دعواتكم لزميلنا المفكر د.الباقر العفيف بالشفاء العاجل
|
|
 فَرَضيّات أبو الهموم.. المُهمّش الاستعلائي..!!
|
مررت في طريقي على صديقي أبو الهموم.
ورغم الصورة المحفوظة عن ظهر قلب لوجه أبو الهموم الذي يجعلك تموت هما، إلا أنني لاحظت أنه مهموما أكثر مما يجب هذه المرة. دخل في الموضوع وكأنه كان يتحدث إلي قبل وصولي:
- اسمع هسي زيّي أنا مثلا.. حله يكون كيف؟ هسي نحن نطير وين يعني؟
يعني عندك مثلا أنا زول استعلائي.. أيوة.. يعني.. دقيقة.. أوريك..
أنا من حيث القبيلة والجنس والمنطقة وكدا.. زول استعلائي.. صاح ولا ماصاح؟!
طيّب.
أنا هسي دي مهمّش ولا ما مهمّش!
مهمّش صاح؟ أي والله مهمّش..
ياخي أنا.. كدي عاين لي حالتي دي.. دي حالة زول استعلائي.. ما تقول لي بتاع وهناي..
أنا زول مهمش، وفي نفس الوكت زول بتاع.. أقصد هناي..
.. يعني هسي الحكومة ماسكنها الاستعلائيين، وأنا حقي رايح!
وبعدين لمن يمسكوها المهمشين!.. باقيلك حا يحصل شنو؟!
.. ياخي ديل ناس زعلانين ومحروقين وما حا يعاينو لي أي حاجة..
بس يمسكوك من اضانك ويقولو ليك إنت من وين؟ جنسك شنو؟ ويلمو فيك لبِع!؟
.. يا زول دا الحا يحصل.. أنا متأكد.. لكين بس ما عارف أحلها كيف!!
.. لا لا.. أنا ديل الماسكينها هسي ديل ما دايرم.. ما أنا هسي ما لاقي حاجة.
لكين كمان ديك لو جو برضو ما حا ألقى حاجة! دي أنا قاطع شكّها تب.
بس وريني يحلوها كيف!!؟؟
دي وقعة زي الطين
واصلت سيري، وأنا أردد.. ياخي دا زول فاكة منو ساكت.
|
|
 
|
|
|
|
|
|
|
|
Re: فَرَضيّات أبو الهموم.. المُهمّش الاستعلائي..!! (Re: Abdulla Ageed)
|
وما بين المستعلي متشبثاً بإمتيازاته
و صوت الهامش القادم ـ أنتمي للهامش
ـ يضيع أبوالهموم العادي الباحث عن
موضع لهمومه وآماله في قيام دولة
القانون و المساواة بين الأفراد بغض
النظر عن المنحدر الإجتماعي في معناه
الأوسع
شدتني زاوية نظرك للأشياء في بلدي
ولهذا جئت محيياً و معلقاً ياشقيقي
عبد الله عقيد
| |
|
|
|
|
|
|
|
|
|
Re: فَرَضيّات أبو الهموم.. المُهمّش الاستعلائي..!! (Re: Abdulla Ageed)
|
عبد الله عقيد
التهميش والإستعلاء حالات ثقافية وليست جغرافية، أنظر للبيض في الؤتمر الوطني الأفريقي، وأنظ للذين حملوا السلاح ودعموا المعارضة المسلحة ففيهم من هم محسوبون على قمة الهرم الاجتماعى وفيهم من هم محسوبون على أدناه. والفيصل كله أن تنقي قلبك من العنصرية، وتدافع عن الحق وعن الإنسان، أو تفعل العكس وتكون استعلائي حتى ولو كنت دينكاوي أو فوراوي، فالمسألة مسألة سلوك ونظرة للعالم.
فطمئن أبو الهموم، وقول ليهو إنت مشكلتك إنو تنتهي العنصرية، لأنو الناس لو خلو العنصرية والإستعلاء حيرجعوا حقوق المهمشين أينما كانوا.
الصادق
| |
|
|
|
|
|
|
|
|
|
Re: فَرَضيّات أبو الهموم.. المُهمّش الاستعلائي..!! (Re: Abdulla Ageed)
|
الأخ عبدالله
نحن عارفين إنو ابو الهموم دا ما إنت عشان كدة نحن كتبنا وقلنا:
فطمئن أبو الهموم، وقول ليهو إنت مشكلتك إنو تنتهي العنصرية، لأنو الناس لو خلو العنصرية والإستعلاء حيرجعوا حقوق المهمشين أينما كانوا.
يعني نفهم من كلامك دا إنت ما داير توصل رسالتنا لا أبو الهموم ولا شنو، ياخ (من فرج كربة ...إلخ)
الصادق
| |
|
|
|
|
|
|
| |
Abdulla Ageed
Osman M Salih
الصادق اسماعيل
فيس بوك
تويتر
انستقرام
يوتيوب
بنتيريست