منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 08-19-2017, 05:04 PM الصفحة الرئيسية

مكتبة احمد حنين(ahmed haneen)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

حسن عبدالعزيز رئيس الجاليات وممثل المغتربين .. اي جاليات ! ومن فوضه نيابة عنا؟؟؟؟

08-22-2005, 02:44 AM

ahmed haneen
<aahmed haneen
تاريخ التسجيل: 11-19-2003
مجموع المشاركات: 7975

للتواصل معنا

FaceBook
تويتر Twitter
YouTube


حسن عبدالعزيز رئيس الجاليات وممثل المغتربين .. اي جاليات ! ومن فوضه نيابة عنا؟؟؟؟

    اوردت صحيفة الراي العام اليوم عن مؤتمر المغتربين
    الأتي

    البشير يوجه بخفض ضريبة المغتربين تدريجياً

    الخرطوم: اماني اسماعيل

    وجه الرئيس عمر البشير المسؤولين كافة بالعمل على انفاذ السياسة المعلنة بالتدرج في خفض رسوم المساهمة الوطنية المفروضة على العاملين بالخارج وتبسيط اجراءاتها حتى تصل الى القيمة الصفرية بجانب العمل من اجل تخفيض الاعباء عن كاهلهم.وشدد البشير في خطابه امام الجلسة الافتتاحية للمؤتمر الخامس للسودانيين العاملين بالخارج بالعمل الجاد لقيام جامعة المغتربين حفظاً لحقوق ابنائهم في القبول والرسوم الجامعية حسب التوصيات العلمية والعملية التي سبقت في هذا المجال. منبهاً الى ان الهجرة والضرب في الارض من ابسط الحقوق الانسانية غير ان التعقيدات السياسية والامنية والحرب الدولية على الارهاب اتخذت منحى ربما يؤدي الى ظلم كثيرين معتبراً انه في الظرف الحالي من اوجب واجبات الدولة حماية مواطنيها في مهجرهم من خلال العمل على صدور قانون دولي لحماية تلك الحقوق مشيراً الى ان السودان بات من الدول الجاذبة للعمالة الاجنبية عقب التحولات الاخيرة مما يستدعي المحافظة على حقوق المواطنين من الغول الخارجي مثلما نعمل على عدم اهدار حقوق الاجانب في بلادنا أو هضمها.واكد في ذات الجلسة رئيس الجاليات وممثل المغتربين حسن عبدالعزيز على ان تنامي الالتزامات والاسر ألقى بظلاله على المغتربين مما افرز اسراً كاملة عاطلة عن العمل في الخارج ونتجت عن ذلك اوضاع مزرية تتطلب اجراءات عاجلة لاعادتهم الى البلاد وشدد عبدالعزيز على ضرورة مراجعة أسس ومعايير قبول ابناء المغتربين في الجامعات والمعاهد العليا وتعديل قانون جهاز العاملين بالخارج وتحويله الى وزارة ومنحه المزيد من الصلاحيات مبيناً ان قرارات تخفيض المساهمة الوطنية كان لها اثر ايجابي مطالباً بازالتها نهائيا.من ناحيته قطع الامين العام لجهاز العاملين بالخارج د. تاج الدين المهدي باهتمام الجهاز بالمغتربين باعتبارهم المحور الاساسي لكل برامجه وقال ان جهوده اثمرت عن تخفيض الرسوم المفروضة عليهم الى جانب الاعفاءات الجمركية على الامتعة والمتعلقات الشخصية للعائدين بشكل نهائي.

    من هو حسن عبد العزيز هذا الذي يتكلم بأسمنا؟؟
    من منكم يعرفه ؟؟
    من منكم اختاره وفوضه لذلك ؟؟
    نيابة عن اي جالية وفي اي دولة يتكلم هذا الرجل ؟؟؟

    اما أن الأمر كله مسرحية يقوم بها المؤتمر الوطني
    عبر سفاراته ؟؟؟

    نرجو من الأخوة المهتمين بقضية المغتربين
    افادتنا عن هذا الرجل الذي تكلم بأسمنا!!!
                   |Articles |News |مقالات |بيانات

08-22-2005, 03:22 AM

عبدالرحمن عبدالله أبوشيبة
<aعبدالرحمن عبدالله أبوشيبة
تاريخ التسجيل: 08-11-2005
مجموع المشاركات: 1286

للتواصل معنا

FaceBook
تويتر Twitter
YouTube


Re: حسن عبدالعزيز رئيس الجاليات وممثل المغتربين .. اي جاليات ! ومن فوضه نيابة عنا؟؟؟؟ (Re: ahmed haneen)

    من هو حسن عبد العزيز هذا الذي يتكلم بأسمنا؟؟
    من منكم يعرفه ؟؟
    من منكم اختاره وفوضه لذلك ؟؟
    نيابة عن اي جالية وفي اي دولة يتكلم هذا الرجل ؟؟؟

    اما أن الأمر كله مسرحية يقوم بها المؤتمر الوطني
    عبر سفاراته ؟؟؟

    نرجو من الأخوة المهتمين بقضية المغتربين
    افادتنا عن هذا الرجل الذي تكلم بأسمنا!!!

    عجبي ياهو حالنا دايماً مائل لا بعجبنا العجب ولا الصيام في رجب .
                   |Articles |News |مقالات |بيانات

08-22-2005, 04:07 AM

عصام دهب
<aعصام دهب
تاريخ التسجيل: 06-18-2004
مجموع المشاركات: 10342

للتواصل معنا

FaceBook
تويتر Twitter
YouTube


Re: حسن عبدالعزيز رئيس الجاليات وممثل المغتربين .. اي جاليات ! ومن فوضه نيابة عنا؟؟؟؟ (Re: عبدالرحمن عبدالله أبوشيبة)

    Quote: من هو حسن عبد العزيز هذا الذي يتكلم بأسمنا؟؟
    من منكم يعرفه ؟؟
    من منكم اختاره وفوضه لذلك ؟؟
    نيابة عن اي جالية وفي اي دولة يتكلم هذا الرجل ؟؟؟

    اما أن الأمر كله مسرحية يقوم بها المؤتمر الوطني
    عبر سفاراته ؟؟؟

    نرجو من الأخوة المهتمين بقضية المغتربين
    افادتنا عن هذا الرجل الذي تكلم بأسمنا!!!

    عجبي ياهو حالنا دايماً مائل لا بعجبنا العجب ولا الصيام في رجب .


    الشخص الذي تحدث نيابة عن المغتربين كما شاهدته في التلفزيون أعتقد ـ غير جازم ـ أنه الدكتور / حسن عبد العزيز محمود ، و هو طبيب مقيم في المملكة و يعمل مديراً طبياً لأحد المستشفيات في منطقة تبوك ـ هذا إذا كان هو الشخص الذي أقصده فقد تغيرت على ملامحه بعد أن أعفى لحيته ـ و هو رئيس الجالية السودانية في تبوك و من أبناء مدينة الأبيض كانت عيادته جوار منزلنا و منزل أسرة الدكتور / ياسر الشريف المليح و أعتقد أن دكتور ياسر يعرف عنه الكثير بحكم زمالتهما ، أما أنا فقد تزاملت و شقيقه الأستاذ / أيمن عبد العزيز في المرحلتين الإبتدائية و المتوسطة ، و إن كان هو الشخص الذي أقصده فقد سمعت عن عمله في الجاليات منذ فترة طويلة و إن لم يكن هو فله المعذرة .. و آمل تصحيح معلوماتي ..
                   |Articles |News |مقالات |بيانات

08-22-2005, 04:24 AM

ahmed haneen
<aahmed haneen
تاريخ التسجيل: 11-19-2003
مجموع المشاركات: 7975

للتواصل معنا

FaceBook
تويتر Twitter
YouTube


Re: حسن عبدالعزيز رئيس الجاليات وممثل المغتربين .. اي جاليات ! ومن فوضه نيابة عنا؟؟؟؟ (Re: عبدالرحمن عبدالله أبوشيبة)

    الأخ ابو شيبة

    تحياتي

    نعم كلامك مظبوط

    لا بعجبنا العجب ولا صيام رمضان حتي

    بس عاوزين سعادتك تتكرم تورينا
    حسن ع العزيز دا
    ومن وين

    واي جالية يمثلها ؟؟
    وكيف تم اختياره لهذا المؤتمر ؟؟؟

    سلام
                   |Articles |News |مقالات |بيانات

08-22-2005, 04:37 AM

على بدرى حاج

تاريخ التسجيل: 08-17-2005
مجموع المشاركات: 662

للتواصل معنا

FaceBook
تويتر Twitter
YouTube


Re: حسن عبدالعزيز رئيس الجاليات وممثل المغتربين .. اي جاليات ! ومن فوضه نيابة عنا؟؟؟؟ (Re: ahmed haneen)

    لا يهم من يمثل المغتربين ولا من اختار هذا الشخص ليمثل المغتربين...المهم ان شئون المغتربين ادى عملا روتينيا وطلب من الرئيس ليلقى خطابه حتى يستمر المغتربون فى امالهم ان يقدم لهم الجهاز او الرئيس شيئا يخفف عنهم ما هم فيه من معاناة...ولكن هيهات هيهات...لا تنتظروا من احد ان يمنحكم حقوقكم...ان اردتم اخذها اعملوا من اجلها!
                   |Articles |News |مقالات |بيانات

08-22-2005, 04:51 AM

صديق الموج
<aصديق الموج
تاريخ التسجيل: 03-17-2004
مجموع المشاركات: 19884

للتواصل معنا

FaceBook
تويتر Twitter
YouTube


Re: حسن عبدالعزيز رئيس الجاليات وممثل المغتربين .. اي جاليات ! ومن فوضه نيابة عنا؟؟؟؟ (Re: ahmed haneen)

    احمد يا اخوى انت المزعلك شنو

    ما الحكاية تمثيل فى تمثيل

    خلاص حسن ده بمثل بينا مافى مشكلة

    يعنى عادل امام احسن منو بى شنو

    وكل مؤتمر والمغتربين بخييييييييييييييييييييييييبة،،
                   |Articles |News |مقالات |بيانات

08-22-2005, 06:31 AM

Elawad Eltayeb
<aElawad Eltayeb
تاريخ التسجيل: 09-01-2004
مجموع المشاركات: 5269

للتواصل معنا

FaceBook
تويتر Twitter
YouTube


Re: حسن عبدالعزيز رئيس الجاليات وممثل المغتربين .. اي جاليات ! ومن فوضه نيابة عنا؟؟؟؟ (Re: صديق الموج)

    سؤالك مشروع.

    وأقول نعم لا يحق لأحد أن يتحدث بإسمنا

    دون أن نفوضه

    (عدل بواسطة Elawad Eltayeb on 08-23-2005, 05:08 AM)

                   |Articles |News |مقالات |بيانات

08-22-2005, 06:42 AM

ودقاسم
<aودقاسم
تاريخ التسجيل: 07-07-2003
مجموع المشاركات: 11102

للتواصل معنا

FaceBook
تويتر Twitter
YouTube


Re: حسن عبدالعزيز رئيس الجاليات وممثل المغتربين .. اي جاليات ! ومن فوضه نيابة عنا؟؟؟؟ (Re: ahmed haneen)

    يا جماعة إنتو زعلانين ليه ،،، سيبوهم يمثلوا زي ما عايزين ،،، والله يجيهم يوم يطير ليهم تمثيلهم في راسهم ...
                   |Articles |News |مقالات |بيانات

08-22-2005, 07:02 AM

wadalzain
<awadalzain
تاريخ التسجيل: 06-16-2002
مجموع المشاركات: 4133

للتواصل معنا

FaceBook
تويتر Twitter
YouTube


Re: حسن عبدالعزيز رئيس الجاليات وممثل المغتربين .. اي جاليات ! ومن فوضه نيابة عنا؟؟؟؟ (Re: ودقاسم)

    حيكومات تجى وحيكومات تفوت
    واحده تحكم بالحجى واحده بالنبوت



    لا تحلموا بعالم سعيد فخلف كل قيصر يموت قيصر جديد


    اصلوا ضرائب السجم والرماد دى من متين يقولوا نخفف نخفف وكمان جابت ليها حاجه جديده ( حتى تصل للقيمه الصفريه ) اها والزكاة كمان ورسوم الفضائيه ورسوم الخدمات ودمغة الجريح والقتيل والمشير والزبير والعرس الجماعى والسكوت الجماعى ودمغة الحرب والسلام ودعم الولايه والجماعه ودعم المؤتمر ورسوم نظافه ورسوم قيافه ورسوم اورنيك وشهادة استيفاء ورسوم انتهاء وتجديد ورسوم بنات الشباك واولاد المكاتب وضباط وضابطات ورسوم سفر امين الجهاز ووفد الضرائب ..

    قال ضرائب قال

    اضربم الضريب شقاق العناقريب
                   |Articles |News |مقالات |بيانات

08-22-2005, 01:19 PM

ahmed haneen
<aahmed haneen
تاريخ التسجيل: 11-19-2003
مجموع المشاركات: 7975

للتواصل معنا

FaceBook
تويتر Twitter
YouTube


Re: حسن عبدالعزيز رئيس الجاليات وممثل المغتربين .. اي جاليات ! ومن فوضه نيابة عنا؟؟؟؟ (Re: ahmed haneen)

    الشكر لجميع الأخوة المتداخلين اعلاه

    ولكن لم اجد احدا يعرف هذا الأستاذ/ حسن عبد العزيز

    ولذا
    زي ما قالوا الأخوان

    صديق الموج وودقاسم

    دي لمة فارغة ساكت

    وبجيكم راجع
                   |Articles |News |مقالات |بيانات

08-22-2005, 08:21 PM

الكيك
<aالكيك
تاريخ التسجيل: 11-26-2002
مجموع المشاركات: 20695

للتواصل معنا

FaceBook
تويتر Twitter
YouTube


Re: حسن عبدالعزيز رئيس الجاليات وممثل المغتربين .. اي جاليات ! ومن فوضه نيابة عنا؟؟؟؟ (Re: ahmed haneen)

    وكمان شوفو المكابرة
    الناس تطالب بالغاء جهاز المغتربين والدكتور يطالب بالاتى ...

    < وتعديل قانون جهاز العاملين بالخارج وتحويله الى وزارة ومنحه المزيد من الصلاحيات >
                   |Articles |News |مقالات |بيانات

08-23-2005, 11:58 PM

ahmed haneen
<aahmed haneen
تاريخ التسجيل: 11-19-2003
مجموع المشاركات: 7975

للتواصل معنا

FaceBook
تويتر Twitter
YouTube


Re: حسن عبدالعزيز رئيس الجاليات وممثل المغتربين .. اي جاليات ! ومن فوضه نيابة عنا؟؟؟؟ (Re: ahmed haneen)

    تعرف يا الكيك

    عاوزين يعملوها وزارة عشان البلع يكتر


    وبرضو بنسأل

    حسن ع العزيز دا منو ؟؟؟
                   |Articles |News |مقالات |بيانات

08-24-2005, 00:23 AM

Alshafea Ibrahim

تاريخ التسجيل: 12-12-2004
مجموع المشاركات: 6958

للتواصل معنا

FaceBook
تويتر Twitter
YouTube


Re: حسن عبدالعزيز رئيس الجاليات وممثل المغتربين .. اي جاليات ! ومن فوضه نيابة عنا؟؟؟؟ (Re: ahmed haneen)

    أخي أحمد حنين
    تحياتي

    تعرف يا أحمد
    أول شهر أغسطس 2005 جيت من الإجازة عن طريق سواكن
    تعال شوف ناس وزارة الداخلية عمالين شنو
    كشك في بوابة الدخول تدفع 11 ألف ولا تتكلم كلمة واحدة وبالمناسبة منذ عام 2000 أنا ملاحظ هذا الكشك موجود - وين بتروح الإيرادات ولصالح من - ممنوع السؤال
    بعد الدخول شباك (قالوا) رسوم تأشيرة وتدفع فيه 11 ألف كمان - مع ملاحظة أن المغترب بدفع 26 ألف بموجب أورنيك 8 مالي ، زائدا 18 ألف رسوم أورنيك استيفاء وبعدها يتم منحه (ورقة الإستيفاء ) أو تأشيرة الخروج المغادرة - لاحظ كثرة الإجراءات وتعقيدها ليس لغرض إلا لجلب المزيد واستنزاف المغترب حتى آخر لحظة له بوطنه -
    كمان سؤالنا من يحمينا من تغول وتعدي وزارة الجبايات ( الداخلية) على أموالنا وحرياتنا؟؟
    خطابات رئيس الجمهورية في وادي والجماعة في وادي
    والله يرحمك يا مشروع الجزيرة (تخريمة)
                   |Articles |News |مقالات |بيانات

08-24-2005, 01:11 AM

عبدالرحمن عبدالله أبوشيبة
<aعبدالرحمن عبدالله أبوشيبة
تاريخ التسجيل: 08-11-2005
مجموع المشاركات: 1286

للتواصل معنا

FaceBook
تويتر Twitter
YouTube


Re: حسن عبدالعزيز رئيس الجاليات وممثل المغتربين .. اي جاليات ! ومن فوضه نيابة عنا؟؟؟؟ (Re: Alshafea Ibrahim)

    الاخ الحنين

    يعني إنتو عارفين مؤتمر المغتربين بيعقد من سنين وزي حكاية الحاج حجا وجا وشراب البيرة ما خلا وعايزك توريني يا تو مرة طلبوا منكم تفوضو ناس يتكلمو باسمكم ولا راح يحصل لانكم على هامش المهمشين يعني آوت سايد تاكلنكم على اللمعة والنوره البتجو بيها وحتة الخدود النايرة البتنطفي بعد اسبوعين وبعداك يقومو عليكم يشرشحو عين عين الخلفوكم ،، ياخي اسكت أرجوك ما في زول منتظر منكم تفويض وأي واحد عايز يظهر بإمكانه يرتب المسأله مع شوية لزه من اللماعين المتخصصين في تقديم الاشخاص .
    فرجاءً ما تفقعو مرارتنا بشوية كلام يضرس الناس وما منو فايدة ،، قلتو حاتكونو جبهة معارضة قوية وحددتو ليها أشخاص ولو مضيتو في ذات الاتجاه وكرستو جهودكم فيه من الممكن يثمر عن فوائد تعود على الناس بالنفع والمطالبة المباشرة من أصحاب الحقوق أفضل من المطالبة بالوكالة لأنه المحرش ما بكاتل زيما قالو أهلنا العرب وأخير ليكم تتحزمو وتشيلو شيلتكم وتشيلو عريضتكم وتخشو بيها تووووووش لحدي الميس وتواجهو المسؤولين لو في القصر أو مجلس الوزراء وزيما قالو برضو أهلنا العرب "" وجوه الرجال سكاكين "" أها رايك شنو في كلامي دا مش أحسن من فلان دا منو والفوضو منو ،، إنت حنين وعايزك ماتكون ضنين وعايزك دايماً تبحث عن المفيد والثمين وعشان نبعد عننا وصف الناس زمان لينا لمن قالو " المغتربين يا مرتزقة ولا دلاقيننننننننننننننننننننننننن.
                   |Articles |News |مقالات |بيانات

08-24-2005, 03:33 AM

وليد شريف

تاريخ التسجيل: 12-04-2004
مجموع المشاركات: 1982

للتواصل معنا

FaceBook
تويتر Twitter
YouTube


Re: حسن عبدالعزيز رئيس الجاليات وممثل المغتربين .. اي جاليات ! ومن فوضه نيابة عنا؟؟؟؟ (Re: عبدالرحمن عبدالله أبوشيبة)

    ديل يا خال يمكن مغتربين التوالي انا شخصيا ما فوضت زول بس فوضت امري لي الله ان شاء الله قروشنا دي تدخل عليهم اربعا وعقاب شهر

    وليد شريف
                   |Articles |News |مقالات |بيانات

08-24-2005, 04:24 AM

عبدالرحمن عبدالله أبوشيبة
<aعبدالرحمن عبدالله أبوشيبة
تاريخ التسجيل: 08-11-2005
مجموع المشاركات: 1286

للتواصل معنا

FaceBook
تويتر Twitter
YouTube


Re: حسن عبدالعزيز رئيس الجاليات وممثل المغتربين .. اي جاليات ! ومن فوضه نيابة عنا؟؟؟؟ (Re: وليد شريف)

    ياوليد يا بن اختي
    البفوض أمره لله ما بتجيه عوجة ونحنا المغتربين أجرنا عندنا ثابت وجهادنا في بلاد الغربة مقدر وجهاز المغتربين البتكلمو عنا دا عايش على خير الله المتدفق مننا ومشكلتهم ما مقرين بيهو مع إنهم خامين من انتدابهم للجهاز ولو بكره لغو الجهاز الرماد كال حماد وبالرغم من لؤمهم معانا حا يشتهو زمن كانو منتدبين في الجهاز نديهم في الهدايا ويدونا بالشلوت نكرمهم لمن يزورونا في الغربة ويتغابو فينا المعرفة لمن نمشي ليهم هناك ،، غايتو يا بن اختي أجرنا على الله فهو نعم المولى ونعم النصير.
                   |Articles |News |مقالات |بيانات

09-01-2005, 02:53 AM

ahmed haneen
<aahmed haneen
تاريخ التسجيل: 11-19-2003
مجموع المشاركات: 7975

للتواصل معنا

FaceBook
تويتر Twitter
YouTube


Re: حسن عبدالعزيز رئيس الجاليات وممثل المغتربين .. اي جاليات ! ومن فوضه نيابة عنا؟؟؟؟ (Re: ahmed haneen)

    نواصل التساؤل

    من هو حسن عبد العزيز ومن فوضه


    يـــواصل ريئس الجاليه الســـــودانيه بالكويت الحديث عن اسرار وخلافات المؤتمرلا ويقول

    حضرنا الاجتماع التمهيدى يوم السبت 20 اغسطس الساعة العاشره صباحا بقاعة الاجتماعات بجهاز المغتربيين وكان هناك النقاش من هو ممثل المغتربيين الذى سيلغى الكلمه فى المؤتمر
    فؤجئنا بانة الدكتور حسن عبدالعزيز ريئس الجاليه السودانيه تبوك من السعوديه بل وانه قرأ الكلمة وطلب الموافقه
    اعترض ريئس الجاليه السودانيه الدكتور عثمان وطلب ان تعطى لة الفرصة له بل وقرأ الكلمه
    ايضا اتى اعدهــــــــــــــــــــا

    بعد ذلك اعترضت الكويت على السعوديه وقال ريئس الجاليه بالكويت السعوديه اخذت فرصتها فى المؤتمر الاول والثانى والثالث والرابع اذن نحن نعترض على السعوديه بل نعترض على الكلمه نفسها فهى مليئه بالشكر والمجاملات والكلمات لا تسمن ولا تغنى من جــــــــــوع
    ومن ثم هذه الكلمه سوف تلغى امام فخامة الريئس والوزراء ورجال السلك الدبلوماسى ورجال الاعلام لا بد ان تكون الكلمة قويه تعكس معاناة المغترب بعيد عن اهلة ووطنه معاناته بل لابد ان تشمل نقطة هامه الاشاره انة لم يتم تنفيذ توصية واحده من المؤتمرات الاربعه السابفة فكيف يمكن ان تضمن تنفيذ توصيات هذا المؤتمر الخامس المطالبه بعكس هموم المغترب الغاء الضرائب فورا خاصة وان المغترب الان يتحمل فوق طاقته الكلمة لابد ان يكون فيها الحس القومى لان المغترب يهمـــــة الوطن السودان اولا واخيرا تاييد توقيع اتفاقية السلام بين الحكومة والحركةالشعبيه العـــزاء لفقيد البلاد الدكتور جون قرنق ادانه اسلوب العنف بعد وفاة جون قرنق
    من كان يحب جــون قرنق جون قرنق قد مات ومن يحب السودان فالسودان باق متوحدا من نمولى الى حلفا من الجنينه الى كسلا الى ان يرث الله الارض ايضا مباركة السلام الشامل بين الحكومه والتجمع الوطنى الديمقراطى والتمسك بمسيرة السلام امل الشعب السودانى دعوة اخوتنا فى دارفور للتحكم الى العقل والغاء السلاح والجلوس فى المفاوضات للوصول الى سلام
    ادانه واستنكار قرار مجلس الامن 1593 الجائر اللاخلاقى لنعكس ان المغترب يعيش مجريات الاحداث فى السودان وان كنا بعيدين عنه جسديا فهو فى قلوبنا نعيش مجرياته
    وان كان هذا المؤتمر مفصل وجاهز وعايزننا نمشى اى حاجة فان الكويت سوف تنسحب من المؤتمـــــــــــــر لاننا جئنــــا نحمل همـــــــــــوم المغتربين وهذا العمل تكليف وليس تشــــريف

    هنا رشحت الجاليه السودانيه الامارات الكويت لالغــــــــــــــــاء الكلمــــه
    ورشح ممثل من الجاليه السودانيه ليبيا ريئس الجاليه بليبيا لالغاء الكلمـــــــــــه

    اشتد النقاش وطلب ريئس الجاليه ماليزيا ان تعطى الكلمه الى الكويت ووجد تثنئه من االيمن والامارات ومن ريئس الجاليه السودانيه الدمام من السعوديه
    اشتد النقاش وتم تكوين لجنه من
    اثنان من الســــــــــــــــــــعوديه
    اثنان من ليبـــــــــــــــــــــــــــــــا
    واحد من الكويت
    واحد من قطــــر
    واحد من ماليزيا

    اجتمعت اللجنه السباعيه لتحديد من سيلغى الكلمه هل هو
    السيد ازهرى محمد سليمان من الكويت
    السيد حسن عبدالعزيز من تبوك السعوديه
    السيد عثمان حسن عثمان من ليبيـــــــــــا

    اجتمعت اللجنه وفى لفاء ثنائى طلب السيد يوسف بشير الطاهر ممثل قطــر من السيد ازهرى ان ينسحب (وذلك للعلاقه العائليه بينهمــــا
    رفض السيد ازهرى وقال ليوسف البشير لست ممثلا لشخصى ولا الامر عائليا هى مسئوليه كل مغترب من من جوهانسبرج الى استراليا الى الخليج مرورا بنيجيريا الى اوربا الى امريكيا حتى الارجنتيين نحن جيئنا نتحدث عن مشـــــــــــــــاكلنا
    احترم يوسف بشير حديثى
    طلب ممثل السعوديه اجراء انتخابات وقال ممثل الكويت النتيجة واضحه
    اجريت الانتخابات على من سيلغى الكلمه
    كانت النتيجه فرز الاصوات اولا ورقه فاضيه من غير ترشيح

    حصلت الســــــــــعوديه 3حصلت الكوبــــــــــــــت 2
    حصـــــلت ليببـــــــــــــــا 1
    واعطيت الفرصـــــــــــــــــه للسعوديه للسيد حســـــــــن عبد العزيز

    احتجت ليبيــــــــــا داخل الجهاز حتى الساعه 12 مســـــاء وجاء احتجاج من ماليزيا من اليمن
    ومن الامارات وطالبوا بمنح الفرصـــــــــــه للكويت
    لزمت الكويت الصمت وهنـــــــــــــــــــــــــا طلب السيد يحى زكريا المرافق لريئس الجاليه السودانيه من السيد ازهرى سليمان الذهاب للبيت للراحه

    ويتحدث السيد يحى زكريا شرف الدين ويقول
    كان السيد ازهرى سليمان هميما جــــــدا بل وانـــــه دائمــــــا باتصالات مع كل ابناء الجاليه خلال
    الاسبوع الاخير يوم الجمعه يوم سفرنا الساعة الثامنه صباحا
    الخميس اليل كله لم ينم صلينا الصبح سويا بالمسجد بعد الصلاه معنا مجموعه من السودانيون
    ذهبنا شقة الازهرى كان حريصا جدا ان يستمع للجميع حتى اخر لحظه ركبنا الطائره سويا وما نزلنا مطار البحرين الساعه العاشره صباحا تدهورت صحته وادخل مستشفى المطار ويسعدنى ان اشكر الطبيب الذى يعمل بالمطار الذى اهتم كثيـــــــــــــــــــــرا بـــــــــه وقررت ان لا يواصل رحلته للخرطـــــــــــــــــوم خـــوفا على صحته وساله الطبيب ن الادويه التى يتعاطاها هنا اتضح لى ان ازهرى نسى الادويه التى يتعاطاها ولكنه لن ينسى مشاكل جاليته كبر فى نظرى فى هذه اللحظه عندما قال لى يحى علاجى هو حل مشاكل جاليتى
    الشكر للطبيب فى مستشفى مطار البحرين الذى صرف الادويه والعلاج الكامل بعـــــــــدها ركبنا
    الطائره الساعه الواحده والنصف كان يطالع معى المساهمة الفكريه لمشاكل جاليته حتى وصولنا الخرطوم الساعه الخامسه مساء وكان فى استقبالنا ممثل من الجهاز واشقائه واهلى
    كان معى باتصال بل انه كان باتصال مع جاليته بالكويت بجواله الشخصى


    نواصل معكــــــــــــــــــــــم

    اللجنه الاعلاميه الجاليه السودانبه الكويت


    تعليق

    كيف كان التصويت
    ومن هو ممثل الجالية الذي صوت للسعودية
    وما هو موقف قطر
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de