دعواتكم لزميلنا المفكر د.الباقر العفيف بالشفاء العاجل
|
|
 حنان طاره وجميله الراستا !!
|
يا جماعة .. هووووووى .. ها ..
انا بسجل صوت لوم للحملة المغرضة و(المقرضة ) البشنها الزميل ناذر الخليفة على المطربات الواعدات الناهضات والحاملات لمشاعل التطريب البسيط ببلادنا ، كان صح ولا غلط ، ناس نجاة غرزة وحنان طاره ونوال العسل وسهام تقانة وليلى القوز وجميلة الراستا ..
ليه يعنى ما عشان ما عندهم صحفيين يشكروهم ولا عشان ما بيظهرو فى قناة النيل الازرق ومسكينات ومهيضات جناح .
بغن حسب ظروف الناس ، وفى اى منطقة وما عندهم قشة مرة ، وبجاملن ومرات كتيرة بخشن الحراسة بطيب خاطر بعد ما البوليس يصادر الساوند و(يربط ) العازفين لانهم غنوا بعد (حداشر ) بخمسة دقائق رغم انو يومتا فى زول فى حلتنا عمل حفلة قدام عين ناس البوليس حداشر مشت فيها فووووووووو ولا زول قال حاجة والفنان كان عمك كبير غنا لمن حسو انقرش ... اشمعنا يعنى !!
التحية فى هذا الفضاء الاسفيرى لكل المغنيات الصاعدات والهابطات و( يا رمزا يلا يا رمزا ) و( من شنات دا ودا وقعت فى الحفرة ) و(نار الشوق غرامى والبحوم فى الليل حرامى )
والله يا ناذر دى فلهمة (مثقافتية ) ساى منكم و(شغلكو حسد ) بس .. شغلكو حسد .. وكلكم بتسمعو غنا بنات اشكال وانواع وبنزل ليكم فى راسكم وبتنبسطو ..
انا غايتو واضح ودغرى وبسمع وبصنت
امبارح فاتح الراديو فى اذاعة (اف ام ) كدا مستضيفة مطربة ومعاها شاعر وملحن وصحفى .. والله جنس دجل وطنقعة وفلهمة وبعد كلو الغنا والله اتاكدت معاه انو جميلة الراستا مظلومة ومهمشة - حسب فهمى مش فهم باقان اموم -
|
|
 
|
|
|
|
|
|
|
 Re: حنان طاره وجميله الراستا !! (Re: محمد حامد جمعه)
|
بعدين شعراء ناس حنان طاره ديل واضحين وامسك واقطع ليك وكلامهم بسيط مش زى شعركم العامل زى مربعات كراس الحساب الزمان ديك
يومتا ربنا رمانى فى جلسة شعرية شبكونا ليك .. نص .. مدخل .. وشنو وشنو وكلام كباااااااااار تسمع القصيدة يوم الاحد لغاية الاحد البعد العيد ما تفهم فيها حاجة .. حداثة وكدا
| |
|
|
|
|
|
|
|
|
|
Re: حنان طاره وجميله الراستا !! (Re: محمد حامد جمعه)
|
غايتو بالغت في دي يا سعادتك !!
إنت زول يا خي أذنك موسيقية ولمن تسمع (العزيزة الما بتسأل عن ظروفنا) جسمك كلو يقوم شوك من الطرب !!
ما حرام عليك تجي تدافع عن ناس عوضية كوجيم وسعاد تيكو وزينب الكدرو !!
غايتو ما بسألك ..
بس أوعك كمان تجي تدافع لينا عن الفنان الواعد البيغني دا :
صنفرة :
لو دافعت عنو معناها إلا تكون من (أسياد الشي زاتا) 
| |
|
|
|
|
|
|
|
|
|
Re: حنان طاره وجميله الراستا !! (Re: محمد حامد جمعه)
|
| Quote: لو دافعت عنو معناها إلا تكون من (أسياد الشي زاتا) |
يا نازر.
غايتو الاغنية دي مناسبة مع صورة حامد جمعة.
بالله شوفو بتبسم ومبسوط كيف؟
فاري كلوشو عديل كده.
بس أعمل حسابك يا حامد جمعة ما يقوم يجيك هباني بالفيديو بتاع الكشف بحضور الشرطة والفيديو بتاع حمادة بت.
دينق.
| |
|
|
|
|
|
|
|
|
|
Re: حنان طاره وجميله الراستا !! (Re: ناذر محمد الخليفة)
|
يا ناذر
ما قصة مبالغة و(كلوش ) الحكاية ببساطة انو الجماعة ديل جزء من حراك المجتمع يعنى اسبوعيا الزول لو راقد فى سريرو يجيك صوت واحدة منهن بتغنى والجماعة (مبسوطين ) وكونهن شريكات فى حالة فرح انسانى عادى ولحظة لطيفة بالجميع وباشتراكهم كلهم اهل ومعازيم ومضهبين دا فى حد زاتو مبرر انو نكتب ليهم حسنه
بعدين يا جماعة الوضوح والدغرية زيو مافى انا ما بقول ليك بستمع طوالى لدرجة انى ممكن اشترى شريط مثلا لكن لو تصادف وسمعت بسمع (عديل ) وبعلق وكدا لكن ما بستحقر فنهن للدرجة دى لانو هسة فى غنا بتاع ناس كبار وصفوة (كلام فارغ ) وملق وعجرفة وموسيقى بايخة وكلمات مصنوعة
| |
|
|
|
|
|
|
|
|
|
Re: حنان طاره وجميله الراستا !! (Re: محمد حامد جمعه)
|
يا سعادتو ...
ما قلنا حاجة ..
البنات ديل فعلا بيعبرو عن نبض المجتمع .. المشكلة على حساب الفن الأصيل وحاجات تلنية كتيرة .. وكمان مؤخرا جابت ليها عبارات عنصرية في نص الأغاني !!
شنكل :
أولاد عمتي قبروا يعملو لي قيدومة قبل العرس ووعدوني بي مفاجأة فنية ولمن جات المناسبة إكتشفت إنو الحا تحيي الحفل واحدة إسمها نانسي الإنقاذ !!
أغش عليك !! إنطربت ورقصت وحتيتو قرض !!
أعمل شنو !!
| |
|
|
|
|
|
|
|
|
|
Re: حنان طاره وجميله الراستا !! (Re: Deng)
|
يا سيادتو دينق انت ما سمعت ولا شنو بغنية
بريد الكمندر سلفا
الساكت وما بتاع خفة
وبريد الحركة يا يابا
المكجنه الجلابا
دا اخر منتوج الشاعر رامش سند الهوامش !!
| |
|
|
|
|
|
|
|
|
|
Re: حنان طاره وجميله الراستا !! (Re: محمد حامد جمعه)
|
!!!!!!!
Quote: وبريد الحركة يا يابا
المكجنه الجلابا
|
وزي نوعية كلمات الأغاني دي زاااااااااااااتا الانا بحذر منها في أغنيات اليومين دي !!
زي البتغني الغنية دي بتكون عاملة زي البسوس صاحبة الناقة ديك !
| |
|
|
|
|
|
|
|
|
|
Re: حنان طاره وجميله الراستا !! (Re: محمد حامد جمعه)
|
!!!!!!
Quote: نازر.
الحركة الشعبية ما عندهم فنان ولا فنانة؟
|
دينق قول بسم الله !!
نانسي الإنقاذ المقصود بيها (الحي) مش (الثورة) !!
صنفرة :
الفي المنبر دا يا محمد حامد .. المنبر دا ...
بس إنت ما وريتي رايك في الغنية بتاعت فنان الدلوكة دا ؟!!
| |
|
|
|
|
|
|
| |
محمد حامد جمعه
حيدر حسن ميرغني
Deng
ناذر محمد الخليفة
فيس بوك
تويتر
انستقرام
يوتيوب
بنتيريست