|
|
 ويتكرر المشهد أكثر جمالاً .. حفل إفطار بورداب الرياض السنوي ..
|
أقام بورداب الرياض وسودانيز أون لاين حفل إفطارهم السنوي شرفه جمع غفير من كل فعاليات العمل العام والمجتمع المدني بالرياض يتقدمهم سعادة القنصل العام الأستاذ أحمد يوسف وبورداب الشرقية ممثلين في بدري وهيثم ضرار وأسر بورداب الرياض وضيوفهم الكرام ..
عقب الإفطار إنتقل المدعوون إلى قاعة الإحتفالات حيث تم عرض فلم وثائقي بالبروجيكتور عن مشكلة دارفور والخطوات التي قام بها بورداب الرياض في حملة أنقذوا وليد دارفور والتي إستمرت لمدة أربعة أشهر ..
بدأ الحفل والذي إشتمل على فقرتين الأولى كانت عقب صلاة المغرب مباشرةً والثانية كانت بعد صلاة التراويح بتلاوة من الذكر الحكيم تلاها الأستاذ عمر ودالباوقة ..
قدم الحفل الأستاذ يوسف السماني مرحباً بالجميع ..
بعدها ألقى الريس أبوجهينة كلمة البورداب شكر فيها الجميع حضورهم لإفطار البورداب السنوي ..
ثم قدم الأستاذ هارون أسرم شرحاً مختصراً للموقف المالي للجنة العشرينية لحملة وليد دارفور ..
ثم تلاها الأستاذ محمد عبدالجليل متحدثاً عن المشكلات التي تواجه شحن التبرعات إلى المستفيدين منها في معسكرات النزوح ..
أعقبه الأستاذ أحمد يوسف قنصل السودان بالرياض مثمناً مجهودات البورداب في كل المجالات الإجتماعية والإنسانية التي يقومون بها وعلى وجه الخصوص حملة وليد دارفور والتي ذكر أنها نموذجاً متكاملاً لكل من أراد أن يقوم بمثل هذه الحملات وقد أوصى بطباعة كتيب يحتوي على كل الخطوات التي قام بها بورداب الرياض متضمنة كل الذي ساهموا بالتبرع أو الدعم المعنوي والمادي وقد وعد سعادته بحل مشكلة الشحن وأنه سيبذل قصارى جهده في هذا الأمر ليتماشى مع بقية المجهودات ..
ثم تم فتح باب النقاش للحاضرين الذين أسهموا بأرائهم ومقترحات المقدرة .
وكان يوسف السماني يقوم بالتنوير عن كل ما تم في الحملة أثناء تقديمه لفقرات هذا الحفل ..
عقب صلاة العشاء والتراويح بدأت فقرات الجزء الثاني من الحفل والذي قدمته إخلاص الموج ووسن عمر ودالباوقة شاركت فيه جميع أسر البورداب وإستمر إلى ما بعد منتصف الليل تخللته فقرات ترفيهية شيقة مع الشعر والغناء ..
وإنفض الحفل على أن يتم اللقاء في عيد الفطر المبارك بإذن الله ..
|
|
 
|
|
|
|
|
|
|
 Re: ويتكرر المشهد أكثر جمالاً .. حفل إفطار بورداب الرياض السنوي .. (Re: معتصم دفع الله)
|
هكذا هم بورداب الرياض دائماً سباقين لعمل الخير والتحية عبرك لكل من ساهم في حملة وليد دارفور
وربنا يهون الصعاب ويتم إيصال المعونة لإهلها في السودان .
الإفطار بلا ادني شك كان رائعاً جسد الإخوة والتضامن بين جميع الكيانات في الرياض وعلي راسهم القنصل
العام الأستاذ احمد يوسف والذي يشكل حضوراً دائماً لجميع مناسبات الجالية السودانية في الرياض والشكر
لاعضاء بورداب الرياض النشطين بقيادة الريس ابو جهينة واخرين .
| |
|
|
|
|
|
|
|
|
|
Re: ويتكرر المشهد أكثر جمالاً .. حفل إفطار بورداب الرياض السنوي .. (Re: احمد العمار)
|
العزيز معتصم (رئيس العزابة) ،
فعلاً فقد كان الحفل أكثر من رائع ،
وكان الحضور كثيراً ، وإن كنا نتعشم
في حضور مزيدٍ من بورداب الرياض فهمو أكثر
ممن حضروا ، والغايب أكيد عذروا معاهو ،
خاصة أخونا صلاح غريبة الذي بشـَّـر بالعصيدة
الكاربة ، فلم نجده ولم نجدها ، بل تراءت
لنا العيون الحمرا التي وعد بها في بوسته ذاك .
لكم التحية والتقدير على هذا المشهد الرائع
الذي كنا أحد شهوده ، وإلى اللقاء في مشاهد
أخرى أكثر روعة وجمالاً .
وكل عام والجميع بخير ،
مودتي ،
( ليمو )
| |
|
|
|
|
|
|
|
|
|
Re: ويتكرر المشهد أكثر جمالاً .. حفل إفطار بورداب الرياض السنوي .. (Re: abdulhalim altilib)
|
المعتصم .. شكر الله السعي .. وانا ماشي السودان
وهنالك محاولة بمساعدة الاخ مامون باشا للمساهمة
في الشحن وسافيدكم بما يحصل .. وإيد في إيد
تجدع بعيد .. رغم ما أعترى نهايات المسيرة من
تعقيدات ولكن هذه هي الحياة وينبغي أن نخلق
من التعب شوطا حتى تستقيم الاشياء على الجادة
وشكر الله سعيك فعلى قدومك الميمون كانت الوثبة
التي نرجو أن تكون بارقة توصل الدعم إلى مستحقيه
ليبدأ طريق جديد ومسعى جديد بأفق جديد حديد
| |
|
|
|
|
|
|
|
|
|
Re: ويتكرر المشهد أكثر جمالاً .. حفل إفطار بورداب الرياض السنوي .. (Re: معتصم دفع الله)
|
اخي معتصم والاعضاء بورداب الرياض وأسرهم وبورداب الشرقيه والضيوف الكرام
دائما ملمومين وفي الخير دائما ان شاء الله
Quote: عقب صلاة العشاء والتراويح بدأت فقرات الجزء الثاني من الحفل والذي قدمته إخلاص الموج ووسن عمر ودالباوقة شاركت فيه جميع أسر البورداب وإستمر إلى ما بعد منتصف الليل تخللته فقرات ترفيهية شيقة مع الشعر والغناء ..
|
وفاتنا الجزء الثاني "ظروف العمل "
دوما بورداب الرياض يطرقون هموم الوطن
| Quote: وإنفض الحفل على أن يتم اللقاء في عيد الفطر المبارك بإذن الله .. |
إن شاء الله موعودون اذا مد الله في الاعمار
| |
|
|
|
|
|
|
|
|
|
Re: ويتكرر المشهد أكثر جمالاً .. حفل إفطار بورداب الرياض السنوي .. (Re: حليمة محمد عبد الرحمن)
|
معتصم دفع الله
والأحباب بورداب الرياض هكذا التواصل والتوادد والتراحم من أميَز سمات
الأنسان وجمعكم موفوَر وذنبكم مغفور وصيامكم مقبول وقيامكم في ستر الليل
مبرور بإذن الله ودائما ماتسعدنا بالأوجه النيرة دي معتصم وكلنا شوق للقياء
في قابل الأيام وأنتم أكثر قرب وأوفر جمع وفي حضرة المصطفي يطيب لنا أن نهديكم
سلاما من الله يغشاكم اللهم حبب لهم المحبة في الجمع ورافق أرواحهم في السبح بين
جنانك وفي حضرة جلالك اللهم آمين .
،،،،أبوقصي،،،،
| |
|
|
|
|
|
|
|
|
|
Re: ويتكرر المشهد أكثر جمالاً .. حفل إفطار بورداب الرياض السنوي .. (Re: هيثم سعيد)
|
يا معتصم ..
نزل لينا صور ( الفطور ) ..
عشان ( الحركات ) دي .. والمكررة للمرة المليون ..
قلت ليك اديني الكاميرا .. انا بنزل ( الصور ) ..
..
..
بالجد مسألة ( تخزين ) الصور عندكم دي .. انا ما قادر افهما ..
انتو مفتكرين انه ( البورداب ) ديل حيضربهم ( البرق ) في يوم من الايام ..
وتكون حادثة ( نادرة ) .. لدرجة انه صورهم ممكن تتباع بعدة ( ملايين ) .. !!!
| |
|
|
|
|
|
|
|
|
|
Re: ويتكرر المشهد أكثر جمالاً .. حفل إفطار بورداب الرياض السنوي .. (Re: humida)
|
نرجع للكلام الفارغ بتاع ( تمبس ) ..
| Quote: هذا الكلام لا داعي له هنــا .. احتراما للجميع |
عن اي احترام بتتكلم .. والدخل الاحترام شنو هنا ..
وهل انت وصي علي عشان تجي توريني شنو البتكتب ولا لا ..
والحديث معنون لـ( معتصم ) .. اتخيل لي من البديهيات انك ما تجي تفتح خشمك هنا نهائي ..
وبلاش نتصعلق علي بعض ..
| Quote: لا توضح اي معرفة مسبقة بشخص تعامل مع كيفية التصوير |
معليش يا حسن عبد الله ..
انا لا مولود في ( استديو النيل ) ولا جدي كان المصور بتاع فلم ( تايتنك ) ..
وللعلم عشان ما تجي تتفاصح ساي ..
صاحب الكاميرا نفسه .. انا قلت ليهو الفلاش ما شغال .. وسلمتها لمعتصم عشان هو بعرف يتعامل معاها اكتر مني ..
عشان كدا كلامي هنا موجه لمعتصم .. وما ليك اي دخل فيهو لا من قريب ولا من بعيد ..
وردك دا من باب العنتريات .. والصوت العالي .. الاتعودت تتعامل بيهو مع الناس ..
وقلة أدب لقلة ادب يا سيد تمبس .. انا من اليوم قاعد ليك .. كان في ( الرياض ) كان في ( المنبر ) ..
ونشوف السفاهة وقلة الادب دي حدها وين ..
حاجة ما ليك دعوة بيها .. ما تجي تفتح دينك دا ..
| Quote: اي اعتراض كان يكفي فقط الاتصال قبل أن تكتب مثل هذه الكلمات هنا |
برضو انت ما وصي علي الناس عشان تحدد لينا الطريقة البنتعامل بيها ..
ولو فتح باب حساب .. اغلب تصرفاتك مع ( بورداب الرياض ) غلط في غلط ..
ما في يوم جيتك قلت ليك عملت كدا ولا ما تعمل كدا ..
ما غالبنا نجي نعمل لينا ( بطولات ) هنا في النت .. واسرد ليك تصرفاتك مع الناس ..
| Quote: التزم جانب الموضوعية يا حميده |
موضوعية شنو يا ( تمبس ) البتككلم عنها انت ..
وتعريف ( الموضوعية ) شنو عندك .. وقابلتها وين .. والعرفك بيها شنو ..
الدستة بتاعت الكلمات الرنانة الحايم بيها في المنبر دا قلت ليك مليون مرة ما بتقسم معاي ..
مدينك مساحة كافية انك تتفلسف علي خلق الله .. ما تفكها فينا نحن ..
| Quote: وضر هذا المجموعة .. |
تعال اقول ليك ( النصيحة ) ..
انت اكبر ( ضرر ) للمجموعة دي .. واكتر زول عامل فيها ( خلل ) ..
وما في داعي لنشر ( الغسيل الوسخ ) ..
..
..
رجاء تاني ما تجي تفتح ( دينك ) في حاجة ما بتخصك ..
وبلاش قلة أدب ..
| |
|
|
|
|
|
|
|
|
|
Re: ويتكرر المشهد أكثر جمالاً .. حفل إفطار بورداب الرياض السنوي .. (Re: humida)
|
Quote: رجاء تاني ما تجي تفتح ( دينك ) في حاجة ما بتخصك ..
وبلاش قلة أدب .. |
الكلام دا ما هنا .. ولا في البوست دا .. اخسر تلاتة ريال زي ما قلت ليك .. وانا راجيك ومسالة الغسيل الوسخ دي .. برضو ما مكانه هنا .. لانو طبعا معروف انت عايز تعمل الفوضى دي علشان تخرب البوست دا واي بوست تاني
لكن مافي طريقة ليك طبعا ,.
رايك شنو نحسم الموضوع دا اناا وانت كابويات ..
شايفك بتحب لعب الكابويات دا .. عارف بيتنا في العليا وين فاطر بره انا برجع الساعة تمنية
لو بقيتمن الرجال القدرو على كلامهم الساعة تمنية اشوفك هناك
علشان اوريك قلة الادب التتكلم عنها .. والصعلقة القايم فيها جديد ..
| |
|
|
|
|
|
|
|
|
|
Re: ويتكرر المشهد أكثر جمالاً .. حفل إفطار بورداب الرياض السنوي .. (Re: humida)
|
| Quote: نرجع للكلام الفارغ بتاع ( تمبس ) .. |
وأنا معاك واحده بواحده
Quote: عن اي احترام بتتكلم .. والدخل الاحترام شنو هنا ..
وهل انت وصي علي عشان تجي توريني شنو البتكتب ولا لا ..
والحديث معنون لـ( معتصم ) .. اتخيل لي من البديهيات انك ما تجي تفتح خشمك هنا نهائي ..
وبلاش نتصعلق علي بعض .. |
الدخل الاحترام أنو البوست دا علشان الناس تعرف الحاصل شنو .. ما تجي إنت علشان زي كل مرة تعمل لينا فيها الولد بتاع فرتيق الحفلات داك ... المتغمص شخصية دجانقو .. البخوف الناس .. علشان كدا قلت ليك مافي داعي لي قلة الادب واحترم البوست دا .. ما وصي عليك .,. لكن كمان لو الناس دي كلها ما عارفاك انا عارفك زي جوع بطنك .. وإنت عارف الحقيقة دي .. من يوم وضعت رجلك في الرياض دي .. وإذا المسالة جابت ليها وصاية .. ممكن تعتبرني انا وصي عليك .. ودي ضربه في راسك كويس علشان تقدر تعرفه كويس .. بس ما تجي تشبكني بتلمح لي شنو .. لانو فعلا اتضح من خلال ردك دا هنا وردك البي هناك إنك زول قاعد ساكت .. الدنيا دي ما استفدت منها اي حاجة.. مسالة ما أفتح خشمي دي .. مقدور عليها .. لانو الظاهر لي النقاش ما بيودي لي حل في حالاتك دي .. بتقدر تجي تقفل لي خشمي ؟؟
مسالة نتصعلق على بعض دي والله ما بتلقاها عندي .. ياهوإنت العامل فيها للناس دي انك صعلوق .. بتكتب في كلام إنت فاكرو بتاع صعاليق .. وبتتوهم في كلام إنت فاكر لما تكتبو الواحد بيغلبو يرد عليك .. لا يا شفت .. إنت اتصعلق .. وأنا بقعدك في علبك .. كتر لي من كلامك دا وانا بعرف ارد ليك كيف .. واللا صعلقتك كملت خلاص ..؟
Quote: معليش يا حسن عبد الله ..
انا لا مولود في ( استديو النيل ) ولا جدي كان المصور بتاع فلم ( تايتنك ) ..
وللعلم عشان ما تجي تتفاصح ساي .. |
..اسمع علشان ما تكتب ليك كلام ساكت زتبكني حسن عبد الله وتعمل لي الولد مناحي .. حسن عبد الله لو شاف الصور الصورتها دي بيوديك السجن .. كل ما في الأمر إنت الصور الصورتها دي ما صور .. دي حاجة تانية .. ومسالة أنو الفلاش ما شغال دي كوم براها .. البخلي الصور التانية دي تطلع شنو .. وصورك يكون فيها الفلاش كويس .. بعدين الصور الصورتها مهزوزه ما بتنفع .. لو كان صورتها بشكل كويس كان قلنا ليك حسن عبد الله .. لكن بي طريقتك دي .. إنت زول قاعد ساكت في التصوير .. ودي ما اول مرة ولو طولت لسانك ح اجيب ليك الصور الصورتها .. والناس دي كلها تحكم وتشوف علشان ما تعمل لي فيها خالقه وتطول في لسانك | Quote: وسلمتها لمعتصم عشان هو بعرف يتعامل معاها اكتر مني .. |
ده كلو البهمك يعني ..؟ ياخي معتصم دا ما بيعرف يصور وإنت الطريقة الصورت بيها دي ما طريقة زول بيعرف يصور .. والكاميرا ما فيها اي مشكلة .. فيها مشكلة بتاعت ضبط وإنت ما عملت الحاجة دي .. دا كل الموضوع .. مافي داعي تجيب لي حسن عبد الله وحسن الترابي ومعتصم بيعرف يصور احسن مني وانا ما بعرف .. نظرية المؤامرة دي شيله من راسك ... ده اسلوب ما لذيذ الما بيعرف .. ممكن يتعلم وما شرط يكون ابو العريف ..
| Quote: عشان كدا كلامي هنا موجه لمعتصم .. وما ليك اي دخل فيهو لا من قريب ولا من بعيد .. |
. طبعا قريت الحته القلت ليك فيها إنو انا عارفك زي جوع بطنك مش كدا .. يلالا ممكن تستعمله في الحتة دي .. لانو لما قلت الكلام دا المقصود بيهو انا ومعتصم وإنت عارف كدا كويس .. لكن طبعا لما تتزنق بتعمل فيها الولد بهلوان وبتقفز بالزانه .. وطبعا اكتر من مرة بتوجه كلامك دا لينا .. في مسالة الصور دي .. وكتير جدا اختلفنا فيها انا وإنت .. وحسع علشان الصور دي تنزل .. اديتني تعليماتك علشان اقوله لي معتصم .. علشان نشتغله بالطريقة البترضيك وخلاف كدا معناته نحن بنتلكك ومعناته نحن ما بنعرف حاجة ومعناته انت بتعرف حاجات كتيرة
اتفضل اقرا هنا Quote: يا معتصم ..
نزل لينا صور ( الفطور ) ..
عشان ( الحركات ) دي .. والمكررة للمرة المليون ..
قلت ليك اديني الكاميرا .. انا بنزل ( الصور ) ..
..
..
بالجد مسألة ( تخزين ) الصور عندكم دي .. انا ما قادر افهما ..
انتو مفتكرين انه ( البورداب ) ديل حيضربهم ( البرق ) في يوم من الايام ..
وتكون حادثة ( نادرة ) .. لدرجة انه صورهم ممكن تتباع بعدة ( ملايين ) .. !!! |
اقرا الفقرة الخاصة بالتخزين .. واقرا معاك ( مسالة تخزنو الصور عندكم ) علشان تعرف انو المقصود بيها انا وما تعمل فيها بهلوان قدام الناس .. اي صورة بتحتاج ليها عندي انا ومعتصم لانو نحن الوحيدين القاعدين نوثق انا بكاميرا الفيديو ومعتصم بالكاميرا الفوتغرافية .. خليك شجاع وكان تثبت علي الكلمة دي ما تجي ترقص وتقول لي ما ليك دخل بيها .. لانو كتير جدا اتكلمنا في المسالة دي .. واختلفنا كتير واتفقنا ..
Quote: وقلة أدب لقلة ادب يا سيد تمبس .. انا من اليوم قاعد ليك .. كان في ( الرياض ) كان في ( المنبر ) ..
ونشوف السفاهة وقلة الادب دي حدها وين ..
حاجة ما ليك دعوة بيها .. ما تجي تفتح دينك دا .. |
. دا من دواعي سروري ياحميده .. وابقى قدر كلامك دا ..
انا طالع ح ارجع لي باقي كلامك دا .. ولو بقيت من الرجال الساعة تمنية اضرب لي علشان تثبت لي كلامك دا ..وما يكون استعراض بتاع اللعاب ناريه في البورد
| |
|
|
|
|
|
|
|
|
 Re: ويتكرر المشهد أكثر جمالاً .. حفل إفطار بورداب الرياض السنوي .. (Re: humida)
|
عارف يا حميدة لما تحصل حاجة زي دي ..
الواحد بيزعل من نفسه ويقول ليه كل دا يحصل ..
لماذا نصل قمة الإسفاف ويمكن أن نعالج الأمور بصورة أفضل ..
ياخي نحن ناس كبار وبنتعامل بشفافية تامة في أي حاجة ..
وموضوع الصور دا بسيط ما كان يؤدي لدا كلو ..
وأنت بي نفسك عارف الكاميرا لحظة تصويرك لها كان فيها مشكلة بتاعت سيتنق ..
نحن بنحاول نعمل ما في وسعنا ونجتهد عشان الحاجات دي تطلع كويسة وجميلة ترضي الجميع ..
ببساطة كده يجي الواحد يطبزه ليك ..
المسألة ليست رجالة وعنتريات ومنو أحسن من التاني ..
ياخي كل واحد أدرى بنفسه ..
الواحد جد حزين ومستاء وبيقول اللهم تقبل منا الصيام وأعفو عنا ..
وأتمنى أن لا نتمادى في الخطأ لأنه بيودينا لحتات تانية ..
| |
|
|
|
|
|
|
| |
معتصم دفع الله
هاشم أحمد خلف الله
ابو جهينة
abdulhalim altilib
Mohamed Abdelgaleel
ghariba
Osman Musa
حليمة محمد عبد الرحمن
مجدي عبدالرحيم فضل
ismeil abbas
هيثم سعيد
humida
tmbis
حاتم هاشم
علاء الدين حيموره
فيس بوك
تويتر
انستقرام
يوتيوب
بنتيريست