دعواتكم لزميلنا المفكر د.الباقر العفيف بالشفاء العاجل
|
|
 شحدة اتموسفيرية.... عاجل
|
الاعزاء البورداب
سلام
احتاج لكي بورد عربي على الا تكون حروفه مكتوبة بتلك المادة السحرية
التي تختفي في شهر.. ولا تنحشر حروفه بدون سبب واضح..
يعني كي بورد تمام تراعى فيه الجودة والمتانة(وش شحاد عينو قوية وسنو ملوية)
يديه لأي زول جاي ماليزيا...
ومن يأنس في نفسه الكفاءة بديه تلفوني عبر الماسنجر..
او من غير المشتركين
meena4me1 at hotmailcom
وجزاكم الله خير..
|
|
 
|
|
|
|
|
|
|
 Re: شحدة اتموسفيرية.... عاجل (Re: bayan)
|
بهذا اعلنكم واطمنكم ان هذا الكي بورد سكون ماجورا على حسب من يشحدني ليه
اذا كا مستنيرا تحولت للتو واللحظة الى مستنيرة واذا كان ظلاميا صرت اكثر ظلاما
وهكذا دواليك.. واذا ارتأت الحكومة ارساله بالحقيبة الديبلوماسية
ساشكر ما لا يمكن تشكيره مثل الخدمات الطبية و التعليم واقض البصر تماما
عنو قروش البترول..
وهذا لزمن معلوم قدره 6اشهر لا غير...
وجزاكم الله خير
| |
|
|
|
|
|
|
|
|
|
Re: شحدة اتموسفيرية.... عاجل (Re: bayan)
|
سلام يا بيان
سلام من كي بوردي لي كي بورديك العليل
والله يا بيان نفسي ارسل ليك الكي بورد
واعلمي إنو ما بكلفني أي شيئ
ولكنني أنا بعيد عن العاصمة
ولو بيصل بال D H L ابشري
من غدا صباحا برسلوا
ولو في زول في الخرطوم ممكن ارسلو ليهو
ود زبيدة
| |
|
|
|
|
|
|
|
|
|
Re: شحدة اتموسفيرية.... عاجل (Re: bayan)
|
العزيز نورالدين الشغيل
ولد عطبرة
تحياتي ليك وشكرا لك كثيرا
وما غريبة عليكم يا ناس عطبرة دائما كريمين وتمام
يحفظك الله من كل غادر والزمن ما يبقى جائر
| |
|
|
|
|
|
|
|
|
|
Re: شحدة اتموسفيرية.... عاجل (Re: bayan)
|
خايفين عليك يا دكتورة يا إما تبقي "مناضلة كيبوردية" أو "مجاهدة كيبوردية"
قف
حرصا على كينونة الدكتورة بيان نطالب بعدم ارسال السلاح إليها
و في رواية أخرى درءا ل"العنف اللفظي"
(وجوه كتيرة غامزة عين عين)
| |
|
|
|
|
|
|
|
|
|
Re: شحدة اتموسفيرية.... عاجل (Re: tmbis)
|
نو| Quote: عية مطورة من ( اسلحة الدمار الشامل |
بااااااااااس يا تمبس مطورة..
عارف مشيت مكانة بعيدة وجبت لي كي بورد عربي .. لقيت تلاتة
حروف ما شغالة اهم حروف كمان بيستخدموها في الشمار الشامل و احيانا في الدمار..
والبطبع بيهو دا.. الحلة كلها تسمع جك جك ككات جك..
يعني كي بورد اطرش عديل كدا..
شوف الماسنجر
| |
|
|
|
|
|
|
|
|
|
Re: شحدة اتموسفيرية.... عاجل (Re: ابوعسل السيد احمد)
|
Quote: حرصا على كينونة الدكتورة بيان نطالب بعدم ارسال السلاح إليها
و في رواية أخرى درءا ل"العنف اللفظي |
شنو يا ابو عسل ابقى محضر خير ياخي
بعدين انا زولة حقانية العنف اللفظي حقي بيجي دفاعا عن النفس ياخي..
اسع كدا حرشت المستنيرين..
كان تسكت يكون البوست الجاي تجارة اتموسفيرية
ابيع الفائض من الكي بوردات..
مودتي
| |
|
|
|
|
|
|
|
|
|
Re: شحدة اتموسفيرية.... عاجل (Re: bayan)
|
الاخت د. بيان
سلامات
**** بهذا اعلنكم واطمنكم ان هذا الكي بورد سكون ماجورا على حسب من يشحدني ليه*****
ادينا عنوانك عشان نرسل ليك الكي بورد .
واجرنا هو ان تكتبي لغير الناطقين بها .
وتحياتي
خايف اقول ليك امسي علي خير تقولي لي متين امست يارحمن يارحيم .
| |
|
|
|
|
|
|
|
|
|
Re: شحدة اتموسفيرية.... عاجل (Re: bayan)
|
بيان يا لذيذه
والله ضحكتيني ضحك
يا اخي ارحمي الكي بورد
بالله احكي لينا اولا
كم كي بورد جبار تحطم على يديك؟؟؟؟؟؟؟؟؟؟؟؟
احكي لك نكته سمعتها
سمعت قالوا واحد في امريكا قال :
والله لو انا راجل تراجي او بيان بس
التزعلني اقطع ليها الكمبيوتر
لانه بين النسوان ديل جنهم كمبيوتر.
الليله ضحكتيني لانه كي بوردك باظ
عارفه انا كي بوردي البكتب فيه جاني من وين
دي قصه كنت عايزه افتح بيها بوست شكر.
لك الود والله يجمع لك بكي بورد ممتاز ومعمر ويستحمل البتعمليه فيه.
تراجي.
| |
|
|
|
|
|
|
|
|
|
Re: شحدة اتموسفيرية.... عاجل (Re: bayan)
|
الاخت بيان
لك الود
انا في الرياض ( السعودية ) عشان ما تقولي الرياض الفي الخرطوم
وهذا رقمي(0966502129715) وجاهزين لخدمتك يادكتورة .
معليش الكي بورد ابي اكتب انقليزي .
| |
|
|
|
|
|
|
|
|
 Re: شحدة اتموسفيرية.... عاجل (Re: bayan)
|
بيان
امل ان تتوقر الوسيلة ليتم توصيل الطلب
وعلى فكرة هنالك استكر يلصق على الكى بورد وبه الحروف العربية يمكن ان يكون متوفرا فى ماليزيا
ده ما هروب بس مجرد زيادة معلومة
تحياتى
| |
|
|
|
|
|
|
|
|
|
Re: شحدة اتموسفيرية.... عاجل (Re: بلدى يا حبوب)
|
Quote: والله لو انا راجل تراجي او بيان بس
التزعلني اقطع ليها الكمبيوتر |
سلام يا تراجي
حلوة دي كمان ديل بزعلوهم..
فشر...
بلدي الحبوب العزيز
شكرا ليك زمان كان عندي واحد بأستكر..لكن ما كويسة الاستكر لانه بمرور
الزمن بتتمسح..
عارفاك ما بتقصر
| |
|
|
|
|
|
|
|
|
|
Re: شحدة اتموسفيرية.... عاجل (Re: معتصم الطاهر)
|
الاخ العزيز معتصم
شكرا لك كثيرا..
لقد وصل اليوم كي بورد فاهم وجميل
لونه اسود
فمن يأنس في نفسه الكفاءة يرسل لي كمبويوتر اسود
بهظر معاكم بالحيل عجبتني الشحدة الاتموسفيرية دي
وشكرا للجميع
وفي ميزان الحسنات
انا سعيدة اني سودانية...
| |
|
|
|
|
|
|
|
|
|
Re: شحدة اتموسفيرية.... عاجل (Re: bayan)
|
الرسلو ليك فاعل خير ولاماكتبتى اسمو ليه يابنونة ياخى ؟!!
هسة يعنى ماارسل ليك الكمبيوتر الاسود عشان يبقى طقم مع الكى بورد ؟!!(وجه مفشخر جنس فشخرة وعامل فيها عندو كمبيوتر اسود )!!
| |
|
|
|
|
|
|
|
|
|
Re: شحدة اتموسفيرية.... عاجل (Re: Kostawi)
|
د.بيان
سلامات،،،
Quote:
أنا كي بوردي ليه 10 سنين و أهوداك قاعد ذي الجديد لنج.
المهم في الأنامل...
إنتي بتلعبي كراتيه يا مدام? |
و الله يا بيان أنا بدورى، أتبرع بكل كتب الجودو، الكونج فو، الملاكمة
و كان جاك هاشم بدر الدين ذاتو، بس قولى يامعين، كياكى ظوكى
نمستيه، ريه أوص، وقولى للكيبورد أمك جاتك.
منتظرين جديد الكيبورد الأسود،
و السلام....
| |
|
|
|
|
|
|
|
|
|
Re: شحدة اتموسفيرية.... عاجل (Re: عبدالرحمن عزّاز)
|
| Quote: يااااااااااااااااااااااااااااراجل !!(وجه مندهش) |
نعمل ليكم شنو...ما بتتعاملوا مع التكنلوجيا بحنية?
كدي شوفي كلام بيان ده...فجقت عين كي بورديها المسكين و بعد ده كلو دايره تلحقو الكوشة.
| |
|
|
|
|
|
|
|
|
|
Re: شحدة اتموسفيرية.... عاجل (Re: نادية عثمان)
|
| Quote: امك جاتك سمح اها !!! |
أستاذة نادية عثمان
تحياتى.........
تعرفى المشكلة بيان لما تركب مكنة النضال، و النضال المضاد
ما عندها دجانقو أفرز.
الفى الطريق كله بتقشه.
و الجايات أكتر من الرايحات.
التحية لك و لها،،
| |
|
|
|
|
|
|
|
|
|
Re: شحدة اتموسفيرية.... عاجل (Re: نادية عثمان)
|
يا كوستا
لو شفت بناني لدهشت من رقته حتى انه كان يوما هناك نبؤة ساكون نشالة حريفة او موسيقية
عظيمة... انامل في غاية النعومة توسكا لمسة حنان بس . بس المشكلة في الصناعة الرديئة ..
بعدين كي بوردك دا يا فردة ممكن يقعد 20 سنة تاني ولا تموت خليه ذاتو بجدته وشدته
انت بتطبع ليك سطرين ولاتعمل وش ضاحك كان كدي كان كي بوردي ابو استكر قاعد لليلة..
بعداك تشيل اي كلام مكتوب توديه القوقول تشوفو مسروق ولا لا..
ودي بتم بالماوس موش؟
الغريبة يا كووستا حركة كلام في القوقول دي ما عملتها لي ابدا ابدا
دا فور ذا اولد ديس سيك ولا شنو 
يعني كي بوردك قاعد ساكت..(وش يعرف كوستاوي من زمن طويل)
| |
|
|
|
|
|
|
|
|
|
Re: شحدة اتموسفيرية.... عاجل (Re: نادية عثمان)
|
Quote: الاخ العزيز معتصم
شكرا لك كثيرا..
لقد وصل اليوم كي بورد فاهم وجميل |
نادية العثل كيف الرسول معتصم بارك الله فيهو
اها وقع ليه عطاء 6 شهور انا تحت امرته..
يلا رسلي الكموبتر الاسود كمبويترى لونه بيجي ذى ملاح the mother of thin
شوفي عاد كان ما وصل في 24 ساعة بشيل حالك عاد
وتسلمي
| |
|
|
|
|
|
|
|
|
|
Re: شحدة اتموسفيرية.... عاجل (Re: bayan)
|
Quote: معتصم الطاهر
رسلو لي انا لكن بشرط انا ادفع ثمنة وثمن الترحيل |
شنو يا سيف مساعد ياخي تحرجني الحرجة الشديدة دي
وتجيب سيرة قروش داير الناس يقولو بيان استكراتية؟
ياخي قول للعروس تجيب معها كي بورد فاهم..
| |
|
|
|
|
|
|
|
|
|
Re: شحدة اتموسفيرية.... عاجل (Re: bayan)
|
Quote: الله يا بيان أنا بدورى، أتبرع بكل كتب الجودو، الكونج فو، الملاكمة
و كان جاك هاشم بدر الدين ذاتو، بس قولى يامعين، |
الكتب دي هنا بالكوم يا عزاز ما تغشني
اسع منتظرة ترسل لي سي بي يو
على ان يكون لونه اسود عشان يكون ماتش مع الكي بورد
المونتر متبرع بيه ايه عثمان,,
| |
|
|
|
|
|
|
|
|
|
Re: شحدة اتموسفيرية.... عاجل (Re: bayan)
|
الان ... والان فقط.. وبعد ان انتهت حمى التبرعات ولم يعد هنالك داعى لكى نخرج مالا من جيوبنا.. الان فقط نستطيع ان نمد رؤوسنا وندعى اننا مستعدين للمساهمة.
أى خدمة يامدام؟؟
| |
|
|
|
|
|
|
|
|
|
Re: شحدة اتموسفيرية.... عاجل (Re: نادية عثمان)
|
| Quote: انا زمان كده قبل كم شهر فتحت بوست قلت لرجال البورد ده وسيداتو انى عايزة لابتوب بى حقو زول عبرنى مافى لى هسة تصدقى ؟!!1 |
نشوف الكارزما دي بتنفع في السي بي يود ولا لا..
اسع في مرشحين اتنين
عزاز و منعم..
انا ما فكرت في قصة اللاب توب دي ابدا
نديها صنة شهر كدا ونشحد لاب توب..
| |
|
|
|
|
|
|
|
|
|
Re: شحدة اتموسفيرية.... عاجل (Re: Gazaloat)
|
| Quote: وبعد ان انتهت حمى التبرعات ولم يعد هنالك داعى لكى نخرج مالا من جيوبنا.. الان فقط نستطيع ان نمد رؤوسنا وندعى اننا مستعدين للمساهمة. |
وصلو حلوين اللسان قليلي الاحسان
دا شنو يا ود عمي عاد اتلومت شديد والله.
اها النقولك اخونا معتصم دا جاب كي بورد اسود وكمبوتري اوصافه
في بوست نادية اها بدورك ترسل لي سي بي يو
نمشي نصالح ايه عثمان دا يجي يكتب المواصفات شرطا يكون قريب لحق ناس السي اي ايه..
دي الخدمة العايزاها المدام ممكن؟
| |
|
|
|
|
|
|
|
|
|
Re: شحدة اتموسفيرية.... عاجل (Re: Gazaloat)
|
ماركة كعبة
وصناعة أيه كده ما عارف,,آسيوية ما يابانية...
يا نادية إتخارجي بجلدك
الزول ده و الزولة دي كانو شغالين حفارين قبور قبل النت
أطلعي من الشغلانية دي....جابت ليها يود و صبغة و بعد ده حا يجوك بالكوريك و طورية أبو لمبة و الفانوس الحرق القطية....
| |
|
|
|
|
|
|
|
|
|
Re: شحدة اتموسفيرية.... عاجل (Re: bayan)
|
الحبيب معتصم الطاهر
بالحيل العروس باقي ليها 4يوم وتكون معي , بس قالت شاحنة تكويشة ما بتقدر تشيل حاجة لكن بحاول اخلي اخوي يرسل معها واحد يمكن تلقي ود حلال في المطار يساعدها في الشحن
| |
|
|
|
|
|
|
|
|
|
Re: شحدة اتموسفيرية.... عاجل (Re: bayan)
|
الاخت د. بيان
من كان له فضل زاد فليعد به من لا زاد له
بالله لو وصلك اكثر من لوحة مفاتيح ارمي لينا واحدة وبجيكي ناطي بي تاكسي
دايرين نلوك من جهة الملوك
| |
|
|
|
|
|
|
|
|
|
Re: شحدة اتموسفيرية.... عاجل (Re: Marouf Sanad)
|
الله يسلمك بزيارتك بيتنا نور زهور زينة ايها الرجل المحترم
مودة لو جاتك لاغرقتك..
| Quote: لولا حديث , لعن الله الخمر ,,,, كنت رسلت كي بورد |
معروف يا سند يا ولدي
ما في مشكلة لما سكرتك تفك مممكن ترسل لي لاب توب ما تعتذر
بالخمرة مافي مشكلة السكران في يد الواعي.. وعارفاك ما بتقصر تب..(وش برئ مقدر ومتفهم)
ايه عثمان
الى الان وصل كي بورد واحد ممكن تجي تنقرش فيهو في الويكند
وتمبس واعد بواحد ختري شديد ما بيغلط وبيشكل ويشاكل براه..
تمبس اوعى تزوغ..
| |
|
|
|
|
|
|
|
|
|
Re: شحدة اتموسفيرية.... عاجل (Re: Gazaloat)
|
http://www.bitclick.com/
Maktab allows you to write arabic texts using any non-arabic Windows and any keyboard.
The highlight is that you don't have to search for the right keys: you can type exactly like you are used to in your own language: press a to get the letter alif, b for a ba, q for a qaf and so on. Once you are done, simply copy and paste the text into your favourite application and that's it!
salam ya dr byan
Untill you get your arabic keyboard i would like to invite you to try this one
just download it,then if you don't like it....
ibga Allah kreeem
regards
woroorrook
| |
|
|
|
|
|
|
|
|
|
Re: شحدة اتموسفيرية.... عاجل (Re: ALGARADABI)
|
Quote: يا كوستا
بعدين كي بوردك دا يا فردة ممكن يقعد 20 سنة تاني ولا تموت خليه ذاتو بجدته وشدته
انت بتطبع ليك سطرين ولاتعمل وش ضاحك كان كدي كان كي بوردي ابو استكر قاعد لليلة..
بعداك تشيل اي كلام مكتوب توديه القوقول تشوفو مسروق ولا لا..
ودي بتم بالماوس موش؟
Quote: الغريبة يا كووستا حركة كلام في القوقول دي ما عملتها لي ابدا ابدا
دا فور ذا اولد ديس سيك ولا شنو |
يعني كي بوردك قاعد ساكت..(وش يعرف كوستاوي من زمن طويل) |
الرد دا بي الكيبورد الجديد والا القديم؟؟
..
بعدمـا
وصلت كل الكميات دي من المعجبين ( شيوعيين وقوى ظلام .. وناس الله ساكت )
حقو الواحد يا دكتورة يخلي فكرة الكيبورد .. ويرسل ليك ( طبنجة ) ( تسعة ملي - كاتم صوت ) بتطبق وتدخل جوة شنطة اليد عادي
الظروف ما معروفة
| |
|
|
|
|
|
|
|
|
|
Re: شحدة اتموسفيرية.... عاجل (Re: tmbis)
|
| Quote: يا نادية إتخارجي بجلدك |
كستاوى اخوى ..ياخ البخارجنى من البوست المليان ده خالية الوفاض وحافية القدمين شنو ؟!!
انت ماشايف كريزمة بيان دى خترية كيف ....خلينى هنا ايمكن اطلع بى لابتوب ..اسيوى اسيوى مامشكلة اخير من مافى (وجه تجاه الملوك بيلوك)!!
| |
|
|
|
|
|
|
|
|
|
Re: شحدة اتموسفيرية.... عاجل (Re: tmbis)
|
| Quote: حقو الواحد يا دكتورة يخلي فكرة الكيبورد .. ويرسل ليك ( طبنجة ) ( تسعة ملي - كاتم صوت ) بتطبق وتدخل جوة شنطة اليد عادي |
وين يا تمبس تخلي فكرة الكي بورد (والغويشات ) ما عندك طريقة
عاد بقطع فيك الكي بورد الجديد دا وأشيل حالك وانقر طارك..
الماسنجرات موجودة لو ما جا حتسمعها ف ي السي ان ان..
قال اخلي فكرة الكي بورد قال
| |
|
|
|
|
|
|
|
|
|
Re: شحدة اتموسفيرية.... عاجل (Re: bayan)
|
الاخت / دبيان
تحياتي
استلمت الكي بورد وعملتي نايمة وانا في انتظار المسنجر الذي مثل الكي بورد الذي شتريتة وانظر الية فقط .
مبروك الكي البورد الجديد
| |
|
|
|
|
|
|
|
|
|
Re: شحدة اتموسفيرية.... عاجل (Re: bayan)
|
| Quote: رغم ان الخط صغار ما بيتقري للمسنين بسهولة(وش خجلان) |
الخجليبة
أنا قلته الولد Gazo بهظر ساكت, تارنو كلامو ملان و قوي.
بكرة حا تجيكم تاني تقول ليكم أناملي ناعمة و تشحدكم نظارة نظر...يحلك الحله بلة يا تمبس.
| |
|
|
|
|
|
|
|
|
|
Re: شحدة اتموسفيرية.... عاجل (Re: Kostawi)
|
| Quote: يحلك الحله بلة يا تمبس |
..
غير صالح للنشر
يا كوستــاوي
بل راسك غايتو
بطرفنــا عدد اتنين كيبورد تم اختيارها باحكام مع مراعاة كل سبل التقنية الحديثة .. واحد مني .. والتاني من ( بيبي تيوب )
اما المني انا .. مجهز بي محركات بحث مختلفة من قوقل لي ( Alta Vista ) يعني ما تدقس
وبتاع البيبي تيوب تم تطويره في البيت وفيهو مفتاحين بعد مفتاح Insert بيشتغلو نظام ( بنج بخاخ )
يعني بنفعو في الحلاقة والظعمطه
..
يا دكتورة ..
النوعية بتاعت الكيبوردات دي بتشتغل حسب المود .. وممكن تبرمجيها بي بصمة الصوت وتخلي الباقي عليها
يعني مثلا من ما صحيتي من الصباح كدا ..
تقعدي في تربيزة الكمبيوتر وتسجلي دخول في سودانيز ، وتختي صوابعك العشرة في الكيبورد وتقولي ليهو ( كوستاوي اسبوع لي قدام ) .. اهــا بعداك ممكن تمشي مشاويرك وتجي ..
تجي تلقي كوستاوي .. ( مبستف )
وقيسي على ذلك ..
| |
|
|
|
|
|
|
|
|
|
Re: شحدة اتموسفيرية.... عاجل (Re: bayan)
|
| Quote: انا زمان كده قبل كم شهر فتحت بوست قلت لرجال البورد ده وسيداتو انى عايزة لابتوب بى حقو زول عبرنى مافى لى هسة تصدقى ؟!!1 |
راجعى البوست
وشوفى الناس العبروك وما عبرتيهم
عندك اتنين بحبوك شديد هنا ..
وقالوا ليك مستعدين
واحد أخوك ..
| |
|
|
|
|
|
|
|
|
|
Re: شحدة اتموسفيرية.... عاجل (Re: معتصم الطاهر)
|
Quote: يا خالى كوستاوى
كان الحكاية وقفت على النضارة... هينة
ياهجام
كل حاجة تمام
والكلام لى قدام
بعد النضارات
تفضل الســماعات
والكرسى اب عجلات |
كدى يا منعم؟
طيب!
اتلمو علي الجلاكين..
| |
|
|
|
|
|
|
|
|
|
Re: شحدة اتموسفيرية.... عاجل (Re: bayan)
|
اذا كا مستنيرا تحولت للتو واللحظة الى مستنيرة واذا كان ظلاميا صرت اكثر ظلاما
أسـة انـا دا مـوقفي كيف معـاهـو?
وكيف مـوقف الطلب ده مـن التقـدميـة?
مـني
| |
|
|
|
|
|
|
|
|
|
Re: شحدة اتموسفيرية.... عاجل (Re: Muna Khugali)
|
الاعزاء
كل من كتب في هذا البوست اشكركم كثيرا.. وكل من ارسل في الخاص
او الايميل عارضا على خدماته في ميزان الحسنات يا رب
واعتذر لاخي معتصم عما لحق به من اذى دون قصد
وهكذا الحياة في البورد خير تفعل شر تلقى
وامسحها لي في وشي.. وقلبي محزون جدا..
ولو اي حاجة ممكن تصلح الحاجة دي مستعدة اعملها..
حتى لا يسود فكرة انقلاب الخبر الى شر..
ولمن حول هذا العمل الجميل الى موضوع مطاعنة..
طلبي لهذا الكي بورد لو بتفهم لم يحدث لاني لا استطيع شرائه
الحمدلله والشكر لله على الرزق الذي اعطانا له
ولم يرسله الاخ معتصم لانه يريد مني شيئا..
ونعم نقبل الهدية عااااادي لان دا طبع السودان الجميل..
وشكرا ليك اخي معتصم رغم خلافاتنا البوردية الا انك ارسلته لي..
كل يوم الزول تتكشف له حاجات..و
بس نرجع نقول
حسبيا الله والله نعم الوكيل
| |
|
|
|
|
|
|
|
|
|
Re: شحدة اتموسفيرية.... عاجل (Re: bayan)
|
ياحبوبة
الان وقد اكتملت لديك كل اسلحة الشمار الكامل كى بورد اسود صناعة ايرانية وبكتب عربى اسود صناعة سودانية انتظرك فى الازقة2 فلدينا حديث طويل يحتاج الى تكملة.
منعم
| |
|
|
|
|
|
|
|
|
|
Re: شحدة اتموسفيرية.... عاجل (Re: Gazaloat)
|
يا عزيزي جازولت
رغم سعادتي بهذا الكي بورد الفخيم.. الا انه
الحياة تقرف ياخي..
من الصباح اكتب وامسح اكتب وامسح الزول عايز يتعالى ويتسامي
على شروروه لكن الناس دي ما بتديك فرصة..
اعمق الجراح تاتيك من ناس كانوا في مقام الود والمحبة..
بس ادينس ايام كدا وسأعود..
| |
|
|
|
|
|
|
|
|
|
Re: شحدة اتموسفيرية.... عاجل (Re: bayan)
|
بيان
أنا أعلنها على الملأ
بيان
نحن لا نختلف
نحن نتحاور ..
ويا أختى ..
أشكرك أن وضعت فينا ثقة ..
ولا تتعالى على الشرور
بل يجب أن نتعالى على الكراهية ..
فالشر دواءه الخير والخير فى الناس ..
( وإنّه لحب الخير لشديد) ..
ولكن الحب لا يداوى الكره ..
| |
|
|
|
|
|
|
|
|
|
Re: شحدة اتموسفيرية.... عاجل (Re: Muna Khugali)
|
Quote: أسـة انـا دا مـوقفي كيف معـاهـو?
وكيف مـوقف الطلب ده مـن التقـدميـة? |
سلام يا مني
كدا بقلب ابقى تقدمية لكن طبعا بس وراك بشوية ما ممكن اتقدمك
ولا كيف ؟بعد رسلتي لي الكيبورد.. نحفظ المسافة..(وش عارف انه حيكون وراك)
| |
|
|
|
|
|
|
|
|
|
Re: شحدة اتموسفيرية.... عاجل (Re: bayan)
|
Quote: تجي تلقي كوستاوي .. ( مبستف )
وقيسي على ذلك .. |
تمبس بمجرد الاستلام اي عدو ليك طوالي يبل راسو ويقعد لي
احلق ليه تماااااااااااااااااااااااام..
منو دا بيبي تيوب اوعي يكون نسيبي؟
الليلة والليلة بصات ابو رجيلة يا مستر كووووووستا
كوستا جاك بلا
الجازلوت عاد ما تنتظر يوم كيلك..
اسحف بعيد واعمل ساتر..
سند وعمر وكل الاخوة الشيوعون اها شوف ليكم جزيرة بعيدة
| |
|
|
|
|
|
|
|
|
|
Re: شحدة اتموسفيرية.... عاجل (Re: Gazaloat)
|
| Quote: دى يعنى العلامات البتوريك محل (الشَكَلْ) وين؟؟ |
لا التوضيح مهم وواجب مع الكيبورد السنين دا
اها ان جاء دور الماوس قولي عوووك
عشان نرسل ال"الباد" وننتظر الماوس
| |
|
|
|
|
|
|
|
|
|
Re: شحدة اتموسفيرية.... عاجل (Re: HOPEFUL)
|
Quote: اها ان جاء دور الماوس قولي عوووك
عشان نرسل ال"الباد" وننتظر الماوس |
ما بتقصر معاي انت يا هوبفول.. بارك الله فيك
بس مشكلتك بقيت حق ادارة خدود ومرقتني في السهلة..
اي زول يتطاول علي..
| |
|
|
|
|
|
|
|
|
|
Re: شحدة اتموسفيرية.... عاجل (Re: Gazaloat)
|
| Quote: دى يعنى العلامات البتوريك محل (الشَكَلْ) وين؟؟ |
قرقرقر يا منعم تاني اوسكار ..
منعم بعد كدا نزل زقاقك داك(وش خايف جنس خوفة لو بالجد نزلو).. الكي بورد جديد والجديد حديد...
| |
|
|
|
|
|
|
|
|
|
Re: شحدة اتموسفيرية.... عاجل (Re: Mohammed Elhaj)
|
| Quote: جينا المولد متأخرين |
وين متاخرين عايز تبقى ذي منعم بعد الكي بورد وصل دخل طارح خدماتو
اسع شوف براك الكي بورد المأجور دا شهر ما بيتمو من
كمية الناس العايزين بستيف.. من دربك دا تمشي
ترسل واحد يكون فاهم ذي حق معتصم التشكيل
برة...
مافي كلام وصلت متاخر..
| |
|
|
|
|
|
|
|
|
|
Re: شحدة اتموسفيرية.... عاجل (Re: Gazaloat)
|
Quote: أسود و ظلامية؟؟؟؟
الللللله يستر |
قرضابي يا لطيف
ما تخاف انت من الناس البنعزها.
اطلع وبان عليك الامان..
اي زول يهبشك كي بوردي دا بيباه..(وش يسيل الدم من شدقيه)
| |
|
|
|
|
|
|
|
|
|
Re: شحدة اتموسفيرية.... عاجل (Re: bayan)
|
Quote: لا... يعنى زقاق العبث خلاص ؟ مافى كلام حيتقال فيهو؟
الموضوع دة لسة... ولا شنو ؟؟؟؟؟ |
كيف خلص؟
في حاجات كثيــــــــــــــــيرة
بس داك عشان قنبلة ذرية والكي بورد جديد. يعني ذي سكين في الضراع تابا اي زول
يتعدى الشخيت..
| |
|
|
|
|
|
|
|
|
|
Re: شحدة اتموسفيرية.... عاجل (Re: bayan)
|
Done
يا دكتورة
خصوصاً بعد الPackage من القصص الجميلة النشرتيها في الفترة الفاتت،
Hint في قصة طويلة نشرتيها الفترة الفاتت بفتش ليها
بعدين في كلام حول القصص بقولو في مكانو
سلامات
| |
|
|
|
|
|
|
|
|
|
Re: شحدة اتموسفيرية.... عاجل (Re: bayan)
|
ياخوانا أنا زول أنسانى خالص جداً ودموعى (عويره)
ووحات ناس كدباس..دا أجمل بوست لو بتعرفوا بيان أختنا بت اللذينا..بتمرر بذكاء حالة أنسانية نادره أسفيرياً من واقع الحياة اليومية الفيها تفاصيل أنتماء ومحبه بين الأصدقاء للبورد ده..يعنى القصة ماشحده وماها كيبورد للناس الأحاسيسهم صاره وشيها ومعقده الأمور ..بس (وأريتنى مافسرتها) دايره تقول نحنا برضو أصدقاء وبننتمى لبعضنا البعض..أها لمن يجوا الناس ويقولو ليها أبشرى رسلناهو ليك فى الحته دى المعنى الغمييييييييس وهو البورد (كمجال أنسانى) تتصادق فيهو الأفكار والذوات وبيان تفتح طاقه ليمر هذا البصيص الأنسانى متعة ان نقدم لأصدقائنا وأحبائنا مايحتاجون منا من غير تأويل معقد للأمور
أننى أكاد أن أنفجر (زول طويل أنسانى خالص قاعد يبكى من التأثر)
أرجو عدم الرد من بيان أو غيرا
| |
|
|
|
|
|
|
|
|
|
Re: شحدة اتموسفيرية.... عاجل (Re: حاتم الياس)
|
Quote: بيان
والله ان عالم لاتوجد فيه بيان لهو عالم ممل حد الموت !!
ياخ والله العظيم بحبك كده لى الله بس |
نادية يا عثلنا
اليوم انتظرت بعلنا جا قالت ليه شوف نادية صاحبتي
قالت شنو؟
قالي اهو قلتيها براك
قلت ليه شنو
قال صاحبتي
الراجل المن عندكم يا نادية قلب شايقي قطيم..
شكرا ليك يا وردة يا فواحة..
| |
|
|
|
|
|
|
|
|
|
Re: شحدة اتموسفيرية.... عاجل (Re: bayan)
|
وحات الشيخ الجعلي و الغبش والواقفين صفوف
زولا ما صاحبو حاتم الياس دا فطيس ساكت..
كلامك جميل يا حاتم يمسح الجروح و يلثمها ليتوقف الالم
شايف الناس الحلوين الفوق ديل كلهم رغم مناقراتي ليهم الا اي واحد فيهم بشكل نبضة في قلبي ذي اسرة واحدة...لا احتمل ابدا فكرة الا يكونوا موجودين..
تعرف في ايملي لقيت ايميل من اخ اسمه نوري من عطبرة قاعد في الجنوب
رسل لي قال عايز يرسل كيبورد لي ساق ساعتين من السايت عشان يلحق ماليزي مسافر
اديتو تلفوني اتصل بي من الجنوب..فتح طاقات من المحبة والود وقال انه بيعد
سودانيزاولاين جزء من حياته وكتابها كذلك..
لنوري الرجل الطيب الفاضل..يشرفنا ويسعدنا جميعا ان نكون جزء من حياتك..ونتمنى نكون عند حسن الظن.. وهذا البوست اكسبنا صديقا جديدا...
التحية لنوري ...
مودة شديدة.. لكم جميعا و لحاتم كل المحبة..
| |
|
|
|
|
|
|
|
|
|
Re: شحدة اتموسفيرية.... عاجل (Re: bayan)
|
Quote: يا خالى كوستاوى
كان الحكاية وقفت على النضارة... هينة
ياهجام
كل حاجة تمام
والكلام لى قدام
بعد النضارات
تفضل الســماعات
والكرسى اب عجلات |
جازولت يبكي نفسه...ويذكر ايام الشباب الولى ادباره
وخلاه في الصقيعة مع خاله مستر كوستا..
اول مرة اعرف الجازولت هالف كاست
بالله انت امك خواجية؟
| |
|
|
|
|
|
|
|
|
|
Re: شحدة اتموسفيرية.... عاجل (Re: bayan)
|
اليوم وصلت اسلحة الدمار الشامل المولعة ناااااااااااااااااااااااااااار
كيبورد ختري شديد ومعه ولده(اصغر كي بورد رايته في حياتي)
ووجدنا به كل المواصفات التي ذكرها علاء..
شكرا علاء وحميدة
ويا مستر كوستا بل راسك واجلس "ستنق دك"
يو كانت رن & هايد..
عارفة توك اذ جيب
شكرا لكم جعلتم اليوم جميلا.....
| |
|
|
|
|
|
|
|
|
|
Re: شحدة اتموسفيرية.... عاجل (Re: bayan)
|
كما لا يفوتني ان اهدي لكم تحيات اخونا نوري في الجنوب الحبيب
الذي يبلغكم تحياته وتقديره لكتاباتكم..
ويانوري سلامي ليك وبالغ الاحترام والتقدير...
ونتمى دائما نكون عند حسن الظن....
ما تخاف علي..
| |
|
|
|
|
|
|
|
|
|
Re: شحدة اتموسفيرية.... عاجل (Re: bayan)
|
الأخت بيان
قرأت البوست ومداخلاته أنا سعيد جداً بالقفشات والحوارات الجميلة التي لاتخلو من الطرافة وأتمني أن تمتد هذه الروح الحوارية الجميلة لكل بوستات المنبر العام
مع تحياتي
عادل عبدالرحمن
| |
|
|
|
|
|
|
|
|
|
Re: شحدة اتموسفيرية.... عاجل (Re: adil rahman)
|
Quote: الأخت بيان
قرأت البوست ومداخلاته أنا سعيد جداً بالقفشات والحوارات الجميلة التي لاتخلو من الطرافة وأتمني أن تمتد هذه الروح الحوارية الجميلة لكل بوستات المنبر العام
مع تحياتي
عادل عبدالرحمن |
الاخ الكريم عادل
سعدت جدا بمرورك الباهي وتعليقك الجميل..
عندما بدا هذا البورد. كانت هذه الروح هي السائدة.
غالبية هؤلاء الاعزاء من ذلك الزمن الجميل..
نتناقش ونختلف وهناك هذه المحبة. الى ان ضرب البورد
فيروس رجالة الكي بورد.. وصار اليه احال
كما ترى الان..
واللهم آمين ان يعود المنبر كما كان..
وشكرا لك مجددا على كلماتك الطيبة
تقديري..
| |
|
|
|
|
|
|
| |
bayan
ابوعسل السيد احمد
tmbis
يوسف السماني يوسف
Tragie Mustafa
بلدى يا حبوب
عبدالرحمن عزّاز
معتصم الطاهر
saif massad ali
Kostawi
Gazaloat
aosman
Shams eldin Alsanosi
Marouf Sanad
woroorrook
ALGARADABI
Muna Khugali
HOPEFUL
انعام عبد الحفيظ
Mohammed Elhaj
حاتم الياس
adil rahman
فيس بوك
تويتر
انستقرام
يوتيوب
بنتيريست