دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا
أرتِق الشَرِخ دَا/ العِصيان ناداك
الشعب الملهم.. لن يصبر من كدا أكثر
إلى شباب ثورة العصيان المدني: الحرية لا تقبل المساومة!
حول ضرورة تنظيم جاهز لإستلام السلطة
نيويورك 10 ديسمبر، حوار حول الحراك المعارض في السودان في ختام معرض الاشكال والجسد
19 ديسمبر .. إني أرى شعباً يثور !!
مقال للخائفين على السودان من مصير ليبيا و سوريا إن حدث التغيير
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-11-2016, 07:58 AM الصفحة الرئيسية

مكتبة د.نجاة محمود احمد الامين(د.نجاة محمود&bayan)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

الى جازلوت.......شمعة لحين عودتكم المنتظرة

04-09-2004, 11:39 PM

bayan
<abayan
تاريخ التسجيل: 06-13-2003
مجموع المشاركات: 15417

للتواصل معنا

FaceBook
تويتر Twitter
YouTube

كيف احذف مداخلة من بوستى

الى جازلوت.......شمعة لحين عودتكم المنتظرة

    .
    Quote: اليكم هذا ( النص) من انصاص مابعد الخنفشارية:

    ملحوظة هامة : ليس هنالك اى خطأ فى ترقيم النصوص فلا تنشغلوا/ ن بعدم تسلسلها حيث ان التسلسل ليس من خصائص الخنفشارية اصلا.



    (3)

    الشارع اطول من احزان المدعوكين فى الحواشة
    الشارع مليان دياشة
    وعواميد نور مطفية
    وناس تتجارى ورا معاشة
    واحد شايل سرواله الناصل ومقشاشة
    وواحد واقف يبرم فى شنب الامباشى
    وجماعة بفرفرو تحت الكماشة
    وسكران ماهاميهو الحاصل
    واقف فى الخط الفاصل
    مابين الزمة وسيد السروال الناصل
    وبشاغل فى بنية ملفلفة زى قرطاس السكر
    الجوع اتدفق من عينيهو
    قزاز النضارة اتكسر
    تلميذ شايل كتبو ف سرج العجلة الورانى
    دقش البت الزى قرطاس السكر وقع اتكسر

    (9)

    ما طلحة براهو الكسر الجرة
    واحد شايل اخلاقو ف صرة
    وواحد شايل اخلاقو ف شنطة مستفة بى دولارات جايبها من برة
    وواحد شايل اخلاقو ف ستيانة بتو
    وواحد نسى اخلاقو ف رف الحمام
    شال شوالو وسافر جدة
    وواحد ماكانت عندو الفرصة عشان يعمل اخلاق بى مليم حتى

    (2)

    الزول الشايل اخلاقو ف ستيانة بتو
    ساق الولد الدقش البت الزى قرطاس السكر
    وداهو التمنة..الضبطية..المركز..سميها حسب كمية اخلاقك
    الضابط كانت بايته معاهو السكرة
    وبشرب فى القهوة المرة
    دخل الزول الشايل اخلاقو ف صرة
    وبكورك
    - ياناس ..ياعالم ..
    نشلونى..
    اخلاقى اتنشات.

    (6)

    طنّـت ضبانة معلقة فى شرك العنكب جوة الزنزانة
    قرقر واحد مقبوض فى قصة جبخانة وماجبخانة
    ضحكت واحدة هناية وست انداية
    وقالت
    - يادوووب اتنشلت ؟
    واحد مقبوض فى جناية اتجار بالقصّـر
    قاليهو تستاهل
    شايل اخلاقك وحايم فى السوق
    عميان مـنّ البنك او البوسطة؟
    واحد زمّـتو سوسته
    ساق الولد الدقش البت الزى قرطاس السكر
    وداهو الشفخانة..
    المستشفى..
    عيادة..
    تسميها حسب مفهومك للمادية( الدجلية)
    وموقفك التاريخى من الخصخصة
    والاستثمار الرأسى.
    يازول.. قول الدكتور تاوق جوة دماغ الولد المفتوح للعامة
    وشخبط فى الورقة القدامو كلام بالسنسكريتية الفصحى
    وقال للشافع..
    - عندك قرحة
    ولازمك عملية استئصال كلية سليمة
    والمشترى جاهز..
    ودولاراتو تناهز
    خمسين فى المية مقدم
    وتلتاشر بعد العملية.
    الود ضّــربها فى مخو..
    - والباقى؟؟
    - باقى شنو كمان..
    حقى وحق المستشفى خمستاشر
    وزكاة الفطر تمانية
    وزكاة الانعام وتبرع لبناء مسجد تانى جوار المستشفى
    خلاص.. مية المية
    حنسوى العملية
    اذا وافقت..اذا ماوافقت
    القانون واضح
    والواضح مافاضح

    (1)

    الود قام جارى

    ($)

    سكّــوهو تلاتة تمرجية
    وبوليس حركة
    وسمسارين
    والناظر

    (10

    اوعك تسألنى عن الناظر دة منو
    ومن وين
    ودخل كيفن
    اهو ناظر لاقيتو ف نص القصة
    حليو وقيافة
    وقندف
    وما مشغول بحكاية دوران الماهية
    من الجيب للغيب
    عندو مصادر سرية
    وواصل لى اقصى حدود التموين
    اذن مامهم نسأل عن اصلو وفصلو وجاى من وين

    (3 مكرر)

    الناظر قال زهجان من ازعاج الشفع فى المدرسة
    والمدرسة بس حوش
    ومكيتب مامعروش
    وقطاطى بروش
    يازول تووش
    الشافع دخل المدرسة
    تلبوا ستة تمرجية وراهو
    الكانو تلاتة
    استثمرهم الناظر فى مشروع خيرى
    مرابحة يمكن
    اصبحوا ستة بفضل الله
    وفضل الدعوات المبروكات
    من جمهرة القايمين الليل
    جزو منو عبادة
    وجزءا عادة
    حراسة كبرى
    ودوريات

    (أ)

    الفات الفات
    قال وانا مالى
    طلع طوالى
    والهون
    ضرب السَّــل فون
    والزول السافر جدة
    شوالو انقدَّ
    والبت الزى قرطاس السكر طلعت حامل
    وفى شهرها العاشر
    والعرقى الشربو الضابط كان داشر
    والسكران لسع واقف فى الخط الفاصل
    والصورة بقت مهزوزة
    ضبابية
    مكهربة
    والشارع اطول من احزان المهزومين فى الحواشة
    ومليان دياشة
    وعواميد نور مطفية
    وناس تتجارى ورا معاشة
    ...........................
    .............................
    .............................



    لماذا هذا الغياب ايها الحبيب؟
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-09-2004, 11:44 PM

bayan
<abayan
تاريخ التسجيل: 06-13-2003
مجموع المشاركات: 15417

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الى جازلوت.......شمعة لحين عودتكم المنتظرة (Re: bayan)

    Quote: هاكم دى من ابداعات مابعد الخنفشارية الحديسة


    البحر
    يتم جزاير الوردة
    لما الموج حسر اكمامو
    فات قدامو
    لى ندامو
    حاضن بالتلاتة حرامو
    ياشاقينا
    يانديهو بت السكلبت فينا
    انفرد شلال مآقينا
    انتماءاتنا التتاوق لينا
    من جوانا
    تضحك مننا
    وتمرق لسانها
    وحتى لما الليل برد
    والبارق السارق حرد
    نزل العشق دقانا
    والمستورة فى حيشانها
    كان مرقت تقش عريانه
    والطيارة جات مليانه
    افرنجين وافرنجات
    ويا كمرات
    ونضارات
    وبالزردية
    يا( بر) عمتك لبنية
    حمد النيل وفينا الفات
    ومن ابعنجة لى شمبات
    ومن بيت التكب اهاتها
    فى قدح المرق
    فى قلبو يتفصد عرق
    عميانة والراتب فرق
    ناولينى شاى يا بت اخوى
    خلى الندلدل عمتى
    ونلحق بواقى الكحة
    كان تنجينا
    من صمة خشمنا اتلبست فينا
    ويبس ريقنا
    ودفق شلال دمومنا النازلة
    زى جدول مرق من البحر ناشف
    وخلى السمكة تتلفت ممحنه مننا وفينا
    ولا دما نكفر بيهوغلطاتنا
    ولا دمعات تغطينا


    فى الانتظار دائما
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-09-2004, 11:49 PM

bayan
<abayan
تاريخ التسجيل: 06-13-2003
مجموع المشاركات: 15417

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الى جازلوت.......شمعة لحين عودتكم المنتظرة (Re: bayan)

    Quote: اهداء خاص الى الصديق هوب فل عله يجينا مارق لى برة

    - لاتكابس حيا وميت.
    خاطبته اللقية بت التومة وهو يقاوم ملك الموت, ويعافر ويدافر ويزافر مثل زواج وحل فى رمال المعيشة. والناس من حوله يمسكون باطرافه ويلزمونها الجابرة حتى لايموت مكرفسا, كما قال ود دوليب, الامام وهو يشرح للحاضرين والحاضرات بما فيهم ملك الموت نفسه:
    - الزول لابد ان يموت مستقيما.
    قال ادم جبر الخواطر:
    - ولا الضالين امين...
    ضرط ضرطة كبيرة شُمت عفنتها فى غرفة تاج السر اللولية, واخرج استه شريطا رفيعا لالون له كما الماء, رغم تماسكه... كما الدودة, فى التواءه...كما الوعود الانتخابية والبيان رقم واحد, لا اول له ولا اخر.
    ازاله عبد النبى الطباخ بيده والقى به الى الارض. بينما تصاعدت احتجاجات اللولية على مثل هذه المساخر. وتاج السر قد سمى باللولية لانه كان معتقدا فى الظار, وتحديدا ظار الحبش وخواجة ارض الصين, لهذا اشتهر بنظافته النوعية واناقته النسبية وحبه الجم للعطور والبخور.
    خرج ادم جبر الخواطر من الغرفة تاركا الباب مفتوحا كفخذى عروس غافلة, انهمك عريسها للتو فى افتضاض بكارتها, فدخل نوح الله جابو يدمدم كعادته بما لا اذن سمعت ولا عقل فهم, كانه وسط طقوس عشق سرية وضعت كل الاحتمالات فى سلة واحدة وما الفرج الا من عند الله.
    انقطعت الكهرباء فجأة فأصبحت الغرفة مثل بيت اشباح انقاذى لاتملك فيه سوى ان تستنفر ماتملك ومالا تملك من حواس, متوقعا ضربة تأتيك من بين يديك ومن خلفك ومن كل حواليك, وامسك حتى ملك الموت عن معافرته مستنفرا هو الآخر حواسه الملائكية يتلمس بها دامس ظلام الغرفة.
    انهمك موسى العبد فى سلسلة طويلة من سعال, ظن الناس ان نفسه سينقطع بانقطاعها, ثم عاد لمعافرته ومدافرته ومزافرته مرة اخرى بعد ان تلمس ملك الموت طريقه اليه فى ذلك الدامس , وراحت الايدى تتلمس هى الاخرى طريقها الى اطرافه منقضة عليها فى محاولة لاماتته باستقامة حتى دخلت اللقية عليهم بفانوس تكسرت زجاجته وارتخت شعلته وكثر دخانه وتشبحت اضاءته. وتتالت ضرطات موسى العبد, خافتة, ولكن متوالية كمقاومة يائسة من اطراف انقلاب مدحور. فجأة همد جسده وارتخت عضلاته فارتخت عضلاتهم بدورها وصاح ود دوليب بصوت جاء كمخبز الامانة المجاور, آلى وخالى من اى نفع:
    - انا لله وانا اليه راجعون...
    وسرعان ماامتلأت الغرفة بحشد ممن كانوا يتناثرون مثل الخراء اليابس فى تلك الخرابة, وتعالت همهمات ودمدمات ونهنهات ...حتى باغتهم الصوت المألوف :
    - اشرب...
    وخيم صمت مغتاظ..
    - مامات !!
    - لاحول ولاقوة الا بالله..
    - معجزة ألهية..
    - يعنى ربنا يترك كل الخلق ويسوى معجزته فى موسى العبد ؟!
    - يضع سره فى اسود خلقه.
    - ونصرانى..
    - يضع سره فى اكفر خلقه.
    - وما عنده قرش واحد..
    - يضع سره فى افلس خلقه.
    - اشرب ياناس..
    صاح موسى العبد بصوت اوهنته كثرة المعافرة وطول الضراط واشياء اخر.
    - الحقوه بشربة..
    - سبحان الله..
    - الحقوه بكباية عرقى.. ياخوانى
    صاح اللولية وهو يمسك بطرف القميص الساكوبيس الناصع البياض مثل ضمير مستتر تقديره لا احد, والمنسدل جزئيا على جسده العنكوليبى , مثل ملاءة انحسرت بفعل فاعل عن همزة الوصل بينها وبين المرتبة فأفصحت وأبانت عن ارجل السرير المخروطة بعناية وكشفت عن متاع قديم اخفاه اصحاب الدار عن اعين الزائرين , وارتعش مابين فخذى اللقية.
    فقد ود دوليب صبره وحلمه ونسى الدرس والصلاة تنهى عن الفحشاء والمنكر وكل شئ كان يعظ به الناس, فمنذ اسبوع وهم تركوا اشغالهم وتحلقوا حول العبد يساعدوه على الموت باستقامة وهاهو قد اضاع كل مجهوداتهم سدى ولايريد ان يموت !وافلتت من محجريه نظرة ضلت طريقها الى فخذى اللقية المنفرجين قليلا بفعل رداءة المقعد ( مقعد الغرفة وليس مقعد اللقية لذا وجب التنويه ) ورغم خفوت الضوء الا ان اللقية بحسها الجنسى العالى احست ببصره ينهش مابين الفخذين وتبسمت راضية, واخذت تفكر رغم غرابة الموقف فى آلة ود دوليب الاسطورية, ممنية نفسها بليلية اخرى تحته وصدره يرزم مثل خور ابى عنجة فى أوج الخريف, غير ان ود دوليب سرعان ما انقض على موسى العبد وجثم على صدره المعلول وراح يخنق بيديه الغليظتين العنق النحيل حتى تدلى لسان العبد
    Quote: نصف متر خارج فمه المفتوح كنقاش رياضى فى مواصلات عامة, وخرجت كرتان سوداوان صغيرتان من مكمن ما فى اسفل جبهته ادرك نوح بعد زمن طويل انهما بؤبوءا عينيه فصاح فى الامام
    - استغفر يازول.. لاتقتله..
    - قتله الله ..العبد الزنيم
    - الله وفره وانت تريد قتله!
    - اذا عجز ملك الموت عن قبض روحه سأفعل انا نيابة عنه.
    خرجت انا من الغرفة ولم اعد اعرف ماحدث بعد ذلك. وكل ماسمعته وعرفته ليس سوى اقوال وافادات الشهود وسنوافيكم بكل ذلك فى حينه.

    والسلام عليكم
    منعم الجزولى



    هل هناك ابداعا اجمل من هذا؟!!!
    أصدقونى القول!

    منعم يا ايها العزيز اننا نحفل بك ونحتاج اضافاتك وكتاباتك
    فهلا وهلا؟
                       |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-10-2004, 05:04 AM

Hussein Mallasi
<aHussein Mallasi
تاريخ التسجيل: 09-28-2003
مجموع المشاركات: 26190

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الى جازلوت.......شمعة لحين عودتكم المنتظرة (Re: bayan)

    بل شمعتان .....
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-10-2004, 03:42 PM

Ali Alhalawi

تاريخ التسجيل: 02-10-2004
مجموع المشاركات: 1467

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الى جازلوت.......شمعة لحين عودتكم المنتظرة (Re: Hussein Mallasi)


    بل مائة شمعة يا بن ملاسى .. واحدة لك و الأخرى لبيان صاحبة البيان و لنضئ البقية حتى يرى منعم كيف نتشوق و تحتفل لإطلالته البهية .. ما أتعسنى حين تنكرت فى زى شاعر و ولجت مدرستكم الخنفشارية و وجدت "لا يوجد أحد" لا صاحبتها ولا هذا الذى أذهلنى بعبقريته فى التصوير .. أعجبت بكل هؤلاء "الواحدين" و هم يقدلون فى عهد ما بعد الخنفشاريته .. أظنها كراعى كانت تشكو من الحمى أم حر فلا أتى إيهاب و قال بغم أو إبن منتال .. لا ضر فأنا الآن فى طريقى لدفن كراعى فى فريزر التلاجة حتى لا تشكو الخواء و أمدها بعيدا متعديا حدود لحافى و أوهطها وسط ساحة الطابور عساها تحث الغائب للحضور

    شكرا بيان .. شكرا ملاسى و ها أنا أطلق جـعيرتى عاليا معكم .. يا مـنعم تعال سكت الجهال و لو ما جيت حا أوسط ليك مصطفى و منى
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-10-2004, 05:49 PM

bayan
<abayan
تاريخ التسجيل: 06-13-2003
مجموع المشاركات: 15417

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الى جازلوت.......شمعة لحين عودتكم المنتظرة (Re: Ali Alhalawi)

    الحلاوى
    يا ايها البهى
    سعدنا بهديتك وطلتك
    يلا بالله لازم تتداوم على الحضور
    لمدرسة الخنفشاربا

    يا منعم لازم تجى عشان ما يكلمو ليك مصطفى ومنى
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-11-2004, 08:45 AM

bayan
<abayan
تاريخ التسجيل: 06-13-2003
مجموع المشاركات: 15417

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الى جازلوت.......شمعة لحين عودتكم المنتظرة (Re: bayan)

    ومازلت يا صديقى احمل الشمعة
    فهلا من عودة
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-11-2004, 10:59 AM

فتحي الصديق
<aفتحي الصديق
تاريخ التسجيل: 06-17-2003
مجموع المشاركات: 6022

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الى جازلوت.......شمعة لحين عودتكم المنتظرة (Re: bayan)

    ومعك انادي يا دكتورة
    ارجع يا رجل يا ظريف..كثيرون ينتظرون عودتك.
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-11-2004, 01:17 PM

جورج بنيوتي

تاريخ التسجيل: 01-14-2004
مجموع المشاركات: 1154

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الى جازلوت.......شمعة لحين عودتكم المنتظرة (Re: فتحي الصديق)

    وإلى حين...

    أتحفينا بما لديكما
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-11-2004, 01:27 PM

bayan
<abayan
تاريخ التسجيل: 06-13-2003
مجموع المشاركات: 15417

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الى جازلوت.......شمعة لحين عودتكم المنتظرة (Re: جورج بنيوتي)

    Quote: اتصلت بى احدى المأفونات على الماسنجر وامرتنى بالابتعاد عن اسوار القصص لانها كما قالت منطقة خنفشارية ممنوع الاقتراب او التصوير ولما كنت ولدا مؤدبا مطيعا لا اخالف القانون فها ان ابتعد عائدا الى منافى الغناء مرة اخرى

    (بداية)

    ساحبنى لى وين يازمن,
    سايقنى للجزار,
    ورا الشهوات,
    تتاوق فينى.... تفحصنى البنيات العمن.
    امرق وراك,
    افضح عراك,
    القاك براك,
    يقدل وراك,
    ضلك.. ختام الانجعاص.
    تلفحنى بى ايدك,
    ضراعك مدفع المكسيم,
    صويبعاتك رصاص.
    واتوسد احلامى واموت.
    عديتها صيغة منتهى التابوت.
    وخليتن وراى حيط البيوت,
    مشوار ازاى,
    خطوة حزاى,
    يافقرى..لاتعذب عزاى.
    الخيمة جاهزة,
    سؤالك الشاقيك,
    نكيرك ياعبد راجيك,
    غلاطك مابخارجك,
    وين فصاحتك ديك.

    (نهاية)

    وحاتك يااله المعدمين متمحنين فى السهلة لاضل لاضرا.
    ياقدر ماحاولت امرق من انوف الزمة,
    تشفطنى المخاخيط لى ورا.
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-11-2004, 01:34 PM

bayan
<abayan
تاريخ التسجيل: 06-13-2003
مجموع المشاركات: 15417

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الى جازلوت.......شمعة لحين عودتكم المنتظرة (Re: bayan)

    العزيز بنيوتى
    سعداء بزيارتك
    لعوالم الخنفشارية وما بعد الحداسة
    هذه المنطقة بها كثير من الخطورة
    ولكن سعداء لشجاعتكم

    نتمنى ان نكون عند حسن الظن
    كنا سندعوك للمشاركة معنا ولكن نخشى عليك
    من حروب الخنفشاربة
    واعلم اننا نتابع كتاباتك بكثير من الاعجاب والتقدير
    نعاود الشكر
    لمحاولة ارجاع صديقنا وشيخنا عبدالمنعم الجزولى
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-11-2004, 01:41 PM

bayan
<abayan
تاريخ التسجيل: 06-13-2003
مجموع المشاركات: 15417

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الى جازلوت.......شمعة لحين عودتكم المنتظرة (Re: bayan)

    الاخ العزيز فتحى
    سعداء دائما بحضورك الجميل
    فلا تتغيب

    ومن هنا نهيب بكل الخنفشارين

    ابن منتال
    ايهاب
    ود نفاش
    احمد بابكر
    و هوبفول
    ابوقوتة
    الاصدقاء السرين و العلنين
    مساعدتنا فى ان تكون هذه الشمعة مضيئة
    لحين عودة صديقنا وحبيبنا الجزولى
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-11-2004, 05:57 PM

mustafa mudathir
<amustafa mudathir
تاريخ التسجيل: 10-11-2002
مجموع المشاركات: 3322

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الى جازلوت.......شمعة لحين عودتكم المنتظرة (Re: bayan)

    طبعا أنا ما ناقش فكرة البوست دا لأني قليلا ما أجد الوقت لذلك ما ح أعرف
    أتوسط عند الجزالوت!
    الخنفشارية ذاتها ما عارفها شنو!
    لكن طبعا جزالوت ضليع جدا في الكتابة غير المواربة.
    Talk to you later
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-12-2004, 03:42 AM

Gazaloat
<aGazaloat
تاريخ التسجيل: 05-14-2003
مجموع المشاركات: 891

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الى جازلوت.......شمعة لحين عودتكم المنتظرة (Re: mustafa mudathir)

    الشقيقة الحبيبة بيان
    وكافة سكان هذا البوست وزوارهم واقرباءهم واصهارهم ومعارفهم بالمسيكتاب والخرطوم والارجنتين واسترالياوكل الدول الكبرى والصغرى
    ارجو ان اوضح الآتى:-

    سابعا: لم يعد فى العمر بقية ابعزقها بين البوردات فآثرت ان انفق وقتى فى متابعة اخبار انتفاضة الفلوجة ومعالجة جرح ظهر هكذا فجأة فى اصبع قدمى اليمنى نتيجة لتنفس داء السكرى وان بقى لى عمر بعد ذلك فسأستثمره ان شاء الله فى الشكوى من جور الزمن.

    حادى عشر: شكرا لسؤالكم عنا وان كنت لا أزال أراه مضيعة لوقتكم

    أولا : اهديكم هذا النص( بضم النون) من انصاص مابعد الخنفشارية الجديدة وارجو ملاحظة ان العنوان والعنوان الجانبى والرقم المصاحب له كلها لاعلاقة لها بأى شئ وهى ليست سوى ديكور لتجميل الامر وجعله يبدو وكأنه شغل مثقفاتية
    والسلام ختام
    منعم الجزولى

    أزقــــــــــة

    (1)زقاق ملتوى

    عندما خرج ليتبول فى الزقاق كعادته، لم يجد مكانا خاليا، فقد كانت كل الأماكن الصالحة للتبول مشغولة بجماهير المتبولين.
    قطع الزقاق جيئة وذهابا مرتين، عسى ان يخلى احدهم مكانا له. ولكن التبول كان ابديا، والمتبولون لاينقطع سيل بولهم، ولايخفت خريره عند نقطة التقاءه بالارض.
    تجنب دعوة (عمر البطل) له ليتبول فى المساحة الضيقة جدا بين موقع تبول (البطل) وباب الحديد فى حائط منزل الحاجة (لبودة شندقاوى) او (لبودة الداية) كما يسمونها. ورغما عن ان (لبودة) ليست داية قانونية، الا ان زبوناتها كن اكثر من جملة زبائن دار الرياضة، وقد تخصصت (حاجة لبودة) فى اعادة ما انهتك من أغشية البنات قبل الزواج وتضييق ما اتسع من فروجهن بعده!!
    كان يعلم ان (البطل) لن يكتف بالتفرج على قضيبه الملتوى الى اعلى ، بل سيمسك به محاولا اعادته قسراالى استواء القضبان. اعتذر له برفق مستقيم حيث ان (البطل) لايحب الكلام الملتوى. كان بطبعه يكره الالتواء فى اى شئ.
    (عمر البطل) كان يشكل فى اوائل الستينات فريقا غنائيا مع (دفع الله ودبتول) وكان الناس يعرفونهما باسم (ثنائى العوجة) حيث قدما الى المدينة من قرية (ود العوجة) ريفى (صندقة). وظلا يمارسان الغناء فى الافراح والنواح فى الاتراح حتى مات ( ود بتول ) نتيجة تسمم كحولى.
    اعتذر مبتعدا عن دعوة (بخيتة) المكشوفة. كعادتها كانت( بخيتة) تتبول واقفة عند طرف برميل الزبالة. (بخيتة) كانت تنافس الرجال فى القاء بولها مباشرة على بعد متر ونصف امامها. ومن فجورها فقد افتت بان زواج (عشة اللبوة) من (قسم البارى) التفشكى حلال، رغم ان (عشة) كانت و لاتزال فى عصمة ( بانقا) النجار!! بل وافتت بامكانية زواج (ويصا عبد المسيح) من (فاطمة) الفلاتية مدعية ان الله قال فى محكم تنزيله" الرجل مايعيبه سوى جيبه ".
    مع ارتفاع رائحة النشادر النفاذة، وكل تلك الظهور ذات الالوان والاحجام المتنوعة، تذكر مشهدا قديما لفيلم هندى سخيف.
    دخل احدهم من طرف الزقاق فوق دراجة سوداء تتقدمه عينان زائغتان وحركة ارجل مترددة على بدال الدراجة, وظل يرمق ظهور المتبولين ظهرا فظهرا، حتى توقف شبه متردد خلف (صالح بابتوت) عند باب الزنك القديم والذى كان كعادته عند التبول يجلس فاردا جلبابه الفاقع الصفرة خلفه ودالقا عمامته باسترخاء خلفه كاشفا عن طاقية خضراء تغطى بعضا من رأسه الاصلع. دار حديث قصير بينهما.. الغريب فوق دراجته مستعدا للهروب فى اية لحظة، و(بابتوت) لاينقطع خرير بوله، ثم تبادلا شيئا.. لفافة بنقود او العكس، لتنطلق الدراجة وتختفى عند التواء الزقاق.
    حدثـت المعجزة، هكذا فجأة ، وبدو، مقدمات. حيث ترجل (تور الفجة) من جواد بوله، فشغر مكان. أسرع ليحتله ويفك ضائقته، ولكن حضرة المدير خرج من الباب المجاور مباشرة ولم يتردد لحظة فى الاستيلاء على المكان الخالى واطلق لبوله العنان.
    لعن المدير والمديرين والوزراء وكافة المسؤلين . أى مدير هذا الذى يقف بسرواله الازرق وقميصه الناصع البياض، ليتبول هكذا علنا؟ ربما لم يكن مديرا حقيقيا فى السكة الحديد..ظن لوهلة انه قد يكون مديرا لبقالة او لمخبز او اى شئ آخر ولكنه بالقطع ليس مديرا فى الحكومة.
    (ست ابوها)، ابنة خالة ابناء عمه، خطف حياتها قطار شارد جهات السافل، كان هذا منذ زمن بعيد، ولايذكر ان كان ذلك فى المحمية ام فى الدامر. لعن القطارات المتوقفة والمتحركة فى كافة ارجاء المعمورة.
    تحرك(عثمان ابنعوف) اثناء تبوله جهة اليمين قليلا، فظنه سيغادر المكان، وتأهب لاغتنام الفرصة، متحفزا حتى ان بعضا من قطرات البول قد بدأت بالفعل فى الخروج من مكمنها. امسك نفسه بقوة، فقد أحس بان سرواله قد تبلل قليلا. ولكن (ابنعوف) لم يزد على تلك الحركة. لعنة الله عليك.. أجئت لتتبول ام لترقص.
    يقولون ان (ابنعوف) يتاجر فى الزئبق الاحمر.لابد انه قد جمع ثروة كبيرة. لعنة الله عليك. لماذا لاتبنى لنفسك مبولة خاصة وتترك لنا مجالا فى زقاقنا هذا؟
    عندما تحرك (زكريا الاشول) من مكانه وراح يعيد هندمة نفسه معلنا انتهاءه من عملية التبول، هرول نحو المكان لايلوى على شئ، وقد بلغ البول الذبى. ولكن (زكريا)، ولسبب لا يعلمه احد، قرر العودة لمواصلة تبوله فى نفس المكان. وعندها لم يستطع (قسم السيد) التحمل اكثر من ذلك . لقد تبول فى ملابسه الرسمية!! كان ( قسم السيد) شرطيا سريا، والجلباب الابيض مكون اساسى لزيه الرسمى.
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-12-2004, 06:39 AM

mustafa mudathir
<amustafa mudathir
تاريخ التسجيل: 10-11-2002
مجموع المشاركات: 3322

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الى جازلوت.......شمعة لحين عودتكم المنتظرة (Re: Gazaloat)

    وقد بلغ البول الذبى!
    بوح أم ايحاء ياربي
    انت يابيان ياختي دحين الزول بتاع المشاكل بيكون شكله كيف؟
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-12-2004, 03:17 PM

Hussein Mallasi
<aHussein Mallasi
تاريخ التسجيل: 09-28-2003
مجموع المشاركات: 26190

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الى جازلوت.......شمعة لحين عودتكم المنتظرة (Re: mustafa mudathir)

    يا منعم ياخي شهيتنا البول ,,,

    لا حرمنا الله و اياكم من نعمة التبول ,,,,,
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-12-2004, 04:57 PM

bayan
<abayan
تاريخ التسجيل: 06-13-2003
مجموع المشاركات: 15417

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الى جازلوت.......شمعة لحين عودتكم المنتظرة (Re: Hussein Mallasi)

    منعم العظيم عدت والعود ابول
    والله غايتو الله يديك العافية ويتم عليك عافيتك
    عشان ما تقضى عمرك فى الشكية

    Quote: انت يابيان ياختي دحين الزول بتاع المشاكل بيكون شكله كيف؟


    بيكون قصير وحليونى واولو عبدالمنعم الجزولى
    بالامارة عنده جرح سكرى.. واكبر كتاب فى السودان
    اها عرفتو يا مصطفى؟
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-13-2004, 06:56 AM

bayan
<abayan
تاريخ التسجيل: 06-13-2003
مجموع المشاركات: 15417

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الى جازلوت.......شمعة لحين عودتكم المنتظرة (Re: bayan)

    *
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-13-2004, 04:01 PM

Hussein Mallasi
<aHussein Mallasi
تاريخ التسجيل: 09-28-2003
مجموع المشاركات: 26190

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الى جازلوت.......شمعة لحين عودتكم المنتظرة (Re: bayan)

    يرفع لامتاع من فاته الدخول ,,,,,
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-13-2004, 07:36 PM

Hussein Mallasi
<aHussein Mallasi
تاريخ التسجيل: 09-28-2003
مجموع المشاركات: 26190

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الى جازلوت.......شمعة لحين عودتكم المنتظرة (Re: bayan)

    و هل يصلح العطار ما افسدة الدهر يا حاجة ؟؟
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-15-2004, 03:09 PM

bayan
<abayan
تاريخ التسجيل: 06-13-2003
مجموع المشاركات: 15417

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الى جازلوت.......شمعة لحين عودتكم المنتظرة (Re: Hussein Mallasi)

    ود العم
    كيفك
    ايه الالغام دى


    وانا ايضا معجبة بملاسى (الاب) وفقهاء النت وعلماء البردبة
    والكسحاء وآكلى السحت الثقافى وأذنابهم االى يوم الدين
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-22-2004, 04:22 PM

Hussein Mallasi
<aHussein Mallasi
تاريخ التسجيل: 09-28-2003
مجموع المشاركات: 26190

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الى جازلوت.......شمعة لحين عودتكم المنتظرة (Re: bayan)

    يرفع لحين كتابة جازلوت قصة اخرى
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-14-2004, 00:17 AM

طيفور
<aطيفور
تاريخ التسجيل: 08-17-2002
مجموع المشاركات: 1666

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الى جازلوت.......شمعة لحين عودتكم المنتظرة (Re: bayan)


    هاهاهاهاهاهاهاها

    تصدقو.. لي كمين يوم ينطط البوست دا قدامي
    وانا اتزاوغ منو لاني ماعارف الموضوع شنو من اساسو
    الليله غايتو عشرق لي عديل اتوكلت ودخلت
    والحين بعد بلغ البول الذبى ياني الحاجز
    وخاتي درابتي في الصف


    يا ملاسي ما تزح لي جنبك ياخي

                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-14-2004, 08:27 AM

bayan
<abayan
تاريخ التسجيل: 06-13-2003
مجموع المشاركات: 15417

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الى جازلوت.......شمعة لحين عودتكم المنتظرة (Re: طيفور)

    الاحباء
    والله انقطعت(عاملة فى زول هببو لى) عشان فى صاقعة وقعت جنب بيتنا قطعت الكهرباء وشغلت الالرمات بتاعة البيوت والعربات
    وحرقت الموديم .. البورد دا فيهو فقرى عديل كدا يلحوقنا وينجدونا

    قلتا لى شنو يا عثفير تحثبو لعب.. دا منعم الجزولى والاجر على الله
    اميز كاتب ثودانى.. واذكاهم عى الاطلاق بث يبطل الدغالة
    واالبخل.. ويكتب لينا..
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-15-2004, 02:48 AM

Gazaloat
<aGazaloat
تاريخ التسجيل: 05-14-2003
مجموع المشاركات: 891

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الى جازلوت.......شمعة لحين عودتكم المنتظرة (Re: bayan)

    الشقيقة الحبيبة بيان.
    وكافة كتائب عزالدين القسام فى هذا البوست، والبوستات المجاورة.

    أدركت الآن فقط السبب الذى دفعهم/ يدفعهم الى سبك و(شتمك) والاساءة اليك بأقبح النعوت، سرا وعلانية. فلقد تجاوزت الخط الاحمر!! ذلك الخط الذى لايسمح بإبداءالاعجاب بأى شئ فى الدنيا مالم يكن مصحوبا بتأكيد الاعجاب بالكسحاء وجمهورهم. والكسحاء كلمة تشمل آكلى السحت الثقافى وأذنابهم والغاوين والعاملين عليه!! والميتة والدم ولحم الخنزير.

    فان لم تحتو وصيتك الاعجابية، صراحة او ضمنا، على فضل قول يشملهم/ن بالاصالة او بالوكالة، فانت هالكة فى الدنيا وملعونة فى الاخرة ويحل لهم/ن ان يهدموا/ن المعبد فوقك، وان يوجهوا/ن كل (ريموتات) العالم السفلى نحوك، وان يفتحوا/ن عليك خزائن الادب(خانة) وبوابات الجحيم، لانك وببساطة قد فارقت الملة وخالفت اجماع امة الكسحاء وانكرت ماعرف من السفه بالضرورة. فتأملى.

    ولذلك انصحك ياابنة امى وابى بما نصحنى به فقاء (النت) وعلماء (البردبة) - والبردبة يراد بها علم البوردات وبوستاتها- انك كلما ذكرت اعجابك بشئ فى هذه الفانية، وجب عليك، ضربة لازب، ان تممدى خطوط اعجابك لتشمل بعضا منهم/ن، كأن تقولى، يارحمة الله عليك، (أنا أحب ملاح الرجلة وجمهور الكسحاء وآكلى السحت الثقافى وأذنابهم والغاوين و...الخ)

    أو كمثال آخر ( انا متيمة بأغنيات "ابوعبيدة حسن" والكسحاء واكلى السحت الثقافى واذنابهم ..الخ)

    أو ( أنا معجبة بأداء مهاجم المريخ الشهير "جلاها الاحوص" والكسحاء واكلى السحت الثقافى..الخ)

    هل ادركت سر اللعبة!؟

    يامصطفى
    بصراحة شديدة انا رايحة لى شكلة!! ورغم انهم نصحونى بان لاتؤجل شكل اليوم الى الغد الا اننى لم انتصح، وانا هكذا دائما،وكما تعرف، لا استبين النصح الا ضحى الغد.متحجج ابدا بالمشغوليات والسعى وراء الارزاق، حتى فاض الكيل ف (بلغ البول الذبى)

    (اراقب) بتحفز مايجرى فى بوستك عن دور (الادب)فى الحياة، وانتظر الحديث عن دور (قلة الادب).

    ملاسى... (عطار) فى عينك!! انا دقيت "الدوس"!! انت دقيت منو؟ وان لم تكن تعرف من هو "الدوس" فأسأل خالك "شوقى بدرى".

    طيفور اخوى...هازول، خير لك ان تتبرع ب (درابتك) دعما للانتفاضة الفلسطينية، بدلا عن جلوسك فى بوستنا العاطل هذا، فوالله انك لمضيع وقتك كما ضيع "ود ام زقدة" وقته يشرح امره للناس، وأسأل مصطفى مدثر يخبرك من هو ود ام زقدة.

    والتحيات لله

    العبد العاطل الى نفسه
    والفقير الى مولاه
    منعم....
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-15-2004, 01:08 PM

Ali Alhalawi

تاريخ التسجيل: 02-10-2004
مجموع المشاركات: 1467

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الى جازلوت.......شمعة لحين عودتكم المنتظرة (Re: Gazaloat)


    انا معجب بمنعم و بيان وفقهاء النت وعلماء البردبة والكسحاء واكلى السحت الثقافى واذنابهم و البول حين يبلغ الذبى
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-15-2004, 02:11 PM

sadda

تاريخ التسجيل: 02-17-2002
مجموع المشاركات: 287

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الى جازلوت.......شمعة لحين عودتكم المنتظرة (Re: bayan)

    سلام
    ورغم تشجيعي ألا مندس لكتائب شهداء الاقصى لكن لاباس من تحالف تكتيكي لمعركة خنفشارية لا تلوي علي شيْء , والتحالف تحت شعار وعلي طريقة ياغرق يا جيت حازما
    وتحالف الانصاص يا سادتي ليس بجديد(فهو من زمن قفا نبكي)وللشرح قفا حي من احياء الجزيرة ابا,المهم اي زول يساهم بنصو الحلو,والنص المر يضربو بليل ويشاكل شكلو
    اها النص ادناه مقرون مع نص سعدية الساكنة كرتون كسلا ينتظر النقد الخنفشاري الماخمج وهو في الاصل معنون للبت الزي قرطاس السكر
    يا سيد طبلون الروح وفي ايدك كل التيار
    مسكني السلك الارضي وصل لقلبي النار
    ..................
    .................
    خليني اضوي ي ي ي
    اها لو عجب اصحاب الفخامة اصحاب الوقار بنتمو قزازة
    سلام
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-15-2004, 02:53 PM

Ali Alhalawi

تاريخ التسجيل: 02-10-2004
مجموع المشاركات: 1467

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الى جازلوت.......شمعة لحين عودتكم المنتظرة (Re: sadda)

    sadda

    Quote: يا سيد طبلون الروح وفي ايدك كل التيار
    مسكني السلك الارضي وصل لقلبي النار


    سألتك بالنص التحتاتى أكان ما تميتها جركان
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-15-2004, 03:02 PM

bayan
<abayan
تاريخ التسجيل: 06-13-2003
مجموع المشاركات: 15417

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الى جازلوت.......شمعة لحين عودتكم المنتظرة (Re: sadda)

    صدى دا ما نص دا ربع

    اوعى من الحروب الخنفشارية التى لا تلوى على شئ لانها بتختك فى
    فى البلاك لست وتبقى من المطاريد ذينا كدا

    واسمح لى اقوليك بكل صدق
    وانا ايضا معجبة بصدى وفقهاء النت وعلماء البردبة
    والكسحاء وآكلى السحت الثقافى وأذنابهم االى يوم الدين


    ومنتظرين القزازة
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-15-2004, 09:28 PM

bayan
<abayan
تاريخ التسجيل: 06-13-2003
مجموع المشاركات: 15417

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الى جازلوت.......شمعة لحين عودتكم المنتظرة (Re: bayan)

    يرفع
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-16-2004, 06:52 PM

bayan
<abayan
تاريخ التسجيل: 06-13-2003
مجموع المشاركات: 15417

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الى جازلوت.......شمعة لحين عودتكم المنتظرة (Re: bayan)

    &
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-16-2004, 11:22 PM

Hussein Mallasi
<aHussein Mallasi
تاريخ التسجيل: 09-28-2003
مجموع المشاركات: 26190

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الى جازلوت.......شمعة لحين عودتكم المنتظرة (Re: bayan)

    يرفع لكل من فاته ان يحجز في الصف ..
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-18-2004, 05:41 PM

Hussein Mallasi
<aHussein Mallasi
تاريخ التسجيل: 09-28-2003
مجموع المشاركات: 26190

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الى جازلوت.......شمعة لحين عودتكم المنتظرة (Re: Hussein Mallasi)

    يرفع ....

    اكراما لروح الحاجة الراحلة بقدر ما أعطت و أنجزت ....






    رحمها الله رحمة واسعة
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-18-2004, 08:16 PM

سارة منصور


للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الى جازلوت.......شمعة لحين عودتكم المنتظرة (Re: bayan)

    يرفع فوق لانه موضوع رائع والدكتورة بيان ابدعت فيه ..
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-18-2004, 08:37 PM

mustafa mudathir
<amustafa mudathir
تاريخ التسجيل: 10-11-2002
مجموع المشاركات: 3322

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الى جازلوت.......شمعة لحين عودتكم المنتظرة (Re: bayan)

    بينونة!
    أنا قصدتك انت لما سألتك بتاع المشاكل شكله كيف.
    فاما ترسلي لي صورة أو ترسلي لي صورة. عبدالمنعم عارفو صلع
    وااااايد و السكري مغلبه!!!
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-19-2004, 02:06 AM

سارة منصور


للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الى جازلوت.......شمعة لحين عودتكم المنتظرة (Re: bayan)

    فوق ..
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-19-2004, 05:54 AM

عشة بت فاطنة
<aعشة بت فاطنة
تاريخ التسجيل: 01-06-2003
مجموع المشاركات: 4572

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الى جازلوت.......شمعة لحين عودتكم المنتظرة (Re: سارة منصور)

    لووووووووووووووووول يا سكان البوست العالي زقاقتكم ما عينة ، والله من زمان كان عارفة الخنفشارية فيها جنس الزبى دا ، كان بالغتكم من اول زقاق ، وبالله سجلوني معاكم في عالمك الزقاقي لو بعرف ادخل غنا كان اهديتكم شل شل كب لي جالون والطلمبة هديك وكدا ، ايوة وصلت عارفة.
    قت لي شنويا جزلزتي لبودة شغالة ميكانيك سمكرة ولحام ، غايتو اديكم العافية وراجعين ورا الزقاق .بس ما يسو ليما كشة ..
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-19-2004, 01:09 PM

Ali Alhalawi

تاريخ التسجيل: 02-10-2004
مجموع المشاركات: 1467

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الى جازلوت.......شمعة لحين عودتكم المنتظرة (Re: عشة بت فاطنة)

    بيان .. أستأذنك فى نقل زقاق منعم ببوله و بيبوله {its people) الى موقعه الخنفشارى الصحيح .. هناك فى المدرسة الحنفشارية
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-20-2004, 02:25 PM

Hussein Mallasi
<aHussein Mallasi
تاريخ التسجيل: 09-28-2003
مجموع المشاركات: 26190

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الى جازلوت.......شمعة لحين عودتكم المنتظرة (Re: Ali Alhalawi)

    دا كلام دا يا عشة ....

    لبودة كدا حاف من غير لقب ... لازم تقولي الحاجة لبودة .....





    رحمها الله رحمة واسعة





    سواء كانت متوفاة ام على قيد الحياة ....
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-21-2004, 01:49 AM

Gazaloat
<aGazaloat
تاريخ التسجيل: 05-14-2003
مجموع المشاركات: 891

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الى جازلوت.......شمعة لحين عودتكم المنتظرة (Re: Hussein Mallasi)

    ياحسين
    لام الاسم يكون ثلاثى
    الحاجة لبودة الداية

    منعم
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-21-2004, 09:29 PM

Hussein Mallasi
<aHussein Mallasi
تاريخ التسجيل: 09-28-2003
مجموع المشاركات: 26190

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الى جازلوت.......شمعة لحين عودتكم المنتظرة (Re: Ali Alhalawi)

    يا حلاوي انت خنفشاري اصيل و الخنفشاري الاصيل لا يلزمه الاستئذان

    انقل ما بدا لك اينما اردت فمثلك لا يستأذن - و ذلك بعد اذنك يا بيان -
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de