واحد زميل في المنبر دا قال شنو .. قال .. الامنجية والأذيال وما عارف الأكتاف الشموليين والبتاع قاعدين يثبطوا في عزايم الناس من مسيرة بكره .. يا مهدى الله ... دا شنو النور دا .. هسة المعنى يعنى كلام اخوانا ديل انو لو محمد حامد قال كيت وملاسى كتب كيت خلاص ودكتورة بيان قالت داك وفلان قال ما عارف شنو خلاص يعنى وجدان المسيرة الوطنى انجرح ! قال شنو المؤتمر الوطنى وما عارف جهاز الامن مفرغ ليهو ناس عشان يغرقو المنبر بالبوستات وما عارف الناس يحدث ليها تضليل من الانتفاضة ! يا جماعة عاوزين النصيحة ولا نقعد نملس ليكم الكلام كان عاوزين النصيحة قولو .. سكتو .. كويس نقول شفتو في ناس فى المنبر دا مذهللين وفاكنها فى نفسهم شديد .. فكة شديدة خلاص .. مؤتمر شنو الشغال بجنس نقتكم الهنا دى .. وامن شنو يا جنرالات حارس باب كتاباتكم دى ... قر .. قر .. قر ... والله جنس فهمكم دا اللى هسة خلاكم مزازين من حلف لى حلف ومن حزب لحزب .. ياخى امرقو بكره ...قشة ما تعتر ليكم ... والله يوفقكم مش مارقين عشان مواطن البلد دى .. مالو .. دا كلام كويس وحلو ومافى زول ضدو ... زعلانيين عشان مره مره كدا بنشاغلكم وبننصحكم .. هوى ... شوفو ... الصاح دا بقولو ليكم عديل : اول شى ما تقدونا فاشية وماشية وفاتية وكل ما نفتح بوست تلقى ليك غنية وسلبة بتاعة شعر وما خليتو شاعر بتاع ثوريات ما كرهتونا شعرو ... ورمتونا ... والقلبو حار من ناس الداخل اليمرق بكره ويصدع برايه و(سجن سجن غرامة غرامة ) والقاعد بره اليدق صدرو ويشيل من اخوانه جوه البلد واها احكى ليكم زول جارنا عندو وليد شليق شبك ليك الناس والبوليس فى المسيرة الفاتت طقيع ولمن خمشوه المسكين ما لقى ليهو زولا يسال فيهو .. كافى البلا مافى مسئول حزبى باى درجة سال فيهو وعشان تعرفو نفاقكم مريم الصادق شالو موبايلها وما عارف دفروها لمن بقت شهيدة !!والمسكين دا راح شمار فى مرقة اها جاى جاى وشيل خت مرقنا الوليد لقيتو ليك قافلة معاه وتاب توبة نصوحة وقال قدام حشد من ناس الحلة انو تانى لا ببارى جداد ولا ببارى ناس سياسة ، شفتو البيع ... ومساكين زى ديل كتار .. معلمين الله لا بوست مساندة ولا بوست تنصرون
09-05-2006, 07:43 AM
محمد حامد جمعه محمد حامد جمعه
تاريخ التسجيل: 11-26-2004
مجموع المشاركات: 6807
واها اقول ليكم الكلام البطمم البطن ... ما تشبكونا نحن ونحن الشرف الباذخ .. وشدى اوتار المغنى .. وشد قامتك والنظر الساعة اتناشر وما عارف لو بكره جاطت اى كوز فى المدينة ما عارف ما عازونو .. شوفو عمر البشير .. شين زين ... ياهو الرئيس جا بانقلاب لقاها فى كرتلة ما مهم المهم انو اجتهد فى انو يمشى البلد دى لقدام وما تشبكونا البلد رايحة والبلد فقرت ومرضت ولو ما عارفين اعرفو عشان ما تتضللو الناس هسة ..هسة .. ظروف البلد دى بزيادات ولا بدون زيادات احسن مليون مرة من سنوات فاتت اقتصاديات الناس اتصلحت ...والسودان دا فيهو بوادر نهضة عملوها الناس ديل وما شفناها لمن الصادق كان حاكم ولا ناس الشيوعى حكام مع نميرى . عشان كدا ..صدقونى ... الناس بتزعل من الحكومة ... اى ... بتزعل شديد .. بتسب عديل لكنهم مقتنعين تمام انها اخير من كل الجايطين بره ديل ... واها انا قاعد وانتو قاعدين كان السودانيين ديل ..الاغلبية ومش انا وانتو مرقو وشالو عمر البشير دا ... قاعد ليكم كدا ... وما فى زول بزحو الا الله ... والملايين العارفين الحقائق دى لو غيرو رايهم لكن اكان حارسين ناسكم ديل ... خمو وصرو
09-05-2006, 07:44 AM
محمد حامد جمعه محمد حامد جمعه
تاريخ التسجيل: 11-26-2004
مجموع المشاركات: 6807
وشوفو .. تانى نرجع لقصة انتو يا كيزان .. وانتو ..المان .. وبتاع وما عارف حندق اعناقكم ... هووووووف ... الحبة ما عندكم ... وما تشبكونا رجالة فى المنبر دا ...العندو مروة وعندو معانا رجالة حمرا كدا ...النشوفا منه بس ما هنا لانو الحنك والكيبورد دا ممكن تدعى فيهو قصة اى بطولة والناس تصفق ليك وتكون بره اول زول بفز وبنفزر ... الحكومة دى ما كلها خير ... والله يهديها للصالح ويقومها ... لكن بس اتمنى انو بعض الاخوة يحترمو عقول الناس والبطولات دى يلموها شوية ... نحن اى زول البلد دى عارفين حجم رجالتو ... كويس
09-05-2006, 07:54 AM
Murtada Gafar Murtada Gafar
تاريخ التسجيل: 04-30-2002
مجموع المشاركات: 4726
الأمنجي ربيب نظام الحرامية و مجرمي الحرب جمعة كتبت
Quote: الاغلبية ومش انا وانتو مرقو وشالو عمر البشير دا ... قاعد ليكم كدا ... وما فى زول بزحو الا الله ...
شوف يا أمنجي، غير "الله" في ناس بيزحو...الجقلبة ليكم شنو من القرار 1706... مرة طردنا قوات الإتحاد الأفريقي و مرة ما طردناهم... با أمنجي إنتا ما خايف إلا على روحك، بس التخم و تصر إنتا و إنتظر ساي...شهر ما أكتر...أوكيييييييييييييييييييييييييييييييييييييييه
داؤود يحى بولاد في عليييييييييين...لكن القتلوا منوووووووووو؟؟؟!!! شاطر يلا ورينا..
مرتضى جعفر
09-05-2006, 07:59 AM
محمد حامد جمعه محمد حامد جمعه
تاريخ التسجيل: 11-26-2004
مجموع المشاركات: 6807
Quote: وما تشبكونا رجالة فى المنبر دا ...العندو مروة وعندو معانا رجالة حمرا كدا ...النشوفا منه بس ما هنا لانو الحنك والكيبورد دا ممكن تدعى فيهو قصة اى بطولة والناس تصفق ليك وتكون بره اول زول بفز وبنفزر ...
شوف يا ود يا حماده قبل مسيره الاربعاء الماضيه بدأت بكتابة البوست اعلاه لتنبيه الزملاء من الانفعال الزائد و توهم ان هذه هي الانتفاضه المرتقبه لكن سريعا ماتراجعت عن ذلكـ عارف ليه ؟؟
عشان انا فاهم انو الشباب ديل ما عاجزين عن قراءة الواقع بصوره صحيحه ولا متفائلين زياده ولا يحترفون لعبة الاوهام
هم فقط اولاد و بنات ناس ضيقتم عليهم و علي اهلهم سبل العيش بكرامة ورغماَ عن ذلكـ لاذالوا متمسكين بقضايا اهلهم و وطنهم رغم بعد المسافات و تعليقاتكم السمجه في البوستات لتثبيط هممهم و همم القراء
09-05-2006, 08:30 AM
lana mahdi lana mahdi
تاريخ التسجيل: 05-07-2003
مجموع المشاركات: 16049
Quote: شوف يا جعفر اللا معروف حركة ولا شيوعى ولا خاطف لونين
انا (كووووووووووز ) ما داسيها ... ونسال الله السلامة للبلد ولناسو العزاز لكن لو عاوز تشوف رجالة (الاخوان ) عارفنها زى جوع بطنكم ... وتشوف عينك ... نحن بنجيكم عديل ومش بنتضارى ..
رجالة الكيزان دي خليني منها و عارفا ياها رجالة حسين خوجلي و حاج نور و إبراهيم غندور.. ولا الترابي ذاتووووووووووووووو....قصدك دي ولا رجالة تانية نحنا ما عارفناها
أنا حركة ولا شيوعي ما بخصك و لا ضروري تعرف يا أمنجي
جقلبتك دي ما بتحلك ... استهتارك بالشعب السوداني سيرتد إليك يا محمد حامد جمعة ... وسترى، والأيام دول .. (لاحظ جمعة أنا عاملها ليك بالتاء ما بالهاء ...) لأنو الفرفرة حقتك والكلام الفوق ده كلو ما كلام رجال ... ما كلام راجل لي رجال، كلام إمرأة ماسكة الباب وبتتشاكل وشايفة إنها في أمن وأمان من أي ضربات غادرة بالتالي بتجيب آخرها ... يخس عليك وعلى أصلك ربيب كيزان نفوسهم صغيرة ...
09-05-2006, 08:56 AM
خدر خدر
تاريخ التسجيل: 02-07-2005
مجموع المشاركات: 13188
والله العظيم ... والله ... كلامك (المسكن ) دا والجميل الخاص بالمظاهرة الفاتت حقو يبقى شعار ولو كل الناس بالفهم والروح دى صدقنى ...النصر حليفكم ... شفت روحنا الرياضية
09-05-2006, 09:37 AM
أحمد أمين أحمد أمين
تاريخ التسجيل: 07-27-2002
مجموع المشاركات: 3371
محمد بالجد الواحد بقى يصدق أنو القصة دى بيدوك عليها مرتب يا خوي الايام دى المؤتمر الوطنى مابدافع عنه إلا مخبول حتى المنتفعين قابضين جيوبهم وزاحيين بعيد مالك شايل وش القباحة كده هون على نفسك يا راجل المسألة لا تستحق كل هذا العناء رئيسك ده خليهو يشاوركم فى القرارات العشوائية دى قبل مايورطكم معاهو حتى بعداك تعال اضحك على الاحزاب
09-05-2006, 10:39 AM
محمد حامد جمعه محمد حامد جمعه
تاريخ التسجيل: 11-26-2004
مجموع المشاركات: 6807
Quote: مابدافع عنه إلا مخبول حتى المنتفعين قابضين جيوبهم وزاحيين بعيد مالك شايل وش القباحة
امين
بالله فى ذمتك مخبول انا ولا التانين العاوزين يمجدوا الينا افشل الاحزاب والقيادات عشان تانى يجو يمرضونا سنتين تلاتة يرجعو البلد فيها مية سنة ورا انا حين امجد الانقاذ - كما تزعم - انظر للجانب الممتلى من كوبها انظر لما يكتب ضدها فى غالب الصحف اتحدى كل الحزبيين الحاليين ان يتحمل اى منهم معشار الانتقادات التى تصوب للبشير ( قصص هددونا وما عارف كابسونا دى بالمناسبة طق حنك ساى فى المنبر )
09-05-2006, 09:56 AM
عزيز عزيز
تاريخ التسجيل: 04-12-2002
مجموع المشاركات: 3290
ياخوى المناصب فى السودان ورطة كبيرة وما بتتحل منها يوم تسأل كلكم راعى وكلكم مسئول عن رعيته..
كما أنه ده حلم بعيد على كل من يحلم فى الصحيان بأن ذلك اليوم قريب .. زمان قالوا العرافة قالت يا 16 يا 61 الأولى فاتت والثانية الباقى ليها 44 سنة كما قال شيخ إبراهيم العباس (شفاه الله) ما بنفوت لى يوم القيامة .. لوكوا الصبر ولكم فى نبى الله أيوب أسوة حسنة..
09-05-2006, 10:40 AM
محمد حسين آدم محمد حسين آدم
تاريخ التسجيل: 05-11-2006
مجموع المشاركات: 0
Quote: ...العندو مروة وعندو معانا رجالة حمرا كدا ...النشوفا منه بس ما هنا لانو الحنك والكيبورد دا ممكن تدعى فيهو قصة اى بطولة والناس تصفق ليك وتكون بره اول زول بفز وبنفزر ...
سلام
المروه والرجاله زي ما قلت هناك
بس سؤال انت بوين لناس هناك ؟انا غايتو جاي
بس النشفوك .
09-05-2006, 10:44 AM
محمد حامد جمعه محمد حامد جمعه
تاريخ التسجيل: 11-26-2004
مجموع المشاركات: 6807
اخى محمد حامدزارنا السيد الصادق المهدي في الدوحة في نهاية الثمانينات، واجتمعنا به في قصر المرمر في الدوحة ممثلين للجالية السودانية، تكلم كثيرا وقد وجهت له سؤالاً ( السيد الصادق هل يعقل أن تكون رئيس وزاراء ولم تستطع تشكيل حكومة لفترة تزيد على أربعة أشهر وتعمل بوزراء مكلفين تخيل ماذا كان رده ، قال: أنتو قاعدين في الدوحة هنا ما عارفين الحاصل شنو لو أن الواحد منا في الخرطوم عاوز يشتري كيلو طماطم اليوم بتاعو كلو يروح، فقلت له إذا أبشر بإنقلاب عسكري فضجت القاعة بالضحك). كان من ضمن حضور هذا اللقاء مولانا عبدالمنعم المكي والاستاذ يوسف بشير الطاهر والشيخ حامد الفادني والاستاذ إبراهيم الصـلحي ونفر كريم من أعضاء الجالية، والله العظيم كان أحد وزارءه يسأل أحد أصدقائه في الدوحة عن الويسكي الرائع سمع أضاني دي ، وبدلا من ان يذهب الوزير لمقر اقامته ذهب مع صديقه ، وغدا سوف يقود السيد الصادق المظاهرة)
09-06-2006, 01:06 AM
إدريس البدري إدريس البدري
تاريخ التسجيل: 07-31-2006
مجموع المشاركات: 943
Quote: كما أنه ده حلم بعيد على كل من يحلم فى الصحيان بأن ذلك اليوم قريب
خدورى
عايز تطلعنى من المولد بدون حمص !!
بجملتى تلك قصدت الحالمين فى الصحيان بأن يصبحوا وزراء وهم أكثر من 90% من الأخوة المناضلين ولا ضير أن أحلم مع الحالمين ولكن سيطول الحلم كما ذكرت العرافة والشيخ الجليل ..
فى الديمقراطية الأخيرة وفى جريدة الشماسة طلعت ذات صباح بالمنشرت التالى ( السودان البلد الفوضى الوزير خريج روضة ) وبما أنى خريج روضة الأمانى فدع الأمانى تداعب الغصن الرطيب ..
أما سعادتو.. لا يحتاج لمن يقف معه فهو صلب شديد الشكيمة وصاحب لياقة عالية وروح رياضية .. كل المنبر شايت ضده ومعهم الهواء(ى) ومازال صامدا لم تهز شباكة،، وأختلاف الرأى لا يفسد للود قضية.. لنختلف سياسيا ولنجتمع أحبابا..
لكما الود
09-06-2006, 02:59 AM
خدر خدر
تاريخ التسجيل: 02-07-2005
مجموع المشاركات: 13188
Quote: أما سعادتو.. لا يحتاج لمن يقف معه فهو صلب شديد الشكيمة وصاحب لياقة عالية وروح رياضية .. كل المنبر شايت ضده ومعهم الهواء(ى) ومازال صامدا لم تهز شباكة،، وأختلاف الرأى لا يفسد للود قضية.. لنختلف سياسيا ولنجتمع أحبابا..
عزو
تاااااااني غزل صريح للعميد يا سعادتكـ .. نظره شمال بلاهي .. عندكـ مؤيدين جدد بي جاي
رغما عن ان ( مشروع صاحبكـ ) الجديد شباكو مهزوزه من زمان .. راجع اعلاه وانت كان راجي حاجة من غزلكـ ده .. الرماد كال حماد ديل بعضوا براهم و ماعندهم شغله بكبار المعارضين امثالكـ
الود كله يازميل
09-06-2006, 03:03 AM
محمد حامد جمعه محمد حامد جمعه
تاريخ التسجيل: 11-26-2004
مجموع المشاركات: 6807
عزيز دا لو لقينا زيو فى (فك تسجيلات ) بتكونوا ما قصرتو معانا زول لغتو هادئة ورصينة مش زى جماعة من ناسكم ... حمى الله المشاهدين للبوستات منهم ... لا فكرة .. لا موقف ... لا سباب رفيع !
09-06-2006, 03:37 AM
خدر خدر
تاريخ التسجيل: 02-07-2005
مجموع المشاركات: 13188
Quote: عزيز دا لو لقينا زيو فى (فك تسجيلات ) بتكونوا ما قصرتو معانا زول لغتو هادئة ورصينة مش زى جماعة من ناسكم ... حمى الله المشاهدين للبوستات منهم ... لا فكرة .. لا موقف ... لا سباب رفيع !
سعادتكـ تشموهو قدحة
09-05-2006, 06:32 PM
Mohamed Adam Mohamed Adam
تاريخ التسجيل: 01-21-2004
مجموع المشاركات: 5443
ما تافه لكن.. صحي تيس وكمان عمبلوق.. إختشي يا الفريد في عصركـ.. وأنت مثال نادر للقبح ومنافحاً عنه كمان.. يا نادر.. من تعني بعديم الأصل الخطيطها بكل سؤاتكـ دون حياء يا عديم الحياء يا هذا.. محمد حامد جمعة.. رجلاً.. عرفته عن قرب إبان مشاركته كصحفي في مؤتمر مكافحة الإرهاب الإنعقد بالرياض .. كما عرفته جيداً ومن خلال كتاباته في المنبر رجلاً كيس لبق تطوي له صحف وتحنى له هامات الرجال.. وإن بحثت عن أصله.. فهو من الكلكة ست الديار.. على قول أهله الهبانية ـ (البقارة) عيال الناظر الغالي.. وذو صلة رحم بالنائب البرلماني (دبكة) صاحب إقتراح إستقلال السودان من داخل البرلمان أيام كانت كلمة الإستقلال مجردة وحاف كده بتودي في في ستين داهية..
على قول أهله الهبانية الفراس قالوا: الله خلق في الديار تلاته.. مكة العزاها الله.. وتونس الخضراء.. والكلكة هنتنا دي.. (الكلكة اسم الدلع لمدينة برام).. وبيزدو شوية ويقولوا فوقها الوز والرز والورل الما بفز.. والنقارة البتقول دز..........
اسمه .. محمد.. وأبوه.. حامد.. وجده.. جمعة..
يا نادر..
حتى الآن لا نعرفكـ إلا باسم نادر وبس.. فعن أي الأصول أنت تتحدث
إختشي يا راجل..
09-06-2006, 02:56 AM
محمد حامد جمعه محمد حامد جمعه
تاريخ التسجيل: 11-26-2004
مجموع المشاركات: 6807
الساذج ده بعملا بقدر من الاستخفاف لي عقول الناس فعلا تستفز الواحد!
تذاكيهو اشبه بالمتوهط في المستراح، داخل كبينة مظللة جابو اونزلو بي برشوت من دون مايحس، كمقلب، في قلب استاد الهلال، في مباراة قمة- هو مابشوف البرة، ولكن عشرات الالوف البرة شايفنو عريان، "يقند"، وهو يتخلص من فضلاته!
البحيرني، الزول ده ياربي ببرر ذي الوضاعة دي الاختارا لي نفسو كيف يالله؟
بعد مااختار ياكل عيش من مهنة ذي دي ليه قبل يجي هنا؟
ما ممكن يادي المهام القذرة دي، بعيد من الاماكن العامة المكشوفة الذي دي، من باب اذا ابتليتم فاستترو!
ماسمعنا بي قواد مثلا بجي الرادي ولا التلفزيون يخلف رجل في التاني، اوبي اريحية يخاطب الملا موضحا طبيعة عملو!
البمخول الواحد قوة عين الزول ده!
يارب بعملا كيف؟
يعني هو فاهم، البسوي فيهو ده يعني، شنو مثلا؟
لاحظ هو بعد ده كلو مستمتع للطيش بي حقو الكامل في التعبير، في المنبر ده، اللي اصلا من دون كل بقية العضوية، الزول ده هنا، بمارس في عمل اجرامي، لااخلاقي، لاانساني، بالمرة!
علي قدم المساواة مع الناس الهو بياكل عيش من مهنة تعذيبم، مع انو دورو الاساسي في الحياة هو مصادرة هذا الحق، باي وسيلة كانت!
لوما البصيرة العماها هلع الحرامي العارف روحو عامل لي عملة، ليه مايدو المتظاهرين تصريح عادي واليوم يمر بي سلام؟
ولكنو الهلع والجذع رغم كل ترسانات القوانيين، او جيوش الوعول الادمية، من عسس لي عسكر!
اذا الحرة بتموت جوع اوهي واقفة علي الكرعين، ولاتاكل بثدييها، فانسان سوي لايمكن ياكل عيش من العمل في بيوت الاشباح، ممتهننا لي تعذيب الابرياء العزل!
يازول حتي كلب الامن، المقنع الملثم البعمل في بيوت الاشباح، افضل بي مليون مرة من امثال جمعة البجي عديل مكشوف، عين تدقر العين!
بتاع بيوت الاشباح، البلبس شراب في الوش، فيهو خرمين للعيون عشان مايشوف، علي الاقل حاسي ولومثقال ذرة، انو بعمل في شئ ماياهو !
لوما كده ماكان اتقنع اصلا!
جايز جمعة ده بتخيل روحو احسن من السادي وردية في بيوت الاشباح، مع انها مهنة واحدة، لافرق فيها، كما في تحريم الخمر، مابين حاملها اوشاربها!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد حامد جمعه
Murtada Gafar
محمد الامين محمد
خدر
elsawi
عزيز
lana mahdi
omar ali
أحمد أمين
محمد حسين آدم
هجو الأقرع
إدريس البدري
Mohamed Adam
A.Razek Althalib
عاصم ابوبكر حامد
Bashasha
حيدر حسن ميرغني
قاسم المهداوى
فيس بوك
تويتر
انستقرام
يوتيوب
بنتيريست