دعواتكم لزميلنا المفكر د.الباقر العفيف بالشفاء العاجل
|
|
 يا عقلاء المنبر أنا في عرضكم ... فكوني من آمنة مختار
|
في 28/04/2007 وفي هذا البوست ( الان حصحص الحق..هذا منى اعتذار واضح وصريح... ) كتبت آمنة مختار
Quote: 28-04-2007, 09:33 م
AMNA MUKHTAR
.
تاريخ التسجيل: 31-07-2005
مجموع المشاركات: 3633
الان حصحص الحق..هذا منى اعتذار واضح وصريح...
فى الأيام الماضية كنت أفكر فيما اذا كان يحق لى مناهضة العنصرية
واستشفاف مافى الصدور واصطياد النيات التى تظهر فى زلات الكتابة والتعابير
لدى البعض فى هذا المنبر وفى الحياة العامة .
خالجنى احساس قاتم بعدم التصالح مع النفس .
أحسست اننى مشاركة فى هذا الواقع.. والماضى العنصرى ..بصورة او باخرى
واننى بحاجة ماسة الى التطهر ، قبل ان يحق لى انتقاد الآخرين .
لهذا السبب
قررت الاعتذار...
قررت أن يعتذر بعضى لبعضى .
قررت الاعتذار عن تاريخ الرق فى السودان الذى شارك فيه بعض قومى
وما زالوا يشاركون ...سواء بالفعل أو الصمت أو التواطؤ .
قررت الاعتذار عن العنصرية البغيضة والاستعلاء غير المبرر .
قررت الاعتذار ..لأننى طالبت الجميع بالاعتذار
ونسيت أن أعتذر..
أعتذر وبالفم المليان ...لأن البعض رأى فى الاعتذار ضعفا
وقرارا بالانتحار !!
ولأن لا يمكننا أن ننكر ..مهما حاولنا..حقيقة ان السودان بلد ذو تاريخ فى الرق
.. وواقع قائم على العنصرية والاستعلاء.
لذلك يعتذر بعضى لبعضى ..
وأعتذر عن جرائم أسلافى ضد أسلافى الآخرين.
اعتذر عن أى لفظ أو ايحاء بالتعالى العرقى..
صدر منى قصدا أو دون قصد..تصريحا أو تلميحا
ادراكا أو جهلا .
أعتذر عن استعباد الانسان لاخيه الانسان
واستعلاء الانسان على اخيه الانسان
فى وطنى ...وفى كل مكان .
|
وكان هذا ردي عليها ( Re: الان حصحص الحق..هذا منى اعتذار واضح وصريح... )
Quote: 28-04-2007, 10:12 م
معتز القريش
.
تاريخ التسجيل: 07-07-2006
مجموع المشاركات: 3880
Re: الان حصحص الحق..هذا منى اعتذار واضح وصريح... (Re: خالد علي محجوب المنسي)
بالله ...
صدقتك وصدقت أدروب
وبعد شوية بشاشا وتراجي
وباقي العقد العنصري
أسلوب جديد لبذر بذور الفرقة
واشعال نار الفتنة
العنصرية البغيضة
دعوة حق أُريد بها باطل
|
|
|
 
|
|
|
|
|
|
|
|
Re: يا عقلاء المنبر أنا في عرضكم ... فكوني من آمنة مختار (Re: ودالسافل)
|
Quote: واللة العظيم ..ان محنتنا فى مثل هذا الغث من الكتابات..
ياخى عليك االلة..لوبتعزه....ارتقى بالزمن البضيع فيهو دا.
اللة يقرفكم...[/QUOTE]
أخي ود السافل
تحياتي واحترامي
كدي قول لي أعمل شنو
هذا البوست فقط لتوضيح الصورة للأخت آمنة مختار
ليس القصد منه شمتها أو الاساءة إليها
فقط أريد منها أن تثبت أنني كما قالت
أو تثبت على الأقل إني كوز ...
احترامي مجددا
| |
|
|
|
|
|
|
|
|
|
Re: يا عقلاء المنبر أنا في عرضكم ... فكوني من آمنة مختار (Re: معتز القريش)
|
ثم اتت في هذا البوست بما لم تأت به قبلا
وقعوا لحذف هذا البوست المخجل من هذا المنبر المحترم
وكتبت مداخلتها الأولى وقالت فيها
Quote: 10-12-2007, 04:22 م
AMNA MUKHTAR
.
تاريخ التسجيل: 31-07-2005
مجموع المشاركات: 3633
Re: وقعوا لحذف هذا البوست المخجل من هذا المنبر المحترم (Re: معتز القريش)
انظروا من يتحدث؟!!!!!!!!!!!!!
برز الثعلب يوما فى ثياب الواعظينا
ومشى فى الأرض يهدى ويسب الماكرينا
يا عباد الله توبوا فهو كهف التائبينا....الخ
معتز القرش...بصراحة انا بطنى طمت من نفاق أمثالك ...وقلتا عووووووووع
ياخ انت أمثالك من جعلوا البذاءة تمشى على قدمين فى الوطن الأسير..
وجاى كمان بكل وقاحة وقوة عين ...تستنكر بذاءة ( المستنيرين)؟!
ياخ خلينا ليكم البلد بحالها بعد أن ملأتموها نفاقا وقرفا..
كمان جاييين تقرفونا فى كل مكان بأكاذيبكم وتمثيلكم وادعاءكم احتكار الفضيلة
والدين والاخلاق !!
بعدين ممكن أتقبل أن يكتب أى شخص آخر هذا البوست...لكن انت ؟! دى صعبة شديد!!
انت نسيت انك صاحب أكثر المداخلات بذاءة التى مرت على هذا المنبر؟!
انت قايل القراء ما عندهم ذاكرة ولا شنو؟؟
نسيت شتيمتك ( المنحطة) لأختنا الفاضلة هنادى فضل؟؟
ولأخينا المناضل (الحقيقى) وسام؟؟
ومعايرتك لهم بتعذيبهم فى بيوت أشباحكم؟؟
استنى لمن أفضى ليك يا كبير منافقى المنبر ...يا بن أبى سلول. |
وكان ردي عليها
| Quote: ســـــلامـــــــــــا |
| |
|
|
|
|
|
|
|
|
|
Re: يا عقلاء المنبر أنا في عرضكم ... فكوني من آمنة مختار (Re: عبدالكريم الامين احمد)
|
Quote: هلا يا معتز
الزولة دي الظاهر عليها عصرتك شديد وعاافي منها امنة مختار دي
رغم اختلافي معاها في الكثير من الاشياء في هذه المنبر الا انني اري انها في هذه الجزئية قد
لعبت ماتش كبير (الشي البخليك تقول وااي ده ما هين تب ياقريش)...
..
نجي للكلام الدغري
المتابع يا قرش لخلافكم هذا يلاحظ ان جوهره سياسي وامنة مختار تعتقد بانك صاحب خطاب كيزاني وجدير بالتعرية عشان كده فاتحة فيك نيران تقيلة ولعباك لفت ورايت..
عليه يا قريش انت خلي رايك دغري من القضايا المصيرية مثل العنصرية وسلطة الكيزان والظلامية الما ليها لزوم دي.. فساعتها اعتقد بانك ستسلم من صواريخ امنة مختار دي.. |
كي كي يا لعين
يا أخي انا قبلت الهزيمة خلاص خلوها تحل عن سماي
يا كي كي عليك الله أنا كوز ؟؟؟
يا أخي كلمها إمكن تصدقك عشان انت من الهامش 
| |
|
|
|
|
|
|
|
|
|
Re: يا عقلاء المنبر أنا في عرضكم ... فكوني من آمنة مختار (Re: معتز القريش)
|
لما الحكاية زادت عن حدها قمت أنا سألتها :
| Quote: يا آمنة مختار مشكلتك شنو معاي ؟؟؟؟ |
أجابت بالآتي :
Quote: 12-12-2007, 10:35 ص
AMNA MUKHTAR
.
تاريخ التسجيل: 31-07-2005
مجموع المشاركات: 3633
Re: وقعوا لحذف هذا البوست المخجل من هذا المنبر المحترم (Re: معتز القريش)
معتز القرش شايفاك استحليت لعب دور الحمل الوديع..معتمد على ضعف ذاكرة الأعضاء..
لتنشيط ذاكرتك ...وانت عارف طبعا البادى أظلم..
راجع هذا البوست:
الان حصحص الحق..هذا منى اعتذار واضح وصريح...
جيت فى بوستى ده داخل فارد عضلاتك وانت برلوم
وعامل فيها عنتر شايل سيفو..
انت قايل الدنيا هنا مهدية....ولا انقاذ؟؟
هنا كما تدين تدان..
وكما تجهل يجهل عليك.
بعدين صدقنى حتى لو ما غلطت على..
أمثالك من المنافقين بستفزونى كده لله فى لله.[/B]
|
| |
|
|
|
|
|
|
|
|
|
Re: يا عقلاء المنبر أنا في عرضكم ... فكوني من آمنة مختار (Re: على محمد على بشير)
|
Quote: يا أخي انا قبلت الهزيمة خلاص خلوها تحل عن سماي
يا كي كي عليك الله أنا كوز ؟؟؟
يا أخي كلمها إمكن تصدقك عشان انت من الهامش |
قريش ما عندك مشكلة انا بستغل ثغرة الهامش دي وبشوف ليك دبارة مع امنة مختار دي
لكن عندي شروط
1-اولا تخلي حركاتك بتاعة الثلج البتكسروا للطقي دي.(وما تشبك الناس تاني جاييكم السم القدر غداكم ولا قدر عشاكم)..
2- تغيير الصورة الفي بروفايلك دي وتقلع القفطان الشين ده وترجع صورتك بتاعة بدلتك عبد الواحد ديك
3- اوع اشوفك تباري لي ناس فرانكلي ومحمد فرح وهجو الاقرع ديل
4-تبطل حركاتك بتاعة (جرقاس السفارة) القاعد تعمل فيها دي
توافق علي الشروط دي
انا بكلم تراجي صحبتي ثم زي ماقال علي محمد بشير بخليهاتكلم امنة مختار
توقف منك صواريخ كروز دي ؟؟؟
شن قولك يا يازول
| |
|
|
|
|
|
|
|
|
|
Re: يا عقلاء المنبر أنا في عرضكم ... فكوني من آمنة مختار (Re: معتز القريش)
|
يا ناس المنبر اول حاجة اقولة معتز القريش ليس بكوز قد تكون عندو ارائة الخاصة
التى قد تتلاقى او تتقاطع مع لكيزان مش اى واحد يقول راى مخالف معناهو كوز
كلو عندو راى كلو عندو دين جاى وجاى وجاى
المفروض مناقشة الافكار بعيد عن التصنيف مش مناقشة انو فلان دة شنو المفروض فلان افكارو شنو
فى ناس ممكن يتحملو النقاش البناء ...................وفى ناس احسن ما تناقشهم خالص
ودة اضعف الايمان...................................... معتز اعتقد انو تغير كتير حتى فى نوعية كتاباتو من زمان....................................... ودة بداء من نقدو لذاتو ودى تحسب ليهو
ما عليهو ..............................................
| |
|
|
|
|
|
|
|
|
|
Re: يا عقلاء المنبر أنا في عرضكم ... فكوني من آمنة مختار (Re: عمر سعد)
|
| Quote: يا كيكى السؤال واضح دايرين اجابة عليهو منك؟ ما تزوق بجاى وجاى؟ |
سلام يا عمر
ومالك نفسك قايم يازول
انت في زول قال ليك كيكي ده عندو (كوزومتر) خاتيهو معاهو في جيبو ولا شنو
طبعا يا عمر البعرفوا عن معتز قريش انو ما كوز ولا حاجة دي شهادة امام الجميع...
لكن الشاهد يا عمر بانه مواقفة (لايصة) ونص كم
وماسك العصاية من النص
وبعد مرات التركي ولا المتورك..
ومثل ارائه تلك يا عمر ياها البتجيب ليهو المشاكل والجوطة الزي دي
مع ناس يتعاملون معها بحدة وصرامة..
| |
|
|
|
|
|
|
|
|
|
Re: يا عقلاء المنبر أنا في عرضكم ... فكوني من آمنة مختار (Re: عبدالكريم الامين احمد)
|
Quote: سلام يا عمر
ومالك نفسك قايم يازول |
معقول يا كيكى نفسى يقوم لمن اخاطبك دة احساساك انتة بس لكن ما كان نفسى قايم
بس لانو الزول استنجد بيك وسالك سؤال انتة تجاهلتو من غير قصد حبيت تجاوبو ليهو
اسف جدا لو تبادر الى حناياك انو نفسى كان قايم عليك فى الحتة دى.؟
تانيا فى ناس فى البورد دة بتخليك لو ما داير تبقى كوز تبقى يسكوك لحدى ما تزهج
تقول بيضة يقولو حجر .....................
وعندنا السودانيين الزهج البخليك تعاند ود القريش بعاند وبعدين مرات كتيرة بيكون داير يناكف للة فى للة بس
| |
|
|
|
|
|
|
|
|
|
Re: يا عقلاء المنبر أنا في عرضكم ... فكوني من آمنة مختار (Re: عمر سعد)
|
Quote: معقول يا كيكى نفسى يقوم لمن اخاطبك دة احساساك انتة بس لكن ما كان نفسى قايم
بس لانو الزول استنجد بيك وسالك سؤال انتة تجاهلتو من غير قصد حبيت تجاوبو ليهو
اسف جدا لو تبادر الى حناياك انو نفسى كان قايم عليك فى الحتة دى.؟ |
يا عمر يا حساس
ياخ معقول يا فردة الكلام ده
وقريش لو لاحظت اجاباتي لسواله جات ضمنا في الشروط التي ارسلته له في شكل وردة..
ومعتز زول صحبي دون شك ولكنه كثير الشوت الضفاري مثله ومثل (برشم اخوان)..
حسع ممكن يكون اتصلح شوية وبقي ود فالح
ولكن تاريخ صراعاته المنبرية هنا لا تنسي وبتكون مسقطة في وعي اي انسان يختلف معاهو
عشان كده بتجيهو الكفاوي والبلاوي الزي دي...
كل الود والحب يا ابو عمار
ولك العتبي يا صديقي حتي ترضي..
| |
|
|
|
|
|
|
|
|
|
Re: يا عقلاء المنبر أنا في عرضكم ... فكوني من آمنة مختار (Re: معتز القريش)
|
معتز القريش
قاتلك الله
امنة مختار انسانة محترمة واعية بقضاياها الخاصة والعامة..
اراك ممن يميعون القضايا ويتخذون المواقف المايعة في اهم القضايا..
لا اعتقد ان امنة تستهدف شخصكم (الكريم) وانما تستهدف افعالكم..
فبثماركم نعرفكم ..
لك الود
_____
قصة انت كوز وللا ما كوز ما مشكلة
انت ما كوز
انت متكوزن ودي اصعب ..
تحياتي لكفيلكم الاعظم ومبروك زواج شقيقة فايز
عقبالك الرابعة
بقيت زي ال FM الثالثة والرابعة
قاتلك الله
___
ارجو ان تاخذ مداخلتي الجادة كما هي والشخصية كصديق كما هي
واااصلي الضغط يا امنة
لكي المحبة والتقدير
منعم
| |
|
|
|
|
|
|
|
|
|
Re: يا عقلاء المنبر أنا في عرضكم ... فكوني من آمنة مختار (Re: معتز القريش)
|
Quote: منعم ياخي براحة علي الزول ده
والراجل عاوز يقول الروب وقال تاني ما بباري ناس الدقون د |
كيكي
سلااام
يا اخوي زولك ده خليهو يعرف حاجة
وحايبقي كده من هنادي لامنة
الزول ده عدو المراة جنو وجن المشاغبة مع النساء
المحيرني بعد ده كلوا معرس 3
قاتلة الله
____
يا كيكي اتكلم مع حضرة الكفيل الاعظم ابوسيكاره يمكن يقدر يسكتوا لينا
واااصلي يا امنه
| |
|
|
|
|
|
|
|
|
|
Re: يا عقلاء المنبر أنا في عرضكم ... فكوني من آمنة مختار (Re: عبد المنعم سليمان)
|
Quote: يا اخوي زولك ده خليهو يعرف حاجة
وحايبقي كده من هنادي لامنة
الزول ده عدو المراة جنو وجن المشاغبة مع النساء
المحيرني بعد ده كلوا معرس 3
قاتلة الله |
والله يا منعم انا برضو المحيرني في صحبي ده
شكلو للنسوان ده
مرة فكوني يا ناس من هنادي والليلة كواريك وخلع من امنةمختار
والله لا ورانا يومو مع تراجي ده ح يكورك فيهو كورايك احتمال تهلك الباندوث ذاااتو
انا كمراقب اسفيري لخطاب قريش
اتمني ان الاخت امنة مختار تخفف علي ابنص المساككة شوية
فالراجل حاصلة ليهو تغييرات جيواسفيرية
| |
|
|
|
|
|
|
|
|
|
Re: يا عقلاء المنبر أنا في عرضكم ... فكوني من آمنة مختار (Re: معتز القريش)
|
Quote: دي المنقة.... ما تفكك منها علا الشطة... تر اجي
شطة بس
ومنقة مص |
شوف جنس ده يا كيكي
هسع تقول عليه شنو
دااك عرفناه بتاع سيرة وحديث وقال البرمبوطي في صحيح المنفلوطي وما عارف ايه
ده دكتور ..! بدل ال بعمل فيه ده لو شاف شغلوا كان انقذ ليه
خروف خروفين من النزفية ال ماليه البلد بدل ما جاي هنا يساعد في النطيحة والمتردية
____
لولا اننا نثق في ان امنة ستلقنة درسا كما فعلت هنادي لتدخلنا
| |
|
|
|
|
|
|
|
|
|
Re: يا عقلاء المنبر أنا في عرضكم ... فكوني من آمنة مختار (Re: عبد المنعم سليمان)
|
Quote: دااك عرفناه بتاع سيرة وحديث وقال البرمبوطي في صحيح المنفلوطي وما عارف ايه
ده دكتور ..! بدل ال بعمل فيه ده لو شاف شغلوا كان انقذ ليه
خروف خروفين من النزفية ال ماليه البلد بدل ما جاي هنا يساعد في النطيحة والمتردية |
زولك بتاع (النيام نيام ) ده يا منعم انا ذاتي كايس لي معاهو عكة
لكن مشكلتو (زي ولد الموية) ومابتمسك باخوي واخوك..
سجيمان زي ماقال ليك منعم بدل تقعد تمصص لينا في شلالفيك دي هنا
امش عالج ليك خروف خروفين ينفعوك من الدبس ده
| |
|
|
|
|
|
|
|
|
|
Re: يا عقلاء المنبر أنا في عرضكم ... فكوني من آمنة مختار (Re: معتز القريش)
|
| Quote: اتمني ان الاخت امنة مختار تخفف علي ابنص المساككة شوية |
المشكلة ما في امنة وامنة ما اظن شغالة بيهو
المشكلة الزول ده بنتظر الكفيل لمان يجي وقت الطشمة بتاعتوا ويخشش المنبر توووش
____
الكفيل من الساعة 7 قالوا شايل قزازتو ونازل من المكتب زي ال ماشي يقطع الجمار
يجي صحبك يغني ليهو حقيبة والكفيل يسكسك لمان يجيب خبرو يقوم يرقدوا ع الكنبة
ويخش توووش شكل مع ناس امنة
هسع عمايل معتز دي عمايل زول كفيلة شايف شغلوا
| |
|
|
|
|
|
|
|
|
|
Re: يا عقلاء المنبر أنا في عرضكم ... فكوني من آمنة مختار (Re: عبد المنعم سليمان)
|
| Quote: هسع عمايل معتز دي عمايل زول كفيلة شايف شغلوا |
الزول ده يا منعم من ما جاب شيخ الطقي في المنبر
عينو بقت قوية وما شغال بالكفيل الشغلة..
الكفيل يقول قاطعوا تجاني حاج موسي هو يقول لعععععع
الكفيل يقول شيخ ابوزيد وما ادراك قريش يقووووول لللللللع
حسع بدرالدين بقي محتار في روحو في تمرد قريش وقالوا بقي يجي المكتب بجلابية للركبة
وبدرالدين بغم ما بقدر يقولا
| |
|
|
|
|
|
|
|
|
|
Re: يا عقلاء المنبر أنا في عرضكم ... فكوني من آمنة مختار (Re: معتز القريش)
|
Quote: الكفيل يقول قاطعوا تجاني حاج موسي هو يقول لعععععع
الكفيل يقول شيخ ابوزيد وما ادراك قريش يقووووول لللللللع
حسع بدرالدين بقي محتار في روحو في تمرد قريش وقالوا بقي يجي المكتب بجلابية للركبة
وبدرالدين بغم ما بقدر يقولا |
حاجة تحير
الكفيل انهي خدمات ايزابيل وللا اسمها منو ديك اللبنانية ال كانوا موقفين
المنبر ع رجل واحدة لما كانت شغالة معاهم اتقول بت الياس سركيس  ..
غالبوا يفنش الظلامي ده ؟
يا ريت يعملها الكفيل عشان نشوف صحبك الطقي حيشغلوا شنو والله الا في الاوقاف
____
يا زول الكفيل لو قال بسم الله وخلي شراب التكيلا بالليمون بجيب ليك خبرو
| |
|
|
|
|
|
|
|
|
|
Re: يا عقلاء المنبر أنا في عرضكم ... فكوني من آمنة مختار (Re: معتز القريش)
|
Quote: يا ود القريش
عشان تتخارج من امنه دى انا بديك حلين
الاول تقول الروووب على رؤوس الاشهاد وانا بحلك منها
والتانى تكلم ليها تراجى .. اصلها صاحبتا وصاحبتك
يعنى صديقه مشتركه
تخريمه : -
بالله قلت لى كيكى من الهامش |
على محمد على بشير
الحل ماكدي والحل ياهو دي
الحل للمخارجة واحد من أتنين:
يا ترمي فوقها الحبل
يا ترمي فوفها الحبل
ويا معتز القريش ولا أدري أهي قريش مكة أم شيتاً آخر
كان ماعندك حبلاً ترميه فوقها قول حبالنا واصلا
الشايقي
| |
|
|
|
|
|
|
|
|
|
Re: يا عقلاء المنبر أنا في عرضكم ... فكوني من آمنة مختار (Re: معتز القريش)
|
Quote: معتز القريش أنت منافق..
في هذا المنبر سمعت لك تسجيلا صوتيا تحكي فيه( نكتة) فيها من السفاهة ما يصم الآذان ..أنزلته أنت بنفسك.
لا تحاول أن تدعي التهذيب فجأة |
ماهو ادعاء التهذيب ده هو البجننا زاتو يا فاضلابى..
معتز ده انا واحدة من الناس قرات ليهو فى المنبر ده
مداخلات غاية فى السوقية ..
وبعد ده كلو جاى ناطى وعامل فيها ابو التهذيب والأخلاق!!
دى ياها حركات الكيزان العرفناها وحفظناها
والواحد لمن يعمل كده أعرفوا كوز طوالى..
الكوزنة أساسا مرادف للنفاق.
بعدين يا معتز صدقنى انا ما فاضية ليك...خد راحتك على الآخر
واتفرغ لبوستاتك الفارغة بتاعة الهجيج مافى زول بسألك..
لكن لمن تجى تعمل لينا فيها ابو الأخلاق..فده هو البجنن بوبى .
| |
|
|
|
|
|
|
|
|
|
Re: يا عقلاء المنبر أنا في عرضكم ... فكوني من آمنة مختار (Re: AMNA MUKHTAR)
|
آمونه العزيزه
معتز قريش ده بس انت ما عرفتيه
لكنه راجل اخو اخوان...وشكله بحب الماواة و الفارغه شويه
لكن ما بيرضى فيكم كلم اخواته.
الا ما قلتي لي انت احمد عبد الله الكذاب ده بيقصد شنو؟؟؟؟
وانت تتجاهلي مداخلته دي ليه؟؟؟؟؟من الممكن يكتب بباس وردك.
وبعدين هو كان ما عبيط ما بيفرز اسلوبك؟؟؟؟؟؟من اسلوب الآخرين؟؟؟؟
| |
|
|
|
|
|
|
|
|
|
Re: يا عقلاء المنبر أنا في عرضكم ... فكوني من آمنة مختار (Re: عبدالكريم الامين احمد)
|
الضلامي العتيق ..
عيدك مبارك يا عريس ..
و الغريبة أن لك وحشة يا مأفون ..
هذا أولاَ ..
و ثانيا : آمنة مختار من أكثر الناس إتساقا مع مواقفها و أخلصهم لقضيتها .
و لا أظنها تستدعي الشخصي في خلافها معك يا ود أب زهانة ..
هي فقط تصب جام ثورتها فوق أم رأس المواقف المائعة من القضايا العامة ..
و في ذلك فهي حادة حادة ولا تقبل بأنصاف الحلول ..
و أحيانا تلجأها الغضبة إلى استخدام الشراسة إلى أقصاها .
لكنها قطعا ليست بالشخص الذي يستبطن السوء للآخرين .
قول خير .. و الزم الحسنى ..
تكسب .
ثم .. أكثر من الشربوت و المحدقات .
السلام إلى " الجميلين " طرفك .
| |
|
|
|
|
|
|
|
|
|
Re: يا عقلاء المنبر أنا في عرضكم ... فكوني من آمنة مختار (Re: ناذر محمد الخليفة)
|
Quote: عشان كدة أنا من الصباح شايل الغنية دي وحاشرا في كل بوست في الصفحة الاولى
دي فنانة جنوبية إسمها فيفيان جيمس .. |
هلا ياناذر
وكويس انك حشرتها لصحبي (الخلعتو امنة مختار ده) في بوستيهو
علي الاقل تبرد ليهو ياياتو شوية...
ومثل هذا اللحن يا ناذر الذي جننته فيفان جيمس المدهشة
ينتشر كثيرا في مناطق جنوب السودان ويوغندا وكينيا وزايكو(او زائيري)
وله طريقة رقص مميزة ورزم خطير ..
واذكر في الاثر فرقة جاز الرجاف الشهيرة في جوبا
والكنغولي العجيب (كوفي)..
لو اديتني مساحة وزمن ارقصوا ليك يا ناذر لمن تتحير ذاااتو
| |
|
|
|
|
|
|
|
| |
معتز القريش
عبدالكريم الامين احمد
على محمد على بشير
عمر سعد
fadlabi
دينا خالد
Ahmed Abdallah
عبد المنعم سليمان
سجيمان
Kostawi
Tragie Mustafa
Al-Shaygi
عبد العظيم احمد
AMNA MUKHTAR
مجاهد عبد الرحمن
wd al geran
ناذر محمد الخليفة
Emad Abdulla
رأفت ميلاد
فيس بوك
تويتر
انستقرام
يوتيوب
بنتيريست