|
|
|
 Re: باركوا معاي للفنان الصديق اللدود ناصر عباس.. والجميلة الفنانه نهله.. (Re: مريم بنت الحسين)
|
مبروك
ناصر عباس
نهلة مهدي محي الدين
وليقيني أن هناك الكثير من الأصدقاء الذين قد تختلط عليهم الأمور، أو الذين قد يقعون نهب التساؤل المحير ، فناصر عباس محمد الحاج خريج كلية الفنون الجميلة قسم تلوين 1994م مقيم الآن ببلجيكا، ونهلة مهدي محي الدين تشكيلية خريجة كلية الفنون الجميلة عام 1999م، لها إسهامات عديدة من خلال جمعية التشكيليات السودانيات في معارض فردية وجماعية في كل من السودان ومصر، إضافة إلى مشاركاتها في فقرة الرسم ببرنامج الأطفال بقناة النيل الأزرق.
تسلمي الغالية مريم على هذه اللفتة البارعة ... وعقبالك أغني في فرحك وأقول ... أجمل غنية عندي تفرح كل زول ...
الصديق (مهدي) ناصر عبد المنعم إبراهيم ... تحياتي وعقبالك .. بالمناسبة أنا منتظرك ومنتظر ضياء الدين عووضة .. بس شكلها طالت الشغلة فمعليش حأزوغ وكده ... أكلوا ناركم براكم .. معاكم في كل حاجة إلا الجهجهة دي ... السعودية مع العزوبية دي عنترة بن شداد بي جبروتو داك كلو ما قدر يستحملها ...
محمد عباس محمد الحاج وينك طولنا من إبداعاتك ... الامتحانات وانتهت حاول تعال وأنثر ابداعك المتألق هنا ... ومبروك لناصر وعقبالك ...
مبروك مرة أخرى ناصر ونهلة
وعقبال للشباب الحلو القاعدين (كلويتا) عجل حديد
| |
 
|
|
|
|
|
|
|
|
Re: باركوا معاي للفنان الصديق اللدود ناصر عباس.. والجميلة الفنانه نهله.. (Re: نادر)
|
نادر... انا ما بشكروني على ده.. انا مفروض أكون مع نهله حسي بنظّر ليها في تقاليد المجتمع البائته.. وانقنق معاها على الحنّة والدخّان.. ويمكن كمان أسوقها ونزوغ نمشي السوق العربي.. عشان لما نجي راجعين اي زول في الشارع يشاكلها "في عروس تمرق".. نهله وانا ربطنا شيء شديد الجمال... ويمكن عشان كده ناصر كل ما يلاقيني يشاكلني "غيران"... لكن أقول له.. "موت غيظاً"...
ألف مبروك ليهم
| |
|
|
|
|
|
|
|
|
|
Re: باركوا معاي للفنان الصديق اللدود ناصر عباس.. والجميلة الفنانه نهله.. (Re: نادر)
|
مهدي..
| Quote: Mariam ask Nadir about the name he can tell the story |
انتو قصتكم شنو مع الأسماء.. انت مسمي نفسك مهدي.. وبقولوا ليك عبد المنعم.. ونادر مسمينه نميري... غايته انا سألته.. ورفعت مذكره رسميه بعدم الرضا والاحتجاج على الاسم الشين ده.. انا بعمل لي حساسيه.. وحاله نفسيه.. وبعدين اساسا هو ما بشبه نادر.. حتى لو حصل سنة ولادته... عليكم الله غيروهو.. ادوهو اي اسم.. ان شا الله "فضل الله"، "خدر".. "الزين حرسنا" المهم... بس الاسم ده لا لا لا...
ألف مبروك يا مهدي.. ولابد بالله.. كيف المعنويات الليله.. وريني وين في بحري.. احنا بيتنا في بحري.. يمكن تطلع جارتنا 
نادر بالمناسبة نهله عندها اختها ساكنه قريب من بيتنا... اصبر لي بعرف ليك شمارها..
| |
|
|
|
|
|
|
|
|
|
Re: باركوا معاي للفنان الصديق اللدود ناصر عباس.. والجميلة الفنانه نهله.. (Re: DKEEN)
|
دكين.. الله يبارك فيك ياخي. .وما حأقول ليك عقبالك.. عشان الزوله الببليها الله بيك ما اتعلّق انا ذنبها...
بعدين الصورة مالها ياخ.. بتعبر عن غليان قوات الشعب المسلّحه.. خليني افكّر... لكن لو بتغيظك، ده بكون دافع عشان اخليها... انا اساسا كنت ناويه أغيّرها.. لكن وقت ضايقتك... (حأفكر) 
غايته فتشته ليك كركديه جاهز ما لقيت.. هاك ديل بلّهن في مويه.. واعمل ليهن سكر وروح موز.. واشرب...
| |
|
|
|
|
|
|
|
|
|
Re: باركوا معاي للفنان الصديق اللدود ناصر عباس.. والجميلة الفنانه نهله.. (Re: Osman M Salih)
|
الأستاذ عثمان ...
ربما كنت بطيئة الفهم قليلاً.. لكني أصل ... وكما يقول المثل.. better late than never... فهمت الآن ما كنت تريد أن تلمّح به إليّ.. والحقيقة فهمت هذا التلميح قبل فترة.. ومنذ ذلك الحين قررت أن اقرأ فقط ما تكتبه...
هذا لأخبرك بأن رسالتك قد وصلتني.. رغم انها كانت غريبه بعض الشيء...
شكرا لك على تهنئة صديقيّ ناصر ونهله...
هل لاحظتم أن لهما نفس حرف البداية...
بنت الحسين
| |
|
|
|
|
|
|
|
|
|
Re: باركوا معاي للفنان الصديق اللدود ناصر عباس.. والجميلة الفنانه نهله.. (Re: مريم بنت الحسين)
|
مريم ازيك
كيفنك
بعدين التشخت دا شنو يعني
الزعلك منو
لابد ليك في الماسينجر ما بتدخلي
(في خبارات بتكوني دايرة تسمعيها عن امس) (شفتي التملس دا)
و بعدين حكاوي عن يوم 19 يوليو
ما غريبة يكون زواجهم يوم 19 يوليو
قبل يومين ناصر حكى لي نكتة (مدرس و مدرسة رياضيات اتتزوجوا جابو ولد و استنتجو الثاني)
شكلهم كدا ديل حيكون عندهم مناضلين كبار
غايتو اذا الشريط طلع سالم من يدي سالم (لأنو ناصر ممكن يمسكك لي الشغلانيات دي 45 سنة حاديكم تشوفوه)
يلا عقبالكم
تحيات
مبروك ناصر عبد المنعم
| |
|
|
|
|
|
|
|
|
|
Re: باركوا معاي للفنان الصديق اللدود ناصر عباس.. والجميلة الفنانه نهله.. (Re: tmbis)
|
Quote: والذي نفس تمبس بيده
اقشطو ليك في شنطة الشيلة |
تمبس.. بريييييييييييي يا يمه.. شبشب زي ده في الشيله.. فال كعب تب.. غايته انا كلمتكم من حسي.. أخير لييييك.. هو احسن شي اننا اساسا في عرسنا مافي شيله وقصص زي دي.. ما بديك فرصه زي دي.. وكان حترسل لي هدية زي دي.. ماااا بدورها... يازول هوي.. ده شبشب ممكن يخرب العلاقات الإجتماعية والاقتصادية.. اخير ليك.. ببقى ليك حااار الكلام ده ..
| |
|
|
|
|
|
|
|
|
|
Re: باركوا معاي للفنان الصديق اللدود ناصر عباس.. والجميلة الفنانه نهله.. (Re: نصار)
|
عم نصّار.. تعرف .. انا بتكيف اناديك عم نصّار ليه؟ عندنا شخصية من الشخصيات التي تعلق في الذهن من اول لحظه... رجل تشعر بأنه كالملاك.. ويناديه الجميع عم نصّار... يذكرني طبعا نداؤك به.. ويذكرني سلامك المستمر مع من هم حولك ومع نفسك، بروحه... شكرا لك على الكلمات اللطيفه.. ومتأكده انه ناصر نهله حيقرأوا الكلمات دي.. وحيكونوا سعيدين بيها جداً... أما شبشب خدر الأخدر، عليك الله كان قريب منّه أرميه في أقرب كوشه... وادعي ربنا انه ما يئذي انسان بي منظره..
| |
|
|
|
|
|
|
|
|
|
Re: باركوا معاي للفنان الصديق اللدود ناصر عباس.. والجميلة الفنانه نهله.. (Re: Mahadi)
|
مريم
ازيك
متابع البوست ده وشكلك قعدتى ليهو بمزاااج ..البوست جميل جدا
بس كمان صراحة مرات (فهمى تقيل شويه )
ناصر ونهلة ديل عرفتهم من خلال تقديمهم هنا وفرزتهم (تب).
بس الشيء ا لمحيرنى حبيبنا (مهدى) العريس المرتقب (حسب ماتقول مجالس البورد)
مهدى دا علاقتو بنادر ونهلة شنو ؟
رجاء فك ا لاشتباك وتوضيح العلاقة بين العريس ناصر والعريس (المرتقب ) مهدى اللهو
ناصر ( والعريس المرتقب هنا نقلا عن مجالس البورد والماسنجرات الليلية التى اختفى منها
ناصر اللهو مهدى اي ليس ناصر العريس )
اها حليها يامريم ...ومرة اخرى الف مبرووك للعرسان ..
| |
|
|
|
|
|
|
|
|
|
Re: باركوا معاي للفنان الصديق اللدود ناصر عباس.. والجميلة الفنانه نهله.. (Re: محمد عبدالرحمن)
|
محمد عبدالرحمن.. شكرا ليك.. انا والله مبسوطه عشان كده البوست طلع جميل.. ناصر ونهله عزيزين علي شديد...
شوف يا سيدي.. انا بعرفهم الاتنين عن طريق الانترنت... صاحبتهم صحبه شديده.. ده غير انه عندنا معارف مشتركين.. ناصر عباس.. اتزوج نهله مهدي... دي انتهينا منها؟ كده القصة الأساسية بتاعت البوست انتهت.. أما مهدي يا سيدي.. فهو صديق لنادر وهو أخو ناصر عباس... نادر عباس هو اخو ناصر عباس... العريس.. ومهدي (ده ما اسمه الحقيقي) هو صديق للعائله دي.. مهدي جا بارك لناصر واتمنى العقبى لنادر... والحصل انه قام نادر عرف انه مهدي برضه خطب وفي طريقه للزواج.. فقام هنأه... أحي النفس انقطع.. عاد لكن يا محمد عبدالرحمن الكلام ده ما واااااضح... ما داير ليهو مترجم... وصلت؟
| |
|
|
|
|
|
|
|
|
|
Re: باركوا معاي للفنان الصديق اللدود ناصر عباس.. والجميلة الفنانه نهله.. (Re: مريم بنت الحسين)
|
Mariam,
Thanks a lot for your congratulation, and it is enough for you, we are going to change your status in this post, so you have to leave this post to me and I will take care of it, Nadir is ignoring and don't reply to my email but I will keep bothering him by lots of emails,
Mohamed Abe Elrahman you are smart enough to distinguish which is which and you are in Qatar so close to the event, and I will show up specially for you in the messenger soon inshallah,
Nadir " will no longer call you with that name" what is going on with you, will wait for you in the email, and don't tell me it is hard to stay alone in Saudi, Man I have the experience for two years and in the Qaseam are so thank Allah you are in Hollywood of the peninsula ha, I am not going to put a pressure on you guy, but I am really happy for you and specially the compatibility of the place and time and will tell you a lot in the email
| |
|
|
|
|
|
|
|
|
|
Re: باركوا معاي للفنان الصديق اللدود ناصر عباس.. والجميلة الفنانه نهله.. (Re: Mahadi)
|
الأخ مهدي.. تحياتي..
Quote: Mariam,
Thanks a lot for your congratulation, and it is enough for you, we are going to change your status in this post, so you have to leave this post to me and I will take care of it, Nadir is ignoring and don't reply to my email but I will keep bothering him by lots of emails |
ألف مبروك مرّه تانيه يا مهدي.. لا لا.. البوست ده حق ناصر ونهله.. ... ألف ألف مبروك.. وربنا ان شاء الله يتمم ليك على خير.. ويجمعكم ويسعدكم ويهنيكم...
بنت الحسين
| |
|
|
|
|
|
|
| |
مريم بنت الحسين
Mahadi
محمد عبدالرحمن
معتصم دفع الله
humida
Mohammed Elhaj
أم سهى
Abu Mariam
الملك
tmbis
فرح
خدر
lana mahdi
بلدى يا حبوب
نصار
Badri
فيس بوك
تويتر
انستقرام
يوتيوب
بنتيريست