بعض من ملامح العرس الوئيد "يوميات العصيان الأول...
إلى شباب ثورة العصيان المدني: الحرية لا تقبل المساومة!
منبر التجانى الطيب للحوار بواشنطن يقيم ندوة بعنوان الازمة السودانية و افاق التغيير يتحدث فيها على الكنين
العصيان المدني...... تجميع فيديوهات للتوثيق ومزيد من النشر
19 ديسمبر .. إني أرى شعباً يثور !!
صدور... الهلوسة
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-07-2016, 06:22 PM الصفحة الرئيسية

مكتبة عبد الله عقيد(عبد الله عقيد)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

كنت عايز اقول شنو......... !!

12-24-2005, 06:37 AM

عبد الله عقيد
<aعبد الله عقيد
تاريخ التسجيل: 09-20-2005
مجموع المشاركات: 3728

للتواصل معنا

FaceBook
تويتر Twitter
YouTube

كيف احذف مداخلة من بوستى
كنت عايز اقول شنو......... !!

    يمكن عايز اتكلم عن موضوع تشاد والهجمة الشعواء على السودان
    وتصعيد الأمور.. والمفارقات الحاصلة في الموضوع دا..

    أو الحملة المنظمة الأيام دي ضد عادة ختان الإناث.. وتجربتي
    الشخصية مع العديد من الأهل والأصدقاء بمحاولة أقناعهم بترك
    بناتهم دون ختان، وما شهدته من تعنت شديد لدى النساء إلى درجة
    تنفيذ هذا الأمر دون علم (الرجال) الأب والإخوان..

    أو عن أسباب الغيبة (غيبتي) عن المنبر .. التي لا أعرفها..
    عن عودة البعض وغياب البعض.. عن السمة العامة للموضوعات التي
    يتم تناولها هذه الأيام في المنبر..

    عن تصارع أو مصارعة الثيران في الرياض (السوادنيون هنا) .. والتناطح الذي يفضي
    إلى اتفاق ثم اختلاف ثم اتفاق ثم... حول كل شيء

    عن الوضع الغريب العجيب المحير في السودان الآن، حيث حكومة جزء منها معارض
    ومعارضة جزء منها مشارك في الحكم.. بل ليس (جزء منها) إنما هي مشاركة ومعارضة!!

    عن غيبة أو تغييب أو غيبوبة الناس الساكت.. هنا وهناك

    بس في دا كلو.. كنت عايز اقول شنو؟!!
                   |Articles |News |مقالات |بيانات

12-24-2005, 06:54 AM

saadeldin abdelrahman
<asaadeldin abdelrahman
تاريخ التسجيل: 09-03-2004
مجموع المشاركات: 8853

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كنت عايز اقول شنو......... !! (Re: عبد الله عقيد)

    ود عقيد
    مشتاقيييييين ياخي!
    انت عايز تقول حاجات كتيره جوانا
    بس انضم اخوي
                   |Articles |News |مقالات |بيانات

12-24-2005, 07:24 AM

عبد الله عقيد
<aعبد الله عقيد
تاريخ التسجيل: 09-20-2005
مجموع المشاركات: 3728

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كنت عايز اقول شنو......... !! (Re: saadeldin abdelrahman)

    ابو السعود
    مشتاقين ياخي

    Quote: بس انضم اخوي


    انتو زاتكم انضمو
    ما تخلوني أهضرب براي متل الرامي جمل

    يديك العافية
                   |Articles |News |مقالات |بيانات

12-24-2005, 07:15 AM

عبد الله عقيد
<aعبد الله عقيد
تاريخ التسجيل: 09-20-2005
مجموع المشاركات: 3728

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كنت عايز اقول شنو......... !! (Re: عبد الله عقيد)


    مرات بيجو ناس كِدا في التلفزيون ولّا الجرايد بيتكلموا في أي حاجة
    بس مرات بتطلع منهم حاجات كويسة.. الليلة واحد بيتكلم
    عن الهوية قال السوادنيين ديل مشكلتم ما بتعجبم الحاجة بتاعتم
    يعني بيستهينو بي نفسهم.. السياسي حقهم زول فعلتو وتركتو
    والفنان كذلك والمثقف والكاتب والأديب والصحفي والمسلسل والمسرحية
    كلها ما على قدر كِدا..
    مرة برضو واحد قال نحن ناس مكاجرين، ما بنسمع الكلام.. يعني
    بنجي من برة ما مقتنعين، قبل ما نسمع الشي المفروض نقتنعبوا..
    يعني موقفنا الرافض موقف مبدئي.. الناس التانين يمكن برضو يكون
    عندهم الرفض موقف مبدئي، بس بكون الرفض حتى يثبت الآخر إمكانية طرحه
    للقبول..
    لا.. نحن ما عندنا الإمكانية دي، ما واضعنها في حساباتنا.. مهما كان
    طرح الآخر، فهو غير قابل للقبول..
    ياخي انت زول مباريهو عمرك كلو.. قائد، رئيس حزب، شيخ جماعة..
    وبتتفق معاهو حول نقطة معينة.. لو ربنا قدر عليهو واقتنع بأنو
    فهمو للنقطة دي كان غلط، أو قبل طرح موازي.. انت بترفض الزول دا زااااتو
    لأنو غير قناعاتو.. أو..

    في تداخلات في مجتمعنا انا شخصيا باستغرب ليها.. حاجات مركبة ما عارف
    الشخصية السودانية محتملاها كيف..!!؟ يمكن بنتعامل معها بعدم جدية..
    لانو لو نحن جادين فيها ما بنقدر نحتمل أنو نحمل جوانا كل هذه التناقضات
    كان ممكن اضرب مثل بالتناقضات دي.. لكين ما بقدر.. لأنو انا ذاتي
    متناقض.. يمكن اتونس بيها في قعدة لكين ما بقدر اكتبا.. لأنو ما بقدر
    اضرب مثل بي زول من الجنوب أو الغرب او الشرق واتكلم عن مفاهيمو
    وانا من الشمال.. الكلام دا حا يجيب لي مشاكل..
    بس يمكن اقول مثلا نحن بنطالب بالديمقراطية لينا زمن.. لكننا في الحقيقة
    ما عايزين ديمقراطية.. لأنو الديمقراطية بتجيب نتائج ما مضمونة..
    اتفاق نيفاشا.. اعتمد الديمقراطية، لكنو سبقا بترسيخ حاجات لو جات
    الديمقراطية ما حترسخا.. يعني مطالب وحقوق ونسب وتقسيمات.. اتختت قبل
    ما تجي الديمقراطية..
    الجماعة البيحاربو في دارفور ديل.. الكلام دا ما بنفع معاهم.. لأنو في ناس
    قبلهم استبقوا الديمقراطية وحققو مكاسب.. فهم لازم كمان يحققوا مكاسب
    قبال ما تجي الديمقراطية.. ما مهم المكاسب الحققوها ديك، ولا العايزنها
    ديل تكون على حساب منو.. !!
    هل الديمقراطية غلط.. ولا نحن ما بنثق في نفسنا..
    الكلام الكبار كبار البنقولو كتييييير وما بنؤمن بيهو.. ولا بنقدر عليهو
    نحن عارفين كدا.. بس برضو بنتكلم.. وبنطالب والحل ساهل.. الرفض.
    يعني نطرح فكرة معينة.. ونطالب بتطبيقا.. ولمن يجي دورنا نرفضا
    لأنها ما الفكرة الأساسية التي طالبنا بيها.. أو لأنها ناقصة
    الناس حا يفهمونا ويقتنعو..
    الغريب في الأمر.. انو نحن في السودان بنقيف دايما مع الزول البيطالب
    والبيتكلم.. أما الزول البنفذ.. بنخليهو ينفذ براهو.. ومرات نعرقل ليهو
    عشان يخفق .. لأنو هو غلط من الأساس.. ما مفروض هو الينفذ مفروض يكون فلان
    وبعد شوية نتبادل الأدوار.. وتنقلب الحكاية.. ونطلع بنتيجة واحدة
    هي الإخفاق والفشل..
                   |Articles |News |مقالات |بيانات

12-24-2005, 07:23 AM

humida
<ahumida
تاريخ التسجيل: 11-06-2003
مجموع المشاركات: 9806

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كنت عايز اقول شنو......... !! (Re: عبد الله عقيد)

    ود العقيد .. ازيك
    ممكن تكلمناعن قوانين السوق و نظريات الاقتصاد المقارن في ظل الانفتاح وعولمة السوق
    او عن اثار الحرب الاهلية الامريكية علي المسيرة الصناعية و الانهيار الاقتصادي الذي واكب تلك الحرب واثاره علي سير الصناعات وتحول امريكا الي اكبر مصنعي الاسلحة في العالم ..
    ولا ممكن تكلمنا عن تكالب قوي العالم الاول وان كنت اعترض علي تسمية العالم الاول دي وتكالبهم علي مصادر الثروات الافريقية واثر ذلك علي المدي الطويل علي البشرية
    ولا اقول ليك احكي ليناعن تلك التي خرجت من شرايين المطر وانثالت دررا لتسقي ارض عمرك الجدباء لتحيلها بساتين وحدائق ..
                   |Articles |News |مقالات |بيانات

12-24-2005, 07:33 AM

عادل فضل المولى
<aعادل فضل المولى
تاريخ التسجيل: 11-28-2004
مجموع المشاركات: 2162

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كنت عايز اقول شنو......... !! (Re: humida)

    خلينا نحن نقول ليك حمد لله على السلامة
    وبركة الشفناك طيب
    وبعدين يعني حضور الواحد (ذهنيا) اكتشفنا انه يرتبط بحضوره (منبريا)
    لذا لا تكثر من الغياب
    ولك التحية
                   |Articles |News |مقالات |بيانات

12-24-2005, 07:52 AM

nazar hussien

تاريخ التسجيل: 09-04-2002
مجموع المشاركات: 10092

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كنت عايز اقول شنو......... !! (Re: عادل فضل المولى)

    صديقي ود عقيد....


    ابقي عافية...

    الكلام المفروض يتقال كتيييير يا صاحبي...
    انت بس ما تغيب عشان ما تنسي القول...
                   |Articles |News |مقالات |بيانات

12-24-2005, 08:53 AM

عبد الله عقيد
<aعبد الله عقيد
تاريخ التسجيل: 09-20-2005
مجموع المشاركات: 3728

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كنت عايز اقول شنو......... !! (Re: nazar hussien)

    العزيز نزار

    الله يعافيك

    الغيبة زي ما قال عادل.. تعني غياب الذهن
    وبالتالي الافتقار لما يجب أن يقال..
    مرات يا نزار بروح علينا راس الخيت
    وننسى الغرض من الكتابة ومن القول.. وتلهينا
    أشياء أخرى..
    بعدين في صراع مستمر جواي انا شخصيا بين عدم جدوى الكلام
    فايدتو شنو.. ما دام الباقي باقي.. وبين انو وضع نقطة
    على السطر ربما يغير مجرى الفهم والاستيعاب لدى شخص آخر..
    بس انا الشخص الآخر دا متحاسب بي ذنبو لي شنو؟
    لو كتبت ليهو كلام يحمل حقيقة.. وينير الطريق للحق.. فسيتعب
    وأحمل ذنبه..
    ولو كتبت كلام مضلل يقودو إلى الضلال.. برضو بتحاسب بي ذنبو
    دا في حالة كان هو بيستوعب كلامي دا وبطبقوا..
    ولو ما بيطبقو يبقى مافي داعي اكتب او اتكلم

    كدي تعال انضم معاي في الموضوع دا

    (عدل بواسطة عبد الله عقيد on 12-24-2005, 10:49 AM)

                   |Articles |News |مقالات |بيانات

12-24-2005, 07:41 AM

عبد الله عقيد
<aعبد الله عقيد
تاريخ التسجيل: 09-20-2005
مجموع المشاركات: 3728

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كنت عايز اقول شنو......... !! (Re: humida)

    ازيك يا حميدة

    Quote: ولا اقول ليك احكي ليناعن تلك التي خرجت من شرايين المطر وانثالت دررا لتسقي ارض عمرك الجدباء لتحيلها بساتين وحدائق ..


    دي الوحيدة الممكن اتكلم عنها.. بس ما بقدر أقول
    الكلام دا خليهو لي دكين.. ما شايفو كاتب شنو بي هناك!!
    نحن زاتو مع ناس دكين كلامنا ما عندو طعم.. نقرا بس..
                   |Articles |News |مقالات |بيانات

12-24-2005, 08:02 AM

زول ساكت
<aزول ساكت
تاريخ التسجيل: 11-26-2004
مجموع المشاركات: 2916

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كنت عايز اقول شنو......... !! (Re: عبد الله عقيد)

    Quote: الناس الساكت


    سمح
                   |Articles |News |مقالات |بيانات

12-24-2005, 09:38 AM

عبد الله عقيد
<aعبد الله عقيد
تاريخ التسجيل: 09-20-2005
مجموع المشاركات: 3728

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كنت عايز اقول شنو......... !! (Re: زول ساكت)

    يا عباس ياخوي انت ما براك الزول ساكت
    كلنا زول ساكت وكلنا مختوتين في الرف
    بيجو يحركونا وقت التنظيم والترتيب
    يهزو الواحد كدا يشوفو فاضي ولا مليان
    لو لقوك فاضي بختوك في الواجهة لأنو من السهل
    تحريكك.. ولو لقوك مليان.. بحاولو يختوك ورا
    ولا يخلوك قبلك..
    الهزهزة ذاتا بتجيب لينا الدوشة، عشان كِدا بنحاول
    نهرب، ونعمل نايمين.. وهم الوضع دا بريحم إلا
    في اللحظات البحتاجو لينا فيها..
    بس اوعك تفتكر اننا نحنا بنشكل اي
    اهتمام بالنسبة للتنظيمات دي.. تمامة عدد.. عند الحاجة
    بس البرمجة ما بتشملنا.. مافي خرطة ولا خطة ولا مسودة
    بتتضمن بند (الناس الساكت)..
    انعم ولننعم بالراحة والسكون .. وعاشت الغيبوبة
                   |Articles |News |مقالات |بيانات

12-24-2005, 08:26 AM

عبد الله عقيد
<aعبد الله عقيد
تاريخ التسجيل: 09-20-2005
مجموع المشاركات: 3728

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كنت عايز اقول شنو......... !! (Re: عبد الله عقيد)

    الحبيب أبو محمود
    لك التحية

    وبعدين يعني حضور الواحد (ذهنيا) اكتشفنا انه يرتبط بحضوره (منبريا)
    لذا لا تكثر من الغياب

    انت جبت الحكاية من الآخر..
    إذا الغياب عن المنبر بسبب غياب ذهني او عدم حضور ذهني
    وبالتالي الواحد اصبح ما عارف يقول شنو..
    خليك قريب.. يمكن نقدر نقول

    لك التقدير
                   |Articles |News |مقالات |بيانات

12-24-2005, 09:15 AM

القلب النابض
<aالقلب النابض
تاريخ التسجيل: 06-22-2002
مجموع المشاركات: 8418

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كنت عايز اقول شنو......... !! (Re: عبد الله عقيد)

    الاخ ود عقيد

    حكماء المنبر قلة وانت منهم
    ونود ان نسمع رأيك في كل النقاط التي ذكرتها
    ونريد ان تنجلي سحابة الغياب ويبقى الحضور بيننا
    نريد لهذا المنبر أن يكون بلون الحق وطعم الفضيلة
    نريد له أن يمحص ويمحص حتى نخرج برأي صائب وحقيقة لا يدانيها شكك

    في انتظارك
                   |Articles |News |مقالات |بيانات

12-24-2005, 10:04 AM

عبد الله عقيد
<aعبد الله عقيد
تاريخ التسجيل: 09-20-2005
مجموع المشاركات: 3728

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كنت عايز اقول شنو......... !! (Re: القلب النابض)

    الأخت القلب النابض
    لك التحية والتقدير
    اشكرك جزيلا على الإطراء الذي لا أستحقه
    وأقدر لك حسن ظنك
    Quote: نريد لهذا المنبر أن يكون بلون الحق وطعم الفضيلة
    نريد له أن يمحص ويمحص حتى نخرج برأي صائب وحقيقة لا يدانيها شكك

    من الكلام الانا كنت عايز اقولو إنو نحن في المنبر دا نموذج
    تنطبق علينا كل عناصر النموذج الممكن الناس تستخلص منو نتائج
    لو عايزين يدرسوا الشخصية السوداينة..
    نحن هسي بنختلف ونتفق ونتناقش بس هل قابلين بعضنا البعض؟
    هل انا عندي احساس ثابت في داخلي انو المعاي دا سوداني في الأول
    إذا هو صاحب مكانة في داخلي، ولديه عندي تقدير واحترام ومرتبة
    قبول مهما كان الاختلاف؟
    هل أناقشه كما أناقش شقيقي الذي اختلف معه تماما؟!
    يعني مهما اختلفت معاهو يظل هو شقيقي.. ويظل هو احق من غيره بحسن معاملتي.

    المنبر دا يمكن ما يكون بلون الحق وطعم الفضيلة.. دي صعبة
    بس ممكن جدا يمحّص وممكن (مع غيرو) يقود الناس إلى الرأي الأقرب للصواب

    المشكلة يا القلب النابض انو هل إنتي فعلا مستعدة تتقبلي رأيي وتحترميهو
    وتأخذيه حتى لو اختلفتي معاهو بعيدا عن موقع التسفيه وتقليل القيمة؟!
    وإذا كنتِ مستعدة.. هل انا مستعد؟

    يديك العافية
                   |Articles |News |مقالات |بيانات

12-24-2005, 09:21 AM

nazar hussien

تاريخ التسجيل: 09-04-2002
مجموع المشاركات: 10092

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كنت عايز اقول شنو......... !! (Re: عبد الله عقيد)

    Quote: الغيبة زي ما قال عاد.. تعني غياب الزهن
    وبالتالي الافتقار لما يجب أن يقال..
    مرات يا نزار بروح علينا راس الخيت
    وننسى الغرض من الكتابة ومن القول.. وتلهينا
    أشياء أخرى..
    بعدين في صراع مستمر جواي انا شخصيا بين عدم جدوى الكلام
    فايدتو شنو.. ما دام الباقي باقي.. وبين انو وضع نقطة
    على السطر ربما يغير مجرى الفهم والاستيعاب لدى شخص آخر..
    بس انا الشخص الآخر دا متحاسب بي ذنبو لي شنو؟
    لو كتبت ليهو كلام يحمل حقيقة.. وينير الطريق للحق.. فسيتعب
    وأحمل ذنبه..
    ولو كتبت كلام مضلل يقودو إلى الضلال.. برضو بتحاسب بي ذنبو
    دا في حالة كان هو بيستوعب كلامي دا وبطبقوا..
    ولو ما بيطبقو يبقى مافي داعي اكتب او اتكلم

    كدي تعال انضم معاي في الموضوع دا




    يا صديقي اما قرأت عجز هذا البيت

    مديحه فيك حب خالص وهوي
    وصادق الحب يملي صادق الكلم

    فرجل بهذه السعة من الصدق مع النفس...لن ينازعها فيما تكتب
    فأكتب ما بدأ لك مثني وثلاث ورباع...وأمحي علي كيفك...فلك
    اجر الكتابة كحد ادني...

    احيانا تلاقي كثرة الاسفاف...تمنعك من الدخول...وذلك امر
    طبيعي...فما تراه اسفافا يشغل عند الآخرين حيزا من المتعة..

    فلديك الكثير لم تقله بعد....وافضل النقاد في نظري...من
    يتناول نفسه بالنقد...وهي مرحلة متقدمة جدا يا ود عقيد
    فأكتب بقلب جامد...فأنت لو تناولت الحديث عن عرق سيّالة
    أو ديدبان قعر شجرة...فستكون قد اضفت للكثيرين معلومات
    جديدة...فأين الذنب هنا...

    والعجب كان دوبيت.....يا زووووووووووووووووووووول
                   |Articles |News |مقالات |بيانات

12-24-2005, 11:01 AM

عبد الله عقيد
<aعبد الله عقيد
تاريخ التسجيل: 09-20-2005
مجموع المشاركات: 3728

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كنت عايز اقول شنو......... !! (Re: nazar hussien)

    صديقي نزار
    لك التقدير

    بالفعل أؤمن كما تؤمن بجدوى الكتابة
    لكن من يقرأ كثيرا.. وقد قرأت كثيرا
    يشعر بقيمة وأهمية الكلمة وثقلها وخطرها
    يشعر بالتقدير للكلمة المكتوبة
    يتأثر بها.. فيدرك مدى تأثيرها
    لذلك فهو يتردد مائة مرة قبل أن يكتب
    ويتحسر حينما يجد غيره ينتهك حرمة الكلمة
    ويستسهل أمر الكتابة..
    فهناك دائما قارئ.. وربما يتأثر القارئ بما
    يجده مكتوبا.. دون النظر إن كان كاتبه جادا أو هازئا
    سليما أو ذا غرض..
    (المنابر هذه لا ينطبق عليها الحكم)
    أو ربما ينطبق.. حسب تقييم القارئ

    لك المودة
                   |Articles |News |مقالات |بيانات

12-24-2005, 11:08 AM

Khalid Saeed
<aKhalid Saeed
تاريخ التسجيل: 12-12-2005
مجموع المشاركات: 2301

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كنت عايز اقول شنو......... !! (Re: عبد الله عقيد)

    الأخ العزيز / ود عقيد
    قريبي .. وينك .. كنته متوقعك تكون من أول المرحبين بي .. إلا الجعلي ود الموج ماقصر .
    سلامات ليك وحشة .
    ويازول مايهمك أتكلم في أي حاجة ونحنا وراك بنتمه خنق .. أفو .. كان ماتكلموا الجعليين بتكلم منو .
    خالد سعيد الأرباب
                   |Articles |News |مقالات |بيانات

12-24-2005, 01:31 PM

عبد الله عقيد
<aعبد الله عقيد
تاريخ التسجيل: 09-20-2005
مجموع المشاركات: 3728

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كنت عايز اقول شنو......... !! (Re: Khalid Saeed)

    الأرباب خالد سعيد
    حبابك عشرة
    ومرحب بيك في المنبر
    والله ماني عارفك هنا لو ما مداخلتك دي

    وبعدين مالك جايي مسخن كِدا
    Quote: كان ماتكلموا الجعليين بتكلم منو .


    الكلام دا ياخوي زمانو فاتو وغنايو مات
    نعتز بأهلنا ولكنا لا نتحدث بعنصر ولا قبيلة ولا نسب

    أكرر سعادتي بانضمامك للمنبر
    ولك المودة
                   |Articles |News |مقالات |بيانات

12-24-2005, 03:55 PM

حسن البشاري
<aحسن البشاري
تاريخ التسجيل: 09-24-2005
مجموع المشاركات: 1485

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كنت عايز اقول شنو......... !! (Re: عبد الله عقيد)

    Quote: من الكلام الانا كنت عايز اقولو إنو نحن في المنبر دا نموذج
    تنطبق علينا كل عناصر النموذج الممكن الناس تستخلص منو نتائج
    لو عايزين يدرسوا الشخصية السوداينة..
    نحن هسي بنختلف ونتفق ونتناقش بس هل قابلين بعضنا البعض؟
    هل انا عندي احساس ثابت في داخلي انو المعاي دا سوداني في الأول
    إذا هو صاحب مكانة في داخلي، ولديه عندي تقدير واحترام ومرتبة
    قبول مهما كان الاختلاف؟

    الاخ العزيز ود عقيد
    عدت وعاد للكلام بريقه ولونه الاصيل.
    لك وللسودان كله الف امنية في الخاطر.

                   |Articles |News |مقالات |بيانات

12-25-2005, 06:46 AM

عبد الله عقيد
<aعبد الله عقيد
تاريخ التسجيل: 09-20-2005
مجموع المشاركات: 3728

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كنت عايز اقول شنو......... !! (Re: حسن البشاري)

    شقيقي حسن البشاري
    لك التحية

    كل يوم يزداد إيماني بمبدأي الراسخ وهو أن أحب
    كل ما هو سوداني.. وأن أضعه فوق كل شيء..
    بعض الزملاء كانو يشبهون حالتي بالنازية.. ولكنها
    ليست لعنصر، بل هي لإنسان ينتمي لهذا البلد..
    أنا أؤمن بأسطورة السودان، الإنسان العملاق الذي
    سيصنع وطنا عملاقا.. كل ما يحدث الآن أقرأه ضمن
    فصول تطور الأسطورة.. كل هذه المتناقضات والمفارقات
    ليست إلا مرحلة، ربما مرحلة متقدمة لم يصل إليها
    غيرنا بعد.. هي عقدة الأسطورة.. وسيتبعها استعدال مسار
    كل الخيوط والخطوط المؤدية للقمة..

    لك المودة
                   |Articles |News |مقالات |بيانات

12-24-2005, 04:40 PM

saadeldin abdelrahman
<asaadeldin abdelrahman
تاريخ التسجيل: 09-03-2004
مجموع المشاركات: 8853

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كنت عايز اقول شنو......... !! (Re: عبد الله عقيد)

    يا ود عقيد
    ما احنا راجينك توجهناو تحصرنا في نقـطه نقطتين بعد
    ما عرفت انو فى كلام كتير مفروض يتقال..
    وبعدين اففففففففو! تنضم براك كيفن!..مابنخليك ..
    والقحه ولا صمة النخره (بالخليجى)..
    الكتابه تكون بعض المرات كلفظ الأحشاء
    معاك يالحبيب
                   |Articles |News |مقالات |بيانات

12-24-2005, 05:44 PM

نادية عثمان

تاريخ التسجيل: 11-26-2004
مجموع المشاركات: 13808

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كنت عايز اقول شنو......... !! (Re: saadeldin abdelrahman)

    Quote: ما تخلوني أهضرب براي متل الرامي جمل



    حتى انت يابروتس ؟!!
                   |Articles |News |مقالات |بيانات

12-25-2005, 02:50 AM

nazar hussien

تاريخ التسجيل: 09-04-2002
مجموع المشاركات: 10092

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كنت عايز اقول شنو......... !! (Re: نادية عثمان)

    يا صديقي ود عقيد...

    الكلمة مسئولية وتحتاج لميزان ما اختلفنا....ولكن
    ما تنسي ...اين ومتي تقول هذه الكلمة...؟

    ما زمان القدال قال:

    اقول الكلام البحرّق حشايا...

    وأبيت الكلام المغتغت وفاضي وخمج...

    وما بين القول والرفض مساحة ايضا للبوح...


    فأنت لن تجد من يوازي فهمك ويطابقه...والا لأمتلأت الدنيا
    أبناء عقيد...فأسعي دائما للمقاربة...وأكتب وجهة نظرك
    أو رأيك أو تعليقك ...أو قصتك أو دوبيتك....وستجد أناس
    كثيرين مستمتعين لما تكتب وآخرين متفرجين...وقليلين...لهم
    رأي مخالف أو لا يعجبهم هذا الاسلوب في الكتابة...والجمل
    الذي تزعم انه راميك ماشي في مشيه...
                   |Articles |News |مقالات |بيانات

12-25-2005, 03:23 AM

أبوشيبة


للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كنت عايز اقول شنو......... !! (Re: nazar hussien)

    العزيز ود عقيد

    أنخت مطيتي بهذا البوست لأحييك وأحيي الأخ عادل والأخ حسن البشاري ...
    زميل دراسة سابق ... الآن راحل مقيم بصقع بدوي .
                   |Articles |News |مقالات |بيانات

12-25-2005, 07:55 AM

عبد الله عقيد
<aعبد الله عقيد
تاريخ التسجيل: 09-20-2005
مجموع المشاركات: 3728

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كنت عايز اقول شنو......... !! (Re: أبوشيبة)

    أبو السعود
    Quote: ما احنا راجينك توجهناو تحصرنا في نقـطه نقطتين بعد
    ما عرفت انو فى كلام كتير مفروض يتقال..

    ياخوي امسك من طرف، ولو في نقطة غير ديل جيبا
    الحكي مفتوح وهناك الكثير في ما طرحت وما لم أذكره
    أكثر..

    يا سعد.. انت هسي بعييييد، بس ورينا شايف شنو
    الزوم بتاع رؤيتك اتساعو كم وكيف..
    في ناس بيبعدوا بس بخلو الزوم صغيّر ويظلو ينظرو
    لنفس المنظر، والرؤية هنا بتكون ضيقة.
    وفي ناس كل ما بعدو كل ما اتسعت عندهم مساحة الرؤية..
    والبعد ما ضروري يكون بي المسافة.. أهم من دا بعد المعرفة
    اتساعها..
    مرة كنت بحضر فيلم اسمو Big Brother واحد بتكلم مع البيغ برازر دا قال
    ليهو السبب شنو الخلاك تكون إنت الزعيم ليه ما أبقى أنا.. قال ليهو السبب
    إنو I’ve got a vision عندو رؤية متسعة شاملة..
    انا يتخيل لي الناس من بدري حاولو يبحثو عن إله لأنهم اكتشفو إنو رؤيتهم
    للأمور محدودة مهما اتسعت، عايزين إله أو زعيم أو رب يكون عندو اطلاع من
    فوق عشان يمسك الخيوط كلها بمعرفة وإدراك ويوزع الأدوار والأقدار وفق
    معرفة واطلاع على كل الجوانب..
    الناس الكبار لو لاحظت ليهم بيتعاملو مع الأمور بي بساطة لأنهم خبروها
    أو جربوها، أو اكتشفوا انها مفروض تحصل وبتتحلّ..

    هسي الهضربة دي لزومة شنو!؟
                   |Articles |News |مقالات |بيانات

12-25-2005, 08:22 AM

عبد الله عقيد
<aعبد الله عقيد
تاريخ التسجيل: 09-20-2005
مجموع المشاركات: 3728

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كنت عايز اقول شنو......... !! (Re: عبد الله عقيد)

    نادية عثمان

    كيف حالك
    وإن شاء الله تكون الزهجة فكت
    شايفك بي غادي تهضربي برضك


    لك التقدير
                   |Articles |News |مقالات |بيانات

12-25-2005, 08:43 AM

عبد الله عقيد
<aعبد الله عقيد
تاريخ التسجيل: 09-20-2005
مجموع المشاركات: 3728

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كنت عايز اقول شنو......... !! (Re: عبد الله عقيد)

    العزيز نزار
    لك التقدير

    أبيت الكلام المغتغت وفاضي وخمج...

    يا سلام عليك وعلي القدال

    كدي يا نزار تابع معاي الأبعاد دي:
    نحنا أتربينا في ريف.. قرية محدودة في أي حاجة
    بس فيها حاجة اكتشفنا بعدين إنو إسمها (الأصالة)
    البعد التاني مدينة قريبة منها، متطورة أكثر ومنفتحة
    أكثر وفيها مساحة أكبر لحرية البوح وحتى الإبداع..
    أبعد شوية.. بتلقى مدينة كبيرة.. أكثر تطورا وانفتاحا
    وبعيييد منها عالم تاني.. فايت مدينتنا دي بي مراحل..

    نحنا مشكلتنا مرقنا من البعد السحيق داك.. من جواهو شاهدنا
    أطراف للعالم دا، سواء القريب ولا البعيد.. قريناهو.. سمعنا بيهو
    بس برضو في حدود.. وجينا اخترقنا المراحل.. بي دهشة واستغراب
    واستهجان ومشاعر وتقييمات كتيرة سالب وموجب..
    لقينا نفسنا طالعين من المولد دا كلو بي (أصالة) أو (رصانة)
    وبالمناسبة ما كلنا طلعنا بيها، جزء مننا..
    من الحاجات البننتقدا.. انو تلقى زول بيقول في كلام كويس بس بقولو
    بي طريقة ما كويسة.. أو سيئة يعني.. جزء (الأصالة) الجوانا دا
    بيرفض الكلام دا.. لانو سيدو ما بيعرف يتكلم، أو لأنو بوظ علينا اللغة
    فصيحة ولا دارجة..
    ناس المدينة إذا اعتبرناهم تيار موازي (اعتباطا) ما فارقا معاهم
    يتكلموا أو يسمعو بي أي طريقة والسلام.. ولو هبشت واحد فيهم قلت ليهو
    عدِّل كلامك دا، أو قولو بالطريقة الفلانية.. بيتجمهروا عليك ويسمعوك
    ستين كلمة فارغة.. ويمكن يتهموك بي الجهل.
    نجي لي نقطة النقاش.. في الحالة دي انت بتسكت.. وفي حالات تانية كتيرة
    بتسكت عليها، أو تعلق لكين تتغاضى عن الأخطاء الإنت شايفا دي.. يجيك
    إحساس إنك ما حارس ويجيك احساس تاني إنو إنت زاتو شنو يعني مِقددا؟!؟
    دا غير الرفض الموضوعي.. دا كمان باب تاني

    ولك المودة
                   |Articles |News |مقالات |بيانات

12-25-2005, 08:56 AM

عبد الله عقيد
<aعبد الله عقيد
تاريخ التسجيل: 09-20-2005
مجموع المشاركات: 3728

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كنت عايز اقول شنو......... !! (Re: عبد الله عقيد)

    الأخ العزيز ابو شيبة
    لك التحية

    ومرحبا بك زميلا في البورد
    أشكر لك المرور والتحية وأرجو أن تنفحنا بما عندك
    فهذا البوست بمثابة مجلس مفتوح..

    أكرر ترحيبي بك وأحيي معك الأحباب عادل والبشاري
                   |Articles |News |مقالات |بيانات

12-25-2005, 03:51 AM

Mohamed Abdelgaleel
<aMohamed Abdelgaleel
تاريخ التسجيل: 07-04-2005
مجموع المشاركات: 10407

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كنت عايز اقول شنو......... !! (Re: عبد الله عقيد)

    الاخ ود عقيد .. تحياتي .. تحياتي

    كنت أقرا في مجلة مصرية ..آخر صفحة يكتبها كاتب ساخر .. وفي إحدى المرات قال هاتين الطرفتين:

    1) نصف البشر مخلوقين من طين .. والنصف الآخر .. أيضاً
    2) الكلام نوعين ..كلام فارغ وكلام مليان كلام فارغ ..

    آمل ألا تكون قد رأيت حال المكتوب في المنبر كما الفقرة (1)..

    كان الكبت السياسي .. يجعل كل فرد فينا يشعر أنه يملك حكمة تؤهله لحل كل مشاكل هذا البلد المنكود .. فما أن أتاح لنا هذا المنبر .. حرية لا تحدها إلا الشجاعة .. أنبهمت السبل وتراجعت الحكمة ..

    أما موضوع تشاد - السودان فهو موضوع قديم .. بدأ في مطلع الستينات .. لكن طرفي النزاع غير راغبين في حرب لا يملكان لها أدنى مقومات الحرب .. وظني أنهاتكتيات تتعلق بالتفاوض الجاري بين الجماعات المسلحة والحكومة .. وقسمة السلطة والثروة وتعلم أن السودان وتشاد قريبتان مترابطتان تؤثران في بعضها بشرا واقتصادا .

    أما بؤس المنبر فهو إنعكاس لبؤس الحال العام .. الذي وصفت به واقع السودان .. وفي رجاك .. مع السلامة .
                   |Articles |News |مقالات |بيانات

12-25-2005, 06:53 AM

Tumadir
<aTumadir
تاريخ التسجيل: 05-23-2002
مجموع المشاركات: 14699

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كنت عايز اقول شنو......... !! (Re: Mohamed Abdelgaleel)

    Quote: أو الحملة المنظمة الأيام دي ضد عادة ختان الإناث.. وتجربتي
    الشخصية مع العديد من الأهل والأصدقاء بمحاولة أقناعهم بترك
    بناتهم دون ختان، وما شهدته من تعنت شديد لدى النساء إلى درجة
    تنفيذ هذا الأمر دون علم (الرجال) الأب والإخوان..


    عبد الله عقيد

    كلامك ده تجى تقولو فى القسم هناك

    ههههههههههه

    مالو لو جيتنا فى مؤامرة الجسد؟؟

    وجبت ضيوفك معاك؟؟

    "نزار حسين ده كمان داير ليه عزومة"؟؟


    تحيييييييييييييييياتى الشديداتى

    واملى ان اراك هناك "فى القسم"

    مؤامرة الجســــــــــد
                   |Articles |News |مقالات |بيانات

12-25-2005, 07:23 AM

عبد الله عقيد
<aعبد الله عقيد
تاريخ التسجيل: 09-20-2005
مجموع المشاركات: 3728

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كنت عايز اقول شنو......... !! (Re: Mohamed Abdelgaleel)

    أخي محمد عبد الجليل
    لك التحية

    كان الكبت السياسي .. يجعل كل فرد فينا يشعر أنه يملك حكمة تؤهله لحل كل مشاكل هذا البلد المنكود

    يمكن، الكبت السياسي يكون سبب، المهم انا بتفق معاك في إننا كلنا نشعر بأننا نمتلك الحكمة لحل كل المشاكل.. وكل ما تجي فرصا عشان نطبق حكمتنا دي نلقاها فالصو..
    الغريبة إننا نصر بعد فوات الأوان إنو كان لدينا الحل، وتعود الفرصة وتفشل التجربة.
    بفوت علينا دايما إنو الصمت والاستماع والتفكير والتدبر حكمة، وبفوت علينا إنو الشي
    الفي راسنا دا، قطع شك ما كامل ومفروض نطرحو عسان ينتم. عشان كدا بنواصل حوار الطُرُش.

    مثلا.. لو الناس عايزين يبحثو عن حل لمشكلة معينة، بيعملو اجتماع أو مؤتمر أو..
    في الاجتماع دا، كل زول بيطرح العندو والتاني بيرفض أو يقبل، ويمكن الناس يطلعو بدون
    حل، بس المهم اجتمعوا واتفاكرو واكتشفو أراء بعضهم البعض..
    بس نحن عندنا ابتكار خاص، بنرفض قيام الاجتماع، أو المؤتمر، من أساسو.. لأنو ما ح يجيب حل، ما ح يقدم ولا يأخر.. مافي داعي ليه.. تصدق الكلام دا.. !!

    Quote: أما موضوع تشاد - السودان فهو موضوع قديم .. بدأ في مطلع الستينات .. لكن طرفي النزاع غير راغبين في حرب لا يملكان لها أدنى مقومات الحرب .. وظني أنهاتكتيات


    موضوع تشاد دا لسا فيهو راس خيت رايح علينا يا محمد، لو قدرنا وضعنا أفكارنا مع بعض وبحثنا عن مفاتيح يمكن نعرف الحاصل شنو.. أرجو أن تعود لمناقشة أوسع.
                   |Articles |News |مقالات |بيانات

12-25-2005, 09:05 AM

نادية عثمان

تاريخ التسجيل: 11-26-2004
مجموع المشاركات: 13808

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كنت عايز اقول شنو......... !! (Re: عبد الله عقيد)

    انت تشاد دى بى جدها يعنى ؟؟!!!!!!!!
                   |Articles |News |مقالات |بيانات

12-25-2005, 10:36 AM

عبد الله عقيد
<aعبد الله عقيد
تاريخ التسجيل: 09-20-2005
مجموع المشاركات: 3728

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كنت عايز اقول شنو......... !! (Re: نادية عثمان)

    بالله يا نادية ساعديني في الترحيب بالزولة المبدعة الجات زارتنا دي

    تماضر
    حبابك عشرة
    وشكرا كثيرا لهذه الزيارة

    مشينا بي غادي ووقعنا
    وبصمنا بي العشرة رفضا لهذه الممارسة البشعة
    ولك الشكر على إثارة هذا الموضوع الهام
    والشكر لكل من أثاره في الأيام الفائتة

    وبعدين يا نادية تشاد انا محيراني والله

    ربك يهوِّن
                   |Articles |News |مقالات |بيانات

12-25-2005, 11:51 AM

نادية عثمان

تاريخ التسجيل: 11-26-2004
مجموع المشاركات: 13808

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كنت عايز اقول شنو......... !! (Re: عبد الله عقيد)

    تماضر يت شيخ الدين ستنا وتاج راسنا وتستاهل الترحيب والله


    ام سرين حبابها الغالية جد وحنونة

    نخلة من الشمال سامقة وكمان عرجونة

    المنبر يمين قاسى ومسيخ من دونها

    بحب طلة وجيها وطيبة مالية عيونها !!
                   |Articles |News |مقالات |بيانات

12-26-2005, 07:00 AM

عبد الله عقيد
<aعبد الله عقيد
تاريخ التسجيل: 09-20-2005
مجموع المشاركات: 3728

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كنت عايز اقول شنو......... !! (Re: نادية عثمان)

    دي بت بلدي المأصلة بالعفاف مصيونة
    ست عزّة وفخار لِي فارغة لِي مهيونة
    جميلة وزوقا عالي وفي الملمة حنونة
    وعندها ود اعم فارسا بيملا عيونا
                   |Articles |News |مقالات |بيانات

12-26-2005, 10:09 AM

عبد الله عقيد
<aعبد الله عقيد
تاريخ التسجيل: 09-20-2005
مجموع المشاركات: 3728

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كنت عايز اقول شنو......... !! (Re: عبد الله عقيد)

    افتقد منصور
                   |Articles |News |مقالات |بيانات

12-26-2005, 01:04 PM

عبد الله عقيد
<aعبد الله عقيد
تاريخ التسجيل: 09-20-2005
مجموع المشاركات: 3728

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كنت عايز اقول شنو......... !! (Re: عبد الله عقيد)

    سجيمان عندو سياسة كويسة لي رفع البوست
    بيرد على الناس حتة حتة يعني في اليوم يرد علي نفرين تلاتة
    عشان لمن تجي قطعة زي دي من المداخلات يترفع البوست بردودو
    للآخرين..
    سجيمان طبعا زول مبدع وعندو جماهير وما بيزعلو منو
    عشان كدا بستنو الرد إن شاء الله لو جا بعد شهر..

    بس ناس قريعتي راحت الزيي ديل لو الواحد خليتو لا باكر
    بتخاف يزعل.. عشان كدي بقوم تراخ تراخ ارد علي الناس
    كلهم فد مرة .. واقعد اتمحن.. وهاك يا up و.. فوق..
    ومرة نقاط ساكت كدي ........

    رغمو انو لمن ابدا البوست بكون عندي باقي كلام في راسي عايز اقولو
    بس مع الردود والمداخلات بنسي إنو كنت عايز اقول شنو!!

    اها دي ترا مشيناها
    المرة الجاية حا تكون up
                   |Articles |News |مقالات |بيانات

12-26-2005, 02:00 PM

عبد الله عقيد
<aعبد الله عقيد
تاريخ التسجيل: 09-20-2005
مجموع المشاركات: 3728

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كنت عايز اقول شنو......... !! (Re: عبد الله عقيد)

    القاع .. القاع .. يا بتاع
                   |Articles |News |مقالات |بيانات

12-26-2005, 02:56 PM

عاطف عمر
<aعاطف عمر
تاريخ التسجيل: 11-26-2004
مجموع المشاركات: 10945

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كنت عايز اقول شنو......... !! (Re: عبد الله عقيد)

    كثيراً ما تطرقت لكون هذا المنبر يضم نخبة كبيرة من مثقفي ومتعلمي بلادي ، وأنهم متقدمون تكنولوجياً، وأنهم مرتاحون ( نسبيا ً) مالياً وزمنياً للحد الذي يتيح لهم الجلوس والقراءة والتداخل . يصح بكل المقاييس أن نقول أنهم برلمان لمتعلمي السودان .
    لكنك عندما تتصفح المكتوب تسأل نفسك لماذا كل هذا التنابذ والتشاحن و فيم ؟؟؟
    - أسماء كبيرة في تخصصاتها تفرح وأنت ترى أسماءها تزين المنتدى وتدبج البوستات ادخل واقرأ وقل لي بربك ماذا أضاف لك البوست ؟؟
    - بعض يمتلك ناصية الكلم والعبارة ، يوظفها في فاحش الكلمة وبذئ القول .
    - استقطاب حاد وتهم جاهزة واغتيال معنوي للشخصية لكل من اختلف معك في رأي أو حتى في تفصيلة من التفاصيل .
    - بعض أدمن المرور والتصفح ولو من مقاعد الزوار وكثير قنع من الغنيمة بالإنصراف لما يراه أهم .

    أسائل نفسي هل نحن أصلاً هكذا فسلط الله علينا بذنوبنا من لم يخافه ولم يرحمنا وشتتنا هكذا ؟؟ أم أن هذا التشتت هو الذي أورثنا كل هذا التناحر ؟؟؟
    وأسائل نفسي كذلك كيف سينصلح حال السودان إذا كانت اختلافات مثقفيه الحادة هي في المواضيع التي نراها في الصفحة الأولى للمنبر .

    ود عقيد

    تحياتي واحترامي وسلامي
    و

    ما تطول الغيبة
                   |Articles |News |مقالات |بيانات

12-26-2005, 03:37 PM

معاذ منصور
<aمعاذ منصور
تاريخ التسجيل: 11-21-2005
مجموع المشاركات: 437

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كنت عايز اقول شنو......... !! (Re: عاطف عمر)

    عودا حميد ود عقيد
    وكل سنة وانت بخير والتهنئة لك باعياد الاستقلال المجيد
    حكمة السكوت من ذهب ما عادت مواكبة فى هذا الزمن القاسى
    زمن الغاب الذى ان لم تكن فيه ذئبا اكلتك ذئابهم
    لتتكلم وتصرخ حتى يسمع الاخر غصبا عن انفه
    لاتطول الغيبات المنبر فى حاجة لك ولامثالك
    دمت مع محبتنا
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de