|
|
 اخوتي ،، غدا صباحا للخرطوم بعد طول غياب ،،، العفو ،، ودام الإخاء بيننا
|
جميع الأخوة والأخوات بالمنبر ،،
بعد التحايا
نغادر الرياض صباح غد الخميس في رحلة السعودية للخرطوم
وربما تكون الرحلة النهائية
ونطلب السماح لكل من اصابه تهورنا ولساننا بقصد او دون قصد
يبقي الأختلاف وايضا يبقي الود لجميع اعضاء المنبر هنا
سوف نوافيكم بجميع الأخبار في هذة الفترة الحرجة من تاريخ الوطن
وجاهزين لكل الخدمات للجميع
ايصال سلامات
واشواق
تاجير سيارات ،، حوالات
اراضي ،، خدمات علاج ،، جامعات
علي مدار اربع وعشرون ساعة
علي الجوال،،، رقم
0912819903
تحياتي
والي لقاء
|
|
 
|
|
|
|
|
|
|
 Re: اخوتي ،، غدا صباحا للخرطوم بعد طول غياب ،،، العفو ،، ودام الإخاء بيننا (Re: ahmed haneen)
|
خطيييير والله يا حنين
عملت ليك موبايل قبال ما تصل ؟؟؟؟؟؟؟؟ والله الله يدينا خيرك !!!!
عموما يا سيدى مرحب بيك فى وطنك الثالث !!!!!
منور ونتوقع زيارتك التفقديه يوم السبت طوالى .......
لكن انت ما قلت لى جايىىى انت بدل وزير الداخلية الاستقال دا ؟؟؟؟
ولاشنو حكاية اراضى جامعات دى ؟؟؟؟؟
فرشنا الارض زهور اوووووووع تتاخر ..... واها يا بورداب الخارج
قولو واحد ..... عقبال البقية !!!
| |
|
|
|
|
|
|
|
|
 Re: اخوتي ،، غدا صباحا للخرطوم بعد طول غياب ،،، العفو ،، ودام الإخاء بيننا (Re: ahmed haneen)
|
اخوتي الأحباء
ليكم وحشة والله
الف شكر علي مشاعركم فردا فردا فقد تعلمنا منكم الكثير
احيكم بعد غيبة وجري وسخانة تلحم والكهرباء قبل شوية كانت
قاطعة والخرطوم زحمة زحمة يا دنيا
كان اليومين الفاتو جارين وراء تسجيل الأولاد في المدارس
وانتهينا بعد مشاورات الي مدارس الأرتقاء الخاصة ،،، وبعدها غدا
انشاء الله الي بربر
اخونا انور احمد
تشكر يا غالي واتمني دوام الود والإحترام بيننا
الأخ محمدين تحياتي
حتما لن تتوقف الكتاية خاصة البلد مقبلة علي تجربة
ومحك تاريخي ،،، سوف اواصل وبنفس الروح ،، ومجهز ليك صور
عن الخرطوم الجديدة عشان تهديها للأخ محمد حامدجمعة
اخوي هشام مدني
اشكرك يا رائع مع دوام الود تحياتي
ود الباوقة ابو عدي
لايهمك يا اخوي كل التحايا سوف تصل الي حي الدكة نفر نفر
والفريق تأهل للدور الثاني في الممتاز وسوف يقابل هلال بورتسودان
وسوف اوافيك بجميع اخبار البلد
صديقي اللدود اساسي
تحياتي
يا حبيب هو فضل فيها امن تاني
وزير الداخلية وغادر
و9 يوليو قريب
والأسبوع الجاي شيخ حسن في بيتو
بعدين ناس الأمن ما عدهم شغل غير العبد الضعيف حنين
ما يمشو يشوفو الجنجويد ،،، ولا الحرامية والبسرقو العيش
اما الأعلان دا لزوم سمسرة وكدا خايفين ننقطع هناك
والبدينك ما تلقاهو ،،، علي العموم جهز الريالات وبديك تلفون
اخوي عادل محمود
تحياتي
سوف تصل تحياتك للجميع
اخونا طارق عثمان محامي كبير في بورتسودان
اما البقية حتما سوف القاهم
وبجيك بالأخبار
اخونا 399
معليش والله لخمة السفر
وعرفت انك علي وشك استقبال العروس بالرياض
اوعا تفوتنا الحفلة
وهنا لا يسعني الأ ان اشكر الأخ عثمان المهندس
فقد كان من اول المرحبين
وكذلك العزيزة رانيا بابكر
واخونا المقاتل سفيان بشير
لهم تقديري وحبي
الأخت الدكتورة ندي
لك الشكر علي المرور
وقطعا النضال مستمر
تحياتي
وسلامي للأخ خالد كودي
اخونا سجيمان
تحياتي
العقال انشاء يا اخوي فوق رقبتك
لك الود
اخونا المك
اتمني لقاءك
لك الود
بجيكم راجع ناس الكافية قفلوا
| |
|
|
|
|
|
|
| |
ahmed haneen
محمدين محمد اسحق
اساسي
ودقاسم
adil amin
waleedi399
nada ali
سجيمان
almohndis
الملك
زول ساكت
ghariba
معتصم دفع الله
فيس بوك
تويتر
انستقرام
يوتيوب
بنتيريست