|
|
|
 Re: بالعديل والزين نبارك للعريسين عبدالله ومرتضي الطيب شيقوق (Re: الطيب شيقوق)
|
Quote: الف الف مبروك لعيال الشيخ ود شيقوق
وتحية خاصة ومباركة خاصة ليك انتي يا ست الكل , دائماً حاضرة في المواقف السعيدة
الله يطول لينا في عمرك يا ملكة يا بت ملوك النيل
تهئنية خاصة للشاب الوجيه الطيب ود شيقوق زواج ابناءه
تهئنية خاصة للمهندس بكري ابوبكر عشان تم إعلان هذا الخبر بواسطة سودانيزاون لاين . |
هشومي مالك على اخوك جننتني وهوشتني ويا ريت اكان كنت قريب منى تشوف اخوك بيعرض كيف مع نغم الحنة الجميل ده . العمانيون جو ليك المكتب لقوني بعرض مع نغمك ده وكلهم تركوا الشغل وراحوا راقصين الرقص الخليجي بالاكتاف .
هييييييييييييييه هشومي املانا نغم تاني خلينا نطرب .
| |
 
|
|
|
|
|
|
|
|
Re: بالعديل والزين نبارك للعريسين عبدالله ومرتضي الطيب شيقوق (Re: هاشم أحمد خلف الله)
|
| Quote: تهئنية خاصة للمهندس بكري ابوبكر عشان تم إعلان هذا الخبر بواسطة سودانيزاون لاين . |
]
أخي الحبيب هاشم ياوش الفال وقدم الخير وتمومة الجرتق أشكرك وعقبال الوليدات والبنيات
لايفوتني أن أشكر معك الباشمهندس بكري أبوبكر وعيال شيقوق تحت أمر أعضاء وفراء سودانيزأونلاين
مهندس عبدالله الطيب شيقوق
خريج كمبيوترمان ويعمل الآن مدير مركز شيقوق لتقنية المعلومات يأمدرمان
مرتضى الطيب شيقوق
تخرج بدرجة الإمتياز في كلية علوم الطيران ويعمل ضابط عمليات جوية بسودانير
| |
|
|
|
|
|
|
|
|
|
Re: بالعديل والزين نبارك للعريسين عبدالله ومرتضي الطيب شيقوق (Re: عبدالله)
|
الزين والعديل ،، سووها ليه غنوات
بنتوتنا المِتِل ،، صاقع النجم باقَّاتات
دقولو المجمًر ،، هلال سِبُوع ما فات
ربطولو الحريره ،، ولبًسو الحجبات
...
إتلم الفريق ،، شايلين سيوف لامعات
لى حوبة البطانه ،، ركزوا لى الجنيات
أبوك يالملزم ،، بحلها العوجات
حمًال للتقيله ،، ما بقول ليك هات
سارو ... عديله يا بيضه (عبد الله + مرتضى)
ومبروووك أبو العرسان ، وإنشاء الله تحضر جديدهم
الفاتح الجنيد (
| |
|
|
|
|
|
|
|
|
|
Re: بالعديل والزين نبارك للعريسين عبدالله ومرتضي الطيب شيقوق (Re: الطيب شيقوق)
|
| Quote: وقوا كلكم عقبال لي انا ذاااااااااااااتي |
هوووي السلاح البلعلع دة بعدين خليك تلعلع .. انت عقبالك تشوف جنياتم وبس !!! اوع كمان تمشي تحت ؟؟ ابو عريسين حتات تبقي مشكلة ؟؟؟ الزم الجابرة وخليك راسي واقعد في المقاعد الورا خالص وخلي الشباب يبتهجو وما تجي ناطي كلما تشوف رقصة برييك .. بعدين كراعينك يحصلهن برييك وتبقي في اليلزك ... نوم بدري كمان ..
| |
|
|
|
|
|
|
|
|
|
Re: بالعديل والزين نبارك للعريسين عبدالله ومرتضي الطيب شيقوق (Re: ناذر محمد الخليفة)
|
الأستاذ الطيب شيقوق صاحب طرفة وقلم جميل محبب , تشعرنا كتاباته بأنه
أخو الجميع فى هذا المنبر رغم قدره الرفيع الذى ما زاده الا تواضعا , لذا
فرحتنا بفرحته تكون مضاعفة , ألف مبروك يا رجل زواج وليداتك وربنا يسعدهم ,
ويفرحك أنت وأمهم بالأحفاد بنين وبنات يملؤون عليكم الدار بهجة.
شكرا للأستاذة سمية الحسن على هذا الخبر الجميل .
| |
|
|
|
|
|
|
|
|
|
Re: بالعديل والزين نبارك للعريسين عبدالله ومرتضي الطيب شيقوق (Re: ناذر محمد الخليفة)
|
هوووي السلاح البلعلع دة بعدين خليك تلعلع .. انت عقبالك تشوف جنياتم وبس !!! اوع كمان تمشي تحت ؟؟ ابو عريسين حتات تبقي مشكلة ؟؟؟ الزم الجابرة وخليك راسي واقعد في المقاعد الورا خالص وخلي الشباب يبتهجو وما تجي ناطي كلما تشوف رقصة برييك .. بعدين كراعينك يحصلهن برييك وتبقي في اليلزك ... نوم بدري كمان ..
الله يباركك يا أبوبكر
الطيب سوي الوصايا دي في بالك
( غايتو مصاريني أتقطعن بالضحك )
| |
|
|
|
|
|
|
|
|
|
Re: بالعديل والزين نبارك للعريسين عبدالله ومرتضي الطيب شيقوق (Re: محمد المرتضى حامد)
|
ود المنسي
مالك كاتلني ات قايل عرس اهلك ناس المدينة ولا عرس خواجيتك دى انا معرس عمري 14 سنة وقتها كنت في اولي ثانوي عام وحرم هسع ما تفرز الابو من الولد امسكوا الخشب بس .
منى خوجلي
كل استنتاجاتك صاح
بعد ده اناذاتي اتفرغت للعرس اعملي حسابك
الباشمهندس الرطاني
هييييييييييييييع كمان حت ثنائي معاهو تطش مع السمحة ام ولدى كية ليك كده بس
عبدو ود جاد الله
يا ريت اكان جيت شفت حتى مع السمحة ام ولدى لحدى الصباح
ناذر ود الخليفة
حرم طلتك نيّة بدون نغم تعاودنا وشايل باغة من النغم الجميل
الاخ فيصل عثمان -
الله يديك العافية ايها الحبيب
الاخ اللذيذ صديق الموج
معاك نعم عقبال عزابة المنبر وعزبات المنبر كمان
الصديقة الحلوة سلمة الشيخ سلامة
اكيد نحن دفعه ويطول عمرك انت يا جميلة الخلقة والراي
الاخ سجيمان
مالك يا ود امي رامي ليك كلمتين وماشي عليك ربك تعود تاني وتقول لينا كلامك اللذيذ داك
الاخ الزاكي عبد الحميد
فعلا انا زائغ من البوش لانى عارفكم ما عندكم برامج وبتقوموا تشغلوني وانا بجهز في لبسة العرضة
الاخ احمد المعتصم
شكرا ايها العزيز - بس حلاة لبستك دى واخوك حالف يسويها للعرس ويهز في الناس
العزيز الباسم دوما رافت ميلالالالالالالالالالالاد
هو انت متزوج كمان ؟ هيييييييييييييييع الكلس انا قايلك صغير كمان
الاخت الجميلة رجاء العباسي
تسلمي يا الكلك ذوق
الاخ الصحافة 30
شكرا وربنا يخليك وطبعا عروسة واحدة في الصحافة كمان
الاخ منصور ود المفتاح
الله يحفظك من كل شر
الاخ احمد عمار
يطول عمرك ودامت افراحك
الاخ الاستاذ محمد المرتضى حامد
شكرا ليك ايها الجميل
بس الاديتها باليمين سحبتها بشمالك مالك على والله هيييييييييييييييع وتاني هيييييييييييع وقول لعزابيات المنبر ود شيقوق بقى برّه للعرس التاني وكمان راجل المرة الاولادو عرسوا مش حلو حلاة عسل عديييييييييييييييييييل كده .
وتعال انت والرطاني شوفوا الحت والتطش مع السمحة ام ولدى
| |
|
|
|
|
|
|
|
|
|
Re: بالعديل والزين نبارك للعريسين عبدالله ومرتضي الطيب شيقوق (Re: محمد المرتضى حامد)
|
ود المنسي
مالك كاتلني ات قايل عرس اهلك ناس المدينة ولا عرس خواجيتك دى انا معرس عمري 14 سنة وقتها كنت في اولي ثانوي عام وحرم هسع ما تفرز الابو من الولد امسكوا الخشب بس .
منى خوجلي
كل استنتاجاتك صاح
بعد ده اناذاتي اتفرغت للعرس اعملي حسابك
الباشمهندس الرطاني
هييييييييييييييع كمان حت ثنائي معاهو تطش مع السمحة ام ولدى كية ليك كده بس
عبدو ود جاد الله
يا ريت اكان جيت شفت حتى مع السمحة ام ولدى لحدى الصباح
ناذر ود الخليفة
حرم طلتك نيّة بدون نغم تعاودنا وشايل باغة من النغم الجميل
الاخ فيصل عثمان -
الله يديك العافية ايها الحبيب
الاخ اللذيذ صديق الموج
معاك نعم عقبال عزابة المنبر وعزبات المنبر كمان
الصديقة الحلوة سلمة الشيخ سلامة
اكيد نحن دفعه ويطول عمرك انت يا جميلة الخلقة والراي
الاخ سجيمان
مالك يا ود امي رامي ليك كلمتين وماشي عليك ربك تعود تاني وتقول لينا كلامك اللذيذ داك
الاخ الزاكي عبد الحميد
فعلا انا زائغ من البوش لانى عارفكم ما عندكم برامج وبتقوموا تشغلوني وانا بجهز في لبسة العرضة
الاخ احمد المعتصم
شكرا ايها العزيز - بس حلاة لبستك دى واخوك حالف يسويها للعرس ويهز في الناس
العزيز الباسم دوما رافت ميلالالالالالالالالالالاد
هو انت متزوج كمان ؟ هيييييييييييييييع الكلس انا قايلك صغير كمان
الاخت الجميلة رجاء العباسي
تسلمي يا الكلك ذوق
الاخ الصحافة 30
شكرا وربنا يخليك وطبعا عروسة واحدة في الصحافة كمان
الاخ منصور ود المفتاح
الله يحفظك من كل شر
الاخ احمد عمار
يطول عمرك ودامت افراحك
الاخ الاستاذ محمد المرتضى حامد
شكرا ليك ايها الجميل
بس الاديتها باليمين سحبتها بشمالك مالك على والله هيييييييييييييييع وتاني هيييييييييييع وقول لعزابيات المنبر ود شيقوق بقى برّه للعرس التاني وكمان راجل المرة الاولادو عرسوا مش حلو حلاة عسل عديييييييييييييييييييل كده .
وتعال انت والرطاني شوفوا الحت والتطش مع السمحة ام ولدى
| |
|
|
|
|
|
|
|
|
|
Re: بالعديل والزين نبارك للعريسين عبدالله ومرتضي الطيب شيقوق (Re: الطيب شيقوق)
|
| Quote: مالك يا ود امي رامي ليك كلمتين وماشي عليك ربك تعود تاني وتقول لينا كلامك اللذيذ داك |
والله يا الطيب الايام دي فوقي جنس محن....
ممحنني ناس الحيكومة والضحية... ناس يقولو ضحو.... وناس يقولو ما تضحو الغنم مرضانة....
انا ووليداتي اتفقنا نضبح لنا عشرة جدادات.... وخلاص...واللا اقوم اتعاور واضبح لي تمساح كية لي الحمى النزفية دي....
| |
|
|
|
|
|
|
|
|
|
Re: بالعديل والزين نبارك للعريسين عبدالله ومرتضي الطيب شيقوق (Re: سمية الحسن طلحة)
|
الأخت/ سميةالحسن طلحة تحية طيبة
شكراً على زفة الخبر الجميل وطبعاً دايما أخونا ودشيقوق سابق رفقاته حتى فى العديل والزين.
أخى ودشيقوق ربنا يتم على خير وكان النية مشاركتكم أفراحكم وما مصدقنك إنت حا تفكر فى العرس لأن أم العول يا دوب تفرغت ليك وحا نشوفها بعد دا فى مسقط.
بالمناسبة عازمين الضيوف على شنو يا ودشيقوق؟
أبوبكر
| |
|
|
|
|
|
|
|
|
|
Re: بالعديل والزين نبارك للعريسين عبدالله ومرتضي الطيب شيقوق (Re: سمرية)
|
الاخت سمرية
شكرا على ذوقك الجميل وهدية قمة في الروعة ربنا يخليك . وزى ما قلت ليك انا ماشى الريف وحنعمل ليك لعبة شليل مصورة بالفديو .
الاخ الصادق خليفة :
ربنا يسعدك ويدوم افراحك ايها الحبيب
الاخ ابو بكر ابو القاسم
والله كنت فاكر انا حأتفرغ لكن جننتني جن بكلامك فعلا فات حلى هى الحتتفرغ وتبقى لي في تولا . يا زول هوى الاولاد حيسكنوا معاى بزوجاتهم وتاني اخوك يجلس في الصالون سااااااى والاحفاد يجوا ينططوا قدامي اشيل ده واقرص ده واشدق ده وام اولادى تكون مرتااااااااااااحة بس يجيبوا ليها وتاكل .
هيييييييييييع اول مرة يكون عندنا اولاد امدرمانيين بالميلاد زى ناس المرتضى ود حامد
| |
|
|
|
|
|
|
|
|
|
Re: بالعديل والزين نبارك للعريسين عبدالله ومرتضي الطيب شيقوق (Re: سمية الحسن طلحة)
|
| Quote: هيييييييييييييييييع امانة ما تلاقاني مسردب بالحيل للضيوف اصلك ما تخاف العالم كلها جاية القضاة والمحامين ووكلاء النيابات ووجهاء البلد كلهم في انتظار العريريب . وانا بعمل فيها تقلة لحدى اشحتف ليك روحهم عشان اظهر. لكن التعليمات صادرة للقائمين على ادارة الاحتفال لتوزيع المهام على الشباب لتغطية كل الضيوف باكرامياتهم . |
شوف خلينا من الزمزغة ورسل تذاكر سفر بيزنس كلاس واقامة في الخرطوم روتانا الي الثلاث الف الا نت داعيهم هنا اسفيريا دييل ..بعدداك نشوف النقلة بتاعتك دي ...
| |
|
|
|
|
|
|
|
|
|
Re: بالعديل والزين نبارك للعريسين عبدالله ومرتضي الطيب شيقوق (Re: abubakr)
|
| Quote: شوف خلينا من الزمزغة ورسل تذاكر سفر بيزنس كلاس واقامة في الخرطوم روتانا الي الثلاث الف الا نت داعيهم هنا اسفيريا دييل ..بعدداك نشوف النقلة بتاعتك دي ... |
هوى يا زول ناسك ديل حدهم الهواء ده بس واحد طالبين جيتو مافي .
اقول ليك كلام الناس البرة ديل كلهم ناس الامن منتظرنهم في المطار والله الواحد اكان رسلت ليهو طائرة خاصة ما بجيك .
هسع دحين نوع هشام هباني اخوى ده لو دعيناهو بتشوفوهو تاني ؟ لكن الغريبة منى خوجلي السنة المضت مشت وكمان اتحكرت في عناقريب قندهار ومافي حد هبب ليها كمان يمكن تكون لابسة حجبات .
| |
|
|
|
|
|
|
|
|
|
Re: بالعديل والزين نبارك للعريسين عبدالله ومرتضي الطيب شيقوق (Re: سمية الحسن طلحة)
|
الطيب شيقوق
مبروك للعرسان وربنا يتم ليهم على خير وعقبال باقي الاولاد والبنات
أها عملتوا العرس وين في السودان ولا في مسقط ؟؟ وبعدين ليه ما انتظرتو لينا موسم الاجازات عشان نحضر العرس ؟؟ (سمعت قالو انك عاوز تقلل التكاليف فعرست للوليدات بنيات اخوات وعملت العرس في موسم الناس كلها في بلاد الغربة )
تهانينا مرة تانية ولأم العرسان
| |
|
|
|
|
|
|
|
|
|
Re: بالعديل والزين نبارك للعريسين عبدالله ومرتضي الطيب شيقوق (Re: شادية الطيب)
|
الاخت شاااااااااادية بت الطيب
حبابك عشرة ونورت بعد غيبة طويييييييلة انشاء الله خير
| Quote: أها عملتوا العرس وين في السودان ولا في مسقط ؟؟ وبعدين ليه ما انتظرتو لينا موسم الاجازات عشان نحضر العرس ؟؟ (سمعت قالو انك عاوز تقلل التكاليف فعرست للوليدات بنيات اخوات وعملت العرس في موسم الناس كلها في بلاد الغربة ) |
العرس في السودان وما انتظرناكم شفقانين عليكم من سفر الصعيد البعيييييييد .
والله يا شادية اختى فعلا تقليل تكاليف لكن الاهم من ده الاولاد الاتنين مستعجلين للعرس ما عارف الحاصل شنو وكمان قلنابدل نعمل عرسين وندعو الاهل لمناسبتين متباعدتين فضلنا نسهل عليهم ونوحد ليهم المشوار شفتي كيف -
المهم نحن عرسنا بيحول متى تجى بتلقينا مهججين ومتى تجينا بنفططك الدم تعالي ومرحب بيك في امدرمان كمان .
| |
|
|
|
|
|
|
|
|
|
Re: بالعديل والزين نبارك للعريسين عبدالله ومرتضي الطيب شيقوق (Re: mamkouna)
|
Quote: إن شاء الله نسوان خَرَفكم..الما يتحلوا من طَرَفكم..
و بإذن الله إنتو رجال خَرَفهن..الما يتحلو من طَرَفهن. |
انتي نضم الحبوبات دة بتجيبي من وين ؟؟ يعني ما معقول من هاري بوتر وفلادلفيا الي "نسوان خرفكم"...انا طبعا اخدت وقت احاول اقري النضم دة اول مرة قت يمكن "خزفكم" و"خزفهن " بالزيين( من الخزف قت يمكن متاثرة بالبوتري مدام بتقري هاري بوتر ) بعدين ما ركبت لحد وووين!! بعدين اتذكرت اصلو الحالة "الخرف" ذاتا ملازمني اليوميين دييل ...
| |
|
|
|
|
|
|
|
|
|
Re: بالعديل والزين نبارك للعريسين عبدالله ومرتضي الطيب شيقوق (Re: شادية الطيب)
|
Sunrisess123
شكرا وربنا يسعدكم كمان
الاخت ممكونة
| Quote: التهنئة موصولة لبابا جدو...! |
كمان ؟ يعني هسع تاني مافي امل يا ممكونة اختى؟
الاخت الاستاذة مى ابو قصيصة
لك اطيب الاماني
شادية بت الطيب
افو افو انت اكان كده ما عارفة حاجة بس اصلي انت والاسرة وحتشوفي البدع .
بقيت على الاطلاع ساى قلت ؟ والله بيني وبينك البعد ولا البلاد ام سعد والمنبر بقى مليان سعد ولا شنو ؟
| |
|
|
|
|
|
|
|
|
|
Re: بالعديل والزين نبارك للعريسين عبدالله ومرتضي الطيب شيقوق (Re: الطيب شيقوق)
|
| Quote: اوع يكون مطلوب القبض عليك هناك ولا الخواجية حاكماك من السفر لاهلك؟ |
ألحقي يا سمية يا ريحانة البطانة
ودشيقوق رماني بي شيتن كبير بالحيل ( الخواجية تمنعني من زيارة أهلي )
والله ياودشيقوق لو ماتراجعت من حديثك دا ياني الجايي وبي لوري من أوروبا  عليك الله ماتصر لانو وضعي المادي كعيب الايام دي يعني حن لكن مابقول الرووووووب إن اصريت الباقية التبقى بي وراها مافي ندم
| |
|
|
|
|
|
|
|
|
|
Re: بالعديل والزين نبارك للعريسين عبدالله ومرتضي الطيب شيقوق (Re: الطيب شيقوق)
|
الفاتح حسن ميرغني
كييييييييييييفك ومشتاقون سالنا منك الود الحنكوش المعاك ده
Quote: شكرا أخت سمية على ايراد هذا الخبر المفرح.
ملايين التبريكات والتهاني.
و لحبيبنا الطيب شيقوق التهاني مستمرة |
بطلاق بعاين ليك من اول يوم دقو فيهو تاتيبة راكوبة البوست ده لكنك ظاهر مشغول انشاء في المليان !!!!!!!!!!
هييييييييييييع عفو منك قطع شك في المليان انت اصلك طلقتك ما بتقع واطه .
معزتي
| |
|
|
|
|
|
|
| |
هاشم أحمد خلف الله
الطيب شيقوق
saif addawla
ولياب
Salah Waspa
abubakr
الفاتح الجنيد
خالد علي محجوب المنسي
Muna Khugali
ناذر محمد الخليفة
صديق الموج
سلمى الشيخ سلامة
سجيمان
الزاكى عبد الحميد
احمد معتصم الطيب
رأفت ميلاد
Raja
Alsa7afa_30
munswor almophtah
محمد المرتضى حامد
مهيرة
حيدر حسن ميرغني
عواطف ادريس اسماعيل
معتصم دفع الله
هجو الأقرع
ismeil abbas
الصادق خليفة
أبوبكر أبوالقاسم
سمرية
أبو الحسين
abuguta
محمد على طه الملك
محمد سنى دفع الله
mamkouna
الفاتح ميرغني
فيس بوك
تويتر
انستقرام
يوتيوب
بنتيريست