|
دعواتكم لزميلنا المفكر د.الباقر العفيف بالشفاء العاجل
|
|
 Re: أنا قاعدة.. القاعد معاي منو؟ (Re: مريم بنت الحسين)
|
مريم يابنيتى، قلت خمسة وعشرين صغيرة سن وكبيرة عقل
انا قاعدة معاكن
لو فقئوا/ن قلب الحنين باقية
لو شتمونى كما فعلوا باقية
حجرا لايستطيعون بلعه باقية
سنحتفل بانتهاء الحروب اللعينه
سنغنى لصباحاتنا الجاية
سنجعلهم/ن يتحسرون على خسرانهم/ن لذاتهم/ن
باقية
جمرة لاجل الحقبقة
وساواصل وحيواصل بعدى واصل
لحدى مانصل لمرافىء الوطن
باقية ولو فقئوا عين نشيدى باقية
ام واصل ومرافىء
| |
 
|
|
|
|
|
|
|
|
Re: أنا قاعدة.. القاعد معاي منو؟ (Re: Ishraga Mustafa)
|
العزيزة مريم ..
سنبقى ولكن نرفض ان يجعلنا احدهم طراطيرا ....
هناك أشياء غير مفهومة ...
من حقنا على بكرى ان يوضح لنا الحقائق .. ماذا يحدث بالضبط فى هذا المنبر ..من هم الهاكرز .. وكيف استطاعوا سرقة ايميلات الزميلات و الزملاء ؟؟.. وهل تحصلوا على معلومات من السيرفر مكنتهم من الدخول الى الايميلات الخاصة ..؟؟
أكره ان اعيش فى جو التعتيم الاعلامى الحاصل الان.....
| |
|
|
|
|
|
|
|
|
|
Re: أنا قاعدة.. القاعد معاي منو؟ (Re: zola123)
|
قاعدين
قاعدين
ولو بى نص عين
قاعدين
قاعدين
نضرب أخماس على أسداس
بحثا عن العلة و الأساس
قاعدين
قاعدين
لمن نرفع رايات النصر
و نزف مريومة للقصر
من داك اليوم
نقول لى بكرى سلام
وطنّا الفى الغيب راجينّو
ما عاد أحلام
و تسلمى يا بت الحسين
| |
|
|
|
|
|
|
|
|
|
Re: أنا قاعدة.. القاعد معاي منو؟ (Re: مريم بنت الحسين)
|
بنت الحسين مريومة
انا قاااااااعدة
البكتب ليكم من الخرطوم منو الاسبوع الجاى
انت نسيتى انا من بورداب الخرطوم بقيت
قاعدة عشان امشى اقعد للحكومة فى حلقها
وترانا قاعدين وما عارفين بكرة الجايينا
ولك الحب يا بنت الحسين الظريفة
ام وضاح
| |
|
|
|
|
|
|
|
|
|
Re: أنا قاعدة.. القاعد معاي منو؟ (Re: essam&amal)
|
أم وضّاح.. والله لينا الشرف... والخرطوم زاتها ليها يوم .. نجي نقعد و نفتش عن الحقائق.. وما بنسيبها.. إحنا يا أم وضّاح.. خلينا ليهم البلد بي ناسها.. وعايشين منفى اختياري.. ده كمان دايرين يشيلوهو مننا.. أبداً.. والله قاااااااااااااعده.. وآآآدي انبطاحه كمان
بنت الحسين
| |
|
|
|
|
|
|
|
|
|
Re: أنا قاعدة.. القاعد معاي منو؟ (Re: خضر عطا المنان)
|
مريوم الرئيسه
هي حلاة قعده !
بكره اجمل من هتارهم
والبقيف في السكه لينا....
نمشي منو ولانبالي ...
ونبني في الوطن المثالي
قريه اروع من خيالهم
البورد الوطن الصغير ان لم يصير وطنا علي ارض الواقع نكون ضيعنا وقتنا ساكت
| |
|
|
|
|
|
|
|
|
 Re: أنا قاعدة.. القاعد معاي منو؟ (Re: مريم بنت الحسين)
|
بنيتى العزيزه مريوما
فى البدايه لما بداء البورد يجوط والكلام بجى ما ياهو قلت لنفسى حبوبه أمدر هوى أتخارجى ده شعرا ما عندك ليه راس
لاكن أول ما أنتبهت أن الحكايه ما هى ألا حمله منظمه للتخلص من كل الأقلام الشريفه، المخلصه للوطن و المعبره عن معانة أهلنا الطيبين
طوالى جبت بنبرى و هاك يا قعاد ومانى قايمه من محلى ده لحدى ما يرجع الحق الأتسرق بليل لأسياده
و لكى مريم و لكم جميعا محبتى
حبوبتكم أمدر 
| |
|
|
|
|
|
|
|
|
|
Re: أنا قاعدة.. القاعد معاي منو؟ (Re: مريم بنت الحسين)
|
يا مريومه
انا اكتشفت ان الهروب لا يفيد
واننا بدلا من ان نهرب حين احساسنا بالجدار قد اوشك على السقوط ان نقف جميعا ونسنده
البورد هذا له افضال كثيره علينا, لزلك يجب ان نرد الجميل ولو على حساب انفسنا
اعلم انه يوجد الكثير من المرارات, لكن جل من لا يخطى
علينا ان نتغلب على احزاننا ونقف يدا واحده للحفاظ على هذا الصرح الجميل الذى جمعنا جميعا من مختلف بقاع الارض تحت جناحه
فبرغم السلبيات الا انى اعتقد ان ايجابياته اكثر
فمن غيره لم اكن اعرف رجاء وراويه ومريم وتماضر واشراقه وغيرهم من اناس اعتز بمعرفتهم جدا
ومن غيره لم اكن لاشعر بمعنى الانتماء للوطن ولا طبيعه السودانيين وعاداتهم وحديثهم وخفه دمهم وحماقتهم واختلافاتهم وتصافيهم
لقد تعلمت الكثير هنا واصبح البورد جزأ لا يتجزا من نظامى اليومى
اتمنى ان ندرك قيمه هذه النعمه التى فيها قبل ان نفقدها, لأننا عاده لا نعرف قيمه الشئ الا بعد فقده
ورغم تحفظاتى على طريقه الاخ بكرى لاداره البورد الا اننى اشكره بعد الله سبحانه وتعالى لأتاحه الفرصه لنا بالألتقاء فى هذا الصرح الجميل
عشان كده يامريومه
انا برضو قاااااااااعده
قاعده احتفل معاكم كمان بعيد ميلادى الخمسه وعشرون بأذن الله
وقاعده احتفل معاكم ايضا بحصولى على الماجستير ( قولى يارب) انشاء الله
وكمان لو فى واحد امو داعيه عليهو وقرر ينتحر ويتزوجنى حأقعد عشان تباركو لى (ولا تواسونى) ما عارفه
وكمان لو الزول الامو داعيه عليهو صبر لحدى ما الله رزقنا اطفال حأقعد لحدى ما اعلم طفلى بأذن الله كيف يمسك بالكيبورد ويكتب فى بورد بكرى بأذن الله (اهم حاجه حأعلمو الحقاره عشان مافى زول يحقر بيهو) 
قصرتا معاكى يا مريم؟
اتمنى ان يعم الامن والسلام البورد ويعود جميع الاخوه والاخوات للبورد ونتصافى ونبقى يد واحده
تحياتى وكل سنه وانتى طيبه مقدما
وتحياتى للقاعدين...وفى انتظار الغايبين
وفى امان الله
لا اله الا الله
| |
|
|
|
|
|
|
| |
مريم بنت الحسين
Elmosley
محمد عبدالرحمن
Muhib
Ishraga Mustafa
Outcast
ودرملية
zola123
essam&amal
خضر عطا المنان
abas
Mohamed Yousif Hamad
عبد الباقي الجيلي
nada ali
حبيب نورة
Abdel Aati
اسامة الخاتم
bint_alahfad
فيس بوك
تويتر
انستقرام
يوتيوب
بنتيريست