دعواتكم لزميلنا المفكر د.الباقر العفيف بالشفاء العاجل
|
|
 صلاح سلــــــــك !!
|
ظاهرة اطلاق الالقاب ظاهرة منتشرة فى المجتمع السودانى وبكل ارجاء البلاد ، فى الخرطوم وفى كل مناطقها يتربط عادة اسم بعض الاشخاص بلقب يرابط معه بقدر يطغى احيانا على اسم الوالد والاسرة واذكر انه فى الحى الذى اقطنه كان لدينا صديق اسمه (الرسمى ) عاطف سليمان لكن الفتى ومنذ ان كان طفلا ارتبط به لقب فلا يعرف الا باسم (عاطف فلاتى ) ويصدف ان ياتى احدهم ويطرق باب المنزل ويسال ( عاطف سليمان فى ) فيرد احدمن الاسرة (عاطف سليمان منو ) قبل ان يستدرك عاطف (فلاتى ) ولاحظت ان هذه الظاهرة ربما لا تتواجد الا فى الوسط السودانى فتجد صلاح سلك وحسين خندريش - حرت فى معنى الكلمة - وصلاح بعاتى - رغم ان الشاب مثل القمر - وايمن كديس وجلال فول وحمدى خرطوش .
|
|
 
|
|
|
|
|
|
|
|
Re: صلاح سلــــــــك !! (Re: Adil Ali)
|
عارف يا ( محمد حامد ) ..
في مدرستنا الثانوية ( امدرمان الاهلية ) ..
كان المدير ( رحمة الله عليه ) .. لقبه ( ســلك ) ..
حتي انني لا أعلم ما هو اسمه الحقيقي ..
..
..
ونسبة للحساسية الزايدة بينه وبين ( الطلبة ) ..
شيد له ( الطلاب ) في مقابر ( احمد شرفي ) .. القريبة من المدرسة ..
قبرا .. وكتبوا فيها ( قبر المرحوم سـلك ) ..
..
..
كان لدي معه موقف ( طريف ) جدا ..
قبضني في يوم وانا أحاول ( تسلق ) سور المدرسة .. كنت أنوي الذهاب الي ( سينما قصر الصداقة ) ..
وذهب بي الي مكتبه .. وطلب مني الجلوس علي الارض قرب الباب ( لحين حضور الصول ) ..
في هذه الاثناء حضر وكيل المدرسة ( عبد القادر ود الراجل ) وكان رجل ( صوفي و متدين ) ..
وبدأ يسرد علي ( المدير سـلك ) بعض تفاسير ( الاحلام ) ..
وانه لو الزول شاف نفسه راكب ( جمل ) .. يعني حيشوف ( الرسول ) ..!
فما كان من الاستاذ ( سـلك ) ألا ان سأله ..
طيب يا استاذ ( عبد القادر ) لو الزول حلم انه راكب ( ....! ) .. حيشوف شنو ..
وانفقعت انا بالضحك .. وطاردني عبر ( حوش ) المدرسة .. لمن ( نفسو ) اتقطع ..
| |
|
|
|
|
|
|
|
|
|
Re: صلاح سلــــــــك !! (Re: محمد حامد جمعه)
|
سلام يا سعادتك
لي زميل دراسة إسمه صلاح سلك.. وأعتقد أنه يعمل الآن بجهاز شئون العاملين بالخارج.. وأعتقد أن ربط سلك بصلاح ناتج لإسم اللاعب السابق صلاح سلك مثل عباس (ركس).. إبراهيم (ابو خليل).. حسن (أبو علي)..
.
.
| |
|
|
|
|
|
|
|
|
|
Re: صلاح سلــــــــك !! (Re: إسماعيل وراق)
|
إسماعيل وراق
اشكرك جدا ولهذا اريد البوست ، اضاءات على الالقاب والاسماء والربط بينهما ، هذه الظاهرة بالمناسبة تنتشر فى ملاعب الكرة خاصة فى (الليق ) واذكر ان المدير العام للتلفزيون المهندس الطيب مصطفى - قبل ان يتنحى - منع بقرار منه- المعلقين من مناداة اللاعبين بالقابهم وبالمناسبة افقد هذه الامر نكهة المباريات المذاعة ولطالما تلعثم الرشيد بدوى عبيد حيث انه اعتاد على مناداة وتوصيف اللاعبين عبر القابهم (الكورة مع باكمبا ) فصار يقول (الكرة الان بين قدمى بابكر الحلو ) ... تاصيل وكدا
| |
|
|
|
|
|
|
|
|
|
Re: صلاح سلــــــــك !! (Re: shammashi)
|
| Quote: برضو شلتو البوست جبتو لينا (سياسة ) ان شاء الله الانقاذ تغور وتجونا وزراء ... |
جنابو....وإنت الجابك البورد شنو غير السياسة؟
لا تفترض السذاجة في الآخرين يا سعادتك!
| |
|
|
|
|
|
|
|
|
|
Re: صلاح سلــــــــك !! (Re: Adil Ali)
|
البوست ، اضاءات على الالقاب والاسماء والربط بينهما ، هذه الظاهرة بالمناسبة تنتشر فى ملاعب الكرة خاصة فى (الليق ) واذكر ان المدير العام للتلفزيون المهندس الطيب مصطفى - قبل ان يتنحى - منع بقرار منه- المعلقين من مناداة اللاعبين بالقابهم وبالمناسبة افقد هذه الامر نكهة المباريات المذاعة ولطالما تلعثم الرشيد بدوى عبيد حيث انه اعتاد على مناداة وتوصيف اللاعبين عبر القابهم (الكورة مع باكمبا ) فصار يقول (الكرة الان بين قدمى بابكر الحلو ) ... تاصيل وكدا
| |
|
|
|
|
|
|
|
|
|
Re: صلاح سلــــــــك !! (Re: محمد حامد جمعه)
|
عمر كرتلا
ادم كرونة
عثمان كبريتة..
الاسامي كثيرة ومرحة
ولكن اكثرها شهرة ومرح ومواكبة هو الاسم الجديد للبشير
(عمر حليفة)..
نال هذا الاسم قبل كده فاروق جبرة في قسمه الشهير
ولكن الان الاسم مسجل باسم عمر البشير
فيقال
_عمر حليفة
| |
|
|
|
|
|
|
|
|
|
Re: صلاح سلــــــــك !! (Re: doma)
|
دوما ..
مع احترامي ليك الشديد ليك ..
لكن البتعملي فيهو دا ( شين ) ..
اذا كان عندك مشكلة مع ( محمد حامد ) امشي افتحي ليهو ( بوست ) ..
..
..
فكرة ( البوست ) دا لذيذة .. لانه عندنا كلنا قصص طريفة مع ( الألقاب ) ..
وسواء نزل ( البوست ) محمد حامد .. او غيره ..
تبقى ( الفكرة ) جميلة للبعض ..
..
..
ما تحاولي توجهي البوست لـ( اغراض شخصية ) ..
| |
|
|
|
|
|
|
|
|
|
Re: صلاح سلــــــــك !! (Re: humida)
|
مع احترامي الشديد لوجه نظرك انا شايفه البعمل فيه ( سمممممممممح ) وما عندي شئ شخصي مع محمد جمعه ولا اي غرض
اكتب البعجبك انا كتبت الفي راسي انت احكي وكل زول يحكي العايزه . يعني باختصار ما في كروت دعوه وكدا الا اذا محمد جمعه فوضك تقول لي كدا دا يكون موضوع تاني
| |
|
|
|
|
|
|
|
|
|
Re: صلاح سلــــــــك !! (Re: doma)
|
لا ما فوضني يا ( دوما ) ..
بس من وجهة نظري .. شايفك بـ( تنططي ) كتير ..
عملتي لي ذي ( طرشماية ) مداخلة .. ما ليها ألا معني واحد ..
..
..
واعذريني ..
| |
|
|
|
|
|
|
|
|
|
Re: صلاح سلــــــــك !! (Re: humida)
|
Quote: لا ما فوضني يا ( دوما ) ..
بس من وجهة نظري .. شايفك بـ( تنططي ) كتير ..
عملتي لي ذي ( طرشماية ) مداخلة .. ما ليها ألا معني واحد ..
..
..
واعذريني .. |
اجي يا ناس الدنيا النطيط ممنوع ؟؟!!
حميده افتكر ما في داعي نتماسخ علي بعض لانه ما في زول ما بعرف للمساخه نقفل الموضوع دا علي كدا وما في شئ اساسا بلمنا لا موت لاحياه فول استوب
| |
|
|
|
|
|
|
|
|
|
Re: صلاح سلــــــــك !! (Re: doma)
|
خلاص ( نكرتيني ) عديل ..
ياخي والله في مليون حاجة بتلمنا .. علي الاقل هذا ( المنبر ) ..
بس ياخي جيتي كشحتي لينا ( تراب ) في صحن ( البوش ) المدنكل دا ..
..
..
العفو والعافية يا ستي ..
| |
|
|
|
|
|
|
|
|
|
Re: صلاح سلــــــــك !! (Re: humida)
|
مانكرتك يا حميده لانه في العاده انا انسانه ودوده وما ببدأ بالمساخه ولو حسيت انه في زول مسيخ ما بتداخل معاه او نادرا وعشان ما نخسر بعض اكتر من كدا قفلت الموضوع لانك انت حملت كلامي مع ود جمعه اكثر مما يحتمل وفسرته بسوء انا ابدا ما قصدته كل ما في الامر انه اسمه طويل سلبه قلت نلقي لقب يفصره .
المهم اسفه اني كشحت تراب في صحن البوش وليك علي عشاء فاخر مطعم 5 نجوم
| |
|
|
|
|
|
|
|
|
|
Re: صلاح سلــــــــك !! (Re: Kostawi)
|
حسين مكنات
امير القادسيه
على بليه
محمد فلوله
احمد زغبير
صالح فارايه
عيسى الزنكلونى
ابراهيم ناموسيه
احمد طعميه
سيد الحلبى
جلال كبايه
عمر اب طاقيه
محمود السمين
عبد العزيز ابو الليل
احمد مطاريد
سفيان كبكابه
على القرقور
حاتم ابو شامه
عادل ظبطا
كمال الجنكل
فتحى ابو خيشه
جعفر مايو
صلاح كابو
صلاح نمليه
صلاح مازدا
على بيجو
سيف الشقله
محمد ود الشواطين ( كان لاعب كوره فى التحرير البحراوى والميرغنى كسلا )
محمد ود الكرتون
الخ الخ
اسماء والقابها مرتبطه بالزاكره من المدرسه والحى والعمل
| |
|
|
|
|
|
|
|
|
|
Re: صلاح سلــــــــك !! (Re: على محمد على بشير)
|
شكرا جزيلا ... وجميلا .... وكبيرا ..... على نعوتك .. والقابك واقبلها منك او لا اقبلها ما المشكلة لكن ببساطة ارى ان فكرة البوست يمكن ان تفتح طاقة جميلة لاسترجاع الذكريات وهو مقصدى ... وبس ...
بالمناسبة انتو عالم البنات فيهو القاب ولا القصة دى ظاهرة ذكورية فقط (سؤال جادى )
وتقبلى ودى واحترامى
محمد حامد جمعه الاشاعة كما تزعمين ..
| |
|
|
|
|
|
|
|
|
|
Re: صلاح سلــــــــك !! (Re: محمد حامد جمعه)
|
| Quote: لي زميل دراسة إسمه صلاح سلك.. وأعتقد أنه يعمل الآن بجهاز شئون العاملين بالخارج |
يا وراق
صلاح سلك البتتكلم عنو دا خريج إقتصاد الخرطوم 1995 و كان ساكن الصحافة ؟
| |
|
|
|
|
|
|
|
|
|
Re: صلاح سلــــــــك !! (Re: محمد البشرى الخضر)
|
فيQuote: مدرستنا الثانوية ( امدرمان الاهلية ) ..
كان المدير ( رحمة الله عليه ) .. لقبه ( ســلك ) ..
حتي انني لا أعلم ما هو اسمه الحقيقي ..
.. |
اسمه حسن عطية يا حميدة, إنت عليك الله من الزمن داك, أنا اسي قايل روحي بلديك!
| |
|
|
|
|
|
|
|
|
|
Re: صلاح سلــــــــك !! (Re: محمد حامد جمعه)
|
الفاضل / محمد جمعة
ظاهرة الالقاب موجودة في كل الشعوب
وعندنا حمالة اوجه للهجاء او للمديح
ولقب الصغر اكثر التصاقا بصاحبه حتى انه احيانا لايعرف الابه
واكثر الالقاب معرفة هي القاب لاعبي كرة القدم لشهرتهم
مثال قاقرين مين من هلالاب البورد يعرف اسمه الحقيقي
ومازدا واتحدى مريخاب البورد لمعرفة لقبه الحقيقي
طائرة الامام (رحمه الله) لقب بذلك لسرعته الفائقة ولانه من سكان ودنوباوي
الجميل ان تذكر القاب الطفولة واين هم الان وهل لازال اللقب ملتصق بهم
| |
|
|
|
|
|
|
|
|
|
Re: صلاح سلــــــــك !! (Re: محمود بكر)
|
Quote: يا وراق
صلاح سلك البتتكلم عنو دا خريج إقتصاد الخرطوم 1995 و كان ساكن الصحافة ؟ |
الأخ محمد البشرى
تحياتي.،
بالضبط كده.. والله نجضوا نجاط... الزول دا دفعتي في الكلية..
بالله لو لك وسيلة إتصال به بلغه تحياتي.،
| |
|
|
|
|
|
|
|
|
|
Re: صلاح سلــــــــك !! (Re: د.محمد حسن)
|
عوض باضريس
عوض باعوضة
عوض كجاويل
عوض الكبيببص
حسن كجيك
حسن سخانة
سيف لعوتة
سيف الجامعة
صلاح كديس
صلاح بردب
عثمان قولد
جمال كسل
عادل الساحر
فتاح كمون
يحى نضافة
كمال دقدق
صلاح ملاح
صلاح ودالحاجة
عوض سكينة
عبدالواحد كلنت
سيد البطل عضو بالمنبر
قصرنا معاك يا تور بقر الجواميس!
جنى
| |
|
|
|
|
|
|
|
|
|
Re: صلاح سلــــــــك !! (Re: د.محمد حسن)
|
عزالدين شلاقة ..
مصطفى تلنقا ..
محمد كعبول ..
آدم مقصات .. ( كان عنده عجلة دبل ومشهور بالمقصات ) ..
عبد اللطيف كمنجة .. ( بتاع حافلة كان بوصل الفنانيين ) ..
..
..
في المجتمع ( المخملي ) .. في ألقاب كتيرة ..
أماني تايوتا ( غير الغناية .. دي واحدة في السعودية كان زوجها شغال في شركة التايوتا ) ..
حوا بنزين ( مشهورة ) ..
عواطف مظلات ( زوجة اللواء مظلي ) ..
عوضية عذاب .. ( بتغني وجابوها في جرتق صاحبنا ابراهيم .. وبالجد عذاب ) ..
| |
|
|
|
|
|
|
| |
محمد حامد جمعه
Adil Ali
humida
إسماعيل وراق
عبدالكريم الامين احمد
doma
BAKTASH
Kostawi
على محمد على بشير
محمد البشرى الخضر
Marouf Sanad
د.محمد حسن
jini
فيس بوك
تويتر
انستقرام
يوتيوب
بنتيريست