دعواتكم لزميلنا المفكر د.الباقر العفيف بالشفاء العاجل
|
|
 نِحنا .. كِدا!!
|
يعلن موعد مباراة الكأس
يتأهب الكل لحضور المباراة، في الاستاد أو في البيت (التلفزيون)
يأتي اليوم المشهود..
جماعة الاتساد يشيلو (كرتونتهم) وتساليهم ويمشو
وناس البيت يطلعو التلفزيون في الحوش..
تبدأ المباراة..
في الاستاد..
مع بداية المباراة تبدأ الونسة.. الجانبية، والغلاط
ويلتفت الجميع إلى الميدان عندما تأتي صيحة بأن هناك (قوووون).
في البيت
نفس الشيء.. الونسة الجانبية.. وتنتهي المباراة.. ونعرف النتيجة
ما خلاص، المهم النتيجة.. التفاصيل لزوما شنو..!!
الكلام دا.. حتى في كأس العالم.. البيجي كل أربع سنوات
المباراة النهائية يا اخواننا، ياخي سيبك.. انتظر الجايّة
الجايات اكتر من الرايحات..
مع إنو الجايات برضو رايحات
....
هذا المنظر يتكرر في الحفلات.. الفنان يجيبو بمبلغ وقدرو
والناس إما يرقصو جوة الدارة (ويتونسو)
أو يقعدو برّة (ويتونسو)..
وتنتهي الحفلة .. وكل قِرِد يطلع جبلو (على قول ودقاسم)
....
نِحنا كدا...!!!
|
|
 
|
|
|
|
|
|
|
|
Re: نِحنا .. كِدا!! (Re: Abdulla Ageed)
|
يعنى بنعرض بره الداره
و لو كنت فى بلد تموت حيتانها من البرد...
يعنى بنرقص بره الحلبه
نبكى وما عارفين الميت
وما عارفين شايتين على وين
شكرا لك على تصوير واقعنا
مع تحياتى
| |
|
|
|
|
|
|
|
|
|
Re: نِحنا .. كِدا!! (Re: ALGARADABI)
|
القرضابي.. شكرا على هذه الطّلة الجميلة
بالمناسبة أنا مريخابي.. لكين بحب البرنس هيثم مصطفى
Quote: نبكى وما عارفين الميت
وما عارفين شايتين على وين |
المشكلة مرات نكون عارفين الميت..
ونبكي.. لكين أهل البِكا يجو يقولو ليك هوي إنت الببكيك شنو؟
سببك اللماك بالميت دا شنو؟
إنت أول البارح ما كنت بتقطع فوقو وقلت وقلتا؟
أمس القريبة دي ما كنت بتغالط فيهو؟
الليلة خلاس حِلالك عشان مات؟
أمش كدي يموت حيلك..!
ومرات نشوت على الاتجاه الصحيح..
لكين بعد الشوط ينتهي .. ويتحول اللعب للاتجاه الآخر
نظل أيضا نشوت على نفس الاتجاه السابق..!!
رغم أنف الحكم والجماهير وأي زول.
أتذكر مرّة عندنا عمّن لينا مشهور بالفراسة والاعتداد بالرأي
في أحد اجتماعات القرية طرحو اقتراحين للتصويت.
هو رفع يدّو في الاقتراح الأول..
وتاني رفع يدّو في الاقتراح التاني..!!
الجماعة قالو ليهو .. يا حاج فلان إنت ما رفعت يدك قبيل؟!
قال ليهم (هسي رفعتها الراجل يجي ينزِّلا..!!)
دي مي حاصلة علينا هسا يا القرضابي؟؟
نحن كِدا!!
| |
|
|
|
|
|
|
|
|
|
Re: نِحنا .. كِدا!! (Re: Abdulla Ageed)
|
لكن ياعبد الله السبب فينا ولا في ناس النظام العام المصريين علي الساعه حداشر وزمان كنا بنقول مازال الليل طفلا يحبو اسع الليل بقي ياخدلو رضعه من امو ويموت
| |
|
|
|
|
|
|
|
|
|
Re: نِحنا .. كِدا!! (Re: عبد الحميد عوض)
|
عبد الحميد
سلام.. شلت الإيميل من البوست داك ولا ما شِلتو؟
| Quote: وزمان كنا بنقول مازال الليل طفلا يحبو |
وكلنا برضو بنقول:
يا جماعة الفاصل دا للعريس والعروس بس.. ما عايزين ناس جوّا الدارة.
وأول ما الدلوكة تقول (بُم) تلقى الدارة اتملت!!
ونقول:
يا ناس هوي، الحفلة دي نحنا عاملنها للعريس ودي ليلة العمر بتاعتو
فبالله العاوز يعمل مشاكل يعملا برّة ما تبوظو لينا الحفلة يا شباب.
وبرضو الحفلة تتفرتك بي شكِلة، والمصيبة إنو الكان ماسك المكرفون
وبنضم دا.. تلقى في راص الشكلة.
نحن كِدا.. !!
| |
|
|
|
|
|
|
|
|
|
Re: نِحنا .. كِدا!! (Re: عبد الحميد عوض)
|
أها شفتَ البروتوكول دا يا هو مشكلتنا
طبعا خلق الله في الدنيا دي كلّها عندهم بروتوكول
ونحنا عندنا بروتوكول تاني.. مختلف
بتاعنا برانا.. ما نحن كِدا
...
أنا ما عارِف.. مش البروتوكول دا يعني ترتيب معين
أو تنظيم لفقرات أو حيثيات حدث ما..
يعني يبدا كيف يتواصل كيف ينتهي كيف؟
لو يا هو دا البروتوكول، يبقى نحن عليهو العوض ومنو العوض
يخرِبنا.. التكتح ما عندنا في الحاجة الاسمها النظام دي
...
نحنا بروتوكولنا كيف؟
واحد يقول ليك والله ياخ يوم الخميس عايزين نعمل حفلة وداع لفلان
طيب..
جا الخميس.. تمشي بيت ناس فِلان سيد الحفلة الساعة 6 تلقى البيت كرَو
تسأل الجيران.. يقولو ليك والله ديل الظاهر عندهم زي حفلة كِدا والبنات
مشو معاهم.. لكين ما عارفين الحفلة وين.. (دا طبعا قبل الموبايلات)
تقوم تمشي بيت ناس فِلان القال ليك عايزين نعمل الحفلة.. شرحو
...
أهاقول بأي طريقة عِرفت محل الحفلة.. تلقى المحتفى به ما فيش..
يقولو ليك عندو مشوار كِدا وبجي هسي..
والزول العزمك ما فيش، مشى يجيب الساون، وواحد تاني مشى يفتش
فنّان.. وآخر الليل يجي الفنان والساون لكين العازفين ما جو والمحتفى به
ما جا.. وتقوموا تعملو ربّة كِدا على الماشي بي جركانة والفنان يغني وهو
صارّي لأنو نزلتو من مكانتو.. والبنات والأولاد مجكسين بي غادي.. والعجايز
يتونسو..
وعلى قول (ابو حراز) قال بروتوكول قال.. !!
| |
|
|
|
|
|
|
|
|
|
Re: نِحنا .. كِدا!! (Re: Abdulla Ageed)
|
فعلا يا عبد الله
نحنا كده
مره فى اجتماع الحى
عمنا راجل كبير
فقالوا الجماعه
بسم الله نبدأ
أها ورونا أجندة الاجتماع شنو
طوالى عمنا ده قام وقف على حيلو
و قال ليهم أها ٌقولوا معاى
أولا بالتبادى أنا
و محمد ود عبدالرحمن
و على ود حسنين
و عبد السلام الكجم
وا
وا
وا
المهم الراجل عدا ليك أصحابوا كلهم
و كان مفتكر انو أجندة الاجتماع دى معناها
الناس الحيرشحوهم للجمعيه
شفت كيف انحنا طوالى برنا الشبكه
نحن كده
و نحن هنا برضو
أخبارك؟ على اليميل ده
[email protected]
ناصر البطل
| |
|
|
|
|
|
|
|
|
|
Re: نِحنا .. كِدا!! (Re: Abdulla Ageed)
|
ناصر البطل
حبابك
| Quote: شفت كيف انحنا طوالى برا الشبكه |
برا الشبكة..
حينما يتحدث العالم كله عن المستقبل الاقتصادي المشرق
للسودان.. نتحدث نحن عن فقرنا ومسكنتنا وأننا في قاع
العالم.. رغم أنف العالم الذي يرى أننا (أغنياء)
بمقاييسه.
يا ترى هل نحن أدرى بشعابنا؟
أم أننا خارج الشبكة!!
يخشى المتنفذون في العالم وتتفق معهم الدول المجاورة
لنا، من أن استقرار السودان واتخاذه المسار الصحيح
سياسيا واقتصاديا يعني (هيمنته على دول المنطقة)
أو بعضها على أقل تقدير..
هيمنة اقتصادية، وهيمنة سياسية
هكذا يقول العالم
وهكذا تقول دول الجوار
وتسعى بكل جهودها لعدم وصولنا لحالة (استقرار)
نحن .. في وادي آخر.. نخشى الضياع، وفي ذات الوقت نسعى
للضياع بكل ما أوتينا من قوّة.
ونساعد من يسعى لبقائنا في (الوضع الراهن)
هل نفعل ذلك ونحن أدرى بما يجري؟
أم أننا خارج الشبكة؟؟!
هذا الأمر .. قد يحيّر أي شخص غير سوداني
أما نحن فلا نستغرب ذلك.. لأنو
نحنا كدا!!
| |
|
|
|
|
|
|
|
|
|
Re: نِحنا .. كِدا!! (Re: Abdulla Ageed)
|
عبد الله عقيد
نبشت الكثير مما نسعى إلى إخفائه ، نحن لا نهتم بالتفاصيل ، ونرى أنه يمكننا فهمها وهي طايرة ،،، عاملين فيها ما في أفهم مننا ، وما في أعرف مننا ،،، لكن كيف يمكن إعادتنا إلى جادتنا ، كيف نحول جهلنا إلى علم ؟ كيف نحول سذاجتنا إلى وعي ؟ كيف ندرك ما يضرنا وما ينفعنا ؟ على الإخوة المتداخلين يفتحون هذه النافذة لنتحاور حول ما يأخذ بيدنا إلى طريق الجادة ..
| |
|
|
|
|
|
|
|
|
|
Re: نِحنا .. كِدا!! (Re: ودقاسم)
|
العمدة ود قاسم
لك التحية
| Quote: لكن كيف يمكن إعادتنا إلى جادتنا ، كيف نحول جهلنا إلى علم ؟ كيف نحول سذاجتنا إلى وعي ؟ كيف ندرك ما يضرنا وما ينفعنا ؟ |
أخي الحبيب
أمامنا (جِدار) سميك، يحجب الرؤيا، فنحن ننظر فقط تحت أرجلنا، نتقاتل
على (مافيش).. ولو تطلعنا إلى ما وراء الأفق (الضيق) لو جدنا الإجابة
على كل هذه التساؤلات..
وأكرر معك:
| Quote: عل الإخوة المتداخلين يفتحون هذه النافذة لنتحاور حول ما يأخذ بيدنا إلى طريق الجادة .. |
| |
|
|
|
|
|
|
|
|
|
Re: نِحنا .. كِدا!! (Re: Abdulla Ageed)
|
الغالي،،
عبد الله عقيد
سلام مربـع،،
نحن كدا يا عبد الله .. انتو كيف؟؟؟
الكورة السودانية (اقوان) والحفلة (فنان).....
والعريس للعروس والجري للمتاعيس ... تلك أيام خلت،،
هذا هو منهجنا وسيرتنا في الحياة الدنيا وكذلك في شتى المجالات العامة
والرياضية والاجتماعية والثقافية والسياسية على وجه الخصوص ..........
في البيت والشارع وحتى على مستوى الحكومات من خلال انعقاد بعض المؤتمرات
وعلى مستوى بعض الجلسات البرلمانية، والامثلة كثيرة ومشاهدة
وياما عشنا وشوفنا و ح نشوف!!!!
الجعجعة والتنظير وقلة الحيلة وعدم القدرة على فعل اشياء مقابل التغيير
مجرد كلام ووعود وما اكثر الوعود والتساويف يا صديقي عقيد ..
ولنا عودة في هذا الامر أن امد الله في الاجآل يوماً ....
| |
|
|
|
|
|
|
|
|
|
Re: نِحنا .. كِدا!! (Re: Abdulla Ageed)
|
أخي عقيد .. يقول جبران خليل جبران .. "إذا اكتفيت أنت بما تعرفه فأين أضع أنا الذي لا تعرفه أنت" ..
ومن لا يحسن الإصغاء .. لن يحسن الفهم ولا التعبير .. وطالما نبشت الظاهرة (الظاهرة) في مجتمعنا أحسن نبحث جماعيا عن ما دهانا لنستقصي الأسباب التي أدت لهذا الواقع البايخ البائس .. كل لا يطرب إلا لصوته .. فيقزمنا الصوت المكرور.
| |
|
|
|
|
|
|
|
|
|
Re: نِحنا .. كِدا!! (Re: Mohamed Abdelgaleel)
|
المبدع محمد عبد الجليل
تحية
| Quote: ومن لا يحسن الإصغاء .. لن يحسن الفهم ولا التعبير .. وطالما نبشت الظاهرة (الظاهرة) في مجتمعنا أحسن نبحث جماعيا عن ما دهانا لنستقصي الأسباب التي أدت لهذا الواقع البايخ البائس .. كل لا يطرب إلا لصوته .. فيقزمنا الصوت المكرور. |
بين صمم الآذان إلا عن صوت (الذات)
وصمت الألسنة إلا عن القول (المكرور)
نجسد قصر قامتنا يوما بعد يوم
ونتقاصر عن ذروة وطن ظل شامخا رغم
اجتهادنا لتقصير قامته وتقليل قدره
..
ليتك تعود.. وليت كل من يعد بالعودة ينجز ما وعد
لنفضفض عن دواخلنا ونبحث عن الحلول.. إن كانت!!
لك خالص التقدير
| |
|
|
|
|
|
|
|
|
|
Re: نِحنا .. كِدا!! (Re: nazar hussien)
|
نزار حسين
ازيك يا ابن عمي
| Quote: عفيت منو عمك دا عفوا يطرح البركه فيه وين ما قبل |
يعني في الكلام دا كلو ما عجبك غير كلام عمّك دا.. الله يرحمو؟
الله يطرح البركة في عملو فقد (قبّل علي ربو).. غفر الله
لنا وله ورحمنا أجمعين..
تشكر على المرور.. وما تنقطع
| |
|
|
|
|
|
|
|
|
|
Re: نِحنا .. كِدا!! (Re: Abdulla Ageed)
|
يكونوا عاملات فيها صحباتك .. وانهم بيعزوك اكتر من اى زول فى الدنيا .. واول ماتقبلى منهم يقطعوا فيك قطيعة السكينة الحااااااااامية فى اللحم الحى !!!
هم كدا !!!!!!!!!!
| |
|
|
|
|
|
|
|
|
|
Re: نِحنا .. كِدا!! (Re: نادية عثمان)
|
الشاعرة المبدعة الجميلة نادية.. يا من تنشرين المودة وطيبة الروح بين الجميع
لك الشكر على المرور الزاهي.. أسفي الشديد للتأخر في التعقيب..
| Quote: يكونوا عاملات فيها صحباتك .. وانهم بيعزوك اكتر من اى زول فى الدنيا .. واول ماتقبلى منهم يقطعوا فيك قطيعة السكينة الحااااااااامية فى اللحم الحى !!! |
ويحكى أن مجموعة من النساء اجتمعن في بيت واحدة منهن وكانن يقطعن
في كل من تخرج من البيت، حتى بقيت واحدة مع ست البيت، وعندما خرجت
لاحقتها ست البيت بـ (كتحة تراب)، وإشارة امتعاض بفمها..
نحن كِدا..
| |
|
|
|
|
|
|
|
|
|
Re: نِحنا .. كِدا!! (Re: عبد الله عقيد)
|
عبدالله تحياتي
والله حادخلك المكان الما عايز تدخلوا ..
في العالم كلو تتغير الاحزاب والسياسيات والافكار والوسائل والقيادات وتتماشي مع التغييرات التي تحدث في العالم ومع الافكار ومع الرؤي التي تظهر ..
الا نحنا- قياداتنا نفسها واحزابنا نفسها وافكاره نفسها ووسائلها نفسها
واذا حدث وغيرت جهة اسمها او شعاره او وسائله وصمت بانها ماعندها مبدأ
واذا حدث وانجز فلان تحدث الناس وقالوا لا ..هذا من المفروض ان يكون من انجاز علان .
لان فلان لا يشبه الانجاز ..والانجاز اصلا خلق من اجل علان وساضرب لك مثال
قلت لاحد اعمامي وكان هائجا وهو يقول انه لا يوجد تعليم ولا توجد جامعات ولا توجد دراسة قلت له انت الوحيد بين اربعة اخوان اتيحت لك الدراسة الجامعية وكانت بمصر ...والان ثلاثة من ابنائك وبناتك في جامعات سودانية - وسبعة من اولاد اخوانك وبناتهم الذين لم يتعلوا بجامعات سودانية ..فكيف لا يوجد تعليم بالمرة ؟
قال لي المفروض يكون ويكون ويكون ويكون
قلت له المفروض ان يدرس جميع اخوانك الذين لم يتعلموا
قال لي الوضع - قلت له اذن هو الوضع - هناك تعليم وتواجهه مشاكل يجب حلها وليس الهروب منها والقول بانه لا يوجد تعليم اطلاقا ..
قال لي يا زول هوي انحنا كدا يا تصلح لينا الامور كلها ولا تخليهاما عايزين نص نص
شفت كيف ؟
تحياتي
| |
|
|
|
|
|
|
|
|
|
Re: نِحنا .. كِدا!! (Re: luai)
|
العزيز لؤي
لك التحية
Quote: قال لي يا زول هوي انحنا كدا يا تصلح لينا الامور كلها ولا تخليهاما عايزين نص نص
شفت كيف ؟ |
عملك بالفعل جابها من الآخر.. ووضع تحديد دقيق لمعضلتنا الأساسية بين كل خلق الله
في هذا الوجود.. (يا تصلح الأمور كلها ولا تخليها كلها)..
وحتى المثل السائر (ما لا يدرك كله لا يترك كله)
حوّره السودانيون فأصبح (ما لا يترك كله لا يدرك جله)
فوضعو (جله) مكان (كله) ليبرروا تكاسلهم واعتبارهم أن البعض لا يغني عن الكل.
وصدقني.. هذه هي مشكلتنا.. (يا كلو يا بلاش)
ونحن دايما(كِدا)..
خالص المودة
| |
|
|
|
|
|
|
| |
Abdulla Ageed
ALGARADABI
عبد الحميد عوض
nasiradin
ودقاسم
waleedi399
Mohamed Abdelgaleel
nazar hussien
عبد الله عقيد
luai
فيس بوك
تويتر
انستقرام
يوتيوب
بنتيريست