|
|
|
 Re: نحن قبيل شن قلنا ! (Re: محمد حامد جمعه)
|
Quote: العدد رقم: 352 2006-10-31
فشلت خطة (الفكي) ووقع قتلة طه في يد الشرطة
أعلن وزير الداخلية البروفيسور الزبير بشير طه أمس القبض على قتلة الصحافي محمد طه محمد أحمد رئيس تحرير صحيفة (الوفاق) وإنتهاء الجوانب الفنية في التحقيقات، وأضاف الوزير في حديثه للمركز السوداني للخدمات الصحفية أنه تم القبض على المتهمين كافة في القضية وأن التحقيقات بإنتظار اكمال الجوانب القانونية والعدلية الدقيقة التي تستكمل على (نار هادئة) -على حد تعبيره-
اعتراف (10) أشخاص
وكشفت مصادر لصيقة بالتحقيق أن المتهمين المتورطين في القضية والمعترفين بالجريمة (10) أشخاص والمقبوضين ذوي صلة بالقضية جميعهم (19) شخصاً، وأكد المصدر في حديثه لـ (السوداني) أن الـ (10) المعترفين بينهم (4) منفذين للجريمة، و(6) ما بين محرض ومخطط ومنفذ لإقتياد المجني عليه إلى حيث لقي حتفه، بعضهم لم يحضر تنفيذ الجريمة.
وروى المصدر أن محمد طه تم إخراجه من منزله لحظة الإختطاف بواسطة شخص يعرفه وهو موجود ضمن المقبوض عليهم ومن ثم تم نقله بالسيارة الكرونا إلى منزل (فكي) في منطقة بين حي الإنقاذ وحي مايو جنوب الخرطوم وهناك تم تكبيله بالحبل بواسطة المتهمين الأربعة وكسر عنقه بواسطة أحدهم، ومن ثم ذبحه وتصفية دمه في إيناء (طست) في غرفة داخل المنزل حسب إعترافات المتهمين وسلموا الرأس للشخص الذي اتفق معهم على ارتكاب الجريمة مقابل مبالغ مالية. وأوضح المصدر أن دور (الفكي) في الجريمة حسب التحقيقات أنه سيحمي المتهمين من أن تطالهم يد الشرطة بعد تنفيذ الجريمة وذلك من خلال أعمال سحر سيقوم بعملها لهم.
(الفكي) يفك طلاسم القضية
وذكر المصدر أن (الفكي) كان هو الشخص الذي تم بإعترافاته فك طلاسم الجريمة حيث أقر بتخطيط وتنفيذ الجريمة في منزله وبالحديث الذي دار بينه والمتهمين المنفذين للجريمة، وأكد المصدر أن المباحث عثرت في منزل (الفكي) على السكين أداة الجريمة كما عثرت على قائمة تحوي أسماء (19) شخصاً غالبيتهم من المتهمين والمخططين والممولين للجريمة. وذكر المصدر أن من بين المعتقلين المشرف على تنفيذ الجريمة والذي أجرى تغطية للمتهمين بعربة لاندكروزر أثناء عملية اختطاف المجني عليه.
أسرة الفقيد تشيد بالشرطة
من ناحيتها عبرت أسرة الراحل محمد طه محمد أحمد عن إطمئنانها لحديث وزير الداخلية، وقال شقيقه رحاب طه لـ (السوداني) إن الحديث طمأن الأسرة وكل أفراد الشعب السوداني.
وأكد رحاب ثقة الأسرة في الأجهزة الأمنية والشرطة التي باشرت التحقيق في القضية، وقال إن الأسرة كانت على يقين من أن القبض على الجناة سيتم حتماً، وأعرب عن إمتنان الأسرة لأجهزة الشرطة والأمن.
الخرطوم: حافظ الخير
|
| |
 
|
|
|
|
|
|
|
|
Re: نحن قبيل شن قلنا ! (Re: محمد حامد جمعه)
|
ياسعاتو
الفكى دا جبتوهو من وين
كدا احكى لينا القصة بتاعت الفكى دا لانها عجبانى شديد جدا
بس مايكون الفكى الجارى السبحة بتاعتو مخلى حكومة الانقاذ قاعدة 17سنة
الفكى دا عرف محمد طة كيف هو الفكى قاعد بقراء قران ولا بقراء جرائد
| |
|
|
|
|
|
|
|
|
|
Re: نحن قبيل شن قلنا ! (Re: محمد حامد جمعه)
|
الاخ محمد
كل سنة وانت طيب
عفارم على رجال شرطتنا الاوفياء
عفارم على وعد الرجال
وجماعتك هنا ملونا اعلام وتضخيم اعلامي وتهويل
دة غير الجماعة الذين استغلوا الجريمة النكراء واعتبروها كقميص يوسف في اسقاط النظام والتظلم للام المتحدة وجماعات حقوق الانسان ... واعادوا لينا سيرة الاغتصاب الجماعي و القتيل والحرق ... والرق وفتحوا ملفات وهمية تستغل في مثل هذه المناسبات .
وتسلم
صلاح غريبة - الرياض
| |
|
|
|
|
|
|
|
|
|
Re: نحن قبيل شن قلنا ! (Re: محمد حامد جمعه)
|
Quote: (الفكي) كان هو الشخص الذي تم بإعترافاته فك طلاسم الجريمة حيث أقر بتخطيط وتنفيذ الجريمة في منزله وبالحديث الذي دار بينه والمتهمين المنفذين للجريمة، وأكد المصدر أن المباحث عثرت في منزل (الفكي) على السكين أداة الجريمة كما عثرت على قائمة تحوي أسماء (19) شخصاً غالبيتهم من المتهمين والمخططين والممولين للجريمة. وذكر المصدر أن من بين المعتقلين المشرف على تنفيذ الجريمة والذي أجرى تغطية للمتهمين بعربة لاندكروزر أثناء عملية اختطاف المجني عليه.
|
الحديث عن (فكى ) يقوض تماما .... فرضية تورط جماعات سلفية فى الاغتيال
| |
|
|
|
|
|
|
|
|
|
Re: نحن قبيل شن قلنا ! (Re: محمد حامد جمعه)
|
لم اعد اشك الان فى ان فظاظة خطاب بعض الاخوة وعنفهم اللفظى يمكن ان يتحول وببساطة الى منهج عملى والدليل ان الهوس الذى قتل (محمد طه ) ان لم يكن اصوليا دينيا كما روج البعض وقال صراحة لكنه كان هوسا .. تحدثت عنه ... ولم يصدقنى احد
| |
|
|
|
|
|
|
|
|
|
Re: نحن قبيل شن قلنا ! (Re: محمد حامد جمعه)
|
محمد جمعة كيفك ..
بيان أو تصريح وزارة الداخلية ما فيهو جديد وما وضح حاجة ..
الراي العام ما صبر الزمن دا كلو عشان يعرف محمد طه إغتالوهو كيف وقصة إغتيالو تمت كيف !!
دي حاجة ثانوية وما مهمة هسي !!
الناس دايرا تعرف أسباب إغتيال محمد طه والجهات البتقف وراو والدوافع وحاجات زي دي !!
ولا ميهو كدي ؟!!
| |
|
|
|
|
|
|
|
|
|
Re: نحن قبيل شن قلنا ! (Re: محمد حامد جمعه)
|
محمد جمعه ..
عيدك سعيد ..
عارفك تعيبان ساي وتتملق السلطه من اجل دريهمات يقمن صلبك وتقدر تشك فيهو البنطلون ولا سعادتو ولا حاجه بس الا متورك اكتر من الاتراك ذااااتهم .. علا انشاء الله مستفيد يا جمعه ..
طبعا قصة جنابو العاوزين تخموا بيها الناس انت وصاحبك داك عشان الناس يبنوا في فرضيات خاطئه منقوشه يا فرده هو الانقاذ العنصريه دي قاعده تدي واحد اسمو جمعه رتبه لواء و في الامن كمان .. يا راجل .. خليك معانا يا اخوي احسن ليك ..
علا قول لي يا جمعه
| Quote: والعدلية الدقيقة التي تستكمل على (نار هادئة) -على حد تعبيره |
دا كلام الوزير الفوق دا .. انت الطبخه دي اكثر من 50 يوم ما نجضت لسه ..
فتك بعافيه يا جمعه ..
منعم
| |
|
|
|
|
|
|
|
|
|
Re: نحن قبيل شن قلنا ! (Re: عبد المنعم سليمان)
|
Quote: عارفك تعيبان ساي وتتملق السلطه من اجل دريهمات يقمن صلبك وتقدر تشك فيهو البنطلون ولا سعادتو ولا حاجه بس الا متورك اكتر من الاتراك ذااااتهم .. علا انشاء الله مستفيد يا جمعه ..
|
منعم ... المتملق والمتسلق ومن باع رفاقه يعرف نفسه مثلما اعرف نفسى وحجمى وقدراتى والفائدة احمد الله عليها لم تجعلنى يوما امعه وتابع ... ومصدر
Quote: طبعا قصة جنابو العاوزين تخموا بيها الناس انت وصاحبك داك عشان الناس يبنوا في فرضيات خاطئه منقوشه يا فرده هو الانقاذ العنصريه دي قاعده تدي واحد اسمو جمعه رتبه لواء و في الامن كمان .. يا راجل .. خليك معانا يا اخوي احسن ليك ..
|
ومين القال انا قلت اصلا انا جنابو ولا كبابو !
Quote: فتك بعافيه يا جمعه ..
|
الله يعافيك بعد ان يبيض وجهك
| |
|
|
|
|
|
|
|
|
|
Re: نحن قبيل شن قلنا ! (Re: محمد حامد جمعه)
|
| Quote: الله يعافيك بعد ان يبيض وجهك |
يا اخوي دا شنو كمان .. دي ما واحده من مشاكلي انا ..
علا ما رديت علي كلام الوزير عن النار الهادئه ..
كلم المصادر يا المصدر المسئول ..
دي صورتك يا جمعه عشان عاوز ادعي ليك ..
بالسلامه يا جمعه ..
منعم
| |
|
|
|
|
|
|
|
|
|
Re: نحن قبيل شن قلنا ! (Re: محمد حامد جمعه)
|
اذيك يازول وعيد سعيد والعفو والعافية_كنت في دوره رجمات الكترونية ولاشنو? عندي ليك سعال انت عرفت القصه جهوية من اول يوم كيف? وماعلاقة ابوالقاسم المهندس بالقضية
| |
|
|
|
|
|
|
|
|
|
Re: نحن قبيل شن قلنا ! (Re: عبد المنعم سليمان)
|
يا محمد جمعة
ما تقول سويتا انت وتريحنا وتريح الناس
ما حيقتنعوا الا يقول البشير ولا صلاح قوش ولا على عثمان انو هو من قتل محمد طه شخصيا
دي عالم بتاعت مجابده
قالو الزول شهيد وما ادراكما
وملوا الدنيا نبيح
اها وكت ظهر شك في ان من قتله من من يهللون لهم
صحبك طلعوه ليك من يهود خيبر
عالم وهم
| |
|
|
|
|
|
|
|
|
|
Re: نحن قبيل شن قلنا ! (Re: Bakhaf)
|
يا جماعة الشغلة بقت بالقطارة، يشحتفوا في روح الناس؟ التحقيقات مستمرة، نار هادئة الخ .......... الشغلة ما محتاجة قولوا لينا الكتله منو وريحوا اسرته وخلق الله.
بعدين يا سيد محمد حامد فرحان شديد لشنو انت البوليس دا شغلته معرفة الجاني ولا حاجة تانية.
بعدين عايز اقول ليك حاجة شغلة (ربنا يبيض وجهك) دي احسن تخلينا منهالان الشغلة شكلها عنصرية.
وردك علي ناذر انه سيفجع بمعرفة القتلة (خلعتنا عديل) وربنا ما يجيب خلعة!! انت عارفهم قبل الوزير ولا شنو، بعدين علاقتهم بناذر شنو؟ اوعي يكون منهم.
محمد طه اياً كان من قتله فالاسلوب مرفوض والطريقة مرفوضة ونهج التفكيرنفسه مرفوض، امامحاولة ربط المسالة بالسياسة والقبيلة والجنس فسوف تفتح نارا قطعاً لن يكون من اول اثارها بياض وشك انت او وش عبد المنعم.
ودمتم.
| |
|
|
|
|
|
|
|
|
|
Re: نحن قبيل شن قلنا ! (Re: محمد حامد جمعه)
|
| Quote: الحديث عن (فكى ) يقوض تماما .... فرضية تورط جماعات سلفية فى الاغتيال |
إنتو فاكرين الناس أغبية للدرجة ده?!!!!!
يعني دايرين تقنعون أنو كل هذا التخطيط الدقيق للجريمة من سحر الفكي ولم يكن من طواطؤ السلطات?!!
من ناحية موضوعية فرضية تورط جماعات سلفية تظل أقوي الإحتمالات لسبب بسيط لأنهم أهدروا دمه سلفا وأعلنوا عدم قبول التوبة في سب الرسول وصدر بيان من طرفهم يتبني العملية والمقال الخاص بسب الرسول الكريم الذي صدر في جريدته ذاع صيته حتي خارج البلاد مما يمكن أن يدخل في القضية أطراف خارجية من القاعدة أو بعض الجماعات السلفية المتشددة في السعودية ومناطق أخري إضافة لهذا كله إذا نظرنا إلي الطريقة التي تم بها تنفيذ الجريمة تدل أيضا علي تلك الجماعة!!!
أما تلميحك لأيادي جهوية إنه إفتراء واضح ونية خبيثة مبيتة قبل أن تبدأ التحقيقات وثانيا لم يسبق لتلك الجماعة أن قامت بمثل هذا العمل ولا يمكن أن ترتكب مثل هذا الجرم بسبب مقال واحد إعتزر عنه المرحوم لاحقا وإن كان لابد فاعلة كان أولي بدأت بك أنت لأنك يوميا تكتب عنهم وتترصدهم وكأنو لاشغل لك غير دارفور...وكان الأولي أيضا إذا كان لديهم مثل القدرات في الإختراق الأمني أن ينتقموا من قتلة دارفور الحقيقيين أمثال الرئيس ونائبه ونافع وقوش ووزير الدفاع أو حاكم دارفور!
أما لو قالين تقنعوا الناس بحكاية الإعترافات....ده لعبة قديمة ولم تعد تنطلي علي أحد!
أفضل عدم الإعلان عن هذه المهزلة قبل المحاكمة
وأنها خطيرة والأوليمن نوعها يجب أن تكون المحاكمات علنية يشاهدها كل علي التلفاز...لقد سئمنا هذه المسرحيات!!!
لو كانت هناك حقا حكومة مسئولة لنأت بنفسها عن إثارة الفتنة وترفض أي إتهام من هذا القبيل لأنه بدل قتيل واحد سيترتب عليه آلاف القتلي وفتنة لا يعلم مداها إلا الله!!!
إتقوا في دينكم
إتقوا الله في الشعب المسكين
إتقوا الله في البلد الجريح
(ومن يكسب خطيئة او اثما يرمي به بريئا فقد احتمل بهتانا واثما مبينا)!!!
| |
|
|
|
|
|
|
|
|
|
Re: نحن قبيل شن قلنا ! (Re: محمد حامد جمعه)
|
يا جمعه ..
مشيت وين .. طيب ما دام حديثك بالقانون ارجو توضيح رايك للناس قانونيا في اتهامك هذا ..
| Quote: المتملق والمتسلق ومن باع رفاقه يعرف نفسه مثلما اعرف نفسى وحجمى وقدراتى والفائدة احمد الله عليها لم تجعلنى يوما امعه وتابع ... ومصدر |
؟؟؟؟؟؟
ووضح القضيه ايضا قليلا ..
منعم يا جمعه
| |
|
|
|
|
|
|
|
|
|
Re: نحن قبيل شن قلنا ! (Re: محمد حامد جمعه)
|
اكيد دا خبر طيب
لكن زى ما ققال ناذر الاسباب والدوافع اهم من كيف تمت العمليه
لانها ببساطه ممكن تتم باى طريقه مع الاقرار بانو الطريقه التمت بيها بشعه جدا
لكن الدوافع هى البتحدد شكل التنفيذ
والواحد ما قادر يتخيل الدافع الادى للزيح
ديل اكيد قلوبهم مليانه بشىء غريب وعجيب
اما دوافع دينيه بالاشاره الى المقال الذى تم نشره فى الجريده
فلا اظن انه دافع قوى
خصوصا انو ( الحمش ) والايمانو زايد كده ما معقوله يصبر عليه سنه ونيف
ارجو اخطارنا بالدوافع يا جنابو
اقل شىء نعمل حسابنا تانى
ودمتم
| |
|
|
|
|
|
|
|
|
|
Re: نحن قبيل شن قلنا ! (Re: يوسف الولى)
|
ولكن تبيّن أنهم ما أتوا لرأي ولا لحوار ولا لنقاش بل أتوا لأجندات أخرى
from ustaza lana mahdi
1-التجاهل
2- التجاهل
3- التجاهل
for all posts written by ingaz gang
members in this board
if the ingaz supporters here believe in democracy and debate why they did not condemn the way the corrupt ignacz gang police dealt with those who came out in the demonstrations to say what they belive in
?
did the police debate with them or bombed them and arrested their leaders
?
down down with all ingaz corrupt mafia supporters in this board
for all who are supporting the ingaz gang mafia islamaist theives
dr mustafa mahmoud
| |
|
|
|
|
|
|
|
|
|
Re: نحن قبيل شن قلنا ! (Re: محمد حامد جمعه)
|
يوسف الولي
Quote: ديل اكيد قلوبهم مليانه بشىء غريب وعجيب
اما دوافع دينيه بالاشاره الى المقال الذى تم نشره فى الجريده
فلا اظن انه دافع قوى
خصوصا انو ( الحمش ) والايمانو زايد كده ما معقوله يصبر عليه سنه ونيف |
كلام متناقض وبلغة مبهمة ركيكة!
من ناحية تنفيه كدافع قوي ومن ناحية تستغرب صبر الحمش سنه ونيف عليه!!
إذا كان مقال فيه سب للرسول ما دافع قوي حيكون شنو أقوي من كده!
إذا كان بسبب هذا المقال أتهم بالرده وحوكم تعزيريا ورفضت جماعة عبد الحي من بعد حكم المحكمة وأهدرت دمه برضو ما دافع قوي?!
وبعدين متين قلوب ناس الحمش تعرف الرحمة والضبح متين كان غريب عليهم ما هم قاعدين يقطعوا في رقاب الناس يوميا بل هذه الطريقة تدل عليهم أكثر من غيرهم!
| |
|
|
|
|
|
|
|
|
|
Re: نحن قبيل شن قلنا ! (Re: محمد حامد جمعه)
|
أخاف أن نسقط الإنقاذ فيأتى الينا-بدلا عنهم- هؤلاء القوم فطيرى الفكر والأفق..لتعاد الكره من جديد..نفس السلوك لكن بمسميات جديده
لكن سارع الكثيرون بنفى كلام الشرطه...ليس لسبب الا إختلافهم مع الإنقاذ...
ثقتنا فى جهاز الشرطه-كعاملين قدامى فى السياسه-لم تهتز حتى فى قمة جبروت الإنقاذ...
وكمعارضين لم يتسرب الخوف يوما الى قلوبنا ونحن نتعامل مع جهاز البوليس...!
وكانت موجهات قادتنا فى الجبهه الديمقراطيه بجامعة الخرطوم واضحه:البوليس هو جهاز قائم بذاته ويضم الكثيرون من الشرفاء...
لذا لم نتردد يوما فى فتح بلاغاتنا عند البوليس عندما يعتدى علينا اذناب السلطه...
وكذلك لم يركع الجهاز القضائى يوما لسلطه مهما كان جبروتها...
وكل فظاعات الإنقاذ كانت تتم خارج المؤسسات العدليه الرسميه (بوليس+قضاء)...
كان جهاز البوليس صمام أمان حتى ضد ممارسات الحكومه وأذكر هنا حادثة الشهيد أبوبكر محى الدين راسخ ال1ى إغتاله احد عناصر الأمن...إذ قبض ابوليس على القاتل دون خوف من جهاز الامن...وقام البوليس بكل الإجراءات القانونيه وتسليم اوراق القضيه للقضاء...
لكن معظم الذين يعارضون الإنقاذ يتعاملون بنظام عميان ومسكو عكاز...
يجب أن نفرق بين حكومة الانقاذ...وجهاز الدوله السودانيه الذى نثق فيه ثقه مطلقه...
*****
انا مكى الاحمدى استاذ جامعى اعلن عن ثقتى المطلقه فى كل ما وصلت اليه التحقيقات فى قضية مقتل المرحوم محمد طه محمد احمد...وثقتى المطلقه فى اجهزة الدوله العدليه الرسميه...بل واحنى رأسى اجلالا واحتراما لمجهوداتهم المقدره والخارقه
****
توخو الموضوعيه يا ناس ضربوا رما!
| |
|
|
|
|
|
|
|
|
|
Re: نحن قبيل شن قلنا ! (Re: Salah Musa)
|
الأخ/ محمد
سلام عليك
لست ممن خدعتهم المواقف والأقوال وأكاد أجزم بأن نبوءتي وتحليلي لهذه الجريمة وبمجرد أن تمت عمليّة الاختطاف وأعلن عنها يكون مطابقاً لما أعلن وما لم يعلن عنه، وتجدني من المصدِّقين لما أعلن عنها حتى الآن، لأنه موضوعي ويقبله العقل والمنطق المجرد،ولكن الأمر المهم هو الذي طرحته في المقالات التي كتبتها عن هذا الموضوع وشرحته شرحاً وافيّاً، وخلاصته أن النظام القائم يتحمل المسئوليّة بنسبة تصل إلى 75% وأول نافذة يتحمل بها المسئوليّة هي: ( الأخلاق تشكلها الظروف) وهي خلاصة علميّة ليس فيها مفاصلة،وشرح هذا الموضوع يطول وهنا ليست مكانه ولكن أبسط ما يقال في هذا الجانب هو الظروف التي سادت طيلة الفترة الماضية من ممارسات جهاز أمن الدولة في الاعتقالات والتعذيب والإرهاب وهو ما هيّأ فرصة للجناة للإفلات في لحظة الإختطاف. والنافذة الثانية هي إهمال أمن المواطن والتركيز على أمن النظام على الرغم من أن أحد أهم الشعارات التي فلق بها الإسلامويون رؤوسنا قبل وبعد إنقلابهم: (الإنفلات الأمني والشريعة) ،وفي ظنِّي أنهم كانوا يتوقعون أن تطبق الشريعة نفسها ويستتب الأمن بذلك !!!؟فلو أننا بالعقل حسبنا الوقت الذي استغرقته عملية الاختطاف من كوبر إلى منزل الفكي في جنوب الخرطوم نجدها لا تقل بأي حال من الأحوال عن 25 دقيقة وهي مدة كافية لإستدراك الموقف وإرباك الجناة خاصة إذا علمنا أن اليوم هو ليلة الأربعاء والإستنفار الأمني لموعد المظاهرات في صبيحتها، وهنا أعود لإنتقادي السابق لمسألة الإتصالات والجوالات بصورة إستهلاكيّة ترفيّة والتي أفرزت الكثير من السلوكيات الإجراميّة دون أن تتوفر سيارات الإسعاف والدفاع المدني والشرطة المجهّزة لخدمة المواطنين ليكتسب هذا الجوال أهميّته بالنسبة للمواطن العادي الذي ليس لديه بيزنيس ولا مال وإنما ثرثرة فارغة وبوبار موجود في الطبيعة البشريّة.
أعود مرة أخري لصديقي اللدود كما نعتني من قبل أدروب الذي قال:
| Quote: يعني دايرين تقنعون أنو كل هذا التخطيط الدقيق للجريمة من سحر الفكي ولم يكن من طواطؤ السلطات?!! |
هذه الجريمة أخي أدروب بدائيّة بكل المقاييس إبتداءً من التوقيت ومروراً بالطريقة الإنتقاميّة المنفعلة غير الباردة وليس انتهاءً بإيهام الناس أنها من فعل التكفيريين، وهي تنم عن غياب نضج العقل الإجرامي في السودان ولكن هذه هي البدايات والتي أتوقع أن تخلق تراكماً يجعل الآتي منها صعب الكشف على شرطة بهذا المستوى المتدنِّي من الفاعليّة نتيجة لغياب الإمكانات الفنيّة والماديّة.
أبوحمد
| |
|
|
|
|
|
|
|
|
|
Re: نحن قبيل شن قلنا ! (Re: محمد حامد جمعه)
|
محمد عمر الفكي .!!
Quote: وردك علي ناذر انه سيفجع بمعرفة القتلة (خلعتنا عديل) وربنا ما يجيب خلعة!! انت عارفهم قبل الوزير ولا شنو، بعدين علاقتهم بناذر شنو؟ اوعي يكون منهم.
|
والله انا زاتي خلعني !!
الناس الكتلو محمد طه ديل بيكونوا من كبوشية ولا شنو ؟!!!
| |
|
|
|
|
|
|
|
|
|
Re: نحن قبيل شن قلنا ! (Re: محمد حامد جمعه)
|
Quote: كلام متناقض وبلغة مبهمة ركيكة!
|
نبداء من الاخيره( ركيكة)
شكلك بروف فى اللغه يا ادروب عشان كده بقول ليك ( يمكن ) كلامك يكون صاح
اما انو متناقض ومبهم فيبدو يا عزيزى انو اللغه ركيكه للدرجه الخلتو ( متناقض ومبهم)
طبعا فى احتمال تانى خلاك تشوفو مبهم ( مبهم وركيك ) مافى داعى اقولو ليك هنا عشان نكون مركزين شويه مع جنابو الكتب البوست دا واختفى ( يا ربى لقا برضو كلام البشر دى كلها ركيك ومبهم عشان كده ما رده لكن ما اظن لانك يا برف برضو سالتو )
وما موضوعنا
موضوعنا
يا محمد حامد الدافع شنو
ولا الجماعه اعترفو وبس
| |
|
|
|
|
|
|
|
|
|
Re: نحن قبيل شن قلنا ! (Re: يوسف الولى)
|
الزميل محمدحامد جمعة
و جاءت كلمة الزميل هنا من باب اذا حييتم بتحية
| Quote: شكرا يا (صلاح ) وبانتظار مرافعة جديدة من زميلنا (عصام الحاج ) .. وفى الانتظار |
حتى الآن لم يتم تقديم اي اتهام رسميا غير الذي قدمته و تقدمه انت , و لكن اتهام الشرطة لن يتم وفق الصورة التى تريدها و تتمناها , و كل ما هنالك عبارة عن اثارة بعض الغبار و الاتربة من جهاز الامن و المخابرات , نعلمهم ماذا يريدون , و ما هي المساومات التى يسعون اليها , و لكن و صدقت توقعاتنا بتكليف صلاح قوش من قبل مجلس الوزراء للإتصال بالحركات التى ترفض اتفاقية ابوجا , فبماذا تفسر هذا ؟
أما المرافعة الجديدة التى انت بإنتظارها , فلن يطول ذلك , و أتمنى ان تعجبكم .
و الى حين ذلك , ارجو ان تجاوب على الاسئلة التى طرحت عليك في المداخلات السابقة
و اضف لها هذا السؤال
اذا كانت الحركات المسلحة هي التى حرضت و نفذت تلك الجريمة , لماذا لم يتوارى او يذهب المنفذين ليختفوا في مناطق سيطرة الحركات , و قد كان أمامهم الزمن الكافي جدا لذلك , و لن تستطيع الحكومة ان تصلهم هناك على الاطلاق , بدلا عن طلب الاخفاء بواسطة الفكي او مثل تلك القصة الممجوجة ؟
| |
|
|
|
|
|
|
|
|
|
Re: نحن قبيل شن قلنا ! (Re: mekki)
|
Quote: نبداء من الاخيره( ركيكة)
شكلك بروف فى اللغه يا ادروب عشان كده بقول ليك ( يمكن ) كلامك يكون صاح |
الأخ يوسف الولى،
أولا يا أخى هى "نبـدأ" وليست "نبـداء".. بعـد دا ممكن تخت خط تحت اسـم "ادروب" لأنو صاحب الإسـم دا طبعا اعجمى ما يعرف العربيـة!! وتخت (يمكن) بين قوسين لأن البجـا هم اللى يستعملوهـا فى المحل الإستعملتهـا فيـه دا..
وما مطالب أنو دى عنصـريـة منك لأنهـا واضحـة لكل ذى عينين!
| |
|
|
|
|
|
|
|
|
|
Re: نحن قبيل شن قلنا ! (Re: عبده عبدا لحميد جاد الله)
|
أفراد الجوقة ، و العلماء ، و أهل الفكر ،
و أهل الذكر ، و قاضي البلدة
يرتعشون على وقع الطبلة ..
الطرب الرسمي يجيء كساعات الغفلة
من كل مكان
و الطرب النفطي يحاول تسويق الإنسان
سعر البرميل الواحد أغلى من سعر الإنسان
الطرب الرسمي يعاد كأغنية الشيطان
و علينا أن نهتز إذا غنى الشيطان
و تصيح ـ أمام رجال الشرطة ـ آهْ
السنجك
| |
|
|
|
|
|
|
|
|
|
Re: نحن قبيل شن قلنا ! (Re: السنجك)
|
الاخ عصام الدين عبد الرحمن قال كلام منطقى جدا لم يرد عليه سعادتو
يعنى ببساطه الناس ديل كان عندهم زمن كافى جدا عشان يمشوا المناطق المحرره او حتى يمشوا تشاد او يسافروا حتى الى استراليا ويختفوا يقعدوا يمشوا لفكى لحدى مايجوا يقبضوهم ناس محمد حامد !!!
بعدين اخونا البتحدث عن المؤسسات العدليه دا انت كنت وين الانقاذ ذاتها معترفه انها مسيطره على كل لمؤسسات عدليه وغير عدليه وحتى فى الاتفاقات المسمى بالسلام اعتراف ضمنى بذلك (نرجو المتابعه)
والمفاجاه فى انه المتهمينديل لما يلقوا فرصه حيورنا العذاب الاتعرضوا ليه وعشان كده المساله كل يوم تتاجل وياسعادتو غطستك دى اوعى تكون متورط فى تعذيب الجماعه
وهذا يذكرنى بحى فى مصر اهله مشهورين بشهادة الزور يعنى عندك قضيه بس تجى الحى دا وتلقى البمشى معاك المحكمه ويشهد على المصحف لصالحك ولما يجى واحد ليهم ويدق باب احدهم يصيح الفى الداخل
ايه ابن الكلب نكر !!!
السنجك
| |
|
|
|
|
|
|
|
|
|
Re: نحن قبيل شن قلنا ! (Re: محمد حامد جمعه)
|
السنجك تحياتي ..
شوف دا بالله
| Quote: ثقتنا فى جهاز الشرطه-كعاملين قدامى فى السياسه-لم تهتز حتى فى قمة جبروت الإنقا |
سبحان الله ..
طيب الرشوه في زمنكم اذا وجدت كانت كم وهسه كم ..
عالم غريب
منعم
| |
|
|
|
|
|
|
|
|
|
Re: نحن قبيل شن قلنا ! (Re: عبد المنعم سليمان)
|
قلتو الرّوب!!
Quote: دستوريون في الحكومة وراء إغتيال محمد طه
تمت تبرئة المهندس أبو القاسم أحمد أبو القاسم من جريمة التورط في إغتيال الصحافي محمد طه محمد أحمدبعد توصل فرق التحقيق لخيوط جديدة كشفت الغموض الذي لف الأمر بدايةً.
الخيوط الجديدة تقود مباشرةً إلى مسئولين في الدولة تجري الإجراءات حالياً لرفع الحصانة عنهم و تقديمهم للمحاكمة و يتردد أن من بينهم وزير اتحادي
و أصل الحكاية أن محمد طه قد وقعت في يديه ملفات سرية عن تورط هؤلاء الدستوريين في عمليات غسيل أموال فاستخدمها لإبتزازهم لفترة طويلة حيث بلغت جملة المبالغ المدفوعة له مقابل صمته الـ10 مليار جنيه سوداني و لكن ذلك لم يمنعه من معاودة الكرة مرات و مرات مهدداً إياهم بإماطة اللثام عن تلك الوثائق مما دفعم لقتله ليسكت إلى الأبد
و تتناقل مجالس المدينة بهمس حذر الثروة الكبيرة التي اكتشفها ورثة الراحل مع أنه عرف بالتقشف و الزهد في مظهره و حياته بشكل عام حيث بلغت تلكم الورثة حسب بعض المقربين أكثر من 20 مليار
الأيام القادمة ستكشف مدى صحة هذه الأنباء و ربما يظهر المزيد و لنا عودة
بقلم / الواثق الصادق |
| |
|
|
|
|
|
|
|
|
|
Re: نحن قبيل شن قلنا ! (Re: محمد حامد جمعه)
|
الأخ يوسف الولي
| Quote: شكلك بروف فى اللغه يا ادروب عشان كده بقول ليك ( يمكن ) كلامك يكون صاح |
أضحكتني كثيرا!!!
كان ممكن تشير لضعف لغتي بإي طريقة تانية دون الإستدلال بأدروبيتي مما يثبت ضحالة تفكيرك ويوري أنو إنت جاي من وين!
إطمئن يا أخي أنا متمكن من اللغة العربية ومطلع كثير وهي أيضا لغتي الأم بجانب البجاوية ولا أعتقد أنك تبذني فيها
إنت عارف العقلية العنصرية تنظر للآخر أولا من ناحية لونه وإذا لم تجد ميزة لها في هذا لجأت لموضوع اللغة!!!
| |
|
|
|
|
|
|
|
|
|
Re: نحن قبيل شن قلنا ! (Re: محمد حامد جمعه)
|
| Quote: انا مكى الاحمدى استاذ جامعى اعلن عن ثقتى المطلقه فى كل ما وصلت اليه التحقيقات فى قضية مقتل المرحوم محمد طه محمد احمد...وثقتى المطلقه فى اجهزة الدوله العدليه الرسميه...بل واحنى رأسى اجلالا واحتراما لمجهوداتهم المقدره والخارقه |
لا حول ولا قوة إلا بالله
أستاذ جامعي!!!
ده أكبر دليل علي تدهور التعليم في السودان إلي الحضيض!
يا أخي من قال لك أن الشرطة والأجهزة العدلية منفصلة من سلطان الدولة وكيف تكون هناك شفافية في التحقيق من قبلهم في ظل دولة دكتاتورية!
ومين قال لك التحقيقات في هذه القضية أصلا بيد الشرطة?!
| |
|
|
|
|
|
|
|
|
|
Re: نحن قبيل شن قلنا ! (Re: محمد حامد جمعه)
|
صديقي الهارب عثمان
| Quote: أكاد أجزم بأن نبوءتي وتحليلي لهذه الجريمة وبمجرد أن تمت عمليّة الاختطاف وأعلن عنها يكون مطابقاً لما أعلن وما لم يعلن عنه، وتجدني من المصدِّقين لما أعلن عنها حتى الآن، لأنه موضوعي ويقبله العقل والمنطق المجرد |
يا أخي البينة الحدسية عمرها ما كانت دليل إثبات يعتد به حتي ولو كانت من القاضي نفسه لأن الحجية هنا ذاتية لا تصل إلي الغير وقد يشوبها الغرض والوهم ولهذا الأدلة المعتبرة بخلاف المادية هي الظرفية بمنطق العقل الظاهر لا الباطن!
الثغرة الواضحة في كلامك من ناحية تؤكد علي تفريط الحكومة وتحملها المسئولية بنسبة 75% ومن ناحية أخري تذهب في تصديقها بصورة كاملة في توجيه الإتهام لجهة لا تملك لها دليلا أليست هذه النسبة كافية بتوجيه الإتهام للحكومة!
فما الذي يمنع أن تكون الجهة الموجهة للإتهام هي من قام بالتنفيذ أو ضالعة فيه?!
المرحوم محمد طه كان ضحية لمواقفه المتهورة ولهذا كان لديه كثير من الأعداء ولكن من الواضح أكثر الإحتمالات الظرفية حتي الآن تدل علي الجماعات السلفية المتشددة!
| |
|
|
|
|
|
|
|
|
|
Re: نحن قبيل شن قلنا ! (Re: mekki)
|
الاخ/ محمد جمعة
تعلم تماما ان وزارة الداخلية في اي بلد متحضر لو لم تستطع فك طلاسم الجريمة خلال ايام
قليلة بعد وقوعها تروح في خبر كان
الشغلة دي تأخرت أكثر من مفاوضات السلام نفسها .. واعتقد ان هناك شوية ترقيعات
ومواراة لحقائق قد تقلق اطراف كبيرة داخل النظام
نتمنى أن تخرج نتيجة التحقيقات النهائية بما يرضي الله .. لا غيره
| |
|
|
|
|
|
|
| |
محمد حامد جمعه
محمد عادل
ghariba
ناذر محمد الخليفة
عبد المنعم سليمان
د.محمد حسن
محمد الامين محمد
Bakhaf
محمد عمر الفكي
يوسف الولى
Mustafa Mahmoud
mekki
Salah Musa
عثمان عبدالقادر
Abureesh
السنجك
حيدر حسن ميرغني
فيس بوك
تويتر
انستقرام
يوتيوب
بنتيريست