|
دعواتكم لزميلنا المفكر د.الباقر العفيف بالشفاء العاجل
|
|
 Re: اخيرا ...العزيزة الما بتسال عن ظروفنا (Re: محمد حامد جمعه)
|
الله يسامحك يا العمـيد 
بدون غمز ولا لمز الزول المخيف قاااعد
محل الوجوه الضاحكة..
تعرف يا محمد حامد شريف الذكريات دور
وهسع معلق في الاغنية دي ما عارف لكن هسع
متخيل نفس راقد تحت شجرة طبعاً ما ح تكون في امدرمان
هناك عند ناس العوض وبسمع في الاغنية دي من الاذاعة
اذاعة امدرمان عشان اخاف الشرايط المنسوخة من لجن اللصوص
عفوا النصوص، يجو يقولو ليك حقوق الطبع محفوظ ومثلجة وكدا
خلينا في اذاعتنا وفي شجرتنا دي وما تقطعوا حبل افكارنا
تمبس بالله جـر معاك باب الشجرة دي قبل ما تطلع
محمد حامد جمعة وانت ماشي طفي معاك النور دا بس خلي الشمعة
اصلو هي الباقية لينا من ضلمة اليومين دي يا عمدة .. لووووول
| |
 
|
|
|
|
|
|
|
 Re: اخيرا ...العزيزة الما بتسال عن ظروفنا (Re: محمد حامد جمعه)
|
يا سعادتك زي الحاجات دي ..
بتجيب صاحبنا دا منبرش على وشه ..
وبعد داك تحيرنا في ضحكته السمحة ديك ياخ ..
اليومين ديل الحالة قايمة عليهو ..
ما تزيد ليهو المواجع ياخي نحن دايرنو كده ..
وأي جرعة زيادة بتودر زمته ..
ونقوم في تلتلة نحن ما قدره ..
| |
|
|
|
|
|
|
|
|
 Re: اخيرا ...العزيزة الما بتسال عن ظروفنا (Re: waleedi399)
|
Quote: المقصود هنا شريط يا تمبس
ما تفتكرها ياسر شريف، ولا وليد شريف |
>>
>
والله يا وليد الايامات دي ايامك .. ضارب الهمبريب
وعايز كمان يجرو ليك الباب؟؟
انا ياوليد مقابضتي ساهلة واضتح انو ليها علاقة بزهايمر البورد .. والحمد لله شيري اثبتت لي الواقعة دي بي هناك .. يعني عادي جدا تاني ممكن اقول ليك ( كيفك يا بكري ) بس ما تسالني ياتو بكري في البكريين
يا شاويش :.
افهم كده انك الليلة منشرح خالص يعني ؟؟
| |
|
|
|
|
|
|
|
|
 Re: اخيرا ...العزيزة الما بتسال عن ظروفنا (Re: tmbis)
|
شكراً تمبس
في الحقيقة هم طلبين في بوست واحد
لو مافي إحراج ممكن افصح عنهم
لكن قبل ذلك نريد ان نستأذن
الأخ محمد حامد جمعة
...
يعني الواحد
(استنبط) أنو عندك اهتمام كبير
بالفن السوداني
والكلام دا بعد مداخلات كثيرة وقفت عليها
ودي طبعاً حاجة حلوة
طلبي
هو سؤال عن اثنين من الفنانين
*التاج مكي خبرو شنو وقاعد وين ومالو ما قاعد يجي السودان
..وبعدين انا فتشت لي أغنية ليهو
اسمها (عقبال تطفئ الشمعة المية)
سمعتها قبل كم سنة...! وقدر ما بحثت عنها (ورخيت أضاني) للاذاعة ما جابوها..؟
والفنان التاني
اسمو محمد حسنين (ابو سريع) الفنان دا عندو أداء بعرفو براهو
حضرت مرة سهرة من الأمس كانوا عاملين فيها لقاء معه هو والمرحوم رحمي سليمان (كان شاب)والكلام دا قبل أربع سنوات
غنى اغاني جميلة (بشكل) لكن تاني ما سمعتها
وتقريباً قبل عامين استضافو المذيع طارق جويلي في عيدية من الرياض في واحد من الاعياد
ولم استطع اكمال اللقاء لاسباب في وقتها
وبعد دا يا رائع بقيت افتش ليهم في (خشم البقرة) وقدر ما وصيت ززول في الاذاعة يجيني
فاضي..
لو عندك أي حاجة
من الناس ديل ارفعها لينا..
تنوبك محبة زيادة
اخوك عادل
| |
|
|
|
|
|
|
|
|
|
Re: اخيرا ...العزيزة الما بتسال عن ظروفنا (Re: عادل فضل المولى)
|
عادل ..
ممكن تسميهو نوع من المتابعة للساحة الفنية واهتمامات متفرقة من هنا وهناك.. دي طبعا الفترة الكان الواحد متابع فيها عن قرب ، لكن الآن من خارج السودان المتابعة شكلها مختلف فقط عن طريق المادة المعروضة من خلال الاعلام وبعض الاخبار المتفرقة..
بالنسبة للاستاذ التــاج مكي .. على حسب متابعتي كان قبل شهور بالسودان وحضرت لقاء تلفزيوني ليهو في حلقة من برنامج قدمو عوض إبراهيم عوض .. وكانت وطبعا هو متواجد بأحدى دول الخليج كغيرو من الفنانين المتواجدين بالمنطقة ..
الاغنية فعلا يا عادل موجودة وقديمة جــدا..كان قبل فترة سمعت الشريط بنفس التسجيل القديم من الصديق وزميل البورد ( اسماعيل وراق ) وفي الحلقة الذكرتها ليك اعلاه قدم الاغنية لكن باختلاف كبير جــدا..طبعا الزمن شال نصيبو والغربة.. اوعدك انو الاغنية تكون معاك في اقرب فرصة ممكنة وربما الصديق معتصم دفع الله يحتفظ بتسجيل من الحلقة أو تسجيل قديم للاستاذ التاج مكي ..
..
.
اما الاستاذ محمد حسنين فشكلك كده حتدخلنيفي مشكلة مع ( العمدة قرشو ) لانو من فترة طويلة طالب مني اغنية وانا لحدي الآن ما تحصلت لي اي شريط للاستاذ حسنين ( على ما اعتقد محمود حسنين ) طبعا ما عندي اي تفاصيل عن الاستاذ من فترة طويلة جدا .. يلالا شوف طالما قلت عيدية من الرياض وهو قاعد هنا في الرياض ليك على بوصلو ليك في اي مكان إذا كان قاعد هنا في الرياض واعمل ليك معاهو ريبورتاج صحفي كمان..ويظهر انك برضو ح تكون منتظر مع العمدة قرشو في طلب الاغنية وده اعتبرو وعد مني وبرضو في اقرب فرصة ..
طبعا انا بتذكر كان بيجيبو ليهو تسجيلات قديمة جدا وزي ما قلت عندو طريقة بتاعت اداء بيعرفه براهو بتسمع فيها صوت الساكسفون بيشتغل بي عنف شديد جدا وصوت الدرمز بالاضافة لي طريقة الاداء حقتو واللونية المميزة..
تعرف ياعادل
عندي اخوي الاصغر مني كان لما يجيبو حسنين في التلفزيون بينفقع ويقعد يبكي وللاسف ما عارف لحدي الآن انا فهمو كان شنو والغريبة بعدما كبرنا سالتو عن الاحساس الكان بنتابو ده ،، قال لي كان جابوهو حسع بقعد ببكي تاني وتشوفو ليكم طريقة تجيبو تلفزيون جديد
شكرا ليك ولي محمد حامد ..
وعلى وعد انو الحاجات دي تكون معاك إذا حبيته هنا أو يف بوست منفصل ما عندي مانع ..
| |
|
|
|
|
|
|
|
|
|
Re: اخيرا ...العزيزة الما بتسال عن ظروفنا (Re: عادل فضل المولى)
|
محمد حامد
كيفك
اها بى جاى جيت اسلم
ممكن
وتحياتى لاستاذى الذى علمنى حرفا فى مدرسة الانجلية الثانوية بنات سعد الدين ابراهيم
ثم منحنى فرصة البوح الحميم عن مكنون زاتى ..واستمع لى مليا راعيا لموهبتى الشعرية منذ ان تفتحت فى بداياتها
له وللعزيزة ولك الف تحية
| |
|
|
|
|
|
|
|
|
|
Re: اخيرا ...العزيزة الما بتسال عن ظروفنا (Re: محمد حامد جمعه)
|
محمد حامد جنابو الحياني بي كابو
والله لو ما جابه ليك تمبس ده تاني ياها الما جات
ويا عادل التاج مكي في مدينة العين بالامارات
ويا تمبس جيب لينا رايعه بي هناك وانت عارفني انا بريد منو
يا عجب هاك الراس المدردم ده تدق الكورة فيه تغير اتجاها وتدخل التقول تربيزة بس
| |
|
|
|
|
|
|
|
|
|
Re: اخيرا ...العزيزة الما بتسال عن ظروفنا (Re: محمد حامد جمعه)
|
يا عباس
محمد حامد جمعة جاب العزيزة لكن البتسأل عن ظروفي
علشان كده جينا ورطبنا 
وبرضه في إشاعة إنو محمد حامد حيحيلوه للصالح العام في المنبر فقلنا نشاركوا آخر لحظاتو هنا ما أظنو حيطلع من ناس يا حكم عاين محمد بعمل في شنو
الشديد في الموضوع يا عباس
إنو أنا أخليك تكتب حاجة وأرد بعدك باساءة وكان في زول سألني أقول أنا أسي جبت إسم عباس
وهاك الديمقـــــــــــراطيــــــــــــــــــة دي
| |
|
|
|
|
|
|
|
|
|
Re: اخيرا ...العزيزة الما بتسال عن ظروفنا (Re: محمد حامد جمعه)
|
الأخ محمد حامد والأخوة المتداخلين سلام ،
اتكاءة حلوة فى عز الحزن ، يا ريت صديقى وأخى خالد العبيد يقرأ !
وبالله الأستاذ والصحفى القدير ، والأنسان الدمث الخلق رحمى سليمان المتقشف توفى ??? الله يرحمه ويغفر له ،
فقد أعطى الصحافة وأجيالا كثيرة عطاء ثرا !
كل القمم فى بلادنا ارتحلت !!!
نادية سلام ومشتاقين .
ست البنات .
| |
|
|
|
|
|
|
|
|
|
Re: اخيرا ...العزيزة الما بتسال عن ظروفنا (Re: ست البنات)
|
سعاتو نهارك زين
ما دام شيخ شباب الرياض تمبس جاك نحن راجين شنو
الاخوان عادل وعلاء
محمد حسنين..فنان متميز..انا شفتو بغنى فى التفزيون ابيض واسود
او هو لابس كدا ما عارف...طربت لشكلو وحركاتو مع الاغنية
قبل الكلمات والموسيقى...تشعر بان هذا الفنان بطرب نفسو.من الداخل
قبل اخراج الكلمات من حنجرته..ولما تخرج بتصاحبها سنونه براقة..تزيد
المشاهد طربا
بجد هو فنان
خالص
محبتى للجميع
| |
|
|
|
|
|
|
|
|
|
Re: اخيرا ...العزيزة الما بتسال عن ظروفنا (Re: محمد حامد جمعه)
|
الأخ محمد حامد
كيف حالك والاغنية فى السلك والله مع انى ما سامع حاجة لكن على الذكرى بس وبالمناسبة انا احب دائما الاغانى القديمة دى اسمعها من اصحابها زى ما سمعتها اول مرة ودى بالذات عندى معاها كلام وظارى بنزل فيها ...
تمبس
والله سبقتنى على تعليق الاخ عادل ولقيت ليك الزول ده مكسر زى تمام فى الاستاذ ابو سريع ( محمد حسنين ) وكويس انك افتكرك طلبى القديم ووعدك القديم واقول ليك
المواعيد لسه حزنانة بتنادى
ياخى الاغنية دى فعلا رهيبة
لكن يا عادل انت ما سمعت التاج مكى بغنى
خاينة يا دنيا وظالمة يا دنيا ؟؟؟؟
رحت خليتنا وثانى ما جيتنا ؟؟؟
الحب لكل الاحباب هنا
| |
|
|
|
|
|
|
|
|
|
Re: اخيرا ...العزيزة الما بتسال عن ظروفنا (Re: Agab)
|
غايتو انا العزيزة حقتى دى بضاير عليها خصوصا انها سافرت زمأأأأأأأأأأأن خلت خشمنا ملح ملح لكن بتعهد امشى يا عجب للاستاذ سعد الدين ابراهيم يدينى قصة (البكية ) دى ويوقع لى الشمار كلو .. وتبقى برضو مناسبة نعمل بوست حافل نسميه ( قصة قصيدة ) واى زول عندو معلومة عن قصيدة مغناة او غيرها يقدم ما عندو ... اقل شى نحفظ للشعراء حقهم ونقدر نقيف على (بيئة النص ) الخاصة ببعض الاعمال الكبير
| |
|
|
|
|
|
|
|
|
|
Re: اخيرا ...العزيزة الما بتسال عن ظروفنا (Re: محمد حامد جمعه)
|
| Quote: بتعهد امشى يا عجب للاستاذ سعد الدين ابراهيم يدينى قصة (البكية ) دى ويوقع لى الشمار كلو .. وتبقى برضو مناسبة نعمل بوست حافل نسميه ( قصة قصيدة ) واى زول عندو معلومة عن قصيدة مغناة او غيرها يقدم ما عندو ... اقل شى نحفظ للشعراء حقهم ونقدر نقيف على (بيئة النص ) الخاصة ببعض الاعمال الكبير |
انت مامصدقنى ولاشنو ؟!!
وتانى داير شمار ياتو قصيدة ؟!!
| |
|
|
|
|
|
|
|
|
|
Re: اخيرا ...العزيزة الما بتسال عن ظروفنا (Re: محمد حامد جمعه)
|
Quote:
Quote: بتعهد امشى يا عجب للاستاذ سعد الدين ابراهيم يدينى قصة (البكية ) دى ويوقع لى الشمار كلو .. وتبقى برضو مناسبة نعمل بوست حافل نسميه ( قصة قصيدة ) واى زول عندو معلومة عن قصيدة مغناة او غيرها يقدم ما عندو ... اقل شى نحفظ للشعراء حقهم ونقدر نقيف على (بيئة النص ) الخاصة ببعض الاعمال الكبير
انت مامصدقنى ولاشنو ؟!!
وتانى داير شمار ياتو قصيدة ؟!! |
يا استاذة
سمح القول من خشم سيدو
وبت ستو برضو ستو
اها قولى لينا
الأخ محمد
والله عندى شاهد عيان وبيان على ميلاد قصيدة واغنية "وضاحة يا شمس المشارق" التى تغنى الراحل المقيم مصطفى سيد احمد وهو صديق الشاعر أزهرى امد الله فى عمره ...
اها شنو ليك ؟؟؟
| |
|
|
|
|
|
|
|
|
|
Re: اخيرا ...العزيزة الما بتسال عن ظروفنا (Re: محمد حامد جمعه)
|
والله يا شاويش العزيزة بالجد بالجد بتعوق ..
غايتو بتذكرني بايام افتكر لو قعدنا الاف السنوات ما بترجع
بس خليها على الله .. ( النبي فيك كان ترفعها تاني)
جرحي قريب يطيب جددتو تاااااااااااني .. تااااااااني
علـــــــــــــــــــــيَّ ...
| |
|
|
|
|
|
|
|
|
|
Re: اخيرا ...العزيزة الما بتسال عن ظروفنا (Re: القلب النابض)
|
نشكرك سعادتو على العزيزة والله كنت أبحث عن هذه الأغنبة منذ فترة طويلة
فهي تعيش في وجداني منذ أن سمعتها لأول مرة وصادفت بداخلى ذكرى هوى كنت أعيش فيه تلك الأيام.. العزيزة غناها فتحي حسين عام 1974 وهي أغنيته الوحيدة المسجلة في الإذاعة وأختفي فتحي حسين بعد ذلك من الساحة الفنية وصادف ظهور (العزيزة) ظهورأغنية أخرى وفنان آخر هو عبد العزيز اامبارك والأغنية التي نافستها آنذاك هي(بتقولى لا) وكانت الطلبات تنهال على برنامج مايطلبه المستمعون للعزيزة وبتقولى لا.. ويحكي عن الراحل عبد العزيز داؤود أن سئل آنذاك عن غيابه عن الساحة الفنية فعلق بروحه المرحة آنذاك( ياخي دي بقت فيها(عزيزة) والتانية بتقول لا فريع البان حقي دة بنفع منو فيهن) رحم الله أبوداؤود والتحايا من على البعد للفنانبن فتحي حسين وعبد العزيز المبارك.
أما الفنان محمد حسنين هو من فناني العصر الذهبي فلقد تزامن ظهوره مع ناس عثمان حسين ورمضان حسن وودالمقرن.. وهو من الخرطوم3 وشقيق السياسي الإتحادي الراحل ربيع حسنين والذي توفي بلندن عام 2001 والفنان محمد حسنين ليس هو الذي غنى العزيزة كما أورد البعض فمحمدحسنين سبق فتحي بجيل كامل .. محمد حسنين فنان ذوصوت متفرد وشجي كمثل بلبل صداح ولقد غنى
لكثيرمن الشعراء الأفذاذ أمثال حسين عثمان منصور وعتيق .. والطاهر إبراهيم وحسن الزبير.. ومن أغانيه(ياناس إنتو وين إنتو مابنتو) و(السايق البوباي)و ( طيري ناح).. ألخ .. رحم الله الفنان محمدحسنين
| |
|
|
|
|
|
|
|
|
 Re: اخيرا ...العزيزة الما بتسال عن ظروفنا (Re: ghariba)
|
الصحفي المبدع و المرهف و المتميز الأستاذ. محمد حامد جمعة:
كل عام و أنت بخير بمناسبة عيد الفطر المبارك أعاده الله عليكم و علينا و علي الأمة الأسلامية جمعاء بالخير و اليمن و البركات و تقبل الله منك صيام شهر رمضان و قيامه
و أتمني لك التوفيق و السعادة و موفور الصحة والعافية
والتحية والتقدير والشكر الجزيل للمركز السوداني للخدمات الصحفية علي موقعه المتميز في الانترنت و تغطيته الاعلامية الممتازة و كفاءة موظفيه و الشكر موصول للرجل المتميز الباشمهندس عبدالرحمن أبراهيم مدير المركز و للعاملين فيه
أسلوبك في الكتابة جميل جدا و طريقتك سلسة ومهاراتك عالية ومواضيعك جميلةو دائما ما تزرع الأبتسامة فينا(أسلوبك رائع ويتميز بخفة الدم وخليط من الجدية والفكاهة و تنفع أديب يا أخوي بتخليناننبسط دائما)
و أنت بحق فاكهة البورد و أتابع بوستاتك بأستمرار و هي 100%
| |
|
|
|
|
|
|
|
|
|
Re: اخيرا ...العزيزة الما بتسال عن ظروفنا (Re: Kamel mohamad)
|
العزيز قرشـــو
كتبت
Quote: والله عندى شاهد عيان وبيان على ميلاد قصيدة واغنية "وضاحة يا شمس المشارق" التى تغنى الراحل المقيم مصطفى سيد احمد وهو صديق الشاعر أزهرى امد الله فى عمره ...
اها شنو ليك ؟؟؟ |
طيب انت عارف الاغنيه دى اتكتب فى منو..
شفت كيف طلعت احرف منك..
ده نومك بس. .
| |
|
|
|
|
|
|
|
|
|
Re: اخيرا ...العزيزة الما بتسال عن ظروفنا (Re: معتز تروتسكى)
|
معتز وكل الاخوة
سلام وعيد مبارك
بالله يا (زميل ) نزلها لينا بصوت عاطف واى فنان عندك بيغنى الاغنية دى نزلها
طبعا مرة لاقيت الاستاذ سعد الدين ابراهيم فى منبر بتاع شعر وغنى وكان فيهو حوار جميل والراجل كان متالق فى المنصة - عينى باردة - فتكلم عن (العزيزة ) كلام كتير وحلو ومن ضمن ما قالو انو يوميا وهو راقد فى البيت او راكب حافلة بيسمع الاغنية عند فنان ... طبعا دا فى رايو مؤشر قبول وانتشار ..
تخريمة
مبسوط انا عشان البوست مشى كويس ... السمح بيعجب برضو
| |
|
|
|
|
|
|
| |
محمد حامد جمعه
زول ساكت
خدر
المكاشفي الخضر الطاهر
tmbis
معتصم دفع الله
waleedi399
عادل فضل المولى
Agab
abas
nashaat elemam
ست البنات
abuguta
قرشـــو
manubia
بدرالدين كاجوري
القلب النابض
ghariba
Kamel mohamad
معتز تروتسكى
فيس بوك
تويتر
انستقرام
يوتيوب
بنتيريست