|
دعواتكم لزميلنا المفكر د.الباقر العفيف بالشفاء العاجل
|
|
 Re: هل هناك حريّة رأي في موزمبيق؟ (Re: Sana Khalid)
|
Quote:
اها... في حرية ولا نمشي تم المحشي ده؟
|
Quote:
أريتك كان قريبة.. كان اتفشيت معاك.. في القرقرة..
|
لووووووووب
انا اسمي مكتوب!؟
لا كان كدا خيارة ما تعتر ليكن .. قرقرن ساااي
المافي شنو؟
اوع تجاوبن و تقولوا حرية؟
الحرية دايرين بيها شنو .. ما هدا مقرقرين تمام التمام ..
تصدق لكن بعدد اتنين خيار :
- الخيار الاول : تقبل الوضع دا على ما هو عليه ( الاستيطص كو ) .. كـ ديفاكتو.
- يا نشيل العدة كمان!؟ .. اوع تقولوا " ثم انا معنديش تلفون .. اكلم مين يا حاااسرة!! ..
انتو ح تفهمو اكتر من حكومة موزبيق الديموقراطية الرشيدة!!؟
اهن ..
الخيار عندكن ..
اوروه .. او اقول ليكن قولة :
خللوه .. و احشوه
المافي شنو؟
| |
 
|
|
|
|
|
|
|
|
Re: هل هناك حريّة رأي في موزمبيق؟ (Re: قيقراوي)
|
| Quote: اها... في حرية ولا نمشي تم المحشي ده؟ |
تمي المحشي أمي ... تميهو.
عندك (بنضورة) و(فلفلية) والا نجيب ليك؟
غايتو بوستينك ده لو ختى الجماعة البيفكو التشفير ديل .... بياخد ليهو تاني لفّتين.
| |
|
|
|
|
|
|
|
|
|
Re: هل هناك حريّة رأي في موزمبيق؟ (Re: قيقراوي)
|
قيقراوي... انا شاكه انك طابور خامس برضه... بوستك بايت من امس ما تهبش....
انا جيت لقيتهم (كنسوا) الحوش ورشّوه.. وفرّشوا الملايات، ولا واحد من بوستاتي من لقيته... والنصحية كسّلت أمشي الصفحة التانية... مافي زول يمشي ينكتهم لي يقول هديل قاعدين!
| |
|
|
|
|
|
|
|
|
|
Re: هل هناك حريّة رأي في موزمبيق؟ (Re: مريم بنت الحسين)
|
| Quote: انا جيت لقيتهم (كنسوا) الحوش ورشّوه.. وفرّشوا الملايات، ولا واحد من بوستاتي من لقيته... والنصحية كسّلت أمشي الصفحة التانية... مافي زول يمشي ينكتهم لي يقول هديل قاعدين! |
لا اطمنك يا ستي
في قمة العصرة قد شهدت المجزرة
" اقوال شاهد اثبات " ا
امني خالص .. و ختي في بطنك بطيخة صيفي
كلو موثق و موجود ليوم حساب
و الحساب ولد و بت
-------
انتو بمناسبة البطيخ دي ..
ما بنفع محشي هو؟
جرناهو بالجبنة .. لكن صراحة كدا مع اللحمة المفرومة و الرز بكون خطيييير
| |
|
|
|
|
|
|
|
|
|
Re: هل هناك حريّة رأي في موزمبيق؟ (Re: قيقراوي)
|
البطيخ حسب ميسون النجومي ممكن يتعمل محشي... لكن الله اعلم بتحشيه شنو ههههههههههههههه...
تعرف، في سلطة خطيرة بتاعت بطيخ بالجبنه... ما حصل ضقتها، بس شكلها عجبني شديد.... عاين ليها
| |
|
|
|
|
|
|
|
|
|
Re: هل هناك حريّة رأي في موزمبيق؟ (Re: Elmoiz Abunura)
|
منطق برضه يا Balla... انا غايته لا أيدي لا كراعي، رسلت موضوع للحكومة تنشره... طوالي ادوني التابعية، ما كان عندي أي رغبة أو تفكير اني ادخل... ومن ديك وعيك! حسي بكونوا ندموا!
| Quote: والله يااميرة "البلابتق' قصتك قصه. يعنى سبتى فريق قدام و بقيتى تفتشى فى الحريات عند ناس فريلمو و رينامو |
يا عمّي احنا ما بلابتّق... ديل جيرانّا... والعهده على الوالد أحمد الحسين...كل ما يكاوونا ويقولوا لينا انتو بلابتّق، نقول ليهم ديل الجيران ههههههههههههه
طبعا عشان نشرح... البلابتّق هي وصف لجماعة في رفاعة .. جاية من كلمتين "البلا بتّق"... كناية عن انهم ناس شكّالين... ولو زول هبشهم ما بخلّوه....
والله يا عمّي تجيني في بيتي أعمل ليك أحلى محشي ملفوف....
| |
|
|
|
|
|
|
|
|
|
Re: هل هناك حريّة رأي في موزمبيق؟ (Re: مريم بنت الحسين)
|
عزيزتى مريم
حبوبتك ستنا لها صلة قرابه مع اهلي ال ابونوره, وناس مبارك عوض الكريم,ال ابو قرين وتسمية " البلابتق" اطلقت على اسر الحعليين السعداب
المتضامنين مع بعضعم فى بلدهم الجديده رفاعه و كما ذكرتى
"ولو زول هبشهم ما بخلّوه..." .
لذلك انت أحدي اميرات "البلابتق" مثلك مثل قريباتك عشه بت فاطمه,د. فاطمه
ابونوره,اخلاص على العبيد, منار ابونوره,لهن التحيه إينما كانوا
| |
|
|
|
|
|
|
|
|
|
Re: هل هناك حريّة رأي في موزمبيق؟ (Re: Elmoiz Abunura)
|
هههههههههههه... والله يا عمّي انا قلت جماعه في رفاعه عشان الناس ديل القلتهم كلهم معروفين.... لكن انا بلابتّق ملخبط والله، ما شكّاله (شديد) هههههه
يا حليلها عمّتي عشه والله فاقداها بشكل! دي من الحاجات الفادني بيها المنبر ده، انه خلاني أتعرّف عليها عن قرب بعد ما كنت بسمع بيها سماع...
| |
|
|
|
|
|
|
|
|
 Re: هل هناك حريّة رأي في موزمبيق؟ (Re: مريم بنت الحسين)
|
| Quote: ايدي رسّلت الموضوع عشان ينشر، ما عشان عايز password.. ما تركّز معانا يا دكتور بلّه ياخ! |
يامريم
ذكرتينى السودانيين الكانو فى جدة فى عهد الملك عبد العزيز..
تسأل الواحد ليه أخد التابعية؟
يقول ليك والله اصلها كانوا بوزعوها على الناس فى القهوة فى باب الشريف.
| |
|
|
|
|
|
|
|
|
|
Re: هل هناك حريّة رأي في موزمبيق؟ (Re: Balla Musa)
|
I can't see the analogy!
لكن... ده الحصل... لقيت قصة جميلة عجبتني جداً.. حبيت أعلّق لقيت الاشتراك محصور على الناس "الفنانيين".. وكنت كتبته موضوع لزيز، وقلت خلاص أرسله لسيد المنبر لاني عارفه روحي ولا فنانه ولا يحزنون.. طلع سيد المنبر بكري أبوبكر، البعرفه من نهاية سنة 2000 في رابطة كنت فيها مع عادل عبدالعاطي وناس تانيين اسمها رابطة سوادنيين عبر الانترنت.. بكري عرفني، ورسل لي معلومات دخول.. قمت اتذكرته هو منو.. ونزّلت موضوعي!...
اتغديتو بي شنو الليلة!؟
| |
|
|
|
|
|
|
|
|
|
Re: هل هناك حريّة رأي في موزمبيق؟ (Re: مريم بنت الحسين)
|
Quote:
طبعا عشان نشرح... البلابتّق هي وصف لجماعة في رفاعة .. جاية من كلمتين "البلا بتّق"... كناية عن انهم ناس شكّالين*
|
حباب الشر وين ما بتّق .. تنقد الرهيفة اريتا ما تتلتق
------
* دي انا دا بشهد عليها تب ..
لووووول
| |
|
|
|
|
|
|
|
|
|
Re: هل هناك حريّة رأي في موزمبيق؟ (Re: الطيب شيقوق)
|
والله اوف بوينت بشكل... لكن معلومة المحشي مفيدة ههههههههههه
خليني اديك ملخّص للحاصل... وطبعا هو ما مفهوم من البوست ده من أساسه زاته...
Quote: -عزاز حصلت ليها مشكلة... زول رسّل رسائل لناس كتار من اعضاء البورد، باستخدام اسمها.. جات كتبت بوست توضّح وتخلي مسؤولياتها
2- قووووووووووووووووووم يا بكري أحذف البوست، نزلته تاني، حذفه، وتاني وحذفه... في النهاية استسلم وخلاها...
3- بقت القصة انه احنا بقينا نتساءل معاها، انه ليه ما من حقها تشرح الحاصل وتخلي مسؤوليتها.....
4-تساؤلاتنا بدأها عاطف عابدون... قام بكري شمّعه....
5- جا قمر بوبا قال لي عاطف يتشمّع، قاموا شمّعوا هو كمان
6-جات اميرة قالت ليه عاطف وقمربوبا يتشمّعوا، وسألت في كم بوست واتحذفوا.. وبعداك اتشّمعت هي كمان...
7- بقيت انا وقيقا وسناء خالد ولنا وممدوح وخضر وآخرين بننزل في بوستات عايزين تغيير الحكومة... والقوانين.. وتوفير الحماية لينا كأعضاء.... ولينا يومين على دا الحال... |
ادينا رأيك المهني
| |
|
|
|
|
|
|
|
|
|
Re: هل هناك حريّة رأي في موزمبيق؟ (Re: احمد محمد بشير)
|
Quote: البوسط بتاع (بخصوص بوست .....عزاز) شايف تم حذفه.
الحصل شنو؟ دورت فيهو شكلة ولا كيف؟ مرقت مشوار وجيت لقيتو مافى
غايتو جنس تقايتو. |
أهلا أستاذ أحمد...
بري، ولا شكله ولا يحزنون... هي كده الامور في موزنبيق .. بنتونس في ونستنا... لكن الظاهر فتر من البوست لانه كان ماشي ... انا برضه بوستي بتاع الجمعة مسحوا لي... وجات لنا مهدي كتبت مسح ليها... اها الايام دي، انت تسأل ليه البوست ما اتمسح... حسي انا متوقعه ده زاتو اجي بعد شويه ما ألقاه!
| |
|
|
|
|
|
|
|
|
|
Re: هل هناك حريّة رأي في موزمبيق؟ (Re: Yassir Tayfour)
|
حبابك عشره ياقيقراوي وسط اهلك " البلابتق' فى فريق قدام برفاعة ابوسن.
| Quote: حباب الشر وين ما بتّق .. تنقد الرهيفة اريتا ما تتلتق |
كلماتك هذه تشابهه ما قاله جدنا العوض ابونوره, احد رموز و قادة ' البلابتق' فى زمانه عندما
قدم لرفاعه فى 1905 قادما من بلاد الملكه أمنه فى الصعيد.
| |
|
|
|
|
|
|
|
|
|
Re: هل هناك حريّة رأي في موزمبيق؟ (Re: Elmoiz Abunura)
|
Quote:
كلماتك هذه تشابهه ما قاله جدنا العوض ابونوره, احد رموز و قادة ' البلابتق' فى زمانه عندما
قدم لرفاعه فى 1905 قادما من بلاد الملكه أمنه فى الصعيد.
|
استاذنا ابو نورة
هي ما كلماتي و اظنها الليلت جدكم بس انا صحفتها او صحفتها الروايات المتواترة
انا اهل امي من كريعات ريفي تمبول الريفي رفاعة الليلتكم دي ذاتا
و بتكم بت الحسين دي انديك شمارا ساي
هي الوحيدة في بورد من لا بورد لهو دا الخلتني اقول " الروووووب عديييييل!! "
و دي ما كان مجاز .. كتبت الحروف ذاااااتا و بنفس عدد الواوات و اليايات
دي القصة القالت لي فوق قايلاني نسيتا
يديكم العافية ياخ و الف رحمة و نور على روح جدكم و جدنا العوض ابو نورة
| |
|
|
|
|
|
|
|
|
|
Re: هل هناك حريّة رأي في موزمبيق؟ (Re: صبري طه)
|
صبري طه ... عندي ليك رد على الكتبتو لي في البوست الخاص بالرسائل المزيفة من حسابي
بس بكري ابو بكر - العادل - الحصيف - المؤتمن - الحكيم - قفل خاصية الردود في البوست
يا سلام على الاساليب الملتوية لحرمان الآخرن من حقهم والتظاهر بالعدل!
وعليه ... وده بعد اذن مريومة ردي ليك أدناه
و اهو برضو بنديكم امثلة حية عن العدل في الدول المجاورة علشان موزمبيق تستفيد!
___________________________________
كتب صبري طه:
Quote: دة طبعاً لأنك ربطتي توقفك بإنصاف الأخت عزاز ... والأخت عزاز وضّحت ما جرى لها عبر الرسائل الخاصة ولم يحذفه بكري ولم يظلمها بمصادرة حقها في الدفاع عن نفسها حتى تاريخ ردّي هذا ؟
وين هسي ذنب بكري بخصوص عزاز ؟ وأكرر في هذه المرّة ولا أتحدّث عن الماضي ...
لأنو الماضي ولّى زمان وجفّت مقلتي الباكية ونامت من سنين أحزان |
--- العدل : هو القسط اللازم للاستواء ، وهو استعمال الأمور في مواضعها وأوقاتها ووجوهها ومقاديرها من غير سرف ولا تقصير ولا تقديم ولا تأخير (ابن عربي)
--- والقوة دون عدالة طاغية.
--- تأخير العدالة نوع من الظلم.
--- أولا ما تقوم به أو تحاول الترويج له غير كريم على الاطلاق. فأنت بطريقتك هذه لا تقل ظلما عن بكري و تفترض فيه الألوهية و تجعله فوق المسائلة الأخلاقية. انا لست مملوكة لبكري و تواجدي في هذا المكان وان كان منحة من صاحبه إلا أنه لا يعني انه لا تترتب على مالك المنبر حقوق تجاهي. ولا تعفيه منحته هذه (ترك البوست هذا ) عن ظلمه لي وهو ظلم لن أغفره له ما حييت وسيفصل بيني و بينه رب العرش العظيم يوم تعرض الامانات عليه.
--- كون بكري لم يحذف هذا البوست لا يعني على الاطلاق تبرئته من ذنبه في حذف البوستات الأخرى التي كتبتها قبل يومين ولا تجاهله لرسالتي اللتي تلت الحذف الجائر.
--- ترك بكري ابو بكر لهذا البوست لا يعفيه من خطأه في حق من طرحوا مطالب منطقية تجاوزت قضيتي وخرجت بها للفضاء العام. ما تعرضت له من اقتحام للماسنجر خطر محدق بالجميع ولا يستثنى أحد.فلست الوحيدة التي تعرضت لهذا الفعل من قبل الهكر ولن أكون الأخيرة.
--- التوقف عن الكتابة في هذا المنبر تصرف منطقي للغاية بالنسبة. لا أشعر بأني مجبرة من الاساس في الرخاء علشان أُجبر في الظلم. ما صدر من بكري لا يمحيه تعليق هذا البوست في السماء نهايك من تركه بين باقي مواضيع المنبر. ترك هذا البوست يحفظ ماء وجه بكري ولا يكفّر ظلمه المهين. الظلم حصل مرتين بلا أسباب وانا ما عفيت ولا حأعفي ما حييت.
--- ان كنت ترى بأن تواجدك هنا آملة في حد ذاته و مقابل ذلك تتنازل عن حقك الطبيعي في الاحتكام لإدارة تتمتع بالنزاهه والشفافيه فهذا أمرك، فأحكم في أمرك ولا تفت في مظلمتي فلست مخولاً لذلك.
--- حقي على بكري كمالك و إدارة للموقع ان يوفر لي الحماية كعضو وفشل في ذلك، ومن حقي عليه حين فشله الأول أن لا يحرمني من حق التوضيح (وفشل في ذلك أيضا) وانساق وراء شيطان العظمه مرتين وبقاء هذا البوست كان من باب "مجبر اخاك لا بطل" و"وما يضير الشاة بعد ذبحها" .
--- وأخيرا ... أرجو منك التكرم بتبجيل بكري أبو بكر بعيدا عن قضيتي – وتأكد بأنك لست في مأمن من أن تكون الضحية التالية بنفس الطريقة أو بأخري - وأن حدث لك امر مشابه ستعرف حينها تماماً حجم الظلم لو تصرف معك بكري أبو بكر بنفس الطريقة.
| |
|
|
|
|
|
|
|
|
|
Re: هل هناك حريّة رأي في موزمبيق؟ (Re: عزاز شامي)
|
عزاز شامي شُكراً على الرد إن كان لكِ أو بالنيابة عن الأخت تيسير (كلو عند العرب صابون) ...
Quote: عزاز شامي كتبت: الاعزاء اعضاء المنبر هذا البوست الثالث الذي أكتبه بخصوص هذه الموضوع ولا أضمن ألا يحذفه بكري ولكني مصرة على توضيح الأمر ... تمت ارسال رسائل من حسابي خلال الفترة ما بين أبريل 28 و مايو 3 لأعضاء كرام تطلب منهم ارسال أرقام هواتفهم .. أنا لم أقم بارسال هذه الرسائل لاني لم اتمكن من الدخول للمنبر إلا بعد مراسلة بكري و اعطاءه الباسويرد الجديد في 3 مايو ... إرجو نشر هذه الرسالة على أوسع نطاق خصوصا أن بكري مصر على مصادرة حقي في التوضيح وكل ما يهمه هو ألا يذيع أمر اختراق المنبر ...
ولمرسل هذه الرسائل أود أن يعلم بأني أرثي لحاله ولوضاعة أسلحته وأؤكد له بأني لن أُكسر وانه بحاجة حقيقية للوقوف مع نفسه و تهذيبها. المنبر و الاسافير عموما نافذة من ضمن نوافذ أخرى نطرح من خلالها ما نؤمن به، وأغلاق نافذة لا يعني نفاذ فرص لنوافذ أخرى.
أرجو رجاء من كل من قرأ أن ينشر أمر إخلاء مسؤوليتي من هذه الرسائل
______
من المؤلم أن تصادر الادارة حق الاعضاء في تبيان أمر يخص سمعتهم، يمكنني تفهم هجوم الهكر و الآخرين ولكني لا استيطع ان أجد العذر لبكري أبو بكر فظلمه هنا أشد مضاضة وإيلاماًمن ظلم من لا نفجع في أخلاقهم |
لم يُصادر الأخ بكري حقّك في المرّة الأخيرة ... وترك البوست الذي وضّحتِ فيه للأعضاء هجوم الهكرز على حسابك واستغلاله لصادر رسائلك الخاصة ...
Quote: تيسير عووضة كتبت: أعلن توقفي التام عن الكتابة والتداخل في هذا الموقع تضامناً مع عزاز شامي ما لم يتم إنصافها في مظلمتها
وما لم يرد لها بكري حقها المضيّع مرة بواسطة الهكر ومرة بواسطته هو ..
كلنا عزاز .. |
على حسب تضامن الأخت تيسير هل أفهم أنها تُريد أن يقوم بكري بإرجاع البوستات المحذوفة ومضمونها هو نفس مضمون البوست الأخير ... لا أعتقد ذلك ؟
هل أفهم أنها تُريد من الأخ بكري كتابة بوست والتوضيح فيه ما جرى للأخت عزاز ؟ بمعنى أن يكون تكراراً لما قامت به عزاز بنفسها ؟
وهل أفهم أنها تُريد من الأخ بكري أن يُعاقب الهكرز لاعتدائه على عضو بالمنبر ... إذا كان كذلك كيف يتم ذلك ؟
النجيضة: آخر بوست لكِ يا أخت عزاز لم يحذفه بكري وترك أمر توضيحك للأعضاء كما هو وما زال موجوداً ...
ولكِ ودّي ،،،
| |
|
|
|
|
|
|
|
|
|
Re: هل هناك حريّة رأي في موزمبيق؟ (Re: صبري طه)
|
| Quote: عزاز شامي كتبت: --- كون بكري لم يحذف هذا البوست لا يعني على الاطلاق تبرئته من ذنبه في حذف البوستات الأخرى التي كتبتها قبل يومين ولا تجاهله لرسالتي اللتي تلت الحذف الجائر. |
أولاً يا عمتك: من أدان بكري ومن برأه ؟
وإذا كنتِ تقصدينني بالجملة أعلاه فلا أعرف لماذا قام بكري أو غيره بحذف البوستات (بمعنى ارتكز على شنو) يمكنك سؤاله وكل ما طرحته من رأي هو استنتاجات ... النجيضة فيها راجعة لمن قام بالحذف ... ولا أعرف ظروف بكري التي منعته من عدم التعامل مع رسالتك ولا أقول التجاهل والفرق واضح ... مش كدة يا عمّتك ...
ـــــــــــــــــ
هسي أنا أدين شنو يعني ؟
لأنو على ما أعتقد ممنوع إعادة نشر بوست حُذف بواسطة الإدارة ...
يعني أدينك إنتِ النشرتي الموضوع أكثر من مرّة رغم حذفه بواسطة الإدارة أم أدين بكري في موضوع إداري لم يشرح لي حيثياته كاملة ؟
ـــــــــ
| |
|
|
|
|
|
|
|
|
|
Re: هل هناك حريّة رأي في موزمبيق؟ (Re: خضر حسين خليل)
|
السيد بكري ابوبكر لو اصلا متجاهل الناس ومشغول وما قادر يرد من حق الناس ان تعرف الحاصل شنو وده سواء كان السيد بكري يطلع بيان يشرح فيهو ملابسات طريقة حذفو للبوستات وكمان يوضح ملابسات ما يحصل من انتهاكات للاعضاء هنا وايضا يوضح ملابسات توقيفو للاعضاء ... ده يعتبر ابسط حقوق الناس المشاركه في الموقع ده ...
بخلاف ذلك يعتبر السيد بكري ابوبكر زيو وزي اي دكتاتور ولا يختلف عنهم في اي شئ ... وللذين يمجدونه يعتبرون من حاشيته
| |
|
|
|
|
|
|
|
|
 Re: هل هناك حريّة رأي في موزمبيق؟ (Re: خضر حسين خليل)
|
Quote: خضر حسين خليل كتب: يا صبري طه روووووووق أنحنا ماشين بالدور
والحين بحين |
الحين دي الكلمة المستخدمة بكثرة في السعودية ولاّ واحدة تانية
ولاّ تكون قاصد "زنقة زنقة" لكن عندك لكنة في الكلام
ــــــــــ
غايتو لي عشرة سنة ولساني ما إتعوج والحمد لله
| |
|
|
|
|
|
|
|
|
|
Re: هل هناك حريّة رأي في موزمبيق؟ (Re: صبري طه)
|
| Quote: عزاز شامي كتبت: --- ان كنت ترى بأن تواجدك هنا آملة في حد ذاته و مقابل ذلك تتنازل عن حقك الطبيعي في الاحتكام لإدارة تتمتع بالنزاهه والشفافيه فهذا أمرك، فأحكم في أمرك ولا تفت في مظلمتي فلست مخولاً لذلك. |
عزاز هل كتبتِ شروط الرد على مظلمتك وقمت أنا بتجاوزها ؟
أمثلة للشروط:
1- إذا لم يتماشى رأيك أيها الكاتب فلان الفرتكاني مع مظلمتي فلا ترد عليها.
2- إذا كنت تحب المارتديلا فلا ترد على موضوعي.
يا عمتك ما كتبته من كلمات تعبّر عن رأيي أنا في موضوع أنتِ طرحتيه للأعضاء ولم تستثني أحداً منه ولم أفرضه عليكِ بالقوة أو أجبر شخص آخر على العمل به !!!
عشنا وشفنا منع العضوية من إبداء الرأي في موضوع مفتوح لعامة الأعضاء ...
أخونا دكتور بلة عامل اقتراح هنا Re: تعليق علي ما حدث في مخيم الوحدات !!!
احتمال ينفع ...
يعني لو ود الصايم ردّ لي رد ما عجبني أدخل عليهو وأسحبو أو أعدّل عليهو وأخليهو بالمقاس الأنا عايزو ...
وبي كدة حتصبح كل الآراء عبارة عن رأيي أنا بس
ـــــــــــــ
بكرة بمشي للترزي بدري وبخليهو يفصّل لي ردود
| |
|
|
|
|
|
|
|
|
|
Re: هل هناك حريّة رأي في موزمبيق؟ (Re: صبري طه)
|
| Quote: عزاز شامي كتبت: --- وأخيرا ... أرجو منك التكرم بتبجيل بكري أبو بكر بعيدا عن قضيتي – وتأكد بأنك لست في مأمن من أن تكون الضحية التالية بنفس الطريقة أو بأخري - وأن حدث لك امر مشابه ستعرف حينها تماماً حجم الظلم لو تصرف معك بكري أبو بكر بنفس الطريقة. |
تأكّدي يا عزاز مهما يحصل لي من بكري لن أستقيل ...
وإذا قام بإيقافي مؤقتاً سأعود ...
وإذا قام بإيقافي مدى الحياة لن أهينه ولن أقلل من قدره ...
أيّ إجراء يتخذه نحوي بصفته الإدارية لن أشخصنه البتة ...
وإذا تظلّمت له عبر الرسائل الخاصة ولم أجد ردّاً على مظلمتي لن أقوم بفتح بوست ...وأنا سلفاً أعلم أنه لا يقبل ذلك ودي ختي تحتها خطّين
وإذا حذف لي موضوع لن أقوم بنشره مرةً أخرى ...
هذا لا يعني أنني لن أتبع السبل التي توصلني إلى بكري والتفاهم معه حول مظلمتي حتى ولو سافرت له في أمريكا ...
ـــــــــــــــ
إذا رأت مجموعة من الأعضاء أن سياسة إدارة بكري للمنبر سيئة لماذا لا يقوموا بتكوين لجنة تمثلهم ومن ثمّ بحث الآلية المناسبة للتواصل معه بشكل مُباشر وطرح ما بجُعبتهم من آراء ومقترحات يتم الوصول بها إلى بعض الحلول ...
توجد مجموعة من الأعضاء بأمريكا حيث إقامة بكري لماذا لا يتم اختيار لجنة منهم لمناقشته حول إدارة المنبر وأيّة مواضيع أخرى تصب في صالح الجماعة ؟
| |
|
|
|
|
|
|
|
|
|
Re: هل هناك حريّة رأي في موزمبيق؟ (Re: عزاز شامي)
|
عزوزي... ياخ مرحب حبابك والله... أصلا احنا بنتداول في موضوعك ده بتطبيق نظرية المحشي طبعاً...
اتمنى انه السخرية ما تكون مخلّه بي جدّية قضيتك... لكن برضه انا متأكده انك فاهمة دوافعها وأسبابها...
| |
|
|
|
|
|
|
|
|
|
Re: هل هناك حريّة رأي في موزمبيق؟ (Re: مريم بنت الحسين)
|
Quote:
كمان جابت ليها سلبطه... جدّك بي وين!؟
|
لووووووووول
احمدي الله انو حبوبتي جكسا* ماتت ..
اسي كان طلعتك قريبتنا
تنشبك في اي زول انت من وين؟
و طوالي انت ما هولنا .. انت ما حقنا!!
مهما كانت الاجابة .. الاجابة هي ذاتا لا تكترث لها كثيراً ..
و قيل ما بتسمع كويس في السنوات المتأخرة ..
-----
* هي بت السيمت .. و جكسا دي لانها - الله يرحمها - كانت - بسبب الرطوبة - بتداوم على لبس شرابات كورة الواااحدة دي!
اتذكرا كويييس شرابات صفراء مخططة بازرق.
| |
|
|
|
|
|
|
|
|
|
Re: هل هناك حريّة رأي في موزمبيق؟ (Re: khaleel)
|
Quote: لكن ممكن شوربة عدس معاهو قدحة بتاعة ثوم
ممكن نجي نتغدي معاكم ونبطل غداء ناس موزمبيق |
شوربة شنو ياخ ..فتة عدس ..العدس يكون مامخلوط ..
وعيش ماعيش الخليج ..عيش السودان ..بعد تقطيع العيش
يرش بالعدس ..وشوية سلطة خضراء من فوق ..,وقبل
السلطة الخضراء لو لقى زيت سمسم بكون مائة مائة ..
وصحن شطة خضراء صغير بالجنبة ..
شفتا كيف ...
| |
|
|
|
|
|
|
|
|
|
Re: هل هناك حريّة رأي في موزمبيق؟ (Re: محمد عبدالرحمن)
|
بت رفاعة احتمال تكوني قريبتي ...
غايتو ناس أبو نورة جيرانا وعندنا بيهم علاقة بالعوضية ...
| Quote: مريم بنت الحسين كتبت: صبري... مع عزاز دي، ما تخت الوشوش الخضراء... ما بضمن ليك النتائج.. |
النتائج عندي ما مشكلة مش من أعلى مراتبها في المنبر دة توجيه الإساءات ...
ــــــــــ
خلّيها تعمل العايزاهو
عن نفسي ما حأسيئها لو نطّطت
ولا حأوصفها بصفات غير كريمة
| |
|
|
|
|
|
|
|
|
|
Re: هل هناك حريّة رأي في موزمبيق؟ (Re: صبري طه)
|
Quote: بت رفاعة احتمال تكوني قريبتي ...
غايتو ناس أبو نورة جيرانا وعندنا بيهم علاقة بالعوضية ... |
العوضية ديل اهلنا... لكن ما تسألني كيف... في فرصة تكون أجمل ممكن اوريك أهلي منو، وانت تعرف براك... حاكم احنا تجميع الخليج!
| Quote: النتائج عندي ما مشكلة مش من أعلى مراتبها في المنبر دة توجيه الإساءات ... |
هو الاساءات دي يا قريبي (المحتمل) بتكون بالكلام العديل! مرات بتكون الإساءة مخفية ومغلّفة بي ابتسامة زي البترسمها دي!
| |
|
|
|
|
|
|
|
|
|
Re: هل هناك حريّة رأي في موزمبيق؟ (Re: مريم بنت الحسين)
|
| Quote: مريم بنت الحسين كتبت: العوضية ديل اهلنا... لكن ما تسألني كيف... في فرصة تكون أجمل ممكن اوريك أهلي منو، وانت تعرف براك... حاكم احنا تجميع الخليج! |
هسيّ دي يشرحوها ليك وين ؟ الخاص وقفلوهو
الله يجازي الكان السبب
| Quote: هو الاساءات دي يا قريبي (المحتمل) بتكون بالكلام العديل! مرات بتكون الإساءة مخفية ومغلّفة بي ابتسامة زي البترسمها دي! |
النجيضة يا عمّتك: عدم توجيه الإساءة بشكل مباشر ... والوشوش الخضراء مرّات بترمز للفكاهة ومرّات للتعجب ومرّات للاستفهام ومرّات للسخرية اللطيفة ... إلخ ...
ـــــــــ
ومرّات للحب بشحمو ولحمو
| |
|
|
|
|
|
|
|
|
|
Re: هل هناك حريّة رأي في موزمبيق؟ (Re: khaleel)
|
مريم بت الحسين
غايتو هذا ما أسميه
الاستشفاء العفوي من الشكلية المرضية للأحداث
سواء كان الحدث قرقرة محشي
أو إحداث ثقب في جدار قوانين الإدارة
لحبنا لسودانيز نحاول كثيرا أن نجد للريس أعذارا
ولكننا أحيانا كثيرة نعجز ...
وأشعر أنه يتعامل بحساسية زائدة مع موضوع الهكر
| |
|
|
|
|
|
|
|
|
|
Re: هل هناك حريّة رأي في موزمبيق؟ (Re: جعفر محي الدين)
|
السيده مريم ... لييه بكري ده ما ينزل من برجو ويشوف الناس اللتمت اذيتهم هنا في المكان ده؟؟
فيها شنو لو طلع بيان فند فيهو الملابسات الحصلت؟؟ وده ممكن يكون تطور للاحسن
وبعدين بكري بيخربوه زي ناس السيد صبري طه البيضاحك يمين وشمال ده ...
انا ما عارف السيد صبري طه ده المضحكو شنو بالضبط كده؟؟
لانو هنا مافي شخصي؟؟ في قضيه يمكن تمس اي واحد هنا وبالتالي صارت هم عام ...
لكن ما لم استطع فهمه هو الطريقه السمجه لوضع الوجوه الضاحكه ... هل هذا استخفاف بالشئ الحاصل ده؟؟ ولا تشفي من الانسانه التي تم اذيتها؟؟ الواحد عايز ليهو فاهمه وطبشيره عشان يفهم الحاصل ده
الموقف هنا لا يحتمل الضحك وتوزيع البسمات او اي كان القصد منها ...
في سيده هنا تمت اذيتها ومحتمل ان يحدث ذلك لاي شخص محترم هنا .. والاداره لم توفق في الحلول الانتهجتها من توقيف لبعض الاعضاء وتطنيش الاعضاء وحذف لبعض البوستات ...
ورغم كل المعاناة التي يعانيها البعض في صمت ياتي احدهم ليوزع ابتسامات لم يكن اصلا محلها
___________________________________
Regarding the sense of humor "which it was not the right place" I would rather serious when I suggest that someone should plant a few whoopee cushions in this board
| |
|
|
|
|
|
|
|
|
|
Re: هل هناك حريّة رأي في موزمبيق؟ (Re: Elsanosi Badr)
|
Quote: السنوسي بدر كتب: لكن ما لم استطع فهمه هو الطريقه السمجه لوضع الوجوه الضاحكه ... هل هذا استخفاف بالشئ الحاصل ده؟؟ ولا تشفي من الانسانه التي تم اذيتها؟؟ الواحد عايز ليهو فاهمه وطبشيره عشان يفهم الحاصل ده
الموقف هنا لا يحتمل الضحك وتوزيع البسمات او اي كان القصد منها ...
في سيده هنا تمت اذيتها ومحتمل ان يحدث ذلك لاي شخص محترم هنا .. والاداره لم توفق في الحلول الانتهجتها من توقيف لبعض الاعضاء وتطنيش الاعضاء وحذف لبعض البوستات ...
ورغم كل المعاناة التي يعانيها البعض في صمت ياتي احدهم ليوزع ابتسامات لم يكن اصلا محلها |
يا عمّك تضامنت معها وقلت رأيّي بشكل واضح وصريح ... أرجع شوفو محل هو موجود ...
بالنسبة للابتسامات والوجوه الضاحكة دي أنا عملتها بحسابي أنا "صبري طه" ولم أعملها بحسابك أنت "السنوسي بدر" ...
ثمّ أن الابتسامات والوجوه الضاحكة أفضل من الإساءات والاتهامات بالباطل مش كدة ؟!
ــــــــ
هسّي إنت مداخلتك دي لقيتها وصورتك الرمزية التحت اسمك لطفلة بتضحك !!!
مش بمنطقك وعلى حسب استنكارك لوجوهي الضاحكة كان من المفترض إنك تغيّر هذه الصورة لصورة طفلة باكية
| |
|
|
|
|
|
|
|
|
|
Re: هل هناك حريّة رأي في موزمبيق؟ (Re: صبري طه)
|
| Quote: ثمّ أن الابتسامات والوجوه الضاحكة أفضل من الإساءات والاتهامات بالباطل مش كدة ؟! |
يا سيد صبري مافي زول اتهمك بالباطل هناولست ممن يتهمون الناس بالباطل يا سيد صبري ... كل ما هناك انني لم استطع مغزي توزيعك للوجوه الضاحكه في قضيه كهذه ...
ــــــــ
Quote: هسّي إنت مداخلتك دي لقيتها وصورتك الرمزية التحت اسمك لطفلة بتضحك !!!
مش بمنطقك وعلى حسب استنكارك لوجوهي الضاحكة كان من المفترض إنك تغيّر هذه الصورة لصورة طفلة باكية
|
حتي مداخلاتك والوجه الضاحك الخاتيهو ده برضو ما فهمتو ...واحد من اتنين يا انت عندك مشكله في توصيل المعلومه ولا انا عندي عدم فهم لمداخلاتك..
بالنسبه لصورة ابنتي الباسمه_ واسال الله ان يجعلها مبتسمه دائما_ لم تكن وليدة اللحظه وليس لها دخل بمايكتب هنا.
| |
|
|
|
|
|
|
|
|
|
Re: هل هناك حريّة رأي في موزمبيق؟ (Re: صبري طه)
|
ثمّ ثانياً يا عمّك السنوسي بدر
الضحك والوجوه الضاحكة الموجودة في البوست دة كووووووولها ما شفتها ؟!
وما شفت إلاّ وجوهي الضاحكة وابتساماتي أنا بس ؟!
ـــــــــــــــ
غايتو الما دايرك بيحدر ليك في الضلام
والتضامن لمّا يكون زي دة أخير منّو الهكرز ذاتو
على الأقل الهكرز اتجاه واحد تهكير تخريب
| |
|
|
|
|
|
|
|
|
|
Re: هل هناك حريّة رأي في موزمبيق؟ (Re: صبري طه)
|
| Quote: غايتو الما دايرك بيحدر ليك في الضلام |
مافي اي ظلام او وطواط يا سيد صبري كل مافي الامر انك كترت الوجوه الضاحكه في قضيه زي دي ... وليس هناك شئ شخصي علي الاطلاق بقدر ما هو استهجان للموقف الغريب ...
وليس هناك اي انتقاء لشخصك من بين المعقبين ... لكن الطريقه التي تورد بها تلك الوجوه الضاحكه توحي بشئ ما وهذا الشئ الما ده غير مستحب في هكذا موقف ... علي اقله مرعاة لشعور الذين تمت اذيتهم او لاؤلئك الذين طالهم التشذيب ممن لم يرضو بهكذا ظلم
| |
|
|
|
|
|
|
|
|
|
Re: هل هناك حريّة رأي في موزمبيق؟ (Re: Elsanosi Badr)
|
Quote: مريم بت الحسين
غايتو هذا ما أسميه
الاستشفاء العفوي من الشكلية المرضية للأحداث
سواء كان الحدث قرقرة محشي
أو إحداث ثقب في جدار قوانين الإدارة
لحبنا لسودانيز نحاول كثيرا أن نجد للريس أعذارا
ولكننا أحيانا كثيرة نعجز ...
وأشعر أنه يتعامل بحساسية زائدة مع موضوع الهكر |
أستاذ جعفر، بالله الحالة دي طلع عندها اسم
والله انا ما اعتقد انه بكري زول كعب... كعبه فعايله... ومزعّلني جداً الشي البعمل فيه ده... واتمنى انه يراجع نفسه.. عشان زاتو يريّحنا معاه.... فترنا من قوّير المحشي والله!
| |
|
|
|
|
|
|
|
|
|
Re: هل هناك حريّة رأي في موزمبيق؟ (Re: صبري طه)
|
| Quote: السنوسي بدر كتب: يا سيد صبري مافي زول اتهمك بالباطل هناولست ممن يتهمون الناس بالباطل يا سيد صبري ... كل ما هناك انني لم استطع مغزي توزيعك للوجوه الضاحكه في قضيه كهذه ... |
هل قُلت أنك اتهمتني بالباطل يا عمّك وين الكلام دة ؟! الضمير راجع لي منو أرجع للجملة مرة تانية وشوف الضمير شايت وين ؟ وإذا كُنت بتتحدث بلسان غيرك ورّيني التفويض عشان أورّيك وين أساءوني ووين اتهموني بالباطل ؟!
| Quote: السنوسي بدر كتب: حتي مداخلاتك والوجه الضاحك الخاتيهو ده برضو ما فهمتو ...واحد من اتنين يا انت عندك مشكله في توصيل المعلومه ولا انا عندي عدم فهم لمداخلاتك.. |
دي مشكلتك إنت وليست مشكلتي أنا أن لا تستطيع فهمي وألاّ تفهم وجهي الضاحك ...
أنا لو كُنت في مكانك ما بتشوبر يا إمّا سألت باحترام وليس استنكار (والفرق واضح) عن المقصود شنو يا إمّا شتت ...
| Quote: السنوسي بدر كتب: بالنسبه لصورة ابنتي الباسمه_ واسال الله ان يجعلها مبتسمه دائما_ لم تكن وليدة اللحظه وليس لها دخل بمايكتب هنا. |
وابتساماتي ليست وليدة اللحظة وأغلبية مداخلاتي بالمنبر تحتوي على ابتسامات ...
وهي عاجبـاني ولو ما عاجباك إنت شايف إعلانات قوقل أدسنس أعلى صفحة المنبر لو بتقدر أطلع فيها والباقي تمّو خيال
| |
|
|
|
|
|
|
|
|
|
Re: هل هناك حريّة رأي في موزمبيق؟ (Re: صبري طه)
|
| Quote: هل قُلت أنك اتهمتني بالباطل يا عمّك وين الكلام دة ؟! الضمير راجع لي منو أرجع للجملة مرة تانية وشوف الضمير شايت وين ؟ وإذا كُنت بتتحدث بلسان غيرك ورّيني التفويض عشان أورّيك وين أساءوني ووين اتهموني بالباطل ؟! |
يا سيد صبري ده كلامك
| Quote: ثمّ أن الابتسامات والوجوه الضاحكة أفضل من الإساءات والاتهامات بالباطل مش كدة |
مافي اي ضمير هنا _ ده حسب اللغه الانت بتكتب بيها_ اما لو كان عايز تشبكنا( ورجغه) و كلام فارغ ...فياخينا السلام عليكم
| |
|
|
|
|
|
|
|
|
|
Re: هل هناك حريّة رأي في موزمبيق؟ (Re: Elsanosi Badr)
|
Quote: لسيده مريم ... لييه بكري ده ما ينزل من برجو ويشوف الناس اللتمت اذيتهم هنا في المكان ده؟؟
فيها شنو لو طلع بيان فند فيهو الملابسات الحصلت؟؟ وده ممكن يكون تطور للاحسن |
ده منى العين يا أستاذ السنوسي... وانت قايلني بنبح لي أربعة يوم انا وزملائي في شنو!!! ما عايزينه يجي ربنا يفتح عليه بي كلمة يفهّمنا الحاصل شنو...
| Quote: Regarding the sense of humor "which it was not the right place" I would rather serious when I suggest that someone should plant a few whoopee cushions in this board |
بالمناسبة، انا طالعة من علبي خالص بي البوستات دي، وفي عموم شأني انا زوله جاده... لكن انت قايلنا ما جرّبنا الجد!؟ احنا ليلة الخميس-الجمعة انا ومعاي قمربوبا وعاطف واميرة الشيخ وبعدنا سناء خالد ولنا مهدي، والليلة أمين محمد سليمان، نزلنا ما لا يقل على عشرين بوست مجتمعين.... واتحذفوا كلهم.... عشان كده لجأنا للكلام ده... الهدف... انه الناس تعرف... عشان لما زول كان غايب وسط المعمعه ما يكون مسطّح وما عارف الحاصل شنو... والحمدلله هدي نجحب، وناس كتار عرفوا.... بكري عنده سلاح الإلغاء... وده أخطر سلاح ضد الرأي الآخر...
اعتبر الهزل والسخرية سلاحين ضد الكبت... زي النكتة والحلمنتيش...
الشغل الجد جاي في الطريق.... بس أهم الشي الناس دي تعرف المصيبة الفوق راسنا دي... !
| |
|
|
|
|
|
|
|
|
|
Re: هل هناك حريّة رأي في موزمبيق؟ (Re: مريم بنت الحسين)
|
| Quote: مافي اي ضمير هنا _ ده حسب اللغه الانت بتكتب بيها_ اما لو كان عايز تشبكنا( ورجغه) و كلام فارغ ...فياخينا السلام عليكم |
يا عمّك دقيقة ... عليك الله ما تشتت ...
إنت إتكلّمت عن الابتسامات والوجوه الضاحكة الأنا استخدمتها في البوست دة ... يعني قبل ما إنت ترد عليّ ... معاي لحدّي هنا ...
يبقى بالمنطق كدة يعني حأكون قاصدك إنت بالإساءات والاتّهامات ؟!
ـــــــــــــــــ
ابتسامة تحت الحزام
ـــــــــــــــــ
إذا كنت لاعب كُرة ماهر فما تلعب بفكرة واحدة لأنو بتعطيلها من الخصم راسك حيضرب
الكلام دة حقي أنا ....... والله جد
| |
|
|
|
|
|
|
|
|
|
Re: هل هناك حريّة رأي في موزمبيق؟ (Re: صبري طه)
|
Quote: لسيده مريم ... لييه بكري ده ما ينزل من برجو ويشوف الناس اللتمت اذيتهم هنا في المكان ده؟؟
فيها شنو لو طلع بيان فند فيهو الملابسات الحصلت؟؟ وده ممكن يكون تطور للاحسن |
>>>سلام بت الحسين ولكل ضيوفك تحايا واحترام....
....يبدو أن محاولة تقوير خرم فى جدار سلطة الادارة لن ينجح بمقورة المحشي المسكينه.....
بل قد يحتاج الموضوع لمجموعة مثاقيب عالية المستوى .....وأهمها مثقاب المنطق....
فإما أن نتمنطق ونتفهم وجهة نظر الادارة فى تصرفها الغير منطقى أو تتفهم الادارة ما نحن بصدده هنا وتشرح موقف "ما" ....
فمن غير المنطقى أن تطبق قوانين المنبر على الأعضاء دون مراعاة حقوقهم ..ففى أى مكان او مساحة إسفيرية ما هناك حقوق وواجبات.....
فإذا أخل أى طرف بأطراف الاتفاق يقع الخلاف....
فمن حقوق العضو فى هذا الفضاء - وإن كره بكرى وزمرته - حماية المعلومات السريه وحماية الحساب من التهكير و حماية معلومات الاتصال
والبيانات الشخصيه غير المعلنه والتى قد تعرفها الادارة بطريقه او باخرى عبر تسجيل العضو او قبوله....
فإذا كانت عزاز شامى قد تعرضت لتهكير حسابها واختراق الماسنجر الخاص وانتحال شخصيتها فقد تم إذن الاخلال باحد واجبات الادارة....حماية العضو!!!!!!
فكيف تقفز إدارتنا الرشيدة فوق هذا الضرر البليغ الذى اصاب أحد الاعضاء وتلتزم التزام عقائدى بتطبيق لوائح المنبر حول " التشهير" او ما فسر كذلك فتحذف وتسحب وترفد...!!؟!!!!
ثم ..تاتى عزاز حاملة قلمها...سيفها الوحيد....لتنفى عن نفسها ما حدث من ضرر وتحاول اعلان تبرئة اسمها وسيرتها من الرسائل المهينه التى صدرت عن حسابها....
وهذا حقها.....ولكن ياتى عندها بكرى متشحا لوائحه الوهمية فيمحو لها البوست إثر الآخر...
تاركا لها طعم الملح فى الحلقوم...فما لك إلا ان ترضى بتهكير حسابك او تركبي التونسية!!!!!...
يعنى تفتكرى بعد ده المحشي بتبلع يا بت الحسين.....
ليس هناك دفاع او منطق يبرر فعلة بكرى وافراد إدارته.....
ولا ارى فى تنازله بكتابة بيان توضيحى إخلال بأى من لوائح المنبر.....
هذا الفضاء يا صحاب يضمنا على كلمة سواء وعهد أدبي والتزام أخلاقى بأن نحترم الآخر ونحترم قوانين المنبر....ولكن كل منا يعى تماما
بأن إختراق الخصوصية ضربة موجعه...قد تحدث لكل من يكتب هنا...فإما أن يوافق بكرى بأن يساهم معه العارفون فى هذا المجال ممن
عرضوا خدماتهم مرارا وتكرارا فى حماية هذا المنبر...أو يعترف بأن هناك خلل يتكرر كثيرا....فى التامين...
وعندها...كل واحد مسئول من موزمبيقو...وما أكثر الجدران التى يمكن ان نتنفس من خلالها ...ونكتب بالخط العريض....!!!!!!!!
شكرا مريم...محشي متبل تتبيلة أصيلة!!
| |
|
|
|
|
|
|
|
|
|
Re: هل هناك حريّة رأي في موزمبيق؟ (Re: Shiraz Abdelhai)
|
ثم إنو يا بكرى ياخ ..لا ثابت إلا التغيير ...فلا ضرر إطلاقا فى أن تطور أساليبك التواصليه مع الأعضاء
لتريهم قدر من الاحترام المطلوب وليصبح هناك تفاعل حقيقي فى هذا المنبر وليس واجهة تخفى ورائها السبعه وذمتا!!
فإذا كان نوهاااائي فى تاريخ المنبر ما حصل كتبتا بيان ...فلكل درب بداية...
فلم لا تبتدر الادارة هذا الاسلوب منذ الآن.....؟؟؟؟
أعتقد أن الملح والملاح والمحشي المنتظر ...والمستوى الفكرى للاعضاء يستوجب بعض من مراجعة اساليب التعامل!!
...عندما غذت أمريكا اسامة بن لادن وزمرته من المتطرفين الاسلاميين وضخت فى عروقهم الدماء والدولارارت وسلحتهم لتضرب روسيا فى افغانستان والمناطق المحيطه
وآناء الحرب الباردة ....تنبأ الكثيرون بأن أخطبوط أسامة بن لادن سيتسرطن ليلتهم أمريكا نفسها...وقد كان...!!!!
أظنك يا بكرى قاعد هسه تقول...الناس دى "انا" لمن "عملت" ليهم اشتراكات فى " منبري" ده ما قايلهم بجوا يوم
ويعملوا لى صداع ويطالبوا ويشجبوا ويدينوا..... (مع الاختلاف الشاسع فى اطراف التشبيه..يعنى احنا ما ممكن نكون بن لادن...بس بكرى فعلا أمريكا)!!!!!
| |
|
|
|
|
|
|
|
|
|
Re: هل هناك حريّة رأي في موزمبيق؟ (Re: Shiraz Abdelhai)
|
Quote:
أظنك يا بكرى قاعد هسه تقول...الناس دى "انا" لمن "عملت" ليهم اشتراكات فى " منبري" ده ما قايلهم بجوا يوم
ويعملوا لى صداع ويطالبوا ويشجبوا ويدينوا..... (مع الاختلاف الشاسع فى اطراف التشبيه..يعنى احنا ما ممكن نكون بن لادن...بس بكرى فعلا أمريكا)!!!!!
|
داون داون يو نس بيه
داون داون يو اس ايه
يا سلام عليك يا شيراز ياخ
اوفيت فكفيت
--------
لووووووول
احفظ المحشي بتاعك دا في تلاجة بعييييدة
احتمال كبير تجي تلقيهو في التراش !!
شفتي المغصة الانحنا فيها لينا اربعة ايام!؟
عشان كدا قلنا لخير كدا الناس تقفل المطابخ ذاتو ... الماكلين ليها شنو؟
| |
|
|
|
|
|
|
|
|
|
Re: هل هناك حريّة رأي في موزمبيق؟ (Re: قيقراوي)
|
Quote: ظنك يا بكرى قاعد هسه تقول...الناس دى "انا" لمن "عملت" ليهم اشتراكات فى " منبري" ده ما قايلهم بجوا يوم
ويعملوا لى صداع ويطالبوا ويشجبوا ويدينوا..... (مع الاختلاف الشاسع فى اطراف التشبيه..يعنى احنا ما ممكن نكون بن لادن...بس بكرى فعلا أمريكا)!!!!! |
هالله هالله... ده المحشي ولا بلاش!
| |
|
|
|
|
|
|
| |
مريم بنت الحسين
خضر حسين خليل
معاوية عبيد الصائم
هاشم نوريت
قيقراوي
محمد أبوالعزائم أبوالريش
عبد الخالق امن الله
Elmoiz Abunura
الطيب شيقوق
احمد محمد بشير
ممدوح أبارو
Yassir Tayfour
Rawia
Kostawi
elnawrani margan
Elsanosi Badr
khaleel
محمد عبدالرحمن
جعفر محي الدين
Shiraz Abdelhai
فيس بوك
تويتر
انستقرام
يوتيوب
بنتيريست