دعواتكم لزميلنا المفكر د.الباقر العفيف بالشفاء العاجل
|
|
 مريخيون .. نعم
|
•خسر المريخ بطولة الدوري الممتاز للموسم الخامس على التوالي بعد هزيمة قاسية نالها من نده الهلال – لصاحبه صلاح إدريس – في ختام مباريات الممتاز ليخرج آلاف الأهلة في الشوارع مبتهجين وينام (المريخاب ) في قلوبهم يقين القناعة بما جرى وتحت رأسهم وسائد هدفي (العجب وطمبل ) والآمال العراض بان موعدنا المباراة القادمة ويوم بيوم .
•المريخ فريق (منحوس ) ومصاب بلعنة حيث تلاحظ انه دائما يؤدى كرة جميلة ولديه لاعبين مهرة في خطى الوسط والهجوم يصلون بكثافة الى مرمى الخصوم ويصيبون ويخطئون إلا أن علة الفريق القاتلة والتي أؤتى منها كثيرا ظلت فى خطوطه الخلفية .
•مهما يكن العرض رائعا فثق ان مرمى المريخ ( مصاب ) ولو بعد حين وبالمناسبة فان رسوخ هذا المفهوم احدث حالة من انعدام الثقة فى كل الفريق وهو أمر تكرر كثيرا ووثقته أحداث مباراة السبت التى اكدت ان الفريق الأحمر يعانى خللا بائنا فى تنظيمه الدفاعي وبناء ساتر متقدم بمنطقة (الوسط ) فشلت كل الأجهزة الفنية والمدارس التدريبية التى استقدمتها الادارة فى معالجتها حتى استفحل الداء وصار مظهر الفريق برمته مضطربا بوجود (خطر دائم ) بتلك المنطقة يتسبب دوما في تقويض الفريق وقصم ظهره ولا حاجة لإيراد نماذج من مباراة (الصفاقسى ) الى (الرجاء ) انتهاء بمبارة الهلال نفسها .
•فى كل تلك المباريات الشاهد ان لاعبى (المقدمة ) اما انهم وضعوا الفريق فى المقدمة كما حدث امس (مرتين ) او اجتهدوا فى تعديل الفارق والعودة للمباراة وفى كل الظروف كان رجوع الكرة للمناطق الخليفة يعنى ان الحكم سيطلق صافرة اعلان هدف وان حامل الراية سيطويها جاريا نحو (السنتر ) فيما يتكرم بهاء الدين حارس المرمى بإخراج الكرة من الشباك واخراج ارواح المشجعين معها فى العادة !
•ولن يعود المريخ (مريخ ) إلا إذا عالج هذا الخلل معالجة جذرية أساسها الاستعانة بلاعبين صغار في السن وأصحاب طموح وهذا يعنى الابتعاد في ترميم خط الدفاع عن العناصر المستهلكة ولو كانت ذات خبرة وصيت .
•وعلى اى حال فالمريخ هو المريخ و(نهواه فى كل الظروف ) وسيبقى بطل الأبطال وان جاء وصيفا و(أول الأوائل ) ملح رغيف الخبز وإعصار الصيف الساخن ، أمل الملايين بطول السودان وكل بيوت الطين .
•ومريخيون نعم .. خسرنا أمام الهلال بالثلاثة أو بالمئة فستظل (حمر دواخلنا ) نتقبل الهزيمة بجلد الرجال وصبرهم وننهض للنصر بوقار الكبار وعزمهم .
•وشكرا لكل لاعبي المريخ من (بهاء الدين ) الى طمبل والعجب والسعودى وهاردلك
|
|
 
|
|
|
|
|
|
|
 Re: مريخيون .. نعم (Re: محمد حامد جمعه)
|
حامد جمعة.
والله أنتو يا كيزان وجمال الوالي بتعكم ده جبتو للمريخ الجلا.
المريخ سيئ جدا والكورة السودانية سيئة والفضيحة الكبرى في غانا يا غانا.
دينق.
| |
|
|
|
|
|
|
|
|
|
Re: مريخيون .. نعم (Re: محمد حامد جمعه)
|
أخي محمد حامد جمعه
تحية عطرة
وحقيقة برغم الخسائر الاخيرة إلا أننا لازلنا على العهد والوعد
وبأذن الله الموسم القادم مريخي،، هذا ويجب أن نتلافى أخطائنا ونتعلم منها
خالص الود
| |
|
|
|
|
|
|
|
|
|
Re: مريخيون .. نعم (Re: محمد حامد جمعه)
|
Quote: الاخ محمد حامد ..
عودا حميدا مستطابا ..
صدقني المنبر بدونك لا يساوي شيئا ..
ود الباوقة |
ود الباوقة.
ده مش نفس كلامك البتفولو لي صلاح غريبة؟
دينق.
| |
|
|
|
|
|
|
|
|
|
Re: مريخيون .. نعم (Re: محمد حامد جمعه)
|
ود جمعة
حمد الله على السلامة
| Quote: خسرنا أمام الهلال بالثلاثة أو بالمئة فستظل (حمر دواخلنا ) |
بطيخ أنتو يا كافي البلاء و لا شنو ؟؟؟
أسه تقول مريخ المؤتمر الوطني يجوك ناس راكوبة ينطو ليك في حلقك
| |
|
|
|
|
|
|
|
|
|
Re: مريخيون .. نعم (Re: محمد حامد جمعه)
|
هاردلك يا كومندان
أجمل مافي كتابتك السمحة دي إنك تحدثت عن المريخ بحب و ذكرت مواضع الخلل ولم تقسو على اللاعبين ولم تنفخهم كعادة إعلامكم
لكن الأجمل انك لم تقلل من شأن الهلال كما جرت العادة
هاردلك مرة تانية يا كابتن
غايتو تشهي في المريخ و الكيزان إلا ولله الحمد المناعة قوية
| |
|
|
|
|
|
|
|
|
|
Re: مريخيون .. نعم (Re: عبد المنعم سليمان)
|
يا سعادتكـ
اسه في ذمتكـ جيتنا راجع بالمريخ و الهلال و كمان مغلوب ؟
انت حتي في الكورة مغلوب ؟
ياخي البلد مقلوبة ليها اسبوع بي سبب (دب)
كدي نورنا
رأيكـ شنو في حكم المحكمة و في القضية كلها من اولها
| |
|
|
|
|
|
|
|
|
|
Re: مريخيون .. نعم (Re: ALGARADABI)
|
محمد حامد جمعة .
أنا ما بفهم فى الكورة
"التكتح" ، لكنى سعيد
بعودتك ، أنت رجل مهذب
ومؤدب ، وهما صفتان أندر
من أسنان الدجاج فى هذا
الزمان .
آسف للتخريمة .
دمت يا رجل
| |
|
|
|
|
|
|
|
|
|
Re: مريخيون .. نعم (Re: عبدالله شمس الدين مصطفى)
|
يا هيي....مهند كيف ??
---------------------------
رجعت تاااااني ?...سلامات
يا مان سودانيز أونلاين دي زي زى الجكس
العنيدة..وقلبا قاسى وما بتسأل كيف ظروفك
تلفها معاك 1000 مرة فى الشهر وتااااانى
تجيها راجع !!!
ما قالو ليك الحب طريق قاسي وصعيب من أولو !!
| |
|
|
|
|
|
|
|
|
|
Re: مريخيون .. نعم (Re: Atif Makkawi)
|
Quote: فيما يتكرم بهاء الدين حارس المرمى بإخراج الكرة من الشباك واخراج ارواح المشجعين معها فى العادة !
|
ده حلوة ... وعلى مرارة الهزيمة,
كنت أنتظر فوز المريخ عشان أفش مغسة
الغربة وأزمة { الدب } فى الهلالاب ديل ,
... هل ما يزال إسمهم { الرشاشات } ... ؟
بعدين إخترتوا لينا إسم { الزعيم } والذي لا
يتناسب لغير المجد والإنتصار ... فكيف نبتلع
هذه الهزيمة ... وكمان من الهلال ... اللهم
لا إعتراض فى حكمك.
شكرا ... محمد حامد ,
ونسمع عن المريخ نصرا.
مع مودتي
| |
|
|
|
|
|
|
|
|
|
Re: مريخيون .. نعم (Re: HAYDER GASIM)
|
والله يا محمد حامد كونو غلب المريخ بجيبك راجع
فده سبب إضافي يخلينا نحب الهلال !!
سيدا
وسيد سيدا
وكرنقو
كيف ؟
أها يا إنسان
عندك فرصة تحرد الإسبوع الجاي
لأنو بعديها بتجينا راجع تاني !!
كاس السودان كيف ؟
| |
|
|
|
|
|
|
|
|
|
Re: مريخيون .. نعم (Re: محمد حامد جمعه)
|
محمد حامد جمعة
أيها الرجل المهذب
أيها الرجل العفيف
حمد لله على سلامة العودة فانا لا اعرفك الا من خلال مشاركاتك في هذا الموقع ولكن كما ذكرت سابقاً فأنت تمثل رقماً مهماً في توازن الرأي والرأى الآخر بهذا المنبر,, بالرغم من اختلافى السياسي وحتى الرياضي معك لاننى اشجع هلال الملايين ومطعّم ضد الكيزان وكافة الاحزاب القومية الاخرى...
هاردلك لهزيمة المريخ وعقبال الهزيمة في الانتخابات القادمة بعد عام بإذن الله ...
| |
|
|
|
|
|
|
|
|
|
Re: مريخيون .. نعم (Re: محمد حامد جمعه)
|
Quote: اهاهاهاهاهاها
ما قلنا ليك الكلام ده حنك بيش منك ساااااااااكت
الواحد وكت قلبوا رهيف وما يقدر على فراقنا
ما يرهص ساكت
حمد الله بالسلامة |
دينق اتفشا فيك تمام...
| |
|
|
|
|
|
|
|
|
|
Re: مريخيون .. نعم (Re: وليد محمد المبارك)
|
محمد حامد جمعة
حمدا لله على السلامة و مرحبا بك بيننا و ما أجمل هذه العودة فقد زادتها كتابتك عن المريخ العظيم حلاوة على حلاوتها.
Quote: وعلى اى حال فالمريخ هو المريخ و(نهواه فى كل الظروف ) وسيبقى بطل الأبطال وان جاء وصيفا و(أول الأوائل ) ملح رغيف الخبز وإعصار الصيف الساخن ، أمل الملايين بطول السودان وكل بيوت الطين .
•ومريخيون نعم .. خسرنا أمام الهلال بالثلاثة أو بالمئة فستظل (حمر دواخلنا ) نتقبل الهزيمة بجلد الرجال وصبرهم وننهض للنصر بوقار الكبار وعزمهم .
•وشكرا لكل لاعبي المريخ من (بهاء الدين ) الى طمبل والعجب والسعودى وهاردلك |
و هذا قدرنا (نهواه في كل الظروف) و هو فاكهة الكرة السودانية و قد كان في ذلك اليوم متوهجا و لكن أخطاء فردية ضيعت مجهود رجال.لك ودي
| |
|
|
|
|
|
|
|
|
|
Re: مريخيون .. نعم (Re: محمد حامد جمعه)
|
محمد حامد
مساء الخيرات
| Quote: •وعلى اى حال فالمريخ هو المريخ و(نهواه فى كل الظروف ) وسيبقى بطل الأبطال وان جاء وصيفا و(أول الأوائل ) ملح رغيف الخبز وإعصار الصيف الساخن ، أمل الملايين بطول السودان وكل بيوت الطين . |
عودا .... حميدا مستطاب .
وفوق .... فوق ..... مريخنا .... فوووووووووووووووووق.
تحياتي
هارون دياب
| |
|
|
|
|
|
|
| |
محمد حامد جمعه
Deng
حسين محي الدين
إيمان صالح
keiga2000
Adam Omer
عبد المنعم سليمان
خالد عبد الله محمود
محمد البشرى الخضر
عمران حسن صالح
Hatim Yousif
خدر
على محمد على بشير
ALGARADABI
عبدالله شمس الدين مصطفى
Abd Alla Elhabib
Atif Makkawi
HAYDER GASIM
Motaz Ahmed
abas
إدريس البدري
وليد محمد المبارك
AnwarKing
Nasruddin Al Basheer
hajhamad
haroon diyab
ماجدة عوض خوجلى
فيس بوك
تويتر
انستقرام
يوتيوب
بنتيريست