دعواتكم لزميلنا المفكر د.الباقر العفيف بالشفاء العاجل
|
|
 بالصورة والقلم.. افطار بورداب الرياض وليلتهم البهيّة
|
سبقتنا الأخت الزميلة عزاز شامي إلى وصف ليلة الخميس 11 رمضان
والاحتفال البهيج الذي أعقب الإفطار الذي استضاف مجموعة من الفعاليات
السودانية بالرياض إلى جانب البورداب من الرياض والشرقية..
فقد شرف الإفطار سعادة القنصل بسفارة السودان بالرياض والمستشار
الثقافي للسفارة، والأمين العام للملتقى الثقافي الرياضي
كما حضره الرئيس المناوب لرابطة الصاليحة الرياضية
ومجموعة من أقطاب رابطة الصالحية، وحضره كذلك ممثلون لجمعة الصحفيين
السودانيين بالسعودية، وقادة رابطة أبناء كرمة البلد بالرياض.
وفئات أخرى من المجتمع السوداني بالرياض سنأتي على ذكرهم تباعا..
فلهم جميعا وافر شكرنا وتقديرنا...
احمد حنين جد القنصل
عقب الإفطار ابتدأ الحفل الخطابي الذي قدم له الأخ اسماعيل وراق
حيث تُلي القرآن الكريم ثم تم تقديم كلمة السيد رئيس رابطة بورداب
الرياض ود الباوقة.. الذي أعقبه الخالود قاسم
في كلمة مهد فيها لحديث القنصل العام للسفارة الأستاذ
احمد يوسف..
وتطرق القنصل لما يدور في البورد (سودانيز أون لاين) من نقاش حول
أداء السفارة بعد أن شكر بورداب الرياض لحرصهم على تناول هموم
الوطن والمواطن بالداخل والخارج واهتمامهم بشئون المغتربين
وأكد أن كل ما يطرح يتم الاطلاع عليه ومناقشته وأنه يشرف شخصيا
على طرح جميع الأفكار التي ترد من البورداب على الجهات العليافي الخارجية
وتطرق لإشكال تكوين جالية الرياض وحول الصعوبات التي تقابلهم
تطرق إلى طرفة قال فيها إن جدا له كان يحب المعاكسة، وبعد أن فرغ
من رواية الطرفة قال له الزميل احمد حنين "جدك دا جابدني!؟".
نواصل..
|
|
 
|
|
|
|
|
|
|
|
Re: بالصورة والقلم.. افطار بورداب الرياض وليلتهم البهيّة (Re: عبد الله عقيد)
|
Quote: شاركت عدة فعاليات ، على رأسها سفارتنا بالرياض ممثلة بالقنصل العام والمستشار الثقافي ، وكان معنا الملتقى السوداني ممثلا بالأستاذ عبد القادر علي عبد الرحيم ، وكانت معنا رابطة الصالحية الرياضية حاضرة في شخص نائب الرئيس المهندس عبد المنعم عمر والقطب مصطفى عثمان وأزهري وداعة غير أعضاء الصالحية المنضوين تحت بورداب الرياض ، وجمعية الصحفيين السودانيين بالمملكة ممثلة بالأستاذ الفاضل الهواري ، وجمعية المسرح ممثلة في الأستاذ محمد حميدة وعبد اللطيف المقدم ، وشاركتنا رابطة كرمة البلد ممثلة برئيسها سمير عبد المطلب وعدد من الأعضاء ..
وقدمت الإبنة عزاز شامي ورقة جادة عن المرأة السودانية بالسعودية عرضت فيها قضايا نسائنا وطرحت عددا من المحاور والمداخل ، وأبانت أن العمل وحده هو الذي يقودنا إلى حل هذه المعضلة ودعت للتكاتف من أجل إنصاف المرأة السودانية في المهجر ... |
ود قاسم
| |
|
|
|
|
|
|
|
|
|
Re: بالصورة والقلم.. افطار بورداب الرياض وليلتهم البهيّة (Re: ود الباوقة)
|
Quote: عزاز
في أول خطوة للخروج من الابواب الموصدة أصدر الريس ودالباوقة مرسوم رقم 2 بتعينكم أمين لشئون المراة 0 (بورداب ) 0 |
فعلا صدر القرار رقم (2 ) بتعيين الاخت عزاز شامي امين شؤون المرأة .. نرجو انفاذ ماورد بالقرار فورا ..
قرار رقم ( 3 ) بتعيين السيد ادم الهلباوي مستشارا للامين العام للشؤون الاجتماعية نرجو انفاذ ما ورد بالقرار فورا ....
في الحادي عشر من رمضان 1426 هـ
ود الباوقة
| |
|
|
|
|
|
|
|
|
|
Re: بالصورة والقلم.. افطار بورداب الرياض وليلتهم البهيّة (Re: عبد الله عقيد)
|
الليلة كانت جميلة جد يا ود عقيد..
كالعادة جاالقنصل وونسنا وضحكنا وفات خلانا ...
حنبكي بعدين لامن نجي نجدد الجواز..وندفع المساهمة..
انحنا نجيب القنصل ونضحكو ..وهو يجيبنا هناك يبيكنا..
ما قصرنا والله..
غايتو يا ود عقيد الزول ده يا حبوب شديد يا داهية ..
والاتنين ما بخارجو معانا ..
كان حبوب ما بقدر على الكيزان ..وكان داهية بودرنا..
ونحنا في روحنا ودرانين وما بوست ود قاسم بتاع الطعنة الاخرى وموتمر المغتربين ببعيد..
يا ريس
| Quote: فعلا صدر القرار رقم (2 ) بتعيين الاخت عزاز شامي امين شؤون المرأة .. نرجو انفاذ ماورد بالقرار فورا .. |
ياخي هم كلهم بتين عاملين ليهم امانة ..
ادوني تلفوناتم وانا القوي الامين ..
عُــــزاز دي مسكوها امانة شؤون النسايم ..
| |
|
|
|
|
|
|
|
|
|
Re: بالصورة والقلم.. افطار بورداب الرياض وليلتهم البهيّة (Re: DKEEN)
|
Quote:
غايتو يا ود عقيد الزول ده يا حبوب شديد يا داهية ..
|
غايتو يا دكين حسب تجربتي معاهو أعتقد أنه راجل حبوب وحبوب شديد وبيني وبينك أنا الفار لعب في عبي بالرغم من أنه خدمني خدمة كبيرة دون أن يكون بيني وبينه أي معرفة وأجزم أنه لو قرأ هذه المداخلة لن يعرف من هذا الذي خدمه لأنه حتى هذه اللحظات لا يعرف شخصيتي أبداً.
طبعاً سألت عنه وعرفت أنه من أهل الخارجية وليس من أولائل الذين يأخذون إجازة في الجنوب ثم يعينون في الخارجية ويرسلون للسفارات الدسمة زي ناساً قاعدين معانا في الرياض دي بس ما في داعي للنبش الله يستر علينا وعليهم ..
الأستاذ أحمد يوسف دخلت عليه مرتين في مشكلتين سببوهم لي ناس جهاد قريعتي راحت وجنته العمل بالسفارات... وبصراحة الرجل حل المشكلتين وفوراً وبمرونة منقطعة النظير.
وبعدين يا دكين يا أخوي في المسابقة تغلبك حرمه الله يخ.....
بس بيني وبينك كان كنت مكانك كت اتغلب مليون مرة...
الشايقي
| |
|
|
|
|
|
|
|
|
|
Re: بالصورة والقلم.. افطار بورداب الرياض وليلتهم البهيّة (Re: Al-Shaygi)
|
الشايقي ..
الاداك بالكوريك يدينا بي المعلقة..
انا ماعارف انا بالذات ليه الناس دي ما قاعدة تخدمني بالرغم من شكلي البائس ده..
كل سنة لازم اموري تصل حدها واستنفذ اخر خيار متاح..
عموما الراجل في لقاء سابق في بيت ناس ابو جهينة قال حيحاول يحلل بعض المستعصيات ..
وجانا اليوم داك والمستعصيات ذادت مستعصاًاخر..
من الواضح انو الدلائل تشير الى انه من اهل الدهاء وحلو الحديث ..
والله يكضب الشينة..
من ناحية اخرى..
| Quote: بس بيني وبينك كان كنت مكانك كت اتغلب مليون مرة... |
تعجبني يا اب ذوق رفيع انتا ..
| |
|
|
|
|
|
|
|
|
 Re: بالصورة والقلم.. افطار بورداب الرياض وليلتهم البهيّة (Re: عبد الله عقيد)
|
عبد الله عقيد
تحياتي يا استاذ
هو الجماعة ادونا فرصة ،، ما قاموا فيني زي كلاب لهب
انأ سالت القنصل قائلا
سعادتك كنت قد التقيت بنا من قبل 6 اشهر وتم عرض جميع المشاكل
وقد وعدت بالمساعدة في الحل او المحاولة لعرض المشاكل لجهات اعلي
وكنت قد وعدتنا بأنك سوف تحضر مؤتمر المغتربين السابق ولم تفعل
رغم انو المؤتمر دا ما بمثلنا ومافي زول مننا هنا اختار ممثل
وبرضو قلت ليهو
في ناس عندنا في البورد هنا بكسروا تلج للسفارة
لكن انا بقول ان سعادة القنصل راجل ظريف ووناس
تعرف يا عبدالله
طوالي قام رد علي اخونا اسماعيل وراق تقول انا سألتو هو
وانا طبعا اتقهمت وقلتا الزول دا مالو
وبجيك تاني اواصل حكاية جد القنصل دي
| |
|
|
|
|
|
|
|
|
|
Re: بالصورة والقلم.. افطار بورداب الرياض وليلتهم البهيّة (Re: عبد الله عقيد)
|
تحياتي ناس الرياض الحلوين .. 
طبعا كان خميس يسجل في التاريخ ولسة اثارة باقية في النفس
كدي من اسة فكروا في رحلة جماعية للشرقية في العيد
يا عبدالله انا خليت ليك الامر دا ووريني النتيجة بالله ..
احقاقا للحق لا يزال فلم الامسية ( فيديو ) معي ولم اجد من يوصلة الي الرياض
لكن احتمال كبير غد الجمعة يكون معكم ..
لكم الحب
| |
|
|
|
|
|
|
|
|
|
Re: بالصورة والقلم.. افطار بورداب الرياض وليلتهم البهيّة (Re: 3mk-Tango)
|
عمك تنقو
ازيك ياخي
انا شخصيا كنت سعيد بلقائك
وأنت من القلائل الذين عرفتهم (دون تعريف)
Quote: كدي من اسة فكروا في رحلة جماعية للشرقية في العيد
يا عبدالله انا خليت ليك الامر دا ووريني النتيجة بالله .. |
موافق.. على الفكرة.. وموافق على (التكليف)
وإن شاء الله تتحقق.. خاصة وأن الأخوان (فاتوني) في الرحلة
السابقة..
بس ياخي ما دام الفيديو عندك ما تنزل لينا منو مقعط هنا
حتو لو (صوتي).. إن أمكن
ولك التقدير
| |
|
|
|
|
|
|
|
|
|
Re: بالصورة والقلم.. افطار بورداب الرياض وليلتهم البهيّة (Re: عبد الله عقيد)
|
عبد الله عقيد
تحياتي يا راجل يا جميل ، حقيقة سعدت أيما سعادة بمعرفتك ومعرفة الإخوة الجدد من بورداب الرياض
وبعدين يا أخي اتصلت عليك اكتر من مرة وأنت ما بترد حتى راجع محمولك الرقم يبدأ
(03 ) مفتاح الشرقية.
| Quote: الصور تحت المعالجة |
أسي الصور دي مش ياها الكانت في بوست عزاز ذاتها؟؟؟ وينها المعالجة؟؟؟ شوف الجماعة ديل يا إما حاقرين بيك يا إما حاقرين باللجنة، طبعاً قبل انضمام اختنا عزاز للجنة وما كان صدور القرار من رئيس اللجنة بتعيينها ضمن أعضاء اللجنة إلا لحكمة في نفسه حتى لا يستهون العامة بعموم ولاة الأمر
Quote: فعلا صدر القرار رقم (2 ) بتعيين الاخت عزاز شامي امين شؤون المرأة .. نرجو انفاذ ماورد بالقرار فورا ..
قرار رقم ( 3 ) بتعيين السيد ادم الهلباوي مستشارا للامين العام للشؤون الاجتماعية نرجو انفاذ ما ورد بالقرار فورا ....
في الحادي عشر من رمضان 1426 هـ
|
الرئيس دا قراراتو كترت وشوف عيني الرئيس البتكتر قراراتو بركبوهوا التونسية سرعة وخصوصا القرارت الما بتعجب ناس أبو جهل ذي حقوق المرأة وتحرير المرأة والانوثنة ( دي جاية من السعودة ) .... الم يصدر قرار بتعيين امين شئون التأصيل بعد؟؟؟ رايكم شنو نديكم خيارات؟؟؟
تمبس ومعتصم وتنقو ما تبطلوا حركاتكم دي وتنزلوا الصور
| |
|
|
|
|
|
|
|
|
 Re: بالصورة والقلم.. افطار بورداب الرياض وليلتهم البهيّة (Re: Badri)
|
Quote: أسي الصور دي مش ياها الكانت في بوست عزاز ذاتها؟؟؟ وينها المعالجة؟؟؟ شوف الجماعة ديل يا إما حاقرين بيك يا إما حاقرين باللجنة، طبعاً قبل انضمام اختنا عزاز للجنة وما كان صدور القرار من رئيس اللجنة بتعيينها ضمن أعضاء اللجنة إلا لحكمة في نفسه حتى لا يستهون العامة بعموم ولاة الأمر
|
أخوي بدري مساءك ورد ...
انت ما تكون محضر خير يا ود امي ! مالك داير تجيب لي هوا وكتاحات! الصور اللي في بوست ود عقيد اصفى واحلى واسمح من الصور اللي في البوست بتاع جانبنا والناس زاتها نايرة في الصور اللي هنا، الصور اللي بهناك كانت من طرف الدولاب وما بنفس الجودة ....
تصدق، بعد كلامك ديه وفتح جبهات القتال والفرقة قلت لروحي يا ريت كنت شففتك من أول المسابقة
ارقد عافية
| |
|
|
|
|
|
|
| |
عبد الله عقيد
معتصم دفع الله
Al-Shaygi
ahmed haneen
A.Razek Althalib
Mohamed Elbashir
Habib_bldo
Mohamed Abdelgaleel
ودقاسم
ابو جهينة
محمد عكاشة
حمد فتح الرحمن
abuguta
waleedi399
Badri
عنيده
ادم الهلباوى
Elmosley
فيس بوك
تويتر
انستقرام
يوتيوب
بنتيريست