دعواتكم لزميلنا المفكر د.الباقر العفيف بالشفاء العاجل
|
|
 تعليقات ومهاتفات من دفتر زيارة تمبس بالمستشفي
|
اولا
حمد الله علي سلامتك يا علاء ..
واجر وعافية ..
وياشباب العملية كانت بسيطة .. عبارة عن فتاق صغير .. .. بعيدا .. عن ايحاءات الوغد دكين ..
ولأنو تمبس ممنوع من الضحك .. عشان ما يشرط وكدا
فتحنا دفتر للمعايدات والمهاتفات من جميع انحاء العالم ..
وبقينا نضحك في صمت .. واخونا مسخسخ .. ويهضرب تحت البنج .. وقال حاجات عجيبة جدا ..
برضو بنقولها ليكم ..
غايتو
انا كنت اول من افتتح التعليق .. في الدفتر ..
بالأتي ..
يا تمبس اوعا يكونوا شالوا العدة
|
|
 
|
|
|
|
|
|
|
 Re: تعليقات ومهاتفات من دفتر زيارة تمبس بالمستشفي (Re: د.محمد حسن)
|
العاشرة والنصف من صباحات الدوحة الباردة
وأنا بقايا دوام ليلي؛ كان من الثانية عشرة منتصف ليل الأربعاء ـ الخميس
وحتي العاشرة من صباح الخميس ..
هاتفتُ حبيبنا علاء الدين (تمبس) مطمئنا على صحته ..
كان كما الورود؛ متفتحا مخضرا نضرا نديا؛ من خلال الصوت
حمدتُ اللهَ كتيرا ..
رغم الموقف؛ علقتُ على أمورٍ شتى ..
وأجابَ بما يُضحك !!
حفظك الله صديقي الودود؛ وشفاك من كل سوء وسقم ..
لقمان همام
| |
|
|
|
|
|
|
|
|
|
Re: تعليقات ومهاتفات من دفتر زيارة تمبس بالمستشفي (Re: ahmed haneen)
|
| Quote: العملية كلها فتاق صغير تحت الصرة مباشرة ... |
اخوي احمد حنين انت شفتو
اتأملت فيه كويس
أنا كنت معاه من الساعة 5 حتى الساعة 9ونص مساءاً
فجأة غرفة تمبس اتحولت الي منتدى بورداب الرياض
اختنا خالدة اوضحت سبب بوستها الشهير نساء بورداب الرياض والاخت حليمة شرحت المثل عوم حمار ... ما اقدر اكمل ... الاخوين زول ساكت وسيف كلي قالوا بقينا مطلعين ساي الاخ حميدة وصل من السودان ومن المطار الي غرفة تمبس الشاب صديق الموج قال ماشي للدكتور عشان يعطيه الشئ الاستئصلو من تمبس الوغد دكين بعد خروج الاخوات خالدة وحليمة اصر عشان يشوف مكان العملية ... أها الحصل بعد دا ما بنقدر نكمل
بس تحت تحت كدا سمعت قالوا العملية والعهدة على الراوي دكين هي خراج بس مش في مكان اللوز ولا في مكان البواسير .. عند التاني داك ... تعال كمل يا دكين
| |
|
|
|
|
|
|
|
|
|
Re: تعليقات ومهاتفات من دفتر زيارة تمبس بالمستشفي (Re: ahmed haneen)
|
يا شباب لكم الخبارات والشمارات ...
وللأخ نمبس عدم الضحك .. والتعليق لمدة يومين .. عشان كدا خاونا نتجدع فيهو ..
الدفتر .. بالمستشفي .. مليان ...
وبجيبو ليكم كلو ...
الشاعر شحرفان .. البهمي ,..
كتب .. قصيدة
عنوانها
يا المفتوق حلاتك !!
الريس ابو جهينة .. كتب تعليق فظيع .. ثم رجع مسحو تاني .. لكن برضو عندنا
الشاب الوجيه ابو صلعة عمر الفاروق .. برضو سجل .. بلاويه .. وبرضو بجيبو..
اها تاني فضل منو ؟؟
| |
|
|
|
|
|
|
|
|
|
Re: تعليقات ومهاتفات من دفتر زيارة تمبس بالمستشفي (Re: ahmed haneen)
|
| Quote: المادى قعرو... وشعرو دة |
لووووووووووووووووووول يا سيف جبريل
دي يا سيدي ازعط ممرضة لاقتني في مستشفيات الدنيا..
متطنقعة ومتعجرفة وامس مثلت ليها فصل بايخ تقول مرسلاها تراجي لي تمبس ده..
ووحاتك لو ما الخجلة والخوفة من تراجي تجي تقول دكين بتاع مؤخرات ..
كان غزيت ليها الدرب ده في مارايته من مؤخرة..
| |
|
|
|
|
|
|
|
|
|
Re: تعليقات ومهاتفات من دفتر زيارة تمبس بالمستشفي (Re: ahmed haneen)
|
ألأخ/حنين
سلمت وسلم تمبس إن شاء الله...
اليوم حوالى الساعة 7ونصف مساء زرت تمبس ووجدته بخير وصحة وعافية.ومعه جمع غفير من ألأخوة وألأخوات
من بورداب وعلاقات إجتماعية.طبعآ تمبس مواصل الله يديهو العافية..والدفتر كان حايم بين ألأخوان.والغرفة مزدحمة..فأعطينا فرصة للأخرين ومعليش ما علقنا فى الدفتر..
لكن قلت ليهم الدكتور نسى حاجة مهمة فى العملية ماعمله..إنو ما عمل لى تمبس شطرطون فى خشمو
عشان العملية ما تفتح تانى....
ربتا يحفظكم بورداب الرياض..
مودتى..
إسماعيل محمد احمد عباس..........
| |
|
|
|
|
|
|
|
|
|
Re: تعليقات ومهاتفات من دفتر زيارة تمبس بالمستشفي (Re: ahmed haneen)
|
Quote: اخوي احمد حنين انت شفتو
اتأملت فيه كويس
أنا كنت معاه من الساعة 5 حتى الساعة 9ونص مساءاً
فجأة غرفة تمبس اتحولت الي منتدى بورداب الرياض
اختنا خالدة اوضحت سبب بوستها الشهير نساء بورداب الرياض والاخت حليمة شرحت المثل عوم حمار ... ما اقدر اكمل ... الاخوين زول ساكت وسيف كلي قالوا بقينا مطلعين ساي الاخ حميدة وصل من السودان ومن المطار الي غرفة تمبس الشاب صديق الموج قال ماشي للدكتور عشان يعطيه الشئ الاستئصلو من تمبس الوغد دكين بعد خروج الاخوات خالدة وحليمة اصر عشان يشوف مكان العملية ... أها الحصل بعد دا ما بنقدر نكمل
بس تحت تحت كدا سمعت قالوا العملية والعهدة على الراوي دكين هي خراج بس مش في مكان اللوز ولا في مكان البواسير .. عند التاني داك ... تعال كمل يا دكين |
الخال حمزاوي!!!!!
أتاريك كده وأنا ما عارف
الشايقي
| |
|
|
|
|
|
|
|
|
|
Re: تعليقات ومهاتفات من دفتر زيارة تمبس بالمستشفي (Re: ahmed haneen)
|
في بوست للأخ الدكتور محمد حسن...ملفات وانفتحت...
كتبنا :
Quote: وأخرى لخصوم تمبس تم رصدها من تحت البنج:
قايليني متة موش؟؟ (بلاي)...؟؟
والله أنا أطلع ليكم من الصندوق الأسود زاتو...سحل شديد..
لووووووووول...
وش مطلع لسانو ومشحط إضنينو كمان.. |
سلامات تامبا..
لكن ياخ ده برد عمليات ده؟؟
هسي يغيروا ليك كيف زاتو؟؟؟
| |
|
|
|
|
|
|
|
|
|
Re: تعليقات ومهاتفات من دفتر زيارة تمبس بالمستشفي (Re: ahmed haneen)
|
تقوليبيضحك؟؟؟
السلوك الممدده قدامه دي ماك شايفه؟؟؟؟
وتقول لي مواسير وفواتير!!!!
الزول قاعد معاهو من الضهر للعصر ويشيل ويوصف لي في المواسير والبوابير
وداك يا السباك الجابوه ليه بعد البنج
وتحت تحت قالوا سباك أفغاني!!!! (والله أعلم وعلى زمة الراي)
وبعد ده تجي وتقول لي لوز
هي اللوز دي بقت لغاليغ عادل أمام ونحنا ما عارفين
غايتو دكين الجن ده أنا بخارجو من تامبا وبعالجه بره بره ولا عمليه ولا نمليه وتمبسكو في الدسكو يرقص ويقول دكينكو في دقيكو ويقبض أضان مرفعينكو...............
الشايقي
| |
|
|
|
|
|
|
|
|
|
Re: تعليقات ومهاتفات من دفتر زيارة تمبس بالمستشفي (Re: Al-Shaygi)
|
| Quote: السلوك الممدده قدامه دي ماك شايفه؟؟؟؟ |
الشايقي كيفنك
يا زول السلوك ديل سلوك الفايظ 
اها هسه شوف السولك مرقن وللا ما مرقن
هنا قلع ملابس المستشفى ولبس الترنج
ركبنا العربية متوجهين على العليا
اتحكر في قلب المقعد
يطمئن الوالدة ويقول ليها خلاص انا ماشي البيت
وصل البيت بالسلامة ويا السرير جاك زول
الصور مهداه لي رجاء العباسي وليك ولي كل محبي تامبا
يا استاذة رجاء تشرفنا كثيرا بالحديث معك عبر الهاتف واللسان خلاص بقى 100%
| |
|
|
|
|
|
|
|
|
 Re: تعليقات ومهاتفات من دفتر زيارة تمبس بالمستشفي (Re: ahmed haneen)
|
يا شباب والله الواحد داير يموت من الضحك .. وهو بقرأ في الدفتر ..
وايضا الواحد يزيد فخرا انه ينتمي لهذا المكان .. ولهولاء الأخوان والأخوات ..
اتصالات من جميع انحاء العالم .. وكلها مسجلة ,, وبنجيبها ليكم .. هنا... لستة لستة
نرجع للتعليقات بمناسبة الأتصالات ..
كتب الوغد دكين
وطبعا .. اقٍرأو الكلام بصوت انثوي رقيق
كيف انتي
اخبارك
انتي كويسة
ها هاها .. لا الحمد لله
شكرا يا انتي
ما تشوفي شر
اعلاه حالة تميس في السرير وهو يرد علي تلفونات جكس لا تنتهي الا لتبدأ
انتا حتخلص من الفتاك .. حتخش في حضن مرة
التوقيع / دكيييين
| |
|
|
|
|
|
|
|
|
|
Re: تعليقات ومهاتفات من دفتر زيارة تمبس بالمستشفي (Re: حيدر حسن ميرغني)
|
ررررن رررن .,,
الو الو منو معاى ؟
معاك تمبس ...
ياتمبس معاك (هناية) كفارة والف سلامة ليك ..
معتصم دفع الله معاك ياتمبس ؟(دى المتصلة طبعا ) ..
ايوا معاى ؟
ادينى اكلمو ..
هناية : ازيك ياشفيف ..
معتصم : ازيك ياشفيفه ...
ونقنق نقنق نقنق ...نقنق ..
..وتستمر المكالمة بين معتصم والمتصلة الى اكثر من عشرة
دقائق ويكون نصيب (تمبس) أجر المناولة ...باقى معتصم
دا تمساح كبير ...
الف سلامة لحبيبنا علاء ومايشوف شر ان شاء الله ...
تحياتى ياحنين ...
| |
|
|
|
|
|
|
|
|
|
Re: تعليقات ومهاتفات من دفتر زيارة تمبس بالمستشفي (Re: ahmed haneen)
|
دخلت قسم العمليات أشوف الزول دا إتأخر ماله ..
لقيته داقي جرس جوة وعامل فوضى عجيبة جداً ..
سلمت عليهو وحمدت الله على سلامته ..
قام سألني البنج في آخره ..
يا معتصم أنا وين بصوت عالي جداً ..
قلت ليهو قول بسم الله انت في حجرة الإفاقة في الوقت داك جات ممرضة داخله ..
قال ليها أمرقيني من هنا ياخ ودوني غرفتي ..
قمت قلت ليهو الليلة وين يا منقه ..
الفورة مليون بس طول بالك
حقيقي سعدت جداً بالوقفه العظيمة التي وقفها بورداب الرياض وأسرهم وأصدقائنا وسعدت بمكالمات البورداب وزوار المنبر من شتى أنحاء العالم وهم يسألون عن صحة تمبس والإطمئنان عليه ..
هذه هي روح السودانيين السمحة التي تربينا عليها مؤكدين عمق صلاتنا ومحبتنا لبعض ..
شكراً جميلاً للجميع وربنا يقدرنا على جزاكم ..
تمبس الآن بخير وهو في البيت وبيبلغكم تحياته وشكره العميق ..
ولا يهمك يا سيف جبريل وأنا كمان كنت سعيد جداً بسماع صوتك نتلاقى هناك في الشيطة ..
يا محمد عبدالرحمن ما دي فرصة ياخ نضيعه كيف 
| |
|
|
|
|
|
|
|
|
|
Re: تعليقات ومهاتفات من دفتر زيارة تمبس بالمستشفي (Re: ahmed haneen)
|
الف حمدا على السلامه الاخ تمبس
وبحق سعدنا وانت على السرير ان
نجد اسرة الاخ محمد حميده وتشرفنا بمعرفة
الوالد والوالده والقفشات والخطوبه والعروس
الما جات رغم شرح الاخ مصطفى عن الزواج
فى الكبر ذى النقش فى الحجر 0
اجمل ما رأيت ملازمة الاخ الشفيف معتصم وشويه
كنا عاوزين نقول ليه كيف يا ابو منصور وبحق
يستاهل ونشكر الله ان فى بلادنا ما لم تلده امك .
تحياتــــــــى
ســــــــــــيد
| |
|
|
|
|
|
|
|
|
|
Re: تعليقات ومهاتفات من دفتر زيارة تمبس بالمستشفي (Re: ahmed haneen)
|
الزملاء الكرام
نحمد الله على شفاء الاخ تمبس
كتب أبو قصي :
Quote: ياعلاء أن شاء الله التمديده الجاي في عنقريب الجرتق وتتفتق ألسنت الحسان بالزغاريد وروائح العبق تطبق علي الأفق جملة الإيمان ياتمبس نجيك من جده .
شكرا أحمد حنين خليك بلمس شفاء .
،،،،أبوقصى،،،، ] |
ونكرر :Quote: وروائح العبق تطبق علي الأفق جملة الإيمان ياتمبس نجيك من جده .
،،،،أبوقصى،،،، ] |
دعنا يا أبا قصي أن نحتفل به في جده
ونوجه له الدعوة من هذا المنبر
هو وصحبه الكرام ...
حفظكم الله أجمعين
محمد علي ياسين
| |
|
|
|
|
|
|
|
|
|
Re: تعليقات ومهاتفات من دفتر زيارة تمبس بالمستشفي (Re: ahmed haneen)
|
احمد حنين
و انت تقلب فى دفاتر تمبس ( الفتاقية)
ارجو ان لا تفرتق الصفحات عن بعضها ..
أما و قد تأكد على رؤوس الاشهاد ان المسألة فتاق ..
و ما رأيناه بأم أعيننا .. فلا شك ان يدحض مزاعم الاخ دكين الموعود (بدفتر من نوع اخر) حتى لو ذهب الى إقاصى الاكوادور .. و ايضا مزاعم حمزاوى .. و بيدنا نسخة من التقرير الطبى الموثق ..
و نتمنى بروح الحب التى جمعتكم
و المودة
و الصداقة ان تندمل كل جراحات .. المجروحين
و يعود الكل قلبا واحدا .. فى المكان الواحد الذى جمع الجميع..
ما رأيته من مودة و حب بينكم ..
أسأل الله أن يمتد ليشمل كل من يكتب هنا ..
| |
|
|
|
|
|
|
|
|
|
Re: تعليقات ومهاتفات من دفتر زيارة تمبس بالمستشفي (Re: ahmed haneen)
|
Quote: حقيقي سعدت جداً بالوقفه العظيمة التي وقفها بورداب الرياض وأسرهم وأصدقائنا وسعدت بمكالمات البورداب وزوار المنبر من شتى أنحاء العالم وهم يسألون عن صحة تمبس والإطمئنان عليه ..
هذه هي روح السودانيين السمحة التي تربينا عليها مؤكدين عمق صلاتنا ومحبتنا لبعض ..
شكراً جميلاً للجميع وربنا يقدرنا على جزاكم ..
تمبس الآن بخير وهو في البيت وبيبلغكم تحياته وشكره العميق ..
|
هذه يامعتصم لب الحديث،،
فالمرض أمر عادي وكلنا ينتظر فيه دوراً عساه يكون ميسرا،،
أما الجمال الحقيقي فكانت هذه الروح ، وغرفة العناية تتحول
لمنتدى في غاية الروعة، الكل فرح أولا بنجاح العملية
ثم بملاقاة أحباب البورد ، والأخ علاء الدين يمثل بكل
شموخ أهل السودان قمة التسامح وهو يذكر المختلفين معه
أكثر من أصدقائه ويخصهم بالشكر،،
أنا دائم القول بأن الكيبورد فيهو شيطان يحول بين هذه
الأشياء الجميلة وبين المنتدين ، فلا أجمل من أن تجدهم
عياناً بياناً ، كل إختلافاتهم خلف هذا الكيبورد تذوب
ما عن لهم أمر جد يشغلهم كمرض العزيز علاء الدين،،
==
دكين : (والله لك في القلب محبة ) جههتنا
ولغاية الآن ماعارفين تمبس عندو شنو؟؟
| |
|
|
|
|
|
|
|
|
|
Re: تعليقات ومهاتفات من دفتر زيارة تمبس بالمستشفي (Re: ahmed haneen)
|
ياشباب الولادة خشم بيوت لكن الما بجى لى تمبس بكاء ابوه ما بنجيهو...
اولا الفتق اتسع على الراتق...
ثانيا الدكتور قال ليه لو حصل شى شوف ليك سباك.
بعد خروج تمبس شوف عينى شىء حلل وشى كوارى..وشى بخور حلو..
نشأ....ومديدة تمر ..ومديدة حلبه ..تحاميل..
مشمع احمر..قصريات..وكل ما يتعلق
بالنفاس من بعيد او قريب
اللهم ربى لا شماته..
اجر وعافية يا تمبس ولايهمك واثقين منك..
ده مرض الرجال..قبالك مسك شيخ العرب ود ابوسن
وودالموج وود قاسم وابو جهينة ..
يعنى عادى..
غايتو اهلنا الجعليين زى مرض تمبس ده لما تسالهم فلان مالو
بقولو ليك اخير موتو..
لكن باعتبار تمبس من امدرمان فاولاد امدرمان بعملوا ليها بارتى قبل وبعد
العمليه ...سنه يا الحضارة
حمزاوى الدور جاييك،،،
| |
|
|
|
|
|
|
|
|
|
Re: تعليقات ومهاتفات من دفتر زيارة تمبس بالمستشفي (Re: حيدر حسن ميرغني)
|
ود الموج
Quote: ده مرض الرجال..قبالك مسك شيخ العرب ود ابوسن
وودالموج وود قاسم وابو جهينة .. |
بس ما شفنا لا قصرية لا بخور حلو ولا مر ... قضيناها شوربة جداد ماسخ
تفتيقة :
إتصل بي واحد متصفح و قال لي عندو قصيدة عاملا لي تمبس بمناسبة العملية و يهديها لكل عزابة الرياض و على رأسهم ( مو ) :
يقول في مطلعها :
فتقووووك و جرَّحوا صُرتك .. فتقوووك
و اللحن تماما كأغنية الحقيبة إياها و سيتغنى بها بوردابي في يوم الكرامة.
| |
|
|
|
|
|
|
|
|
|
Re: تعليقات ومهاتفات من دفتر زيارة تمبس بالمستشفي (Re: ahmed haneen)
|
حنين الحنين..
سلامات ومحبة..
كتبت لي مداخلة كااربة اول امبارح فيها تلغراف..
ما لقيتها..
ألف حمد لله على سلامة تمبس..
الأمين يا عزيز..
شكرا ليك كتير على الإهداء..
السعادة والشرف كانا لي يوم حديثي معك وتمبس..
* نلغرافي يا حنين كان: إن شا الله العملية مافي اللسان ..
ودي
| |
|
|
|
|
|
|
| |
ahmed haneen
تيسير عووضة
Khalid Kodi
)
nazar hussien
Saifeldin Gibreel
معتصم محمد صالح
Emad Abdulla
منذر نقدالله
معتصم الطاهر
د.محمد حسن
هضيبي علي سعيد
فيصل نوبي
العوض المسلمي
ismeil abbas
Al-Shaygi
Kostawi
Mahmoud Mustafa Mahmoud
ترهاقا
خالد العبيد
Salah Waspa
حيدر حسن ميرغني
محمد عبدالرحمن
عبدالله شمس الدين مصطفى
Tragie Mustafa
مجدي عبدالرحيم فضل
ابو جهينة
معتصم دفع الله
سيد محمد احمد سيدنا
nadus2000
محمد علي ياسين
اسعد الريفى
ادريس خليفة علم الهدي
صديق الموج
Siham Elmugammar
نيازي مصطفى
Raja
محمد على طه الملك
فيس بوك
تويتر
انستقرام
يوتيوب
بنتيريست