سبحان الله فى الناس دى ، هسة كلهم حركات مسلحة ومصلحة وشيوعيين وليبراليين وناشطين وبتاع هاجو فى بكرى ابوبكر دا عشان اعلان فى الموقع خاص بناس الــSMC قال شنو باع القضية ودهس الهامش واكل اموال السحت ودخلها عليهم وانو طعن النضال والمناضلين ليه يا جماعة قالو المركز دا بتاع ناس الامن عديل والود جمعه دا عميد ركن مهندس كمان وقومو يا الشيوعيين من كل الملل والنحل وناس حركات دارفور وناس حق وطق اعلمو ليكم مناحة وووووب وقربو يقولو ( ما دايرين ) بتاعة الاستاد الشهيرة ديك ، بكرى ما زولا ديمقراطى لمن شاف كترة الجعير والنشيج والتشنج قام سحب الاعلان وسكت وقطعها فى مصارينو واحتسب ليهو - شفتو احتسب دى - كم مليون كان ممكن تسهم فى انها تعمل ليهو حاجة مفيدة على المستوى الشخصى والعملى . طيب انتو وكت فالحين كدا وقلبكم حار لدرجة انكم فكرتو فى العصيان المدنى المنبرى عشان بس بكرى دا نزل اعلان لمؤسسة اعلامية حكومية وفى الحكومة قلتو ناس الامن طيب يا فالحين ما احزابكم عندها هسة نواب فى حكومة الجن دى ووزراء وقيادات فى كتير من مرافق الدولة مالكم عملتو مطنشين وطرش ، الاسماء معروفة والمشاركين قاعدين هسة دى فى البرلمان والوزارات صارفين الحوافز والمخصصات والعربات والحرس والنثريات الجاية من الحكومة المغضوب عليها فى منبر بكرى دا اشمعنا بكرى يكون عليهو حرام ينزل اعلان لجهة محسوبة على الحكومة وتهددوه بالردة الوطنية وفى الوكت زاتو ناسكم غرقانين لى اضنينهم فى نعيم الحكومة وجنتها ام سقط ومافى راجل منكم قال غوغ ولا عاوز اخلى حزبى ولا قاطعو سليمان حامد وابوغسان وابو عيسى ولا اطردوا الفريق عبدالرحمن سعيد ولا منى اركوى . ناس تشوف الفيل وتطعن فى ضلو وصدقونى لو كنت انا مكان بكرى ابوبكر كنت ما بشتغل بيكم وبسوى فى الراسى لانو هسة لو قبل منكم تبرعات بكره - وفيكم ناس زى الشفع - يقوم واحد يختلف معاه نلقى ايصالات التوريد مصورة فى مليون موقع دا لو مافى زول منكم قال ليهو ما انت شغال بقروشنا يا جماعة ما الغلط فى انو الزول يكون عندو موقف لكن الغلط الاكبر انو الزول يكون مذهلل وبتاع جاكات
04-18-2007, 01:04 PM
محمد حامد جمعه محمد حامد جمعه
تاريخ التسجيل: 11-26-2004
مجموع المشاركات: 6807
Quote: لانو هسة لو قبل منكم تبرعات بكره - وفيكم ناس زى الشفع - يقوم واحد يختلف معاه نلقى ايصالات التوريد مصورة فى مليون موقع دا لو مافى زول منكم قال ليهو ما انت شغال بقروشنا
هو انت قايلو رافض حكاية التبرعات دي ليه؟!!
04-18-2007, 01:14 PM
محمد حامد جمعه محمد حامد جمعه
تاريخ التسجيل: 11-26-2004
مجموع المشاركات: 6807
Quote: طيب انتو وكت فالحين كدا وقلبكم حار لدرجة انكم فكرتو فى العصيان المدنى المنبرى عشان بس بكرى دا نزل اعلان لمؤسسة اعلامية حكومية وفى الحكومة قلتو ناس الامن طيب يا فالحين ما احزابكم عندها هسة نواب فى حكومة الجن دى ووزراء وقيادات فى كتير من مرافق الدولة مالكم عملتو مطنشين وطرش ، الاسماء معروفة والمشاركين قاعدين هسة دى فى البرلمان والوزارات صارفين الحوافز والمخصصات والعربات والحرس والنثريات الجاية من الحكومة المغضوب عليها فى منبر بكرى دا اشمعنا بكرى يكون عليهو حرام ينزل اعلان لجهة محسوبة على الحكومة وتهددوه بالردة الوطنية وفى الوكت زاتو ناسكم غرقانين لى اضنينهم فى نعيم الحكومة وجنتها ام سقط ومافى راجل منكم قال غوغ ولا عاوز اخلى حزبى ولا قاطعو سليمان حامد وابوغسان وابو عيسى ولا اطردوا الفريق عبدالرحمن سعيد ولا منى اركوى .
محاولة اخري و فاشلة لدق إسفين بين الاعضاء و بكري ابوبكر
(إسفين جدا ) يا جمعه حركة قديمة اوي
انتو درسوكم اعلام ويين ؟
04-18-2007, 01:23 PM
محمد حامد جمعه محمد حامد جمعه
تاريخ التسجيل: 11-26-2004
مجموع المشاركات: 6807
Quote: اشمعنا بكرى يكون عليهو حرام ينزل اعلان لجهة محسوبة على الحكومة وتهددوه بالردة الوطنية وفى الوكت زاتو ناسكم غرقانين لى اضنينهم فى نعيم الحكومة وجنتها ام سقط
جاوب يا مولانا ..
04-18-2007, 01:28 PM
Yassir Tayfour Yassir Tayfour
تاريخ التسجيل: 08-18-2005
مجموع المشاركات: 10899
السؤال ده لينا سنين بنسألوا.. قالوا ديلاكـ جو بموجب إتفاق القاهرة ونيفاشا بعد لحسو مقررات أسمرا.. لكن جنس كياشة.. طلعو فشنكـ في أقرب إمتحان ديمقراطي وطرش في الزفة ساآآآكت.. شفتهم كيفن طلعوا صم بُكم عميٌ لا يتكلمون ولا يرون.. حساب يا سعادتكـ ديلاآآآكـ لا يرونهم إلا ما يرون ناس:
Quote: قاطعوا سليمان حامد وابوغسان وابو عيسى ولا اطردوا الفريق عبدالرحمن سعيد ولا منى اركوى .
كمان ضيف ليهم مرشح الحزب الشيوعي وصالح محمود ساقط دائرة زالنجي في عقر دار أهله.. (عضو المجلس الوطني للإنقاذ) البرلمان..
ديل يا أخوى بيني بينكـ.. مخازي الطريق..
04-18-2007, 01:23 PM
Mustafa Mahmoud Mustafa Mahmoud
تاريخ التسجيل: 05-16-2006
مجموع المشاركات: 38072
تعرف من قولة تيت انا كنت عارف انو الاعلان فى المنبر ما يقعد اكثر من ساعة ساعتين بالكتير ، وكنت واثق مليون بعد المليون فى المية انو جماعة (الضغط النضالى ) حيلقوها فرصة العميان يجى شايل المكسر ببيانات الشجب والاستنكار وانو بكرى حتقوم قيامتو واكلمك زيادة كنت عارف انو قروشنا الجهزناها قبال ما نسلمها الحكاية بتطرشق عشان كدا لمن قالو لى قروش الجماعة ديل جاهزة يا سعادتك قلت ليهم خلوها (اربعة وعشرين ساعة ) وبتجيكم راجعة ويمكن ما تنصرف . كلو يا مولانا كان مرسوم عندى بالسنت والملى ، وببساطة الجوطة والعياط دا كلو انا مستمع بيهو جدا جدا جدا (خالص ) وبقول ليك كدا عشان اؤكد ليك تلاتة حاجات اولا : انا ونحن فى SMC ما زعلانيين ولا حاجة وبالعكس مبسوطين ثانيا : عملت ليكم كمين دخلتوه مغمضين كلكم ثالثا : وضح لى تمام انكم قاعدين ساى وكلمة تشيلكم وكلمة تختكم
يا سعادتكـ ده موش كلامكـ لي في البوست الإتحرق داكـ ؟ و كلامكـ ده معناتو انو بكري اصلا كان ماحيصلو منكم دينار احمر لانو انتو عارفين اللعبه وعارفين انو الشباب هنا حايرفضوكم .. طيب اللف و الدوران في شنو من الاول وليه طلبتوا انو بكري يعلن ليكم في المنبر طالما منبركم معروف و ما محتاج لي دعايه وليه فاتح البوست ده اسه ؟ ولا انت عاوز بس تولع النار بين بكري و الاعضاء بدعوي انو بكري خسر تجاريا بينما المعارضه ربحت تجاريا قديمة يا سعادتكـ .. العب غيرها
مستوي لعبكـ اتدهور اليومين ديل يا جمعة بالمناسبة
04-18-2007, 01:33 PM
محمد حامد جمعه محمد حامد جمعه
تاريخ التسجيل: 11-26-2004
مجموع المشاركات: 6807
يا مولانا كيف ما يتدهور مستواى والبروفات الزيك ديل مشو وخليتو لينا (الحمام الميت ) وعضوية عاك عييك ديك .
شوف كلامى القلتو قبيل كان تحليل وقراءة وتقدير موقف منى قبال ما ندفع بالاعلان ، انا حفاظكم صم وعارف انو فى ناس هنا المنبر مساحة ليها عشان تبقى (كادر ) وتمشى امورها الحزبية وانا كشفت ليك القصة بس عشان اؤكد ليك انو ناسك ديل (روش ) كلهم وكيشة كياشة اخير منها كورة (حمد غلطة الباكات ) ودا اسال منو فردك بتاعين مدنى .
اما قصة اسفين و(اسفين جدا ) دى وهمة مسيطرة عليك يا مولانا شوف ليك منها علاج شفت عضويتك دى كلها كانت بقت تكتب بمستوى منصور خالد ما بترمى طوبة فى كتفة حيطة لدار من دور المؤتمر الوطنى - وهو سجمان بالمناسبة - بمحلية صقع طقع .
لكن ما مشكلة احلمو ..
04-18-2007, 01:23 PM
Ahmed Mohamedain Ahmed Mohamedain
تاريخ التسجيل: 07-19-2005
مجموع المشاركات: 1477
Quote: وقربو يقولو ( ما دايرين ) بتاعة الاستاد الشهيرة ديك ، بكرى ما زولا ديمقراطى لمن شاف كترة الجعير والنشيج والتشنج قام سحب الاعلان وسكت وقطعها فى مصارينو واحتسب ليهو - شفتو احتسب دى - كم مليون كان ممكن تسهم فى انها تعمل ليهو حاجة مفيدة على المستوى الشخصى والعملى .
Quote: اما قصة اسفين و(اسفين جدا ) دى وهمة مسيطرة عليك يا مولانا شوف ليك منها علاج شفت عضويتك دى كلها كانت بقت تكتب بمستوى منصور خالد ما بترمى طوبة فى كتفة حيطة لدار من دور المؤتمر الوطنى - وهو سجمان بالمناسبة - بمحلية صقع طقع .
البحصل هنا يا جمعه ده مخاض جديد قاعد يتشكل كل يوم فيهو الصالح و فيهو الطالح فيهو ناس مكويه من حكومتكم و مركزكم و دورو الجاسوسي و فيهم اصحاب وجعة و فيهم وطنيين لله والرسول .. عندهم رأي في زعماء احزابهم و فيكم وفي منصور خالد مستشاركم ده زاتو .. ناس ماعندها دخل بالقواعد القذرة للعبه السياسه البحكمها الكرسي ..ناس فعلا بيتطلعوا لي مستقبل جيد لاهلهم و اطفالهم عشان كده الشباب ديل هنا قالوا نعم للتدخل الاجنبي .. نعم لمحاكمات عادلة او غير عادلة لكل من اجرم في حق السودانيين .. نعم لشطب اعلانكم المقيت من واجهة المنبر وده كلو بتم تحت مظلة شاب من اولاد البلد دي اسمو بكري ابوبكر ارتضي انو المخاض ده يطلع من هنا .. من منبرو العملو بي مجهودو الفردي و قبل فيهو ارزل انواع الشتم و اجمل كلمات التقدير واجمل مافيهو انو لم يسنسر أراء او افكار الاعضاء . ده مخاض لاجيال قادمة و افكار قادمة يا جمعة .. الموضوع ما اجندة سريه او احزاب او فوائد.
04-18-2007, 02:04 PM
محمد حامد جمعه محمد حامد جمعه
تاريخ التسجيل: 11-26-2004
مجموع المشاركات: 6807
شفت كيف يا خدر عرفت انى بصر على الكلام معاك لانك لمن تخت الرحمن فى قلبك بتكون صاحب خط مستقيم مريح فى التوصل لجقيقة ، القصة يا مولانا ما اجندة وهسة انا القدامك دا بشتغل فى المنبر عشان انا عضو بكتب راى وموقفى وقناعتى وما بالضرورة دى قناعة المؤتمر الوطنى والحركة الاسلامية والانا عاوزه انو زى ما بكرى منح الناس سقف عالى من الحرية الى حد اباحة لغة بذيئة من بعض الاقلام يبقى واجب الاعضاء احترام حريتو هو خاصة فى النواحى الخاصة بالاعلانات وتقديرات مواقفو هو الشخصية ودى انتو كتير بتخشو فيها بما يصادر حقو هو زاتو كعضو اولا وكمالك ثانيا واهم
04-18-2007, 02:53 PM
Fadl Karrar Fadl Karrar
تاريخ التسجيل: 12-04-2004
مجموع المشاركات: 1904
محمد جمعة إنت يا ( سعادتك ) ماخد اليوم دا إجازة وشغال نت بس ( smc ) ولا دا أصلاً جزء من شغلك وموفرين ليك كل معيناتو تكييف ، شاي ، فطور ، قهوة ونت أصلو من صباح الرحمن شايفك مسجل حضور وماسك فى موضوع واحد بس
04-19-2007, 07:58 AM
محمد حامد جمعه محمد حامد جمعه
تاريخ التسجيل: 11-26-2004
مجموع المشاركات: 6807
Quote: والانا عاوزه انو زى ما بكرى منح الناس سقف عالى من الحرية الى حد اباحة لغة بذيئة من بعض الاقلام يبقى واجب الاعضاء احترام حريتو هو خاصة فى النواحى الخاصة بالاعلانات وتقديرات مواقفو هو الشخصية ودى انتو كتير بتخشو فيها بما يصادر حقو هو زاتو كعضو اولا وكمالك ثانيا واهم
05-02-2007, 05:14 PM
حبيب نورة حبيب نورة
تاريخ التسجيل: 03-02-2004
مجموع المشاركات: 18581
يا سعادتك اولا فعلا اهنئيك بانك عملت اعلان ملح لا قرش لا تعريفة وكلامك ده حقو بكري يقراهو مية مرة لانو فيهو جذء كبير من الحقيقة الضايعة او المضيعنها نحن برانا
Quote: طيب يا فالحين ما احزابكم عندها هسة نواب فى حكومة الجن دى ووزراء وقيادات فى كتير من مرافق الدولة مالكم عملتو مطنشين وطرش ، الاسماء معروفة والمشاركين قاعدين هسة دى فى البرلمان والوزارات صارفين الحوافز والمخصصات والعربات والحرس والنثريات الجاية من الحكومة المغضوب عليها فى منبر بكرى دا اشمعنا بكرى يكون عليهو حرام ينزل اعلان لجهة محسوبة على الحكومة وتهددوه بالردة الوطنية وفى الوكت زاتو ناسكم غرقانين لى اضنينهم فى نعيم الحكومة وجنتها ام سقط ومافى راجل منكم قال غوغ ولا عاوز اخلى حزبى ولا قاطعو سليمان حامد وابوغسان وابو عيسى ولا اطردوا الفريق عبدالرحمن سعيد ولا منى اركوى .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد حامد جمعه
Hussein Mallasi
Mustafa Mahmoud
خدر
) يا جمعه حركة قديمة اوي
Yassir Tayfour
عشان زميلك ما يدق السقف ويقول 13
A.Razek Althalib
Ahmed Mohamedain
محمد فرح
Fadl Karrar
معتز القريش
bayan
على محمد على بشير
حبيب نورة
فيس بوك
تويتر
انستقرام
يوتيوب
بنتيريست