دعواتكم لزميلنا المفكر د.الباقر العفيف بالشفاء العاجل
|
|
 انا لم انتخب احدا !
|
سلام عليكم ...
كل عام وانتم بخير وربنا يجمع شمل الجميع على الخير والصلاح وصالح البلاد والعباد وتمضى ازمنة الفرقة والتجريح .. الى غير رجعة ... آمين
وودت اليوم ان ادفع امامكم بموضوع جاد وارجو الا ينجرف به البعض نحو المماحكات الانصرافية باغراقه فى الغمز واللمز والهتافيات الفاحشة ..
اود اليوم ان استسفر عن صحة او عدم صحة موقف المبدع اى كان من السلطة التى تقف او تتسلط او تتحكم وتحكم فى رقبته ولنقل مثلا اننى كشخص ملتزم بتيار وابنية الاسلام السياسى وهب اننى شاعر او مغنى او رسام وكنت على مواقف نقيضة ومعارضة للسلطة الحاكمة هل يعنى هذا ان يقاطع ابداعى ومنتجى الملا وكم ساربح كموقف من هذا المسلك وكم ساخسر كمبدع صاحب رسالة تتجاوز قطعا (النظام الحاكم ) الى جمهور المتلقين من كرام الشعب والجمهور ...
الاستاذ ابو عركى البخيت مثلا يقاطع اجهزة الاعلام المحلية فى السودان الان - بما فى ذلك حسب علمى اجراء حوارات صحافية - والحق ان ابوعركى تعرض لمضايقات مؤسفة الاعتذار عنها حقيق بسلطة الانقاذ وملزم لها ولكن هل اضرت هذه المقاطعة (الحكومة ) وما هو تاثيرها على من يحبون (عركى ) وفنه الجميل وغنائه المميز كلمات والحانا ...
الشاعر (الكتيابى ) والذى استعرت منه (شعار ) البوست كذلك اعتقد ان له موقفا به شبهة (مقاطعة ) ترى كم خسر (النظام ) من تلك المقاطعة ولكن بالمقابل ان ثمة (ملايين ) من ابناء الشعب السودانى حرمهم (الكتيابى ) من شعره الاصيل والندى ...
الخلاصة هل تتفقون معى ان المبدع حين يقاطع بسبب موقف من فرد حاكم او مجموعة حاكمة انما يقسو على اخرين هم السواد الاعظم والاغلبية الصامتة ..
اسئلة اطرحها ولا املك اجابة ولكن امل فى اسمع من الجميع ... بلا افراط فى جعل البوست - كالعادة ان كتبه شخصى - مقاما للطميات
|
|
 
|
|
|
|
|
|
|
 Re: انا لم انتخب احدا ! (Re: محمد حامد جمعه)
|
أعتقد أن أبوعركي قاطع أجهزة الإعلام الموجهة بواسطة سلطة ديكتاتورية قمعية فاشية عرقية غاصبة و هي أجهزة تستحق ذلك.لكنه لم ينقطع عن جمهوره فأنزل العديد من الأشرطة التي وصلت إلى محبيه و محبي فنه الراقي حتى خارج حدود الوطن، و ظل وفيا بتمليكها حتى الأغاني الجديدة، و لم يرد جمعية طلابية أو تنظيما طلابيا وطنيا إلا و غنى له فله منا الشكر و هو يهزم سلطة ظنت أنها يمكن أن تمنع الهواء الذي يتنفسه الناس. نحن جمهور المتلقين لم نتضرر أي شئ من مقاطعته لأجهزة إعلام و منافذ الجبهة الفاشية التي حاربت الإبداع أينما كان، أنا شخصيا كنت من حضور حفل أطلق فيه صبية الإتجاه الإسلامي الموتورين بعض زجاجات المولوتوف على حقل غنائي للفنان المبدع أبوعركي في مدرسة العلوم الرياضية بجامعة الخرطوم أوائل التسعينات. موقف الأستاذ عركي موقف بطولي يجد منا التقدير و الثناء العاطر، فلتهنأ أجهزة الجبهة بقيقم و المجاهد سليمان طه و أناشية أمريكا روسيا قد دنا عذابها إلى آخر الأناشيد التي كذبها الزمن و أكتشف خوائها كل من سمعها.
الحديث غير موجه للأمنجي الكاذب جمعة، إنما هو موجه لمن يريد أن يضلله الأمنجي بحديثه هذا و يريد له أن يطبع علاقة المبدع و الفنان مع السلطة، فالفنان هو أحد أدوات الشعب للتغيير و ليس أداة من أدوات السلطة للبطش أو التصالح معه. الأمنجي ده بقى لعبو مكشوف جد
التحية للفنان عركي فهو يسجل اسمه في التأريخ كفنان عارض السلطة الفاشية بشرف
مرتضى جعفر
| |
|
|
|
|
|
|
|
|
|
Re: انا لم انتخب احدا ! (Re: Murtada Gafar)
|
الاخ مرتضي سلام ..صدقت القول فالمبدع يكون اكثر التصاقا بجماهيره وفنه...عندما
يكون بعيدا عن بوق السلطة
.فمقاطعة
المبدع عركي لاعلام سلطة الدقن الزيف تاتي التزاما وصدقا منه...والفن الاصيل خالد..وسيذهب الطفابيع ..واشباه العسس..المزيفين لوجدان الشعب ..باغاني قيقم...
واناشيد الزيف الكيزاني
| |
|
|
|
|
|
|
|
|
|
Re: انا لم انتخب احدا ! (Re: محمد حامد جمعه)
|
كل عام والسودان بخير
سؤال بسؤال يا أخ محمد حامد
هل أوقف مقاطعة السلطة لمصطفى سيد احمد صوت مصطفى للوصول لمعجبيه
وزيادتهم بصورة متطردة ؟؟؟
وهل زادت شعبية شنان/قيقم / بخيت ( بالمناسبة اين هم ؟) بتقربهم وارتمائهم تحت أحذية السلطة التى داست الشعب ؟
هذه اجابة ضد دعوى تطبيع أو تطويع الفنان للسياسى القمعى ..
إن الشعب والمتلقى له ذكائه..
| |
|
|
|
|
|
|
|
|
|
Re: انا لم انتخب احدا ! (Re: معتصم الطاهر)
|
بعدين الأمنجي الضلامي ده البيسمعو أبو عركي شنو ما تخليك في قيقم و شنان و المنشاوي و عبد الباسط عبد الصمد.. ما تعمل حركات الحرفنة دي علينا هنا... أيها الكاذب الأمنجي
مرتضى جعفر
| |
|
|
|
|
|
|
|
|
|
Re: انا لم انتخب احدا ! (Re: معتصم الطاهر)
|
معتصم الطاهر
العيد مبارك عليك
لم توقف المقاطعة وصول صوت ورسالة مصطفى سيد احمد لان الرجل فى المقام الاول وبخلاف انه فنان باجماع الشعب سلك مداخل عديدة ابان هجرته لايصال انتاجه للجماهير وهو المسلك الغائب فى بعض اشكال المقاطعة الاخرى وبمناسبة المقاطعة لماذا تصرون على ان السلطة هى التى فرضتها صحيح ثمة مضايقات وبعض التعسف نشا حينا من الدهر - انقضى - لكن الواضح ان بعض مبدعينا هم من وضعوا انفسهم فى ذلك الخندق ويبقى السؤال ايضا قائما ترى ما هو حساب الربح والخسارة من ذلك .
مرتضى جعفر
قلت
بعدين الأمنجي الضلامي ده البيسمعو أبو عركي شنو ما تخليك في قيقم و شنان و المنشاوي و عبد الباسط عبد الصمد.. ما تعمل حركات الحرفنة دي علينا هنا... أيها الكاذب الأمنجي
هو بالله انت بتعرف عبد الباسط عبد الصمد ... والله كويس اوعى تكونو مقاطعو برضو !
| |
|
|
|
|
|
|
|
|
|
Re: انا لم انتخب احدا ! (Re: محمد حامد جمعه)
|
| Quote: لم توقف المقاطعة وصول صوت ورسالة مصطفى سيد احمد لان الرجل فى المقام الاول وبخلاف انه فنان باجماع الشعب سلك مداخل عديدة ابان هجرته لايصال انتاجه للجماهير وهو المسلك الغائب فى بعض اشكال المقاطعة الاخرى وبمناسبة المقاطعة لماذا تصرون على ان السلطة هى التى فرضتها صحيح ثمة مضايقات وبعض التعسف نشا حينا من الدهر - |
أقرأ كلامك الفوق دا تانى ..
يذكرنى باسرائيل
فعنما تقتل 1000 طفل تتهم باستعمال القوة المفرطة
وعندما يقتل اسرائيلى واحد يقال ( ارهابيون)
يا محمد حامد يا جمعة راجع للمرة الثالثة ..
| Quote: وبعض التعسف نشا حينا من الدهر - |
محمد حامد
احترم عقلك .. لو لم تحترم عقولنا ..
أنت لا تخاطب قوات دفاع شعبى /اجبارى
| |
|
|
|
|
|
|
|
|
|
Re: انا لم انتخب احدا ! (Re: saadeldin abdelrahman)
|
حسنا
مما ورد حتى الان من مداخلات فان البعض يفترض - بل ويجزم - ان موقف بعض المبدعين انما هو نوع من الالتزام السياسى والانضباط الحزبى وان تمت تحلية الامر بالموقف من قضايا الجماهير لان تلك القضايا قطعا لن تخدم بالامتناع عن بث الابداع ونشره
| |
|
|
|
|
|
|
|
|
|
Re: انا لم انتخب احدا ! (Re: mohamed osman bakry)
|
تقول شنو يا ود بكرى
تعرف مرات بحس انو فى ناس فى المنبر دا بتكتب وهى زاتها ما عارفة بتكتب لشنو ولمنو وعاوزة ايه
المهم انك تتسقط ليك كتابات شخص بعينه وتعمل فيها (ابو جقادو المستنير ) ..
| |
|
|
|
|
|
|
|
|
|
Re: انا لم انتخب احدا ! (Re: محمد حامد جمعه)
|
الأمنجي الكاذب الزواغ جمعة كتبت
هو بالله انت بتعرف عبد الباسط عبد الصمد ...
والله كويس اوعى تكونو مقاطعو برضو !
أيوة مقاطعو و لا أطيق سماعه لإنو بيكسب عيشو من قراءة القرآن.. و كذلك شنان و قيقم و المجاهد سليمان طه.
إنت إنشاءالله تكون فهمت إنو أنحنا فهمنا محاولتك البائسة لتطبيع علاقة الفنان و المبدع مع السلطة الغاشمة و الفاشية..فهمت ولا نعيدو ليك
برضو مستغرب إنت البيسمعك أبو عركي شنو لدرجو تطالب بعودتو للإذاعة و التلفزيون
مرتضى جعفر
| |
|
|
|
|
|
|
|
|
|
Re: انا لم انتخب احدا ! (Re: Murtada Gafar)
|
محمد عثمان بكري كتبت
عبد الباسط عبد الصمد و محمد صديق المنشاوى
علاقتم شنو
علاقتم كالآتي
الأمنجي جمعة الكاذب و الضلامي فقط مفروض يسمع الجماعة الفوق ديل لإن بينسجمو مع مزاجو الدعوي و ما في حاجة تخليو يسمع غناء تقدمي زي حق أبوعركي، مفهوم
لكن خلونا إنتو الإتنين من المنشاوي و غير رأيكم حول ده
| Quote: إنت إنشاءالله تكون فهمت إنو أنحنا فهمنا محاولتك البائسة لتطبيع علاقة الفنان و المبدع مع السلطة الغاشمة و الفاشية..فهمت ولا نعيدو ليك |
بيكون مفيد للحوار.
الأمنجي جمعة متعود لمن نسألو من رأيو بيشرد، إنشاءالله يقعد و نصفي حسابات رأيك شنو العالقة دي
مرتضى جعفر
| |
|
|
|
|
|
|
|
|
|
Re: انا لم انتخب احدا ! (Re: Murtada Gafar)
|
مرتضى
قلت لى الغنا التقدمى !! مافى غنا بتاع تنمية مستدامة بالله ... ! او غنا بتاع قفز فوق المراحل وجدل الهامش والمركز 
تطبيع شنو يا حبة العاوز اسوق فيهو البوست ... ان طرحت استفهامات وبعد داك المسالة متاحة للجميع وما فيها تطبيع ولا تنقية اجواء عربية واما مسالة (عبد الباسط عبد الصمد ) فمفروض انك تخجل مما اوردته بانك لا تستمع له ..
تصدق انا لو كنت تقدمى معاك كنت نقدت نفسى فى (الحلة الجديدة ) وكان المسؤول الحزبى بتاعك منعك من المشاركات لانك تضر اكثر مما تنفع ... دا كويس معاى طبعا
| |
|
|
|
|
|
|
|
|
|
Re: انا لم انتخب احدا ! (Re: محمد حامد جمعه)
|
Quote: تطبيع شنو يا حبة العاوز اسوق فيهو البوست ... ان طرحت استفهامات وبعد داك المسالة متاحة للجميع وما فيها تطبيع ولا تنقية اجواء عربية واما مسالة (عبد الباسط عبد الصمد ) فمفروض انك تخجل مما اوردته بانك لا تستمع له ..
تصدق انا لو كنت تقدمى معاك كنت نقدت نفسى فى (الحلة الجديدة ) وكان المسؤول الحزبى بتاعك منعك من المشاركات لانك تضر اكثر مما تنفع ... دا كويس معاى طبعا |
طبعا محاولات بائسة لجري لمهاترات جانبية قصة مسئولك الحزبي و الحلة الجديدة و مفروض أخجل من عدم سماعي لعبد الباسط عبد الصمد. لن تفيدك يا أمنجي يا شراد.
تاني بقول ليك دع ما لقيصر لقيصر و خليك مع ناس عبد الباسط و قيقم و شنان ديل بتقدر تفهمن و بخاطبوك إنت.. لكن أبوعركي الما قدادر تفهم موقفو من سلطتك الفاشية السارقة ما بتقدر تفهم غناو فخليك بعيد و ضلامي، ما تفرفر.
أعرف الطراز الجديد من الحركة الإسلامية نوع البيسمع غناء تقدمي و بيقول يا حبة و عندو ظهر ممكن يتفضل بيو كمان و حاجات تانية حامياني. ده بقى غير محترم و لا يحترم مبادئه فأوعك تكون منهم.
سلام لعبد الغفار الشريف يا جنابو
مرتضى جعفر
| |
|
|
|
|
|
|
|
|
|
Re: انا لم انتخب احدا ! (Re: Elmosley)
|
الاستاذ الموصلى قلت :
ولكنني علي اية حال لن اترك الاجهزة ولا الصحف فهي وسيلتي لتوصيل رأيي الفني والفكري والسياسي
واعتقد ان هذا موقف سليم وصحيح وموفق وبالنسبة للامثلة التى ذكرتها فلا يسعنى ان اقول انه امر مؤسف وتصدق الانقاذ مرات فيها ناس بتشتغل حاجات مقطوعة من ياتو راس ما معروف وبتؤذى مشاعر وقناعات حتى انصارها ... بامانة والله
واما عذابات المغنى مريرة صحيح لكن صدقنى الاشد منها عذابات المحب لمبدع معين حين يشعر ان مبدعه يعاقبه بموقفه من البشير او نميرى او الصادق المهدى
| |
|
|
|
|
|
|
|
|
|
Re: انا لم انتخب احدا ! (Re: محمد حامد جمعه)
|
يبققي السؤال هل سمح لابوعركي بان يغني الاغنيات التي يريد ورفض؟؟؟
ام ان هنالك انتقائيه ؟؟؟
لانني اعلم بان ابو عركي تعرض للكثير من المضايقات علي خشبة المسرح
خصوصا عندما يتعني باضحكي
لا اعتقد بان ابوعركي يتخذ مثل هذه القرارات مالم تواجهه مثل هذه الامور
| |
|
|
|
|
|
|
|
|
|
Re: انا لم انتخب احدا ! (Re: محمد حامد جمعه)
|
Quote: الشاعر (الكتيابى ) والذى استعرت منه (شعار ) البوست كذلك اعتقد ان له موقفا به شبهة (مقاطعة ) ترى كم خسر (النظام ) من تلك المقاطعة ولكن بالمقابل ان ثمة (ملايين ) من ابناء الشعب السودانى حرمهم (الكتيابى ) من شعره الاصيل والندى ...
|
الأستاذ الشاعر عبد القادر الكتيابي لم يقاطع أجهزة سلطة الجبهة الإسلامية الإعلامية (الإنقاذ) كما تدعي فقد ظهر في عدد من البرامج والقاءات التلفزيونية ...الرجاء تحري الدقة والمصداقية في نقل المعلومة كفاكم تضليلاً للرأي العام يا محمد حامد جمعة ... ألا تدعي بأنك صحفي؟!!!
يظل كل فنان يطبع علاقته بأجهزة السلطة الإعلامية خارج دائرة اهتمام أبناء هذا الوطن ... فظهور أي مبدع في أجهزة إعلام السلطة يعطيها - أي السلطة- دفعة معنوية وشرعية لا تستحقها، والعين الفاحصة لهذا الشعب تتابع بدقة ما يحدث من (انبطاح) بعض القامات التي كانت سامقة وعالية في نظر الشعب وليس محمد عثمان وردي ببعيد عن الأذهان ...
التحية والتقدير للفنان المبدع الإنسان أبوعركي البخيت والأمنيات له ولأسرته بمزيد من التـالق والنجاح ....
| |
|
|
|
|
|
|
|
|
|
Re: انا لم انتخب احدا ! (Re: نادر)
|
كتب الأخ نادر مخاطبا الأمنجي جمعة
| Quote: الرجاء تحري الدقة والمصداقية في نقل المعلومة كفاكم تضليلاً للرأي العام يا محمد حامد جمعة ... ألا تدعي بأنك صحفي؟!!! |
ما سر مطالبة الناس لهذا الأمنجي بتحري الصدق، فقد كتبها قبلا العضو شدو و العضوة تراجي و آخرون.
فعلا أخ نادر
| Quote: التحية والتقدير للفنان المبدع الإنسان أبوعركي البخيت والأمنيات له ولأسرته بمزيد من التـالق والنجاح .... |
التحية له و هو يهزم هذه السلطة في هذه الساحة. ردا على سؤال الأمنجي في بداية البوست عن تحديد من هو الخاسر، فالخاسر بلا شك هي سلطة الجبهة القومية الفاشية حيث هجر أجهزتها الإعلامية المبدعون و الفنانون و سيظل موقفهم محفوظا كدليل على عدم شرعيتها و إغتصابها للسلطة و لكثير من الجرائم الأخرى. لن تجدي محاولات أبواق الكيزان هنا لتطبيع علاقة الفنان مع السلطة.
لا يزال عبدي يتقرب إلى بالنوافل.... و أيضا لا يزال الرجل يكذب و يتحرى الكذب حتى ... شتان ما بين هذا و هذا.
مرتضى جعفر
| |
|
|
|
|
|
|
|
|
|
Re: انا لم انتخب احدا ! (Re: Murtada Gafar)
|
فالخاسر بلا شك هي سلطة الجبهة القومية الفاشية
اشك فى تنظيم ما وحكومة بعينها قد تخسر لان الفنان المعين او الشاعر المعين قد امتنع عن الغناء والرواية الى حين زوال النظام ... هذا تعسف يضر برسالة المبدع اجمالا وهى رسالة فى فهمى - غير التقدمى - تضر بالمبدع اكثر مما تضر بالحكومة
| |
|
|
|
|
|
|
|
|
|
Re: انا لم انتخب احدا ! (Re: محمد حامد جمعه)
|
كل سنة وانتم طيبين والسنة الجاية تحققوا امانيكم
عفوا كنت مشغول في جولات وزيارات العيد وضيافة العيد
لذلك مارديت في البوست الثاني فعذرا يااصحاب
احب ان اشرح
انو الشخص محمد حامد جمعة امنجي في شعبة الانترنت في وكالة الانباء
السودانية (سونا)
ويلقب بابوعمر لان ابنه الكبير اسمه عمر
واتمنى ياابوعمر تكون شجاع ولا تنكر
| |
|
|
|
|
|
|
|
|
|
Re: انا لم انتخب احدا ! (Re: طارق اسماعيل)
|
احب ان اشرح
انو الشخص محمد حامد جمعة امنجي في شعبة الانترنت في وكالة الانباء
السودانية (سونا)
طارق اسماعيل
طارق تصدق ... انا بقيت مقتنع هسة انو فى (كيزان ) عاوزنى اشتهر فى المنبر دا لكن غايتو لو عرفت وثبت لى انك (كوز ) حاطالب ضدك بقرارت (مفاصلة ) لانو نوعك دا كيشة واكتر من الكياشة نفسها ... سونا شنو شعبة انترت فيها بتاعة امنجية ...
كان تقول امنجى فى قسم يعنى بالانترت داخل مقار الجهاز بتبقى مهضومة لانو مافى داعى للفة الكبيرة وامشى سونا واشتغل من هناك واجى (smc ) واشتغل منها برضو دا غير دمغات الجثامين وكدا ... ودا كلو عشان شنو ... منافحة معارضين فى مستواك .. ما بتستحق التعب دا كلو ... انت طلعت اى كلام يا جدع
| |
|
|
|
|
|
|
|
|
|
Re: انا لم انتخب احدا ! (Re: محمد حامد جمعه)
|
صحيح الاختشوا ماتوا
والله طلعت جبان يا محمد جمعة كمان ما فضل ليك إلا أن تنكر ابنك (عمر)
أنا دايرك بان تقسم بالله العظيم انو أنت ما شغال في الآمن بسونا شعبة الانترنت
وبس ؟؟؟؟ !!!!
| |
|
|
|
|
|
|
|
|
|
Re: انا لم انتخب احدا ! (Re: عمر الفاروق)
|
الاخ العزيز محمد حامد جمعة
كل سنة وانت طيب ...وعيد سعيد يا راجل ..
وكمان طلع عندك واحد اسمه عمر ..مالو ابوبكر ما كان تبدا با ابوبكر...
بعدين بالمناسبة ما عندكم لي فرصة في شعبة الانترنت بتاعة سونا ..
انا اسه في شعبة الانترنت بتاعة عفراء ..وعايز احول ...
و زهجت من زحمة عفراء ...
تصدق عندنا في عفراء هنا نقول ليهم تسمعوا محمد منير يقولوا لينا
يسقط عبدالباسط عبدالصمد ...
عاشت الحرية وعاش الفكر المستنير ..وليسقط عبدالباسط عبدالصمد ..
من اجل السلام والوحدة والحرية ...
| |
|
|
|
|
|
|
|
|
|
Re: انا لم انتخب احدا ! (Re: luai)
|
كتب لؤي
عاشت الحرية وعاش الفكر المستنير ..وليسقط عبدالباسط عبدالصمد ..
من اجل السلام والوحدة والحرية ...
نعم نهتف بحياة الحرية و الفكر و نهتف بسقوط عبد الباسط عبد الصمد و أمثاله و كل سلطة تمثل الدولة الدينية التي تنتمي للقرون الوسطى و وحشيتها.
التحية مجددة للفنان المبدع التقدمي أبوعركي البخيت و يا ريت واحد ينزل لينا بخاف أو أذن الآذان أو عازة أو يوم رحيلك أو واحشني أو لو كنت ناكر أو اي حاجة من الحاجات الجديدة زي "يا قلب" القدرنا نسمعها دون أن نحتاج أن نفتح تلفزيون جمهورية الكيزان أو إذاعتها التي تبث من الجامع الكبير. و نتمنى للأمنجي جمعة و أمثاله الإستمتاع بقيقم و شنان إلى حين ذهابهم جميعا إلى مزبلة التأريخ.
مرتضى جعفر
| |
|
|
|
|
|
|
|
|
|
Re: انا لم انتخب احدا ! (Re: Murtada Gafar)
|
حلوة "ثمة مضايقات" دي يا محمد حامد جمعة!!!
محاربة نظام الجبهة الإسلامية الفاشي للفن والفنانين والإبداع، وفن الغناء والموسيقى على وجه التحديد، ونشر أجواء الهوس الديني والتطرف التي أدت الى اغتيال الفنان الراحل خوجلي عثمان تسمى في قاموس محمد حامد جمعة "ثمة مضايقات"!
اختشى يا جنابو!!!
| Quote: لكن الواضح ان بعض مبدعينا |
مبدعو مَنْ؟ متى أصبح أتباع الجبهة الإسلامية مثل بقية البشر الأسوياء أصحاب الفطرة السليمة الذين يتعاملون مع الفن عموماً والموسيقى والغناء على وجه الخصوص كشكل من أشكال الإبداع الذي يهذب النفوس ويسمو بالوجدان حتى تستخدم صيغة الجمع في "مبدعينا"؟ استخدام صغية الجمع هنا خاطيء تماماً لأنك بذلك تضع نفسك، وبالتالي أتباع الجبهة، مع البشر الأسوياء في سلة واحدة. فالبشر الأسوياء يلعب الإبداع –فعلاً لا نفاقاً- دوراً في صياغة سلوكهم ووجدانهم، اما سلوك ووجدان أتباع الجبهة الإسلامية فتشكله وتصيغه مجموعة قيم فاسدة وفقه الضرورة الذي يبرر لهم الكذب والغش والتضليل والتجسس والتحسس والسرقة والاختلاس ونهب المال العام وأكل أموال الناس بالباطل والتعذيب والتصفية والإبادة الجماعية.
لا زلت يا محمد حامد جمعة في انتظار رأيك في:
محمد حامد جمعة .... دع دارفور جانبا ما رأيك في هذا؟
قلت أديك فرصة تعيّد وترجع من إجازة العيد وأسمع رأيك لكن شايفك صهينت من الموضوع وعاوز كمان تنظّر في الإبداع و"مبدعينا".
وحتى لا تتعذر بعدم العثور على البوست، سأرفعه لك فوراً، وأتمنى أن أراك هناك، على الأقل لأن الاسئلة المطروحة عليك هناك تتعلق بممارسات لها صلة بمجال عملك.
ع ع
| |
|
|
|
|
|
|
|
|
|
Re: انا لم انتخب احدا ! (Re: Adil Ali)
|
العزيز عادل علي
كل سنة و إنت بخير و كذلك كل عزيز لديك
ياخ أستأذنك في نسخ العبارة التالية لإنها عجبتني جدا
| Quote: تتعلق بممارسات لها صلة بمجال عملك. |
مرتضى جعفر
| |
|
|
|
|
|
|
|
|
|
Re: انا لم انتخب احدا ! (Re: محمد حامد جمعه)
|
يا جماعة ممكن تدوني فرقة في مرتضى جعفر ده ؟؟؟؟؟
يا مرتضى جعفر :
ياخ أبشرك بي إنو إنت زول شحويط ساي ووالله معرفتك بي أبو عركي طلعت أخير منها معرفتي بي الفنان عمر إحساس !!!!!
شابكنا الفنان التقدمي وأبو عركي وود البخيت وووووو
وتجي في النهاية تقول لينا أسماء أغاني حقت أبو عركي الشافع الفي بطن أمو بيعرفا !!!
قلت لي يا قلب جديدة !!!!!!!!!!!!!!!!!!!1
قوم .................
وأذن الأذان !!!!!!!!!!!
وأضحكي !!!!!!!!
وبخاف !!!!!!!!!!!!!!!!!!!!!!!!!!
بالله عليك دي أسة علاقتها بي فنان يكون تقدمي شنو ؟؟؟طبعاً ده إذا إستثنينا أضحكي والأذان !!!!!!!
بي المناسبة أذن الأذان دي قريبة من عبد الباسط عبد الصمد إيه رأيك لو كنا أديناها ليهو يغنيها ؟؟؟؟؟؟؟؟؟؟؟؟؟؟؟؟؟؟؟؟؟؟؟ أعوذ بالله من مخك الزنخ ياخ !!!
وأبشرك وأ:اد أجزم إنو سواء محمد حامد جمعة سواء لؤي أو حتى شخصي الضعيف حضرنا حفلات وحافظين لي أبو عركي أكتر منك يا باشا!!!!!!
تعرف إنت بتزكرني بي شنو ؟؟؟؟؟؟؟؟؟؟؟؟
بتزكرني بي الجكساية في الجامعة لمن تنزل برلومة جديييييييييييييييدة وفي أول يوم لمن تسوقا الكفتيريا لزوم الخلطة وكده وتقوم تسألها السؤال البايخ طبعاً بعد ما تكون حنكتها بي شبهتك أو الساعة كم أو إزييك يا تهاني معليش كنت قايلك تهاني وبعد داك تخش في الونسة البيض بتاعت تعليم المرأة وزيارة الولد للبت في بيتهم عادي ولا لأ ...
أها تقوم تسألها فنانك المفضل منو ؟؟؟؟
تقول ليك يا سلااااااااااام فناني المفضل الأستاذ مصطفى سيد أحمد !!!!!
ولمن تقول ليها أجمل أغنية لي مصطفى شنو ؟؟؟
تقول ليك يا سلااااااااام ياخ عندو أغنية إسمها نحن مع الطيور مباااااااااالغة ..
أها وتاني يا هناية ؟؟
تقول ليك والله بس دي الأنا سمعتها !!!!!!!
أها يا أخوي إنت زي البرلومة دي ياهو ده البتعرفو عن أبو عركي بخاف ويا قلب والأذان ويا ريت لو كنت أضفت ليهم بوعدك يا زاتي يا أقرب قريبة !!!!!!!
وبخاف اسأل عليك الناس تطلع زول دلوكة ساي يا مرتضى !!!!
ونقول يا ربنا يااااااااا قادر يا خالق كل الشي النادر الزي مرتضى ده الما ناقش كوعو من بوعو ..!!!!
وأضحكي أضحكي تضحك الدنيا وتميل وتصحى الكهارب في الشوارع من سخافات مرتضى جعفر !!!
ويا قلب انا كنت قايلك خفت من تعب السفر تراكا مرضك كلام مرتضى جعفر السخيف ده ؟؟؟!!!
وجايي تسألني الدبارة ؟؟؟؟؟ يا مرتضى مافيش دبارة إلا تطير ويا نحن يا إنتو !!!!!
تخريمة :
عندنا بت في الجامعة كانت مكسرة ليها في ولد صاحبنا أها وزي حركات ناس مرتضى جعفر ديل كده عاملة فيها مستنيرة وشعاااع أها قامت نظام عايزة ترميها لي ولدنا ده بي فوق فوق جابت ليهو شريط بتاع مصطفى سيد أحمد قالت ليهو عليك الله هاك أسمع الشريط ده !!!
الشريط كان فيهو أغاني بتاعت كسير وجكس ألف زي كان نفسي أقول ليك من زمان وناس لمحتك كنت بر أمن وناس حاجة فيك تقطع نفس خيل القصايد !!!!!
اها بكرة الصباح والناس في الكافتريا البت قابلت صاحبنا وكوركت ليهو :
يا هنااااااي يا هنااااااااااااي الشريط كيف ؟؟؟؟أجمل أغنية عجبتك فيهو شنو ؟؟؟؟
صاحبنا قال ليها أغنية : طوريـــــــــــــة !!!!!!!!!
| |
|
|
|
|
|
|
|
|
|
Re: انا لم انتخب احدا ! (Re: عمر الفاروق)
|
العزيز عادل علي
| Quote: ولا يهمك، بس نتمنى زيارة جنابو والإدلاء برأيه. |
معك أيضا أتمنى زيارتو هو وجيش الضلامييين الجرار الباقي ده. تشكر يا عادل علي
عمر الفاروق لا ترتقي لمقام الأخذ و الرد معاك، وفر عباراتك الساذجة و الظلامية و البذيئة الباقية دي لخدمة المشروع الحضاري، أنا ما تلزمني في حاجة و مهما تكتب لن ترقي إلى مستوى الأخذ و الرد معاك.
مرتضى جعفر
| |
|
|
|
|
|
|
|
|
|
Re: انا لم انتخب احدا ! (Re: القلب النابض)
|
مرتضى جعفر:
| Quote: عمر الفاروق لا ترتقي لمقام الأخذ و الرد معاك، وفر عباراتك الساذجة و الظلامية و البذيئة |
صحيح اللي إختشوا ماتوا !!!!!!!!!!!!!!!!!!!!!
كدي هاك كلامك الجميل المنمق المهذب الراقي ده وبعدين تعال إتفاصح يا أبو الفصاحة !!!
Quote: منجي الكاذب الزواغ جمعة كتبت
أيها الكاذب الأمنجي
بعدين الأمنجي الضلامي ده
الحديث غير موجه للأمنجي الكاذب جمعة،
أن يضلله الأمنجي بحديثه هذا
الأمنجي الكاذب الزواغ جمعة كتبت
الأمنجي جمعة الكاذب و الضلامي فقط مفروض
لن تفيدك يا أمنجي يا شراد.
مخاطبا الأمنجي جمعة
لهذا الأمنجي بتحري الصدق،
على سؤال الأمنجي في بداية البوست
كتب الأمنجي الكاذب |
يا خوي تشتغل بي ما تشتغل بي انا ما بخليك أصلو وكان ما حددتها معاك ومع إسلوبك النتن ده أصلو ما بقيف...
لاقين الراجل مادي ليكم حبال الصبر وساكت ليكم قلتوا تعملوا فيها ضبان ضكر؟؟؟
أها جيناكم نحن ناس الفارغة ومقدودة وبي نفس إسلوبك الوسخ ده عشان ما تفتكروا إنو الوساخة حكر عليكم يا مستنيرين يا مقرفين !!!!!!
عووووووووووووووووووووووووع منكم ...
وإخخخخخخخخخخخخخخخخخخخخخخييييييييييييييييييي عليكم ...
عالم قرف...
| |
|
|
|
|
|
|
|
|
|
Re: انا لم انتخب احدا ! (Re: عمر الفاروق)
|
معروف سند :
| Quote: كدي خلينا من ناس ابو عركي الحيين ديل , وورينا لماذا قاطعت الكثير من اغنيات الشفيع أجهزة اعلام الانقاذ , وايضاً الكثير من درر ابو داود |
أيواااااااا كده مضبوط وأسئلة شرعية وموضوعية ومنطقية ...
وفعلاً الكيزان جو بي فهم إنو الأغاني السودانية كلها قلة أدب لي درجة إنهم وقفوا أي أغنية فيها صدرك عالي وخصرك نحيل والخطيبة وردفك منبرا وأهدي لي تفاحة بس أو برتكانة وأحضن إيدك البضة وده كان فهم متخلف جداً ونظرة عجيبة لي فننا السوداني الجميل ..
الغريبة حالياً نفس الأغنيات بدت ترجع تاني والأغرب إنو كل الفنانين الإنت ذكرتهم بدت أغانيهم ترجع للأضواء وخصوصاً بعد برنامج زمان يا فن اللي كان فيهو أغاني أبو داوود وعثمان الشفيع وحسن عطية والتاج مصطفى !!!!!
تخريمة :
معقولة يجي اليوم الما ممكن نسمع فيهو :
غصن الرياض المايد ..
يا الناحلني هجرك وإنت نافر وزايد ..
جفيتني ليه وانا ليك رايد ...
إلى أن يصل لي :
يا خلاصة الحواري المن جنان وخوالد ..
حسنك ليك يدوم لا أم تلد لا والد ...
وبرضو تقول لي أضحكي وخلي الكهربا تجي وكان ما جات أمشي إشتري الجمرة الخبيثة ؟؟؟؟؟؟
| |
|
|
|
|
|
|
|
|
|
Re: انا لم انتخب احدا ! (Re: محمد حامد جمعه)
|
الأخ محمد حامد
والله بختك
الأيامات دي اسمك في كل بوست
وبوستاتك عدد المشاركين فيها ربنا يزيد ويبارك
الحاجة الغريبة ان البناقشوك بإحترام وبمشاركات قيمة قلة جدا
والبقية آخر انفعال وشتم !!!
الظاهر كدا يا أخ محمد بعد كم شهر حتكون سبب في تعرض الأعضاء المنفعلين ديل لأمراض ( القلب والسكري والضغط)
| |
|
|
|
|
|
|
|
|
|
Re: انا لم انتخب احدا ! (Re: saadeldin abdelrahman)
|
Quote: ( ماذا جنى أهلنا في هذه الحياة الدنيا حتى تنبري لهم جماعة لا تنبسط نفوسها لأي شئ يثير العاطفة والوجدان لتحرمهم من الطرب بصورة مثل تلك الصور التي وشاها البنّا لأنها في تقديرهم السقيم , صور فاضحه . ما أروع قول ذلك الشاعر محكم التعبير متكامل اللحن - فاضحاً كان أو غير فاضح - في قصيدته :
القوام اللادن منتبر مليان مال بي ديسا مروى وبالخمر نديان
النهيد ليمون والعيون جديان نور محيه الساطع والبدر سيان
باهي جيدك وافر والقوام كالبان والبدور خجلانه وانت محيك بان
طرفي ساهي وساهر بالدموع تعبان يالفريع الميل بالثمار غلبان )
منصور خالد |
| |
|
|
|
|
|
|
|
|
|
Re: انا لم انتخب احدا ! (Re: Marouf Sanad)
|
Quote: احب ان اشرح
انو الشخص محمد حامد جمعة امنجي في شعبة الانترنت في وكالة الانباء
السودانية (سونا)
ويلقب بابوعمر لان ابنه الكبير اسمه عمر |
غايتو انا شغال في الامن زاتي مسؤل مع محمد حامد دا من البوردات والمنتديات دي عشان فيها المعارضين الزيكم ديل
الوظيفة والرتبة:
امنجية في وكالة سونا للانباء شعبة الفارات
وفي ناس زاتو شايفين الشعبة تسميتها دي كتيرة عليكم
| |
|
|
|
|
|
|
|
|
 Re: انا لم انتخب احدا ! (Re: saadeldin abdelrahman)
|
جيناكم يا حبايبنا..
من بعد فرقتنا ديك..
تحياتي للمسيقار المبدع ود اللمين..
وعيدية مباركة لكم جميعاً..
وللأستاذ/ محمد حامد جمعة...
وضيوفه الكرام..
جدعة...
| Quote: انا لم انتخب احدا ! |
إذن أنت حر..
الإبداع...
وسقف المسئوليات الوطنية..
ما بين العطاء الممهور بختم وهب للشعب.. والمجتمع الذي خرج المبدع من رحمه ..
وهو ينتمي إليه ..
وبين.. مستويات الأنانية وضحالة الرأي والفكر..
والضنين بالعطاء بتوصيل الرسالة التي يحملها الفن ..
بحجة أنه يصب لصالح الوعي التصالحي...
مع الأنظمة الحاكمة.....
فالإبداع..
بين..
المسئولية الإجتماعية..
والمسئولية الفردية ...
والعلاقة بين المبدع والسلطة..
والجمهور..
تحتاج إلى تبحر..
مع نكران للذات..
لي عودة..
| |
|
|
|
|
|
|
|
|
|
Re: انا لم انتخب احدا ! (Re: محمد حامد جمعه)
|
يا نادر:
طيب لو قلت ليك انا والله قصدت أخليها طورية حا تصدق ؟؟؟؟؟؟؟
عارف ليه ؟؟؟ بس علشان كنت عايز أختبر معلومات صاحبكم المدّعي الإستنارة ده وفعلاً مشت فيهو زي الترتيب ...
يا نادر صدقني نحن غير الغنا ما عندنا شي وفي الغنا غير ناس السوداني ما بنعرف ..
وفي السوداني تمسكنا في أي فنان بتلقانا ما ساهلين ..
تخريمة :
شايفك لاعب لي فردة باك يا مان والكلام ده ما في صالحك باقي إنت قالوا نفسك ضييق وما بتحمل الكلام وبتتنفش سريييييع ..
وما تنسى إني ما كنت في الشرقية يعني ما أظنك حا تقول لي أحيييييييي يا عمر الفاروق الخليناك مرقت من الشرقية ساي غايتو إلا إذا عندك النية تتنقل الرياض ..
بالمناسبة بيتي من قزاز لكن بيتك إنتي عييييييييييييييييييييييق شيتاً أصلو ما شفناه لا في الناس ولا في الريم..
| |
|
|
|
|
|
|
| |
محمد حامد جمعه
Hussein Mallasi
Murtada Gafar
عبدالكريم الامين احمد
معتصم الطاهر
saadeldin abdelrahman
Elmosley
طارق اسماعيل
على محمد على بشير
عمر الفاروق
luai
Adil Ali
Marouf Sanad
القلب النابض
اساسي
A.Razek Althalib
فيس بوك
تويتر
انستقرام
يوتيوب
بنتيريست