحد افضل يكون في الشمال مرة وحدة
| |
|
|
|
|
|
|
|
|
|
Re: هل توجد لمّة (بورداب) ما رائعة ؟؟؟ (Re: عمر الفاروق)
|
الغفاري أبو ذر:
| Quote: اسمع يا فاروق، إنت الشافع الواقف لى ناس مانشستر سيتى دا، ولد إشمايكل حارسكم الدنمراكى الزمان داك، ولا اسم على اسم ساى، غايتو الخلقه برضها قريبين من بعض |
ياهو ود عمك إشمايكل بي شحمو ولحمو ..
وعمك إشمايكل طوااااالي بيكون قاعد في المدرجات بيحضر في ولدو ..
الغريبة يوم كورة مانشستر يونايتد ومان سيتي الولد ده وقف لينا ألف أحمر وستين يمين ما تجيبو قون لحدي ما غلبونا واحد - صفر..
الولد Save As إشمايكل بزغو بزغة
تخريمة :
بالله يا ابوذر جلسات زمان بتشبه جلسات أسة ؟
انا قلت تقول لي ونسة عجايز أم درمان ديك وتقول لي ياااااااا حليل جلسات البورداب زمان ..هيييييييه دنيا ..
| |
|
|
|
|
|
|
|
|
|
Re: هل توجد لمّة (بورداب) ما رائعة ؟؟؟ (Re: عمر الفاروق)
|
يا السنجك :
رمضان كريم ..
| Quote: عشان كده قلنا الواحد افضل يكون في الشمال مرة وحدة |
حدد ياتو شمال عشان ما يتلخبت علينا الإختساس..
شمال الرياض؟
شمال الكرة الأرضية ؟
ولا الشمال العكس أصحاب اليمين؟
لكن طلعت مفتح يا معلم ولشغلانة واقعة ليك ..
تخريمة :
عندنا لقاء (رائع) يوم الخميس ..
تجي ؟ ولا نجي؟
| |
|
|
|
|
|
|
|
|
|
Re: هل توجد لمّة (بورداب) ما رائعة ؟؟؟ (Re: عمر الفاروق)
|
عاصم باشا:
رمضان كريم ..
وزعلان منك ياخ ..جيت البلد ديك وفتشت ليك رقم وما لميت فيك ..
غايتو ضيعت عليك فرصة إنك تلاقيني
| Quote: شكلك ماخد شاكوش من بوردابية ... |
يا أخوي انا قاعد في السعودية حيث لا بوردابية ترى ولا أذن تسمع !!!
| |
|
|
|
|
|
|
| |
عمر الفاروق
mahmed alhassan
Shayma
اساسي
أبوذر بابكر
alsngaq
tmbis
عاصم ابوبكر حامد
فيس بوك
تويتر
انستقرام
يوتيوب
بنتيريست