دعواتكم لزميلنا المفكر د.الباقر العفيف بالشفاء العاجل
|
|
 السجن والغرامة لمتعاطى الشيشه ببورت سودان !!!
|
والله بالغت يا سيد عمر قبسة ... معتمد بورتسودان ... دى قلبت فيها الهوبا
يا راجل ... والله انت ... غايتو الله يسامحك ... لكن ما غلطان انت غلطانة الحكومة التبعين ناس الفارغة الزيك
جر نفس جراك ... وخلى العقوبة اعدام عديل
|
|
 
|
|
|
|
|
|
|
 Re: السجن والغرامة لمتعاطى الشيشه ببورت سودان !!! (Re: محمد حامد جمعه)
|
| Quote: من ناحية مضار صحية او غير صحية مافى مشكلة فى معالجة امر التدخين لكن الامر لازم يكون بفهم ووعى لانو شكل القرار كدا ما مظبوط |
ما مظبوط كيف يا محمـد..
لو فى واحـد كش منك نمـر، تقول ليه لا خليه لأنو شكل عصـاتك دى ما مظبوط؟
أدرأ المضـار الصحيـة أولا، لأن منع التدخين ينقـذ أرواح بشــر.. ثم شـوف الحاجـة التانيـة الدايرة إصلاح.
| |
|
|
|
|
|
|
|
|
|
Re: السجن والغرامة لمتعاطى الشيشه ببورت سودان !!! (Re: Abureesh)
|
ما مظبوط من ناحية انو السلطات التى مثلا تطارد رواد المقاهى هى ذات السلطات التى يمر تحت عينيها (المعسل ) الى المخازن وكذا اشكال التبغ الاخرى وتوجد شركات ومؤسسات وشخصيات ورموز تجارتهم فى هذا الامر ومعترف بهم من جانب الحكومة .
كيف بحقك يمكن قبول عقوبة على متعاطى حجر شيشة بجنيه واحد للحد الذى قد يقوده الى السجن والى عقوبة مليوينة وبالمقابل يكرم تاجر مليادير فى مجال التبغ بالاوسمة والانواط !!
| |
|
|
|
|
|
|
|
|
|
Re: السجن والغرامة لمتعاطى الشيشه ببورت سودان !!! (Re: محمد حامد جمعه)
|
| Quote: كيف بحقك يمكن قبول عقوبة على متعاطى حجر شيشة بجنيه واحد للحد الذى قد يقوده الى السجن والى عقوبة مليوينة وبالمقابل يكرم تاجر مليادير فى مجال التبغ بالاوسمة والانواط !! |
والله يامحمد سجم ناس خالد دياب وشلته
كلام غريب وقرار عجيييييييييييييييييييب .
تحياتي
هارون دياب
| |
|
|
|
|
|
|
|
|
 Re: السجن والغرامة لمتعاطى الشيشه ببورت سودان !!! (Re: إسماعيل وراق)
|
| Quote: غايتو انا ضد القرار دا وضد المعتمد وضد الوالى زاتو لانو بفوت قرار عبيط زى دا |
.. والله يا شاويش الأيامات دي إنت كايسه مع ناسك ديل ..
زمااان لما كانت ( مبيضة ليكم في قفص ) بتذكر الأسمو محي الدين تيتاوي كان عندو جريدة كدا بكتب فيها عمود .. قام كتب عن الشيشة .. تاني يوم قامو وقفوها وقالو بتعطل الناس من العمل .. وبتلم العطالة .. تخيل بلاي الاستفزاز واللعب بي مشاعر الناس دي وصل لحدي وين ؟؟
انا كان عندي حجرين مهمات جدا .. واحد في داون تاون في نص الخرطوم ودا الساعة اتنين ونص بالنهار العين بتشوف .. والتاني الساعة سبعة ونص وخمسة في شواية المورده .. تخيل الاسمو تيتاوي ده .. وقف حال كم نفــر .. وقطع راس كم نفــر ..
المحيرني .. الناس ديل زمانك بيعملوا البيعملوهو ويوقفو لبوقفوهو ويقطعوا راس البقطعوهو .. بي جرة قلم ..
حسع مش معاهم ناس الحركة الشعبية .. ومعاهم ناس بقال ديل .. وجايين عليهم ناس استيف وكوستاوي وادروب ابوبكر وخالد الطيب ومنو ومنو ..
اهــا
لمتين جماعتك ديل يعملوا في البشرية دي كدا .. يا شاويش ..
طالما وقفو الشيشة .. خليهم يفكو البنقووو ... اصلها خرمه في خرمه ..
| |
|
|
|
|
|
|
|
|
|
Re: السجن والغرامة لمتعاطى الشيشه ببورت سودان !!! (Re: محمد حامد جمعه)
|
Quote: ما مظبوط من ناحية انو السلطات التى مثلا تطارد رواد المقاهى هى ذات السلطات التى يمر تحت عينيها (المعسل ) الى المخازن وكذا اشكال التبغ الاخرى وتوجد شركات ومؤسسات وشخصيات ورموز تجارتهم فى هذا الامر ومعترف بهم من جانب الحكومة .
كيف بحقك يمكن قبول عقوبة على متعاطى حجر شيشة بجنيه واحد للحد الذى قد يقوده الى السجن والى عقوبة مليوينة وبالمقابل يكرم تاجر مليادير فى مجال التبغ بالاوسمة والانواط !! |
أخي محمد حامد جمعه،
منطق سليم..
لكن نفس المنطق مفروض يخلينا نتساءل إبتداءاً عن جدوى تحقيق السلام والديمقراطية والحريات والمساواة والحكم الرشيد ووضع الرجل المناسب في المكان المناسب تحت ظل نظام هو نفسه جاء على ظهر دبابة.
هذه نتيجة طبيعية يا أخي محمد، والغير منطقي هو عدم توقع ماهو في حكم المؤكد.
أعان الله أهلنا الطيبين على تحمل الظلم والخروج من هذا النفق المظلم.
| |
|
|
|
|
|
|
|
|
|
Re: السجن والغرامة لمتعاطى الشيشه ببورت سودان !!! (Re: محمد حامد جمعه)
|
| Quote: عشان حجر شيشة بمعسل تفاح طيب لو مشى طشم ولا ( ركب فيل ) حيمشى الدروه يعنى !! |
.. الدروه ساهلة يا سيادتك مش مووت .. الله الواحد دا ..؟
الكعب يودوهــو الماسورة .. وهو ( ملبوش ) والله ده تاني ما ( تفك ) منو لي يوم الدين ..خاصة لو كانت ( القشة ) جنوبية .. النوع (الصغير) داك
أنا غايتو اتوقع .. الوالي والا الشنو ده ما عارف يروح فيها ..
الشعب السوداني ده .. جنو وجــن ( راسو ) .. اقطع ليهو ( راسو ) بس ما تهبش ليهو ( راسو ) ..
| |
|
|
|
|
|
|
|
|
|
Re: السجن والغرامة لمتعاطى الشيشه ببورت سودان !!! (Re: وليد محمد المبارك)
|
حاجـة غريبـة..
كل المتداخلين من مستنيرين وظلاميين، مع الشيشـة والتدخين، والقلـة على استحياء يقولوا ليك نحن مع الصحـة لاكين...
الظاهـر نحن نكتب فى الزمن الضـائع.. أقصـد الســودان الضائـع..
هـذا الكلام عبارة عن مونولوج وليس للتعليق.. لأن كاتبه يئس من رؤيـة أرض مشتركـة.
الله يكون فى عونكـم.
| |
|
|
|
|
|
|
|
|
|
Re: السجن والغرامة لمتعاطى الشيشه ببورت سودان !!! (Re: Abureesh)
|
ابو الريش :
صدقنى انا شخصيا - متفق معاك - ضد التدخين واضراره لكن القرار ان وقفت فيهو من عدة جوانب ومنها مثلا يعنى المعتمد من دون مشاكل محلية بورت سودان ما وجد الا الشيشة عشان يتعامل معاها بالحسم دا وشوف غلظة العقوبات بشان تبغ زيو زى السجائر وزى مكيفات اخرى يعنى الحاجة - غض النظر عن الجدل الفقهى - ما محرمة وما ضد القانون
بعدين ودا شى غريب وانا شخصيا كتبت عنه كثيرا انا عاوز اعرف القانون المحلى البخلى سلطة ما تدى نفسها الحق تصدر عقوبات مقاربة لنصوص عقوبات فى القانون الجنائى ، طيب الناس عامله قانون ليه ومفصلاه !!
| |
|
|
|
|
|
|
|
|
|
Re: السجن والغرامة لمتعاطى الشيشه ببورت سودان !!! (Re: هاشم نوريت)
|
| Quote: اعتقد كان ملاحظ صحة ان لم تخنى الذاكر |
مــاممكن
كان ملاحظ الصحة في مدرسة حنتوب الثانوية زمـــان واظنه عمل للطلبة حركات زي دي واصبح بين ليلة وضحاها مشهور جدا
انا ماعارفة بالظبط اجراءاته العملها في حنتوب لصغر سني وقتها
لكن هو شخصية محبوبة وسهل التعامل معاها لو ما ناس محمد جمعة غيروا طبعه وبقوهو زيهم
| |
|
|
|
|
|
|
|
|
|
Re: السجن والغرامة لمتعاطى الشيشه ببورت سودان !!! (Re: محمد حامد جمعه)
|
| Quote: قلتى لى حنتوب وكانت سنك صغيرة ، اوعى تكونى قريتى هناك ولا شنو قصدك معليش اخوك اعتذر من حجر الصباح البعدل الراس مما جابت ليها سجون وغرامات ، |
الامنجي ربيب الانقاذ( حلوة العبارة دي وبركة لقيت لي حتة مناسبة استعملها فيها)
قربت تبقى صاحبي
انا حا اديك الفرصة دي عشان بتشبه لي جدي
حنتوب قرينا فيها ..... عندك مانع؟؟؟
عمر قبسة كان جارنا لانه والدي كان استاذ في مدرسة حنتوب وعشنا فيها فترة 13سنة
| |
|
|
|
|
|
|
|
|
|
Re: السجن والغرامة لمتعاطى الشيشه ببورت سودان !!! (Re: محمد حامد جمعه)
|
مرة كنت في إجازة عندي صاحبي وخطيبتو كانو عازميني في الهيلتون قاعدين جمب المسبح وبنضرب في الشاي ..
فجاة (اتلفته) يميني لقيت ليك تلاتة (زولات) لذيذات ببلوزات ورديه ( وشباشب ) ذات كعب عالي .. كل واحده مولعه البتاعه .. طبعا المنظر عادي وطبيعي بعدما عرفت مؤخرا انو استعماله في السودان ممكن يتجندر عادي جدا..
على العموم..
المعسل كان تفاح .. ضربت انا برضو تفاحي مع الشاي السادة والمسالة عادية ..
تعرف يا (حضرة الصول) زي حركات التلاتة بنات دي .. وغرامة الوالي .. دي الحاجات البتجيب لينا الهوا ..
حسع عادي جدا ممكن (ادروب ابوبكر ) يجي الهيلتون ويقوم يلقى الجكس التفاحي دا .. مشيش .. يقوم يمشي درديب شايل جبنتو .. يقوم عمك الوالي دا يكسره ليهو في راسو .. اصلو نوعية ادروب ابوبكر ده حدو (الدبنه) بس بي راسو الضيق دا كان حاول يضرب ليهو اي حاجة تاني .. والله (يطير) عديل كدا..
المهمقلت ليك يشوف الجكس ده وقرار الوالي .. يجي بعد يومين يفتح ليهو بوست يقول نحن مهمشين ..
وتجي تراجي (تخمس) معاهو .. واستيف يجيب (القرنيت) بتاعو .. وبشاشا يقول ليك أو بي كدا نعلن نهاية دولة الجلابة ونشرب الشيشا في الهيلتون.
| |
|
|
|
|
|
|
|
|
|
Re: السجن والغرامة لمتعاطى الشيشه ببورت سودان !!! (Re: محمد حامد جمعه)
|
ندين السلوك الهمجى المتخلف يعنى هسه المعتمد ده او فى الواقع المدير التنفيذى (الاسم الحقيقى لما يسمى بالمعتمدين ) ما لقى الا موضوع الشيشة هل خلاص
اطعم الجياع
وحفر الابار للعطشى وبورتسودان مدينة يقتلها العطش دوما
وهل اصلح الطرق داخل الاحياء وقضى على الذباب والناموس
وهل وهل
بطولات وهمية لموهومين قال شيشة قال .
| |
|
|
|
|
|
|
| |
محمد حامد جمعه
إسماعيل وراق
ابراهيم بقال سراج
اساسي
Abureesh
haroon diyab
Hisham Ibrahim
tmbis
Elawad Eltayeb
Elbagir Osman
هاشم نوريت
Rawia
Abdelmuhsin Said
abd alsamie alhussein
waleed500
فيس بوك
تويتر
انستقرام
يوتيوب
بنتيريست