دعواتكم لزميلنا المفكر د.الباقر العفيف بالشفاء العاجل
|
|
 سبلبيرج... والله العظيم بالغته
|
اخدته مازن اخوي واتغدينا غدوة من نوع brother sister.. كان قعده ظريفه جداً... مشينا مطعمي المفضّل Apple bee's، الحقيقة هو مطعم ابو الزوز المفضّل برضه... طلبنا
(بديكم الوصفه بعدين  )
و
والتحلية كانت
http://www.applebees.com/index.php
اها نرجع لسبلبيرج .. والمقلب العمله فيني.. يا سمارت.. عليك الله كان الزول ده عمل ليهو فلم تاني قولي لي ما تمشي تحضريه في السينما... انا في نص الفلم اتشعبطه في مازن اخوي وقلته ليهو ارح البيت.... الفلم بحبس الانفاس من قولت تييييييييت للسلام عليكم... سبلبيرج قدّم النجم توم كروز على انه شخصية عادية.. رجل عادي جداً... لم يقدم حلول مستحيلة ولا انقذ الارض لوحده من الطغاة... سأعود لأحكي لكم احداث فلم بعد غدوة متخمه... وزيادة كيلوهات كثيرة على مقياس ريختر.. اقصد مقياس الوزن ....
نادر.. رايك شنو في الصورة بتاعت السبانخ بالجبنه دي؟
|
|
 
|
|
|
|
|
|
|
|
Re: سبلبيرج... والله العظيم بالغته (Re: omer almahi)
|
عمر الماحي... والله تقول شنو ياخوي... انا الريحه اريتها كان بتتختها.. كان ختيتها ليكم بي جاي.. انا ما شفته أطعم من أكل المطعم ده.. كده شوف حواليك.. بكون عنده فرع (حداكم)... إلا كان كنت في السودان.. يبقى ده موضوع آخر....
| Quote: تعرفي يا مريم أنا في رمضان ح أطالب بتجميد عضويتك .. |
الحاجات الحمرا حمرا دي عذاب في رمضان بعدين موش 
| |
|
|
|
|
|
|
|
|
|
Re: سبلبيرج... والله العظيم بالغته (Re: مريم بنت الحسين)
|
مريم بنت الحسين
سلامااات
فى برنامج فى احدى القنوات هنا اسمه Dinner and a movie
و اول ما شفت البوست دى , قلت مريم دى ممكن تعمل برنامج ذى ده (نسخه عربيه ) و اكيد ح ينجح (ان شاء الله )
اماعن موضوع البوست الاساسى (انا بصراحه ما عارفه موضوع البوست الاساسى هو الاكله ام الفلم, لكن ح افترض انو الفلم ). ما قدرت امشى الفلم , لانو (مازن بتاعى ) فى الحاله بتاعتى هو ما اخوى هو (زوجى ) ما بيحب توم كروز . و ماخد الايام دى موقف من طيب الذكر توم كروز بخصوص تعليقه عن ان الطب النفسى كلام فراغ و دى بس ناس بتتدلع. ولانى نادرا جدا ما امشى السنما لوحدى , فشكلى كده ابدا ما ح امشى اشوف الفلم ده . او احتمال ارجى ال دى فى دى . خاصه و انى مشيت شفت فلم طليقته (نكول كدمان ) و طلع فلم ضااااارب. الزوله دى دمها يلطش( و العياذ بالله)
اما لو كان موضوع البوست هو الاكله , فالمطعم ده ما من مطاعمى المفضله , لكن امس بالذات كنت معزومه مع جكس ( قصدى كميه من البنات ) من الشغل فى مطعم يابانى . السوشى كان مبااالغه و المطعم كان خرافى . و كانت عزومه لذيذه , خاصه انو احدى البنات كانت من اصول يابانيه. و على العكس منك تماما , ما طلعت شبعانه جدا .السوشى اليابانى (ضواقه بس)
انا راجيه ... احكى لينا عن الفلم
| |
|
|
|
|
|
|
|
|
 Re: سبلبيرج... والله العظيم بالغته (Re: معتز تروتسكى)
|
موعتز تروتسكي... (ياخ انت اسماء الاخوة الروس دي الشبكك فيها شنو).. حسي بقولوا ليك شيوعي.. والشيوعين ديل معناها بقولوا الله مافي.. و و و.. وتدخل تابوت من نوع آخر...
قلت لي مشروع تسمين.. ههيع... عارف.. ما حأعلق ليك على دي نهااائي...
تابع معانا الفلم... سبيلبيرج ده عمل فلم يا معتز من النوع السوبر.. البخليك تتخلع من يبدا لحدي ما ينتهي.. بعدين انا ومازن داخلانا خوفه من امس... والله بنتخيل اصوات.. ونتلفت اليوم كله... اخوي ما طلع جعلي تب.. وانا معترفه اني ركابيه..
| |
|
|
|
|
|
|
|
|
|
Re: سبلبيرج... والله العظيم بالغته (Re: smart_ana2001)
|
سمارت... عليك الله خلي زوجك يقرا الحكاية هنا عشان يقتنع... والله ببالغ... اول شي بلغيه تحياتي وتحيات الفريق العامل من وراء البحار... وقولي ليهو انه الفلم ده تحديداً... it's NOT about Tom... بالجد... حتحسي انه الفلم ده ممكن يكون ناجح جداً بي أي ممثل مغمور جايي يادوبه يتعلم التمثيل... لأنه الفلم قصته محبوكه... وTom فيه عبارة عن رجل عادي جداً... ردود أفعاله طبيعيه زي أي رجل ممكن يتوضع في وضعه... ما هدفه انقاذ العالم.. ولا بفلت بسهولة من كل الرصاص المتدفق من حوله... بالعكس.. بتضرب ويتجرح ويتعوّق وينزف.. ويتوسخ ... اقول ليك.. اعملي ليهو كباية شاي فاااهمه كده.. وتعالوا اقروا الحكاية عندي هنا... وان شاء الله بقتنع ...
بمناسبة Applebee's.. انا وانت كده مشينا في سكتين مختلفات.. ياخ ده أجمل مكان ممكن الزول ياكل فيه.. بس انا سمعته انه الفروع في أمريكا سمعتها ما خالص... وانه اكلهم تقريباً بكون جاهز.. ومجمد.. وبسخنوه... غايته الفرع العندنا هنا.. عجب.. اسألي أي زول وديته ليهو... والله عندهم checken creame soup... وب علي.. وسجمي ما بتحلك منها..
نتابع مع سبلبيرج بعد نشوف معتز ده
| |
|
|
|
|
|
|
|
|
|
Re: سبلبيرج... والله العظيم بالغته (Re: مريم بنت الحسين)
|
نتابع... "راي"... كان متزوج من جميله.. وهبته ابن وابنه.. "راي" على ما يبدو شخصية مستهتره... لذلك تركته الزوجه وتزوجت من آخر .. يبدو فيما يبدو انه زوج مرتاح .. ومريحهم على العكس من "راي".. كما يبدو فيما يبدو ان زوجة "راي" لازالت تحبه..
أحضرت الأم الولدين إلى "راي" لأنها ستسافر إلى "بوسطن" هي وزوجها... طبعا بوسطن مهمه جداً في الموضوع ده... خلوها في بالكم...بدأ كل شيء بعاصفه مغناطيسيه عجيبه... كانت عبارة عن 26 صاعقه كانت بتضرب مكان محدد في الأرض... العاصفة نفسها كانت مرعبه.. ما كان في أي رعد في الموضوع...
طبعا مشهد العاصفة نفسه لا يوصف.. عشان كده حأخليكم مع اللقطات دي... enjoy... سمارت.. اخير ليييييييييك، فلم زي ده إلا في السينما.. اسمعي كلامي..
| |
|
|
|
|
|
|
|
|
|
Re: سبلبيرج... والله العظيم بالغته (Re: ناصر جامع)
|
يا ناصر... والله ما حصل.. انا كل ما امشي بكون محتاااااااااره... لكن في النهاية بقوم اطلب طبقي المفضّل Mushroom Steak Skilt... لكن المره الجايه بقول ليهم دي.. (برضه ما تضمني أنط في آخر لحظه)... حضرته الفلم يا ناصر؟
| |
|
|
|
|
|
|
|
|
|
Re: سبلبيرج... والله العظيم بالغته (Re: zola123)
|
مريم سلامااات
و الله ما اتلومت و لا حاجه , اتلوم سبلبيرج
ذى ما قلت ليك ,القصه ما محبوكه
الطيب, القصه بتبتدى ب اب مستهتر , ما ليه اى علاقه باطفاله اللى بتربيهم زوجته و زوجها الجديد ,اللى باين انو عندو علاقه طيبه مع الاطفال. الزوجه بتذهب لاهلها مع زوجها الجديد لبوسطن و بتترك الاطفال مع ابوهم , اللى ما عندو حتى اكل فى البيت . و بعد مقدماااات طويله بتتعرض المدينه لهجوم من كائنات من الفضاء .و كل الفلم الراجل (توم كروز ) بيحاول ينقذ اولاده و يوصلهم لبوست لامهم . و كانه كما قال الابن لابوه فى منتصف الفلم , انو عاوز يتخلص من الاطفال و يرميهم لامهم عشان ما يكون شايل همهم . فى نهايه الفلم بيوصل الاطفال لامهم
و المشكه انو الفصه ما محبوكه , اول اشكال: ما قالوا لينا ليه المخلوقات الفضائيه هاجمت الارض فى الاصل؟ و شنو حكايه الدم ده ؟ المخلوقات تمتص دم البشر و تزرع بيه نبات فى الارض . على الاقل كانوا يفهمونا النبات ده مشكلتوا شنو ؟ او ايه الفائده منه للمخلوقات ؟؟
المخلوقات فى البدايه كانت تحول الناس لتراب , فجاءة و فى نص الفلم بقت تمتص دمهم!!!
قرابه الساعه من زمن الفلم كانت فى بدروم منزل رجل شبه مجنون (تم روبن ) و ما فهمونا غير انو كان سائق عربه اسعاف سابق , و قرر المقوامه , فى نهايه المشهد قتله توم كروز ليحمى ابنته لان الرجل كان يصدر اصوات عاليه تثير انتباه المخلوقات
الولد فجاءة قرر انه عاوز يحارب و ما يهرب . ترك ابوه و اخته و مشى فى اتجاه الضرب و المشاكل , وكانت المفجاءة انهم لما وصلوا بوست كان الولد موجود سليم كامل و سالم . و ما قلوا لينا حتى كيف نجى الولد و وصل بوستن؟؟
اها و شنو حكايه بوستن دى ؟؟, ليه كل الدمار ده فى كل الطريق ,و كل البيوت ما عادا بيت اهل الزوجه ,لما وصل وجدهم فى بيتهم نظيفين و بيتهم كما هو و ما عندهم اى مشكله. و كانهم فى كوكب تانى ؟؟؟ قرب نهايه الفلم استطاع بعض الجنود تحطيم احدى مراكب المخلوقات بصواريخ مضاده للطائرات( محموله (على الاكتاف), على الرغم من انهم فى بدايه الفلم لم يستطيعوا عمل شى بنفس الصوراخ او حتى بالطائرات !!!!!!!!!!!!!!!
ماذا حدث فى النهايه ؟ هلى انتصر البشر ؟؟ و كيف ؟؟؟ شكلى انا نمت فى نهايه الفلم
حتى المؤثرات ما كانت فوق العاده , يعنى حتى ما ممكن اقارنها ب (لورد اوف الذى رنق),الاكشن اللى فى الفلم كان اجمل منه اكشن bad boys . لو عاوزه فلم فيه حجات دى بس بمؤثرات جمليه احضرى Day after tomorrow , فلم جميل جدا . و احد من النقاد قال على الفلم:
a big, clunky movie containing some sensational sights but lacking the zest and joyous energy we expect from Steven Spielberg
اما عن موضوع الاكل , فلما تمشى مطعم ما تتطلبى تحليه و ما تاكلى اى نشويات , يعنى معكرونه و رز و عيش ,ديل خليهم لمازن... و صحه و عافيه
(عدل بواسطة smart_ana2001 on 07-10-2005, 08:50 AM)
(عدل بواسطة smart_ana2001 on 07-10-2005, 08:52 AM)
(عدل بواسطة smart_ana2001 on 07-10-2005, 09:04 AM)
| |
|
|
|
|
|
|
|
|
|
Re: سبلبيرج... والله العظيم بالغته (Re: مريم بنت الحسين)
|
Quote: على الرغم من انهم فى بدايه الفلم لم يستطيعوا عمل شى بنفس الصوراخ او حتى بالطائرات !!!!!!!!!!!!!!!
ماذا حدث فى النهايه ؟ هلى انتصر البشر ؟؟ و كيف ؟؟؟ شكلى انا نمت فى نهايه الفلم |
دي بشرحها ليك بعدين... شكلك فعلاً أخدتي ليك دقسه في نهاية الفلم..
| |
|
|
|
|
|
|
|
|
|
Re: سبلبيرج... والله العظيم بالغته (Re: مريم بنت الحسين)
|
كل اللى فهمتو من الموضوع ده انهم او توك كروز اكتشف من حركه الطيور حول المركبه that they can't see . فقاموا ضربوهم ضرب مكثف (جاب كثافتهم )( دى من مصطلحات زمن الجامعه فى السودان)
Still the question remains, what’s the deal with Boston??? you got me ? I
| |
|
|
|
|
|
|
|
|
|
Re: سبلبيرج... والله العظيم بالغته (Re: مريم بنت الحسين)
|
الأكل ده في الصورة شكلو غير يا مريم مشهي أكتر يعني نفس الحاجات دي أنا شفتها قبل كده وأكلتها.. أحمأحم.. بس في الصورة تشعر كده انو عمرك ما حيكون قدامك في أكل زي ده بأخوي واخوك بالساهل كده يعني ... لووووول
ملاحظة؟؟
قال تي كي قال؟؟
| |
|
|
|
|
|
|
|
|
|
Re: سبلبيرج... والله العظيم بالغته (Re: مريم بنت الحسين)
|
نادر.. هوووووووي.. كلامنا عن سبيلبيرج.. قلبته لي أكل ... بالله بأخوي وأخوك ما بتلقاه.. طب ايه رأيك.. مافي اي فرق بين الصورة وبين الحقيقة.. كدي اتذكر كويس كده..
انا برجع ليكم بالقصة... بعدين يا سمارت والله انا ما اظن انه اللقطة الأخيره دي تغير رأيك في الفلم كله... ما اتصور دي مشكله كبيره. . بعدين بنتم الكلام ..
| |
|
|
|
|
|
|
|
|
|
Re: سبلبيرج... والله العظيم بالغته (Re: مريم بنت الحسين)
|
معتصم.. انت ياخوي قلت داير ام رقيقه... حسي شايفاك غيّرت رأيك... غايته خليك مع سلطة الأسود بتاعت تمبس دي لحدي ما ربنا يفرجها... اها.. Applebee's ولا ام رقيقه؟
الفلم غايته مافي فرصه إلا تسافر من بلدكم دي... لكن الاكل هيّن.. ولا شنو؟
شفته الصورة دي معبّرة كيف
بنت الحسين
| |
|
|
|
|
|
|
|
|
|
Re: سبلبيرج... والله العظيم بالغته (Re: معتصم دفع الله)
|
عاد يا معتصم ضحكتني ضحك.. الغريبة الصورة صورة واحدة ما عارفه تتصرف كيف.. انا ختيتها عشان الأيام الفاتت دي كان عندي صداع .. وكان نفسي أقلع راسي وارتاح...
ههيع... البحيرني شنو .. وكشف الحال شنو... انا بتك يا أمي... قال كشف الحال قال.. قالوا ليك انا مطبخي بقيف على الحلة دي... بيت الضبعه ما بخلا... وكلها ثواني واخلق صحن قدر الضربه من اكله تحتار زاتي عملتها كيف.. عان ده كمان... انت بس جيبوا معاك البيبسي ... عشان الهضم وكده
| |
|
|
|
|
|
|
|
|
|
Re: سبلبيرج... والله العظيم بالغته (Re: مريم بنت الحسين)
|
سمح يا سمارت.. نرجع تاني... والنحاول احكي ليك انا انا شايفه انه الفلم ده جميل جداً ليه..
ما بتصوّر إنه كون انه هدف البطل إنه يوصّل أولاده سالمين لأمهم شيء يعيب القصة.. فمهما كان .. هو رجل مستهتر زي ما قلنا في البداية.. طبيعي يكون عايز يخلص من مسؤولية كبيرة في انه يوفي لزوجته بوعده ليها إنه يحافظ على أولادهم... يعني كونه انه الهدف بوسطن.. شيء طبيعي.. برضه بتصور إنه البطل كان عنده احساس داخلي ظهر أكتر من مره انه أولاده ما حاسين بالأمان معاه.. فكان جزء من سعيه إنه يوديهم لأمهم عشان يحسوا بالأمان.. رغم انه أمر صعب بالنسبة ليه... بس هو متعايش مع الحقيقة دي .. وقابل بيها.. وبتصرّف على أساسها...
موضوع ليه هاجمت المخلوقات الفضائية.. اتحكى في بداية الفلم... قال الرجل كلام جميل جداً أعجبني.. قال إنه المخلوقات ديل شايفننا زي ما الانسان بشوف الكائنات الدقيقة عبر الماكروسكوب.. وانهم فخورين (زيّنا) بي انجازاتهم.. وحاسين انهم اقوياء جداً... والهدف استعمراي.. واضح جداً.. حتى لو ما اتقال في البداية..
النباتات الفي الأرض دي مافي أي مكان لو لاحظتي.. النباتات دي أو الجذور دي بتكون موجوده في الأماكن الكانت مدفونه فيها السفن بتاعتهم... والرجل المجنون داك كان قاعد في خندق بجاسعيدنب واحد من الأماكن دي.. عشان كده كانوا كل شويه بجوا الكائنات الفضائية ليهم... مسألة مص الدم دي.. كانت طريقه من طرق الإثارة والتشويق.. وانا غايته فهمته منها إنهم بحاولوا يدروسوا الناس .. بمص دمائهم.. تماماً زي ما بحاول البشر دراسة الكائنات الأخرى دون الاهتمام بحياتها أو موتها...
الولد من البداية عايز يحارب.. بس كل ما يحاول يمشي يحارب كانت اخته بتقنعه انه يفضل معاها لأنها بتحس بالأمان معاه.. والولد غالباً محاولة من سبيلبرج عشان يجهجه الآراء.. انا بالنسبة لي ظهر عندي تساؤل كبير... ما هو الحل؟ الهرب أم المقاومة... وده كان واضح بين الاتجاهين.. الاب وابنه.. الاب كان عايز يهرب عشان بنته.. وعايز يحميها بشتى الصور.. حتى انه ظل لفترة طويله جداً مخفي عنها حقيقة انه الهجوم من كائنات فضائية.. وكان ببذل مجهود خرافي عشان ما تسمع كلام زي ده... وصول الولد بوسطن بتخيل انه كان جائزة.. لو الولد كانت حصلت ليهو حاجه (انا كنت حأزعل شديد).. يعني.. تكلمة للنهاية السعيدة.. لا أكثر لا أقل...
بالنسبة لنهاية الكائنات الفضائية.. برضه الراجل شرحها.. قال "يوضع سره في اضعف خلقه".. قال انه الكائنات دي درست الأرض والهواء والماء جيداً.. لكنها ما فكّرت في الأثر الممكن تعمله الباكتيريا فيهم.. والحصل إنه دروعهم اتكسرت لما البكتيريا عملت عملها.. البطل لاحظ الحاجه دي عشان الطيور كانت بترك على الآلات... ونبّه افراد الجيش عشان يضربوها.. وانتهوا منها...
اما بوسطن... فدي ما عندي ليها تفسير.. انا فعلا لاحظته الحاجه دي.. انه الام نظيييييييفه تلمع.. غلطه واضحه في رأيي...
بالنسبة للمؤثرات.. فما فيها كلام يا سمارت.. شفتي لما طلعت الآلات أول مرّه؟ المشهد ده كان رائع... من مشاهدي المفضله برضه مشهد الهجوم على السيارة.. المؤثرات من شدّة ما كانت رائعة.. مازن اتلفت فجأة كده على يساره.. (علي انا).. عشان في صوت جا من جهتي .. كاننننننننه الناس ديل معانا...
غايته انا استمتعه بالفلم خالص..
أما الdiet.. فدي حنعمل ليها بوست خاص في الأيام الجايه دي.. حاكم انا مسيطره على الوضع خالص
| |
|
|
|
|
|
|
|
|
|
Re: سبلبيرج... والله العظيم بالغته (Re: smart_ana2001)
|
مريم بنت الحسين
انا استسلمت
دفاع مستميت عن الفلم , و رؤيه بصراحه جميله جدا جدا للفلم. زكرتينى واحده صحبتى فى الثانوى , كنت بحب افوت المسلسل عشان تحكى هى لى فى اليوم التالى فى المدرسه , احكى زول شفتو فى حياتى.ربنا يطرها بالخير
| Quote: .. شفتي لما طلعت الآلات أول مرّه؟ المشهد ده كان رائع... من مشاهدي المفضله برضه مشهد الهجوم على السيارة.. |
اوافق و بشده على الكلام اعلاه . لكن ديل هم المشهدين الوحيدين اللى عجبونى فى الفلم
| Quote: المؤثرات من شدّة ما كانت رائعة.. مازن اتلفت فجأة كده على يساره.. (علي انا).. عشان في صوت جا من جهتي .. كاننننننننه الناس ديل معانا... |
ده 3D صوت . و اظنها الان فى كل الافلام (حتى افلام الكرتون ) , و اغلب السنمات الان فيها امكانيه سماع الصوت فى تلاته ابعاد.
و بينى و بينك يا مريم سبلبيرج دفع ليك كم ؟ ده نقد بتاع زول دافعين ليه . نقد مؤسس و واااعى.
شكرا على الرد
أما الdiet , قولى لى عوك لما تبدى فى البوست , اصلا انا من نوع الناس اللى بينقصوا 3 رطل فى الاسبوع , و بيزيدوا 5 فى الاسبوع اللى بعدوا , خبره فى جميع انواع الdiet و التمارين.
Low carb , hight fat , انت بس قولى عاوزه تنقصى كم ؟ و متين؟
| |
|
|
|
|
|
|
|
|
|
Re: سبلبيرج... والله العظيم بالغته (Re: Siddig A. Omer)
|
صديق عمر.. كان انت في منطقه السينما فيها مباحه أوعى تتردد.. امشي عديل احضر الفلم ده.. ما تنتظر يبيجبوهو في التلفزيون .. مااااااااا حلو حيكون .. اسمع كلامي.. الريجيم ده بنتكلم فيه بعدين.... ما ضروري حسي.. كدي امشي احضر الفلم... واغشى Applebee's..
| |
|
|
|
|
|
|
|
|
|
Re: سبلبيرج... والله العظيم بالغته (Re: smart_ana2001)
|
اللزيزه سمارت.. والله ده نقد زول استمتع بالفلم .. يعني لو دافعين لي كان اقنعتك بي (أخنق فطّس)... بالقوة يعني.. بالنسبة للدايت.. انا كنت مفكرة في شي اكتر حيوية من كده.. برنامج جماعي لتنقيص الوزن... عادة الناس لما يجتمعوا على هدف بحققوهو.. بس كنت عايزه لي تشجيع.. عشان شايفاها صعبه شويه كده.. ... اها .. شن قلتي.. بتشجعيني؟
| |
|
|
|
|
|
|
|
|
|
Re: سبلبيرج... والله العظيم بالغته (Re: مريم بنت الحسين)
|
مريومة
الآن فقط عرفت اليوم داك، ناديتك، وإنتي وأخوك، وآخر طناش، تاريكم اليوم داك طالعين من الفلم، والخلعة والدوابي سيستم عاملين عملهم في الإضنين. وكمان زايد عليهم تخمة من ابل بييز، وبشأنه أنا أوافقك الرأي تماماً.
| |
|
|
|
|
|
|
|
|
|
Re: سبلبيرج... والله العظيم بالغته (Re: مريم بنت الحسين)
|
لووووووووووول... صحي يا نادوس؟ والله دي عوجه... لكن والله الاتنين بستاااااهلوا... بعدين القعده في المطعم نفسها شكلها مختلف.. يعني ما زي أي مكان ... هناك بتقعد بي احساس جميل بالدفء رغم انه الدوحة حرها يظلط ... الاضاءة... بقضي وقت طويل اعاين في الديكور البسيط بتاعهم.. والتقول جايبنهم من الكوش...بعداك يبدأ العرض السحري للأكل... كل شيء تحسه انه ما عادي.. في تقديمه في طعمه.. في شكله في ألوانه.. انا الحاجات الباكلها هنا، في العادة ما بحبها... الخضار السوتيه الجنب الأكل .. ما مفضله عندي عادة.. لكن هناك باكلها (ده يا ربي من الفاتورة) .. اما التحلية تحديداً الاخترتها دي... بقدموها بطريقة ما بتتوصف.. ما حأفوت على الناس متعة المفاجأة بيها... خمّوا عفشكم وامشوا اخدوا ليكم غدوة هناك... وانت يا نادوس.. اعزم ابنوسة على شرف سبلبيرج... حاكم الليله كنا بنقطع في خطط جميلة لينا انا وهي..
واعفي لي ولأخوي دهشة الخوف.. وتطعم الجمال ... خلا حواسنا تتعطل (مرحلياً)...
| |
|
|
|
|
|
|
|
|
|
Re: سبلبيرج... والله العظيم بالغته (Re: مريم بنت الحسين)
|
| Quote: اها .. شن قلتي.. بتشجعيني؟ |
ح ابصم بالعشره . معقوله بس؟؟؟ طبعا ح اشجعك . الغريبه انا بديت لى برنامج قبل 3 يوم بس , عاوزه انزل 20 رطل فى حوالى 3 شهور (روحى طويله مش؟؟).الربنامج فاسى جدا , فيه جرى لمده 20 دقيقه يوميا ,و شويه تمارين. فطور كبايه لبن بس , و بطلت اكل السكر و النشويات نهائى . الان كلما اشوف زول بياكل فى عيش , بدبرس .
على كل حال ممكن نعملها حمله على مستوى البورد . السودانيين (و السودانيات ) كلهم ما شاء الله .على راى مسرحيه "مدرسه الشماغبين "( بط و وز و لحمه و فراخ ...)
و ممكن نتفاهم بالراحه فى موضوع (حمله قوميه لانفاص الوزن)
| |
|
|
|
|
|
|
|
|
|
Re: سبلبيرج... والله العظيم بالغته (Re: smart_ana2001)
|
حلوووووووووو.. انا برضه فكرته فيها قبل كم يوم.. حمله في البورد واسعة النطاق.. وهدفي روحي طبعاً.. قلت إنه الانسان بوجود ناس بتدعمه ومعاه في الامر .. بتشجّع.. على الاقل بتكون في روح منافسه + روح تضامن... بس كنت بفكّر فيها انها تكون صريحه درجة أولى... يعني الواحد يجي يخت بالواضح وزنه وكم ومفروض ينزل كم.. لكن تاني قلت ياخ كده بصعّبها... فكرته نخت الرقم على شكل X... ونلزم الواحد كل أسبوع يجي يكتب وزنه على صورة معادلة رياضية.. X-2 حيث 2 هي عدد (الكيلوهات يا ناس أمريكا) النقصها الزول...
انا بادية لي برنامج لي تلاته أسابيع.. باكل بكميات مقلله.. اساسا انا السكر ما اصحاب شديد.. بشرب قليل.. عشان كده ما سبته كله كله .. قول لي ليه... ؟ انا اقول ليك.. عشان ما اقرف حياتي... واسيب الموضوع كله في النص.. الشي التاني بتبع نصيحة أوبرا.. بعد الساعه 7:30 المساء ما بدخل في خشمي فوله... لكن قد أشرب بيبسي دايت لو الجوع حرقني شديد... طبعا بقيت كل شي دايت.. بيسي زبادي.. حليب اي شي بجيبه دايت.. بمشي آيروبكس كلاس لمدة ساعة يومياً وقبلها بجري في tradmill زي أربعين دقيقة.. نقصته لحدي الآن خمسة كيلو.. يعني بالرطل 11 رطل وفكّه... لكن يا بت أمي لي أسبوع وزني واقف (توج)... لابزيد لا بنقص... عشان كده قررت نضيف السباحه للموضوع عشان يوزن القصه شويه.. ولا شنو؟
أعرشي لسبيلبرج
| |
|
|
|
|
|
|
|
|
|
Re: سبلبيرج... والله العظيم بالغته (Re: smart_ana2001)
|
سلاماات تانى
لو قلت ليك ما ح تصدقى انى بجرى كل يوم 20 دقيقه فى elliptical وو بسبح حوالى 30 دقيقه وو بعمل كل يوم Abdominal Crunch Exercise
و ما بنقص و لا حتى نصف كيلو , ليه ؟؟ لانى بعضى عض شديد. بحب الاكل الجميل جدا
و ممكن انقص وزن فقط اذا وقفت اكل السكر و النشويات
هذا عن امرى و الرجيم
اما الحمله القوميه فاظن احسن نعملها حمله لبناء اللياقه . لان الناس ح يقولوا ليك كل السودانيين ضعاف . لكن بينى و بينك (الضعاف منهم و السممان) لياقتهم صفر
السودانيين ما عندهم لياقه خالص. من لاعيبه كورتنا , ل .....( شوف انت بقى )
و طبعا انت عارفه لما تبنى لياقه بتعملى عضلات بتستهلك اكسجين اكتر و بتحرق كلوريز اكتر و بالتالى
Enhance your Metabolism و بالتالى بتنقصى وزن (اذا اكلتى اقل)
اها قلتى شنو ؟؟
| |
|
|
|
|
|
|
| |
مريم بنت الحسين
omer almahi
waleedi399
smart_ana2001
معتز تروتسكى
.
zola123
Osman M Salih
معتصم دفع الله
Siddig A. Omer
nadus2000
فيس بوك
تويتر
انستقرام
يوتيوب
بنتيريست